“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын Конституциялык мыйзамынын 10-беренесин, “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын мыйзамынын 7-беренесинин 1-бөлүгүнүн 2, 21-пункттарын жетекчиликке алып, Кыргыз Республикасынын Президентин шайлоодо эл арлык байкоочулардын ишинин тартибин аныктоо максатында, Кыргыз Республикасынын Шайлоо жана референдум өткөрүү боюнча Борбордук комиссиясы,
ТОКТОМ КЫЛАТ
1. “2011-жылдын 30-октябрында Кыргыз Республикасынын Президентин шайлоодо эл аралык (чет элдик) байкоочулардын ишинин тартиби, статусу жана ыйгарым укуктары жөнүндө” Жобо бекитилсин (№ 1 тиркеме).
2. Эл аралык (чет элдик) байкоочуну аккредиттөөгө арыздын үлгүсү бекитилсин (№ 2 тиркеме).
3. Бул токтом Кыргыз Республикасынын Тышкы иштер министрлигине жөнөтүлсүн.
4. Бул токтомдун аткарылышын котролдоо Кыргыз Республикасынын Шайлоо жана референдум өткөрүү боюнча Борбордук комиссиясынын төрагасынын орун басары Г.К. Журабаевага жүктөлсүн.
Төрага Т. Абдраимов
Бишкек ш., 2011-жылдын 11-июлу
№14
Кыргыз Республикасынын
шайлоо жана референдум
өткөрүү боюнча
Борбордук комиссиясынын
2011-жылдын 11-июлундагы
№ 14 токтомуна №1 тиркеме
2011-жылдын 30-октябрында Кыргыз Республикасынын Президентин шайлоодо эл аралык (чет элдик) байкоочулардын иш-аракеттеринин, статусунун жана ыйгарым укуктарынын тартиби жөнүндө
ЖОБО
- Жалпы жоболор
- Эл аралык байкоочуларды чакыруунун тартиби
- Аккредиттөөнүн тартиби
- Эл аралык байкоочулардын ыйгарым укуктары жана иш аракеттеринин тартиби
- Чет элдик журналисттер
Ушул жобо “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын, шайлоолорду уюштуруу жана өткөрүү, эл аралык шайлоо стандарттары жаатында эл аралык укуктун жалпыга таанылган принциптерин жана ченемдерин эске алуу менен Кыргыз Республикасынын эл аралык келишимдеринин негизинде даярдалды.
Ушул Жобо Кыргыз Республикасынын Президентин шайлоону өткөрүүдө байкоочулар тобу, ошондой эле байкоочулар боюнча эл аралык миссиянын курамында болгон өз алдынча байкоо жүргүзүүнү жүзөгө ашырган эл аралык байкоочулардын статусунун жана ыйгарым укуктарынын тартибин аныктайт.
- 1. Жалпы жоболор
1.1. Кыргыз Республикасындагы шайлоону даярдоого жана өткөрүүгө байкоо жүргүзүү укугуна ээ болгон адам, чет өлкөлүк же эл аралык уюмдун өкүлү мыйзамда белгиленген тартипке ылайык эл аралык байкоочу болуп саналат.
1.2. Кыргыз Республикасында шайлоолорду даярдоо жана өткөрүүгө көзөмөл жүргүзүүгө ушул мыйзам менен билгеленген тартипте укугу бар чет өлкөлүк же эл аралык уюмдун Кыргыз Республикасынын жараны болуп саналбаган өкүлү эл аралык байкоочу боло алат.
2. Эл аралык байкоочуларды чакыруу тартиби
2.1. Эл аралык байкоочулар Кыргыз Республикасынын аймагына кирүүгө мыйзамда белгиленген тартипте уруксат алышат жана тийиштүү чакыруусу жана ушул Жобонун 3-пунктунда көрсөтүлгөн документтер болсо, Кыргыз Республикасынын шайлоо жана референдум өткөрүү боюнча Борбордук комиссиясы (мындан ары Борбордук шайлоо комиссиясы) тарабынан аккредиттештирилет.
2.2. Чакыруу шайлоо өткөрүү жөнүндө чечим расмий жарыялангандан кийин Кыргыз Республикасынын Президенти, Кыргыз Республикасынын Өкмөтү, Кыргыз Республикасынын Жогорку Кеңеши, Кыргыз Республикасынын Борбордук шайлоо комиссиясы тарабынан жөнөтүлүшү мүмкүн.
2.3. Чакырууларды жөнөтүү жөнүндө сунуштарды шайлоо мыйзамдары жана шайлоолор боюнча адистешкен, адам укуктарын коргоо жагынан таанылган кадыр-баркы бар эл аралык жана улуттук, коммерциялык эмес уюмдар бере алат.
2.4. Борбордук шайлоо комиссиясы чакырууларды чет өлкөлөрдүн борбордук шайлоо органдарына, ошондой эле шайлоо мыйзамдары жана шайлоо маселелери боюнча адистешкен эл аралык уюмдарга жөнөтөт.
