Башкы
Жаңылыктар
Жаңылыктар
КМШ байкоочулар Миссиясынын штабы ишин баштады
22-сентябрда КР БШК төрагасы Н. Шайлдабекованын Көз каранды эмес мамлекеттердин Аткаруу комитетинин Миссиясынын атайын өкүлдөрү менен жолугушуусу болду.
Жолугушууга: КМШ Аткаруу Комитетинин төрагасынын орун басары В. Гуминский, КМШ АКнын бөлүм начальниги Е. Слобода ,
КМШ АКнын кеңешчилери О. Кулеба жана Е. Козяк, КР БШК мүчөсү Б.Кадыров, аппараттын эл аралык бөлүмүнүн кызматкерлери катышты.
Тараптар 2017-жылдын 15-октябрында дайындалган Кыргыз Республикасынын Президентин шайлоого карата КР БШКнын даярдыгы жана КМШ Штабынын Миссиясынын ишин уюштуруу маселелерин талкуулашты.
Гуминский чакыргандыгы үчүн Кыргыз Республикасынын Борбордук шайлоо комиссиясына ыраазычылык билдирип, КМШ Миссиясынын башкы милдети-Кыргыз Республикасынын аракеттеги шайлоо мыйзамдарына жана жол жоболоруна толук ылайык шайлоого бейтарап байкоочулук жүргүзүү болуп саналат деди.
Ошондой эле ал, КМШ Миссиясы шайлоону уюштурууда өзүнүн кеңештерин берип, тажрыйбасын бөлүшөөрүн билдирди. КМШ Миссиясын КМШ АК төрагасы С. Лебедев жетектейт. Ал шайлоого жакын келмекчи.
КМШ Миссиясынан бардыгы болуп 200гө жакын эл аралык байкоочунун келиши күтүлүүдө.
КМШ Миссиясы Кыргызстандагы шайлоого мониторинг жүргүзүү ишинде жетиштүү көмөк көрсөтөт-деп билдирди Н.Шайлдабекова.
КР БШК аппаратынын маалыматтык бөлүмү
Кененирээк билүү >>
КР БШК Кыргыз Республикасынын Президенти кызматына талапкерлер ортосунда бекер эфирдик убакытты бөлүштүрүу боюнча чүчү кулак өткөрдү
Борбордук шайлоо комиссиясында бекер эфирдик убакытты бөлүштүрүү боюнча чүчү кулак 2 телекөрсөрсөтүү, 1 радиоканал жана республикалык 2 гезит боюнча өткөрүлдү.
Чүчү кулак өткөрүүгө талапкерлердин өкүлдөрү, ЖМКлар жана көз каранды эмес байкоочулар катышты.
Анын жыйынтыгы менен “Коомдук биринчи телеканалда”, “ЭЛТР” жана “Биринчи радиодо” талапкерлердин үгүт материалдарынын жана талапкерлер ортосунда дебаттардын эфирге чыгышынын мөөнөттөрү аныкталды, ошондой эле “Кыргыз Туусу”, “Эркин Тоо” басылмаларында үгүт материалдарынын жарык көрө турган күндөрү белгиленди.
Шайлоо алдындагы үгүт 10-сентябрда башталып, 2017-жылдын 14-октябрында аяктайт. Мыйзам боюнча добуш берүү күнү үгүт иштерине тыюуу салынат.
(Тиркеме)
КР БШК аппаратынын маалыматтык бөлүмү
Кененирээк билүү >>
КР Президентин шайлоонун Гимни менен үгүтпоезд сапар алды «СЕНИН ДОБУШУҢ - СЕНИН КЕЛЕЧЕГИҢ! ТВОЙ ВЫБОР - ТВОЕ БУДУЩЕЕ!»
«СЕНИН ДОБУШУҢ–СЕНИН КЕЛЕЧЕГИН! ТВОЙ ВЫБОР–ТВОЕ БУДУЩЕЕ!» - аттуу шайлоочуларды шайлоо процессинин этаптары, жаңы шайлоо моделинин артыкчылыгы, добуш берүүнүн жол жоболору жөнүндө маалыматтык үгүтпоезд сапар алды.
Үгүтпоездин негизги максаты: Президенттин ыйгарым укуктары, добуш берүүнүн купуялуулугу, добуш сатууга каршы аракет, ден соолугу жагынан мүмкүнчүлүгү чектелген жарандардын укугуна көңүл буруу-“Кошунаңды ээрчите кел”! жөнүндө маалымат таркатуу болуп саналат.
