Башкы Жаңылыктар

Жаңылыктар

2019-жылдын 19-майында өтө турган КР БШКнын отурумунун күн тартибинин долбоору
19.05.2019

2019-жылдын 19-майында өтө турган КР БШКнын отурумунун күн тартибинин долбоору

Өткөрүү датасы: 19-май 2019-ж. Убактысы: 12-00 Өткөрүлүүчү жери: отурумдар залы   1. Ысык-Көл облусунун Балыкчы шаарынын мэрин шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө (Баяндамачы – Т.О. Айтикеев, шайлоолорду уюштуруу боюнча бөлүмдүн башчысы) 2. Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлердин тизмесинен чыгаруу жана бош калган депутаттык мандаттарды жергиликтүү кеңештердин депутаттыгына талапкерлерге өткөрүп берүү жөнүндөгү Нарын шаардык, Ат-Башы, Лейлек, Тоң, Жети-өгүз, Токтогул, Панфилов, Жайыл, Чүй, Ноокат жана Чоң-Алай аймактык шайлоо комиссияларынын чечимдерин бекитүү тууралуу (Баяндамачы – Т.О. Айтикеев, шайлоолорду уюштуруу боюнча бөлүмдүн башчысы) 3. Ар түрдүү маселелер
Кененирээк билүү >>
КРдин айрым жергиликтүү кеңештеринин депутаттарын шайлоодо добуш берүү үчүн 45 шайлоо участогу ачылды
18.05.2019

КРдин айрым жергиликтүү кеңештеринин депутаттарын шайлоодо добуш берүү үчүн 45 шайлоо участогу ачылды

2019-жылдын 19-майында Чүй, Нарын, Талас, Ош жана Баткен облустарынын тургундары жергиликтүү кеңештерге 233 депутат шайлайт. Эртең менен саат 8.00дө 13 айылдык кеңеште добуш берүү үчүн 45 шайлоо участогу ачылды. Бардык участоктор зарыл жабдыктар, техника, маалыматтык материалдар менен жабдылган. Жергиликтүү мамлекеттик органдар жана ЖӨБ органдары менен биргеликте үзгүлтүксүз электр энергиясы, телефон байланышы менен камсыздалган. Шайлоочулардын тизмесине 54 782 шайлоочу киргизилген. Шайлоо бюллетендеринин зарыл саны даярдалып, шайлоо комиссияларына өткөрүлүп берилген. Кыргыз Республикасынын Президентинин 2019-жылдын 18-мартындагы ПЖ №41 Жарлыгы менен төмөнкү облустарга депутаттарды шайлоо дайындалганын эске салабыз: - Баткен облусунун Баткен районунун Самаркандек, Ак-Сай, Ак-Татыр айылдык кеңештерине; - Нарын облусунун Жумгал районунун Көк-Ой айылдык кеңешине; - Ош облусунун Кара-Кулжа районунун Кеңеш айылдык кеңешине, Алай районунун Кабылан-Көл айылдык кеңешине, Ноокат районунун Исанов айылдык кеңешине, Кара-Суу районунун Отуз-Адыр айылдык кеңешине; - Талас облусунун Кара-Буура районунун Шекер, Бейшеке, Бакыян айылдык кеңештерине; - Чүй облусунун Жайыл районунун Кызыл-Дыйкан айылдык кеңешине. Кыргыз Республикасынын Президентинин 2019-жылдын 4-апрелиндеги ПЖ №44 Жарлыгы менен Чүй облусунун Аламүдүн районунун Байтик айылдык кеңешинин депутаттарын мөөнөтүнөн мурда шайлоо 2019-жылдын 19-майына дайындалган. КР БШК аппаратынын маалыматтык бөлүмү
Кененирээк билүү >>
Баткен, Нарын, Ош, Талас жана Чүй облустарынын айрым жергиликтүү кеңештеринин депутаттарын кезектеги жана мөөнөтүнөн мурда шайлоодо жайдан тышкары добуш берүү өткөрүлдү
18.05.2019

Баткен, Нарын, Ош, Талас жана Чүй облустарынын айрым жергиликтүү кеңештеринин депутаттарын кезектеги жана мөөнөтүнөн мурда шайлоодо жайдан тышкары добуш берүү өткөрүлдү

