Кыргыз Республикасынын Шайлоо жана референдум өткөрүү боюнча борбордук комиссиясынын 2019-жылдын 6-ноябрындагы №176 “Шайлоо комиссияларын түзүү, таркатуу жана шайлоо комиссияларынын резервин түзүү, жүргүзүү тартиби жөнүндө жобону бекитүү жөнүндө” токтомуна өзгөртүүлөрдү киргизүү тууралуу

“Кыргыз Республикасынын Шайлоо жана референдум өткөрүү боюнча борбордук комиссиясы жөнүндө” Кыргыз Республикасынын конституциялык Мыйзамынын 3, 4, 8-беренелерине, “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 1, 19, 20-беренелерине, “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 32-1-беренесине ылайык, мындан аркы иштерди уюштуруу үчүн айрым толуктоолорду киргизүү максатында,

Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Кыргыз Республикасынын Шайлоо жана референдум өткөрүү боюнча борбордук комиссиясынын 2019-жылдын 6-ноябрындагы №176 “Шайлоо комиссияларын түзүү, таркатуу жана шайлоо комиссияларынын резервин түзүү, жүргүзүү тартиби жөнүндө жобону бекитүү жөнүндө” токтомуна (КР БШКнын 2021-жылдын 29-августундагы №658 токтомунун редакциясынада) төмөндөгүдөй өзгөртүүлөр киргизилсин:

1) Жогоруда аталган токтом менен бекитилген “Шайлоо комиссияларын түзүү, таркатуу жана шайлоо комиссияларынын резервин түзүү, жүргүзүү тартиби жөнүндө” жободо:

- 7-пункттагы “,жергиликтүү өз алдынча башкаруунун аткаруу органдарынын башчыларын” деген сөздөр алып салынсын;

- 13-пункттун биринчи абзацынын 6-пунктчасы төмөнкүдөй мазмундагы сүйлөм менен толукталсын:

“Шайлоо комиссияларынын мүчөлөрүнүн соттолгондугун/жоктугун текшерүү, анын ичинде, “Тундук” электрондук ведомстволор аралык өз ара аракеттенүү тутумун пайдалануу менен жүргүзүлөт.”;

- 13-пункттун биринчи абзацы төмөнкүдөй мазмундагы 6-1-пунктча менен толукталсын:

“6.1) оор жана өзгөчө оор кылмыштарды жасагандыгы үчүн соттолгон адам, анын соттуулугу мыйзамда белгиленген тартипте алынып салынганына же жоюлбаганына карабастан;”;

- 13-пункттун биринчи абзацы төмөнкүдөй мазмундагы 9-пунктча менен толукталсын:

“9) 18 жашка чыга элек жана активдүү шайлоо укугу жок адам.”;

- 15-пункт төмөнкүдөй мазмундагы абзац менен толукталсын:

“Талапкерлерди көрсөткөн субьекттерге талапкерлерди көрсөтүүдө, өзгөчө калктын олуттуу бөлүгүн түзгөн региондордо улуттук азчылыктардын өкүлдөрүнүн болушун сактоо сунуш кылынат.”;

- 19-пункт "Мыйзамын сактоо" деген сөздөрдөн кийин "жана мыйзамда белгиленген форма боюнча жеке маалыматтарды чогултууга жана иштетүүгө макулдук берүү" деген сөздөр менен толукталсын;

- 25-пункт төмөнкүдөй мазмундагы абзац менен толукталсын:

“Шайлоо комиссиясынын төрагасына белгиленген үлгүдөгү шайлоо комиссиясынын төрагасын шайлоо жөнүндө маселе боюнча жыйналышта төрагалык кылган шайлоо комиссиясынын мүчөсү кол койгон күбөлүк берилет.”;

- 26-пункт төмөнкүдөй мазмундагы сүйлөм менен толукталсын:

“Төрага жок болгон учурда анын милдеттерин катчы аткарат.”;

- 44-пункт биринчи абзацтан кийин төмөнкүдөй мазмундагы абзац менен толукталсын:

“Талапкерлерди көрсөтүү жөнүндө протоколго ошондой эле талапкерлердин толук маалыматтары (фамилиясы, аты, атасынын аты, туулган датасы, билими, негизги иштеген же ээлеген кызматы (негизги иштеген жери жок болгон учурда – ишинин түрү), жашаган жеринин дареги, кызматтык жана үй телефондору, шайлоо комиссияларынын ишине катышуу жөнүндө маалымат), “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамын сактоо милдеттенмеси менен мыйзамда белгиленген формада жеке маалыматтарды чогултууга жана иштеп чыгууга жана тиешелүү шайлоо комиссиясынын курамында иштөөгө макулдуктары жөнүндө арыз көрсөтүлгөн документтерге тиркелүүгө тийиш. Талапкерлерди көрсөтүү жөнүндө протокол бардык тиркемелери менен тиешелүү жергиликтүү кеңештин кароосуна жиберилет”.;

- жобо төмөнкүдөй мазмундагы 4-1-глава жана 55-1-пункт менен толукталсын:

“4-1. Аралыктагы участкада шайлоо комиссиясын түзүүнүн тартиби

55-1. Аралыктагы участкада аралыктан добуш берүүнү өткөрүү үчүн аралыктагы участка жайгашкан жердеги аймактык шайлоо комиссиясы аралыктагы участканын шайлоо комиссиясынын курамын, анын ичинде участкалык шайлоо комиссияларынын курамынан жана резервинен түзүүгө укуктуу.

Аралыктагы участканын шайлоо комиссиясынын курамын түзүү добуш берүү күнүнө чейин 15 календардык күндөн кечиктирбестен аймактык шайлоо комиссиясынын чечими менен 7 мүчөдөн кем эмес санда түзүлөт.

Аралыктагы участкадагы шайлоо комиссиясынын мүчөлүгүнө талапкерлерди кароодо шайлоо комиссиясынын мүчөсүнүн иш тажрыйбасы, ишке жоопкерчиликтүү мамилеси, жашаган жери сыяктуу критерийлер эске алынууга тийиш.

Аралыктагы участканын шайлоо комиссиясы коллегиалдуу орган болуп саналат. Чечимдер айкын жана ачык, комиссиянын мүчөлөрүнүн белгиленген санынын көпчүлүк добушу менен кабыл алынат.

Аралыктагы участкалык шайлоо комиссиясынын иштөө мөөнөтү шайлоонун натыйжалары расмий жарыяланган күндөн тартып он күн өткөндөн кийин аяктайт. Аралыктан добуш берүүнүн натыйжаларына даттанылган учурда аралыктан добуш берүү комиссиясынын ыйгарым укуктары жогору турган комиссиянын чечими же соттун мыйзамдуу күчүнө кирген чечими аткарылган күндөн тартып токтотулат.”;

- 58-пункт төмөнкүдөй редакцияда баяндалсын:

“Округдук, аймактык шайлоо комиссиясынын төрагасына, катчысына Кыргыз Республикасынын Министрлер Кабинети тарабынан белгиленген өлчөмдө сый акы төлөнөт.

Участкалык шайлоо комиссиясынын төрагасына, катчысына жана идентификациялоо операторуна шайлоолорду жана референдумдарды өткөрүү мезгилинде шайлоолорду жана референдумдарды өткөрүүгө бөлүнгөн каражаттардын эсебинен Кыргыз Республикасынын Министрлер Кабинети тарабынан белгиленген өлчөмдө сый акы төлөнөт.”.

Участкалык шайлоо комиссиясынын калган мүчөлөрүнө сый акы шайлоону жана референдумду өткөрүүнүн акыркы айы үчүн гана төлөнөт.”.

2. Бул токтом “Эркин-Тоо” газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3. Бул токтомдун көчүрмөсү аймактык шайлоо комиссияларына жөнөтүлсүн

4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У. Шайназаровго жүктөлсүн.

ТӨРАГА                                                                        Н. ШАЙЛДАБЕКОВА

Бишкек, 2024-жылдын 17-сентябры

№ 132