Башкы
Жаңылыктар
Жаңылыктар
Ош облусунун Өзгөн районунун Өзгөн шаарынын мэрин шайлоодогу добуш берүүнүн жыйынтыктары жана шайлоонун натыйжалары тууралуу протоколдор бекитилди
2019-жылдын 26-апрелинде КРнын БШКсы 2019-жылдын 17-апрелинде Ош облусунун Өзгөн районунун Өзгөн шаарынын мэрин шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитти.
Протоколдордун негизинде, Ош облусунун Өзгөн районунун Өзгөн шаарынын мэрин шайлоо өттү деп табылып, Халматов Мухтаржан Маматжанович мэр болуп шайланды.
Шайланган мэрине белгиленген үлгүдөгү күбөлүк берүү Өзгөн аймактык шайлоо комиссиясына тапшырылды.
КР БШК аппаратынын маалымат бөлүмү
Кененирээк билүү >>
Балыкчы шаарынын мэринин шайлоосу дайындалды
2019-жылдын 26-апрелинде КР БШКнын токтомуна ылайык, Кыргыз Республикасынын Балыкчы шаарынын мэрин шайлоо 2019-жылдын 14-майына саат 9-00дөн 12-00гө чейин өткөрүү дайындалды.
Шайлоону Кыргыз Республикасынын мыйзамдарына ылайык уюштуруп, өткөрүү Балыкчы АШКна тапшырылды.
Кыргыз Республикасынын Премьер-министринин 2019-жылдын 19-апрелиндеги № 204 буйругу менен Ысык-Көл облусунун Балыкчы шаарынын мэри А.Мамбетов, өзү берген арызынын негизинде, ээлеген кызматынан бошотулган.
Маалымат үчүн: "Жергиликтүү өз алдынча башкаруу жөнүндө" Кыргыз Республикасынын Мыйзамынын 42-беренесине ылайык жогорку билими жана мамлекеттик же болбосо муниципалдык кызматта 3 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбачыл субъекттердин жетекчилик кызматтарында 5 жылдан кем эмес иш стажы бар, аракетке жөндөмдүү Кыргыз Республикасынын жараны шаардын мэри боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны шаарга мэр боло албайт.
КР БШК аппаратынын маалыматтык бөлүмү
Кененирээк билүү >>
КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотту
2019-жылдын 26-апрелинде КР БШК Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлердин тизмесинен чыгаруу жана бош калган депутаттык мандаттарды жергиликтүү кеңештердин депутаттыгына талапкерлерге өткөрүп берүү жөнүндөгү Аксы, Базар-Коргон, Өзгөн, Нарын, Жумгал, Москва, Сузак жана Бишкек аймактык шайлоо комиссияларынын чечимдерин бекитти.
Ошентип:
- Жалал-Абад облусунун Аксы районунун Авлетим айылдык кеңешиндеги депутат Жолдош у. К. өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – У.Кадыровго өткөрүлүп берилди;
- Жалал-Абад облусунун Базар-Коргон районунун Талдуу-Булак айылдык кеңешиндеги депутат А.Халмуратов өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – О.Мамарасуловго өткөрүлүп берилди;
- Жалал-Абад облусунун Базар-Коргон районунун Талдуу-Булак айылдык кеңешиндеги депутат Т.Осмонкулов өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – Ыманбек у. Б. өткөрүлүп берилди;
- Жалал-Абад облусунун Сузак районунун Көк-Жаңгак шаардык кеңешиндеги «КСДП» депутаттык фракциясынан депутат А.Маматкулов өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – А.Тажибаевага өткөрүлүп берилди («КСДП» саясий партиясынан);
- Ош облусунун Өзгөн районунун Жалпак-Таш айылдык кеңешиндеги депутат М.Абжалов өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – Ысмайыл у. С. өткөрүлүп берилди;
- Нарын облусунун Нарын районунун Казан-Куйган айылдык кеңешиндеги депутат Ырысбек у. Э. өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – Ч.Ашымовага өткөрүлүп берилди;
- Нарын облусунун Жумгал районунун Чоң-Дөбө айылдык кеңешиндеги депутат Ж.Шералиева өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – А.Жабуевге өткөрүлүп берилди;
- Нарын облусунун Жумгал районунун Тош-Булак айылдык кеңешиндеги депутат Баяке уулу Б. өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – Н. Солтонбековго өткөрүлүп берилди;
- Бишкек шаардык кеңешиндеги бош калган мандат “Мекеним Кыргызстан” саясий партиясынын талапкери Б.Шайдуллаевге өткөрүлүп берилди (2019-жылдын 10-апрелинде №47 токтом менен мөөнөтүнөн мурда токтотулган).
