Башкы Жаңылыктар

Жаңылыктар

Баткен АШКнын курамына жана резервине өзгөртүүлөр киргилизди
21.06.2018

Баткен АШКнын курамына жана резервине өзгөртүүлөр киргилизди

КР БШК Баткен АШКнын курамына жана резервине өзгөртүүлөдү киргизүү жөнүндө токтом кабыл алынды. И. Мамаразаковдун өлгөндүгүнө байланыштуу АШКнын курамынан чыгаруу боюнча токтом кабыл алынды. Баткен АШКнын курамынан И. Мамаразаков (жергиликтүү өз алдынча башкаруунун өкүлчүлүктүү органынан) чыгарылды. Алардын ордуна резервдеги К.Таабалдыев (жергиликтүү өз алдынча башкаруунун өкүлчүлүктүү органынан) киргизилди. КР БШК аппаратынын маалыматтык бөлүмү
Кененирээк билүү >>
Кыргыз Республикасынын жергиликтүү өз алдынча башкаруусунун айрым аткаруу органдарынын башчыларын шайлоо дайындалды
21.06.2018

Кыргыз Республикасынын жергиликтүү өз алдынча башкаруусунун айрым аткаруу органдарынын башчыларын шайлоо дайындалды

2018-жылдын 21-июнунунда Кыргыз Республикасынын жергиликтүү өз алдынча башкаруусунун айрым аткаруу органдарынын башчыларын шайлоо дайындалды. Нарын облусунун Нарын райондук мамлекеттик администрациясынын башчысы – акиминин 2018-жылдын 18-июнундагы № 02-б буйругу менен Учкун айыл өкмөтүнүн башчысы К.Мамырбаев, өзү берген арызынын негизинде, ээлеген кызматынан бошотулган. Жалал-Абад облусунун Токтогул райондук мамлекеттик администрациясынын башчысы – акиминин 2018-жылдын 21-июнундагы № 152 буйругу менен айыл өкмөтүнүн башчысы Р.Сагынбаев, өзү берген арызынын негизинде, ээлеген кызматынан бошотулган. КР БШКнын токтомуна ылайык, Нарын облусунун Нарын районунун Учкун, Жалал-Абад облусунун Токтогул районунун Толук айыл өкмөттөрүнүн башчыларын шайлоо 2018-жылдын 10-июлуна саат 9-00дөн 12-00гө чейин дайындалды. 2018-жылдын 20-июнуна дайындалган Жалал-Абад облусунун Токтогул районунун Токтогул шаарынын мэрин, Аксы районунун Кара-Жыгач, Сузак районунун Көк-Арт айыл өкмөттөрүнүн башчыларын шайлоо катталган талапкерлер депутаттардын добуштарынын зарыл болгон санын албай калгандыгына байланыштуу өткөн жок. КР БШКнын токтомуна ылайык, Жалал-Абад облусунун Токтогул районунун Токтогул шаарынын мэрин, Аксы районунун Кара-Жыгач, Сузак районунун Көк-Арт айыл өкмөттөрүнүн башчыларын жаңы талапкерлерди көрсөтүү менен, кайра шайлоо 2018-жылдын 5-июлуна саат 9-00дөн 12-00гө чейин дайындалды. Шайлоону Кыргыз Республикасынын мыйзамдарына ылайык уюштуруп, өткөрүү Нарын, Токтогул, Аксы жана Сузак АШКна тапшырылды. Маалымат үчүн: "Жергиликтүү өз алдынча башкаруу жөнүндө" Кыргыз Республикасынын Мыйзамынын 42-беренесине ылайык жогорку билими жана мамлекеттик же болбосо муниципалдык кызматта 3 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбачыл субъекттердин жетекчилик кызматтарында 5 жылдан кем эмес иш стажы бар, аракетке жөндөмдүү Кыргыз Республикасынын жараны шаардын мэри боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны шаарга мэр боло албайт. Ошондой эле, "Жергиликтүү өз алдынча башкаруу жөнүндө" Кыргыз Республикасынын Мыйзамынын 48-беренесине ылайык жогорку билими жана мамлекеттик же болбосо муниципалдык кызматта 2 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбакер субъекттердин жетекчилик кызматтарында 3 жылдан кем эмес иш стажы бар аракетке жөндөмдүү Кыргыз Республикасынын жараны айыл өкмөтүнүн башчысы боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны айыл өкмөтүнө башчы болушу мүмкүн эмес. КР БШК аппаратынын маалыматтык бөлүмү
Кененирээк билүү >>
2018-жылдын 20-июнунда Ак-Кыя жана Казыбек айыл өкмөттөрүнүн башчылары шайланды, Токтогул шаарынын мэри, Кара-Жыгач жана Көк-Арт айыл өкмөттөрүнүн башчылары шайланбай калды
20.06.2018

