Башкы
Жаңылыктар
Жаңылыктар
КР БШК шайлоо бюллетендерин аймактык шайлоо комиссияларына өткөрүп берди
2019-жылдын 7-майында КР БШКнын мүчөлөрү жана кызматкерлери жергиликтүү кеңештердин депутаттарын шайлоодо добуш берүү үчүн 54 783 шайлоо бюллетенин региондорго өткөрүп берди.
Бюллетендерди өткөрүп берүү “Учкун” ААКтын имаратында КР БШКнын мүчөлөрү жана БШКнын аппаратынын кызматкерлеринин катышуусунда болуп өттү.
Бардыгы 54 783 шайлоо бюллетени даярдалса, анын 54 041и – мамлекеттик тилде, 742си – расмий тилде.
Бюллетендер Баткен (13721), Нарын (1825), Ош (22 821), Талас (8409) жана Чүй (8 007) облустарынын аймактык шайлоо комиссияларына өткөрүлүп берилди.
Жергиликтүү кеңештердин депутаттарын шайлоо 2019-жылдын 19-майына дайындалган.
Шайлоого катышуу үчүн бардыгы 569 талапкер катталган.
Маалымкат:
Бюллетендерди “Учкун” ААКта басуу процессине КР БШКнын мүчөлөрү жана кызматкерлери тарабынан күнү-түнү байкоо жүргүзүлдү.
“Учкун” ААКтын басма цехинде жабдыктардын комплекти орнотулуп, анда басылган шайлоо бюллетендери тесттен өткөрүлдү.
Шайлоо бюллетендеринде коргоонун жогорку даражасы бар, автоматтык эсептөөчү урна ар бир бюллетенди таануусу үчүн бюллетенге атайын коргоочу боёк жуктурулат.
Күзөттү укук коргоо органдарынын (УКМК жана ИИМ) кызматкерлери камсыздады.
КР БШК аппаратынын маалыматтык бөлүмү
Кененирээк билүү >>
2019-жылдын 8-майында өтө турган КР БШКнын отурумунун күн тартибинин долбоору
Өткөрүү датасы: 8 май 2019-ж.
Убактысы: 11:00
Өткөрүлүүчү жери: отурумдар залы
1. Ош облусунун Алай районунун К. Белекбаев атындагы Алай, Чүй облусунун Кемин районунун Кара-Булак, Москва районунун Целинный айыл өкмөттөрүнүн башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө
(Баяндамачы – Т.О. Айтикеев, шайлоолорду уюштуруу боюнча бөлүмдүн башчысы)
2. Ысык-Көл облусунун Жети-өгүз районунун Саруу жана Ош облусунун Ноокат районунун Жаңы-Ноокат айыл өкмөттөрүнүн башчыларын шайлоону дайындоо жөнүндө
(Баяндамачы – Т.О. Айтикеев, шайлоолорду уюштуруу боюнча бөлүмдүн башчысы)
3. Ар түрдүү маселелер
Кененирээк билүү >>
Саруу айыл өкмөтүнүн башчысын шайлоо өткөн жок
Ысык-Көл облусунун Жети-Өгүз районунун Саруу айыл өкмөтүнүн башчысынын кызмат орунуна талапкерлер добуштардын зарыл санын алышкан жок. Саруу айыл өкмөтүнүн башчылыгына эки талапкер – Чыныбаев Алмазбек жана Абдыраев Жыргалбек катталган, алар 21 добуштан ар бири 9дан добуш алышты.
“Жергиликтүү өз алдынча башкаруу жөнүндө” Кыргыз Республикасынын Мыйзамынын 49-беренесине ылайык КР БШК кайра шайлоону дайындайт.
Маалымкат:
КР БШКнын 2019-жылдын 18-апрелиндеги №49 токтому менен Ысык-Көл облусунун Жети-Өгүз районунун Саруу айыл өкмөтүнүн башчысын шайлоо 2019-жылдын 6-майына дайындалган.
