Башкы Жаңылыктар

Жаңылыктар

Аялдардын шайлоого жигердүү катышуусу – ЖӨБдүн ишинин туруктуулугунун жана натыйжалуулугунун фактору
26.08.2019

Аялдардын шайлоого жигердүү катышуусу – ЖӨБдүн ишинин туруктуулугунун жана натыйжалуулугунун фактору

2019-жылы 22-сентябрда Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоо өткөрүлөт. Саруу айылдык кеңешине бардыгы 21 депутат шайланат. Шайлоо ар бири 7 мандат боюнча үч округда өтөт. 2019-жылы 28-августта күчүнө кирген “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамына киргизилген өзгөртүүлөргө ылайык айылдык кеңештерге шайлоодо аялдар үчүн мандаттардын 30 пайыз квотасы каралган. Бул Саруу айылдык кеңешинин үч округунун ар биринде 30 пайыздан аз эмеси б.а. 3 мандаттан аз эмеси аял талапкерлерге резервге калтырылат дегенди билдирет. Айылдык кеңештерде аялдардын кыйла кеңири өкүлдүгү балдардын, аялдардын жана калктын аялуу топторунун кызыкчылыктарына тийиштүү социалдык жактан маанилүү маселелерди, анын ичинде саламаттык сактоонун жана билим берүүнүн маселелерин натыйжалуу чечүүгө мүмкүнчүлүк берет деп болжолдонууда. Аялдардын жергиликтүү кеңеште өкүлдүгүнүн маанилүүлүгүн эске алып, Жети-Өгүз аймактык шайлоо комиссиясы Саруу айылдык кеңешинин депутаттыгына талапкерлердин документтерин кабыл алууну улантууда жана аялдарды айылдык кеңештин депутаттыгына талапкер катары жигердүү катышууга чакырууда. Учурда талапкерлерди көрсөтүү мезгили улантылууда. Каттоо үчүн зарыл документтерди Жети-Өгүз аймактык шайлоо комиссиясына 2019-жылдын 29-августу саат 24.00гө чейин берүү абзел. Маалымат катары: Акыркы 15 жылда айылдык кеңештердин депутаттарынын арасында аялдардын саны туруктуу азайып баратканы байкалганын белгилей кетүү керек. Маселен, 2004-жылы өлкө боюнча алар 19% шайланса, 2008-жылы – 17%,  2012-жылы –  13%, в 2016-жылы – 10% шайланган. Ошондой эле азыркы кезде 86 айылдык кеңеште б.а. ар бир бешинчи айылдык кеңеште бир дагы аял шайланган эмес. Ушул өкүм сүрүп келаткан тенденцияда айылдык кеңештерде депутат аялдардын болбой калуу ыктымалдыгы кыйла жогору. Ушуга байланыштуу шайлоо жөнүндө тиешелүү мыйзамдарга өзгөртүүлөрдү жана толуктоолорду киргизүү чечими кабыл алынды. 2019-жылы 8-августта Кыргыз Республикасынын Президенти тарабынан “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамына өзгөртүүлөрдү киргизүү тууралуу” Кыргыз Республикасынын Мыйзамына кол коюлду. Анда аялдар үчүн айылдык кеңештин депутаттарынын мандаттарынын 30 пайыздан аз эмес квота жана резервге калтырылган мандаттарды бөлүштүрүү тартиби каралган (59-1, 62- беренелер). Айылдык кеңештердин депутаттарын шайлоонун жыйынтыктарын аныктоодо резервге калтырылган мандаттар ириде талапкер аялдардын ортосунда бөлүштүрүлөт. Башка талапкер аялдарга караганда көбүрөөк добуштардын санына ээ болгон талапкер аялдар шайланган болуп таанылат. Эгерде шайлоо округунда талапкер аялдардын саны резервге калтырылган мандаттардын санынан аз болсо, анда мандаттар бөлүштүрүлгөндөн кийин калган мандаттар башка талапкерлер арасында бөлүштүрүлөт. Эгерде тиешелүү шайлоо округунда талапкер аялдар жок болсо, анда резервге калтырылган мандаттар башка талапкерлер арасында бөлүштүрүлөт. КР БШК аппаратынын маалыматтык бөлүмү
Кененирээк билүү >>
2019-жылы 23-августта Пригородный  айыл өкмөтүнүн башчысын шайлоо болуп өттү
23.08.2019

