Башкы Жаңылыктар

Жаңылыктар

Учурда 216 участоктук шайлоо комиссиясынын курамын жана резервин түзүү процесси жүрүп жатат
22.01.2020

Учурда 216 участоктук шайлоо комиссиясынын курамын жана резервин түзүү процесси жүрүп жатат

“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 19-беренесине ылайык “участоктук шайлоо комиссиялары беш жылдык мөөнөткө саясый партиялардын өкүлдөрүнүн экиден биринин жана жергиликтүү өз алдынча башкаруунун өкүлчүлүктүү органдарынын өкүлдөрүнүн экиден биринин курамында шайланат”. 2020-жылы февралда Кыргыз Республикасынын айрым жергиликтүү кеңештеринин депутаттарын шайлоону дайындоо жөнүндө Кыргыз Республикасынын Президентинин Жарлыгына кол коюлушу күтүлүүдө, ушуга байланыштуу аймактык шайлоо комиссиялары 2020-жылдын 8-февралына чейин участоктук шайлоо комиссияларынын резервин жана курамын түзүүгө тийиш. Участоктук шайлоо комиссияларынын курамына жана резервине талапкерлерди көрсөтүү мөөнөттөрүн, документтерди тапшыруу жол-жоболорун тактоо үчүн тиешелүү аймактык шайлоо комиссияларына (Ош, Токмок, Майлуу-Суу, Балыкчи, Каракол, Аламүдүн, Ысык-Ата, Аксы, Тогуз-Торо, Жети-Өгүз, Ысык-Көл, Ноокат, Кара-Суу, Алай, Өзгөн, Араван, Лейлек, Жумгал, Ак-Талаа) кайрылуу зарыл. КР БШК аппаратынын маалыматтык бөлүмү
Кененирээк билүү >>
2020-жылдын 22-январында өтө турган КР БШКнын отурумунун күн тартибинин долбоору
21.01.2020

2020-жылдын 22-январында өтө турган КР БШКнын отурумунун күн тартибинин долбоору

Долбоор Өткөрүү датасы:  22-январь 2020-ж.  Убактысы: 16:00  Өткөрүлүүчү жери: отурумдар залы 1. Кыргыз Республикасынын Каракол аймактык шайлоо комиссиясынын курамын жана резервин түзүү жөнүндө (Баяндамачы – Т.О. Айтикеев, шайлоолорду уюштуруу бөлүмүнүн башчысы). 2. Ар түрдүү маселелер.
Кененирээк билүү >>
“Добушуңду сатпа” чыгармасынын аткаруучусу Азамат Кененбаевге КР БШК ыраазылык билдирди
21.01.2020

“Добушуңду сатпа” чыгармасынын аткаруучусу Азамат Кененбаевге КР БШК ыраазылык билдирди

КР БШК төрагасы Н. Шайлдабекова жана КР БШК төрагасынын орун басары А. Бекматов “Добушуңду сатпа” аталышындагы чыгарманын аткаруучусу Азамат Кененбаевге Кыргыз Республикасынын Шайлоо жана референдум өткөрүү боюнча борбордук комиссиясынын атынан ыраазычылык кат тапшырышты. Жолугушуунун жүрүшүндө жарандык позициясын билдирип, шайлоочуларды добушун сатпоого чакырып, өз укуктарын туура пайдаланууга үндөгөн Азаматтын бул демилгесин колдоого аларын айткан төрага шайлоочулардын добушу бул таза шайлоо өткөрүүнү камсыздоонун эн негизги фактору экендигин баса белгиледи. Учурда КР БШК тарабынан да бул көйгөйдү чечүү үчүн шайлоочуларга маалымдоо иштерин күчөтүү, ар бир шайлоочунун добушу маанилүү экендигин шайлоочуларга жеткирүү тапшырмасы коюлганына токтолду. Өз кезегинде Азамат Кененбаев да Кыргыз Республикасынын Шайлоо жана референдум өткөрүү боюнча борбордук комиссиясынын эмгек жамаатына ыраазычылыгын билдирип, бул сыяктуу колдоо чыгармачылыгына жакшы түрткү берээрин айтты. Ошондой эле мындан ары да өз чыгармалары менен элибизди ынтымакка, биримдикке чакырып, угармандарын укук менен жашоого үндөөрүн кошумчалады. Азамат мырза чыгармачылыктан тышкары Бишкек шаарындагы курулуш компанияларынын биринде иштейт. “Добушуңду сатпа” ырын иш үстүндө кесиптештерине ырдап бергенин билдирди. Кыргыз Республикасынын Шайлоо жана референдум өткөрүү боюнча борбордук комиссиясы аталган чыгармага видеоклип тартуу милдетин өз моюнуна алды. КР БШК аппаратынын маалыматтык бөлүмү
Кененирээк билүү >>
КР БШК жергиликтүү кеңештердин он жети депутатынын ыйгарым укуктарын мөөнөтүнөн мурда токтотту
20.01.2020