КР БШК аппаратынын маалымат бөлүмү
Кененирээк билүү >>
2019-жылдын 19-майында өтүүчү Чүй облусунун Аламүдүн районунун Байтик айылдык кеңешинин мөөнөтүнөн мурда шайлоодо депутаттыкка талапкерлерди көрсөтүү аяктады
2019-жылдын 26-апрелинде 2019-жылдын 19-майында өтүүчү Чүй облусунуну Аламүдүн районунун Байтик айылдык кеңешинин шайлоодо депутаттыкка талапкерлерди көрсөтүү аяктады.
Байтик айылдык кеңешке шайлоодо мандаттардын саны 21 түзөт. Айылдык кеңешке бардыгы 64 талапкер көрсөтүлдү.
Эми Аламүдүн аймактык шайлоо комиссиясынын тиешелүү жумушчу топ 10 календардык күндүн ичинде көрсөтүлгөн документтердин талапкерлердин көрсөтүү тартибине жана “Жергиликтүү кеңештердин депутаттарын шайлоо жөнүндө” Мыйзамдын талаптарына ылайыктыгын текшерет.
Депутаттыкка талапкерлерди каттоо мыйзамдарга ылайык добуш берүү күнүнө чейин 15 күн мурда – 2019-жылдын 4-майына чейин аяктайт.
Добуш берүү2019-жылдын 19-майында өтөт.
2019-жылдын 19-майына дайындалган жергиликтүү кеңештердин депутаттарын мөөнөтүнөн мурда шайлоого
талапкерлерди көрсөтүү жана каттоо боюнча маалымат
КР БШК аппаратынын маалыматтык бөлүмү
Кененирээк билүү >>
КР БШК мүчөсү Г. Джурабаева ЕККУнун (БДИПЧ) байкоочулар миссиясынын курамында Украинанын президенттик шайлоосуна байкоо жүргүзүүгө катышты
КР БШК мүчөсү Г. Джурабаева ЕККУнун (БДИПЧ) кыска мөөнөттүү байкоочулар миссиясынын курамында Украинанын президенттик шайлоосуна байкоо жүргүзүүгө катышты.
2019-жылдын 21-апрелинде Украинада П. Порошенко менен В. Зеленский катышкан президенттик шайлоонун экинчи туру болуп өттү. Шайлоочулардын келүүсү 62,07%ды түздү. Украина БШКсынын маалыматы боюнча бардык протоколдор иштелип чыккандан кийин “Элдин кулу” партиясынын лидери В. Зеленский 73,22% добуш алды, ал эми учурдагы Президент П. Порошенкого шайлоочулардын 24,45%ы добуш берди.
Шайлоонун расмий натыйжалары Украина БШКсы тарабынан 2019-жылдын 1-майына чейин чыгарылууга тийиш. Андан соң 30 күндүн ичинде Украинанын жаңы Президентинин инаугурациясы өткөрүлөт.
Маалымат үчүн: Украинанын Конституциясына ылайык мамлекет башчысы беш жылга шайланат, президенттик мөөнөтүнүн мезгилинде колтийгистикке жана тышкы саясий ишти, өлкөнүн улуттук коопсуздугун камсыздоо боюнча ыйгарым укуктарга ээ.
КР БШК аппаратынын маалыматтык бөлүмү
Кененирээк билүү >>
2019-жылдын 26-апрелинде өтө турган КР БШКнын отурумунун күн тартибинин долбоору
Өткөрүү датасы: 26 апрель 2019-ж.
