Башкы
Жаңылыктар
Жаңылыктар
Шайлоочулардын добуш берүү үчүн жайдан тышкары жерде добуш берүү мүмкүнчүлүгүн түзүү жөнүндө жазуу жүзүндөгү кайрылуулардын кабыл алуусу аяктады
Бүгүн, 2018-жылдын 29 ноябрында Чаек айылдык кеңешинин депутаттарынын мөөнөтүнөн мурда шайлоосуна карата шайлоочулардын добуш берүү үчүн жайдан тышкары жерде добуш берүү мүмкүнчүлүгүн түзүү жөнүндө жазуу жүзүндөгү кайрылуулардын кабыл алуусу аяктады.
Жумгал АШКсына баардыгы болуп 12 шайлоочудан добуш берүү үчүн жайдан тышкары жерде добуш берүү мүмкүнчүлүгүн түзүү жөнүндө жазуу жүзүндөгү арыздар түштү.
Кыргыз Республикасынын «Жергиликтүү кеңештердин депутаттарын шайлоо жөнүндө» Мыйзамынын 33 беренесинин 2 пунктуна ылайык, добуш берүү үчүн жайдан тышкары жерде добуш берүү шайлоо күнүнө чейин бир календардык күн калганда гана жана шайлоочунун добуш берүү үчүн жайдан тышкары жерде добуш берүү мүмкүнчүлүгүн түзүү жөнүндө жазуу жүзүндөгү кайрылуусунун негизинде гана жүргүзүлөт.
КР БШК аппаратынын маалыматтык бөлүмү
Кененирээк билүү >>
ЕККУ/БДИПЧинин директору Ингибьерг Сольрун Гисладоттир: “Кыргызстанда шайлоо процессин өркүндөтүү үчүн абдан көп иштер аткарылууда жана алар туура багытта жүргүзүлүүдө”
“Кыргызстанда шайлоо процессин өркүндөтүү үчүн абдан көп иштер аткарылууда жана алар туура багытта жүргүзүлүүдө” деп 2017-жылдын 27-ноябрында ЕККУ/БДИПЧинин директору Ингибьерг Сольрун Гисладоттир КР БШКсынын төрагасы Н. Шайлдабекова менен жолугушууда билдирди. 2017-жылдагы президенттик шайлоону байкоо боюнча БДИПЧтин миссиясынын отчетун талкуулоо үчүн жолугушуу болуп өттү.
Жолугушуу ЕККУ/БДИПЧтин делегациясынын Кыргыз Республикасына сапарынын алкагында өттү. Делегациянын сапарынын максаты – 2017-жылдагы президенттик шайлоодо ЕККУ/БДИПЧтин байкоочуларынын миссиясынын тыянактарын жана сунуштарын талкуулоо, шайлоо мыйзамдарын ЕККУнун демократиялык стандарттарына ылайык келтирүү үчүн жасалуучу андан аркы кадамдар; келечекте өз ара аракеттешүү багыттарын аныктоо жана Кыргыз Республикасынын шайлоо мыйзамдарын өркүндөтүү Стратегиясын жүзөгө ашыруу жолунда КРдин күч-аракеттерине көмөктөшүү.
ЕККУ БДИПЧинин директору Ингибьерг Сольрун Гисладоттир Президентти шайлоодо бир катар оң өзгөрүүлөр болгонун жана шайлоонун натыйжасы боюнча бийликтин тынч өткөрүлүп берилгенин демократиялык онүгүүнүн маанилүү өңүтү катары белгиледи. КР Президентин шайлоодо ЕККУ/БДИПЧтен (Европадагы башка уюмдар менен кошо) 412 байкоочу катышкан.
