№36 Ысык-Көл шайлоо округу боюнча Кыргыз Республикасынын  Жогорку Кеңешинин депутаттыгына талапкер Б.С. Турусбековдун ыйгарым укуктуу өкүлдөрү жөнүндө

2024-жылдын 6-июнунда №36 Ысык-Көл шайлоо округу боюнча Кыргыз Республикасынын  Жогорку Кеңешинин депутаттыгына талапкер  Бактыбек Сагындыкович Турусбеков мурда сунуш кылган, шайлоо боюнча жана финансы маселелери боюнча ыйгарым укуктуу өкүлдөрүн чакыртып алуу жөнүндө жана шайлоо боюнча ыйгарым укуктуу өкүл катары А.И Аманбаеваны, финансы маселелери боюнча Темирбек кызы Б. дайындоо жөнүндө билдирди.

«Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 19-беренесин, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 4, 8-беренелерин жетекчиликке алып,

Кыргыз Республикасынын Шайлоо жана референдум өткөрүү боюнча борбордук комиссиясы

ЧЕЧИМ КЫЛАТ:

1. Кыргыз Республикасынын Шайлоо жана референдум өткөрүү боюнча борбордук комиссиясынын 2024-жылдын 27-майындагы №137 чечими менен №36 Ысык-Көл шайлоо округу боюнча Кыргыз Республикасынын Жогорку Кеңешинин депутаттыгына талапкер Б.С. Турусбековдун шайлоо боюнча – Б.К. Оңкобаев, финансы маселелери боюнча – О.В. Турусбекова ыйгарым укуктуу өкүлү катары каттоолору жокко чыгарылсын жана берилген каттоо ырастамасы анык эмес деп таанылсын.

2. №36 Ысык-Көл бир мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Б.С. Турусбековдун ыйгарым укуктуу өкүлдөрү болуп катталсын:

- шайлоо боюнча – Аманбаева Акмарал Ильязовна;

- финансы маселелери боюнча – Темирбек кызы Бахиана.

 3. Катталган ыйгарым укуктуу өкүлдөргө белгиленген үлгүдөгү каттоо ырастамалары берилсин.

4. Бул чечим Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

5. Бул чечимдин аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары - талапкерлер, саясий партиялар тарабынан сунушталган шайлоо документтерин кабыл алуу жана текшерүү боюнча жумушчу топтун жетекчиси Н.Ч. Койчукеевге жүктөлсүн.

ТӨРАГА                                                                                  Н. ШАЙЛДАБЕКОВА

Бишкек ш., 2024-жылдын 7-июну

№ 199