2018-жылдын 20-июнунда Ак-Кыя жана Казыбек айыл өкмөттөрүнүн башчылары шайланды, Токтогул шаарынын мэри, Кара-Жыгач жана Көк-Арт айыл өкмөттөрүнүн башчылары шайланбай калды

2018-жылдын 20-июнунда Кочкор районундагы Ак-Кыя айыл өкмөтүнүн башчысы жана Ат-Башы районундагы Казыбек айыл өкмөтүнүн башчысы шайланды.  Жалал-Абад облусунун Токтогул шаарынын мэри, Аксы районундагы Кара-Жыгач айыл өкмөтүнүн жана Сузак районундагы Көк-Арт айыл өкмөтүнүн башчылары шайланбай калды. Натыйжада: - Алдын ала маалыматтар боюнча, Нарын облусунун Кочкор районундагы Ак-Кыя айыл өкмөтүнүн башчысы болуп, 15 добуш алган Турдубеков Тилек Рысбекович шайланды. Башчылык орунга 2 талапкер ат салышкан. Ак-Кыя айылдык кеңешинде бардыгы болуп 21 депутат бар, алардын 20сы катышты; - Нарын облусунун Ат-Башы районундагы Казыбек айыл өкмөтүнүн башчысы болуп, алдын ала маалыматтар боюнча 6 добуш алган Докое Руслан Үсөнович шайланда. Башчылык орунга 2 талапкер катталган.  Казыбек айылдык кеңешинде бардыгы болуп 11 депутат бар, алардын 11 тең катышты; - Токтогул шаарында мэрди шайлоо кайра өткөрүлөт. Талапкерлер добуштардын зарыл болгон санын албагандыктан Токтогул шаарынын мэрин шайлоо болбой калды.  Токтогул шаардык кеңешинде бардыгы болуп 21 депутат бар, алардын 21 тең катышты. Мэрлик кызматка 2 талапкер ат салышып, экөө тең 10 добуштан алышты, бир добуш баарына каршы болду; - Талапкерлер добуштардын зарыл болгон санын албагандыктан Жалал-Абад облусунун Аксы районундагы Кара-Жыгач айыл өкмөтүнүн башчысы шайланбай калды. Кара-Жыгач айылдык кеңешинде 21 депутат болуп, бардык 21 тең катышты.  Айыл өкмөтүнүн башчылыгына 3 талапкер ат салышты; - Талапкерлер добуштардын зарыл болгон санын албагандыктан Жалал-Абад облусунун Сузак районундагы Көк-Арт айыл өкмөтүнүн башчысы шайланбай калды.  