ЕККУ/БДИПЧтин байкоочуларынын миссиясы 2017-жылдагы шайлоого мониторингдин жыйынтыгы боюнча өз Отчетунда Кыргызстанда шайлоону жакшыртуу боюнча 25 негизги сунуш берди, миссиянын пикиринде алардын жетөө башкы сунуш болуп саналат. “БДИПЧтин 2015-жылдан 2017-жылга чейинки шайлоолор тууралуу отчетунда Кыргызстанга шайлоо процессинде жардам берүүгө багытталган бир катар сунуштар камтылган. Силер кеңири жолго түшүп, кыска убакыт ичинде абдан көп иштерди жасай алдыңар. Стратегиянын кабыл алынышы сунуштарга олуттуу мамиле жасоонун көрсөткүчү болуп саналат, Кыргызстандын шайлоо процессин демократиялаштырууга кызыкдар экенин биз жогору баалайбыз. ЕККУ/БДИПЧ өлкөдө шайлоо мыйзамдарын жана шайлоо жол-жоболорун өркүндөтүү, демократиянын башка институттарын өнүктүрүү маселелери боюнча Кыргызстанды мындан ары дагы колдоого даяр” деп билдирди БДИПЧтин директору И.С. Гисладоттир.
БШКнын төрагасы шайлоо укугундагы жана процессиндеги мүчүлүштүктөргө баа берүүдө ЕККУ/БДИПЧтин миссиясынын тыянактары калыс жана негиздүү экенине канааттанганын билдирип, шайлоонун жыйынтыктарын талдоо процессинде эске алынган сунуштар үчүн ыраазычылыгын айтты. Ал делегацияга шайлоо укугундагы жана процессиндеги кемчиликтерди четтетүү, шайлоонун уюштуруу өңүттөрүн оптималдаштыруу, жарандардын шайлоого катышуу укуктарын жүзөгө ашырууга көмөктөшүучү органдар менен өз ара аракеттешүүнү жакшыртуу үчүн чаралар тууралуу, ошондой эле шайлоо реформасындагы учурда орун алган оң жетишкендиктердин туруктуу болушун камсыздоо үчүн көрүлүп жаткан чаралар тууралуу маалымат берди. 13-августта туруктуу өнүктүрүү боюнча Улуттук Кеңеш КРде 2018-2020-жылдары шайлоо мыйзамдарын өркүндөтүү Стратегиясын эл аралык жана улуттук байкоочулардын сунуштары эске алынган чаралардын планы менен кабыл алды.
Стратегияда 2017-жылы КР Президентин шайлоонун жыйынтыктары боюнча ЕККУ/БДИПЧтин Отчетунда көрсөтүлгөн көп сунуштарды жүзөгө ашыруу боюнча чаралар чагылдырылды.
ЕККУ/БДИПЧтин Отчету шайлоо мыйзамдарын өркүндөтүү боюнча Жумушчу тобунда кеңири форматта талкууга коюлду.
КР БШКнын аппаратынын маалымат бөлүмү
Кененирээк билүү >>
Жумгал жана Улахол айыл өкмөтүнүн башчысынын шайлоосу дайындалды
КР БШКнын токтомуна ылайык, Нарын облусунун Жумгал районунун Жумгал, Ысык-Көл облусунун Тоң районунун Улахол айыл өкмөттөрүнүн башчыларын жаңы талапкерлерди көрсөтүү менен, шайлоосу 2018-жылдын 7-декабрына саат 9-00дөн 12-00гө чейин дайындалды.
2018-жылдын 21-ноябрына дайындалган Нарын облусунун Жумгал районунун Жумгал айыл өкмөтүнүн башчысын шайлоодо катталган бир талапкер депутаттардын добуштарынын зарыл болгон санын албай калгандыгына байланыштуу өткөн жок.
Ошондой эле, 2018-жылдын 21-ноябрына дайындалган Ысык-Көл облусунун Тоң районунун Улахол айыл өкмөтүнүн башчысын шайлоо биринчи турда катталган эки талапкер депутаттардын добуштарынын тең санын алып калгандыгына байланыштуу өткөн жок.
Шайлоону Кыргыз Республикасынын мыйзамдарына ылайык уюштуруп, өткөрүү Жумгал жана Тоң АШКна тапшырылды.