Өткөн жумалардагы үгүтпоездин старт алуу аземине Борбордук шайлоо комиссиясынын мүчөлөрү, аппараттын кызматкерлери, ЖОЖ жана лицейлердин студенттери, шаардыктар жана мүмкүнчүлүгү чектелген жарандар катышты.
Шаардагы эски аянтка LED-экран орнотулуп, шайлоочуларды биометрикалык идентификациялоо, (АСУ) автоматтык саноо урнасы аппаратуралары коюлуп, шайлоонун бардык жол жоболору көргөзүлүп, анын жыйынтыгы кеңири экранга чыгарылып жатты.
Иш-чаранын катышуучулары шайлоо процессине кийлигишүүгө жана добуш берүүнүн жыйынтыгын ишенимдүү чыгарууга тоскоолдуктардын жоюлушун активдүү колдоп турушту.
Ошондой эле кеченин кульминациялык учуру болгон концертте, Президенттик шайлоого атайын жазылган Гимндин аткарылышы болду. Аны БШКнын жамааты, Кыргызстандын белгилүү ырчылары (Токтобек Асаналиев, Гүлжигит Калыков, Гүлнара Тойгонбаева, Рая Нургазиева, Султан Каримов, Аяна Касымова, Нурсултан Азыкбаев, Гүлнара Кахарова, Айбек Замиров, Мирлан Жетигенов, Жанар Туратова, Адилет Азимов, Жанетта Бобкова, Жылдыз Тутуева, Тилек Найманбаев, Каныкей Раймалиева) чоң сахнада аткарышты.
Гимндин текстинде өз мекениңдин келечеги үчүн кайдыгер болбо деген чакырык жатат:
Таң нуру тоодон чачылганда,
Тагдырым сен деп!-ашыгам анда.
Кымбатым сенсиң, кыргыз элим,
Жакшылап танда, мыктыны шайла!
Кайырма:
Жеримдин көркү Ысык-Көлүмдөй,
Токою кенен Талас жеримдей.
Аскасы бийик Нарыным барда,
Сары-Өзөн Чүйүм теңдеш күн-айга
Байыркы Ош алгала, чамда!
Жалал-Абад жаркырайт таңда,
Баткеним ырдайт кошулуп шаңга,
Борборум Бишкек дем берип жанга!!!
Өркүндөп өскүн Кыргызым алга!!!
Келечек үчүн жакшыны танда!!
Ала-Тоо мөңгү конушуң болсун,
Аскага жетер добушуң болсун.
Улаган жолуң Манастын алга!
Эмгекти сүйгөн жаштарың барда!
Гимн шайлоо процессинде шаңга бөлөгөн учурлар деп ишенет Борбордук шайлоо комиссиясы.
Үгүтпоезд бүткүл өлкө боюнча:«СЕНИН ДОБУШУҢ–СЕНИН КЕЛЕЧЕГИҢ! ТВОЙ ВЫБОР – ТВОЕ БУДУЩЕЕ!» аттуу ураан алдында өтөт.
КР БШК аппаратынын маалыматтык бөлүмү
Кененирээк билүү >>
Борбордук шайлоо комиссиясынын өкүлдөрү Россиянын шаарларында жолугушууларды өткөрүүдө
2017-жылдын 15-октябрындагы Кыргыз Республикасынын Президентин шайлоону уюштуруунун алкагында КР БШК Кыргызстанда жана андан тышкаркы жерлерде жашаган жарандарга шайлоо процессинин этаптары, добуш берүүнүн жол-жоболору, шайлоочулардын тизмесинен өз маалыматын тактоо жөнүндө маалыматтык иштерди жүргүзүүдө.
Ушул жылдын 18-20-сентябрында Борбордук шайлоо комиссиясынын өкүлдөрү Россия Федерациясынын Новосибирск жана Красноярск шаарларындагы мекендештер менен жумушчу жолугушууларды өткөрүүдө.
Жолугушуунун негизги максаты: добуш берүүгө укугу бар, республикадан тышкары жашаган Кыргыз Республикасынын жарандарын Кыргыз Республикасынын Президентин шайлоодо добуш берүүнүн эрежелери жана тартиби жөнүндө кеңири маалымат берүү болуп саналат.
