Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, талапкерлердин катталган тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө Кемин, Аламүдүн, Ысык-Ата, Москва, Жайыл, Бакай-Ата, Тогуз-Торо, Токтогул, Базар-Коргон жана Каракол аймактык шайлоо комиссияларынын чечимдерин бекитүү тууралуу

Кыргыз Республикасынын Шайлоо жана референдум өткөрүү боюнча борбордук комиссиясына жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу жана бош калган мандаттарды өткөрүп берүү жөнүндө аймактык шайлоо комиссияларынын төмөнкү чечимдери келип түштү:

- Кемин аймактык шайлоо комиссиясынын (23.08.2023-ж. №58,59) – Чүй облусунун Кемин шаардык кеңеши боюнча;

- Аламүдүн аймактык шайлоо комиссиясынын (29.08.2023-ж. №29) – Чүй облусунун Аламүдүн районундагы Ленин айылдык кеңеши боюнча;

- Ысык-Ата аймактык шайлоо комиссиясынын (21.08.2023-ж. №6) – Чүй облусунун Ысык-Ата районундагы Люксембург айылдык кеңеши боюнча;

- Москва аймактык шайлоо комиссиясынын (22.08.2023-ж. №3) – Чүй облусунун Москва районундагы Предтеченка айылдык кеңеши боюнча;

- Жайыл аймактык шайлоо комиссиясынын (22.08.2023-ж. №21,22)  – Чүй облусунун Жайыл районундагы Сары-Коо айылдык кеңеши боюнча;

- Бакай-Ата аймактык шайлоо комиссиясынын (21.08.2023-ж. №45) – Талас облусунун Бакай-Ата районундагы Шадыкан айылдык кеңеши боюнча;

- Тогуз-Торо аймактык шайлоо комиссиясынын (22.08.2023-ж. №5,6) – Жалал-Абад облусунун Тогуз-Торо районундагы Сары-Булуң айылдык кеңеши боюнча;

- Токтогул аймактык шайлоо комиссиясынын (11.08.2023-ж. №12,13; 22.08.2023-ж. №14) – Жалал-Абад облусунун Токтогул районундагы Кетмен-Дөбө айылдык кеңеши боюнча;

- Базар-Коргон аймактык шайлоо комиссиясынын (23.08.2023-ж. №5) – Жалал-Абад облусунун Базар-Коргон районундагы Базар-Коргон шаардык жана Кеңеш айылдык кеңештери боюнча;

- Каракол аймактык шайлоо комиссиясынын (28.08.2023-ж. №6,7) – Ысык-Көл облусунун Каракол шаардык кеңеши боюнча.

Ошондой эле депутаттыкка талапкерлердин катталган тизмесинен талапкерлерди чыгаруу жөнүндө аймактык шайлоо комиссияларынын төмөнкү чечимдери келип түштү:

- Москва аймактык шайлоо комиссиясынын (22.08.2023-ж. №3)  – Чүй облусунун Москва районундагы Предтеченка айылдык кеңеши боюнча;

- Жалал-Абад аймактык шайлоо комиссиясынын (11.08.2023-ж. №13)  – Жалал-Абад облусунун Токтогул районундагы Кетмен-Дөбө айылдык кеңеши боюнча.

Аталган чечимдер «Кыргыз Республикасынын шайлоо  жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 20-беренесине, «Жергиликтүү кеңештердин депутаттарынын статусу жөнүндө» Кыргыз Республикасынын Мыйзамынын 3-беренесине жана «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 52-беренесине ылайык кабыл алынган.

«Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 4-беренесинин 1-бөлүгүнүн 28-пунктуна ылайык, «Борбордук шайлоо комиссиясы жергиликтүү кеңештин депутатынын ыйгарым укуктарын мөөнөтүнөн мурда токтотуу жөнүндө, жергиликтүү кеңештин депутатынын бош калган мандатын өткөрүп берүү жөнүндө, жергиликтүү кеңештин депутаттыгына талапкерлерди катталган тизмеден чыгаруу жөнүндө аймактык шайлоо комиссияларынын чечимдерин бекитет».

Аймактык шайлоо комиссияларынын бекитүүгө келип түшкөн чечимдеринин «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 52-беренесинин жана «Жергиликтүү кеңештердин депутаттарынын статусу жөнүндө»  Кыргыз Республикасынын Мыйзамынын 3, 5-беренелеринин талаптарына ылайыктуулугун карап чыгып, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 3, 4,  8-беренелерин жетекчиликке алып,

Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Кемин, Аламүдүн, Ысык-Ата, Москва, Жайыл, Бакай-Ата, Тогуз-Торо, Токтогул, Базар-Коргон жана Каракол аймактык шайлоо комиссияларынын жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу жөнүндө чечимдери 1-тиркемеге ылайык бекитилсин.

2. Москва жана Токтогул аймактык шайлоо комиссияларынын талапкерлердин катталган тизмесинен талапкерлерди чыгаруу боюнча чечимдери 2-тиркемеге ылайык бекитилсин.

3. Кемин, Ысык-Ата, Москва, Жайыл, Тогуз-Торо, Токтогул, Базар-Коргон жана Каракол аймактык шайлоо комиссияларынын бош калган мандаттарды талапкерлерге жана саясий партиялардын талапкерлеринин катталган тизмесиндеги талапкерлерге өткөрүп берүү жөнүндө чечимдери 3-тиркемеге ылайык бекитилсин.

4. Жергиликтүү кеңештердин 1-тиркемеде көрсөтүлгөн депутаттарынын күбөлүктөрү ушул токтом жарыяланган күндөн тартып, анык эмес деп таанылсын.

5. Кемин, Ысык-Ата, Москва, Жайыл, Тогуз-Торо, Токтогул, Базар-Коргон жана Каракол аймактык шайлоо комиссиялары жергиликтүү кеңештердин шайланган депутаттарын 3-тиркемеге ылайык каттасын жана аларга белгиленген үлгүдөгү күбөлүктөрдү жана төш белгилерди тапшырсын.

6. Бул токтом «Эркин-Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

7. Бул токтомдун көчүрмөсү тиешелүү аймактык шайлоо комиссияларына жана жергиликтүү кеңештерге жөнөтүлсүн.

8. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У. Шайназаровго жүктөлсүн.

ТӨРАГА                                                                   Н. ШАЙЛДАБЕКОВА                                  

Бишкек ш., 2023-жылдын 30-августу

№83