№ 16 2016-жылдын 27-мартындагы Ош облусунун Ноокат районунун Көк-Бел айылдык кеӊешинин депутаттарын шайлоодогу №5370 участкасы боюнча даттанууну карап чыгуу жөнүндө

Кыргыз Республикасынын Шайлоо жана референдум өткөрүү боюнча борбордук комиссиясына 2016-жылдын 29, 30-мартында, 1 жана 8-апрелинде №5370 шайлооучастогу боюнча Ош облусунун Ноокат районунун Көк-Бел айылдык кеӊешинин депутаттыгына талапкерлер М.Алибаевадан, А.Жакыповдон, А.Ашимовдон, С.Нукошовдон, З.Мамытовдон, Б.Токторбаевден, А.Зулпуевден, А.Ысмайыловдон, Калмамат у. А., А.Адимовдон жана Т.Мусаевден (кир. №№01-11/325, 01-11/317, 01-12/314, 01-11/349) шайлоочулардын тизмесиндеги так эместиктер, шайлоочуга чек басылып чыгарылбагандыгына карабастан шайлоо бюллетенин берүү фактылары, добуштарды кол менен эсептөөдөгү так эместиктер, ошондой эле УШКнын курамын түзүүдө мыйзамдардын бузулгандыгы тууралуу арыздары түшкөн, ошондой эле алар арыздарында шайлоочуга буга чейин тиешелүү белги коюлган бюллетенди берген учурда участкалык шайлоо комиссиянын төрагасына кайрылганда, ал белги коюлган бюллетенди сейфке салып койгондугун көрсөтүшүп, добуш берүүнүн жыйынтыктарын жараксыз деп табууну суранышкан.

Берген материалдардан, жогоруда көрсөтүлгөн арыз ээлеринин айрым бөлүгү: Т.Мусаев, А.Ысмайылов, Б.Токторбаев, М.Алибаева, А.Зулпуев, А.Жакыпов, З.Мамытов Кыргыз Республикасынын Шайлоо жана референдум өткөрүү боюнча борбордук комиссиясына  2016-жылдын 1, 8-апрелинде кайрылып, эч кандай мыйзам бузуулар болбогондугуна жана буга чейинки арыздар адашып жөнөтүлгөндүгүнө байланыштуу, буга чейинки арыздарды кароодон алып салууну өтүнгөн.

Шайлоочулардын добуштарын эсептөөдө сейфке салынган бюллетень эсепке алынган жок, бул добуш берүүнүн жыйынтыктарына таасирин берген эмес. Бирок, арыз боюнча алдын-ала белги коюлган бюллетенди берүү фактысына иликтөө жүргүзүү зарыл.

Арыздар, даттануулар жүйөөлүү болуп жана алар негиз болгон далилдер менен бирге берилишине тийиш экендигине байланыштуу, “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 6,7,18-беренелерин, “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 43-беренесин жетекчиликке алып, Кыргыз Республикасынын Шайлоо жана референдум өткөрүү боюнча борбордук комиссиясы

ЧЕЧИМ КЫЛАТ:

  

1. Ош облусунун Ноокат районунун Көк-Бел айылдык кеӊешинин депутаттыгына талапкерлер А.Адимовдун, А.Ашимовдун, С.Нукошовдун жана Калмамат у. А. арыздарында (кир. №№01-11/325, 01-11/317) көрсөтүлгөн талаптарды канааттандыруудан баш тартылсын.

2. Бул чечимдин көчүрмөсү окуянын болгондугу фактысын аныктоо жана тиешелүү чараларды көрүү үчүн Кыргыз Республикасынын Башкы прокуратурасына жөнөтүлсүн.

3. Бул чечимдин көчүрмөсү Ноокат аймактык шайлоо комиссиясына жөнөтүлсүн жана арыз ээлерине берилсин.

4. Бул чечим Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

5. Бул чечимдин аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын аппарат жетекчисинин орун басары А.Р. Джолбуновго жүктөлсүн.

 

                         ТӨРАГА                                                                                         Т. АБДРАИМОВ

 

Бишкек ш., 2016-жылдын 11 – апрели

№ 16