КР БШК аппаратынын маалыматтык бөлүмү
Кененирээк билүү >>
Чүй облусунунун депутаттарын мөөнөтунөн мурда шайлоого катышуу үчүн 63 талапкер катталды
АШКнын маалыматы боюнча үстүбүздөгү жылдын 6-майына карата Байтик айылдык кеңешинин мөөнөтунөн шайлоого катышуу үчүн бардыгы 63 талапкер катталды.
2019-жылдын 4-апрелинде Чүй облусунунун Аламүдүн районунун Байтик айылдык кеңешининин депутаттыкка талапкерлерди каттоону аяктады.
Аламүдүн АШКсы документтердин талапкерлерди көрсөтүү тартибинин “Жергиликтүү кеңештердин депутаттарын шайлоо жөнүндө” Мыйзамдын талаптарына ылайыктыгын текшерди.
Маалымкат:
Шайлоо алдындагы үгүт айылдык кеңешинин талапкерлерди каттоо мөөнөтү аяктаган күндөн б.а. 2019-жылдын 4-майынан башталып, добуш берүү башталганга чейин 24 саат мурда (2019-жылдын 18-майында саат 8.00дө) аяктайт.
Чүй облусунунун Аламүдүн районунун Байтик айылдык кенешинин мөөнөтүнөн мурда шайлоо 2019-жылдын 19-майында өтөт.
2019-жылдын 19-майына дайындалган жергиликтүү кеӊештердин депутаттарын шайлоого талапкерлерди көрсөтүү жана каттоо боюнча маалымат.
КР БШК аппаратынын маалыматтык бөлүмү
Кененирээк билүү >>
2019-жылдын 6-майына карата талапкерлердин шайлоо фондуларынан акча каражаттарынын кыймылы жөнүндө отчет
2019-жылдын 6-майына карата талапкерлердин шайлоо фондуларынан акча каражаттарынын кыймылы жөнүндө отчет
Кененирээк билүү >>
Шайлоо мыйзамдарын өркүндөтүү боюнча Жумушчу топ бир катар мыйзам долбоорлорун, анын ичинде КР ЖК депутаттары сунуштаган долбоорлорду талкуулады
КР БШК Төрагасы Н. Шайлдабекова башында турган Жумушчу топ КР ЖК депутаты У. Кадыралиевдин, БШК мүчөлөрү К. Осмоналиевдин, Г. Джурабаеванын, Юстиция министрлигинин, “Замандаш” саясий партиясынын, “Эгль”, “Жарандык умтулуу”, “Жарандык платформа” коомдук фондуларынын өкүлдөрүнүн катышуусунда 2018-2020-жылдары шайлоо мыйзамдарын өркүндөтүү Стратегиясын жүзөгө ашыруу алкагында кезектеги жыйналышын өткөрдү.
Жыйналыштын жүрүшүндө катышуучулар КР Жогорку Кеңешине түшкөн саясий партиялар боюнча мыйзам демилгелерин, “Саясий партиялар жөнүндө” КР Мыйзамына өзгөртүүлөрдү жана 2019-жылдын 17-майында коомдук диалог өткөрүү маселесин талкуулашты.
Жумушчу топтун эксперттери “Саясий партиялар жөнүндө” КР Мыйзамынын долбоорун иштеп чыгууда. Парламент депутаттары А. Алтыбаева жана Б. Төрөбаев сунуштаган демилгелер тууралуу сөз болду. Катышуучулар талкуунун жүрүшүндө көрсөтүлгөн мыйзам долбоорлорунда окшош жоболор орун алгандыктан, аларды бирдиктүү долбоорго бириктирүүгө мүмкүндүк болот деген пикирге келишти.
Саясий партиялардын каржылык ишинин маселелерине айрыкча көңүл бурулду. Жумушчу топ тарабынан саясий партиялардын ишинин айкындуулугуна, саясий партиялардын фондуларына салынуучу акча каражаттарынын келип чыгуу булактарын ачууга, шайлоо өнөктүгүнүн убагында, ошондой эле шайлоолордун аралыгындагы убакта саясий партиялардын чыгымдары, саясий партиялардын отчет берүүсүнүн таризине жана тартибине байланыштуу бир катар жаңылыктарды киргизүү сунушталууда.