КР БШК жергиликтүү кеңештердин он жети депутатынын ыйгарым укуктарын мөөнөтүнөн мурда токтотту

2020-жылы 20-январда КР БШК Ак-Суу, Жумгал, Тогуз-Торо, Чаткал, Ала-Бука, Ноокен, Токтогул жана Жалал-Абад аймактык шайлоо комиссияларынын айрым жергиликтүү кеңештердин депутаттарынын ыйгарым укуктарын мөөнөтүнөн мурда токтотуу, талапкерлердин катталган тизмесинен чыгаруу жана бош депутаттык мандаттарды Кыргыз Республикасынын жергиликтүү кеңештеринин шайланган депутаттарынан кийинки депутаттыкка талапкерлерге өткөрүп берүү жөнүндө чечимдерин бекитти. Ысык-Көл облусу: Амантуров Айбек Жолдубекович (Ак-Суу районунун Кара-Жал айылдык кеңеши ). Мандат шайланган депутаттан кийинки талапкер Акылбек Усупкожоевге өткөрүп берилди. Мусуралиева Зульфия Асанходжоевна (Ак-Суу районунун Теплоключенко айылдык кеңеши ). Мандат шайланган депутаттан кийинки талапкер Кутман Ишенбаевге өткөрүп берилди. Осорбаев Айбек Таалайбекович (Ак-Суу районунун Теплоключенко айылдык кеңеши ). Мандат шайланган депутаттан кийинки талапкер Кубанычбек Тыналиевге өткөрүп берилди. Нарын облусу: Сыдыгалиева Эрке Рысбековна (Жумгал районунун Чоң-Дөбө айылдык кеңеши ). Мандат шайланган депутаттан кийинки талапкер Анарбек Сооронбаевге өткөрүп берилди. Санташов Тариэл Саллидбекович (Жумгал районунун Жумгал айылдык кеңеши ). Мандат шайланган депутаттан кийинки талапкер Аскат Женишбековге өткөрүп берилди. Жалал-Абад облусу: Оркошов Бекбоо  (Тогуз-Торо районунун Сары-Булуң айылдык кеңеши ). Мандат шайланган депутаттан кийинки талапкер Жаңылбүбү Келгенбаевага өткөрүп берилди. Байназаров Манас Кенжебаевич  (Чаткал районунун Сумсар айылдык кеңеши ). Мандат шайланган депутаттан кийинки талапкер Абдурашид Жантаевге өткөрүп берилди. Назаров Нурлан (Чаткал районунун Сумсар айылдык кеңеши ). Мандат шайланган депутаттан кийинки талапкер Талантбек Худайбердиевге өткөрүп берилди. Нурматов Кадырбай Довутович (Ала-Бука районунун Ала-Бука айылдык кеңеши ). Мандат шайланган депутаттан кийинки талапкер Азамат Усупбаевге өткөрүп берилди. Ажиев Эрлан Каныбекович (Ала-Бука районунун 1-Май айылдык кеңеши ). Мандат шайланган депутаттан кийинки талапкер Рахманберди Кожобековго өткөрүп берилди. Дадажанов Абдихахар Сайфидинович (Ала-Бука районунун 1-Май айылдык кеңеши ). Мандат шайланган депутаттан кийинки талапкер Мадаминбек Кулуевге өткөрүп берилди. Базарбаев Омоналы Усманович (Ала-Бука районунун 1-Май айылдык кеңеши ). Мандат шайланган депутаттан кийинки талапкер Төрөгазы Салибаевге өткөрүп берилди. Рысдавлетов Илясбек Рахманалыевич (Ала-Бука районунун Көк-Таш айылдык кеңеши ). Мандат шайланган депутаттан кийинки талапкер Жумабай уулу Мирсейитке өткөрүп берилди. Токтосунов Жолборсбек Абдыкапарович (“Республика-Ата-Журт” фракциясы, №1, Кочкор-Ата шаардык кеңеши). Мандат Кочкор-Ата АШК чечими менен саясий партиядан №7 талапкер Мурзабек уулу Жумабекке өткөрүп берилди. Сыдыков Медербек Абдыкалыкович (“Республика-Ата-Журт” фракциясы, №2, Кочкор-Ата шаардык кеңеши). Мандат Кочкор-Ата АШК чечими менен саясий партиядан №10 талапкер Нурбек Муталиповго өткөрүп берилди. Касымов Алмаз Рахматиллаевич (“Ата-Журт” фракциясы, №1, Токтогул шаардык кеңеши). Мандат Токтогул АШК чечими менен саясий партиядан №5 талапкер Мухиддин Курбановго өткөрүп берилди. Исмаилов Баходир Ибрагимович (“Өнүгүү-Прогресс” фракциясы, №2, Жалал-Абад шаардык кеңеши). Мандат Жалал-Абад АШК чечими менен саясий партиядан №19 талапкер Канатбек Турдукуловго өткөрүп берилди. Нарын облусундагы жергиликтүү кеңештерге депутаттыкка талапкерлердин катталган тизмесинен өз каалоосу боюнча чыгарылды: Талапкер Токтобеков Жолдошбек Мухаммедович (Жумгал районунун Чоң-Дөбө айылдык кеңеши). КР БШК аппаратынын маалыматтык бөлүмү
Кененирээк билүү >>
Талас облусунун Бакай-Ата районунун Өзгөрүш айыл өкмөтүнүн башчысын шайлоо дайындалды
20.01.2020