Бүгүн, 2019-жылдын 18-майында 2019-жылдын 19-майына дайындалган Баткен, Нарын, Ош, Талас жана Чүй облустарынын айрым жергиликтүү кеңештеринин депутаттарын кезектеги жана мөөнөтүнөн мурда шайлоодо добуш берүүчү жайдан тышкары добуш берүү өткөрүлдү. Добуш берүүчү жайдан тышкары добуш берүүгө ниеттенгени жөнүндө бардыгы 277 шайлоочудан арыз түшкөн, анын ичинде 242 шайлоочу добуш берди. 35 шайлоочу төмөнкү себептерден улам добуш бере алган жок:паспортунун жоктугуна байланыштуу – 15 шайлоочу, 13 шайлоочу үйүндө болгон эмес, 5өө иденттештирүүдөн өткөн эмес, 2 жаран шайлоочулардын тизмесинде болгон эмес. “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 33-беренесине ылайык добуш берүү үчүн жайдан тышкары жерде добуш берүү шайлоо күнүнө чейин бир календардык күн калганда гана жана шайлоочунун добуш берүү үчүн жайдан тышкары жерде добуш берүү мүмкүнчүлүгүн түзүү жөнүндө жазуу жүзүндөгү кайрылуусунун негизинде гана жүргүзүлөт.   КР БШК аппаратынын маалыматтык бөлүмү
Кененирээк билүү >>
2019-жылдын 19-майына дайындалган Баткен, Нарын, Ош, Талас жана Чүй облустарынын айрым жергиликтүү кеңештеринин депутаттарын кезектеги жана мөөнөтүнөн мурда шайлоодо жайдан тышкары добуш берүү башталды
18.05.2019

2019-жылдын 19-майына дайындалган Баткен, Нарын, Ош, Талас жана Чүй облустарынын айрым жергиликтүү кеңештеринин депутаттарын кезектеги жана мөөнөтүнөн мурда шайлоодо жайдан тышкары добуш берүү башталды

Депутаттарды шайлоодо добуш берүүчү жайдан тышкары добуш берүү башталды: - Баткен облусунун Баткен районунун Ак-Татыр айылдык кеңешинде 1 шайлоо участогунда; - Баткен облусунун Баткен районунун Ак-Сай айылдык кеңешинде 4 шайлоо участогунда; - Нарын облусунун Жумгал районунун Көк-Ой айылдык кеңешинде 2 шайлоо участогунда; - Ош облусунун Кара-Кулжа районунун Кеңеш айылдык кеңешинде 1 шайлоо участогунда; - Ош облусунун Алай районунун Кабылан-Көл айылдык кеңешинде 2 шайлоо участогунда; - Ош облусунун Кара-Суу районунун Отуз-Адыр айылдык кеңешинде 3 шайлоо участогунда; - Ош облусунун Ноокат районунун Н. Исанов айылдык кеңешинде 6 шайлоо участогунда; - Талас облусунун Кара-Буура районунун Шекер айылдык кеңешинде 2 шайлоо участогунда; - Талас облусунун Кара-Буура районунун Бейшеке айылдык кеңешинде 2 шайлоо участогунда; - Талас облусунун Кара-Буура районунун Бакыян айылдык кеңешинде 1 шайлоо участогунда; - Чүй облусунун Жайыл районунун Кызыл-Дыйкан айылдык кеңешинде 1 шайлоо участогунда; - Чүй облусунун Аламүдүн районунун Байтик айылдык кеңешинде1 шайлоо участогунда. Добуш берүүчү жайдан тышкары добуш берүүгө ниеттенгени жөнүндө бардыгы 277 шайлоочудан арыз түшкөн. “Жергиликтүү кеңештердин депутаттарын шайлоо жөнүндө” КР Мыйзамынын 33-беренесине ылайык добуш берүү үчүн жайдан тышкары жерде добуш берүү шайлоо күнүнө чейин бир календардык күн калганда гана жана шайлоочунун добуш берүү үчүн жайдан тышкары жерде добуш берүү мүмкүнчүлүгүн түзүү жөнүндө жазуу жүзүндөгү кайрылуусунун негизинде гана жүргүзүлөт. КР БШК аппаратынын маалыматтык бөлүмү
Кененирээк билүү >>
2019-жылдын 17-майында  “Plaza” отелинде шайлоо мыйзамдарын өркүндөтүү боюнча Жумушчу топтун демилгеси боюнча коомдук диалог өттү
17.05.2019

