Башкы Жаңылыктар

Жаңылыктар

КР БШК Кыргыз Республикасынын Президенттигине талапкер К.Ташиевдин каттоосун жокко чыгарды
26.09.2017

КР БШК Кыргыз Республикасынын Президенттигине талапкер К.Ташиевдин каттоосун жокко чыгарды

Бүгүн, 2017-жылдын 26-сентябрында КР БШК жыйынында  Кыргыз Республикасынын Президенти кызматына талапкер К.Ташиевдин каттоосун жокко чыгаруу тууралуу токтом кабыл алынды. К.Ташиевге берилген Күбөлүк  (КР БШКнын 2017-жылдын 5-сентябрындагы  №408-токтому менен бекитилген)  күчүн жоготту деп табылды. Ошондой эле, Тиркемеге ылайык К.Ташиевдин шайлоо жана каржы маселеси боюнча ыйгарым укуктуу өкүлдөрүнүн  ыйгарым укуктары токтотулду. К.Ташиевдин Кыргыз Республикасынын Президенти кызматына талапкерлигин алып салуу тууралуу арызы Борбордук шайлоо комиссиясына 2017-жылдын 25-сентябрында келип түшкөн. КР БШК аппаратынын маалыматтык бөлүмү
Кененирээк билүү >>
Чүй облусунун  Беловодск  айыл аймагындагы №7292-шайлоо участкасынын дареги  өзгөртүлдү
26.09.2017

Чүй облусунун  Беловодск  айыл аймагындагы №7292-шайлоо участкасынын дареги  өзгөртүлдү

2017-жылдын 26-сентябрындагы КР БШК жыйынында Чүй облусунун  Москва районундагы Беловодск айыл аймагындагы №7292-шайлоо участкасынын дарегин өзгөртүү жөнүндө токтом кабыл алынды. Ошентип, Беловодск айыл аймагындагы №7292-шайлоо участкасы ДЭП-28 имаратынан В.Степаненко  атындагы №2-орто мектептин имаратына көчүрүлдү.  КР БШК  аппаратынын  маалыматтык  бөлүмү
Кененирээк билүү >>
Борбордук шайлоо комиссиясы “Акыйкат шайлоо үчүн” коомдук кыймылы менен жолугушуу уюштурду 26.09.2017

Борбордук шайлоо комиссиясы “Акыйкат шайлоо үчүн” коомдук кыймылы менен жолугушуу уюштурду