БШКнын өкүлдөрү Кыргызстандан тышкары жашаган Кыргыз Республикасынын жарандары Кыргыз Республикасынын Элчиликтеринде жана Консулдук мекемелеринде добуш бере тургандыгы жөнүндө маалымат беришти.
Шайлоочулардын тизмесине кирүү үчүн жарандар биометрикалык каттоодон өтүп, консулдук учетко турушу керек. 30-сентябрга чейин шайлоочу жеке маалыматтарын өздөрү келген мамлекеттердеги дипломатиялык өкүлчүлүктөрдүн аймагындагы участкалык шайлоо комиссияларындагы шайлоочулардын алдын ала тизмесинен же https://shailoo.srs.kg/ порталынан тактап алса болот.
Эгерде, шайлоочу өзүнүн маалыматтарында катаны, так эместиктерди же өзүн тизмеден таппай калса, өзүнүн участкасына барып, шайлоо комиссиясына №3 формасында арыз жазуусу керек. Эгерде, шайлоочу добуш берүү учурунда республикадан тышкаркы жерлерде болсо, ал тиешелүү шайлоо участкасына барып, консулдук учетко туруу (убактылуу) үчүн №2 формасындагы арыз толтуруп, участкалык шайлоо комиссиясына кайрылуу керек. Ал шайлоо жыйынтыгы чыккандан кийин 10 календардык күнгө чейин анык.
Жарандардын арыздары токтоосуз түрдө аймактык шайлоо комиссиясындагы участкалык шайлоо комиссиясына берилип, тизмеге киргизүү үчүн тиешелүү чараларды көрөт, каталарды же так эместиктерди оңдоп, ыйгарым укуктуу мамлекеттик органдардын кароосуна жиберилет.
Кыргыз Республикасынан тышкаркы жерлерде 37 шайлоо участкасы, анын ичинде алтоосу Россияда ачылган. Москвадагы Кыргыз Республикасынын элчилигинде (УШК 9001), Санк-Петербург шаарында КР элчилигинин канцеляриясында (УШК 9002), Красноярск шаарындагы КР элчилигинде (УШК 9003), Владивосток шаарында КР Элчилигинде (УШК 9004), Екатеринбург шаарындагы КР Башкы консулдугунда (УШК 9009), Новосибирск шаарындагы КР Вице-консулдугунда (УШК 9010) иштеп жатат.
КР БШК аппаратынын маалыматтык бөлүмү
Кененирээк билүү >>
КР БШК С.Жээнбековдун ыйгарым укуктуу өкүлү Ж.Сманбаеванын арызын канааттандыруудан баш тартты
2017-жылдын 15-сентябрында Кыргыз Республикасынын Президентинин кызмат ордуна талапкер С.Жээнбековдун ыйгарым укуктуу өкүлү Ж.Сманбаевадан «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 22-беренесинин 3-бөлүгүнүн, 28-беренесингин 5-бөлүгүнүн талаптарын жалпыга маалымдоо каражаты бузгандыгы жөнүндө арыз келип түштү.
Атап айтканда, өз арызында Ж.Сманбаева 11-сентябрда www.24.kg сайтында «Взгляд» рубрикасындагы «Сочиге визит. Укукту улантуучу эмнеси менен жакшы экенин Кремлге кайрадан түшүндүрөбү?» макаласында анын автору Кабай Карабеков КР Президенттигине талапкердин бир туугандары аркылуу анын үй-бүлөсүн каралаган, ошондой эле талапкердин өзүнүн кадыр-баркына зыян келтирген маалыматтарды көрсөткөн деп билдирген. Ал гана эмес, арыз ээси макала социалдык, расалык, дин аралык, улуттук жек көрүүнү жана КР Президентинин кызмат ордуна талапкер
С.Ш. Жээнбековго карата кастыкты козгогон чакырыктарды камтыйт деп эсептейт.
Өзүнүн даттануусунун талаптарында арыз ээси Борбордук шайлоо комиссиясынан www.24.kg маалымат агенттигин Кабай Карабековдун макаласына төгүндөөнү жарыялоого, www.24.kg маалымат агенттигин көрсөтүлгөн макаланы агенттиктин сайтынан алып салууга милдеттендирүүнү, www.24.kg маалымат агенттигинин аккредитациясын кайра чакыртып алууну өтүнөт.