Талас облусунун Бакай-Ата районунун Өзгөрүш айыл өкмөтүнүн башчысын шайлоо дайындалды

КР БШКнын 2020-жылдын 20-январындагы токтому менен Талас облусунун Бакай-Ата районунун Өзгөрүш айыл өкмөтүнүн башчысын шайлоо 2020-жылдын 7-февралына саат 9-00дөн 12-00ге чейин дайындалды. Талас облусунун Бакай-ата райондук мамлекеттик администрациясынын башчысы–акиминин 2019-жылдын 26-декабрындагы №Б-1/VI буйругу менен Өзгөрүш айыл өкмөтүнүн башчысы Батырбекова Айгуль «Жергиликтүү өз алдынча башкаруу жөнүндө» Кыргыз Республикасынын Мыйзамынын 49-беренесинин 7-бөлүгүнүн 1-пунктунун негизинде ээлеген кызматынан бошотулган. КР БШК аппаратынын маалыматтык бөлүмү
Кененирээк билүү >>
Каламбеков Абдикарим Саалыевич Баткен облусунун Баткен районунун Кара-Бак айыл өкмөтүнүн башчысы болуп шайланды
20.01.2020

Каламбеков Абдикарим Саалыевич Баткен облусунун Баткен районунун Кара-Бак айыл өкмөтүнүн башчысы болуп шайланды

2020-жылы 8-январда КР БШКнын мүчөлөрү Баткен аймактык шайлоо комиссиясынын протоколунун негизинде Каламбеков Абдикарим Саалыевичти Баткен облусунун Баткен районунун Кара-Бак айыл өкмөтүнүн башчылыгына шайланды деп тааныды. Кара-Бак айыл өкмөтүнүн башчысын шайлоо 2020-жылы 8-январда болуп өттү. Баткен облусунун Баткен районунун Кара-Бак айыл өкмөтүнүн башчысын шайлоодо добуш берүүнүн жыйынтыктарына жана шайлоонун натыйжаларына даттануулар жана арыздар түшкөн жок. КР БШК аппаратынын маалыматтык бөлүмү
Кененирээк билүү >>
КР БШК айрым шайлоо участокторунун схемаларын жана чек араларын бекитти
20.01.2020

КР БШК айрым шайлоо участокторунун схемаларын жана чек араларын бекитти

2020-жылдын 20-январында КР БШК Ош шаарынын, Баткен, Жалал-Абад, Ысык-Көл, Нарын, Ош жана Чүй облустарынын жергиликтүү өз алдынча башкаруу органдары менен макулдашылып,  айрым аймактык шайлоо комиссияларынын чечимдери менен берилген сунуштардын негизинде Ош шаарынын, Баткен, Жалал-Абад, Ысык-Көл, Нарын, Ош жана Чүй облустарынын айрым жергиликтүү кеңештеринин аймагындагы шайлоо участокторунун схемаларын жана чек араларын бекитти. Жалпысынан 216 шайлоо участогу бекитилди. Шайлоочулардын саны мыйзамда белгиленген өлчөмдөн ашык болгондугуна байланыштуу Ош шаарында 3, Каракол шаарында 1, Чүй облусунун Аламүдүн районунун Арашан айыл аймагында 1 шайлоо участогу жаңы ачылды. КР БШК аппаратынын маалыматтык бөлүмү
Кененирээк билүү >>
2020-жылдын 20-январында өтө турган КР БШКнын отурумунун  бекитилген күн тартиби
20.01.2020