2019-жылы 23-августта Пригородный  айыл өкмөтүнүн башчысын шайлоо болуп өттү

2019-жылы 23-августта Чүй облусунун Аламүдүн районунун Пригородный   айыл өкмөтүнүн башчысын шайлоо болуп өттү. 13 добуш алган Шеримбеков Бакыт Кеменканович Пригородный   айыл өкмөтүнүн башчысы болуп шайланды. Пригородный айыл өкмөтүндө бардыгы 21 депутат бар, добуш берүүгө алардын баары катышты. Айыл өкмөтүнүн башчысы кызматына 4 талапкер катталган. КР БШК аппаратынын маалыматтык бөлүмү
Кененирээк билүү >>
2019-жылы 23-августта Ак-Дөбө айыл өкмөтүнүн башчысын шайлоо болуп өттү
23.08.2019

2019-жылы 23-августта Ак-Дөбө айыл өкмөтүнүн башчысын шайлоо болуп өттү

2019-жылы 23-августта Талас облусунун Бакай-Ата районунун Ак-Дөбө  айыл өкмөтүнүн башчысын шайлоо болуп өттү. 13 добуш алган Сарыев Исламбек Абдыевич Ак-Дөбө  айыл өкмөтүнүн башчысы болуп шайланды. Ак-Дөбө  айыл өкмөтүндө бардыгы 21 депутат бар, экинчи турда добуш берүүгө алардын 16сы катышты, 5 депутат катышкан жок, экөө баарына каршы добуш берди. Шайлоо 2 тур менен өттү. Айыл өкмөтүнүн башчысы кызматына 2 талапкер катталган. КР БШК аппаратынын маалыматтык бөлүмү
Кененирээк билүү >>
2019-жылы 23-августта Оро айыл өкмөтүнүн башчысын шайлоо болуп өттү
23.08.2019

2019-жылы 23-августта Оро айыл өкмөтүнүн башчысын шайлоо болуп өттү

2019-жылы 23-августта Талас облусунун Бакай-Ата районунун Оро айыл өкмөтүнүн башчысын шайлоо болуп өттү. 6 добуш алган Казымов Мухамбет Жаныбекович Оро айыл өкмөтүнүн башчысы болуп шайланды. Оро айыл өкмөтүндө бардыгы 11 депутат бар, добуш берүүгө алардын баары катышты. Айыл өкмөтүнүн башчысы кызматына 2 талапкер катталган. КР БШК аппаратынын маалыматтык бөлүмү
Кененирээк билүү >>
КР БШК: Кыргыз Республикасынын Мамлекеттик кадр кызматынын байкоо жүргүзүүсүнүн жыйынтыктары тууралуу
22.08.2019

КР БШК: Кыргыз Республикасынын Мамлекеттик кадр кызматынын байкоо жүргүзүүсүнүн жыйынтыктары тууралуу

Кыргыз Республикасынын Шайлоо жана референдум өткөрүү боюнча борбордук комиссиясы Мамлекеттик кадр кызматынын мамлекеттик жарандык кызмат жана муниципалдык кызмат чөйрөсүндөгү КР мыйзамдарынын сакталышына байкоо жүргүзүүсүнүн жыйынтыктары боюнча сунуштамаларын кабыл алды. Маселен, КР БШКнын аппаратынын кызматчыларын 2019-жылдын аягына чейин окутуу жана алардын квалификациясын жогорулатуу боюнча план жана Этика боюнча комиссиянын жаңы курамы бекитилди. Мамлекеттик жарандык кызматчылардын ишин баалоо боюнча КР МКК берген маалымкатта Кыргыз Республикасынын Өкмөтүнүн 2017-жылдын 1-мартындагы № 131 токтому менен бекитилген “Кыргыз Республикасынын мамлекеттик жарандык кызматчыларынын жана муниципалдык кызматчыларынын ишин баалоо тартиби жөнүндө” Жобонун пункттары төмөнкү талаптарга ылайык келет деп көрсөтүлгөн: - кызматчылардын ишин баалоо боюнча комиссиянын түзүмү жана курамы жогоруда көрсөтүлгөн Жобонун 59- пунктуна ылайык келет; - баалоо боюнча комиссиянын жана апелляциялык комиссиянын түзүмү жана курамы жогоруда көрсөтүлгөн Жобого ылайык келет; - БШКнын аппаратынын мамлекеттик кызматчыларына класстык чендер ырааттуулукту сактоо менен ээлеген кызматына ылайык кызмат орундарынын тобунун чектеринде ыйгарылган. КР БШК аппаратынын маалыматтык бөлүмү
Кененирээк билүү >>
КР БШК жергиликтүү кеңештердин алты депутатынын ыйгарым укуктарын мөөнөтүнөн мурда токтотту
22.08.2019

КР БШК жергиликтүү кеңештердин алты депутатынын ыйгарым укуктарын мөөнөтүнөн мурда токтотту