Мыйзам долбоорунун концептин андан ары талкуу 2019-жылдын 7-майында өтөт.
КР БШК аппаратынын маалыматтык бөлүмү
Кененирээк билүү >>
2019-жылдын 22-майында Чүй, Ош жана Ысык-Көл облустарынын айыл өкмөт башчыларын шайлоосу дайындалды
Айыл өкмөт башчылары өзү берген арызынын негизинде, ээлеген кызматынан бошотулганына байланыштуу КР БШКнын токтому менен Чүй облусунун Чүй районунун Кош-Коргон, Ош облусунун Кара-Суу районунун Папан жана Ысык-Көл облусунун Жети-Өгүз районунун Барскоон айыл өкмөттөрүнүн башчыларын шайлоо 2019-жылдын 22-майына дайындалды.
А.Нурдинов - өзү берген арызынын негизинде Чүй облусунун Чүй райондук мамлекеттик администрациясынын башчысы–акиминин 2019-жылдын 18-апрелиндеги №54-т буйругу менен Кош-Коргон айыл өкмөтүнүн башчысы кызматынан бошотулган.
Э.Исмаилов - өзү берген арызынын негизинде Ош облусунун Кара-Суу райондук мамлекеттик администрациясынын башчысы–акиминин 2019-жылдын 26-апрелиндеги №90-б буйругу менен Папан айыл өкмөтүнүн башчысы кызматынан бошотулган.
Р.Эшмамбетов - өзү берген арызынын негизинде Ысык-Көл облусунун Жети-Өгүз райондук мамлекеттик администрациясынын башчысы–акиминин 2019-жылдын 30-апрелиндеги №29 буйругу менен Барскоон айыл өкмөтүнүн башчысы кызматынан бошотулган.
Шайлоону Кыргыз Республикасынын мыйзамдарына ылайык уюштуруп, өткөрүү Чүй, Кара-Суу жана Жети-Өгүз АШКна тапшырылды.
Маалымат катары:
“Жергиликтүү өз алдынча башкаруу жөнүндө" Кыргыз Республикасынын Мыйзамынын 48-беренесине ылайык жогорку билими жана мамлекеттик же болбосо муниципалдык кызматта 2 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбакер субъекттердин жетекчилик кызматтарында 3 жылдан кем эмес иш стажы бар аракетке жөндөмдүү Кыргыз Республикасынын жараны айыл өкмөтүнүн башчысы боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны айыл өкмөтүнө башчы болушу мүмкүн эмес.
КР БШК аппаратынын маалымат бөлүмү
Кененирээк билүү >>
КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотту
2019-жылдын 3-майында КР БШК Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлердин тизмесинен чыгаруу жана бош калган депутаттык мандаттарды жергиликтүү кеңештердин депутаттыгына талапкерлерге өткөрүп берүү жөнүндөгү Аксы, Жумгал, Кемин, Лейлек, Ош, Талас жана Тоң аймактык шайлоо комиссияларынын чечимдерин бекитти.
Ошентип:
- Жалал-Абад облусунун Аксы районунун Ш.Назаралиев атындагы айылдык кеңешиндеги депутат Р.Токторбеков депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, бош калган мандат шайланган депутаттан кийинки талапкерге – Ж.Муллаевге өткөрүлүп берилди;
- Нарын облусунун Жумгал районунун Түгөл-Сай айылдык кеңешиндеги депутат Р.Султангазиев өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – Ишенбек у. Ж. өткөрүлүп берилди;
- Чүй облусунун Кемин районунун Чоң-Кемин айылдык кеңешиндеги депутат А.Акматов өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – Э.Джунушалиевге өткөрүлүп берилди;
- Баткен облусунун Лейлек районунун Исфана шаардык кеңешиндеги “Республика-Ата-Журт” депутаттык фракциясынан депутат А.Мисирова депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, бош калган мандат шайланган депутаттан кийинки талапкерге – К.Жалиловго өткөрүлүп берилди (“Республика-Ата-Журт” саясий партиясынан”);
- Ош шаардык кеңешиндеги «Мекеним Кыргызстан» депутаттык фракциясынан депутат Камалов өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – Э.Мырзаевге өткөрүлүп берилди («Мекеним Кыргызстан» саясий партиясынан);
- Талас облусунун Талас районунун Калба айылдык кеңешиндеги депутат С.Юсупов өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – Н.Мураталиевге өткөрүлүп берилди;
- Ысык-Көл облусунун Тоң районунун Күн-Чыгыш айылдык кеңешиндеги депутат А.Сагынбаев депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, бош калган мандат шайланган депутаттан кийинки талапкерге – Р.Алиевге өткөрүлүп берилди.
