№ 29 Кыргыз Республикасынын жергиликтүү өз алдынча башкаруусунун айрым аткаруу органдарынын башчыларын шайлоону дайындоо жөнүндө

 

Чүй облусунун Москва районунун мамлекеттик администрациясынын башчысы-акиминин 2017-жылдын 26-январындагы № 10 буйругу менен Александровка айыл өкмөтүнүн башчысы Ш.И. Сушанло, берген арызына ылайык, ээлеген кызматынан бошотулган.

Ош облусунун Өзгөн районунун Кароол айылдык кеңешинин жаңы шайланган жергиликтүү кеңештин биринчи сессиясы 2017-жылдын 27-январында өткөрүлгөн.

Жалал-Абад облусунун Таш-Көмүр шаарынын мэрин, Ысык-Көл облусунун Ысык-Көл районунун Чолпон-Ата шаарынын мэрин, Чүй облусунун Москва районунун Беловодск айыл өкмөтүнүн, Ысык-Ата районунун Интернационал айыл өкмөтүнүн, Чүй районунун Кегети айыл өкмөтүнүн  жана Ош облусунун Кара-Суу районунун Шарк айыл өкмөтүнүн башчыларын шайлоодо талапкерлер депутаттардын добуштарынын зарыл болгон санын албагандыгына байланыштуу, шайлоо өткөн жок.

Чүй облусунун Кемин районунун Кемин шаарынын мэрин, Ысык-Ата районунун Ак-Кудук айыл өкмөтүнүн, Чүй районунун Бурана айыл өкмөтүнүн, Нарын облусунун Ак-Талаа районунун Кара-Ой айыл өкмөтүнүн, Ат-Башы районунун Кара-Коюн айыл өкмөтүнүн башчыларын шайлоо, депутаттардын кворуму жоктугуна байланыштуу, өткөн жок.

“Кыргыз  Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын     6, 7-беренелерине, “Жергиликтүү өз алдынча башкаруу жөнүндө” Кыргыз Республикасынын Мыйзамынын 43, 49-беренелерине ылайык, Кыргыз Республикасынын  Шайлоо жана референдум өткөрүү боюнча борбордук комиссиясынын 2017-жылдын 6-январындагы №3 токтому менен бекитилген “Шаардын мэрин шайлоонун тартиби жөнүндө” жана “Айыл өкмөтүнүн башчысын шайлоонун тартиби жөнүндө” жоболоруна ылайык, Кыргыз Республикасынын Шайлоо жана референдум өткөрүү боюнча борбордук комиссиясы

 

ТОКТОМ КЫЛАТ:

 

  1. Чүй облусунун Москва районунун Александровка жана Ош облусунун Өзгөн районунун Кароол айыл өкмөттөрүнүн башчыларын шайлоо  2017-жылдын 20-февралына дайындалсын жана саат 9-00дөн 12-00гө чейин өткөрүлсүн.
  2. Кыргыз  Республикасынын жергиликтүү өз алдынча башкаруусунун айрым аткаруу органдарынын башчыларын кайра шайлоо тиркемеге ылайык дайындалсын.
  3. Кыргыз  Республикасынын жергиликтүү өз алдынча башкаруусунун айрым аткаруу органдарынын башчыларын кайра шайлоону өткөрүү графиги тиркемеге ылайык бекитилсин.
  4. Тиешелүү аймактык шайлоо комиссиялар шайлоону Кыргыз Республикасынын мыйзамдарына ылайык өткөрүүнү уюштурсун.
  5. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.
  6. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Г. Бекматовго жүктөлсүн.

 

 

           ТӨРАГА                                                     Н. ШАЙЛДАБЕКОВА

           

Бишкек ш., 2017-жылдын 2-февралы 

№ 29