2019-жылдын 17-майында “Plaza” отелинде шайлоо мыйзамдарын өркүндөтүү боюнча Жумушчу топтун демилгеси боюнча коомдук диалог өттү

Коомдук диалог 2018-2020-жылдарга КР шайлоо мыйзамдарын өркүндөтүү Стратегиясын жүзөгө ашыруу алкагында уюштурулду. Бул иш-чаранын максаты КР шайлоо мыйзамдарын өркүндөтүү Стратегиясында каралган партияларды өнүктүрүү жаатындагы чараларды талкуулоо болуп саналат. Кириш сөз менен КР БШКнын Төрагасы Н. Шайлдабекова, ЕККУнун демократиялык институттар жана адам укуктары боюнча Бюросунун демократиялаштыруу бөлүмүнүн башчысы Марчин Валецки жана КРдеги шайлоо тутумдары эл аралык фондусунун Өкүлчүлүгүнүн программалык улук менеджери А. Орехов кириш сөз менен чыгып сүйлөштү. Ошондой эле Жумушчу топтун мүчөлөрү, саясий партиялардын, жарандык коомдун өкүлдөрү жана көз карандысыз эксперттер катышты. А. Орехов: “Көп жылдар мурда Кыргызстанда коомдук диалогду өткөрүү идеясы пайда болгонуна мен кубанычтамын, адегенде бул республикалык шайлоодон кийин жыйынтыктарды чыгаруу идеясы болгон, андан соң коомдук диалогдун формасы абдан популярдуу болуп, БШК, ЕККУ жана жарандык сектор башында турган өнөктөштөр мындай иш-чараны өткөрүүнү дайыма колдогону салтка айланды. Бул – дискуссияларды өткөрүүнүн мыкты формаларынын бири, мында ар бир тараптын өз пикирин айтууга, мыйзамдарды реформалоонун концепциясын өзгөртүү жаатындагы маселелерди талкуулап, чечүүнүн кыйла мыкты жолдорун табууга мүмкүнчүлүгү бар”. Баяндамалар менен төмөнкүлөр чыгып сүйлөдү: Эксперт Ж. Абдыкадырова “Саясий партиялар жөнүндө мыйзамдарды өркүндөтүү стратегиясында каралган чаралар” деген темада; “Замандаш” саясий партиясынан П. Суранова партиялык ички демократияны өнүктүрүүнүн зарылдыгы жөнүндө темада; КР БШКнын мүчөсү Г. Джурабаева “Саясий партиялардын ишин каржылоо жөнүндө” деген темада. Иш-чарада төмөнкү маселелер талкууланды: Саясий партияларды түзүүнүн жана аларда мүчөлүктүн тартиби; Саясий партиялардын ишин мамлекеттик каржылоо жана анын мүмкүн болгон формалары; талапкерлердин тизмесин түзүү маселелери боюнча чечимдерди кабыл алуу тартиби; Саясий партиялардын мүчөлөрүнүн укуктарын кеңейтүү; Саясий партияларды каржылоонун айкындуулугу; Саясий партияларда мүчөлүктү токтотуунун тартиби; Каржылык отчёт берүү; Саясий партиялардын укуктары жана милдеттери; Саясий партиялардын ишин токтотуу. “Каржылоонун жана айкындуулуктун маселелери, саясий партиялардын ишинде коррупциянын жоктугу партиялардын жана жалпы эле мамлекеттин келечектеги өнүгүүсүнүн өбөлгөсү болуп саналат” деп белгиледи ЕККУнун демократиялык институттар жана адам укуктары боюнча Бюросунун демократиялаштыруу бөлүмүнүн башчысы Марчин Валецки. Коомдук диалогдун жыйынтыктарында бардык айтылган пикирлер жана сунуштар эске алынды, алар Жумушчу топтун мындан аркы ишинде колдонулмакчы. КР БШК аппаратынын маалыматтык бөлүмү  
Кененирээк билүү >>
Мөөнөтүнөн мурда шайлоого шайлоочулардын добуш берүүчү жайдан тышкары добуш берүүгө мүмкүнчүлүк берүү жөнүндө жазуу жүзүндөгү арыздарын кабыл алуу аяктады
17.05.2019

Мөөнөтүнөн мурда шайлоого шайлоочулардын добуш берүүчү жайдан тышкары добуш берүүгө мүмкүнчүлүк берүү жөнүндө жазуу жүзүндөгү арыздарын кабыл алуу аяктады