2020-жылдын 20-январында өтө турган КР БШКнын отурумунун бекитилген күн тартиби

Өткөрүү датасы: 2020-жылдын 20 январы  Убактысы: 14:00  Өткөрүлүүчү жери: жыйналыштар залы 1. “Шайлоо округдары менен шайлоо участокторунун схемаларын жана чек араларын башкаруу тартиби жөнүндө” Жобонун долбоору тууралуу (баяндамачы – А. Шаршеналы уулу, укуктук камсыздоо бөлүмүнүн башчысы). 2. Кыргыз Республикасынын Ош шаарынын, Баткен, Жалал-Абад, Ысык-Көл, Нарын, Ош жана Чүй облустарынын айрым шайлоо участокторунун схемаларын жана чек араларын бекитүү тууралуу (Баяндамачы – Т.О. Айтикеев, шайлоолорду уюштуруу бөлүмүнүн башчысы). 3. 2020-жылы 8-январда болуп өткөн Баткен облусунун Баткен районунун Кара-Бак айыл өкмөтүнүн башчысын шайлоодогу добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө (Баяндамачы – Т.О. Айтикеев, шайлоолорду уюштуруу бөлүмүнүн башчысы). 4. Талас облусунун Бакай-Ата районунун Өзгөрүш айыл өкмөтүнүн башчысын шайлоону дайындоо жөнүндө (Баяндамачы – Т.О. Айтикеев, шайлоолорду уюштуруу бөлүмүнүн башчысы). 5. Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлердин тизмесинен чыгаруу жана бош калган депутаттык мандаттарды жергиликтүү кеңештердин шайланган депутаттарынан кийинки талапкерлерге өткөрүп берүү жөнүндөгү Ак-Суу, Жумгал, Тогуз-Торо, Чаткал, Ала-Бука, Ноокен, Токтогул жана Жалал-Абад аймактык шайлоо комиссияларынын чечимдерин бекитүү тууралуу (Баяндамачы – Т.О. Айтикеев, шайлоолорду уюштуруу бөлүмүнүн башчысы). 6. Ар түрдүү маселелер.
Кененирээк билүү >>
2020-жылдын 20-январында өтө турган КР БШКнын отурумунун күн тартибинин долбоору
18.01.2020

2020-жылдын 20-январында өтө турган КР БШКнын отурумунун күн тартибинин долбоору

Долбоор Өткөрүү датасы: 2020-жылдын 20 январы  Убактысы: 14:00  Өткөрүлүүчү жери: жыйналыштар залы 1. “Шайлоо округдары менен шайлоо участокторунун схемаларын жана чек араларын башкаруу тартиби жөнүндө” Жобонун долбоору тууралуу (баяндамачы – А. Шаршеналы уулу, укуктук камсыздоо бөлүмүнүн башчысы). 2. Кыргыз Республикасынын Ош шаарынын, Баткен, Жалал-Абад, Ысык-Көл, Нарын, Ош жана Чүй облустарынын айрым шайлоо участокторунун схемаларын жана чек араларын бекитүү тууралуу (Баяндамачы – Т.О. Айтикеев, шайлоолорду уюштуруу бөлүмүнүн башчысы). 3. 2020-жылы 8-январда болуп өткөн Баткен облусунун Баткен районунун Кара-Бак айыл өкмөтүнүн башчысын шайлоодогу добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө (Баяндамачы – Т.О. Айтикеев, шайлоолорду уюштуруу бөлүмүнүн башчысы). 4. 2019-жылы 31-декабрда болуп өткөн Жалал-Абад облусунун Аксы районунун Үч-Коргон айыл өкмөтүнүн башчысын шайлоодогу добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө (Баяндамачы – Т.О. Айтикеев, шайлоолорду уюштуруу бөлүмүнүн башчысы). 5. Талас облусунун Бакай-Ата районунун Өзгөрүш айыл өкмөтүнүн башчысын шайлоону дайындоо жөнүндө (Баяндамачы – Т.О. Айтикеев, шайлоолорду уюштуруу бөлүмүнүн башчысы). 6. Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлердин тизмесинен чыгаруу жана бош калган депутаттык мандаттарды жергиликтүү кеңештердин шайланган депутаттарынан кийинки талапкерлерге өткөрүп берүү жөнүндөгү Ак-Суу, Жумгал, Тогуз-Торо, Чаткал, Ала-Бука, Ноокен, Токтогул жана Жалал-Абад аймактык шайлоо комиссияларынын чечимдерин бекитүү тууралуу (Баяндамачы – Т.О. Айтикеев, шайлоолорду уюштуруу бөлүмүнүн башчысы). 7. Ар түрдүү маселелер.
Кененирээк билүү >>
Жаңы түзүлгөн аймактык шайлоо комиссияларынын төрагалары жана катчылары шайланды
17.01.2020