Маалымат катары: “Жергиликтүү өз алдынча башкаруу жөнүндө" Кыргыз Республикасынын Мыйзамынын 48-беренесине ылайык жогорку билими жана мамлекеттик же болбосо муниципалдык кызматта 2 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбакер субъекттердин жетекчилик кызматтарында 3 жылдан кем эмес иш стажы бар аракетке жөндөмдүү Кыргыз Республикасынын жараны айыл өкмөтүнүн башчысы боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны айыл өкмөтүнө башчы болушу мүмкүн эмес.
КР БШК аппаратынын маалымат бөлүмү
Кененирээк билүү >>
КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотту
2018-жылдын 23-ноябрында КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды шайланган депутаттардан кийин турган депутаттыкка талапкерлерге өткөрүп берүү жөнүндөгү Бакай-Ата, Ала-Бука, Кадамжай, Кочкор, Ысык-Көл жана Чүй АШКнын чечимдерин бекитти.
Ошентип:
- Талас облусунун Бакай-Ата районундагы Ак-Дөбө айылдык кеңешиндеги депутат Э.Оморканов депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге – К.Нурманбетовго өткөрүлүп берилди;
- Жалал-Абад облусунун Ала-Бука районундагы Өрүктү айылдык кеңешиндеги депутат Н.Усенбаева депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге – С.Смановго өткөрүлүп берилди;
- Баткен облусунун Кадамжай районундагы Халмион айылдык кеңешиндеги депутат Т.Кудайкулов депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге – М. Балтабаевге өткөрүлүп берилди;
- Баткен облусунун Кадамжай районундагы Котормо айылдык кеңешиндеги депутат Б.Акимов депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге – Э.Паизовго өткөрүлүп берилди;
- Баткен облусунун Кадамжай районундагы А. Мамсалиев атындагы айылдык кеңешиндеги депутат Г.Жусупбекова өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер – А.Маматкулову өткөрүлүп берилди;
- Нарын облусунун Кочкор районундагы Кум-Дөбө айылдык кеңешиндеги депутат Э.Токушов депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге – У.Абдырасуловго өткөрүлүп берилди;
- Нарын облусунун Кочкор районундагы Кош-Дөбө айылдык кеңешиндеги депутат Н.Бакиров депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге – А.Сыдыковго өткөрүлүп берилди;
- Ысык-Көл облусунун Ысык-Көл районундагы Садыр-Аке айылдык кеңешиндеги депутат Ж.Кадыркуловго карата соттун айыптоочу өкүмү күчүнө киргендигине байланыштуу ыйгарым укуктары токтотулуп, мандат шайланган депутаттан кийинки талапкерге – Н. Карабековго өткөрүлүп берилди;
- Чүй облусунун Чүй районундагы Ак-Бешим айылдык кеңешиндеги бош калган мандат кийинки талапкер Ш.Мамедовго өткөрүлүп берилди (2018-жылдын 2-ноябрында №203 токтом менен мөөнөтүнөн мурда токтотулган).
КР БШКнын аппаратынын маалымат бөлүмү
Кененирээк билүү >>
КР БШК 2018-жылдын 2-декабрына дайындалган Чаек айылдык кеңешинин депутаттарынын мөөнөтүнөн мурда шайлоосуна карата шайлоо бюллетендери Жумгал АШКсына өткөрүлдү
2018-жылдын 23-ноябрында «Учкун» басмаканасында Кыргыз Республикасынын Шайлоо жана референдум өткөрүү боюнча борбордук комиссиясынын мүчөлөрү, аппарат кызматкерлери, массалык маалымат каражаттары өкүлдөрүнүн катышуусунда 2018-жылдын 2-декабрына дайындалган Чаек айылдык кеңешинин депутаттарынын мөөнөтүнөн мурда шайлоосуна карата Жумгал аймактык шайлоо комиссиясына бюллетендери өткөрүлүп берилди.
Жалпысынан 7075 бюллетень мамлекеттик тилде даярдалды.
“Учкун” ААКсындагы бюллетень даярдоо күн-түнү үзгүлтүксүз жүрүп, анын даярдалышы БШКнын аппаратын кызматкерлеринин көзөмөлүндө жүргүзүлдү. Ошондой эле, ИИМ жана МУКК кызматкерлери тарабынан коопсуздугу камсыз кылынды.