Убактысы: 12:00
Өткөрүлүүчү жери: отурумдар залы
1. Ош облусунун өзгөн районунун өзгөн шаарынын мэрин шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө
(Баяндамачы – А.Н. Омуралиев, шайлоо процессин уюштуруу башкармалыгынын башчысы)
2. Ысык-Көл облусунун Балыкчы шаарынын мэрин шайлоону дайындоо жөнүндө
(Баяндамачы – А.Н. Омуралиев, шайлоо процессин уюштуруу башкармалыгынын башчысы)
3. Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлердин тизмесинен чыгаруу жана бош калган депутаттык мандаттарды жергиликтүү кеңештердин депутаттыгына талапкерлерге өткөрүп берүү жөнүндөгү Аксы, Базар-Коргон, өзгөн, Нарын, Жумгал, Москва, Сузак жана Бишкек аймактык шайлоо комиссияларынын чечимдерин бекитүү тууралуу
(Баяндамачы – А.Н. Омуралиев, шайлоо процессин уюштуруу башкармалыгынын башчысы)
4. Ар түрдүү маселелер
Кененирээк билүү >>
2019-жылдын 24-апрелинде Байзак, Эмгекчил жана Аманбай айыл өкмөттөрүнүн башчыларын шайлоо болуп өттү
2019-жылдын 24-апрелинде Нарын облусунун Жумгал районунун Байзак, Нарын районунун Эмгекчил, Талас облусунун Кара-Буура районунун Аманбай айыл өкмөттөрүнүн башчылары шайланды.
Байзак айыл өкмөтүнүн башчысы болуп, 19 добуш алган Качкынбаев Кайрат Кедейбекович шайланды. Байзак айылдык кеңешиндеги 21 депутаттан 21 тең катышты. Айыл өкмөтүнүн башчылыгына 1 талапкер катталган;
Эмгекчил айыл өкмөтүнүн башчысы болуп, 11 добуш алган Мухамбетов Ишембек Кадыракунович шайланды. Эмгекчил айылдык кеңешиндеги 11 депутаттан 11 тең катышты. Айыл өкмөтүнүн башчылыгына 1 талапкер катталган;
Аманбай айыл өкмөтүнүн башчысы болуп, 18 добуш алган Усубалиев Медербек Токтогулович шайланды. Аманбай айылдык кеңешиндеги 21 депутаттан 19 депутат катышты. Айыл өкмөтүнүн башчылыгына 1 талапкер катталган.
КР БШКнын аппаратынын маалымат бөлүмү
Кененирээк билүү >>
КР БШКнын шайлоочуларга жана саясий партиялардын өкүлдөрүнө Кайрылуусу!
Урматтуу Кыргыз Республикасынын жарандары жана саясий партиялардын өкүлдөрү!
“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 19-беренесинин 1-бөлүгүнө ылайык Жалал-Абад аймактык шайлоо комиссиясынын (мындан ары – АШК) курамы Кыргыз Республикасынын Шайлоо жана референдум өткөрүү боюнча борбордук комиссиясынын (мындан ары – БШК) 2017-жылдын 18-апрелиндеги №93 токтому менен түзүлүп, 2 жылга бекитилген.
Учурда Жалал-Абад АШКнын жаңы курамын түзүү үчүн резервде саясий партиялардан жана жергиликтүү өз алдынча башкаруунун өкүлчүлүктүү органдарынан өкүлдөр зарыл санда болбой жатат.
Ушуга байланыштуу БШК Жалал-Абад АШКнын резервине саясий партиялардан жана жергиликтүү өз алдынча башкаруунун өкүлчүлүктүү органдарынан өкүлдөрдү көрсөтүү жөнүндө кулактандырат.
Мыйзамга ылайык АШК тийиштүү АШКнын резервинде турган адамдардан он бир мүчөдөн кем эмес курамда эки жылдык мөөнөткө саясий партиялардын өкүлдөрүнүн экиден биринин жана жергиликтүү өз алдынча башкаруунун өкүлчүлүктүү органдарынын өкүлдөрүнүн экиден биринин курамында түзүлөт. АШКнын резерви 5 жылдык мөөнөткө түзүлөт.
АШК шайлоону даярдоону жана өткөрүүнү уюштуруучу, жарандардын шайлоо укуктарын ишке ашырууну жана коргоону камсыздоочу коллегиялуу орган болуп саналат. АШКнын курамында иштөө жооптуу жана андагы иш шайлоо мыйзамдарга ылайык так жүргүзүлөт.
