№ 113 2016-жылдын 15 - июнунда өткөрүлгөн Кыргыз Республикасынын Чүй облусунун Токмок шаарынын мэрин кайра шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө

Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 1-июнундагы  № 105 токтому менен 2016-жылдын 15 - июнунда дайындалган Чүй облусунун Токмок шаарынын мэрин өткөрүлгөн кайра шайлоо боюнча Токмок аймактык шайлоо комиссиясынан түшкөн добуш берүүнүн жыйынтыктары жана шайлоонун натыйжалары тууралуу протоколдорунун, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7-беренесинин, “Жергиликтүү өз алдынча башкаруу жөнүндө”  Кыргыз Республикасынын Мыйзамынын 43-беренеcинин негизинде, Кыргыз Республикасынын Шайлоо жана референдум өткөрүү боюнча борбордук комиссиясы

 

                                                     ТОКТОМ КЫЛАТ: 

 

1. 2016-жылдын 15 - июнунда  өткөрүлгөн Кыргыз Республикасынын Чүй облусунун Токмок шаарынын мэрин кайра шайлоо  өттү деп табылсын.

2. Токмок  аймактык шайлоо комиссиясынын добуш берүүнүн  жыйынтыктары жана шайлоонун натыйжалары тууралуу протоколдору     бекитилсин.

3. Шамыралиев Жыргалбек Джумадилович Чүй облусунун Токмок шаарынын шайланган мэри деп таанылсын.

4. Токмок шаарынын шайланган мэрине белгиленген үлгүдөгү күбөлүк берилсин.

5. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

6. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын аппарат жетекчисинин орун басары А.Р.Джолбуновго жүктөлсүн. 

 

 ТӨРАГА                                                                      Т. АБДРАИМОВ                                            

Бишкек ш., 2016-жылдын 21 - июну

№ 113