Шайлоо бюллетендери атайын орнотулган жабдуулар менен “Учкун” ААКсындагы басылып чыккан бөлмөсүндө сынактан өткөрүлдү.
Шайлоо бюллетени жогорку коргоо даражасына ээ, автоматтык эсептегич урнасы (АЭУ) ар бир бюллетенди окугандай атайын коргоо боегу сүртүлгөн.
КР БШК аппаратынын маалыматтык бөлүмү
Кененирээк билүү >>
2018-жылдын 23-ноябрында өтө турган КР БШКнын отурумунун күн тартибинин долбоору
Өткөрүү датасы:23- ноябрь2018-ж.
Убактысы:14:00
Өткөрүлүүчү жери: отурумдар залы
1.Нарын облусунун Жумгал районунун Жумгал, Ысык-Көл облусунун Тоң районунун Улахол айыл өкмөттөрүнүн башчыларын кайра шайлоону дайындоо жөнүндө
(Баяндамачы – А.Н. Омуралиев, шайлоо процессин уюштуруу башкармалыгынын башчысы)
2.Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды жергиликтүү кеңештердин депутаттыгына талапкерлерге өткөрүп берүү жөнүндөгү Бакай-Ата, Ала-Бука, Кадамжай, Кочкор, Ысык-Көл жана Чүй аймактык шайлоо комиссияларынын чечимдерин бекитүү тууралуу
(Баяндамачы – А.Н. Омуралиев, шайлоо процессин уюштуруу башкармалыгынын башчысы)
3.Ар түрдүү маселелер
Төраганын орун басары
Кененирээк билүү >>
Кыргыз Республикасынын Шайлоо жана референдум өткөрүү боюнча Борбордук комиссиясынын эмгек жамааты Айтикеев Тологон Ороскуловичке көңүл айтат
Кыргыз Республикасынын Шайлоо жана референдум өткөрүү боюнча борбордук комиссиясынын эмгек жамааты БШКнын аппаратынын кызматкери Айтикеев Тологон Ороскуловичтин карындашы Айтикеева Кенжегул Ороскуловна мезгилсиз дүйнөдөн кайткандыгына байланыштуу терең кайгыруу менен көңүл айтып, орду толгус аза кайгысын тең бөлүшөт.
Кыргыз Республикасынын Шайлоо жана референдум өткөрүү боюнча Борбордук комиссиясынын эмгек жамааты
Кененирээк билүү >>
2018-жылдын 21-ноябрында Беш-Терек жана Талды-Суу айыл өкмөттөрүнүн башчыларынын шайлоосу өттү
2018-жылдын 21-ноябрында Чүй облусунун Москва районунун Беш-Терек, Ысык-Көл облусунун Түп районунун Талды-Суу айыл өкмөттөрүнүн башчылары шайланды.
Натыйжада:
- Чүй облусунун Москва районунун Беш-Терек айыл өкмөтүнүн башчысы болуп, 9 добуш алган Раев Марлис Турусбекович шайланды. Беш-Терек айылдык кеңешиндеги 11 депутаттан 9 катышты. Айыл өкмөтүнүн башчылыгына 1 талапкер катталган;
- Ысык-Көл облусунун Түп районунун Талды-Суу айыл өкмөтүнүн башчысы болуп, 18 добуш алган Мамбеталиева Айнура Аалиевна шайланды. Талды-Суу айылдык кеңешинде 21 депутат бар, алардын ичинен 21 тең катышты. Айыл өкмөтүнүн башчылыгына 2 талапкер аттанган.
КР БШКнын аппаратынын маалымат бөлүмү
Кененирээк билүү >>
Үч-Төбө жана Жекенди айыл өкмөттөрүнүн башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдор бекитилди
2018-жылдын 20-ноябрында КРнын БШКсы 2018-жылдын 14 ноябрында Ош облусунун Алай районунун Үч-Төбө, Чоң-Алай районунун Жекенди айыл өкмөттөрүнүн башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитти.