Жаңы түзүлгөн аймактык шайлоо комиссияларынын төрагалары жана катчылары шайланды

“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамына ылайык 53 аймактык шайлоо комиссиясынын биринчи жыйналыштары өтүп, комиссиялардын төрагалары жана катчылары шайланды. Шайлоо комиссияларынын төрагалыгына жана катчылыгына биринчи жолу 43 адам (40,6%), төрагалардын жана катчылардын мурдагы курамынан 63  адам (59,4%) шайланды. Алардын ичинен биринчи жолу төрага болгону – 17,  мурдагы төрагалары – 36, биринчи жолу катчы болгону – 26, мурдагы катчылар – 27. АШК төрагалары жана катчылары жөнүндө маалымат КР БШК аппаратынын маалыматтык бөлүмү
Кененирээк билүү >>
Ак-Моюн айыл өкмөтүнүн башчысын шайлоо болуп өттү
17.01.2020

Ак-Моюн айыл өкмөтүнүн башчысын шайлоо болуп өттү

17-январда  Нарын облусунун Ат-Башы районунун Ак-Моюн айыл өкмөтүнүн башчысын шайлоо болуп өттү. 6 добуш алган Көбөнова Гулмира Чүкүковна Ак-Моюн айыл өкмөтүнүн башчысы болуп шайланды. Ак-Моюн айыл кеңешинде бардыгы 11 депутат бар, алардын баары катышты. Айыл өкмөтүнүн башчысы кызмат ордуна 2 талапкер катышты. КР БШК аппаратынын маалыматтык бөлүмү
Кененирээк билүү >>
КР БШК жана Бишкек шаарынын мэриясы 2020-жылы шайлоого даярдануунун актуалдуу чаралары жана маселелери боюнча жумушчу кеңешме өткөрдү
11.01.2020

КР БШК жана Бишкек шаарынын мэриясы 2020-жылы шайлоого даярдануунун актуалдуу чаралары жана маселелери боюнча жумушчу кеңешме өткөрдү