Бардыгы болуп, Көк-Арт айылдык кеңешинде 21 депутат бар болуп, бардык 21 тең катышты. Айыл өкмөтүнүн башчылыгына 4 талапкер катталган. Маалымат катары: Кыргыз Республикасынын “Жергиликтүү өз алдынча башкаруу жөнүндө” Мыйзамынын 49-беренесинин 3, 4-пункттарына ылайык, айыл өкмөтүнүн башчысын шайлоо жергиликтүү кеңештин депутаттары тарабынан жашыруун добуш берүү жолу менен жүзөгө ашырылат. Тиешелүү кеңештин депутаттарынын жалпы санынын көпчүлүк добушун алган талапкер шайланды деп эсептелет. Эгерде: - катталган бир талапкер, депутаттардын добуштарынын зарыл болгон санын албай калса, кайра шайлоо өткөрүлөт; - эки талапкер катталса жана алардын бири да добуштардын зарыл болгон санын албай калса, добуштардын көбүрөөк санын алган бир талапкер боюнча добуш берүүнүн экинчи туру өткөрүлөт. Эгерде биринчи турда эки талапкер депутаттардын добуштарынын тең санын алып калса, кайра шайлоо өткөрүлөт; - экиден ашык талапкер катталса жана алардын бири да депутаттардын добуштарынын зарыл болгон санын албай калса, добуштардын көбүрөөк санын алган эки талапкер боюнча добуш берүүнүн экинчи туру өткөрүлөт. Эгерде биринчи турда талапкерлердин бири добуштардын көбүрөөк санын алса, ал эми кийинки эки талапкер добуштардын тең санын алса, добуштардын көбүрөөк санын алган бир талапкер боюнча добуш берүүнүн экинчи туру өткөрүлөт. Эгерде биринчи турда эки талапкер добуштардын көбүрөөк тең санын алса, ал эми башка талапкерлер азыраак добуш алса, добуштардын көбүрөөк тең санын алган эки талапкер боюнча добуш берүүнүн экинчи туру өткөрүлөт. Эгерде биринчи турда бардык талапкерлер добуштардын тең санын алса, кайра шайлоо өткөрүлөт. Добуш берүүнүн ушул беренеде каралбаган натыйжаларын аныктоодо башка кырдаалдар келип чыккан учурда, кайра шайлоо өткөрүлөт. Борбордук шайлоо комиссиясы айыл өкмөтүнүн башчысы шайланбай калган күндөн тартып 3 календардык күндүн ичинде кайра шайлоо дайындайт. Жаңы талапкерликтерди көрсөтүү менен кайра шайлоо аймактык шайлоо комиссиясы тарабынан кайра шайлоо дайындалган күндөн тартып 15 календардык күндөн кечиктирбестен өткөрүлөт. КР БШКнын аппаратынын маалымат бөлүмү
Кененирээк билүү >>
Кыргыз Республикасынын Жогорку Кеңешинин депутатынын бош калган мандаты Т.Жоробековго өткөрүлүп берилди
19.06.2018