Борбордук шайлоо комиссиясы “Акыйкат шайлоо үчүн” коомдук кыймылы менен жолугушуу уюштурду. Жолугушууга Р.Жээнбеков, Р.Отунбаева, Ф.Кулов, А.Эркебаев, Р.Карасартова, Э.Каптагаев, Нарын Айып, коомдук байкоочулар жана ЖМК өкулдөрү катышты.  Анын жүрүшүндө Кыргыз Республикасынын Президентин шайлоого даярдык көрүү жана өткөрүү боюнча маанилүү маселелер талкууланды. Борбордук шайлоо комиссиясынын төрагасы 15-октябрда өтүүчү Кыргыз Республикасынын Президентин шайлоого даярдык көрүү жана өткөрүүнүн жүрүшүндө шайлоо процессинин негизги этаптары жөнүндө жыйындын катышуучуларына  кенен маалымат берди. Участкалык шайлоо комиссияларынын мүчөлөрүн автоматтык саноо урнасынын (АСУ) технологиясын окутуу, жергиликтүү өз алдынча башкаруу органдары менен мамлекеттик органдардын өз ара аракеттери жөнүндө маселелер талкууланды. КР БШК төрагасы Н.Шайлдабекова белгилегендей, КР БШК өзүнүн  ишмердүүлүгүн  Кыргыз Республикасынын Конституциясын, “Кыргыз Республикасынын Президентин  жана Жогорку Кеңештин депутаттарын шайлоо тууралуу” КР конституциялык Мыйзамын, “Кыргыз Республикасынын шайлоо жана референдум өткөрүү боюнча  борбордук комиссиясы жөнүндө” Мыйзамын жетекчиликке алып жүргүзөт, ошондой эле Борбордук шайлоо комиссиясы-бул чечимдерди ачык добуш берүү менен кабыл алган коллегиялуу орган. 2015-жылы иштелип чыккан маалыматтык шайлоо системасы (МШС) 2016-жылкы  референдумда жана  2017-жылы май айында жергиликтүү кеңештерди шайлоодо  сыноодон өткөн, эл аралык компаниянын сертификатына ээ, ушуга байланыштуу ал эч кандай күмөндүүлүк  туудурбаш керек. Жаңы шайлоо технологиясы  КР БШК менен Түштүк Кореянын кызматташуусу боюнча эл аралык агенттиги менен биргелешип иштелип чыккан. Бүгүнкү күндө программанын бардык тейлөө коду  кыргыз тарапка берилген жана БШКнын адистери тарабынан тейленет. МШС-маалыматтык шайлоо системасы Кыргыз Республикасында референдум жана шайлоону даярдоо жана өткөрүү  ошондой эле анын жыйынтыгы жана анын жүрүшү жөнүндө маалымат жарыялоого ылайыкташкан. МШС тутумуна төмөнүлөр кирет: -УШКларда  шайлоо бюллетендерин кабыл алуучу автоматтык саноочу урна (АСУ); -МШС программалык камсыздоо (ПК), чогултуу функциясын аткарган, сактоо жана  шайлоо жөнүндө маалымат сунуш кылуу; -АСУ маалыматтары корголгон байланыш каналы аркылуу БШКнын борбордук серверине берүү; -сервер жабдуусу, маалыматтык шайлоо системасынын программалык камсыздоосу жана маалыматтык коопсуздукту камсыздоочу жабдуулардын комплекси. Жолугушуунун катышуучуларына автоматтык саноо урнасынын(АСУ) иши көрсөтүлдү. БШКнын кызматкерлери  жолугушуунун  катышуучулары  үчүн “Сенин добушуң-сенин келечегиң” аттуу добуш  берүү   кампанияны тестирлөө өткөрүшүп, добуш берүүнүн процессин көрсөтүштү.  АСУ шайлоо бюллетендерин кабыл алып санагандан кийин, шайлоо күнү  20:00дөн соң, модем маалыматтарды добуш берүү аяктагандан кийин БШКнын  серверине жөнөтөт. Борборшайлоокомдун серверинде АСУнун маалыматтарын  чогултуу жана сактоо  жүрөт, андан кийин маалыматтар расмий порталга жайгаштырылат http://ess.shailoo.gov.kg. Коомдук  институттардын жана уюмдардын Кыргызстандагы шайлоону өткөрүүгө даярдык көрүү процессине кызыгуу менен байкоо жүргүзүүсү- КР  БШК шайлоонун жыйынтыгын акыйкат, таза   жана ишенимдүү  чыгарууда  биометрикалык технологияны колдонуу, шайлоочуларды идентификациялоо жана добуштарды автоматтык саноо урнасын пайдалануу менен  жаңы шайлоо технологиясын ийгиликтүү турмушка ашышына байланыштуу  болду. КР БШК аппаратынын маалыматтык бөлүмү
Кененирээк билүү >>
КР БШК билдирет: шайлоо бюллетендерин басуу процесси башталды
25.09.2017

КР БШК билдирет: шайлоо бюллетендерин басуу процесси башталды

15-октябрга дайындалган Кыргыз Республикасынын Президентин шайлоого байланыштуу  шайлоо бюллетендерин басуу процесси  башталды. Маанилүү документ катары, катуу эсепке алынып басылып жаткан  бюллетендерди көзөмөлдөө максатында  КР БШК мүчөлөрү жана БШК аппаратынын кызматкерлери күн-түн дежурлук жүргүзүүдө. Шайлоо бюллетендерин даярдоо учурунда ар бир саат сайын коргоо даражасын жана талап кылынган формага ылайыктыгын текшерүү максатында автоматтык эсептөө урнасы (АСУ) аркылуу алдын ала тестирлөө иштери  жүрүүдө. Календардык планга ылайык шайлоо бюллетендери добуш берүү күнүнөн 10 календардык күндөн кечиктирбей  (2017-жылдын 5-октябрына чейин) даярдалышы керек. Шайлоо бюллетендерин басуу процессинде ИИМ жана МУКК кызматкерлери күзөт ишин камсыз кылышууда. Республикада 2375 шайлоо участкалары ачылган, алардын ичинде Бишкек шаары боюнча 33 участкасы кошумча ачылган. Ал эми Кыргыз Республикасынан  тышкаркы жерде 37 шайлоо участкалары иштеп жатат. Республика боюнча 2305 негизги шайлоо участкалары бар. 2017-жылдын 25-сентябрына карата шайлоочулардын саны 2 919729 адамга жеткен.  КР БШК аппаратынын маалыматтык бөлүмү
Кененирээк билүү >>
Борбордук  шайлоо комиссиясында  илимий-эксперттик  кеңеш түзүлдү 25.09.2017