10-январда КР БШК Бишкек шаарында Бишкек шаарынын мэриясы менен биргеликте 2020-жылы Жогорку Кенешке шайлоого даярдануунун актуалдуу чаралары жана маселелери боюнча жумушчу кеңешме өткөрдү. Кеңешмеге КР БШКнын Төрагасы Н.К.Шайлдабекова, Бишкек шаарынын мэри А.Э.Суракматов, КР БШКнын мүчөсү Б.С.Кадыров, КР Мамлекеттик каттоо кызматынын төрагасы А.И.Мамбетов., Бишкек АШКнын мүчөлөрү, Бишкек шаарынын мэриясынын түзүмдүк бөлүмчөлөрүнүн жетекчилери, борбордун райондорунун акимдери, муниципалдык аймактык башкармалыктардын башчылары, маморгандардын аймактык бөлүмчөлөрүнүн жетекчилери катышты. КР БШК кеңешменин катышуучуларына 2018-2020-жылдарда КРнын шайлоо мыйзамдарын өркүндөтүү Стратегиясынын алкагында Жогорку Кеңеш тарабынан кабыл алынган, шайлоолор жөнүндө мыйзамдарга өзгөртүүлөрдү киргизүү жөнүндө маалымат берди. Кеңешменин катышуучулары 2020-2023-жылдардын кезектеги шайлоо циклиндеги республикалык жана жергиликтүү деңгээлдеги кезектеги шайлоолордун мыйзамдар менен белгиленген мөөнөттөрү жөнүндө маалымат алышты. Анда, “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамына өзгөртүүлөрдү жана жергиликтүү шайлоолордо добуш берүүнүн бирдиктүү күндөрүн киргизүүгө байланыштуу, Бишкек шаардык кеңештин депутаттарын кезектеги шайлоолор 2021-жылдын апрелинде өткөрүлүшү мүмкүн. Маалымат үчүн: Бишкек шаардык кеңеш 45 депутаттан турат жана партиялык тизме боюнча пропорциялык тутум боюнча 4 жылдык мөөнөткө шайланат. Шаардын аймагы бирдиктүү шайлоо округу болуп саналат. Бишкек шаарында шайлоолорду уюштурууну жана камсыздоону Бишкек аймактык шайлоо комиссиясы жана 200дөн ашык участкалык шайлоо комиссиялары жүзөгө ашырат. 2020-жылы өтө турган Кыргыз Республикасынын Жогорку Кеңешинин депутаттарын шайлоолор жана 2021-жылдагы Бишкек шаардык кеңешинин депутаттарын шайлоолор боюнча актуалдуу чаралар сунушталды жана талкууланды. Биринчи кезекте шайлоочулардын тизмелерин тактоо жана шайлоо процессинин инклюзивдүүлүгүн камсыздоо менен байланышкан маселелер көтөрүлдү. Бишкек шаарында шайлоочулардын саны өсүүдө жана бүгүнкү күндө 416 208 адамды түзөт. Аны менен катар, биометриялык каттоосу жоктугуна байланыштуу шайлоочулардын тизмесине киргизилбей калган жарандардын саны да аз эмес жана натыйжалуу маалыматтык жана уюштуруучулук чараларды кабыл алууну, жарандардын биометриялык маалыматтарын чогултуу үчүн ыңгайлуу шарттарды түзүүнү талап кылат. Маалымат үчүн: Улуттук статкомитеттин маалыматына ылайык, шаардын калкы 1 027 200 адам. Бишкек 4 районду: Ленин, Биринчи май, Октябрь, Свердлов, ошондой эле 22 муниципалдык аймактык байшкармалыктарды камтыйт. Шаардын курамына 45 туракжай массивдери кирет. Бишкек шаарынын мэри А.Суракматов, шайлоочулардын тизмеси үчүн негиз катары Даректик регистрди тактоо боюнча иштер Өкмөт тарабынан бекитилген тартипке (КРӨнүн 2016-жылдагы №610 токтому) ылайык жүрүп жатканын белгиледи. Шайлоо участокторунун чек араларын жана жер-жерлердеги шайлоочулардын тизмелерин даректик регистрдин негизинде тактоо өз убагында жүргүзүлөт. Аймактык шайлоо комиссиялары менен бергеликте шайлоо участокторунун чек араларын башкаруунун автоматташтырылган программасында кыймылсыз мүлк объектилерин эсепке алууну талдоо жүргүзүлөт. Шаар башчысы мэриянын түзүмдүк бөлүмчөлөрүнүн жетекчилерине жана МАБ башчыларына жарандардын биометриялык маалыматтарын тапшыруусу үчүн зарыл болгон жагымдуу шарттарды түзүүгө көмөктөшүүнү тапшырды. Мамкаттоонун төрагасы А.И.Мамбетов, Калкты тейлөө борборлорунда биометриялык каттоолорду өткөрүү менен чогуу, мурдагыдай ЖӨБ өтүнмөлөрү боюнча көчмө биометриялык каттоо тажрыйбасы улантыларын билдирди. БШК ошондой эле, 2020-жылы ден соолугунан мүмкүнчүлүгү чектелген жарандар үчүн бардык шайлоо участокторунун толук жеткиликтүүлүгүн камсыздоо маселелерин чечүү зарылдыгы жөнүндө белгиледи. Мэр А.Э.Суракматов, шайлоо участокторун жайгаштыруу пландалып жаткан имараттарды пандустар менен жабдуу үчүн шаардын бюджетинде зарыл каражаттар пландалганын айтып өттү. Андан тышкары кеңешмеде, мыйзамдарга ылайык алдыдагы шайлоолорду өткөрүү үчүн зарыл болгон уюштуруу жана маалыматтык мүнөздөгү башка чаралар талкууланды. БШК алдыдагы шайлоо өнөктүгүн даярдоодо Бишкек шаарынын жергиликтүү өз алдынча башкаруу органдарынын көмөктөшүүсү үчүн ыраазычылык билдирди жана шайлоого катышуу боюнча жарандардын укуктарын камсыздоодо мындан аркы биргелешкен иштерге, жарандардын шайлоо укуктарын камсыздоо боюнча актуалдуу маселелерди өз убагында чечүүдө ЖӨБ органдары менен жумушчу өз ара аракеттешүүгө үмүттөнөөрүн белгиледи. КР БШК аппаратынын маалыматтык бөлүмү
Кененирээк билүү >>
Бишкек аймактык шайлоо комиссиясынын төрагасы жана катчысы шайланды
11.01.2020