Ушуга байланыштуу АШКнын резервине талапкерлерди көрсөтүү учурунда жарандардын өздөрүнүн макулдугун, алардын ишке даярдыгынын даражасын, шайлоо комиссияларында иш тажрыйбасын эске алуу зарыл.
Жарандардын, коомдук бирикмелердин чогулуштарынан талапкерлерди көрсөтүү жөнүндө протоколдор чогулуштун төрагасынын жана катчысынын кол тамгалары менен ырасталышы зарыл. Протоколго чогулуштун катышуучуларынын жашаган жерлери көрсөтүлүп, алардын кол тамгалары менен ырасталган тизмеси тиркелүүгө тийиш.
Саясий партиялардан талапкерлерди көрсөтүү алардын уставына ылайык жүргүзүлөт. БШКга саясый партиянын жетекчисинин (же чогулуштун төрагасынын) кол тамгасы жана мөөр менен ырасталган тийиштүү документ берилет.
Жогоруда көрсөтүлгөн документтерге төмөнкүлөр тиркелет:
- талапкердин АШКда иштөөгө макулдугу жөнүндө арызы жана Кыргыз Республикасынын шайлоо жөнүндө мыйзамдарынын ченемдерин сактай турганы жөнүндө милдеттенмеси;
- паспорттун көчүрмөсү;
- иштеген, окуган жерин, билимин көрсөтүү менен өмүр баяны (кадрларды каттоо баракчасы же резюмеси);
- байланыш маалыматтары: жашаган дареги, телефон номурлары.
“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 22-беренесине ылайык төмөнкүлөр АШКга мүчө боло албайт:
- Жогорку Кеңештин депутаты, жергиликтүү кеңештин депутаты;
- мамлекеттик органдардын жана жергиликтүү өз алдынча башкаруу органдарынын кызмат адамдары;
- судья, укук коргоо жана фискалдык органдын кызматкери, аскер кызматчысы;
- талапкер, талапкердин жана саясый партиянын өкүлү;
- башка мамлекеттин жарандыгы бар адам;
- мыйзамда белгиленген тартипте, соттуулугу алып салынбаган же жоюлбаган адам;
- башка шайлоо комиссиясынын мүчөсү;
- шайлоо комиссиясынын мүчөсүнүн милдеттеринен терс негиздер боюнча мөөнөтүнөн мурда бошотулган адамдар.
Талапкерди көрсөтүү субъектилери шайлоо комиссиясынын мүчөлүгүнө талапкер, эреже катары, тийиштүү калк жашаган пункттун аймагында жашоосу керек экенин эске алуу зарыл.
АКШнын резервине жарандардын, коомдук бирикмелердин чогулуштарынан талапкерлерди көрсөтүү жөнүндө протоколдор жергиликтүү өз алдынча башкаруунун өкүлчүлүктүү органында (Жалал-Абад шаардык кеңеш) 2019-жылдын 20-майынын саат 18-00үнө чейин кабыл алынат. Жалал-Абад шаардык кеңеш сессияда каралган документтерди (сессиянын токтомун сунушталган талапкерлердин тизмесин тиркөө менен) Жалал-Абад АШКга өткөрөт. БШКнын Жалал-Абад АШКдагы атайын өкүлү документтердин бүт пакетин БШКга берет.
АШКнын резервине саясий партиялардан талапкерлерди көрсөтүү жөнүндө протоколдор 2019-жылдын 20-майынын саат 18-00үнө чейин саясий партиянын жетекчи органынын өкүлү тарабынан БШКга берилет.
“Шайлоо комиссияларын түзүү жана таратуу тартиби жөнүндө” жана “Шайлоо комиссияларынын резервин түзүү жана жүргүзүү тартиби жөнүндө” жоболор менен БШКнын www.shailoo.gov.kg расмий сайтынан таанышууга болот.
Маалымат алуу үчүн телефону: (0312) 66-01-18, (0312) 66-01-16.
