Кыргыз Республикасынын Шайлоо жана референдум ѳткѳрүү боюнча борбордук комиссиясынын 2020-жылдын 11-февралындагы №40 “Шайлоочулардын жана референдумдун катышуучуларынын тизмесин түзүү жана тактоо боюнча Кыргыз Республикасынын Шайлоо жана референдум өткөрүү боюнча борбордук комиссиясынын Кыргыз Республикасынын ыйгарым укуктуу мамлекеттик органдары менен өз ара аракеттенүү тартиби жөнүндө жобону бекитүү тууралуу” токтомуна ѳзгѳртүүлѳрдү киргизүү тууралуу

“Кыргыз Республикасынын Шайлоо жана референдум өткөрүү боюнча борбордук комиссиясы жөнүндө” Кыргыз Республикасынын конституциялык Мыйзамынын 3, 4, 8-беренелерине, “Кыргыз Республикасынын Президентин жана Кыргыз Республикасынын Жогорку Кеңешинин депутаттарын  шайлоо жөнүндө” Кыргыз Республикасынын 2021-жылдын 26-августундагы №103 конституциялык Мыйзамына, “Жергиликтүү кеңештердин депутаттарын шайлоо жөнүндө” Кыргыз Республикасынын 2024-жылдын 2-августундагы №158 Мыйзамына ылайык

Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ  КЫЛАТ:

1. Кыргыз Республикасынын Шайлоо жана референдум ѳткѳрүү боюнча борбордук комиссиясынын 2020-жылдын 11-февралындагы №40 “Шайлоочулардын жана референдумдун катышуучуларынын тизмесин түзүү жана тактоо боюнча Кыргыз Республикасынын Шайлоо жана референдум өткөрүү боюнча борбордук комиссиясынын Кыргыз Республикасынын ыйгарым укуктуу мамлекеттик органдары менен өз ара аракеттенүү тартиби жөнүндө жобону бекитүү тууралуу” токтомуна (КР БШКнын 2020-жылдын 23-декбарындагы №497, 2021-жылдын 29-августундагы №666 токтомдорунун редакциясында) тѳмѳнкүдѳй ѳзгѳртүүлѳр киргизилсин:

1) Жогоруда аталган токтом менен бекитилген “Шайлоочулардын жана референдумдун катышуучуларынын тизмесин түзүү жана тактоо боюнча Кыргыз Республикасынын Шайлоо жана референдум өткөрүү боюнча борбордук комиссиясынын Кыргыз Республикасынын ыйгарым укуктуу мамлекеттик органдары менен өз ара аракеттенүү тартиби жөнүндө” Жободо:

- 3-пункттун 1-пунктчасы “бардык түрү” деген сөздөрдөн кийин “, анын ичинде Кыргыз Республикасынын жараны тарабынан ведомстволор аралык электрондук өз ара аракеттенүү системасынын мобилдик тиркемеси аркылуу санариптик форматта жеткиликтүүлүк берилген улуттук паспорт" деген сөздөр менен толукталсын;

-3-пункуттун 1-пунктчасынын он экинчи абзацы “жарандын паспортунда, паспорттун тибинде жазылган жашаган жерин каттоо жөнүндө белги аркылуу аныкталат” деген сѳздѳр “жарандын паспортундагы жашаган жери паспорттун чипине жазылган же жашаган жеринин дареги Кыргыз Республикасынын жарандарынын улуттук паспортторунун мамлекеттик реестринде (УПМР) добуш берүү күнүнө чейин кеминде 60 күн калганда дарегин каттоо менен аныкталат” деген сѳздѳр менен алмаштырылсын;

- 3-пункттун 2-пунктчасындагы “ЖАМК-Кыргыз Республикасынын Юстиция министрлигине караштуу жазаны аткаруу мамлекеттик кызматы” деген сөздөр “ЖАК - Кыргыз Республикасынын Юстиция министрлигине караштуу жазаларды аткаруу кызматы” сөздөрү менен алмаштырылсын;