Бишкек аймактык шайлоо комиссиясынын төрагасы жана катчысы шайланды

Бүгүн Бишкек АШК жаңы курамы өзүнүн биринчи отурумун өткөрдү. “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамына ылайык аймактык шайлоо комиссиясынын төрагасы анын биринчи жыйналышында комиссиянын мүчөлөрү тарабынан шайланат Добуш берүүнүн жыйынтыгында, бир добуштан кабыл алынган чечим менен Маматов Кайрат Адамкалиевич Бишкек АШК төрагасы болуп шайланды, ошондой эле Бишкек АШК катчысы кызматына Стамов Айбек Кубатовичтин талапкерлиги бир добуштан жактырылды. Эске салсак, К.Маматов бул кызматты 2012-жылдан 2019-жылга чейин ээлеген. КР БШК аппаратынын маалыматтык бөлүмү
Кененирээк билүү >>
КР БШК Кыргыз Республикасынын аймактык шайлоо комиссияларынын резервин жана курамын түзүү жөнүндө токтом кабыл алды
10.01.2020

КР БШК Кыргыз Республикасынын аймактык шайлоо комиссияларынын резервин жана курамын түзүү жөнүндө токтом кабыл алды

Шайлоо мыйзамдарынын ченемдерине ылайык Кыргыз Республикасынын аймактык шайлоо комиссияларынын курамы жана резерви 2018-жылдын март айында түзүлгөн. “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамына өзгөртүүлөрдү киргизүү тууралуу” Кыргыз Республикасынын 2019-жылдын 5-ноябрындагы №121 Мыйзамына ылайык аймактык шайлоо комиссияларынын курамы беш жылга түзүлөт. 2019-жылдын 12-ноябрында Кыргыз Республикасынын Шайлоо жана референдум өткөрүү боюнча борбордук шайлоо комиссиясы (мындан ары – КР БШК) жарандарга, саясий партияларга, коомдук бирикмелерге жана жергиликтүү өз алдынча башкаруунун өкүлчүлүктүү органдарына (жергиликтүү кеңештерге) аймактык шайлоо комиссияларынын резервине талапкерлерди көрсөтүү тууралуу кайрылган. Жергиликтүү өз алдынча башкаруунун өкүлчүлүктүү органдары жана саясий партиялар тарабынан көрсөтүлгөн, аймактык шайлоо комиссияларынын резервине талапкерлерден келип түшкөн документтерди объективдүү жана тыкыр кароо максатында Жумушчу топ түзүү жөнүндө 2018-жылдын 26-январында №13/ОД буйрук чыккан. 2019-жылдын 13-декабрында саат 18:00гө чейин КР БШКга 28 саясий партиялардын өкүлдөрү шайлоо комиссиялардын курамына сунуштоо үчүн 265 адамдын бардык зарыл документтерин көрсөтүштү. Алар: «Жаш-Билек» саясий партиясы – 1 адам; «Биримдик» демократиялык партиясы – 6 адам; «КУТ» саясий партиясы - 2 адам; «Элдик партия» саясий партиясы – 5 адам; «Өнүгүү-Кыргызстан» саясий партиясы - 1 адам; «Өнүгүү-Прогресс» саясий партиясы - 7 адам; «Патриот ынтымагы» саясий партиясы - 1 адам; «Бир Бол» Мамлекеттик биримдик жана мекенчилдик саясий партиясы - 3 адам; «Таш-Көмүр Жаштары» саясий партиясы - 1 адам; «Республика – Ата Журт» саясий партиясы – 1 адам; «КСДП» саясий партиясы - 3 адам; «Ата Мекен» саясий партиясы - 24 адам; «Мекеним Кыргызстан» саясий партиясы - 16 адам; «Мекен Ынтымагы» саясий партиясы - 13 адам; «Калыс» саясий партиясы – 6 адам; «Жаңы-Доор» саясий партиясы - 5 адам; «ЭлАман» саясий партиясы - 2 адам; «Акшумкар» саясий партиясы - 9 адам; «Бүтүн Кыргызстан» саясий партиясы - 33 адам; «Кыргызстандын Элдик Кеңеши» саясий партиясы - 7 адам; «Замандаш» саясий партиясы - 47 адам; «НУР» саясий партиясы - 13 адам; «Столица» демократиялык партиясы» саясий партиясы - 1 адам; «Табылга» саясий партиясы - 1 адам; «Ынтымак» саясий партиясы - 3 адам; «Элдик-Народная» саясий партиясы - 1 адам; «Кыргызстан» саясий партиясы - 51 адам; «АК» саясий партиясы - 2 адам. Саясий партиялардын 265 өкүлдөрүнүн соттуулугун (жоктугун) аныктоо максатында, алардын соттуулугу (жоктугу) “Түндүк” электрондук ведомстволор аралык өз ара аракеттенүү тутуму боюнча текшерилди.   2020-жылдын 9-январында Жумушчу топтун КР БШК мүчөлөрүнүн катышуусу менен өткөн жыйынында, саясий партиялардан жана жергиликтүү өз алдынча башкаруунун өкүлчүлүктүү органдарынан келип түшкөн бардык документтердин шайлоо мыйзамдарынын ченемдерине шайкештиги каралды. Ошондой эле Жумушчу топтун жыйынында, саясий партиялардын өкүлдөрүнүн саны мүчөлөрдүн каралган санынан ашып кеткен 10 шайлоо комиссиялары (Бишкек, Ош, Жалал-Абад, Сузак, Балыкчы, Ноокат, Токмок, Аламүдүн, Сокулук, Ысык-Ата) аныкталды. Чүчүкулак 2020-жылдын 10-январында Жумушчу топтун мүчөлөрүнүн, саясий партиялардын башкаруу органдарынын жана ЖМК өкүлдөрүнүн катышуусунда өттү. Жергиликтүү өз алдынча башкаруунун өкүлчүлүктүү органдарынан документтер аларды тиешелүү жергиликтүү кеңештердин сессияларында каралганына жараша кабыл алынды. Бардыгы 1001 адамдын документтери келип түшкөн. КР БШК аппаратынын маалыматтык бөлүмү
Кененирээк билүү >>
Ош облусунун Ноокат районунун Бел айыл өкмөтүнүн башчысын шайлоо дайындалды
10.01.2020