2019-жылдын 16-майында саат 18:00дө Чүй облусунун Аламүдүн районунун Байтик айылдык кеңешинин депутаттарын мөөнөтүнөн мурда шайлоого шайлоочулардын добуш берүүчү жайдан тышкары добуш берүүгө мүмкүнчүлүк берүү жөнүндө жазуу жүзүндөгү арыздарын кабыл алуу аяктады. Шайлоочулардан добуш берүүчү жайдан тышкары добуш берүүгө мүмкүнчүлүк берүү жөнүндө жазуу жүзүндө 16 арыз түштү. “Жергиликтүү кеңештердин депутаттарын шайлоо жөнүндө” КР Мыйзамынын 33-беренесинин 2-пунктуна ылайык добуш берүү үчүн жайдан тышкары жерде добуш берүү шайлоо күнүнө чейин бир календардык күн калганда гана жана шайлоочунун добуш берүү үчүн жайдан тышкары жерде добуш берүү мүмкүнчүлүгүн түзүү жөнүндө жазуу жүзүндөгү кайрылуусунун негизинде гана жүргүзүлөт. Чүй облусунун Аламүдүн районунун Байтик айылдык кеңешинин депутаттарын мөөнөтүнөн мурда шайлоо 2019-жылдын 19-майында өтөт. КР БШК аппаратынын маалыматтык бөлүмү
Кененирээк билүү >>
Шайлоочулардын добуш берүүчү жайдан тышкары добуш берүүгө мүмкүнчүлүк берүү жөнүндө жазуу жүзүндөгү арыздарын кабыл алуу аяктады
16.05.2019

Шайлоочулардын добуш берүүчү жайдан тышкары добуш берүүгө мүмкүнчүлүк берүү жөнүндө жазуу жүзүндөгү арыздарын кабыл алуу аяктады

2019-жылдын 15-майында саат 18:00дө Кыргыз Республикасынын Баткен, Нарын, Ош, Талас жана Чүй облустарынын айрым жергиликтүү кеңештеринин депутаттарын шайлоодо шайлоочулардын добуш берүүчү жайдан тышкары добуш берүүгө мүмкүнчүлүк берүү жөнүндө жазуу жүзүндөгү арыздарын кабыл алуу аяктады. Республика боюнча шайлоочулардан добуш берүүчү жайдан тышкары добуш берүүгө мүмкүнчүлүк берүү жөнүндө жазуу жүзүндө бардыгы 261 арыз түштү. Анын ичинде: Баткен облусунун Баткен районунун Ак-Татыр айылдык кеңешинде – 8 арыз; Баткен облусунун Баткен районунун Ак-Сай айылдык кеңешинде – 21 арыз; Нарын облусунун Жумгал районунун Көк-Ой айылдык кеңешинде – 17 арыз; Ош облусунун Кара-Кулжа районунун Кеңеш айылдык кеңешинде – 14 арыз; Ош облусунун Алай районунун Кабылан-Көл айылдык кеңешинде – 28 арыз; Ош облусунун Кара-Суу районунун Отуз-Адыр айылдык кеңешинде – 17 арыз; Ош облусунун Ноокат районунун Н. Исанов айылдык кеңешинде – 91 арыз; Талас облусунун Кара-Буура районунун Шекер айылдык кеңешинде – 20 арыз; Талас облусунун Кара-Буура районунун Бейшеке айылдык кеңешинде – 13 арыз; Талас облусунун Кара-Буура районунун Бакыян айылдык кеңешинде – 31 арыз; Чүй облусунун Жайыл районунун Кызыл-Дыйкан айылдык кеңешинде – 1 арыз. “Жергиликтүү кеңештердин депутаттарын шайлоо жөнүндө” КР Мыйзамынын 33-беренесинин 2-пунктуна ылайык добуш берүү үчүн жайдан тышкары жерде добуш берүү шайлоо күнүнө чейин бир календардык күн калганда гана жана шайлоочунун добуш берүү үчүн жайдан тышкары жерде добуш берүү мүмкүнчүлүгүн түзүү жөнүндө жазуу жүзүндөгү кайрылуусунун негизинде гана жүргүзүлөт. Айрым жергиликтүү кеңештердин депутаттарын шайлоо 2019-жылдын 19-майында өтөт. КР БШК аппаратынын маалыматтык бөлүмү
Кененирээк билүү >>
КР БШК делегациясы Литва Республикасынын Президентин шайлоодо байкоочулар катары катышты
14.05.2019