Протоколдордун негизинде:
- Ош облусунун Алай районунун Үч-Төбө айыл өкмөтүнүн башчысын шайлоо өттү деп табылып, Акматов Таалайбек Эрмекбаевич айыл өкмөтүнүн башчысы болуп шайланды;
- Ош облусунун Чоң-Алай районунун Жекенди айыл айыл өкмөтүнүн башчысын шайлоо өттү деп табылып, Колдошов Жээнбек Исламович айыл өкмөтүнүн башчысы болуп шайланды.
Шайланган айыл өкмөт башчыларына белгиленген үлгүдөгү күбөлүк берүү Алай жана Чоң-Алай аймактык шайлоо комиссияларына тапшырылды.
КР БШК аппаратынын маалымат бөлүмү
Кененирээк билүү >>
Кара-Суу аймактык шайлоо комиссиясынын курамына жана резервине өзгөртүүлөр киргизилди
КР БШК Ош облусунун Кара-Суу аймактык шайлоо комиссиясынын курамына жана резервине өзгөртүүлөрдү киргизүү жөнүндө токтом кабыл алынды.
Кара-Суу аймактык шайлоо комиссиясынын мүчөсү О.Ю. Хворостанцева каза болгондугуна байланыштуу токтом кабыл алынды.
Кара-Суу аймактык шайлоо комиссиясынын курамына жана резервине төмөнкүдөй өзгөртүүлөр киргизилди:
“Кыргызстан социал-демократиялык партиясы” саясий партиясынан көрсөтүлгөн Хворостанцева Ольга Юрьевна комиссиянын курамынан чыгарылып; жергиликтүү өз алдынча башкаруунун өкүлчүлүктүү органынан көрсөтүлгөн Рахимова Райхан Исмаиловна резервден комиссиянын курамына киргизилди.
КР БШК аппаратынын маалымат бөлүмү
Кененирээк билүү >>
КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотту
2018-жылдын 20-ноябрында КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды шайланган депутаттардан кийин турган депутаттыкка талапкерлерге өткөрүп берүү жөнүндөгү Бакай-Ата, Токтогул, Ак-Суу, Ысык-Көл жана Жайыл АШКнын чечимдерин бекитти.
Ошентип:
- Талас облусунун Бакай-Ата районундагы Миң-Булак айылдык кеңешиндеги депутат С.Сеитов депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге – Ш.Турдубаевге өткөрүлүп берилди;
- Жалал-Абад облусунун Токтогул шаардык кеңешиндеги “Өнүгүү-Прогресс” депутаттык фракциясынан депутат С. Мейманжанов өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер – С.Абышовго (“Өнүгүү-Прогресс” депутаттык фракциясынан) өткөрүлүп берилди.
- Ысык-Көл облусунун Ак-Суу районундагы Отрадное айылдык кеңешиндеги депутат А.Закиярев депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге – С. Карымшаковго өткөрүлүп берилди;
- Ысык-Көл облусунун Ысык-Көл районундагы Кумбел айылдык кеңешиндеги депутат Бекмырза уулу Алыбай өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер – Н.Мадиновго өткөрүлүп берилди;
- Чүй облусунун Жайыл районундагы Сары-Коо айылдык кеңешиндеги бош калган мандат кийинки талапкер Табалды кызы Лаззатка өткөрүлүп берилди ( 2018-жылдын 13-ноябрында №207 токтом менен мөөнөтүнөн мурда токтотулган).
КР БШКнын аппаратынын маалымат бөлүмү
Кененирээк билүү >>
2018-жылдын 20-ноябрында өтө турган КР БШКнын отурумунун күн тартибинин долбоору
Өткөрүү датасы:20- ноябрь2018-ж.
Убактысы:14:00
Өткөрүлүүчү жери: отурумдар залы
1. Ош облусунун Алай районунун үч-Төбө, Чоң-Алай районунун Жекенди айыл өкмөттөрүнүн башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө
(Баяндамачы – Т.О. Айтикеев, шайлоолорду уюштуруу боюнча бөлүмдүн башчысынын м.а.)