Ош облусунун Ноокат районунун Бел айыл өкмөтүнүн башчысын шайлоо дайындалды

КР БШКнын 2020-жылдын 10-январындагы токтому менен Ош облусунун Ноокат районунун Бел айыл өкмөтүнүн башчысын шайлоо 2020-жылдын 29-январына саат 9-00дөн 12-00ге чейин дайындалды. Ош облусунун Ноокат райондук мамлекеттик администрациясынын башчысы–акиминин 2019-жылдын 26-декабрындагы №113 буйругу менен Бел айыл өкмөтүнүн башчысы Нурбаев Кубатали «Жергиликтүү өз алдынча башкаруу жөнүндө» Кыргыз Республикасынын Мыйзамынын 49-беренесинин 7-бөлүгүнүн 1-пунктунун негизинде ээлеген кызматынан бошотулган. КР БШК аппаратынын маалыматтык бөлүмү
Кененирээк билүү >>
2020-жылдын 10-январында өтө турган КР БШКнын отурумунун  бекитилген күн тартиби
10.01.2020

2020-жылдын 10-январында өтө турган КР БШКнын отурумунун бекитилген күн тартиби

Өткөрүү датасы:  10 -январь 2020-ж.  Убактысы:  11:00  Өткөрүлүүчү жери: отурумдар залы 1. Ош облусунун Ноокат районунун Бел айыл өкмөтүнүн башчысын шайлоону дайындоо жөнүндө (Баяндамачы – Т.О. Айтикеев, шайлоолорду уюштуруу боюнча бөлүмдүн башчысы) 2. Кыргыз Республикасынын аймактык шайлоо комиссияларынын курамын жана резервин түзүү жөнүндө  (Баяндамачы – Т.О. Айтикеев, шайлоолорду уюштуруу боюнча бөлүмдүн башчысы) 3.  Ар түрдүү маселелер
Кененирээк билүү >>
1 … 338 340 … 488