2019-жылы 22-августта КР БШК Токтогул, Тоң, Өзгөн, Ноокен жана Алай аймактык шайлоо комиссияларынын айрым жергиликтүү кеңештердин депутаттарынын ыйгарым укуктарын мөөнөтүнөн мурда токтотуу жана бош депутаттык мандаттарды Кыргыз Республикасынын жергиликтүү кеңештеринин шайланган депутаттарынан кийинки депутаттыкка талапкерлерге өткөрүп берүү жөнүндө чечимдерин бекитти. Жалал-Абад облусунун төмөнкү депутаттары өз каалоолору боюнча өз ыйгарым укуктарын мөөнөтүнөн мурда токтотушту: Акматбек уулу Тимурлан (Ноокен районунун Масы айылдык кеңеши). Мандат шайланган депутаттан кийинки талапкер Эргешов Йигиталиге өткөрүп берилди. Мамбетов Бактияр (Токтогул районунун Жаңы-Жол айылдык кеңеши). Мандат шайланган депутаттан кийинки талапкер Акылбек уулу Залкарбекке өткөрүп берилди. Ош облусунун төмөнкү депутаты өз каалоосу боюнча өз ыйгарым укуктарын мөөнөтүнөн мурда токтотту: Максутов Бактыбек (Алай районунун Ленин айылдык кеңеши). Мандат шайланган депутаттан кийинки талапкер Мендибай уулу Жоодарбекке өткөрүп берилди. Мадаев Гулжигит (Алай районунун Кабылан-Көл айылдык кеңеши). Мандат шайланган депутаттан кийинки талапкер Дүйшөбаев Уларбекке өткөрүп берилди. Мамасеит уулу Нурмухамбет (Өзгөн районунун Кара-Таш айылдык кеңеши). Мандат шайланган депутаттан кийинки талапкер Маматов Каныбекке өткөрүп берилди. Ысык-Көл облусунун төмөнкү депутаты өз каалоосу боюнча өз ыйгарым укуктарын мөөнөтүнөн мурда токтотту: Калыков Турусбек (Тоң районунун Ак-Терек айылдык кеңеши). Мандат шайланган депутаттан кийинки талапкер Акчубаков Элдиярга өткөрүп берилди. КР БШК аппаратынын маалыматтык бөлүмү
Кененирээк билүү >>
Ысык-Көл облусунун Тоң районунун Улахол айыл өкмөтүнүн башчысын шайлоо дайындалды
22.08.2019

Ысык-Көл облусунун Тоң районунун Улахол айыл өкмөтүнүн башчысын шайлоо дайындалды

КР БШКнын 2019-жылдын 22-августундагы токтому менен Ысык-Көл облусунун Тоң районунун Улахол айыл өкмөтүнүн башчысын шайлоо 2019-жылдын 10-сентябрына (саат 9-00дөн 12-00ге чейин) дайындалды. Ысык-Көл облусунун Тоң райондук мамлекеттик администрациясынын башчысы – акиминин 2019-жылдын 15-августундагы №73 буйругу менен Улахол айыл өкмөтүнүн башчысы Мамбеткеримов Акылбек Токтошевич берген арызынын негизинде ээлеген кызматынан бошотулган. КР БШК аппаратынын маалыматтык бөлүмү
Кененирээк билүү >>
2019-жылдын 22-августунда өтө турган КР БШКнын отурумунун күн тартибинин долбоору
22.08.2019

2019-жылдын 22-августунда өтө турган КР БШКнын отурумунун күн тартибинин долбоору

Өткөрүү датасы: 22 август 2019-ж.  Убактысы: 14:00  Өткөрүлүүчү жери: отурумдар залы 1. Ысык-Көл облусунун Тоң районунун Улахол айыл өкмөтүнүн башчысын шайлоону дайындоо жөнүндө (Баяндамачы – А.Н. Омуралиев, шайлоо процессин уюштуруу башкармалыгынын башчысы) 2. Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды жергиликтүү кеңештердин депутаттыгына талапкерлерге өткөрүп берүү жөнүндөгү Токтогул, Тоң, Өзгөн, Ноокен жана Алай аймактык шайлоо комиссияларынын чечимдерин бекитүү тууралуу (Баяндамачы – А.Н. Омуралиев, шайлоо процессин уюштуруу башкармалыгынын башчысы) 3.  Ар түрдүү маселелер Төрага
Кененирээк билүү >>
КР БШКнын шайлоочуларга, саясий партияларга, жалпыга маалымдоо каражаттарына, шайлоо комиссияларынын мүчөлөрүнө жана шайлоо процессинин катышуучуларына Кайрылуусу!
15.08.2019

КР БШКнын шайлоочуларга, саясий партияларга, жалпыга маалымдоо каражаттарына, шайлоо комиссияларынын мүчөлөрүнө жана шайлоо процессинин катышуучуларына Кайрылуусу!

