Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 31-октябрындагы №183 “Жергиликтүү кеңештердин депутаттарын шайлоодо шайлоо комиссиялары тарабынан добуш берүүнү уюштуруу жана өткөрүү, добуш берүүнүн жыйынтыктарын белгилөө жана шайлоонун натыйжаларын аныктоо жөнүндө” Жобону бекитүү тууралуу” токтомуна өзгөртүүлөрдү киргизүү жөнүндө
“Кыргыз Республикасынын жергиликтүү кеңешинин депутаттарын шайлоо жөнүндө” Кыргыз Республикасынын Мыйзамына өзгөртүүлөрдү киргизүү тууралуу” Кыргыз Республикасынын 2024-жылдын 2-августундагы №158 Мыйзамына ылайык, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 3, 4 жана 8-беренелерин жетекчиликке алып,
Кыргыз Республикасынын Шайлоо жана референдум өткөрүү боюнча борбордук комиссиясы
ТОКТОМ КЫЛАТ:
1. Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 31-октябрындагы №183 “Жергиликтүү кеңештердин депутаттарын шайлоодо шайлоо комиссиялары тарабынан добуш берүүнү уюштуруу жана өткөрүү, добуш берүүнүн жыйынтыктарын белгилөө жана шайлоонун натыйжаларын аныктоо жөнүндө” Жобону бекитүү тууралуу” токтомуна (КР БШК 2019-жылдын 13-сентябрындагы №136, 2020-жылдын 4-февралындагы №31, 2021-жылдын 17-апрелиндеги №110 токтомдорунун редакцияларында) төмөндөгүдөй өзгөртүүлөр киргизилсин:
1) Жогоруда аталган токтом менен бекитилген “Жергиликтүү кеңештердин депутаттарын шайлоодо шайлоо комиссиялары тарабынан добуш берүүнү уюштуруу жана өткөрүү, добуш берүүнүн жыйынтыктарын белгилөө жана шайлоонун натыйжаларын аныктоо жөнүндө” Жободо:
- 2.3-пункт төмөнкүдөй мазмундагы абзац менен толукталсын:
“Шайлоочуларды идентификациялоо процессинин жана добуш берүүнүн жүрүшүнүн ачык-айкындыгын камсыз кылуу үчүн добуш берүү үчүн жайларда видеокөзөмөл орнотулат.”;
- 3.2-пунктундагы “шайлоо бюллетендерин берүүчү " деген сөздөр алып салынсын;
- 3.3-пункттагы "шайлоо бюллетендери жана" деген сөздөр алып салынсын;
- 3.4-пункттун биринчи абзацы төмөнкүдөй редакцияда баяндалсын:
«Участкалык шайлоо комиссиясынын төрагасы карап чыгуу үчүн участкалык шайлоо комиссиясынын мүчөлөрүнө, ошондой эле катышып олтурган байкоочуларга, талапкерлердин, саясий партиялардын өкүлдөрүнө, жалпыга маалымдоо каражаттарына ичи бош автоматтык эсептөө урналарын көрсөтөт. Андан кийин сактоочу резервуар жана урнанын капкагы номерленген пломбалуу чаптамалар менен пломбаланат, андан кийин участкалык шайлоо комиссиясынын төрагасы контролдук барактарды түшүрөт, аларда шайлоо участкасынын номери, контролдук барактарды урналарга түшүрүү убактысы көрсөтүлөт. шайлоо ящиктери, участкалык шайлоо комиссиясынын төрагасынын, катчысынын жана башка мүчөлөрүнүн фамилиялары, участкалык шайлоо комиссиясынын төрагасынын, катчысынын жана башка мүчөлөрүнүн, катышкан саясий партиялардын өкүлдөрүнүн, байкоочулардын фамилиялары көрсөтүлөт, андан кийин пломбаланган урна оптикалык сканер аркылуу кайрадан пломбаланат.