2.Ош облусунун Кара-Суу аймактык шайлоо комиссиясынын курамына жана резервине өзгөртүүлөрдү киргизүү жөнүндө
(Баяндамачы – Т.О. Айтикеев, шайлоолорду уюштуруу боюнча бөлүмдүн башчысынын м.а.)
3.Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды жергиликтүү кеңештердин депутаттыгына талапкерлерге өткөрүп берүү жөнүндөгү Бакай-Ата, Токтогул, Ак-Суу, Ысык-Көл жана Жайыл аймактык шайлоо комиссияларынын чечимдерин бекитүү тууралуу
(Баяндамачы – Т.О. Айтикеев, шайлоолорду уюштуруу боюнча бөлүмдүн башчысынын м.а.)
4. Ар түрдүү маселелер
Төраганын орун басары
Кененирээк билүү >>
Өзбекстандын БШКсы Кыргызстандын шайлоодо инновациялык-коммуникациялык технологияларды (ИКТ) колдонуу боюнча тажрыйбасына кызыгууда
КР БШКнын төрагасынын орун басары А. Бекматов Өзбекстандын БШКсынын чакыруусу боюнча 2018-жылы 16-17-ноябрда Бухара шаарында өтүп жаткан “Шайлоо мыйзамдарын өркүндөтүү жана демократиялык шайлоолор: Өзбекстандын жана эл аралык тажрыйба” деген конференцияга катышты.
Конференциянын алкагында Өзбекстан Республикасынын Шайлоо кодексинин долбоорун, ошондой эле ЕККУнун БДИПЧинин, Венеция комиссиясынын, Шайлоо органдарынын бүткүл дүйнөлүк ассоциациясынын, БУУнун Катчылыгына караштуу Саясий маселелер боюнча департаментинин шайлоолорду өткөрүүдө жардам көрсөтүү боюнча бөлүмдүн өкүлдөрүнүн ж.б. чет өлкөлүк эксперттердин катышуусунда шайлоо процессине инновациялык-коммуникациялык технологияларды киргизүү маселелери талкууланды.
КР БШКнын төрагасынын орун басары конференциянын экинчи күнүндө катышуучуларга Кыргыз Республикасында колдонулуп жаткан жаңы шайлоо моделинин тажрыйбасы тууралуу айтып берди. Жаңы шайлоо моделин киргизүү, көрүлгөн чаралар (мыйзам чыгаруу, техникалык жактан камсыздоо), шайлоого даярдануу жана аны өткөрүү (уюштуруу чаралары) жөнүндө “Инновациялык технологияларды киргизүү. Кыргыз Республикасынын шайлоо мыйзамдарындагы жаңылыктар” деген презентацияда кеңири баяндалды.
“Адилет жана атаандаш шайлоо аркылуу түзүлгөн бийлик бекем болот жана шайлоочулардын ишенимине ээ болуп, эл аралык коомчулук тарабынан таанылат. Шайлоо процессине жаңы моделди киргизүү Кыргызстанга учурдагы этапта жарандардын шайлоо тутумуна ишениминин негизи болуп саналган добуш берүүнүн жыйынтыктарынын толук аныктыгына жана айкындуулугуна жетишүүгө мүмкүнчүлүк берди”.
Өзбекстандын БШКсы Кыргызстандын шайлоодо инновациялык-коммуникациялык технологияларды колдонуу боюнча тажрыйбасына кызыгууда жана эки тараптуу мамилелерди өнүктүрүү менен өз ара аракеттешүүгө даяр экенин көрсөтүүдө.
КР БШКнын аппаратынын маалымат бөлүмү
Кененирээк билүү >>
Чаек айылдык кеңешинин депутаттыгына талапкерлерди каттоо аяктады
2018-жылдын 16-ноябрында, Календардык планга ылайык Нарын облусунун Жумгал районунун Чаек айылдык кеңешинин депутаттыгына талапкерлерди каттоо аяктады.
Жумгал аймактык шайлоо комиссиясы талапкерлерди көрсөтүү тартиби “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын талаптарына ылайык келиши жагынан документтерди текшерди.