- 3-пункттун 2-пунктчасынгдагы "КР СССѲМ - Кыргыз Республикасынын Саламаттык сактоо жана социалдык өнүктүрүү министрлиги” деген сөздөр "КР ССМ -  Республикасынын Саламаттык сактоо министрлиги" деген сөздөр менен алмаштырылсын;

- 6, 13, 13-1, 14-пункттарда "ѳкүмү боюнча" деген сөздөрдөн кийин "анча оор эмес кылмыштарды жасагандыгы үчүн жазасын өтөп жаткан жарандарды кошпогондо," деген сөздөр менен толукталсын;

- 14-пункттун 1-пунктчасындагы  "60 (алтымыш)" деген сөз жана цифрар "55 (элүү беш)" деген сөздөр жана цифра менен алмаштырылсын;

- 14-пункттун 1-пунктчасынын экинчи абзацындагы "КР БШКга берет" деген сөздөрдөн кийин төмөнкүдөй абзац менен толукталсын:

“Шайлоочулардын тизмесин түзүүдө жана тактоодо ыйгарым укуктуу мамлекеттик орган мыйзамга ылайык электрондук кол коюу менен ырасталган маалыматтарды ведомстволор аралык электрондук өз ара аракеттенүү системасы аркылуу шайлоо комиссиясына берет.”;

- 14-пункттун 3-пунктчасындагы "55 (элүү беш)" деген сөз жана цифра "50 (элүү)" деген сөз жана цифра менен алмаштырылсын;

- 28-пункт төмөнкүдөй редакцияда баяндалсын:

“Стационардык дарылоо-профилактикалык мекемелерде, камак жайларында шектүү жана айыпкер катары камакта жаткан   шайлоочуларды,    анча оор эмес кылмыш жасагандыгы үчүн соттун мыйзамдуу күчүнө кирген өкүмү боюнча эркиндигинен ажыратылган жердеги шайлоочуларды, ден соолугунун мүмкүнчүлүктөрү чектелүү шайлоочуларды эсепке алуу үчүн жогоруда аталган мекемелер карамагында турган  ыйгарым укуктуу мамлекеттик органдар, ошондой эле   социалдык өнүктүрүү чөйрөсүндөгү ыйгарым укуктуу орган жыл сайын 1-февралга жана 1-августка карата бул шайлоочулардын иш жүзүндөгү саны жөнүндө маалыматты Борбордук шайлоо комиссиясына берүүгө милдеттүү.”;

-34-пункттагы "ЖАМК" аббревиатурасы "ЖАК" аббревиатурасына,  "КР СССѲМ" аббревиатурасы "КР ССМ" аббревиатурасына алмаштырылсын;

- 35-пункттагы "КР СССӨМ, КР УКМК, ЖАМК, КР КМ, КР ИИМ" деген аббревиатуралар алып салынсын;

- 35-пункттагы " тууралуу, тиешелүү жергиликтүү жамааттын мүчөсү болгон шайлоочуларга гана жана аларды шайлоочулардын тизмесине киргизүү үчүн тиешелүү УШКга өткөрүп берүүгө" деген сөздөр алып салынсын;

- 35-пункттагы “аскер бѳлүктѳрүндѳ турган башка адамдар” деген сөздөрдөн кийин “, анча оор эмес кылмыштарды жасагандыгы үчүн соттун мыйзамдуу күчүнө кирген өкүмү боюнча эркиндигинен ажыратуу жайларында кармалып турган шайлоочулар тууралуу маалыматтар аталган мекемелердин (ишканалар, аскер бөлүктөрү) жетекчилери тарабынан түзүлөт жана добуш берүү күнүнө 12 (он эки) календардык күндөн кечиктирбестен тиешелүү участкалык шайлоо комиссиясына өткөрүлүп берилет” деген сөздөр менен толукталсын.

2. Бул токтом “Эркин-Тоо” газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3. Бул токтомдун көчүрмөсү аймактык шайлоо комиссияларына жөнөтүлсүн.

4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У. Шайназаровго жүктѳлсүн.

ТӨРАГА                                                                            Н. ШАЙЛДАБЕКОВА

Бишкек ш., 2024-жылдын 17-сентябры

№ 129