№134 2016-жылдын 2 – августунда өткөрүлгөн Баткен облусунун Кызыл-Кыя шаарынын мэрин шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө

Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын14-июлундагы № 128 токтому менен 2016-жылдын 2-августуна дайындалган Баткен облусунун Кызыл-Кыя  шаарынын мэрин шайлоо боюнча Кызыл-Кыя аймактык шайлоо комиссиясынан түшкөн добуш берүүнүн жыйынтыктары жана шайлоонун натыйжалары тууралуу протоколдорунун, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7-беренесинин, “Жергиликтүү өз алдынча башкаруу жөнүндө”  Кыргыз Республикасынын Мыйзамынын        43-беренесинин негизинде, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ: 

1. Баткен облусунун Кызыл-Кыя шаарынын мэрин шайлоо өттү деп табылсын.

1.1. Кызыл-Кыя аймактык шайлоо комиссиясынын Кызыл-Кыя шаарынын мэрин шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

1.2. Баткен облусунун Кызыл-Кыя шаарынын шайланган мэри болуп Топчубаев Эрмекбай Асанович таанылсын.

2. Баткен облусунун Кызыл-Кыя шаарынын шайланган мэрине белгиленген үлгүдөгү күбөлүк берилсин.

3. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А. Г. Бекматовго жүктөлсүн.

 

 ТӨРАГА                                                         Н. ШАЙЛДАБЕКОВА

                                                   

Бишкек ш., 2016-жылдын 11-августу

№ 134