2.5. Чакыруулар Кыргыз Республикасынын Тышкы иштер министрлиги аркылуу жөнөтүлөт.
3. Аккредиттештирүү тартиби
3.1. Аккредиттелиш үчүн чакыруу алган чет элдик жана эл аралык уюмдар Кыргыз Республикасынын Тышкы иштер министрлигине эл аралык байкоочу сапатында аккредитөө арызын, өзүнүн өкүлдөрүнүн тизмесин, ошондой эле инсандыгын тастыктаган документтердин көчүрмөсүн тапшырышат.
3.2. Кыргыз Республикасынын тышкы иштер министрлиги аккредиттөө үчүн келип түшкөн документтерди текшергенден кийин Борбордук шайлоо комиссиясына жиберет.
3.3. Чет элдик жана эл аралык уюмдардын өкүлдөрү Борбордук шайлоо комиссиясы тарабынан аккредиттелишет.
3.4. Кыргыз Республикасынын Борбордук шайлоо комиссиясы аккредиттелген адамга эл аралык байкоочунун белгиленген үлгүдөгү күбөлүгүн берет же жүйөлөп аккредиттештирүүдөн баш тартат.
3.5. Күбөлүк эл аралык байкоочуга ушул берененин 3.7 пунктунда көрсөтүлгөн мезгилдеги өз иш аракетин жүзөгө ашырууга укук берет.
3.6. Эл аралык байкоочуларды аккредиттештирүү добуш берүү күнүнө 30 күн калганда башталат жана шайлоо күнүнө 3 күн калганда бүтөт.
3.7. Эл аралык байкоочунун ыйгарым укуктарынын мөөнөтү Кыргыз Республикасынын Борбордук шайлоо комиссиясында аккредиттештирилген күндөн тартып башталат жана шайлоонун жалпы натыйжалары расмий жарыяланган күнү аяктайт.
4. Эл аралык байкоочулардын ыйгарым укуктары жана иш-аракеттеринин тартиби
4.1. Эл аралык байкоочулардын иш-аракеттери шайлоо мыйзамдары менен жөнгө салынат.
4.2. Эл аралык байкоочунун иш-аракетин материалдык-финансылык жактан камсыз кылуу байкоочуну жөнөткөн тараптын каражатынын эсебинен же анын өзүнүн каражатынын эсебинен жүргүзүлөт.
4.3. Эл аралык байкоочу Кыргыз Республикасынын бардык деңгээлдеги шайлоо комиссияларында жана мамлекеттик бийлик органдарында, ошондой эле башка мамлекеттик органдарда, жергиликтүү өз алдынча башкаруу органдарында болгондо, эл аралык байкоочу катары анын ким экендигин тастыктаган ага берилген күбөлүктү алып жүрүүгө жана аны шайлоону уюштуруучулардын талабы боюнча көрсөтүүгө тийиш.
4.4. Эл аралык байкоочулар төмөндөгүлөргө милдеттүү:
- Кыргыз Республикасынын Конституциясын жана мыйзамдарын; ЕККУ (ОБСЕ) боюнча милдеттерди, «Көзкаранды эмес Мамлекеттердин Шериктештигине катышкан мамлекеттердеги демократиялык шайлоо, шайлоо укуктары менен эркиндиктеринин стандарттары жөнүндө конвенциянын» жоболорун, башка эл аралык документтерди сактоого;
- өз милдеттерин саясий бейтараптык, калыстык, шайлоо органдарына, мамлекеттик жана башка органдарга, кызмат адамдарына, шайлоо процессинин катышуучуларына карата кандайдыр бир артыкчылык көрсөтүүдөн же баа берүүдөн баш тартуу принциптерин жетекчиликке алуу менен аткарууга;
- шайлоо процессине кийлигишпөөгө;
- өзүнүн бардык корутундуларын байкоо жүргүзүүсүнө жана фактылай материалдарга негиздөөгө тийиш.
4.5. Эл аралык байкоочулар төмөндөгүлөргө укуктуу:
1) шайлоону даярдоо жана өткөрүү жөнүндө өз пикирин жалпыга билдирүүгө;
2) басма сөз-конференцияларын уюштурууга жана жалпыга маалымдоо каражаттарынын өкүлдөрүнө кайрылууга;
3) шайлоочулардын добуш берүүсүнүн купуялыгын бузбастан фото-, видеого тартууну, аудио жазып алууну ишке ашырууга;
4) шайлоо алдындагы үгүттүн белгилерин камтыбаган өзүнүн статусун, фамилиясын, аты-жөнүн, атынан келген уюмдун аталышын көрсөткөн төш белгилерди тагынып жүрүүгө;
5) бардык деңгээлдеги шайлоо комиссиялардын курамдарынын түзүлүүсүнө байкоо жүргүзүүгө;
6) шайлоочулардын тизмелерин түзүүнүн жүрүшүнө байкоо жүргүзүүгө;
7) шайлоочуларды эсепке алуунун жүрүшүнө байкоо жүргүзүүгө;
8) шайлоону маалыматтык камсыз кылууга байкоо жүргүзүүгө.
