Дүйшеналиев Болотбек Согушбековичти №14 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоодон баш тартуу жөнүндө
2025-жылдын 9-октябрында Кыргыз Республикасынын Шайлоо жана референдум өткөрүү боюнча борбордук комиссиясына Дүйшеналиев Болотбек Согушбековичтен № 14 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып өзүн-өзү көрсөтүү тартибинде шайлоого катышуу ниети жөнүндө арыз келип түшкөн.
Талапкерлер, саясий партиялар тарабынан берилген шайлоо документтерин кабыл алуу жана текшерүү боюнча жумушчу топ (мындан ары – Жумушчу топ), “Кыргыз Республикасынын Шайлоо жана референдум өткөрүү боюнча борбордук комиссиясы жөнүндө” Кыргыз Республикасынын конституциялык Мыйзамынын 1-беренесинин 5-бөлүгүн жетекчиликке алып, өз ыйгарым укуктарынын алкагында ыйгарым укуктуу мамлекеттик органдарга талапкерди көрсөтүү тартибинин мыйзамдардын талаптарына ылайыктуулугун аныктоо үчүн суроо-талаптарды жөнөткөн.
- Кыргыз Республикасынын Ички иштер министрлигинин Кылмыш иликтөө башкы башкармалыгынын 2025-жылдын 16-октябрындагы № 8/139 КПҮ маалымкатына ылайык Дүйшеналиев Болотбек Согушбекович 2011-жылы уюшкан кылмыштуу топко (кылмыштуу коомдоштукка, кылмыштуу уюмга, куралдуу топко (бандага) тиешеси бар адам катары алдын алуучу (ыкчам-алдын алуучу) каттоодо тургандыгы аныкталды.
- Кыргыз Республикасынын Улуттук коопсуздук мамлекеттик комитетинин Чек ара кызматынын 2025-жылдын 15-октябрындагы № 1-7/525 маалымкатына ылайык Дүйшеналиев Болотбек Согушбековичтин “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 59-беренесинин 4-бөлүгүнүн талаптарына ылайык келбей тургандыгы аныкталды, анткени ал 2023-жылдын 11-ноябрынан 2024-жылдын 4-февралына чейинки (84 күн), 2024-жылдын 20-апрелинен 8-июнуна чейинки (48 күн), 2024-жылдын 18-июлунан 4-октябрына
чейинки (78 күн) мезгилде, жалпы 210 күн, Кыргыз Республикасынын чегинен тышкары жүргөн.
Жумушчу топтун 2025-жылдын 28-октябрында №14 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып өзүн-өзү көрсөткөн Б.С. Дүйшеналиевдин жана Кыргыз Республикасынын Ички иштер министрлигинин кылмыш иликтөө башкы башкармалыгынын өкүлүнүн катышуусунда болуп өткөн отурумунда Б.С. Дүйшеналиевдин шайлоо документтери Кыргыз Республикасынын Жогорку Кеңешинин депутаттыгына талапкерлерге коюлуучу мыйзамдардын талаптарына ылайык келбей тургандыгы аныкталган.
Ушуга байланыштуу Жумушчу топ Б.С. Дүйшеналиевди Кыргыз Республикасынын Жогорку Кеңешинин депутаттыгына талапкер кылып каттоодон баш тартууну сунуштаган.
“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” конституциялык Мыйзамдын 61-беренесинин 11-бөлүгүнө ылайык, адамдын уюшкан кылмыштуу топко, кылмыштуу коомдоштукка (уюмга) же куралдуу топко (бандага) тиешеси бар адам катары алдын алуучу (ыкчам-алдын алуучу) каттоодо туруу фактысынын болушу талапкерди каттоодон баш тартуу үчүн негиз болуп саналат.
Ошондой эле көрсөтүлгөн конституциялык Мыйзамдын 59-беренесинин 4-бөлүгүнө ылайык көрсөтүлгөн датага чейин бир жылдын ичинде Кыргыз Республикасынын чегинен тышкары 180 күндөн ашык жүргөн адам Кыргыз Республикасынын Жогорку Кеңешинин депутаттыгына талапкер болуп каттала албайт.
“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 59-беренесинин 4-бөлүгүн, 61-беренесинин 11-бөлүгүн, “Кыргыз Республикасынын Шайлоо жана референдум өткөрүү боюнча борбордук комиссиясы жөнүндө” Кыргыз Республикасынын конституциялык Мыйзамынын 3, 4 жана 8-беренелерин жетекчиликке алып, Кыргыз Республикасынын Шайлоо жана референдум өткөрүү боюнча борбордук комиссиясы чечим кылат:
- Дүйшеналиев Болотбек Согушбековичти № 14 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоодон баш тартылсын.
- Бул чечим “Эркин-Тоо” мамлекеттик расмий гезитине жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.
- Дүйшеналиев Болотбек Согушбекович бул чечим Кыргыз Республикасынын мыйзамдарына ылайык соттук тартипте даттанылышы мүмкүн экендиги тууралуу кабарландырылсын.
- Бул чечимдин аткарылышын контролдоо Кыргыз Республикасынын Жогорку Кеңешинин депутаттарын шайлоодо талапкерлер, саясий партиялар тарабынан берилген шайлоо документтерин кабыл алуу жана текшерүү боюнча жумушчу топтун жетекчиси А.С. Жупуевага жүктөлсүн.
Төрага Т. Шайназаров
Бишкек ш., 2025-жылдын 28-октябры
№ 628