№ 10 Автоматтык эсептөөчү үкөктөрдү сатып алуу тууралуу келишим түзүү

Кыргыз Республикасынын Президентинин 2013-жылдын 22-майындагы N 109 “Кыргыз Республикасынын шайлоо системасын өркүндөтүү боюнча иш-чаралар жөнүндө” Жарлыгынын 5.2 пунктун, 2014 - жылдын 25-апрелиндеги Улуттук Кеңештин туруктуу өнүктүрүүнүн Улуттук стратегиясынын 1 пунктун, “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 7- беренесинин 1 - бөлүгүнүн 2, 30 – пунктарын жүзөөгө ашырууда жана 2015-жылдын 24-апрелинде "Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө"Кыргыз Республикасынын конституциялык Мыйзамына өзгөртүүлөрдү жана толуктоолорду киргизүү тууралуу” жаңы конституциялык Мыйзамдын күчүнө кириши менен шайлоо процессинде инновациялык технологияны киргизип шайлоочулардын добушун эсептөөдө автоматтык эсептөө үкөгүнөн  (мындан ары-АЭҮ) алынган маалыматтарды корголгон байланыш каналдары аркылуу БШК борбордук серверине берүү каралган. 

Кыргыз Республикасынын ар бир шайлоо участкаларын АЭҮ менен камсыз кылуу үчүн 4000 ге жакын АЭҮ жабдыктары керек.

Эл аралык кызматташуу боюнча кореялык агенттигинин (КOICA) долбоорунун негизинде,кореялык тарап 6 млн. АКШ доллар эсебинде  гранттык жардам берүүдө,алар төмөндөгүлөр:

- республикалык маанидеги Бишкек жана Ош шаарларына өткөрүп берүүчү түзүлүштөгү 710 комлект АЭҮ;

- эл аралык үлгүдөгү эки комплект сервердик жабдуулар менен жаңылоо үчүн сервердик жайды кайрадан куруу(жаңылоо);

- шайлоочулардын добуштарын эсептөө жана маалыматтарды БШКнын борбордук серверине жөнөтүү үчүн программа менен камсыздоо;

- коопсуздук тутумун камсыздоо;

- кабыл алынган жабдыктарды пайдаланууну окутуу.

Швейцариянын Кыргыз Республикасындагы элчилиги гранттык негизде, эл аралык кызматташуу боюнча кореялык агенттиги (КOICA) аркылуу жалпы суммасы  600 миң АКШ доллар эсебинде 206 даана АЭҮ комплект берүүдө.

Ошентип, жогоруда көрсөтүлгөн эки долбоор аркылуу 916 даана АЭҮ комплект берилүүдө.

Кореялык грант эсебинен каралган 100 даана АЭҮ комплектиси Кыргыз Республикасына келип, 2015-жылдын 17-майындагы Кыргыз Республикасынын айрым жергиликтүү кеңештеринин депутаттарын шайлоодогу сыноосу ийгиликтүү өттү.

АЭҮ жакшы натыйжаларды берүү менен бирге шайлоочуларга, талапкерлерлерге жана байкоочу тараптарга да ишеним жаратты. Мындан сырткары АЭҮнү сыноодо кээ бир техникалык өзгөчөлүктөр пайда болуп, кореялык тарапка АЭҮнүн программасындагы кемчиликтерди жоюу каралды.

Эл аралык донорлор берген АЭҮ интеграцияланган жана сервердик жабдуулар менен тыгыз байланышта.

Бүгүнкү күндө республикалык бюджеттин каражатынын эсебинен кошумча 2900 комплект жабдуусун сатып алуу керек.

Жогорудагы айтылгандарга таянып, Кыргыз Республикасынын Жогорку Кеңешинин депутаттарын шайлоодогу көрсөтүлгөн иш чаралардын өз убагында аткарылышы үчүн убакыттын тардыгы жана инновациялык технологияны пайдаланып алдыда боло турган шайлоону өткөрүүнүн саясий маанилүүлүгүн эске алып, Кыргыз Республикасынын Шайлоо жана референдум өткөрүү боюнча борбордук комиссиясы

 

ЧЕЧИМ КЫЛАТ:

 

1.Кыргыз Республикасынын Жогорку Кеңешинин депутаттарын шайлоосун даярдоо жана өткөрүү үчүн кореялык тараптан кошумча АЭҮкомплектисин алууга келишим түзүлсүн.

2. Бул чечим Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3.Бул чечимдин аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары, шайлоо процессинде инновациялык технология Моделин ишке ашыруу боюнча КР БШКнын жумушчу тобунун жетекчиси Г.К.Джурабаевага жүктөлсүн.

 

 

 

ТӨРАГА                                                                    Т.АБДРАИМОВ

 

27 - май 2015 жыл

№ 10