4.6. Ушул Жобого ылайык эл аралык байкоочулар өз статусун шайлоону даярдоо жана өткөрүү жүрүшүнө байкоо жүргүзүү менен байланышпаган ишти жүзөгө ашыруу үчүн пайдаланууга укуксуз.
4.7. Борбордук шайлоо комиссиясы эл аралык байкоочу жалпыга таандык принциптерди жана эл аралык укуктун ченемдерин, Кыргыз Республикасынын мыйзамдарын бузган учурда, ошондой эле эл аралык байкоочунун жазуу жүзүндөгү арызы боюнча эл аралык байкоочунун аккредиттештирүүсүн кайра алып коюуга акылуу.
4.8. Эл аралык байкоочу Кыргыз Республикасынын аймагында Кыргыз Республикасынын колдоого алуусунда болот. Шайлоо комиссиялары, мамлекеттик бийлик органдары жана жергиликтүү өз алдынча башкаруу органдары ага өздөрүнүн копетенцияларынын чегинде көмөк көрсөтүүгө милдеттүү.
4.9. Эл аралык байкоочулардын укуктарын бузган адамдар Кыргыз Республикасынын мыйзамдарына ылайык жооп тартат.
- 5. Чет өлкөлүк журналисттер
5.1. Чет өлкөлүк журналисттер шайлоону чагылдыруу үчүн Кыргыз Республикасынын аймагында Кыргыз Республикасынын Тышкы иштер министрлиги тарабынан аккредиттештирилет.
5.2. Чет өлкөлүк журналисттерди аккредиттештирүү тартиби Кыргыз Республикасынын Өкмөтүнүн 2000-жылдын 19-апрелиндеги № 215 токтому менен бекитилген ”Кыргыз Республикасынын аймагында чет мамлекеттердин жалпыга маалымдоо каражаттарынын кабарчыларын аккредиттештирүү жөнүндө Жобо” менен жөнгө салынат.
5.3. Кыргыз Республикасынын Тышкы иштер министрлиги Кыргыз Республикасынын Борбордук шайлоо комиссиясына аккредиттештирилген чет өлкөлүк жалпыга маалымдоо каражаттарынын өкүлдөрүнүн тизмесин берет.
КР БШКнын 2011-жылдын
11-июлундагы № 14 токтомуна
№ 2 тиркеме
КыргызРеспубликасынын Шайло жана референдум өткөрүү боюнча Борбордук комиссиясы
Дареги: Кыргыз Республикасы,
Бишкек шаары, Раззаков к., 59
Тел.: +996 312 626286
факс: +996 312 620828
+996 312 620823
Эл аралык (чет өлкөлүк) байкоочунун аккредитациялоого
АРЫЗЫ
APPLICATTION FORM
for accreditation as a international (foreign) observer
|
1. |
Фамилиясы: Family name: Аты: First name: Атасынын аты: Other names: |
|
|
2. |
Туулган датасы (күнү, айы, жылы): Date of birth (day, month, year): Туулган жери: Place of birth : |
|
|
3. |
Жарандыгы: Current citizenship(s): |
|
|
4. |
Ким экендигин тастыктаган документи: Identification document: Номери: Number: Берилген датасы (күнү, айы, жылы): Date of issue (day, month, year): Жарактуулугу (күнү, айы, жылы): Valid until (day, month, year): |
|
|
5. |
Иштеген жери (толук аталышы, дареги, телефону, факсы, электрондук почтасынын дареги): Place of work (full name of employer, address of employer, phone, fax, e-mail): Ээлеген кызматы: Position: |
|
|
6. |
Сизди чет өлкөлүк (эл аралык) байкоочу катары көрсөткөн уюмдун аталышы: Name of the organization which you represent as foreign (international) observer: Телефону (факсы): Phone (fax): |
|
|
7. |
Үйүнүн дареги: Home address: Телефону: Phone: Факсы: Fax: Электрондук почтасынын дареги: E-mail: |
|
|
8. |
Эл аралык байкоочунун иш тажрыйбасы (өлкөсү, жылы, кайсы миссиянын курамында): Election observation experience (country, year, sending organization): |
|
|
9. |
Сизди байкоочу катары чакырган Кыргыз Республикасынын мамлекеттик органы: State authority of the Kyrgyz Republic which invite you to take part in the election observation: |
|
|
10. |
Кыргыз Республикасына келген күнү: Date of arrival in the Kyrgyz Republic: |
|
|
11. |
Кыргыз Республикасынан чыгып кеткен күнү: Date of departure from the Kyrgyz Republic |
|
|
|
Толтуруу күнү: Date |
Колтамгасы Signature |