КР БШК делегациясы Литва Республикасынын Президентин шайлоодо байкоочулар катары катышты

КР БШКнын мүчөсү Н. Арипов менен КР БШКнын аппаратынын жетекчиси М. Коңурбаев курамындагы КР БШК делегациясы Литва Республикасынын Президентин шайлоодо байкоочулар катары катышты. 2019-жылдын 12-майында республика Президентин шайлоо жана кош жарандуулук жана Сеймдин депутаттарынын санын кыскартуу маселелери боюнча эки референдум болуп өттү. Программанын алкагында КР БШК делегациясы шайлоо участогунун ачылышына, добуш берүүнүн жүрүшүнө байкоо жүргүздү. КР БШКнын мүчөсү Н. Арипов шайлоо эл аралык укуктун шайлоону уюштуруу жана өткөрүү тармагындагы жалпы кабыл алынган принциптердин негизинде өткөнүн белгиледи. Президенттин кызмат ордуна 9 талапкер ат чалышты. Шайлоо участокторунда добуш берүү саат 7:00дөн 20:00гө чейин өттү. Шайлоочулардын тизмесине 2 млн 472 миң 405 жаран киргизилген. Маалымат үчүн: Президентти шайлоо болуп өттү деп эсептеш үчүн шайлоочулардын келүү босогосу жок. Чет өлкөдө добуш берүү үчүн 56 миң литвалык жаран катталган. Литвада Президентти шайлоо менен бирге бир эле учурда эки референдум өттү. Республиканын тургундары кош жарандуулукту киргизүү жана парламенттин депутаттарынын санын кыскартуу маселелери боюнча өз эрк-ниетин билдирүүлөрү керек. Литванын мыйзамдарына ылайык референдум болуп өттү деп таанылыш үчүн анда катталган шайлоочулардын жарымынан көбү б.а. 1 236 203 адам добуш берүүгө тийиш. КР БШК аппаратынын маалыматтык бөлүмү
Кененирээк билүү >>
Марат Кудайбергенов Балыкчы шаарынын мэри болуп шайланды
14.05.2019

Марат Кудайбергенов Балыкчы шаарынын мэри болуп шайланды

2019-жылдын 14-майында Ысык-Көл облусунун Балыкчы шаарынын мэрин шайлоо болуп өттү. “Замандаш” депутаттык фракциясынан талапкер Кудайбергенов Марат 31 добуштан 22 добуш алып, Балыкчы шаарынын мэри болуп шайланды. КР БШКнын 2019-жылдын 26-апрелиндеги №53 токтомуна ылайык Балыкчы аймактык шайлоо комиссиясы Кыргыз Республикасынын мыйзамдарына ылайык шайлоо уюштурду. Балыкчы шаарынын мэри кызмат орунуна “Замандаш” жана “Кыргызстан” депутаттык фракцияларынан эки талапкер арыз берген. Маалымат үчүн: Кудайбергенов Марат Сагынович 1993-жылы туулган, Ысык-Көл облусунун Балыкчы шаарынын тургуну. Билими жогорку – Ж. Баласагын атындагы КУУну “Финансы жана кредит” адистиги боюнча бүтүргөн. Иш стажы: 2011-жылдан 2017-жылга чейин – “Алыш Сервис” ЖЧКнын башкы директору; 2017-жылдын августунан КР Өкмөтүнүн Ысык-Көл облусундагы ыйгарым укуктуу өкүлүнүн жардамчысы; 2019-жылдан “КР Президентинин №2 мамлекеттик резиденциясы” ММнын маркетинг жана бош убакытты уюштуруу кызматынын начальниги. Үй-бүлөлүк абалы – үйлөнгөн. КР БШК аппаратынын маалыматтык бөлүмү  
Кененирээк билүү >>
КР БШКнын өкүлдөрү Индиядагы жалпы шайлоого эл аралык байкоочу катары катышты
13.05.2019