Борбордук шайлоо комиссиясында илимий-эксперттик кеңеш түзүлдү

КР БШКнын маалыматтык  шайлоо тутумунун коопсуздугуна коомдук көзөмөлдү өркүндөтүү максатында  илимий-эксперттик кеңеш түзүлдү.  Анын  тутумуна төмөндөгүлөр киргизилди: 1.Кубанычбек  Мурзакматов – И.Раззаков атындагы  КМТУнун алдындагы Электроника жана Телекоммуникация  Институтунун “Телекоммуникация” кафедрасынын башчысынын орун басары;  2. Игорь Зимин – т.и.к., доцент,  И.Раззаков атындагы  КМТУнун алдындагы Электроника жана Телекоммуникация  Институтунун “Телекоммуникация” кафедрасынын башчысы; 3. Байыш Нурматов – т.и.к., доцент, Аналитикалык борбордун жетекчиси; 4. Алишер Салиев – физико-математика илимдеринин доктору, И.Раззаков атындагы КМТУнун “Компьютердик системаны Программалык камсыздоо” кафедрасынын профессору; 5. Жанна Баракова – т.и.к., И.Раззаков атындагы КМТУнун  алдындагы Маалыматтык система жана Телекоммуникациядагы технологиялар” кафедрасынын башчысы, доцент; 6.Турсунжан Каримбаев – т.и.к., КГУСТнун Маалыматтык система жана Технологиялар” кафедрасынын доценти;   7.Иосиф Тен–т.и.к., Раззаков атындагы КМУТнын “Компьютердик системаны Программалык  камсыздоо”  кафедрасынын  башчысы, профессор;  8.Рысбек Искаков–т.и.к., Раззаков атындагы КМУТнын “Компьютердик системаны Программалык камсыздоо”  кафедрасынын доценти; Илимий-эксперттик  кеңештин башкы милдети–биринчи кезекте коомдук ачык көзөмөл, ошондой эле маалыматтык шайлоо системасынын (МШС) коопсуздугун жогорулатуу болуп саналат.   МШС Кыргыз Республикасындагы шайлоого даярдык көрүү жана өткөрүү ошондой эле анын жүрүшү жөнүндө, шайлоодо жана референдумда  добуш берүүнүн жыйынытыгын чыгарууга багытталган маалымат таркатат.  (http://ess.shailoo.gov.kg).  КР БШК аппаратынын маалыматтык бөлүмү 
Кененирээк билүү >>
Кыргыз Республикасынын Президентинин кызмат ордуна талапкерлердин шайлоо фондунун акча каражаттары жөнүндө маалыматы
25.09.2017

Кыргыз Республикасынын Президентинин кызмат ордуна талапкерлердин шайлоо фондунун акча каражаттары жөнүндө маалыматы

Кыргыз Республикасынын Шайлоо жана референдум өткөрүү боюнча борбордук комиссиясынын алдындагы көзөмөлдөө-текшерүү тобу Кыргыз Республикасынын Президентинин кызмат ордуна талапкерлердин шайлоо фондусунан акча каражаттарынын жүгүртүлүшү жөнүндө 2017-жылдын 25-сентябрына карата маалыматы   Талапкер Түштү Чыгымдалды Калдыгы 1 Абдылдаев А.Б. 2 125000     2 117175     7 825     2 Торобаев Б.Э. 47 230000     12 930746     34 299 254     3 Малиев А.К. 5 959800      5 429579     530 221     4 Зарлыков Э.З. 1 831500     1 830603     897     5 Сариев Т.А. 33 501000     31 680970     1 820 030     6 Масадыков Т.Ш. 4 116150     3 840530     275 620     7 Бабанов О.Т. 160589866     144 130236     16 459 630 8 Мадумаров А.К. 1 187150     1 178734     8 416     9 Жээнбеков С.Ш. 75 300000     62 413838     12 886 162     10 Кочкоров У.Т. 2 971465     2 957355     14 110     11 Бекназаров А.А. 2 426600     2 133522     293 078     12 Уметалиева Т.Д. 1 912915     1 823942     88 973     13 Ташиев К.К. 1 100000     1 099125     875    
Кененирээк билүү >>
КР БШК  “Шайлоо жана референдум өткөрүүнүн жүрүшүндө аймактык шайлоо комиссиясынын түзгөн  административдик укук бузуулар  протокол формасы жана аны толтуруу жөнүндө” Нускаманы бекитти
24.09.2017