Кыргыз Республикасындагы Чаек айылдык кеңешинин депутаттарын 2018-жылдын 2-декабрында дайындалган шайлоого катышуу үчүн 72 талапкер катталды, алардын ичинен:
-Актатыр-Аксеки шайлоо округунда (9 мандат) – 26 талапкер,
-Чаек шайлоо округунда (4 мандат) – 17 талапкер,
-Шортон шайлоо округунда (3 мандат) – 10 талапкер,
-Каражээк-Бештерек шайлоо округунда (5 мандат) – 19 талапкер
Шайлоо алдындагы үгүт жүргүзүү иштери айылдык кеңештерге бардык талапкерлерди каттоо аякталгандан кийин, же 2018-жылдын 17-ноябрынан башталып, добуш берүү башталаарга 24 саат калганда, же 2018-жылдын 1-декабрында 8.00дө токтотулат.
КР БШКнын аппаратынын маалымат бөлүмү
Кененирээк билүү >>
Кыргыз Республикасынын жергиликтүү кеңештин депутаттарынын төш белгилери тууралуу маалымат
Өткөрүлгөн конкурстун жыйынтыгы боюнча 2018-жылдын 31-октябрында КР БШК жеке ишкер В.Н. Подстречный менен “КР жергиликтүү кеңештин депутаттарынын төш белгилерин даярдоо жөнүндө” келишимге кол коюлган. Келишимге ылайык даярдап берүүчү үлгү бекитилгенден тартып, 30 жумушчу күндүн ичинде 10 000 төш белгини 740 000 сомго (ар бир бирдиги 74 сом) даярдап берүүгө тийиш.
Маалымат үчүн:
2018-жылы 17-августта мамлекеттик сатып алуулардын электрондук порталына Кыргыз Республикасынын жергиликтүү кеңештеринин депутаттарынын төш белгилерин сатып алуу жөнүндө кулактандыруу жарыялаган.
2018-жылы 12-сентябрда конкурстук табыштамалардын конверттери ачылган.
Электрондук мамлекеттик сатып алуулар порталына конкурс тууралуу кулактандыруу жарыялангандан кийин берүүчүлөрдүн бири даттанууларды жана нааразылыктарды кароо боюнча, ошондой эле ишенимсиз жана ак ниет эмес берүүчүлөрдүн (подрядчылардын) маалыматтар базасына киргизүү боюнча ведомстволор аралык көз карандысыз комиссияга (мындан ары - КВК) даттануу менен кайрылган. Анда конкурстун катышуучулары 2018-жылга чейин кеминде 5 жыл Кыргыз Республикасынын аймагында жайгашкан, менчигинде же үзгүлтүксүз ижарада окшош продукция чыгарган цехи барын ырастаган документтерин көрсөтүүгө тийиш экендиги тууралуу квалификациялык талаптардын бири негизсиз деп нааразылыгын билдирген. КВК 2018-жылдын 17-октябрдагы чечими менен берүүчүнүн даттануусун негиздүү деп тапкан.
Конкурстук комиссия КВКнын 2018-жылдын 17-октябрдагы чечимин эске алып, конкурстун бардык катышуучуларынын конкурстук документацияда белгиленген талаптарга жана критерийлерге ылайыктыгын баалоодо жогоруда көрсөтүлгөн квалификациялык талапты эске алган жок. КР БШК 2018-жылы 19-октябрда мамлекеттик сатып алуулардын электрондук порталына Кыргыз Республикасынын жергиликтүү кеңештеринин депутаттарынын төш белгилерин сатып алуу жол-жобосунун протоколун жарыялаган. Конкурстук документацияны жана техникалык талаптарды баалоонун жыйынтыгы боюнча конкурстук комиссия эң төмөнкү бааны сунуштаган берүүчүнү - жеке ишкер В.Н. Подстречныйдын конкурстук табыштамаларын жеңүүчү деп аныктады.