КР БШКнын өкүлдөрү Индиядагы жалпы шайлоого эл аралык байкоочу катары катышты

КР БШКнын Төрагасынын орун басары А. Бекматов жана БШКнын мүчөсү Е. Джилкичиева Индиянын Борбордук шайлоо комиссиясынын Төрагасы С. Арордун чакыруусу боюнча Индиядагы жалпы шайлоого эл аралык байкоочу катары катышты. Жалпы шайлоого байкоо жүргүзүү алкагында А. Бекматов жана Е. Джилкичиева шайлоо участокторунун иши менен таанышты. Шайлоо процессинин айкындуулугун жана аныктыгын арттыруу максатында бардык штаттардын жана бирлик аймактарынын ар бир шайлоо участогунда добуш берүү үчүн электрондук машиналар (EVM) менен бирге шайлоочулардын аныктыгын текшерүүнүн контролдук журналдары (VVPAT) пайдаланылат. Индиядагы 7 этапта өтүүчү жалпы шайлоо 11-апрелде башталган, 19-майда аяктайт. Добуштар 2019-жылдын 23-майында саналат. Добуш берүүнүн жүрүшүндө 900 миллиондон ашык шайлоочу Индиянын парламентинин төмөнкү палатасынын 543 депутатын шайлайт, бул шайлоону эң масштабдуу демократиялык иш-чара катары кароого болот. Маалымат үчүн: Индияда 10 355 918ге жакын шайлоо участогу бар. Ар бир шайлоо участогу кепилденген минимум шарттар менен жабдылган (ичүүчү суу, бастырма, мүмкүнчүлүктөрү чектелүү шайлоочулар үчүн пандус, добуш берүү үчүн атайын тосмо менен бөлүнгөн жай ж.б.). 1951-1952-жылдары өзүнүн алгачкы улуттук шайлоосун өткөрүү менен Индия дүйнөдөгү ири шайлоо демократиясынын статусун алган. Ошондон бери мезгилдин белгилүү бир тогошунда ишеним арттырган демократиялык шайлоо өлкөгө карапайым адамдардын укуктарын жана мүмкүнчүлүктөрүн тынчтык жолу менен кеңейтүүгө, ошентип, бүткүл дүйнө үчүн шыктануунун булагы болгонго өбөлгө түздү. КР БШК аппаратынын маалыматтык бөлүмү  
Кененирээк билүү >>
2019-жылдын 13-майына карата талапкерлердин шайлоо фондуларынан акча каражаттарынын кыймылы жөнүндө отчет
13.05.2019

2019-жылдын 13-майына карата талапкерлердин шайлоо фондуларынан акча каражаттарынын кыймылы жөнүндө отчет

2019-жылдын 13-майына карата талапкерлердин шайлоо фондуларынан акча каражаттарынын кыймылы жөнүндө отчет
Кененирээк билүү >>
КР БШКнын Төрагасы Н. Шайлдабекова Улуу Ата мекендик согуштагы окуяларга байланыштуу “Жеңиштин жат жазуусу” деген темада тарыхый жат жазууну жазууга катышты
08.05.2019

КР БШКнын Төрагасы Н. Шайлдабекова Улуу Ата мекендик согуштагы окуяларга байланыштуу “Жеңиштин жат жазуусу” деген темада тарыхый жат жазууну жазууга катышты

Жеңиш Күнүнүн алдында КР БШКнын Төрагасы Н. Шайлдабекова Улуу Ата мекендик согуштагы окуяларга байланыштуу “Жеңиштин жат жазуусу” деген темада тарыхый жат жазууну жазууга катышты. Агартуучулук акциянын башкы максаты – коомдун, айрыкча жаш муундун Улуу Ата мекендик согуш темасына, ошол бурулуш жылдардагы эрдик, каармандык жана трагизм маселелерине кошумча кызыгуусун арттыруу. Бул акция үчүн чет элдик аянтчалар 23 өлкөдө ачылды. КР БШК аппаратынын маалыматтык бөлүмү  
Кененирээк билүү >>
КР БШК согуштун ардагерлерин жана ооруктун эмгекчилерин Жеңиш Күнү менен куттуктады
08.05.2019

КР БШК согуштун ардагерлерин жана ооруктун эмгекчилерин Жеңиш Күнү менен куттуктады