КР БШКнын Кыргыз Республикасынын Президентин шайлоону даярдоонун жана өткөрүүнүн жүрүшүндө шайлоочуларга жана шайлоо процессинин башка субъекттерине маалымдоо жөнүндө маселелер боюнча жумушчу тобу Кыргыз Республикасында шайлоону жана референдумдарды өткөрүү учурунда шайлоочулардын жана шайлоо процессинин башка субъекттеринин арыздарын жана даттанууларын кароо боюнча жумушчу тобу 2017-жылдын 18-сентябрында биргелешкен отурумда берилген даттанууну маңызы боюнча карады.
Арыз ээсинин далилдерин объективдүү кароо жана иликтөө, аларга баа берүү максатында Жумушчу топтордун биргелешкен отурумуна арыз ээси, www.24.kg маалымат агенттигинин өкүлү чакыртылды.
Жумушчу топтордун биргелешкен отурумунда арыз ээси өзүнүн талаптарын колдоду жана аларды канааттандырууну өтүндү. www.24.kg маалымат агенттигинин өкүлү Ксения Бойко көрсөтүлгөн макала жайгаштырылганын жана 2017-жылдын18-сентябрында алып салынганын түшүндүрдү. Мында, www.24.kg маалымат агенттигинин өкүлү алар төгүндөөнү жайгаштыруу үчүн www.24.kg маалымат агенттигинин сайтында КР Президеттигине талапкер С.Ш. Жээнбековго аянтты берүүгө макул экенин билдирди.
Конституциялык Мыйзамдын 44-беренесинин 7-бөлүгүндө арыздар (даттануулар), шайлоо процессинин субъектине анын укуктары бузулганы, чечимдер кабыл алынганы, аракеттер (аракетсиздиктер) жасалганы жөнүндө белгилүү болгон учурдан тартып токтоосуз, бирок 2 календардык күндөн кечиктирбестен берилетдеп белгиленген.
Борбордук шайлоо комиссиясынын 2017-жылдын7-июлундагы № 212 токтому менен бекитилген «Кыргыз Республикасында шайлоону жана референдумдарды өткөрүү учурунда шайлоочулардын жана шайлоо процессинин башка субъекттеринин (катышуучуларынын) арыздарын шайлоо комиссиялары тарабынан кароо тартиби жөнүндө» жобонун 1.9-пунктуна ылайык, шайлоо укуктарын бузуу жөнүндө арыздарды (даттанууларды) шайлоо процессинин субъекттери (катышуучулары) өздөрүнүн шайлоо укуктары бузулгандыгы жөнүндө өздөрүнө белгилүү болуп калган, чечимдер кабыл алынган, аракеттер (аракетсиздик) жасалган учурдан тартып, бирок 2 календардык күндөн кечиктирбестен тиешелүү шайлоо комиссиясына берет.
Макала 2017-жылдын 11-сентябрында жарыяланганынын, ал эми Ж.Сманбаеванын арызы 2017-жылдын15-сентябрында берилгенинин жагдайын эске алып, арыз ээси Жобонун 1.9-пунктунда белгиленген арызды (даттанууну) берүүнүн мөөнөтүн бузгандыгынан улам Жумушчу топтор Ж.Сманбаеванын талаптарын канааттандыруудан баш тартуу жөнүндө чечим кабыл алган.
Мында Жумушчу топтор www.24.kgмаалымат агенттигинин сайтына жайгаштырылган материалды алып салуу жана төгүндөө берүүгө мүмкүнчүлүк берүү жагынан Ж.Сманбаеванын талаптары маалымат агенттиги тараптан аткарылганын белгилейт.
КР БШКнын аппаратынын маалымат бөлүмү
Кененирээк билүү >>
КР БШК айрым жергиликтүү кеңештердин депутаттарынын ыйгарым укуктарын мөөнөтүнөн мурда токтотуп жана бош орундарды кийинки шайланган депутаттыкка талапкерлерге өткөрүп берүү жөнүндө токтом кабыл алды
2017-жылдын 20-сентябрында КР БШКнын жыйынында Ноокат, Ат-Башы, Кочкор жана Токтогул аймактык шайлоо комиссияларынын айрым жергиликтүү кеңештеринин депутаттарынын ыйгарым укуктарын мөөнөтүнөн мурда токтотуу жана бошогон мандаттарды кийинки шайланган депутаттыкка талапкерлерге өткөрүп берүү жөнүндө токтом кабыл алынды.