Урматтуу шайлоочулар, шайлоо комиссияларынын мүчөлөрү, саясий партиялардын жана жалпыга маалымдоо каражаттарынын өкүлдөрү, шайлоо процессинин катышуучулары! Кыргыз Республикасынын Президентинин 2019-жылдын 8-августундагы ПЖ №102 Жарлыгы менен Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоо 2019-жылдын 22-сентябрына дайындалды. Урматтуу Кыргыз Республикасынын жарандары, шайлоочулар! Шайлоо өткөрүлүп жаткан тиешелүү администрациялык-аймактык бирдиктин жергиликтүү жамаатынын мүчөлөрү болуп саналган, 18 жашка толгон Кыргыз Республикасынын жарандары жергиликтүү кеңештердин депутаттарын шайлоо укугуна ээ. Шайлоочулардын тизмесине добуш берүү күнүнө карата активдүү шайлоо укугуна ээ болгон, жергиликтүү жамааттын мүчөсү болуп саналган жана "Кыргыз Республикасынын жарандарын биометрикалык каттоо жөнүндө" Кыргыз Республикасынын Мыйзамында белгиленген тартипте биометрикалык каттоодон өткөн Кыргыз Республикасынын бардык жарандары киргизилет. Биометрикалык каттоодон өтпөгөн жарандар бул процедурадан жашаган жериндеги Мамлекеттик каттоо кызматынын органдарында биометрикалык каттоо пункттарынын дарегине барып өтө алышат. Эске сала кетсек, биометрикалык маалыматтары боюнча шайлоочуларды идентификациялоо башка шайлоочу үчүн добуш берүүнү жана шайлоонун жыйынтыктарын бурмалоону жокко чыгарууга мүмкүнчүлүк берет. Бүгүнкү күндө Кыргыз Республикасынын жарандары өздөрүн шайлоочулардын тизмесинен www.shailoo.srs.kg порталынан текшере алышат. Шайлоочулардын тизмеси тийиштүү шайлоо участокторунда добуш берүү күнүнө чейин 34 календардык күн калганда, б.а. 2019-жылдын 18-августунан кечиктирбестен шайлоочуларга тааныштыруу үчүн илинет, Сиз ошол жерден өзүңүз жөнүндө маалыматтарды тактасаңыз болот. Сиз кандай болбосун ката же так эместиктерди, ошондой эле шайлоочулардын тизмесинде жок экениңизди тапсаңыз, Сиз добуш берүү күнүнө чейин 11 календарлык күндөн кечиктирбестен, б.а. 2019-жылдын 11-сентябрына чейин, тийиштүү участкалык шайлоо комиссиясына арыз менен Сиздин жергиликтүү жамаатка тиешелүү экендигиңизди тастыктаган ID-картанын көчүрмөсүн тиркөө менен кайрылууга укуктуусуз. Бул арыз токтоосуз участкалык шайлоо комиссия тарабынан ыйгарым укуктуу мамлекеттик органга кароо үчүн жөнөтүлөт. Урматтуу Кыргыз Республикасынын жергиликтүү жамааттарынын мүчөлөрү, саясий партияларынын өкүлдөрү! “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамына ылайык, 21 жаш куракка толгон, тиешелүү администрациялык-аймактык бирдиктин жергиликтүү жамаатынын мүчөсү жергиликтүү кеңештин депутаты болуп шайланууга укуктуу. “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 49-беренесинин 2-бөлүгүнө ылайык, талапкерлерди көрсөтүү укугу айылдык аймактын жергиликтүү кеңештерине - саясий партияларга жана өзүн өзү көрсөтүү жолу менен жарандарга таандык. Саясий партиянын жергиликтүү кеңештердин депутаттыгына талапкерлерди көрсөтүү жөнүндө чечими жашыруун добуш менен кабыл алынат. Жергиликтүү кеңештердин депутаттыгына талапкерлерди көрсөтүү саясий партиянын съездинде (конференциясында), анын региондук бөлүмүнүн чогулушунда (конференциясында) жүзөгө