Автоматтык эсептөөчү урналар эки карама-каршы тараптарына пломбаланат.»;
- 3.5., 3.6-пункттар, 3.7-пункттун бешинчи абзацы, 3.8., 3.10 жана 3.11-пункттары күчүн жоготту деп табылсын;
- 3.7-пункттун төртүнчү абзацы төмөнкүдөй редакцияда баяндалсын:
“Шайлоочуну идентификациялагандан кийин чек жана шайлоо бюллетени чыгарылат Шайлоо бюллетени менен кошо чек шайлоочу тарабынан аны шайлоочулардын кагаз түрүндөгү тизмесине каттаган участкалык шайлоо комиссиясынын мүчөсүнө көрсөтөт. Шайлоочу ал тууралуу кол коет.»;
- 3.14-пункттагы "шайлоо бюллетенин берген мүчөсүнө" деген сөздөр алып салынсын;
- 3.14-пункттагы "ага жаңы шайлоо бюллетенин берет" деген сөздөр "атайын СМАРТ-карттын жардамы менен шайлоо бюллетенин басып чыгарат.” деген сөздөр менен алмаштырылсын;
- 3.14-пункт төмөнкүдөй мазмундагы үчүнчү сүйлөм менен толукталсын:
“Жаңы шайлоо бюллетени бир гана жолу басып чыгарылат.”;
- 3.15-пункттагы “Шайлоо бюллетенин алганына өз алдынча кол коюуга жана” деген сөздөр алып салынсын;
- 3.16-пункттагы "шайлоочулар тарабынан" деген сөздөр "шайлоочулар тийиштүү мөөр коюлган (пломбаланган) " деген сөздөр менен алмаштырылсын;
- 3.16-пункттун экинчи абзацы төмөнкүдөй редакцияда баяндалсын:
“Шайлоо бюллетендеринин санына негизделген, автоматтык эсептөөчү урна тарабынан саналган жана анын мониторунда чагылдырылган добуш бергендердин саны тууралуу маалымат участкалык шайлоо комиссиялары тарабынан актыга киргизилет жана аймактык шайлоо комиссиясына ар бир 2 саатта берилип турат. Аймактык шайлоо комиссиясынын системалык администратору алынган маалыматтарды Борбордук шайлоо комиссиясынын расмий сайтына киргизет жана автоматтык түрдө жарыялайт. Шайлоо бюллетендеринин санына негизделген, автоматтык эсептөөчү урна тарабынан саналган жана анын мониторунда чагылдырылган добуш берген шайлоочулардын саны жөнүндө акыркы маалымат шайлоо участкалары жабылгандан кийин дароо, бирок бюллетендери бар урналардын ачканга чейин Борбордук шайлоо комиссиясына өткөрүлүп берилет.”
- 3.20-пункт “ бузулган учурда,” деген сөздөрдөн кийин “эгерде автоматтык эсептөө урнасын текшерип кароонун натыйжасында ал калыбына келтирилүүгө жатпаса ” деген сөздөр менен толукталсын;
- 3.20-пункт төмөнкүдөй мазмундагы экинчи абзац менен толукталсын:
“Запастык автоматтык эсептөөчү урна бузулган учурда, добуш берүү туруктуу орнотулган ящикти пайдалануунун негизинде жүзөгө ашырылат. Мында участкалык шайлоо комиссиясы акт түзөт, ага участкалык комиссиянын катышып отурган бардык мүчөлөрү жана операторлор кол коюшат.”;
- 3.20-пункттун үчүнчү абзацы төмөнкүдөй редакцияда баяндалсын:
“Автоматтык эсептөөчү урналардын бузулуусунун натыйжасында алмаштырылган иштөө жөндөмү калыбына келтирилген учурда, добуш берүү аяктагандан кийин автоматтык эсептөөчү урналардын жыйынтыктоочу отчетун түзүү үчүн аларды пайдаланууга жол берилет. Мында акт түзүлүп, катышып отурган бардык участкалык комиссиянын мүчөлөрү, операторлор, байкоочулар, талапкерлердин, саясий партиялардын өкүлдөрү тарабынан ага кол коюлат.”;
- 3.21-пункттун биринчи абзацы "добуш беришет," деген сөздөрдөн кийин "анча оор эмес кылмыш жасагандыгы үчүн соттун мыйзамдуу күчүнө кирген өкүмү боюнча эркиндигинен ажыратуу жайларында кармалып турган шайлоочулар, эгерде шайлоо өткөрүлүп жаткан шайлоо участкасы алар турган аймакта жайгашкан болсо, добуш берүү үчүн жайдан тышкары жерде добуш беришет.” деген сөздөр менен толукталсын.
- 3.21-пункттун үчүнчү абзацынын экинчи сүйлөмү төмөнкүдөй редакцияда баяндалсын:
“Добуш берүү үчүн жайдан тышкары жерде добуш берүүнү мөөрлөнүп жабылган (пломбаланган) көчмө үкөктөрдү алган оператор менен биргелешип участкалык шайлоо комиссиясынын мүчөлөрү жүргүзөт.”:
- 3.21-пункт төмөнкүдөй мазмундагы төртүнчү абзац менен толукталсын:
“Чүчүкулак өткөрүүнүн убактысын жана ордун участкалык шайлоо комиссиясы талапкерлерге, саясий партияларга, коомдук байкоочуларга маалымдоого милдетүү.”;
- 3.21-пункттун жетинчи абзацындагы "жеке маалыматтар" деген сөздөрдөн кийин "андан кийин участкалык шайлоо комиссиясынын мүчөсү чекке алмаштыруу үчүн ага шайлоо бюллетенин берет." жана «Шайлоо бюллетенин берүүдө шайлоочулардын кагаз тизмесине шайлоочунун инсандыгын ырастоочу документтин сериясы жана номери жазылат» деген сүйлөмдөр алып салынсын:
- 3.21-пункттун жетинчи абзацынын экинчи сүйлөмү төмөнкүдөй редакцияда баяндалсын:
“Шайлоочу жүргүзүлгөн жазуунун тууралыгын текшерет жана добуш берүү жайынан тышкары жерде аларга добуш берүү мүмкүндүгүн берүү жөнүндө жазуу жүзүндө арыз берген шайлоочулардын реестринин негизинде түзүлүүчү, добуш берүү жайынан тышкары жерде добуш берүүчү шайлоочулардын тизмесине кол коёт.”;
- 3.21-пункттун тогузунчу абзацтагы " шайлоо бюллетендерин алууда өз алдынча кол кое албаса же” деген сөздөр алып салынсын;
- 4.1-пункттагы "шайлоо бюллетендерин ала алышарын жана" деген сөздөр алып салынсын;
- 4.4-пункт төмөнкүдөй редакцияда баяндалсын:
“Участкалык шайлоо комиссиясынын мүчөлөрү ката кетирүү менен толтурулган (бузулган) шайлоо бюллетендерин кайра санап чыгат, аларды төмөнкү оң бурчун кесүү жолу менен керектен чыгарат (мында катталган талапкерлер, талапкерлердин тизмеси жөнүндө маалыматтардын оң жагында жайгашкан чарчыларды бузууга жол берилбейт) жана ведомость боюнча участкалык шайлоо комиссиясынын төрагасына тапшырат, бул жөнүндө акт түзүлөт. Ката толтурулган (бузулган) катары шайлоочулар кайтарып берген шайлоо бюллетендеринин саны, бардык жокко чыгарылган шайлоо бюллетендеринин санынын суммасы катары жарыя кылынат жана добуш берүүнүн жыйынтыктары жөнүндө протоколго жана анын чоңойтулган таризине киргизилет.”
- 4.6-пункттагы "алынган" жана "берилген" деген сөздөр алып салынсын;
- 4.9-пункттагы "берилген" деген сөздөр "алынган" деген сөздөргө алмаштырылсын;
- 5.2-пункттун биринчи абзацы төмөнкүдөй редакцияда баяндалсын:
“Тиешелүү аймакта добуш берүүнүн жыйынтыктарын чыгарууну аймактык шайлоо комиссиясы түздөн-түз участкалык шайлоо комиссияларынан жана аралыктан добуш берүүчү шайлоо участкаларынан келип түшкөн протоколдордун негизинде, аларда камтылган маалыматтарды кошуу жолу менен жүргүзөт. Аралыктан добуш берүүнүн натыйжалары жөнүндө протокол КР БШКнын системалык администратору тарабынан басылып чыгарылат жана аймактык шайлоо комиссиясынын төрагасына тапшырылат.”;
- 5.13-пункттун экинчи жана үчүнчү абзацтарындагы "эгерде" деген сөздөрдөн кийин "шайлоону даярдоо," деген сөздөр менен толукталсын;
- 5.13-пункт төмөнкүдөй мазмундагы үчүнчү жана төртүнчү абзацтар менен толукталсын:
“Мында талапкер, талапкерлердин тизмеси боюнча добуш берүүнүн жыйынтыктары бузуунун оордук даражасына, бузуу жасалган аймакка жараша шайлоо участоктун/участоктордун чегинде же жалпы эле округ боюнча жокко чыгарылышы мүмкүн.
Депутаттык мандаттарды бөлүштүрүүнү эсептөөнүн максаттары үчүн алар боюнча добуш берүүнүн жыйынтыктары жараксыз деп табылган талапкерге, саясий партиянын талапкерлеринин тизмесине берилген шайлоочулардын добуштары добуш берүүгө катышкан шайлоочулардын катарында эске алынбайт.”;
- 5.14-пункттун экинчи абзацындагы "Шайлоочулардын" деген сөздөн мурда "Шайлоолорду даярдоонун жүрүшүндө," деген сөздөр менен толукталсын;
- 5.15-пункттагы “бир бөлүгүндө” деген сөздөрдөн кийин “талапкерлер (талапкерлер), саясий партиянын (партиялардын) талапкерлеринин тизмеси боюнча” деген сөздөр менен толукталсын;
- 5.17-пункт “талапкерлер” деген сөздөн кийин “, саясий партиялар " деген сөздөр менен толукталсын;
- 5.17-пункт төмөнкүдөй мазмундагы экинчи абзац менен толукталсын:
“Мындай учурда талапкер Кыргыз Республикасынын мыйзамдарында белгиленген учурларда жана тартипте жоопкерчиликке тартылышы мүмкүн.”;
5.19-пункт төмөнкүдөй редакциядагы биринчи абзац менен толукталсын:
“Тийиштүү шайлоо комиссиялары шайлоонун натыйжалары жөнүндө жалпы маалыматтарды Борбордук шайлоо комиссиясы тарабынан шайлоонун натыйжалары бекитилгенден кийин 3 календардык күндүн ичинде жалпыга маалымдоо каражаттарына жөнөтүшөт.”.
2. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча Борбордук шайлоо комиссиясынын расмий сайтына жарыялансын.
3. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У. Шайназаровго жүктөлсүн.
ТӨРАГА Н. ШАЙЛДАБЕКОВА
Бишкек ш., 2024-жылдын 13-сентябры
№ 118