Ошентип:
-Ош облусунун Ноокат районунун Ынтымак айылдык кеңешинде М.Мурзаев өз арызынын негизинде ыйгарым укуктарын токтотту, мандат кийинки депутаттыкка талапкер болуп шайланган-“Түштүк Кыргыз Цемент” ЖАКдагы машинисттин жардамчысы А.Гулматовго өткөрүлүп берилди;
-Нарын облусунун Ат-Башы районундагы Кара-Коюн айылдык кеңешинде каза болгондугуна байланыштуу, Б.Мамбетакуновдун ыйгарым укуктары токтотулду, мандат кийинки шайланган депутаттыкка талапкер-жеке ишкер А.Жолдошбаевге өткөрүлүп берилди;
-Нарын облусунун Кочкор районунун Көк-Жар айылдык кеңешинде депутаттык ишти айкалыштырып иштөө мүмкүн болбогон кызматка дайындалгандыгына байланыштуу С.Ибраева ыйгарым укуктарын токтотту, мандат кийинки шайланган депутаттыкка талапкер-Көк-Жар айылындагы орто мектептин мугалими А.Кадыракуновго өткөрүлүп берилди;
-Жалал-Абад облусунун Токтогул районундагы Токтогул шаардык кеңешинде А.Чоюбекова өз арызы менен ыйгарым укугун токтотту, мандат кийинки шайланган депутаттыкка талапкер-дыйкан чарбасынын мүчөсү У.Тойчубековго өткөрүлүп берилди;
-Жалал-Абад облусунун Токтогул районундагы Кызыл-Өзгөрүш айылдык кеңешинде А.Үмөталиев өз арызынын негизинде ыйгарым укугун токтотту, мандат Өзгөрүш айылындагы орто мектептин мугалими Ж.Болотбековго өткөрүлүп берилди.
КР БШК аппаратынын маалыматтык бөлүмү
Кененирээк билүү >>
КР БШК Кыргыз Республикасынын Президенти кызматына талапкердин ишенимдүү адамдарын каттады
2017-жылдын 20-сентябрындагы КР БШКнын жыйынында Кыргыз Республикасынын Президенти кызматына талапкер С.Жээнбековдун ишенимдүү адамдарын каттоо тууралуу токтом кабыл алынды.
Кыргыз Республикасынын Президенти кызматына талапкер С.Жээнбековдун ишенимдүү адамдары болуп:
1.Абдраимов Туйгунаалы Дүйшеналиевич
2.Туманбаев Каныбек Тургунбекович
3.Турганбаев Мелис Токтомамбетович
4.Хаджиев Артык Абдрахманович
5.Мамбеталиев Чалагыз
6.Акенеев Жумакадыр Асанкулович
7.Түмөнбаев Руслан Самаганович
8.Абдураззаков Баходир Шарипович
9.Аматов Сеитбек Юсупович
10.Исаев Жусупали Калматович
11.Тезекбаев Кушбак
12.Эргешов Мурадыл катталды.
КР БШК аппаратынын маалыматтык бөлүмү
Кененирээк билүү >>
КР БШК Кыргыз Республикасынын Президентин шайлоо боюнча шайлоо комиссияларынын протоколун бекитти
Бүгүн, 2017-жылдын 20-сентябрындагы КР БШКнын жыйынында Кыргыз Республикасынын Президентин шайлоо боюнча шайлоо комиссияларынын проктолунун формасы бекитилди.
Добуш берүүнүн жыйынтыгы боюнча шайлоо комиссияларынын протоколунун формасы атайын корголгон кагазга кыргыз жана орус тилдеринде даярдалат.
КР БШК аппаратынын маалыматтык бөлүмү
Кененирээк билүү >>
КР БШК Талас облусундагы Аманбаев айыл аймагындагы №6035, Шекер айыл аймагындагы №6024 жана Көк-Сай айыл аймагындагы №6022 шайлоо участкаларынын даректерин өзгөртүү боюнча токтом кабыл алды
2017-жылдын 20-сентябрында КР БШКнын жыйынында Талас облусундагы Аманбаев айыл аймагындагы №6035, Шекер айыл аймагындагы №6024 жана Көк-Сай айыл аймагындагы №6022 шайлоо участкаларынын даректерин өзгөртүү боюнча токтом кабыл алынды.
