2024-жылдын 17-ноябрында болуп өткөн Жалал-Абад облусунун Базар-Коргон районуну Базар-Коргон шаардык кеңешинин депутаттарын шайлоо натыйжалары тууралуу Базар-Коргон аймактык шайлоо комиссиясынын протоколу жөнүндө

2024-жылдын 17-ноябрында Кыргыз Республикасынын Президентинин 2024-жылдын 6-сентябрындагы №256 Жарлыгы менен дайындалган  Жалал-Абад облусунун Базар-Коргон районун Базар-Коргон шаардык кеңешинин депутаттарын шайлоо болуп өттү.

Базар-Коргон шаардык кеңеши боюнча шайлоону өткөрүү үчүн бирдиктүү 1 шайлоо округ жана 16 шайлоо участок түзүлгөн.

Шайлоочулардын тизмесине 35 100 шайлоочу киргизилген.

Базар-Коргон шаардык кеңешинин депутаттарын шайлоого 9 саясий партия катталган: «Адилет», «Жаны Кыргызстан», «Ынтымак», «Ишеним», «Замандаш», «Бирге Вместе», «Биздин келечек», «Ата-Мекен», «Эл Биримдиги».

Добуш берүүгө жалпысынан 10 342 шайлоочу катышты, бул жалпы шайлоочулардын 29,46% түзөт, анын ичинен аралыктан добуш берууго 12 шайлоочу катышты.

Базар-Коргон шаардык кеңешинде мандаттардын саны 31.

Добуш берүүнүн жыйынтыгы боюнча 9 саясий партиялар шайлоочулардын жалпы санынын 5 жана андан көп пайызынын добушуна ээ болду: 1. “Жаны Кыргызстан” - 2 007 добуш (19,41%) - 7 мандат; 2. “Ишеним” - 1 687 добуш (16,31%) - 5 мандат; 3. “Замандаш” -1 522 добуш (14,72%) - 5 мандат; 4. “Адилет” – 1 348 добуш (13,03%) - 4 мандат: 5. “Биздин Келечек” – 1 095 добуш (10,58%) - 4 мандат: 6. “Бирге Вместе” - 721 добуш (6,9%) - 2 мандат; 7. “Эл Биримдиги” - 605 добуш (5,85%) - 2 мандат; 8. “Ынтымак”- 585 добуш (5,66%) - 2 мандат.

«Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 37, 38, 56-1-беренелерине, Кыргыз Республикасынын Шайлоо жана референдум өткөрүү боюнча борбордук комиссиясынын 2024-жылдын 23-сентябындагы №136 токтому менен бекитилген «Жергиликтүү кеңештердин депутаттарын шайлоодо аралыктан добуш берүүнү уюштуруунун жана өткөрүүнүн, аралыктан добуш берүүнүн жыйынтыктарын белгилөөнүн тартиби жөнүндө» Жобого ылайык:

- 16 участкалык шайлоо комиссияларындагы добуш берүүнүн жыйынтыктары тууралуу жана аралыктан добуш берүүнүн жыйынтыктары жөнүндө аралыктан добуш берүүнүн шайлоо участкаларынын 2024-жылдын 17-ноябрындагы протоколдордун негизинде Базар-Коргон аймактык шайлоо комиссиясы шайлоолорду болуп өттү деп тааныды жана Базар-Коргон шаардык кеңешинин депутаттарын шайлоо натыйжаларын белгиледи.

Жалал-Абад облусунун Базар-Коргон шаардык кеңешинин депутаттарын шайлоону даярдоодо жана өткөрүүдө арыз даттануулар келип түшкөн жок.

«Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 4-беренесинин 1-бөлүгүнүн 2, 27-пункттарына, «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 37, 38, 40, 51, 56-1-беренелерине ылайык,

Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Жалал-Абад облусунун Базар-Коргон шаардык кеңешинин депутаттарын шайлоо натыйжалары тууралуу Базар-Коргон аймактык шайлоо комиссиясынын 2024-жылдын 21-ноябрындагы протоколу бекитилсин (тиркелет).

2. Бул токтом «Эркин-Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3. Бул токтомдун көчүрмөсү Базар-Коргон аймактык шайлоо комиссиясына жана Базар-Коргон н шаардык кеңешине жиберилсин.

4. Базар-Коргон аймактык шайлоо комиссиясы шайлоонун натыйжалары жарыялангандан кийин 3 күндүк мөөнөттө шайланган
Базар-Коргон шаардык кеңешинин депутаттарын каттасын жана аларга ырастамаларды, белгиленген үлгүдөгү төш белгилерди тапшырсын.

5. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т. Шайназаровго жүктөлсүн.

ТӨРАГА                                                                   Н. ШАЙЛДАБЕКОВА

Бишкек ш., 2024-жылдын 23-ноябры

№ 234