ашырылат. Саясий партиялар башка саясий партиялардын мүчөлөрү болуп саналган адамдарды талапкерликке көрсөтүүгө укуксуз. Өзүн өзү көрсөтүү тартибинде Ысык-Көл облусунун Жети-Өгүз районунун Саруу айылдык кеңешинин депутаттыгына талапкерди көрсөтүү Жети-Өгүз аймактык шайлоо комиссиясына талапкер болуп көрсөтүлүүгө ниеттенгендиги жөнүндө арыз берүү жолу менен жүргүзүлөт. Саруу айылдык кеңешинин депутаттарын мөөнөтүнөн мурда шайлоодо айылдык кеңештин депутаттыгына талапкерлерди көрсөтүү жана тиешелүү аймактык шайлоо комиссиясына зарыл болгон документтерди берүү шайлоо дайындалган күндөн тартып башталат жана добуш берүү күнүнө чейин 23 календардык күн калганда б.а. 2019-жылдын 29-августунда, саат 24.00дө аяктайт. Саруу айылдык кеңешинин депутаттарын мөөнөтүнөн мурда шайлоодо депутаттыкка талапкерлерди каттоо добуш берүү күнүнө чейин 15 календарлык күн калганда б.а. 2019-жылдын 6-сентябрында аяктайт. Талапкерлерди каттоодо талапкерлерге жана саясий партияларга көмөк көрсөтүү тартибинде КР БШКнын расмий сайтында арыздардын формалары жана талапкерлерге карата талаптар жөнүндө эскертмелер жайгаштырылган. Шайлоо өнөктүгүн каржылоо эрежелерин сактоо үчүн КР БШКнын сайтында тиешелүү нускамалар жана жоболор жайгаштырылган. Урматтуу аймактык шайлоо комиссиясынын жана участкалык шайлоо комиссияларынын мүчөлөрү! Кыргыз Республикасынын Ысык-Көл облусунун Жети-Өгуз районунун Саруу айылдык кеңешинин депутаттарын мөөнөтүнөн мурда шайлоону даярдоо жана өткөрүү процессинде, айрыкча ишке ашырылып жаткан шайлоо системасын реформалоо алкагында жергиликтүү деңгээлде негизги роль аймактык шайлоо комиссиясынын жана участкалык шайлоо комиссияларынын мүчөлөрүнө таандык. Калктын шайлоо процесске болгон ишениминин деңгээли Сиздердин иш-аракеттериңиздерге байланыштуу. Ачыктык, айкындуулук, чындык бардык деңгээлдеги шайлоо комиссияларынын ишинин негизи. Биздин шайлоону кандай өткөргөндүгүбүз Кыргызстандын туруктуулугуна жана демократияны бекемдөөгө түздөн-түз таасир берет. Шайлоонун жаңы модели бул өлкөнүн түп тамырынан өзгөртүүгө карата ири кадам. Өзгөчө жоопкерчилик аймактык шайлоо комиссиясына жүктөлгөн, алар шайлоочулар менен гана эмес, талапкерлер жана саясий партиялар менен түздөн-түз ишти, аймактык шайлоо комиссиясында айылдык кеңештин депутаттыгына талапкерлерди каттоо процессинен баштап, жергиликтүү кеңештин депутаттарын шайлоонун жыйынтыктарын аныктоо менен аяктайт. Ушул процесстин башкы талаптары болуп, шайлоонун бардык катышуучуларына карата бейтарап жана бирдей мамилени камсыз кылуу, болууга тийиш! Көп мандаттуу шайлоо округдары боюнча Саруу айылдык кеңешинин депутаттарын мөөнөтүнөн мурда шайлоону өткөрүү үчүн Жети-Өгүз аймактык шайлоо комиссиясы жергиликтүү өз алдынча башкаруу органдарынын өкүлдөрүнүн катышуусу менен шайлоо округдарынын схемаларын жана чек араларын добуш берүү күнүнө чейин 38 календардык күн калгандан кечиктирбестен б.