КР БШК аппаратынын маалымат бөлүмү
Кененирээк билүү >>
Балыкчы шаарынын мэри кызматына эки талапкер көрсөтүлдү
Ысык-Көл облусунун Балыкчы шаарынын мэри кызматына “Замандаш” жана “Кыргызстан” депутаттык фракцияларынан эки талапкер аймактык шайлоо комиссиясына (АШК) документтерин тапшырды.
Балыкчы шаарынын мэрин шайлоо 2019-жылдын 14-майында өтөт.
Кудайбергенов Марат Сагынович – “Замандаш” депутаттык фракциясынан. 1993-жылы туулган, Ысык-Көл облусунун Балыкчы шаарынын тургуну. Билими жогорку – Ж. Баласагын атындагы КУУну “Финансы жана кредит” адистиги боюнча бүтүргөн.
Иш стажы:
2011-жылдан 2017-жылга чейин – “Алыш Сервис” ЖЧКнын башкы директору;
2017-жылдын августунан КР Өкмөтүнүн Ысык-Көл облусундагы ыйгарым укуктуу өкүлүнүн жардамчысы;
2019-жылдан “КР Президентинин №2 мамлекеттик резиденциясы” ММнын маркетинг жана бош убакытты уюштуруу кызматынын начальниги.
Үй-бүлөлүк абалы – үйлөнгөн.
Шакиров Мирбек Кадырбекович – “Кыргызстан” депутаттык фракциясынан.
1979-жылы туулган, Ысык-Көл облусунун Тоң районунун Бөкөнбаев айылынын тургуну. Билими жогорку – К.И. Скрябин атындагы КАУну “Экономика жана агрардык өндүрүштү башкаруу” адистиги боюнча бүтүргөн, квалификациясы “Дипломдуу адис (Экономист)”.
Иш стажы:
2003-жылдан 2005-жылга чейин – Ысык-Көл облустук мамлекеттик администрациясынын өнөр жай секторунун жетектөөчү адиси;
2005-жылдан – “Шумкар ЫККФ” ААКнын материалдык бухгалтери;
2008-жылдан – “Шумкар ЫККФ” ААКнын МТЖ бөлүмүнүн начальниги;
2009-жылдан – “Шумкар ЫККФ” ААКнын коммерциялык директору;
2011-жылдан 2017-жылга чейин – “Шумкар ЫККФ” ААКнын башкы директору;
2016-жылдан азыркыга чейин – Балыкчы шаардык кеңешинин депутаты.
Үй-бүлөлүк абалы – үйлөнгөн, 6 баласы бар.
Маалымкат:
Балыкчы АШК көрсөтүлгөн документтердин талапкерлерди көрсөтүү тартибине жана “Жергиликтүү өз алдынча башкаруу жөнүндө” Мыйзамдын талаптарына ылайыктыгын текшерет.