Кыргыз Республикасынын Жогорку Кеңешинин депутатынын бош калган мандаты Т.Жоробековго өткөрүлүп берилди

Бүгүн, 2018-жылдын 19-июнунда, Кыргыз Республикасынын Өкмөтүнө караштуу Мамлекеттик миграция кызматынын төрагасы болуп дайындалгандыгына байланыштуу, Жогорку Кеңештин депутаты Ибраимжанов Болотбек Сапарбаевичтин ыйгарым укуктары мөөнөтүнөн мурда токтотулду. Бош калган мандат “Республика-Ата-Журт” саясий партиясынан катталган талапкерлердин тизмеси боюнча кезекте турган Жоробеков Тариел Улукбековичке өткөрүлүп берилди. Ага Кыргыз Республикасынын Жогорку Кеңешинин депутатынын күбөлүгү жана төш белгиси берилди. КР БШК аппаратынын маалымат бөлүмү
Кененирээк билүү >>
КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотту
19.06.2018

КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотту

2018-жылдын 19-июнунда КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотту жана бош калган депутаттык мандаттарды шайланган депутаттардан кийин турган депутаттыкка талапкерлерге өткөрүп берүү жөнүндөгү Ноокен, Ат-Башы, Алай, Жети-Өгуз жана Ысык-Көл АШКнын чечимдерин бекитти. Ошентип: -Жалал-Абад облусунун Ноокен районундагы Кочкор-Ата шаардык кеңешиндеги “Республика-Ата-Журт” партиясынан депутат К.Масиров өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер – К.Ажибаевага өткөрүлүп берилди; -Жалал-Абад облусунун Ноокен районундагы Достук айылдык кеңешиндеги депутат А.Бекибаевдин депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге –З.Бекбаевге өткөрүлүп берилди; -Жалал-Абад облусунун Ноокен районундагы Масы айылдык кеңешиндеги депутат Б.Жусупбековго карата соттун айыптоочу өкүмү күчүнө киргендигине байланыштуу ыйгарым укуктары токтотулуп, мандат шайланган депутаттан кийинки талапкерге – Н.Омуралиевге өткөрүлүп берилди; -Нарын облусунун Ат-Башы районундагы Кара-Коюн айылдык кеңешиндеги депутат Б.Илиязов өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер – Б.Айыповго өткөрүлүп берилди; -Ош облусунун Алай районундагы Алай айылдык кеңешиндеги депутат С.Карыбеков депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге –А. Өмүрөвго өткөрүлүп берилди; -Ош облусунун Алай районундагы Конур-Добо айылдык кеңешиндеги депутат Б.Бегматовдун каза болгондугуна байланыштуу ыйгарым укуктары токтотулуп, мандат шайланган депутаттан кийинки талапкерге –Н.Асановго өткөрүлүп берилди. -Ысык-Көл облусунун Жети-Өгүз районундагы Барскоон айылдык кеңешиндеги депутат Ж.Бейшеева депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге –А.Элебесовго өткөрүлүп берилди; -Ысык-Көл облусунун Ысык-Көл районундагы Абдурахманов айылдык кеңешиндеги депутат Э.Исмаилов өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер –А.Шаршембиевге өткөрүлүп берилди. КР БШКнын аппаратынын маалымат бөлүмү
Кененирээк билүү >>
КР БШК Нурланбек Кадыкеевдин үй-бүлөсүнө жана жакындарына терең кайгыруу менен көңүл айтып, орду толгус аза кайгысын тең бөлүшөт
15.06.2018

КР БШК Нурланбек Кадыкеевдин үй-бүлөсүнө жана жакындарына терең кайгыруу менен көңүл айтып, орду толгус аза кайгысын тең бөлүшөт

Кыргыз Республикасынын Шайлоо жана референдум өткөрүү боюнча борбордук комиссиясы Кыргыз Республикасынын Жогорку Кеңешинин депутаты Нурланбек Кадыкеевдин мезгилсиз дүйнөдөн кайткандыгына байланыштуу үй-бүлөсүнө жана жакындарына терең кайгыруу менен көңүл айтып, орду толгус аза кайгысын тең бөлүшөт. Кыргыз Республикасынын Шайлоо жана референдум өткөрүү боюнча борбордук комиссиясы
Кененирээк билүү >>
-
15.06.2018

-

-
Кененирээк билүү >>
Кыргыз Республикасынын Шайлоо жана референдум өткөрүү боюнча борбордук комиссиясынын улуу болгон Орозо айт майрамы менен куттуктоосу
14.06.2018

Кыргыз Республикасынын Шайлоо жана референдум өткөрүү боюнча борбордук комиссиясынын улуу болгон Орозо айт майрамы менен куттуктоосу