Жеңиш Күнүнүн алдында КР БШКнын Төрагасы Н. Шайлдабекова жана Төраганын орун басары А. Эшимов согуштун ардагерлери жана ооруктун эмгекчилери Багышбеков Ишенбай, Поломощнов Петр, Шпак Варвара, Шоруков Булаталынын үйлөрүнө барып, жолугушту. “Сиздердин муун тарыхтагы эң таш боор согуштардын бирин башынан кечирди жана эң оор, бирок эң улуу Жеңишке жетишти. Өлкөбүз, тынч жашообуз жана биздин балдардын келечеги үчүн күрөшкөн сиздерге баш ийип, таазим этебиз. Сиздерге чың ден соолук, узак өмүр, жакындарыңыздардын сиздерге кайрымдуу жана камкор болуусун каалайбыз” деп куттуктады КР БШКнын Төрагасы Н. Шайлдабекова. Өз кезегинде Төраганын орун басары А. Эшимов согуштун ардагерлерин куттуктап, аларга чың ден соолук, бакыт-таалай, узак өмүр, тынчтык жана бакубат турмуш каалады. Согуштун ардагерлерине жана ооруктун эмгекчилерине акчалай сыйлык жана азык-түлүк пакети тапшырылды. КР БШК аппаратынын маалыматтык бөлүмү  
Кененирээк билүү >>
Кыргыз Республикасынын Шайлоо жана референдум өткөрүү боюнча борбордук комиссиясынын согуштун ардагерлерин жана ооруктун эмгекчилерин 9-Май – Улуу Ата мекендик согуштагы Жеңиш Күнү менен куттуктоосу
08.05.2019

Кыргыз Республикасынын Шайлоо жана референдум өткөрүү боюнча борбордук комиссиясынын согуштун ардагерлерин жана ооруктун эмгекчилерин 9-Май – Улуу Ата мекендик согуштагы Жеңиш Күнү менен куттуктоосу

Урматтуу кесиптештер! Жеңиш Күнү – бизге өлкөбүздүн эң трагедиялуу күндөрүн эске салган тарыхка байланыштуу майрам. Кыргызстан жергеси согуштагы салгылашуулардын алааматын билген жок, бирок анын жашоочулары майданда жана оорукта ойго келбеген кыйынчылыктарды жеңип, өзүнүн жарандык милдетин ар-намыстуулук менен аткарды, эл узак убакыт бою күткөн Жеңишке зор салымын кошту. Согуш алааматы кайталанбашы үчүн, жаш муун аталардын жана чоң аталардын каарман иштерин эсте сактап, өткөн баатырлыктын тарыхына сый-урмат менен мамиле кылышы үчүн биз колдон келгендин баарын жасоого тийишпиз. Бул Улуу Жеңиш алдыдагы кыйынчылыктарды жеңип, коомдогу биримдикти жана өз ара түшүнүүнү бекемдеп, бизди жаңы жетишкендиктери шыктандыра берсин! Жеңиш Күнүңүздөр менен!   Урматтуу кыргызстандыктар! Жеңиш Күнүнө байланыштуу чын дилимден куттуктоомду кабыл алып коюңуздар! Бул дата бизден улам алыстап, Улуу Ата мекендик согуштун катышуучулары Түбөлүк отко улам аз келишүүдө, бирок бизге тынчтык жана бейпилдик алып келгендердин элеси бүгүн да тирүү. Майданга катышкан ардагерлерге, ооруктун эмгекчилерине, ошондой эле талкаланып, бүлүнгөн өлкөбүздү кыйроодон сактап калган бардык адамдарга биздин ыраазычылыгыбыз, алардын эрдигине таазим этүү сезимдерибиз эч качан түгөнбөйт. Бүгүн биздин муунубуздун алдында Кыргызстан кубаттуу жана гүлдөп-өнүккөн мамлекет болсун үчүн өлкөбүздөгү тынчтыкты жана ынтымакты чыңдап, Жеңиштин жемиштерин сактоо жана көбөйтүү милдети турат. Жеңишке умтулуубуздан биз эч качан ажырабайлы, ал эми тынчтык менен бакубат турмуш биздин үйлөрдү жылоолосун. Сиздерге биримдик, ынтымак жана гүлдөп-өнүгүүңүздөрдү каалайм! Майрамыңыздар кут болсун! Кыргыз Республикасынын Шайлоо жана референдум өткөрүү боюнча борбордук комиссиясынын  төрагасы                               Н. Шайлдабекова
Кененирээк билүү >>
Чүй жана Ош облустарында үч айыл өкмөтүнүн башчылары шайланды
08.05.2019