Маселен, шаардын мэри кызмат ордуна талапкерди көрсөткөн субъект (депутаттык фракция) тарабынан каттоо үчүн шайлоо күнүнө чейин 5 жумуш күнүнөн кечиктирилбестен тиешелүү аймактык шайлоо комиссиясына төмөндөгүдөй документтер сунушталат:
- шаардын мэри кызмат ордуна талапкерди көрсөтүү жөнүндө чечим;
- талапкердин ат салышууга макулдугу жөнүндө арызы;
- фамилиясын, атын, атасынын атын, туулган датасын, иштеген жерин, ээлеген кызмат ордун (кызматынын түрүн) жана турган жерин көрсөтүү менен талапкердин өмүр баянынын маалыматтары;
- шаардын мэри кызмат ордуна талапкердин тиешелүү билими жана иш стажы бар экенин ырастаган эмгек китепчесинин жана жогорку билими тууралуу дипломунун нотариус тарабынан күбөлөндүрүлгөн көчүрмөлөрү;
- шаардын мэри кызмат ордуна талапкердин соттолгону жок экени же мыйзамдарда белгиленген тартипте соттолгону алып салынганы же жоюлганы жөнүндө маалымкат.
КР БШК аппаратынын маалыматтык бөлүмү
Кененирээк билүү >>
Европа Бирлигинин Венеция комиссиясынын эксперттери көмөктөшүүгө жана консультациялык жардам көрсөтүүгө даяр
БШК Төрагасы Нуржан Шайлдабекова Европа Бирлигинин Венеция комиссиясынын региондук кызматташуу боюнча бөлүмүнүн башчысы Сергей Кузнецов менен жолугушуу өткөрдү.
Жолугушууда Кыргыз Республикасы менен Европа Бирлигинин ортосундагы Каржы макулдашуусунун “Кыргыз Республикасындагы шайлоо тутумун реформалоо аркылуу демократияны чыңдоо” программасы боюнча өнөктөштүктүн алкагында КР БШКнын жана Венеция комиссиясынын өз ара аракеттешүү маселелери талкууланды.
КР БШКнын башчысы 2018-жылдын 13-августунда Кыргыз Республикасын Туруктуу өнүктүрүү боюнча Улуттук Кеңеш тарабынан жактырылган 2018-2020-жылдары шайлоо мыйзамдарын өркүндөтүү Стратегиясын жүзөгө ашыруу алкагында көрүлүп жаткан чаралар тууралуу маалымат берди. Бул Стратегия Кыргыз Республикасы менен Европа Бирлигинин ортосундагы Каржы макулдашуусунда каралган шайлоо тутумун реформалоону жүзөгө ашыруунун маанилүү индикатору болуп саналат.
Өз кезегинде С. Кузнецов Венеция комиссиясы Кыргыз Республикасынын Жогорку Кеңешинде кароо процессинде мыйзам долбоорлорунун демилгечилерине көмөктөшүүгө, консультациялык жана эксперттик комментарийлерди берип, жардам көрсөтүүгө даяр экени тууралуу маалымат берди.
Мааламкат:
Европа Бирлигинин Венеция комиссиясы – бул 1990-жылы Европа Бирлигинин алдында түзүлгөн конституциялык укук боюнча консультациялык орган.
КР БШК аппаратынын маалыматтык бөлүмү
Кененирээк билүү >>
2019-жылдын 3-майында өтө турган КР БШКнын отурумунун күн тартибинин долбоору
Өткөрүү датасы: 3 май 2019-ж.
Убактысы: 12:30
Өткөрүлүүчү жери: отурумдар залы
1. Нарын облусунун Жумгал районунун Байзак, Нарын районунун Эмгекчил, Талас облусунун Кара-Буура районунун Аманбаев айыл өкмөттөрүнүн башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө
(Баяндамачы – Т.О. Айтикеев, шайлоолорду уюштуруу боюнча бөлүмдүн башчысы)
2. Чүй облусунун Чүй районунун Кош-Коргон, Ош облусунун Кара-Суу районунун Папан айыл өкмөттөрүнүн башчыларын шайлоону дайындоо жөнүндө
(Баяндамачы – Т.О. Айтикеев, шайлоолорду уюштуруу боюнча бөлүмдүн башчысы)
3. Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлердин тизмесинен чыгаруу жана бош калган депутаттык мандаттарды жергиликтүү кеңештердин депутаттыгына талапкерлерге өткөрүп берүү жөнүндөгү Аксы, Жумгал, Кемин, Лейлек, Ош, Талас жана Тоң аймактык шайлоо комиссияларынын чечимдерин бекитүү тууралуу
(Баяндамачы – Т.О. Айтикеев, шайлоолорду уюштуруу боюнча бөлүмдүн башчысы)
4. Ар түрдүү маселелер
Кененирээк билүү >>
Чүй жана Ош облустарында үч айыл өкмөтүнүн башчылары шайланды
2019-жылдын 30-апрелинде Чүй жана Ош облустарынын айылдык кеңештеринин депутаттары үч айыл өкмөтүнүн башчыларын шайлады. Жумагулов Мирланбек 11 добуштан 7 добуш алып, Чүй облусунун Москва районунун Целинный айыл өкмөтүнүн башчылыгына шайланды. Башчылык кызматка эки талапкер талаптанган.
