2022-жылдын 10-апрелине дайындалган Жалал-Абад, Ысык-Көл, Нарын, Ош жана Чүй облустарынын жергиликтүү кеңештеринин депутаттарын шайлоодогу шайлоо бюллетендери жөнүндө
«Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 30-беренесинин 3-бөлүгүнө ылайык Таш-Көмүр аймактык шайлоо комиссиясынын (мындан ары – АШК) 2022-жылдын 9-мартындагы №5, Токтогул АШКнын 2022-жылдын 14-мартындагы №16, Аксы АШКнын 2022-жылдын 20-мартындагы №7, Сузак АШКнын 2022-жылдын 20-мартындагы №10, Тоң АШКнын 2022-жылдын 20-мартындагы №6, Ак-Талаа АШКнын 2022-жылдын 20-мартындагы №78, Ат-Башы АШКнын 2022-жылдын 20-мартындагы, Араван АШКнын 2022-жылдын 20-мартындагы №8, Кара-Суу АШКнын 2022-жылдын 20-мартындагы №7, Жайыл АШКнын 2022-жылдын 20-мартындагы, Кемин АШКнын 2022-жылдын 18-мартындагы №10, Москва АШКнын 2022-жылдын 20-мартындагы, Сокулук АШКнын 2022-жылдын 20-мартындагы №4 чечимдери менен 2022-жылдын 10-апрелине дайындалган жергиликтүү кеңештердин депутаттарын шайлоодо бюллетендердин тексттери бекитилген.
«Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 30-беренесине, «Кыргыз Республикасынын Жалал - Абад, Ысык-Көл, Нарын, Ош жана Чуй облустарынын айрым жергиликтүү кеңештеринин депутаттарын шайлоону дайындоо жөнүндө» Кыргыз Республикасынын Президентинин 2022-жылдын 8-февралындагы №31 ПЖ Жарлыгына ылайык, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 4-, 8-беренелерине, «Катуу көзөмөлдөгү отчеттуулук документтерин даярдоо жөнүндө» Кыргыз Республикасынын Өкмөтүнүн 1997-жылдын 22-сентябрындагы № 540 токтомун, Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 20-октябрындагы №163 токтому менен бекитилген «Жергиликтүү кеңештердин депутаттарын шайлоону өткөрүүдө шайлоо бюллетендерин даярдоо, өткөрүп берүү жана сактоо тартиби жөнүндө» Жобосун жетекчиликке алып,
Кыргыз Республикасынын Шайлоо жана референдум өткөрүү боюнча борбордук комиссиясы
ТОКТОМ КЫЛАТ:
1. 2022-жылдын 10-апрелине дайындалган Жалал-Абад облусунун Таш-Кѳмүр шаардык кеңешинин, Токтогул районунун Токтогул шаардык кеңешинин, Аксы районунун Кара-Жыгач айылдык кеңешинин, Сузак районунун Кѳк-Арт айылдык кеңешинин, Ысык-Кѳл облусунун Тоң районунун Кажы-Сай айылдык кеңешинин, Нарын облусунун Ак-Талаа районунун Тоголок Молдо айылдык кеңешинин, Ат-Башы районунун Казыбек айылдык кеңешинин, Ош облусунун Араван районунун С.Юсупов айылдык кеңешинин, Кара-Суу районунун Ак-Таш, Тѳлѳйкөн айылдык кеңештеринин, Чүй облусунун Жайыл районунун Кара-Балта шаардык кеңешинин, Кемин районунун Жаңы-Алыш, Кара-Булак, Кѳк-Ойрок айылдык кеңештеринин, Москва районунун Александровка айылдык кеңешинин, Сокулук районунун Сокулук айылдык кеңешинин депутаттарын шайлоодо шайлоо бюллетендеринин тексттерин бекитүү жөнүндө аймактык шайлоо комиссияларынын чечимдери эске алынсын.
2. Бул токтомдун 1-пунктунда көрсөтүлгөн жергиликтүү кеңештеринин депутаттарын шайлоодогу шайлоо бюллетендеринин формасы жана коргоо даражасы бекитилген тиркемелерге ылайык.
3. Шайлоо бюллетендерин, аймактык шайлоо комиссиялары тарабынан бекитилген бюллетендердин тексттерине ылайык, ушул токтомдун 2-пунктунда көрсөтүлгөн формасын жана коргоо даражасын колдонуу менен Бишкек шаары, Ибраимов көчөсү, 24
дареги боюнча жайгашкан «Учкун» ААКсында даярдоо ишке ашырылсын.
4. Шайлоо процессин уюштуруу башкармалыгы жана маалымат-коммуникация технологиялар башкармалыгы шайлоо бюллетендерин даярдоо процессинде шайлоо бюллетендеринин формасы жана коргоо даражасынын талаптарын камсыздоо максатында алдын-ала тестирлөөнү ишке ашырсын.
5. Кыргыз Республикасынын Санариптик өнүктүрүү министрлигинин алдындагы «Атайын байланыш кызматы» мамлекеттик ишканасы менен шайлоо бюллетендерди аймактык шайлоо комиссияларга жеткирүү боюнча келишим түзүлсүн.
6. Шайлоо бюллетендерди аймактык шайлоо комиссияларга жеткирүү жана өткөрүп берүү үчүн жооптуулар болуп региондор боюнча бекитилген кураторлукка ылайык Кыргыз Республикасынын Шайлоо жана референдум өткөрүү боюнча борбордук комиссиясынын мүчөлөрү белгиленсин.
7. Бул токтом «Эркин-Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын (тиркемелерсиз).
8. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т. Шайназаровго жүктөлсүн.
ТӨРАГА Н.ШАЙЛДАБЕКОВА
Бишкек ш. 2022-жылдын 22-марты
№34