Чүй жана Ош облустарында үч айыл өкмөтүнүн башчылары шайланды

2019-жылдын 8-майында КР БШК Чүй жана Ош облустарынын үч айыл өкмөтүнүн башчыларын бекитти. Тажибаев Жумабек Аланович Ош облусунун Алай районунун К. Белекбаев атындагы Алай айыл өкмөтүнүн башчылыгына шайланды. 1969-жылы 4-январда Ош облусунун Алай районунун Көлдүк айылында туулган. Билими жогорку, Ош технологиялык университетин бүтүргөн. Эмгек жолу: 2000-жылдан 2018-жылга чейин Алай айыл өкмөтүндө иштеген (башкы бухгалтер, финансы жана экономика бөлүмүнүн башчысы). 2018-жылдын 13-ноябрынан тартып, азыркы кезге чейин Алай райондук администрациясынын жетектөөчү адиси (айыл чарбасынын экономикасы, финансысы жана коммуникация бөлүмү) болуп иштеген. Үй-бүлөлүк абалы: үйлөнгөн, 5 баласы бар. Чүй облусунун Кемин районунун Кара-Булак айыл өкмөтүнүн башчысы болуп Мамбетказиев Айбек Канатович шайланды. 1984-жылы 6-декабрында Казакстан Республикасынын Ак-Суек штп туулган. Учурда Чүй облусунун Кемин районунун Кара-Булак айылында жашайт. К.И. Скрябин атындагы Кыргыз агрардык университетин “Дене тарбия” адистиги боюнча бүтүргөн. Эмгек жолу: 2011-жылдан 2015-жылга чейин – Кемин районунун БӨСМнүн машыктыруучусу; 2015-жылдан 2016-жылга чейин – Кемин районунун БӨСМнүн директорунун орун басары; 2016-жылдан азыркы кезге чейин – Кемин районунун БӨСМнүн директору; 2016-жылдан – Кара-Булак айылдык кеңешинин депутаты. Үй-бүлөлүк абалы: үйлөнгөн. Чүй облусунун Москва районунун Целинный айыл өкмөтүнүн башчылыгына Жумагулов Мирланбек Жаныбекович шайланды. 1971-жылы 5-ноябрда Москва районунун Түлөк айылында туулган. Билими жогорку, Чүй университетин “Экономика” адистиги боюнча бүтүргөн. Эмгек жолу: 1988-жылдан 1991-жылга чейин – Москва районунун Түлөк айылынын спорттук инструктору; 2007-жылдан 2011-жылга чейин – Түлөк айыл өкмөтүнүн айыл башчысы; 2012-жылдан 2019-жылга чейин – “НурИслам” ДЧ башчысы. Үй-бүлөлүк абалы: үйлөнгөн, 3 баласы бар. Алай, Кемин, Москва аймактык шайлоо комиссияларына шайланган башчыларга белгиленген үлгүдөгү күбөлүктөрдү берүү тапшырылды. КР БШК аппаратынын маалыматтык бөлүмү  
Кененирээк билүү >>
Ысык-Көл облусунун айыл өкмөтүнүн башчысын кайра шайлоо датасы дайындалды
08.05.2019

Ысык-Көл облусунун айыл өкмөтүнүн башчысын кайра шайлоо датасы дайындалды

Ысык-Көл облусунун Жети-Өгүз районунун Саруу айыл өкмөтүнүн башчысын шайлоо өтпөгөнүнө байланыштуу КР БШК кайра шайлоону 2019-жылдын 22-майына дайындады. Жети-Өгүз АШКга шайлоону өткөрүүнү Кыргыз Республикасынын мыйзамдарына ылайык уюштуруу тапшырылды. Талапкерлер А. Чыныбаев жана Ж. Абдыраев биринчи турда тең добуш алгандыктан, 2019-жылдын 6-майына дайындалган Саруу айыл өкмөтүнүн башчысын шайлоо өткөн эмес. Маалымат катары:  “Жергиликтүү өз алдынча башкаруу жөнүндө" Кыргыз Республикасынын Мыйзамынын 48-беренесине ылайык жогорку билими жана мамлекеттик же болбосо муниципалдык кызматта 2 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбакер субъекттердин жетекчилик кызматтарында 3 жылдан кем эмес иш стажы бар аракетке жөндөмдүү Кыргыз Республикасынын жараны айыл өкмөтүнүн башчысы боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны айыл өкмөтүнө башчы болушу мүмкүн эмес. КР БШК аппаратынын маалымат бөлүмү
Кененирээк билүү >>
1 … 357 359 … 488