№ 131 2016-жылдын 21–июлунда өткөрүлгөн Жалал-Абад облусунун Кара-Көл шаарынын мэрин шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө

Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 8-июлундагы № 124 токтому менен 2016-жылдын 21-июлуна дайындалган Жалал-Абад облусунун Кара-Көл шаарынын мэрин шайлоо боюнча Кара-Көл аймактык шайлоо комиссиясынан түшкөн добуш берүүнүн жыйынтыктары жана шайлоонун натыйжалары тууралуу протоколдорунун, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7-беренесинин, “Жергиликтүү өз алдынча башкаруу жөнүндө” Кыргыз Республикасынын Мыйзамынын 43-беренесинин негизинде, Кыргыз Республикасынын Шайлоо жана референдум өткөрүү боюнча борбордук комиссиясы

 

ТОКТОМ КЫЛАТ:

 

1.  Жалал-Абад облусунун Кара-Көл шаарынын мэрин шайлоо өттү деп табылсын.

1.1. Кара-Көл аймактык шайлоо комиссиясынын Кара-Көл шаарынын мэрин шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

1.2. Жалал-Абад облусунун Кара-Көл шаарынын шайланган мэри болуп Еркеев Ильяз Марсович таанылсын.

2. Жалал-Абад облусунун Кара-Көл шаарынын шайланган мэрине белгиленген үлгүдөгү күбөлүк берилсин.

3. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А. Г. Бекматовго жүктөлсүн.

 

 ТӨРАГА                                                         Н. ШАЙЛДАБЕКОВА

                                                   

Бишкек ш., 2016-жылдын 28 - июлу

№ 131