Кыргыз Республикасынын Шайлоо жана референдум өткөрүү боюнча борбордук комиссиясынын 2020-жылдын 110-февралындагы №38 “Шайлоочуларды эсепке алуунун бирдиктүү тутуму жѳнүндѳ жобону бекитүү тууралуу” токтомуна ѳзгѳртүүлѳрдү киргизүү тууралуу
“Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамына өзгөртүүлөрдү киргизүү тууралуу” Кыргыз Республикасынын 2024-жылдын 2-августундагы №158 Мыйзамына ылайык, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 3, 4 жана 8-беренелерин жетекчиликке алуу менен,
Кыргыз Республикасынын Шайлоо жана референдум өткөрүү боюнча борбордук комиссиясы
ТОКТОМ КЫЛАТ:
1. Кыргыз Республикасынын Шайлоо жана референдум өткөрүү боюнча борбордук комиссиясынын 2020-жылдын 110-февралындагы №38 “Шайлоочуларды эсепке алуунун бирдиктүү тутуму жѳнүндѳ жобону бекитүү тууралуу” токтомуна (КР БШКнын 2020-жылдын 25-июлундагы №140, 2020-жылдын 30-июлундагы №150, 2020-жылдын 23-декабрындагы №497, 2021-жылдын 29-августундагы №664 токтомдорунун редакциясында) тѳмѳндѳгүдѳй ѳзгѳртүүлѳр киргизилсин:
1) Жогоруда аталган токтом менен бекитилген “Шайлоочуларды эсепке алуунун бирдиктүү тутуму жѳнүндѳ” жободо:
- 3-пункттун 1-пунктчасынын экинчи абзацы төмөнкүдөй редакцияда баяндалсын:
“шайлоочунун инсандыгын ырастоочу документ - Кыргыз Республикасынын жаранынын мыйзамдарда белгиленген улуттук паспортторунун бардык түрлөрү, анын ичинде Кыргыз Республикасынын жараны тарабынан ведомстволор аралык электрондук өз ара аракеттенүү системасынын мобилдик тиркемеси аркылуу санариптик форматта жеткиликтүүлүк берилген улуттук паспорт;”;
- 3-пункттун 1-пунктчасы төмөнкүдөй мазмундагы онунчу жана он биринчи абзацтар менен толукталсын:
“көп мандаттуу шайлоо округу (көп мандаттуу шайлоо округу) – айылдык кеңештин бир нече депутаты шайланган шайлоо округу;
бирдиктүү шайлоо округу (бирдиктүү шайлоо округу) - административдик-аймактык бирдиктин - шаардын бүткүл аймагын камтыган шайлоо округу, анда ушул Мыйзамга ылайык шаардык кеңештин депутаттарын шайлоо пропорционалдык система боюнча өткөрүлөт;”;
- 3-пункттун 1-пунктчасынын он алтынчы абзацындагы “жарандын паспортунда” деген сөздөрдөн кийин “, паспорттун чипине же болбосо жашаган жеринин дарегин добуш берүү күнүнө 60 күн калганга чейинки мѳѳнѳттѳ жүргүзүлгѳн Кыргыз Республикасынын Жарандарынын улуттук паспортторунун мамлекеттик реестринде (УПМР) каттоо жолу менен жазылган” деген сөздөр менен толукталсын;
- 10-пункттагы “60 (алтымыш)” деген сөз жана цифралар “55 (элүү беш)” деген сөз жана цифралар менен алмаштырылсын;
- 11-пункт төмөнкүдөй мазмундагы экинчи абзац менен толукталсын:
“Шайлоочулардын тизмесин түзүүдө жана актуалдаштырууда ыйгарым укуктуу мамлекеттик орган мыйзамдарга ылайык электрондук колтамга менен ырасталган маалыматтарды ведомстволор аралык электрондук өз ара аракеттенүү системасы аркылуу шайлоо комиссиясына берет.”;
- 11-пункттагы “55 (элүү беш)” деген сөз жана цифра “50 (элүү)” деген сөз жана цифра менен алмаштырылсын;
- 20-пункттагы “соттун өкүмү боюнча эркиндигинен ажыратуу түрүндө жаза өтүүдө” деген сөздөр “анча оор эмес кылмыштарды жасагандыгы үчүн жазасын ѳтѳп жаткан жарандарды кошпогондо, соттун мыйзамдуу күчүнө кирген өкүмү боюнча эркиндигинен ажыратуу жайларында кармалып турган” деген сөздөргө алмаштырылсын;
2. Бул токтом “Эркин Тоо” газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.
3. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У. Шайназаровго жүктѳлсүн.
ТӨРАГА Н. ШАЙЛДАБЕКОВА
Бишкек ш., 2024-жылдын 17-сентябры
№ 130