Мамбетказиев Айбек 11 добуштан 10 добуш алып, Чүй облусунун Кемин районунун Кара-Булак айыл өкмөтүнүн башчысы болуп калды. Айыл өкмөтүнүн башчылыгына бир талапкер катталган.
Тажибаев Жумабек 21 добуштан 12 добуш алып, Ош облусунун Алай районунун К. Белекбаев атындагы Алай айыл өкмөтүнүн башчылыгына шайланды. Башчылык кызматка үч талапкер катталган.
КР БШК аппаратынын маалыматтык бөлүмү
Кененирээк билүү >>
2019-жылдын 30-апрелине карата талапкерлердин шайлоо фондуларынан акча каражаттарынын кыймылы жөнүндө отчет
2019-жылдын 30-апрелине карата талапкерлердин шайлоо фондуларынан акча каражаттарынын кыймылы жөнүндө отчет
Кененирээк билүү >>
Айылдык кеңештерге депутаттарды кезектеги шайлоого катышуу үчүн 506 талапкер катталды
2019-жылдын 29-апрелинде аймактык шайлоо комиссиялары (АШК) Кыргыз Республикасынын 12 айылдык кеңешине депутаттыкка талапкерлерди каттоону аяктады.
АШКлардын маалыматтары боюнча үстүбүздөгү жылдын 29-апрелине карата айылдык кеңештерге кезектеги шайлоого катышуу үчүн бардыгы 506 талапкер катталды. Алардын ичинде:
- Баткен облусунун Баткен району боюнча – бардыгы 141 талапкер (Самаркандек айылдык кеңешине – 48, Ак-Татыр айылдык кеңешине – 47, Ак-Сай айылдык кеңешине – 46);
- Нарын облусунун Жумгал району боюнча – бардыгы 36 талапкер (Көк-Ой айылдык кенеши);
- Ош облусунун Кара-Кулжа району боюнча – бардыгы 23 талапкер (Кеңеш айылдык кенеши);
- Талас облусунун Кара-Буура району боюнча – бардыгы 124 талапкер (Шекер айылдык кеңешине – 48, Бейшеке айылдык кеңешине – 51, Бакыян айылдык кеңешине –25);
- Чүй облусунун Жайыл району боюнча – бардыгы 29 талапкер (Кызыл-Дыйкан айылдык кенешине).
АШКлар документтердин талапкерлерди көрсөтүү тартибинин “Жергиликтүү кеңештердин депутаттарын шайлоо жөнүндө” Мыйзамдын талаптарына ылайыктыгын текшерди.
Маалымкат:
Шайлоо алдындагы үгүт айылдык кеңештерге бардык талапкерлерди каттоо мөөнөтү аяктаган күндөн б.а. 2019-жылдын 29-апрелинен башталып, добуш берүү башталганга чейин 24 саат мурда (2019-жылдын 18-майында саат 8.00дө) аяктайт.
Айылдык кенештерди шайлоо 2019-жылдын 19-майында өтөт.
2019-жылдын 19-майына дайындалган жергиликтүү кеңештердин депутаттарын шайлоого талапкерлерди көрсөтүү жана каттоо боюнча маалымат.