КР БШК “Шайлоо жана референдум өткөрүүнүн жүрүшүндө аймактык шайлоо комиссиясынын түзгөн административдик укук бузуулар протокол формасы жана аны толтуруу жөнүндө” Нускаманы бекитти

КР БШК 2017-жылдын 24-сентябрындагы жыйынында “Шайлоо жана референдум өткөрүүнүн жүрүшүндө аймактык шайлоо комиссиясынын түзгөн,  административдик укук бузуулар  протокол формасы жана аны толтуруу жөнүндө” Нускамасы бекитилди. Административдик укук бузуулар жөнүндө протокол түзүүгө, аймактык шайлоо комиссиясынын төрагалары,  ал жокто анын  милдетин аткарган орун басарлары  протокол түзөрү Нускама менен белгиленген.   Административдик укук бузуулар жөнүндө электрондук мааалыматтар базасы  иштелип чыккан. Кыргыз Республикасынын шайлоо жана референдум өткөрүү боюнча борбордук комиссиясынын “Бекитүү түшүндүрүү жөнүндө”, “Шайлоо жана референдум өткөрүүнүн жүрүшүндө аймактык шайлоо комиссиясынын түзгөн,  административдик укук бузуулар  протокол формасы жана аны толтуруу жөнүндө 2000-жылдын 5-январындагы №197 Токтому күчүн жоготту деп табылды.   КР БШК аппаратынын маалыматтык бөлүмү
Кененирээк билүү >>
-
24.09.2017

-

-
Кененирээк билүү >>
КР БШК Кыргыз Республикасынын Президенти кызматына талапкер С.Жээнбековдун ыйгарым укуктуу өкүлүн каттады
24.09.2017

КР БШК Кыргыз Республикасынын Президенти кызматына талапкер С.Жээнбековдун ыйгарым укуктуу өкүлүн каттады

2017-жылдын 24-сентябрындагы КР БШК жыйынында Кыргыз Республикасынын Президенти кызматына талапкер С.Жээнбековдун ыйгарым укуктуу өкүлүн каттоо жөнүндө токтом кабыл алынды. Кыргыз Республикасынын Президенти кызматына талапкер С.Жээнбековдун ый гарым укуктуу өкүлү болуп: Дөөталиев Улан Тимурович катталды. КР БШК аппаратынын маалыматтык бөлүмү
Кененирээк билүү >>
КР БШК Кыргыз Республикасынын Президенти кызматына талапкер Т.Сариевдин ишенимдүү адамынын ыйгарым укуктарын токтотту
24.09.2017

КР БШК Кыргыз Республикасынын Президенти кызматына талапкер Т.Сариевдин ишенимдүү адамынын ыйгарым укуктарын токтотту

2017-жылдын 24-сентябрындагы КР БШКнын жыйынында Кыргыз Республикасынын Президенти Т.Сариевдин ишенимдүү адамы Жайнагүл Орунбаеванын ыйгарым укуктарын токтотуу боюнча токтом кабыл алынды КР БШК аппаратынын маалыматтык бөлүмү
Кененирээк билүү >>
КР БШК Кыргыз Республикасынын Президенти кызматына талапкердин ишенимдүү адамдарын каттады
24.09.2017

КР БШК Кыргыз Республикасынын Президенти кызматына талапкердин ишенимдүү адамдарын каттады