Ошентип, Талас облусунун Кара-Буура районунун Көк-Сай айыл айма-гындагы №6022 шайлоо участкасын Керимбай атындагы орто мектептин имаратынан Кайнар селосундагы клубдун имаратына көчүрүлдү.
Талас облусундагы Кара-Буура районундагы Шекер айыл аймагындагы №6024 шайлоо участкасы Дүйшөн атындагы орто мектептин имаратынан Арчагул селосундагы клубдун имаратына көчүрүлдү.
Талас облусундагы Кара-Буура районундагы Аманбаев айыл аймагындагы № 6035 шайлоо участкасы ФАПтын имаратынан О.Тургунбаев атындагы орто мектептин имаратына көчүрүлдү.
КР БШК аппаратынын маалыматтык бөлүмү
Кененирээк билүү >>
КР БШК Ысык-Көл облусунун Кереге-Таш айыл аймагындагы №3112 жана Тепкен айыл аймагындагы №3093 шайлоо участкаларынын даректерин өзгөртүү боюнча токтом кабыл алды
2017-жылдын 20-сентябрында КР БШКнын жыйынында Ысык-Көл облусунун Ак-Суу районунун Кереге-Таш айыл аймагындагы №3112 жана Тепкен айыл аймагындагы №3093 шайлоо участкаларынын даректерин өзгөртүү боюнча токтом кабыл алынды.
Ошентип, Ысык-Көл облусунун Ак-Суу районунун Тепкен айыл аймагындагы №3093 шайлоо участкасы Курбу селосундагы клубдун имаратынан Ч.Осмонова атындагы орто мектептин имаратына көчүрүлдү.
Ал эми Ысык-Көл облусунун Ак-Суу районунун Кереге-Таш айыл аймагындагы №3112 шайлоо участкасы Ж.Алышбаев атындагы орто мектептен Кереге-Таш селосундагы клубдун имаратына көчүрүлдү.
КР БШК аппаратынын маалыматтык бөлүмү
Кененирээк билүү >>
КР БШК Бишкек шаарындагы №1330 шайлоо участкасынын дарегин өзгөртүү боюнча токтом кабыл алды
2017-жылдын 20-сентябрында КР БШКнын жыйынында Бишкек шаарындагы Свердлов районундагы №1330 шайлоо участкасынын дарегин өзгөртүү боюнча токтом кабыл алынды.
Ошентип, Бишкек шаарындагы Свердлов районундагы №1330 шайлоо участкасы Токтогул, 62 көчөсүндө жайгашкан СПИД менен күрөшүү жана алдын алуу шаардык Борборунун имаратынан Гоголь,59 көчөсүндө жайгашкан №65 Экология-экономика институтунун имаратына көчүрулдү.
КР БШК аппаратынын маалыматтык бөлүмү
Кененирээк билүү >>
Борбордук шайлоо комиссиясы эл аралык 31 байкоочуну аккредитациядан өткөрдү
Кыргыз Республикасынын Шайлоо жана референдум өткөрүү боюнча борбордук комиссиясы эл аралык 31 байкоочуну аккредитациядан өткөрдү.
Индонезия Республикасынын Башкы шайлоо комиссиясынан жана КМШ Миссиясынан өкүлдөр эл аралык байкоочу каттарында аккредитациядан өтүштү. Бардыгы болуп эл аралык 31 байкоочу.
2017-жылдын 20-сентябрына карата КР Борбордук шайлоо комиссиясы дүйнөнүн 38 мамлекетинен 203 эл аралык байкоочуну аккредитациядан өткөрдү.
Аккредитациядан өткөн эл аралык байкоочулардын толук тизмеси менен ушул шилтеме аркылуу таанышсаңыздар болот.
КР БШК аппаратынын маалыматтык бөлүмү
Кененирээк билүү >>
КР БШК Кыргыз Республикасынын Президенти кызматына талапкер А.Бекназаровдун ишенимдүү адамынын ыйгарым укугун токтотту
2017-жылдын 20-сентябрындагы КР БШКнын жыйынында Кыргыз Республикасынын Президенти кызматына талапкер А.Бекназаровдун ишенимдүү адамы А.Чилтенованын ыйгарым укугун токтотуу жөнүндө токтом кабыл алынды.