а. 2019-жылдын 15-августуна чейин иштеп чыгат жана КР БШКга бекитүү үчүн берет. Шайлоочулар үчүн максималдуу ыңгайлуу шарттарды түзүү максатында, КР мыйзамдарына ылайык, добуш берүүнү өткөрүү жана шайлоочулардын добуштарын эсептөө үчүн, шайлоо участкалары жергиликтүү жана башка шарттарды эске алуу менен түзүлүүгө тийиш. Шайлоо участкалары тиешелүү аймактык шайлоо комиссиясы тарабынан добуш берүү күнүнө чейин 34 календардык күн калгандан кечиктирбестен б.а. 2019-жылдын 18-августуна чейин ар бир шайлоо участкасында 2500дөн ашык эмес шайлоочу деген эсепте түзүлөт. Шайлоо округдарынын чек аралары участкалардын чек аралары менен кесилишине жол берилбейт. Урматтуу жалпыга маалымдоо каражаттарынын өкүлдөрү! Кыргыз Республикасынын Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоодо шайлоо алдындагы үгүткө катышууну пландаштырган жалпыга маалымдоо каражаттары, обо убакыт бергендик үчүн акынын өлчөмү жана башка шарттары, басма аянты жөнүндө маалыматтарды тиешелүү телерадиоберүү уюму, мезгилдүү басма сөз редакциясы тарабынан Борбордук шайлоо комиссиясына, шайлоону дайындоо жөнүндө чечим жарыялангандан кийин 8 календардык күндөн кечиктирбестен берүүгө тийиш. Эскерте кетсек, шайлоо алдындагы үгүт Саруу айылдык кеңешине депутаттарды мөөнөтүнөн мурда шайлоодо айылдык кеңештерге талапкерлер катталгандан кийин б.а. 2019-жылдын 7-сентябрынан тартып башталат. Ушул шайлоонун өзгөчөлүгүн эске алганда Саруу айылдык кеңешинин депутаттарын мөөнөтүнөн мурда шайлоодо шайлоочуларды маалымдоодо жана үгүт жүргүзүүдө регионалдык жалпыга маалымдоо каражаттардын ролу жана катышуусу абдан маанилүү. Борбордук шайлоо комиссиясы регионалдык жалпыга маалымдоо каражаттарын маалыматтык өнөктүккө активдүү катышууга чакырат жана өз кезегинде шайлоо өнөктүгүнүн жүрүшү, шайлоо комиссиялардын иши тууралуу бардык зарыл маалыматтарды берүүгө даяр. Урматтуу шайлоочулар, шайлоо комиссияларынын мүчөлөрү, саясий партиялардын, жалпыга маалымдоо каражаттарынын өкүлдөрү, шайлоо процессинин катышуучулары! Кыргыз Республикасында шайлоо процесстин айкындуулугун жана адилеттүүлүгүн камсыз кылган, эркин, атаандаштык жана адилеттүү шайлоонун жалпы таанылган эл аралык стандарттарына ылайык мыйзам чыгаруу жана практикалык механизмдердин системасы түзүлүп, өнүгүп жатат. Борбордук шайлоо комиссиясы алдыдагы 2019-жылдын 22-сентябрына дайындалган мөөнөтүнөн мурда шайлоону өткөрүү максатында шайлоо процесстин бардык субъектилерин шайлоо мыйзамдардын ченемдеринин талаптарын так сактоону жана шайлоо процесстин башка катышуучулары менен өз ара аракеттенүүдө ич ара сый-урматты жана чыдамдуулукту сактоону суранат. Кыргыз Республикасынын Борбордук шайлоо комиссиясы өз жагынан шайлоо процессинин бардык катышуучулары үчүн ачыктыкты, айкындуулукту кепилдейт жана шайлоо мыйзамдын нугунда, тынч, стабилдүү атмосферада өтүү үчүн болгон аракетин жумшайт жана биздин өлкөнүн жарандарынын шайлоо укуктарын толугу менен ишке ашыруу үчүн бардык керектүү шарттарды түзөт. Кыргыз Республикасынын Шайлоо жана референдум өткөрүү боюнча борбордук комиссиясы
Кененирээк билүү >>
КР БШК 2019-жылдын 22-сентябрына дайындалган Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоо боюнча шайлоо участокторунун жана округдарынын схемаларын жана чек араларын бекитти
14.08.2019