КР БШКнын аппаратынын маалымат бөлүмү
Кененирээк билүү >>
Чаек айылдык кеңешке депутаттарды мөөнөтүнөн мурда шайлоого карата даярдыктын алкагында КР БШКнын аппаратынын кызматкерлери жер-жерлерде окутуу өткөрүүдө
Нарын облусунун Жумгал районундагы Чаек айылдык кеңешке депутаттарды мөөнөтүнөн мурда шайлоого даярдануу жана өткөрүү боюнча негизги уюштуруу-практикалык иш-чаралардын Календардык планына ылайык КР БШКнын аппаратынын кызматкерлери Т.Айтикеев жана У. Каныбеков Жумгал аймактык шайлоо комиссиясы (АШК) жана алты участкалык шайлоо комиссиясы (УШК 4114, 4115,4116, 4117,4118 жана 4119) үчүн 2018-жылдын 13-15-ноябрда жер-жерлерде окутуу өткөрүүдө.
Окутуу ар кандай деңгээлдеги шайлоо комиссияларынын иш-аракетин натыйжалуу пландаштыруу көндүмдөрүн калыптандырууга, АШК, УШКлардын иш милдеттерин талаптагыдай аткарышына жана бийликтин жергиликтүү органдары менен өз ара аракеттешүүсүнө багытталган.
Окутуу программасына төмөнкүлөр киргизилген:
шайлоо комиссияларынын шайлоого даярданууда жана өткөрүүдө этап боюнча иш-аракети;
шайлоочулардын тизмелери, шайлоо бюллетендери менен иштөө боюнча блок;
жергиликтүү кеңештерди шайлоого добуш берүү күнүнө чейин, добуш берүү күнүнө жана жыйынтыктарды чыгарууга даярдануу жол-жоболору;
ден соолугунун мүмкүнчүлүктөрү чектелүү адамдар үчүн шайлоонун жетимдүүлүгүн камсыздоо.
Мындан тышкары, Чаек айылдык кеңешке депутаттарды мөөнөтүнөн мурда шайлоо боюнча шайлоо участокторунун төмөнкү иштери текшерилди:
шайлоо участокторун зарыл жабдыктар менен жабдуу боюнча;
участоктордо маалыматтык материалдардын (шайлоочунун шайлоо участоктогунда добуш берүү схемасы, “Кошунаңды ала кел”, “Өзүңдү шайлоочулардын тизмелеринен текшер”) болушу боюнча;
энергия, телефон байланышы жана интернет менен үзгүлтүксүз камсыздоо боюнча;
шайлоо участкаларында пандустардын болушу боюнча.
Маалымат үчүн: Чаек айыл аймагында мөөнөтүнөн мурда шайлоо жергиликтүү кеңеш таркатылгандын натыйжасында дайындалган. 2018-жылдын 18-октябрында Кыргыз Республикасынын Президенти “Кыргыз Республикасынын Нарын облусунун Жумгал районунун Чаек айылдык кеңешин таркатуу жана мөөнөтүнөн мурда шайлоону дайындоо жөнүндө” УП №210 Жарлыкка кол койгон, мөөнөтүнөн мурда шайлоо 2018-жылдын 2-декабрына дайындалган.
КР БШКнын аппаратынын маалымат бөлүмү
Кененирээк билүү >>
Акыркы жаңылыктар
19.11.2026
КР БШКнын 2026-жылдын 20-ноябрындагы өтүүчү жыйналышынын күн тартибинин долбоору
19.11.2026
КР БШКсы түшүндүрмө берет: «Түндүк» аркылуу кол тамгаларды чогултуу кызматы добуш берүү системасы болуп саналбайт жана чогултулган кол тамгалардын саны шайлоонун жыйынтыгына таасир этпейт
18.11.2026
Кыргызстанда шайлоо системасы жалпы республикалык тестирлөөдөн өтүүдө
17.11.2026
КР БШКсы Rise Up Kyrgyzstan жаштар демилгелүү тобу менен кызматташуу жөнүндө меморандумга кол койду
13.11.2026
Кыргыз Республикасынын Президентинин кызмат ордуна талапкерлерди көрсөтүү мөөнөтү аяктады
12.11.2026
КР БШКсы Президенттин кызмат ордуна талапкерлердин ыйгарым укуктуу өкүлдөрүн каттады