Кененирээк билүү >>
2019-жылдын 19-майына дайындалган жергиликтүү кеңештердин депутаттарын мөөнөтүнөн мурда шайлоого талапкерлерди көрсөтүү жана каттоо боюнча маалымат
2019-жылдын 19-майына дайындалган жергиликтүү кеңештердин депутаттарын мөөнөтүнөн мурда шайлоого талапкерлерди көрсөтүү жана каттоо боюнча маалымат 2019-жылдын 22.04. абалы боюнча
Кененирээк билүү >>
Талапкерлердин шайлоо фондуларынан акча каражаттарынын кыймылы жөнүндө отчет
2019-жылдын 22-апрелине карата талапкерлердин шайлоо фондуларынан акча каражаттарынын кыймылы жөнүндө отчет
Кененирээк билүү >>
КР БШК жер-жерлерде шайлоо комиссияларынын мүчөлөрүн окутууда
2019-жылдын 19-майына дайындалган айрым жергиликтүү кеңештердин депутаттарын шайлоого даярдануу алкагында КР БШКнын борбордук аппаратынын эксперттери 2019-жылдын 22-апрелинен 27-апрелине чейин аймактык жана участоктук шайлоо комиссияларынын мүчөлөрүн окутат.
Окутуу шайлоо комиссияларынын ишин натыйжалуу пландоо көндүмдөрүн калыптандырууга, АШК жана УШКлардын иш-милдеттерин ар кыл деңгээлдерде аткарууга жана бийликтин жергиликтүү органдары менен өз ара аракеттешүүгө багытталган.
Окутуу программасына төмөнкү маселелер киргизилген:
- шайлоону даярдоодо жана өткөрүүдө шайлоо комиссияларынын этаптар боюнча иштери;
- АШК жана УШКлардын иш эрежелери боюнча нускама;
- шайлоочулардын тизмелери, шайлоо бюллетендери менен иштөө боюнча блоктор;
- добуш берүү күнүнө чейин жана добуш берүү күнү шайлоону даярдоо жана натыйжаларды чыгаруу;
- ден соолугунун мүмкүнчүлүктөрү чектелүү адамдар үчүн шайлоонун жеткиликтүүлүгүн камсыздоо, УШКлардын жайдан тышкары добуш берүү боюнча проблемалары;
- ыйгарым укуктарын аткарбаган шартта АШК мүчөлөрүнүн жоопкерчилиги жана ыйгарым укуктарды аткарбагандыктын кесепеттери;
- байкоочулар, ЖМК өкүлдөрү, эл аралык байкоочулар.
Маалымат үчүн: Кыргыз Республикасынын Президентинин Жарлыгы менен 2019-жылдын 19-майына Кыргыз Республикасынын Баткен, Нарын, Ош, Талас жанаЧүй облустарынын айрым жергиликтүү кеңештеринин депутаттарын шайлоо дайындалган.
КР БШК аппаратынын маалыматтык бөлүмү
Кененирээк билүү >>
2019-жылдын 19-майында өтүүчү жергиликтүү кеңештерге шайлоодо депутаттыкка талапкерлерди көрсөтүү аяктады
2019-жылдын 18-апрелинде 2019-жылдын 19-майында өтүүчү жергиликтүү кеңештерге шайлоодо депутаттыкка талапкерлерди көрсөтүү аяктады.
Он эки айылдык кеңешке шайлоодо мандаттардын саны 212ни түзөт. 12 айылдык кеңешке бардыгы 512 талапкер көрсөтүлдү.
Бардык 512 талапкер – өзүн өзү көрсөткөндөр, саясий партиялардан талапкерлер көрсөтүлгөн жок.
Нарын облусунун Жумгал районунун Көк-Ой айылдык кенешинде 2 округ, 11 мандат бар. 36 талапкер көрсөтүлдү.
Талас облусунун Кара-Буура районунда шайлоо 3 айылдык кенеште өтөт: Шекер (2 округ), Бейшеке (3 округ) жана Бакыян (1 округ). Мандаттардын жалпы саны – 53. 124 талапкер көрсөтүлдү.
Ош облусунун Кара-Кулжа районунун Кеңеш айылдык кенешинде 2 округ, 11 мандат бар. 23 талапкер көрсөтүлдү.
Ош облусунун Ноокат районунун Н. Исанов айылдык кенешинде 6 округ, 31 мандат бар. 65 талапкер көрсөтүлдү.
Ош облусунун Алай районунун Кабылан-Көл айылдык кенешинде 2 округ, 11 мандат бар. 28 талапкер көрсөтүлдү.
Ош облусунун Кара-Суу районунун Отуз -Адыр айылдык кенешинде 3 округ, 21 мандат бар. 63 талапкер көрсөтүлдү.