КР БШК аппаратынын маалыматтык бөлүмү
Кененирээк билүү >>
30-апрелде с. 10.00дө Конституциялык мыйзамдар, мамлекеттик түзүлүш, сот-укуктук маселелер жана ЖКнын регламенти боюнча комитетте КР шайлоо мыйзамдарына өзгөртүүлөрдүн пакети каралат
Талкууга Кыргыз Республикасынын төмөнкү мыйзам актыларына өзгөртүүлөрдү киргизүү жөнүндө мыйзам долбоорлору чыгарылды:
“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө”, “Кыргыз Республикасынын референдуму жөнүндө” КР конституциялык мыйзамдарына;
“Жергиликтүү кеңештердин депутаттарын шайлоо жөнүндө” КР Мыйзамына;
“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” КР Мыйзамына;
“Жергиликтүү өз алдынча башкаруу жөнүндө”, “Жергиликтүү кеңештердин депутаттарынын статусу жөнүндө”, “Борбордун статусу жөнүндө”, “Ош шаарынын статусу жөнүндө” КР мыйзамдарына.
2018-жылдын 13-августунда КР Туруктуу өнүктүрүү боюнча Улуттук Кеңеш тарабынан КР шайлоо мыйзамдарын өркүндөтүү Стратегиясы жактырылып, аны жүзөгө ашыруу боюнча иш-аракеттердин Планы кабыл алынганын эске салабыз.
Стратегия Кыргыз Республикасынын Президентинин жарлыгы менен түзүлгөн шайлоо мыйзамдарын өркүндөтүү боюнча Жумушчу топ тарабынан иштелип чыккан.
КР БШК аппаратынын маалыматтык бөлүмү
Кененирээк билүү >>
КР БШКнын төрагасы Н.Шайлдабекованын Бишкек шаарынын күнүнө карата куттуктоосу
Урматтуу борбор шаарыбыздын тургундары жана меймандары!
Сиздерди бүгүнкү Бишкек шаарынын күнү менен куттуктайм!
Бишкек - Кыргызстандын жүрөгү. Бул күн - борбор калаанын тургундары үчүн гана эмес, бүтүндөй өлкөбүз үчүн абдан маанилүү окуя. Бүгүнкү Бишкек - өнүгүү жолуна түшкөн, миллиондон ашуун калк жашаган заманбап шаар. Учурда көп кабаттуу турак жайлар, соода борборлору салынып, инфраструктурасын жакшыртуунун үстүндө иштер аткарылууда. Мындан ары да эгемендүү мамлекеттин борбору катары өз алдынча дүркүрөп өнүгүп, дүйнөдөгү өнүккөн алдыңкы шаарлардын катарына кошуу зарыл.
Урматтуу борбор шаарыбыздын тургундары!
Шаарыбыздын гүлдөп өнүгүшү ар бирибизге көз каранды. Борборубуздун ар бир тургуну жашоосун жакшыртууга, айлана-чөйрөсүн көрктөндүрүүгө тийиш. Бишкек таза, жашыл жана бейпил шаар болушу үчүн биздин аракетибизден көз каранды. Келечектеги муун борбор калаасы менен сыймыктангыдай кылалы!
Жалпыңыздарга бекем ден-соолук, узак өмүр, бакубат жашоо, үй-бүлөлүк бакыт каалайм!
Терең урматтоо менен
Кыргыз Республикасынын
Шайлоо жана референдум
өткөрүү боюнча
борбордук комиссиясынын
Төрагасы Н.Шайлдабекова
Кененирээк билүү >>
Акыркы жаңылыктар
20.11.2026
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20.11.2026
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20.11.2026
КР БШКсы Президенттин кызмат ордуна талапкердин ыйгарым укуктуу өкүлүн каттады
20.11.2026
КР БШКсы "Сезим" фондунан коомдук байкоочуну каттады
20.11.2026
Айрым аймактык шайлоо комиссияларынын курамдарына өзгөртүүлөр киргизилди
20.11.2026
КР БШКсы Токмок аймактык шайлоо комиссиясынын резервин толуктады