Урматтуу Кыргызстандыктар! Ардактуу мусулмандар! Баарыңыздарды мусулмандардын улуу майрамы болгон Орозо айтыңыздар менен куттуктайбыз! Орозо - адамдын ички дүйнөсүн тазартып жана адам баласын ыплас нерселерден тазаланууга багыттап, сабырдуулукка үндөгөн мезгил. Бизге өмүр берген Жаратканга тобо кылып, шүгүрчүлүк келтирүү момун мусулмандын парзы. Ислам – тынчтыктын, ынтымактын жана жаратмандыктын дини. Андыктан ар бир мусулман баласы сабырдуулуктун, адептүүлүктүн жана маданияттын өрнөгүн көрсөтүшү керек! Улуу Орозо айт майрамын жакындарыңыз менен бирге жаркын маанайда өткөрүүңүздөрдү каалайбыз. Үйүңүздөргө кут конуп, аман-эсен, бак-таалайлуу болуңуздар! Жараткан элибизге ынтымак, жергебизге береке берсин! Айтыңыздар маарек болсун! Кыргыз Республикасынын Шайлоо жана референдум өткөрүү боюнча борбордук комиссиясы
Кененирээк билүү >>
Кыргыз Республикасынын Жогорку Кеңешинин депутатынын бошогон мандаты Б.Турусбековго берилди
14.06.2018

Кыргыз Республикасынын Жогорку Кеңешинин депутатынын бошогон мандаты Б.Турусбековго берилди

2018-жылдын 14-июнунда КР БШК Кыргыз Республикасынын Жогорку Кеӊештин депутатынын бош калган мандатын “Бир Бол” Мамлекеттик биримдик жана мекенчилдик саясий партиясынан талапкерлердин тизмеси боюнча кийинки кезекте турган Турусбеков Бактыбек Сагындыковичке өткөрүп берүү жөнүндө токтом кабыл алды. Ага Кыргыз Республикасынын Жогорку Кеңешинин депутатынын күбөлүгү жана төш белгиси берилди. КР БШКнын аппаратынын маалымат бөлүмү
Кененирээк билүү >>
Кыргыз Республикасынын Жогорку Кеңешинин депутаты И.Чудиновдун ыйгарым укуктары мөөнөтүнөн  мурда токтотулду
14.06.2018

Кыргыз Республикасынын Жогорку Кеңешинин депутаты И.Чудиновдун ыйгарым укуктары мөөнөтүнөн мурда токтотулду