Чүй облусунун Жайыл районунун Кызыл-Дыйкан айылдык кенешинде 2 округ, 11 мандат бар. 29 талапкер көрсөтүлдү.
Баткен облусунун Баткен районунда шайлоо 3 айылдык кенеште өтөт: Актатыр (3 округ), Самаркандек (4 округ) жана Аксай (4 округ). Мандаттардын жалпы саны – 63. 144 талапкер көрсөтүлдү.
Эми аймактык шайлоо комиссияларындагы тиешелүү жумушчу топтор 10 календардык күндүн ичинде көрсөтүлгөн документтердин талапкерлердин көрсөтүү тартибине жана “Жергиликтүү кеңештердин депутаттарын шайлоо жөнүндө” Мыйзамдын талаптарына ылайыктыгын текшерет.
Депутаттыкка талапкерлерди каттоо мыйзамдарга ылайык добуш берүү күнүнө чейин 20 күн мурда – 2019-жылдын 29-апрелине чейин аяктайт.
Добуш берүү2019-жылдын 19-майында өтөт.
2019-жылдын 19-майына дайындалган жергиликтүү кеңештердин депутаттарын шайлоого талапкерлерди көрсөтүү жана каттоо боюнча маалымат
КР БШК аппаратынын маалыматтык бөлүмү
Кененирээк билүү >>
2019-жылдын 19-майына дайындалган Чүй облусунун Аламүдүн районунун Байтик айылдык кеңешинин депутаттарын мөөнөтүнөн мурда шайлоого талапкерлерди көрсөтүү жана каттоо боюнча маалымат
2019-жылдын 19-майына дайындалган Чүй облусунун Аламүдүн районунун Байтик айылдык кеңешинин депутаттарын мөөнөтүнөн мурда шайлоого талапкерлерди көрсөтүү жана каттоо боюнча маалымат. 2019-жылдын 19.04. абалы боюнча.
Кененирээк билүү >>
Ысык-Көл облусунун Жети-Өгүз районунун Саруу айыл өкмөтүнүн башчысын шайлоосу дайындалды
Ысык-Көл облусунун Жети-Өгүз райондук мамлекеттик администрациясынын башчысы–акиминин 2019-жылдын 12-апрелиндеги №26 буйругу менен Саруу айыл өкмөтүнүн башчысы Д. Абдрахманов өзү берген арызынын негизинде, ээлеген кызматынан бошотулган.
КР БШКнын токтомуна ылайык, Ысык-Көл облусунун Жети-Өгүз районунун Саруу айыл өкмөтүнүн башчысын шайлоо 2019-жылдын 6-майына саат 9-00дөн 12-00гө чейинкиге дайындалды.
Шайлоону Кыргыз Республикасынын мыйзамдарына ылайык уюштуруп, өткөрүү Жети-Өгүз АШКна тапшырылды.
Маалымат катары: “Жергиликтүү өз алдынча башкаруу жөнүндө" Кыргыз Республикасынын Мыйзамынын 48-беренесине ылайык жогорку билими жана мамлекеттик же болбосо муниципалдык кызматта 2 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбакер субъекттердин жетекчилик кызматтарында 3 жылдан кем эмес иш стажы бар аракетке жөндөмдүү Кыргыз Республикасынын жараны айыл өкмөтүнүн башчысы боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны айыл өкмөтүнө башчы болушу мүмкүн эмес.
КР БШК аппаратынын маалымат бөлүмү
Кененирээк билүү >>
КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотту
2019-жылдын 18-апрелинде КР БШК Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлердин тизмесинен чыгаруу жана бош калган депутаттык мандаттарды жергиликтүү кеңештердин депутаттыгына талапкерлерге өткөрүп берүү жөнүндөгү Ала-Бука, Чаткал, Аламүдүн, Кочкор, Нарын шаардык, Лейлек жана Кара-Суу аймактык шайлоо комиссияларынын чечимдерин бекитти.