КР БШК 2019-жылдын 22-сентябрына дайындалган Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоо боюнча шайлоо участокторунун жана округдарынын схемаларын жана чек араларын бекитти

КР БШК 2019-жылдын 14-августтагы токтому менен “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 7-беренесинин 1-бөлүгүнүн  2, 4, 5-пункттарына, “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 11-беренесинин 3-бөлүгүнө, Кыргыз Республикасынын Президентинин “Кыргыз Республикасынын Ысык-Көл облусунун Жети-Өгүз районунун Саруу айылдык кеңешин таркатуу жана мөөнөтүнөн мурда шайлоону дайындоо жөнүндө” 2019-жылдын 8-августундагы УП №102 Жарлыгына ылайык 2019-жылдын 22-сентябрына дайындалган Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоо боюнча шайлоо участокторунун жана округдарынын схемаларын жана чек араларын бекитти. КР БШК аппаратынын маалыматтык бөлүмү
Кененирээк билүү >>
Ош облусунун Ноокат районунун Бел айыл өкмөтүнүн башчысын кайталап шайлоо дайындалды
14.08.2019

Ош облусунун Ноокат районунун Бел айыл өкмөтүнүн башчысын кайталап шайлоо дайындалды

2019-жылы 14-августта өткөн Ош облусунун Ноокат районунун Бел айыл өкмөтүнүн башчысын шайлоодо талапкерлерге караганда “бардык талапкерлерге каршы” позициясы үчүн депутаттардын көпчүлүк добушу берилгенине байланыштуу 2019-жылы 14-августта КР БШК Ош облусунун Ноокат районунун Бел айыл өкмөтүнүн башчысын кайталап шайлоону 2019-жылдын 28-августуна (саат 9-00дөн 12-00гө чейин) дайындады. Ноокат аймактык шайлоо комиссиясына шайлоону Кыргыз Республикасынын мыйзамдарына ылайык өткөрүүнү уюштуруу тапшырылды. КР БШК аппаратынын маалыматтык бөлүмү
Кененирээк билүү >>
Чинарбеков Медербек Чинарбекович Чүй облусунун Сокулук районунун Гавриловка айыл өкмөтүнүн башчысы болуп шайланды
14.08.2019

Чинарбеков Медербек Чинарбекович Чүй облусунун Сокулук районунун Гавриловка айыл өкмөтүнүн башчысы болуп шайланды

2019-жылы 14-августта КР БШК мүчөлөрү Чинарбеков Медербек Чинарбековичти Чүй облусунун Сокулук районунун Гавриловка айыл өкмөтүнүн башчылыгына шайланды деп тааныды. Гавриловка айыл өкмөтүнүн башчысын шайлоо 2019-жылы 2-августта болуп өттү. Гавриловка айылдык кеңеште бардыгы 21 депутат бар, алардын ичинен добуш берүүгө 19 депутат катышты. 17 депутат “макул”, экөө “баарына каршы” деп добуш берди. Айыл өкмөтүнүн башчысы кызмат ордуна 1 талапкер катталган. Чүй облусунун Сокулук районунун Гавриловка айыл өкмөтүнүн башчысын шайлоодо добуш берүүнүн жыйынтыктарына жана шайлоонун натыйжаларына даттануулар жана арыздар түшкөн жок. Чинарбеков Медербек Чинарбекович 1991-жылы 1-апрелде Чүй облусунун Сокулук районунун Жыламыш айылында туулган. Билими жогорку. Скрябин атындагы Кыргыз улуттук агрардык университетин инженер адистиги боюнча (2010-2015жж.) бүтүргөн (диплом УВ №150149272). Эмгек жолу: 2018-2019-жж. - Гавриловка айыл өкмөтүнүн башчысынын милдетин аткаруучу. 2016-2018-жж. - Сокулук районунун суу чарбасы башкармалыгы, 1- категориядагы инженер. 2013-2019-жж. - Сокулук районунун Жыламыш айылы, “Жыламыш” дыйкан чарбасы, жетекчи. 2012-2013-жж. – Бишкек ЭЭЗ, кароолчу. Үй-бүлөлүк абалы: үйлөнгөн. Кыргыз Республикасынын ИИМдин маалыматык технологиялар башкы башкармалыгы 2019-жылы 22-июлда берген маалымкатка ылайык М.Ч. Чинарбековдун  Кыргыз Республикасынын аймагында соттуулугу жок. Сокулук аймактык шайлоо комиссиясына Гавриловка айыл өкмөтүнүн шайланган башчысына белгиленген үлгүдөгү күбөлүктү берүү тапшырылды. КР БШК аппаратынын маалыматтык бөлүмү
Кененирээк билүү >>
КР БШК Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоого даярдануу жана өткөрүү боюнча негизги уюштуруу-практикалык иш-чаралардын Календардык планын жана чыгымдардын сметасын бекитти
14.08.2019

КР БШК Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоого даярдануу жана өткөрүү боюнча негизги уюштуруу-практикалык иш-чаралардын Календардык планын жана чыгымдардын сметасын бекитти

2019-жылы 14-августта КР БШК 2019-жылдын 22-сентябрына дайындалган Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоого даярдануу жана өткөрүү боюнча негизги уюштуруу-практикалык иш-чаралардын Календардык планын жана чыгымдардын сметасын бекитти. Ошондой эле 2019-жылдын 22-сентябрына дайындалган Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоого катышуучу талапкерлердин, саясий партиялардын шайлоо фондуларынын атайын эсептерин ачуу үчүн банк мекемелерин аныктады. КР БШК аппаратынын маалыматтык бөлүмү
Кененирээк билүү >>
2019-жылы 22-сентябрда Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоо өтөт
14.08.2019

2019-жылы 22-сентябрда Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоо өтөт

Кыргыз Республикасынын Президенти “Кыргыз Республикасынын Ысык-Көл облусунун Жети-Өгүз районунун Саруу айылдык кеңешин таркатуу жана мөөнөтүнөн мурда шайлоону дайындоо жөнүндө” 2019-жылдын 8-августундагы УП №102 Жарлыгы менен Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоо 2019-жылдын 22-сентябрына дайындалды. КР БШК аппаратынын маалыматтык бөлүмү
Кененирээк билүү >>
2019-жылдын 14-августунда өтө турган КР БШКнын отурумунун күн тартибинин долбоору
13.08.2019