Кыргыз Республикасынын Конституциясынын 73-беренесинин 3-бөлүгүнүн 6-пунктуна, «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 65–беренесинин 4-бөлүгүнүн 5-пунктуна, «Кыргыз Республикасынын Жогорку Кеңешинин депутатынын статусу жөнүндө» Кыргыз Республикасынын Мыйзамынын 3-беренесинин 1-бөлүгүнүн 7-пунктуна ылайык, Кыргыз Республикасынын Жогорку Кеңешинин депутатынын ыйгарым укуктары ага карата соттун айыптоо өкүмү мыйзамдуу күчүнө кирген учурдан тартып мөөнөтүнөн мурда токтотулат. Бишкек шаарынын Октябрь райондук сотунун 2017-жылдын 19-декабрындагы өкүмү менен Кыргыз Республикасынын Жогорку Кеңешинин депутаты Чудинов Игорь Витальевич Кыргыз Республикасынын Кылмыш-Жаза Кодексинин 304-беренесинин 4-бөлүгү менен каралган кылмышты жасоого күнөөлүү деп табылып, жаза катары 50 000 (элүү миң) эсептик көрсөткүч өлчөмүндө, башкача айтканда 5 000 000 (беш миллион) сом айып салынган. 2018-жылдын 1-июнунда Бишкек шаардык сотунун кылмыш иштери жана административдик укук бузуулар боюнча соттук коллегиясынын өкүмү менен Бишкек шаарынын Октябрь райондук сотунун Кыргыз Республикасынын Жогорку Кеңешинин депутаты И.В.Чудиновко карата 2017-жылдын 19-декабрындагы айыптоо өкүмү өзгөртүүсүз калтырылган. Кыргыз Республикасынын Жазык-процесстик Кодексинин 359-беренесине ылайык, апелляциялык инстанциядагы соттун өкүмү ал жарыяланган учурдан тартып мыйзамдуу күчүнө кирет. Бишкек шаардык сотунун 2018-жылдын 1-июндагы өкүмү менен Кыргыз Республикасынын Жогорку Кеңешинин депутаты И.В.Чудиновко карата Бишкек шаарынын Октябрь райондук сотунун 2017-жылдын 19-декабрындагы өкүмү мыйзамдуу күчүнө кирген. Кыргыз Республикасынын Конституциясынын 73-беренесинин 1-бөлүгүнүн экинчи абзацына ылайык, «Кыргыз Республикасынын Жогорку Кеңешинин депутатынын статусу жөнүндө» Кыргыз Республикасынын Мыйзамынын 3-беренесинин 2-бөлүгүнө ылайык, Кыргыз Республикасынын Жогорку Кеңешинин депутатынын ыйгарым укуктарынын мөөнөтүнөн мурда токтотулушу, негиз келип чыккан күндөн тартып 30 календардык күндөн кечиктирилбестен Кыргыз Республикасынын Шайлоо жана референдум өткөрүү боюнча борбордук комиссиясы тарабынан кабыл алган чечим менен жүзөгө ашырылат. Кыргыз Республикасынын Конституциясынын 100-беренесине, Кыргыз Республикасынын Жазык-процесстик Кодексинин 360-беренесине ылайык, Кыргыз Республикасынын сотторунун мыйзамдуу күчүнө кирген актылары бардык мамлекеттик органдар, жергиликтүү өз алдынча башкаруу органдары, юридикалык жактар, коомдук бирикмелер, кызмат адамдары жана жеке жактар үчүн милдеттүү болуп эсептелет жана республиканын бардык аймагында аткарылууга жатат. Жогоруда баяндалгандардын негизинде, 2018-жылдын 14-июнунда Кыргыз Республикасынын Шайлоо жана референдум өткөрүү боюнча борбордук комиссиясы Кыргыз Республикасынын Жогорку Кеңешинин депутаты И.В. Чудиновдун ыйгарым укуктарын мөөнүнөн мурда токтотуу боюнча токтом кабыл алды. КР БШКнын аппаратынын маалымат бөлүмү
Кененирээк билүү >>
КР БШК Кыргыз Республикасынын Жогорку Кеңешинин депутаттыгына катталган талапкерлеринин тизмесинен Н.Мирзахмедовду  чыгаруу жөнүндө чечим кабыл алды
14.06.2018

КР БШК Кыргыз Республикасынын Жогорку Кеңешинин депутаттыгына катталган талапкерлеринин тизмесинен Н.Мирзахмедовду чыгаруу жөнүндө чечим кабыл алды

Бүгүн, 2018-жылдын 14 июнундагы отурумунда, КР БШК “Бир-Бол” Мамлекеттик биримдик жана мекенчилдик саясий партиясынан Кыргыз Республикасынын Жогорку Кеңешинин депутаттыгына катталган талапкерлеринин тизмесинен жеке арызынын негизинде Мирзахмедов Нурболот Сабиржановичти чыгаруу жөнүндө чечим кабыл алынды. КР БШК аппаратынын маалыматтык бөлүмү
Кененирээк билүү >>
КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотту
14.06.2018

КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотту

2018-жылдын 14-июнунда КР БШК жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды шайланган депутаттардан кийин турган депутаттыкка талапкерлерге өткөрүп берүү жөнүндөгү Бишкек, Сузак, Базар-Коргон, Кара-Суу, Чоң-Алай жана Нарын аймактык шайлоо комиссияларынын чечимдерин бекитти. Ошентип: -Бишкек шаардык кеңешиндеги “Өнүгүү-Прогресс” партиясынан депутат А.Куламбаева өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер – З.Жумалиевге өткөрүлүп берилди; -Жалал-Абад облусунун Сузак районундагы Көк-Жаӊгак айылдык кеңешиндеги депутат Ж.Мамасадыков өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер –Дж. Аширбаевге өткөрүлүп берилди; -Жалал-Абад облусунун Сузак районундагы Таш-Булак айылдык кеңешиндеги депутат Т.Бааев өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер –Х.Эшмуратовага өткөрүлүп берилди; -Жалал-Абад облусунун Сузак районундагы Таш-Булак айылдык кеңешиндеги депутат А.Эргашев өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер –Н. Мамаевге өткөрүлүп берилди; -Жалал-Абад облусунун Базар-Коргон районундагы Акман айылдык кеңешиндеги депутат К. Шайдилдаева депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу ыйгарым укуктары токтотулуп, мандат шайланган депутаттан кийинки талапкерге –М. Арыкбаевге өткөрүп берилди; -Ош облусунун Кара-Суу районундагы Кызыл-Кыштак айылдык кеңешиндеги депутат К.Сатылбалиев өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер –И.Айтибаевге өткөрүлүп берилди; -Ош облусунун Чоӊ-Алай районундагы Чоӊ-Алай айылдык кеңешиндеги депутат М.Жолчуев өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер –А.Саитовго өткөрүлүп берилди; -Нарын облусунун Нарын районундагы Учкун айылдык кеңешиндеги депутат У.Жумабаев өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер – Г.Апсалиевага өткөрүлүп берилди; -Нарын облусунун Нарын районундагы Учкун айылдык кеңешиндеги депутат Б.Иманов өз каалоосу менен депутаттык ыйгарым укуктарын мөөнөтүнөн мурда токтотту, мандат кийинки талапкер –Ж.Осмоналиевге өткөрүлүп берилди; -Нарын облусунун Нарын районундагы Учкун айылдык кеңешиндеги депутат М.Абдылдаевдын каза болгондугуна байланыштуу ыйгарым укуктары токтотулуп, мандат шайланган депутаттан кийинки талапкерге –Ж.Мокеевге өткөрүп берилди. КР БШКнын аппаратынын маалымат бөлүмү
Кененирээк билүү >>
Жумгал АШКнын курамына жана резервине өзгөртүүлөр киргилизди
14.06.2018

Жумгал АШКнын курамына жана резервине өзгөртүүлөр киргилизди

КР БШК Жумгал аймактык шайлоо комиссиясынын курамына жана резервине өзгөртүүлөдү киргизүү жөнүндө токтом кабыл алынды. Токтом Ж. Ажиматовдун АШКнын курамынан чыгаруу боюнча берген арыздарынын негизинде кабыл алынды. Жумгал аймактык шайлоо комиссиясынын курамынан Ж. Ажиматов (жергиликтүү өз алдынча башкаруунун өкүлчүлүктүү органынан) чыгарылды. Алардын ордуна резервдеги Жаныбек кызы Мунира (жергиликтүү өз алдынча башкаруунун өкүлчүлүктүү органынан) киргизилди. КР БШК аппаратынын маалыматтык бөлүмү
Кененирээк билүү >>
БШКсы 2018-жылдын 5-августуна дайындалган Майдан айылдык кеңешинин депутаттарын шайлоого карата шайлоо округдарынын жана участкаларынын схемаларын жана чек араларын бекитти
14.06.2018

БШКсы 2018-жылдын 5-августуна дайындалган Майдан айылдык кеңешинин депутаттарын шайлоого карата шайлоо округдарынын жана участкаларынын схемаларын жана чек араларын бекитти

2018-жылдын 14-июнунда КРнын БШКсы Кадамжай АШКнын чечимдери аркылуу берилген сунуштарынын негизинде, 2018-жылдын 5-августуна дайындалган Баткен облусунун Кадамжай районунун Майдан айылдык кеңешинин депутаттарын шайлоо боюнча шайлоо округдарынын жана участкаларынын схемаларын жана чек араларын бекитти. Жалпысынан 5 шайлоо округу жана 5 шайлоо участкасы бекитилди. КР БШК аппаратынын маалыматтык бөлүмү
Кененирээк билүү >>
Нарын облусунун Ат-Башы районунун Кара-Коюн айыл өкмөтүнүн башчысын шайлоосу дайындалды
14.06.2018