2017-жылдын 24-сентябрындагы КР БШКнын жыйынында Кыргыз Республикасынын Президенти кызматына талапкер А.Мадумаровдун ишенимдүү адамдарын каттоо жөнүндө чечим кабыл алынды. Кыргыз Республикасынын Президенти кызматына талапкер А.Мадумаровдун ишенимдүү адамдары болуп: 1. Шеркулова Чыныгул Абдукахаровна; 2. Топчуев Эйнарбек Нарматович; 3. Мамашарип уулу Майрамбек; 4. Бабан уулу Эльнурбек; 5. Умаров Замирбек Кожоахматович; 6. Дарвешов Нурмат Хусенович; 7. Джоробекова Сабира Закирбаевна; 8. Мурзакулова Мухлиясхан Ташмаматовна; 9. Жалилов Эшмамат катталды. КР БШК аппаратынын маалыматтык бөлүмү
Кененирээк билүү >>
КР БШК Чүй облусунун Сокулук районунун Орок айыл өкмөтүнүн башчысын шайлоону дайындады
24.09.2017

КР БШК Чүй облусунун Сокулук районунун Орок айыл өкмөтүнүн башчысын шайлоону дайындады

2017-жылдын 25-сентябрындагы  КР БШК жыйынында Чүй облусунун Сокулук районунун Орок айыл өкмөтүнүн башчысын шайлоо жөнүндө токтом кабыл алынды.   Сокулук районунун прокуратурасынын  2017-жылдын 6-сентябрындагы сунушу  боюнча  Сокулук райондук мамлекеттик администрациясынын  башчысынын 2017-жылдын 12-сентябрындагы буйругу менен Орок айыл өкмөтүнүн башчысы Уран Соодуев ээлеген кызматынан бошотулду.  Ушуга байланыштуу Орок айылынын өкмөт башчысын шайлоо 2017-жылдын 10-октябрында  саат 9:00дөн 12:00гө чейин өткөрүү дайындалды. Шайлоону Кыргыз Республикасынын  мыйзамдарына ылайык уюштуруп  өткөрүү  Сокулук аймактык шайлоо комиссиясына тапшырылды.  КР БШК аппаратынын маалыматтык бөлүмү
Кененирээк билүү >>
КР БШК айрым жергиликтүү өз алдынча  башкаруунун аткаруу органдарын шайлоо дайындалды
24.09.2017

КР БШК айрым жергиликтүү өз алдынча  башкаруунун аткаруу органдарын шайлоо дайындалды

2017-жылдын 24-сентябрындагы КР БШК  жыйынында  Кыргыз Республикасынын айрым жергиликтүү өз алдынча башкаруунун аткаруу органдарынын айрым башчыларын  шайлоо жөнүндө токтом кабыл алынды. Ош облусунун Кара-Суу районунун Кара-Суу шаардык кеңешинде, Жалал-Абад облусундагы   Токтогул районунун  Кызыл-Өзгөрүш айылдык кеңешинде, Тогуз Торо районунудагы  Тогуз-Торо айылдык кеңешинде, Чаткал районундагы Терек-Сай айылдык кеңешинде  жаңы шайланган кеңештердин биринчи сессиясы болуп өттү. Ош облусунун Кара-Суу районунун Кара-Суу шаарынын мэрин, Жалал-Абад облусунундагы Токтогул районунун Кызыл-Өзгөрүш айыл өкмөтүнүн, ТогузТоро районундагы  Тогуз-Торо айыл өкмөтүнүн, Чаткал районундагы Терек-Сай айыл өкмөтүнүн башчысын шайлоо 2017-жылдын 10-октябрында саат 9:00дөн 12:00гө чейин өткөрүү дайындалды. Шайлоону Кыргыз Республикасынын  мыйзамдарына ылайык  уюштуруп  өткөрүүнү   аймактык шайлоо комиссиясына тапшырылды.  КР БШК аппаратынын маалыматтык бөлүмү
Кененирээк билүү >>
Борбордук шайлоо комиссиясы эл аралык 37 байкоочуну аккредитациядан өткөрдү
24.09.2017

