№ 62 Ноокен аймактык шайлоо комиссиясынын 2016-жылдын 18-мартындагы №2 чечимин бекитүү тууралуу

«Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 52-беренесине ылайык, Ноокен аймактык шайлоо комиссиясы тарабынан “Кочкор-Ата шаардык кеңешинде бош калган депутаттык мандатты шайланган депутаттан кийин турган талапкерге өткөрүп берүү жөнүндө” 2016-жылдын 18-мартында №2 чечим кабыл алынган.

«Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 6-беренесине, 7-беренесиндеги 1-бөлүктүн 2-пунктуна ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

 

  1. Кыргыз Республикасынын Шайлоо жана референдум өткөрүү боюнча борбордук комиссиясынын Жалал-Абад облусунун Ноокен районунун Кочкор-Ата шаардык кеңешинин депутаттыгына “Ата Мекен” саясий социалисттик партиясынан талапкер Канаев Заирбек Кочкоровичти шайланган депутат деп таануу боюнча 2012-жылдын 15-декабрындагы №152 токтомунун бөлүгү, ушул токтом жарыяланган күндөн тартып, күчүн жоготту деп таанылсын.
  2. Ноокен аймактык шайлоо комиссиясынын “Кочкор-Ата шаардык кеңешинде бош калган депутаттык мандатты шайланган депутаттан кийин турган талапкерге өткөрүп берүү жөнүндө” 2016-жылдын 18-мартындагы №2 чечими бекитилсин.
  3. “Ата Мекен” саясий социалисттик партиясынан талапкер Мадылова Ханикей Чүрөковна Кочкор-Ата шаардык кеңешинин шайланган депутаты деп таанылсын.
  4. Ноокен аймактык шайлоо комиссиясы Кочкор-Ата шаардык кеңешинин шайланган депутаты деп Мадылова Ханикей Чүрөковнаны каттасын жана ага белгиленген үлгүдөгү күбөлүк жана төш белги берсин.
  5. Бул токтом “Эркин Тоо” газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.
  6. Бул токтомдун көчүрмөсү Ноокен аймактык шайлоо комиссиясына жана Кочкор-Ата шаардык кеңешине жөнөтүлсүн.
  7. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын аппарат жетекчисинин орун басары А. Джолбуновго жүктөлсүн.

 

 

ТӨРАГА                                                                    Т.АБДРАИМОВ 

           

Бишкек ш., 2016-жылдын 25-марты

№ 62