Ошентип:
- Жалал-Абад облусунун Чаткал районунун Чаткал айылдык кеңешиндеги депутат Ш.Атабаев депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, бош калган мандат шайланган депутаттан кийинки талапкерге – У.Абдыкеримовго өткөрүлүп берилди;
- Жалал-Абад облусунун Ала-Бука районунун Ала-Бука айылдык кеңешиндеги депутат А.Максымбеков өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – Ж.Дадабаевге өткөрүлүп берилди;
- Жалал-Абад облусунун Ала-Бука районунун Ала-Бука айылдык кеңешиндеги депутат Э.Батырбеков өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – А.Орозбаевге өткөрүлүп берилди;
- Чүй облусунун Аламүдүн районунун Таш-Дөбө айылдык кеңешиндеги депутат А.Токтомбеков өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – А.Чекировага өткөрүлүп берилди;
- Нарын облусунун Нарын шаардык кеңешиндеги «Республика-Ата-Журт» депутаттык фракциясынан депутат Н.Омуракунов өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – Д.Зайдиновго өткөрүлүп берилди («Республика-Ата-Журт» саясий партиясынан);
- Нарын облусунун Кочкор районунун Чолпон айылдык кеңешиндеги депутат Ч.Ишенов өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – А.Сатыбалдиевге өткөрүлүп берилди;
- Баткен облусунун Лейлек районунун Сумбула айылдык кеңешиндеги депутат Ф.Нарзуллаев депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, бош калган мандат шайланган депутаттан кийинки талапкерге – А.Сулаймановго өткөрүлүп берилди;
- Баткен облусунун Лейлек районунун Исфана шаардык кеңешиндеги «КСДП» депутаттык фракциясынан депутат М.Узаковго соттун өкүмү күчүнө киргендигине байланыштуу депутаттык ыйгарым укуктарын мөөнөтүнөн мурда токтотулду, бош калган мандат кийинки талапкер – Э.Мамаражаповго өткөрүлүп берилди («КСДП» саясий партиясынан);
- Ош облусунун Кара-Суу районунун Папан айылдык кеңешиндеги депутат Т.Райимбердиев өз каалоосу менен депутаттык ыйгарым укуктарын мөөнөтүнөн мурда токтотту, бош калган мандат кийинки талапкер – М.Жалиевге өткөрүлүп берилди.
КР БШК аппаратынын маалымат бөлүмү
Кененирээк билүү >>
Аксы жана Ат-Башы аймактык шайлоо комиссияларынын курамдарына жана резервдерине өзгөртүүлөр киргизилди
КР БШК Аксы, Ат-Башы аймактык шайлоо комиссияларынын мүчөлөрү: Ө.Ж. Узенбаеванын, Р.Т. Абдылдаевдин, Г.Т. Султангазиеванын комиссиялардын курамдарынан чыгаруу жөнүндө арыздарынын негизинде, комиссияларынын курамдарына жана резервдерине өзгөртүүлөрдү киргизүү жөнүндө токтом кабыл алынды.
- Аксы АШКнын жергиликтүү өз алдынча башкаруунун өкүлчүлүктүү органынан көрсөтүлгөн Узенбаева Өмүркан Жаманкуловна комиссиянын курамынан чыгарылып, жергиликтүү өз алдынча башкаруунун өкүлчүлүктүү органынан көрсөтүлгөн Апсаматов Ашыммырза Тургунович резервден комиссиянын курамына киргизилди;
- Ат-Башы АШКнын жергиликтүү өз алдынча башкаруунун өкүлчүлүктүү органынан көрсөтүлгөн Абдылдаев Руслан Токтокадырович, Султангазиева Гүлнура Тураровна комиссиянын курамынан чыгарылып, жергиликтүү өз алдынча башкаруунун өкүлчүлүктүү органынан көрсөтүлгөн Алымбекова Акылай Ишеналиевна, Темирбеков Муратбек Темирбекович резервден комиссиянын курамына киргизилди.
КР БШК аппаратынын маалымат бөлүмү
Кененирээк билүү >>
Акыркы жаңылыктар
20.11.2026
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20.11.2026
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20.11.2026
КР БШКсы Президенттин кызмат ордуна талапкердин ыйгарым укуктуу өкүлүн каттады
20.11.2026
КР БШКсы "Сезим" фондунан коомдук байкоочуну каттады
20.11.2026
Айрым аймактык шайлоо комиссияларынын курамдарына өзгөртүүлөр киргизилди
20.11.2026
КР БШКсы Токмок аймактык шайлоо комиссиясынын резервин толуктады