Нарын облусунун Ат-Башы районунун Кара-Коюн айыл өкмөтүнүн башчысын шайлоосу дайындалды

2018-жылдын 5-июнунда КР Борбордук шайлоо комиссиясы Нарын облусунун Ат-Башы районунун Кара-Коюн айыл өкмөтүнүн башчысын шайлоосун дайындады. Нарын облусунун Ат-Башы райондук мамлекеттик администрациясынын башчысы – акиминин 2018-жылдын 4-июнундагы № 104-б буйругу менен Кара-Коюн айыл өкмөтүнүн башчысы Р.Таштанов, өзү берген арызынын негизинде, ээлеген кызматынан бошотулган. КР БШКнын токтомуна ылайык, Нарын облусунун Ат-Башы районунун Кара-Коюн айыл өкмөтүнүн башчысын шайлоо 2018-жылдын 3-июлуна саат 9-00дөн 12-00гө чейин дайындалды. Шайлоону Кыргыз Республикасынын мыйзамдарына ылайык уюштуруп, өткөрүү Ат-Башы АШКсына тапшырылды. Маалымат катары: “Жергиликтүү өз алдынча башкаруу жөнүндө" Кыргыз Республикасынын Мыйзамынын 48-беренесине ылайык жогорку билими жана мамлекеттик же болбосо муниципалдык кызматта 2 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбакер субъекттердин жетекчилик кызматтарында 3 жылдан кем эмес иш стажы бар аракетке жөндөмдүү Кыргыз Республикасынын жараны айыл өкмөтүнүн башчысы боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны айыл өкмөтүнө башчы болушу мүмкүн эмес. КР БШК аппаратынын маалымат бөлүмү
Кененирээк билүү >>
Кыргыз Республикасынын айрым жергиликтүү өз алдынча башкаруусунун аткаруу органдарынын башчыларын шайлоодогу добуш берүүнүн жыйынтыгы жана натыйжасы жөнүндөгү протоколдору бекитилди
14.06.2018

Кыргыз Республикасынын айрым жергиликтүү өз алдынча башкаруусунун аткаруу органдарынын башчыларын шайлоодогу добуш берүүнүн жыйынтыгы жана натыйжасы жөнүндөгү протоколдору бекитилди

2018-жылдын 14-июнунда КРнын БШКсы 2018-жылдын 11-июнунда өткөн Жалал-Абад облусунун Жалал-Абад шаарынын мэрин, Ош облусунун Кара-Суу районунун Төлөйкөн, Чүй облусунун Сокулук районунун Сокулук, Жалал-Абад облусунун Токтогул районунун Толук айыл өкмөттөрүнүн башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорун бекитти. Протоколдордун негизинде: Жалал-Абад шаарынын мэрин шайлоо өттү деп таанылып, Тагаев Мураталы Абдыкарович шаардын мэри болуп шайланды; Төлөйкөн айыл өкмөтүнүн башчысын шайлоо өттү деп таанылып, Абдукаримов Алмаз Абдылазович айыл өкмөтүнүн башчысы болуп шайланды; Сокулук айыл өкмөтүнүн башчысын шайлоо өттү деп таанылып, Сыдыков Бакыт Дамирбекович айыл өкмөтүнүн башчысы болуп шайланды; Толук айыл өкмөтүнүн башчысын шайлоо өттү деп таанылып, Сагынбаев Рамис Алымбекович айыл өкмөтүнүн башчысы болуп шайланды. Шайланган айыл өкмөт башчыларына белгиленген үлгүдөгү күбөлүк берүү Джалал-Абад, Кара-Суу, Сокулук жана Токтогул аймактык шайлоо комиссиясына тапшырылды. КР БШК аппаратынын маалыматтык бөлүмү
Кененирээк билүү >>
1 … 380 382 … 488