2019-жылдын 14-августунда өтө турган КР БШКнын отурумунун күн тартибинин долбоору

Өткөрүү датасы:  14 -август 2019-ж.  Убактысы: 16:00  Өткөрүлүүчү жери: отурумдар залы 1. 2019-жылдын 22-сентябрында дайындалган Кыргыз Республикасынын Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоону даярдоо жана өткөрүү боюнча негизги уюштуруу-практикалык иш чараларынын календардык планы жөнүндө (Баяндамачы – А.Н. Омуралиев, шайлоо процессин уюштуруу башкармалыгынын башчысы) 2. 2019-жылдын 22-сентябрында дайындалган Кыргыз Республикасынын Ысык-Көл облусунун Жети-Өгуз районунун Саруу айылдык кеңешинин депутаттарын мөөнөтүнөн мурда шайлоону даярдоого жана өткөрүүгө чыгымдардын сметасын бекитүү жөнүндө (Баяндамачы – Г. Дюшембаева, пландоо, эсепке алуу, отчеттуулук жана сатып алуулар бөлүмүнүн башчысы) 3. 2019 жылдын 22-сентябрында дайындалган Кыргыз Республикасынын Ысык-Көл облусунун Жети-Өгуз районунун Саруу айылдык кеңешинин депутаттарын шайлоону өткөрүүгө Кыргыз Республикасынын саясий партияларынын жана талапкерлердин шайлоо фонддорунун атайын эсебин ачуу үчүн банк мекемелерин аныктоо жөнүндө (Баяндамачы – Г. Дюшембаева, пландоо, эсепке алуу, отчеттуулук жана сатып алуулар бөлүмүнүн башчысы) 4. 2019-жылдын 22-сентябрына дайындалган Кыргыз Республикасынын Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоо боюнча шайлоо округдарынын схемаларын жана чек араларын бекитүү жөнүндө (Баяндамачы – А.Н. Омуралиев, шайлоо процессин уюштуруу башкармалыгынын башчысы) 5. 2019-жылдын 22-сентябрына дайындалган Кыргыз Республикасынын Ысык-Көл облусунун Жети-Өгүз районунун Саруу айылдык кеңешинин депутаттарын мөөнөтүнөн мурда шайлоо участкаларынын схемаларын жана чек араларын бекитүү жөнүндө (Баяндамачы – А.Н. Омуралиев, шайлоо процессин уюштуруу башкармалыгынын башчысы) 6. 2019-жылдын 2-августунда өткөрүлгөн Чүй облусунун Сокулук районунун Гавриловка айыл өкмөтүнүн башчысын шайлоодогу добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө (Баяндамачы – А.Н. Омуралиев, шайлоо процессин уюштуруу башкармалыгынын башчысы) 7. Ар түрдүү маселелер
Кененирээк билүү >>
Талас облусунун Бакай-Ата районунун Оро, Ак-Дөбө, Чүй облусунун Аламүдүн районунун Пригородный айыл өкмөттөрүнүн башчыларын шайлоо дайындалды
06.08.2019

Талас облусунун Бакай-Ата районунун Оро, Ак-Дөбө, Чүй облусунун Аламүдүн районунун Пригородный айыл өкмөттөрүнүн башчыларын шайлоо дайындалды

КР БШКнын 2019-жылдын 6-августундагы токтому менен Талас облусунун Бакай-Ата районунун Оро, Ак-Дөбө, Чүй облусунун Аламүдүн районунун Пригородный айыл өкмөттөрүнүн башчыларын шайлоо 2019-жылдын 23-августуна (саат 9-00дөн 12-00ге чейин) дайындалды. Талас облусунун Бакай-Ата райондук мамлекеттик администрациясынын башчысы – акиминин 2019-жылдын 26-июлундагы №Б-38/IV буйругу менен Оро айыл өкмөтүнүн башчысы Сурапов Элеман Эргешович берген арызынын негизинде ээлеген кызматынан бошотулган. Талас облусунун Бакай-Ата райондук мамлекеттик администрациясынын башчысы – акиминин 2019-жылдын 1-августундагы №Б-40/IV буйругу менен Ак-Дөбө айыл өкмөтүнүн башчысы Буланбеков Уланбек Эсенбекович берген арызынын негизинде ээлеген кызматынан бошотулган. Чүй облусунун Аламүдүн райондук мамлекеттик администрациясынын башчысы – акиминин 2019-жылдын 18-июлундагы №212-р буйругу менен Пригородный айыл өкмөтүнүн башчысы Паязов Сактанбек Паязович берген арызынын негизинде ээлеген кызматынан бошотулган. КР БШК аппаратынын маалыматтык бөлүмү
Кененирээк билүү >>
1 … 350 352 … 488