КР БШК аппаратынын маалыматтык бөлүмү
Кененирээк билүү >>
КР БШК Кыргыз Республикасынын Президентин шайлоодо добуш берүү үчүн бюллетендердин коргоо даражасын жана формасын бекитти
2017-жылдын 20-октябрындагы жыйында Кыргыз Республикасынын Шайлоо жана референдум өткөрүү боюнча борбордук комиссиянын мүчөлөрү тарабынан:
-Кыргыз Республикасынын Президентин шайлоодо добуш берүү үчүн бюллетендин коргоо даражасын жана формасы (№1 тиркеме);
-Кыргыз Республикасынын Президентин шайлоодо добуш берүү бюллетенинин тексти (№2 тиркеме);
-шайлоо бюллетендерин даярдоо “Учкун” ААКда ишке ашыруу бекитилди.
КР БШК аппаратынын маалыматтык бөлүмү
Кененирээк билүү >>
КР БШК «Кыргыз Республикасынын Президентинин кызмат ордуна катталган талапкерлердин ортосунда шайлоо бюллетенине киргизүүнүн кезектүүлүгүн аныктоо боюнча чүчү кулак өткөрдү
2017-жылдын 19-сентябрында КР БШКнын алдындагы Кыргыз Республикасынын Президенти кызматына талапкерлерден документтерди кабыл алуу боюнча Жумушчу топ «Кыргыз Республикасынын Президентинин кызмат ордуна катталган талапкерлердин ортосунда шайлоо бюллетенине киргизүүнүн кезектүүлүгүн аныктоо боюнча чүчү кулак өткөрдү.
«Кыргыз Республикасынын Президентинин кызмат ордуна катталган талапкерлердин ортосунда шайлоо бюллетенине киргизүүнүн кезектүүлүгүн аныктоо боюнча чүчү кулакты өткөрүү тартиби жөнүндө» Жобого ылайык чүчү кулак добуш берүү күнүнө чейин 25 календардык күндөн кечиктирбестен өткөрүлөт.
Чүчү кулактын жыйынтыгы боюнча шайлоо бюллетени төмөндөгүдөй болду:
Зарлыков Эрнис Зарлыкович
Үмөталиева Токтайым Джумаковна
Сариев Темир Аргембаевич
Кочкоров Улукбек Тойчубаевич
Масадыков Таалатбек Шамудинович
Бабанов Өмүрбек Токтогулович
Абдылдаев Арстанбек Бейшеналиевич
Бекназаров Азимбек Анаркулович
Жээнбеков Сооронбай Шарипович
Мадумаров Адахан Кимсанбаевич
Ташиев Камчыбек Кыдыршаевич
Малиев Арсланбек Касымакунович
Төрөбаев Бакыт Эргешевич.
Чүчү кулак өткөрүүгө Кыргыз Республикасынын Президенти кызматына катталган талапкерлердин ыйгарым укуктуу өкүлдөрү, ЖМК өкүлдөрү жана коомдук байкоочулар катышты.
КР БШК аппаратынын маалыматтык бөлүмү
Кененирээк билүү >>
«Кыргыз Республикасынын Президентинин кызмат ордуна катталган талапкерлердин ортосунда шайлоо бюллетенине киргизүүнүн кезектүүлүгүн аныктоо боюнча чүчү кулакты өткөрүү тартиби жөнүндө» Жобого өзгөртүүлөр киргизилди
2017-жылдын 18-сентябрында КР БШКнын жыйнында «Кыргыз Республикасынын Президентинин кызмат ордуна катталган талапкерлердин ортосунда шайлоо бюллетенине киргизүүнүн кезектүүлүгүн аныктоо боюнча чүчү кулакты өткөрүү тартиби жөнүндө» Жобого өзгөртүүлөр киргизүү тууралуу маселе каралды.
«Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 30-беренесинин 3-бөлүгүнө ылайык, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 6,7,18-беренелерин жетекчиликке алып, Кыргыз Республикасынын Шайлоо жана референдум өткөрүү боюнча борбордук комиссиясы
Кыргыз Республикасынын Шайлоо жана референдум өткөрүү боюнча борбордук комиссиясынын 2011-жылдын 10-октябрындагы №357токтому менен бекитилген «Кыргыз Республикасынын Президентинин кызмат ордуна катталган талапкерлердин ортосунда шайлоо бюллетенине киргизүүнүн кезектүүлүгүн аныктоо боюнча чүчү кулакты өткөрүү тартиби жөнүндө» Жобого төмөнкүдөй өзгөртүүлөрдү киргизди:
-экинчи абзацта «2011-жылдын 10-октябрынан кечиктирбестен» деген цифралар жана сөздөр «добуш берүү күнүнө чейин 25 календардык күндөн кечиктирбестен» деген цифраларга жана сөздөргө алмаштырылсын;
-алтынчы абзацта «Борбордук шайлоо комиссиясынын мүчөлөрү» деген сөздөр «Кыргыз Республикасынын Шайлоо жана референдум өткөрүү боюнча борбордук комиссиясынын Кыргыз Республикасынын Президентинин кызмат ордуна талапкерлердин документтерин кабыл алуу боюнча жумушчу тобунун мүчөлөрү» деген сөздөргө алмаштырылсын;
-10-абзац төмөнкүдөй редакцияда баяндалсын:«Андан соң алып баруучу чүчүкулакка катышуунун кезектүүлүгүн аныктоо үчүн Кыргыз Республикасынын Шайлоо жана референдум өткөрүү боюнча борбордук комиссиясында Кыргыз Республикасынын Президенттигине талапкер кылып каттоо тартибинде талапкерлерди (талапкерлердин ыйгарым укуктуу өкүлдөрүн) чакырат. Натыйжалар«Чүчү кулакка талапкерлердин (талапкерлердин ыйгарым укуктуу өкүлдөрүнүн) катышуусунун кезектүүлүгүн аныктоо жөнүндө» протоколго (№1 тиркеме) киргизилет. Андан ары чүчү кулакка катышуунун белгилүү кезектүүлүгүбоюнча ар бир талапкер (талапкердин ыйгарым укуктуу өкүлү) лотту алып чыгат жана лотту катышып олтургандардын бардыгына көрсөтүп, номерди жарыя кылат, ал «Шайлоо бюллетенине киргизүүнүн кезектүүлүгүн аныктоо боюнча катталган талапкерлердин ортосунда чүчү кулакты өткөрүүнүн натыйжалары жөнүндө» протоколго (№2 тиркеме)киргизилет»;
-12-абзац төмөнкүдөй редакцияда баяндалсын: «Өткөрүлгөн чүчүкулактыннатыйжалары боюнча маалыматтар тиешелүү протоколдорго киргизилет»;
-13-абзац төмөнкүдөй редакцияда баяндалсын: «Протоколдорго Кыргыз Республикасынын Шайлоо жана референдум өткөрүү боюнча борбордук комиссиясынын Кыргыз Республикасынын Президентинин кызмат ордуна талапкерлердин документтерин кабыл алуу боюнча жумушчу тобунун мүчөлөрү, Кыргыз Республикасынын Шайлоо жана референдум өткөрүү боюнча борбордук комиссиясынын катышып отурган мүчөлөрү, талапкерлер (талапкерлердин ыйгарым укуктуу өкүлдөрү) кол коет».
Ошондой эле:
-«Чүчү кулакка талапкерлердин (талапкерлердин ыйгарым укуктуу өкүлдөрүнүн) катышуусунун кезектүүлүгүн аныктоо жөнүндө» протоколдун формасы (№1 тиркеме) бекитилди;
-«Шайлоо бюллетенине киргизүүнүн кезектүүлүгүн аныктоо боюнча катталган талапкерлердин ортосунда чүчү кулакты өткөрүүнүн натыйжалары жөнүндө» протоколдун формасы (№2 тиркеме) бекитилди.
КР БШК аппаратынын маалыматтык бөлүмү
Кененирээк билүү >>
Акыркы жаңылыктар
18.11.2026
Кыргызстанда шайлоо системасы жалпы республикалык тестирлөөдөн өтүүдө
17.11.2026
КР БШКсы Rise Up Kyrgyzstan жаштар демилгелүү тобу менен кызматташуу жөнүндө меморандумга кол койду
13.11.2026
Кыргыз Республикасынын Президентинин кызмат ордуна талапкерлерди көрсөтүү мөөнөтү аяктады
12.11.2026
КР БШКсы Президенттин кызмат ордуна талапкерлердин ыйгарым укуктуу өкүлдөрүн каттады
12.11.2026
КР БШКсы жергиликтүү кеңештердин бир катар депутаттарынын ыйгарым укуктарын мөөнөтүнөн мурда токтотту
12.11.2026
Бишкек аймактык шайлоо комиссиясынын курамына өзгөртүүлөр киргизилди