Борбордук шайлоо комиссиясы эл аралык 37 байкоочуну аккредитациядан өткөрдү

Кыргыз Республикасынын Шайлоо жана референдум өткөрүү боюнча борбордук комиссиясы тарабынан эл аралык 37 байкоочу аккредитациядан өткөрүлдү. Шанхай Кызматташуу Уюмунун (ШКУ) Башкы Катчысы Рашид Алимов жетектеген Миссия, КМШ Миссиясы (КМШ ПАА), Азербайджан Республикасынын БШКсы, Бутан Шайлоо комиссиясы жана  Улуу Британиянын Бириккен Королдугу жана Кыргыз Республикасындагы  Түндүк Ирландия Элчилигинен эл аралык байкоочулар аккредитациядан өттү. Бүгүнкү күнү Борбордук шайлоо комиссиясы дүйнөнүн 43 мамлекетинен 35 эл аралык уюмдарынан 240 байкоочуну аккредитациядан өткөрдү. КР БШК аппаратынын маалыматтык бөлүмү
Кененирээк билүү >>
КР БШКнын төрагасы  Москвада өткөн эл аралык конференцияга катышты
23.09.2017

КР БШКнын төрагасы Москвада өткөн эл аралык конференцияга катышты

2017-жылдын 20-22-сентябрында Москвада “Көп полярдуу дүйнөнүн шартында бүгүнкү күндүн шайлоо тенденциясы” аттуу эл аралык конференция болуп өттү. Ага Россиянын Борбордук шайлоо комиссиясынын төрагасы Э.Панфилова жана Кыргыз Республикасынын Борбордук шайлоо комиссиясынын  төрагасы Н.Шайлдабекова катышты.   Конференциянын максаты өнүгүп жаткан көп полярдуу дүйнөнүн шартында бүгүнкү күндөгү шайлоо тенденциясы учурунда жогорку деңгээлде өз ара пикир алышуу жана шайлоону уюштурууда улуттук практиканы, эл аралык-укуктук актуалдуу маселелерди талкуулоо болуп саналат.  Россия Федерациясынын Борбордук шайлоо комиссиясы уюштурган конференциянын ишине  КМШ Аткаруу Катчысынын-Аткаруу Комитетинин төрагасынын биринчи орун басары В.Гуминский, ШКУнун Башкы катчысынын орун басары К.Ван, Филипин Республикасынын Шайлоо боюнча комиссиясынын мүчөсү А.А.Парреньо, Азият шайлоо органдар Ассоциациясынын атынан, Россия Федерациясынын коомдук палатасынын катчысынын орун басары С.Орджоникидзе, Федерация Советинин эл аралык иштер боюнча комитетинин төрагасынын орун басары А.Климов, Кыргызстан, Азербайджан, Армения, Беларусь, Казакстан, Таджикстан, Өзбекстан, Индия, Пакистан жана башка республикалардын шайлоо комиссияларынын башчылары, ошондой эле КМШ мамлекеттер-катышуучуларынын Парламенттер аралык Ассамблея Советинин, БУУнун Москвадагы маалыматтык борборунун жана башка эл аралык уюмдардын өкүлдөрү катышты.    Конференцияда сөз сүйлөгөн КР Борбордук шайлоо комиссиясынын  төрагасы Н.Шайлдабекова, акыркы эки жылда Кыргыз Республикасындагы шайлоо системасында реформа жүрүп, жаңы шайлоо модели-маалыматтык шайлоо системасы (МШС) киргизилип,  2016-жылдагы референдумда, 2017-жылдагы май айындагы жергиликтүү кеңештердин депутаттарын шайлоодо сыноодон ийгиликтүү өткөндүгүн белгиледи.  Кыргызстанда калктын бирдиктүү реестри түзүлгөн, жарандар биометрикалык маалыматтары боюнча өздүгүн аныктаган документтерди алышат. БШК менен МКК, эки мамлекеттик органдын биргелешип кызматташуусунун негизинде шайлоо системасына толук жана сапаттуу реформа жүргүзүүгө мүмкүн болду. Азыркы учурда автоматтык саноо урнасынын операторлорунун, техникалык колдоо тобунун, МКК операторлорунун иши жакшырды, шайлоо комиссиясында кабыл алынган чечимдердин ачыктыгы жакшырды. Шайлоочуларды биометрикалык маалыматтар боюнча идентификациядан өткөрүү жана автоматтык саноо урнасынын ишинен кийин  добуштарды саноо учурунда максималдуу ишенимдүүлүккө жетишилди. Бул ар бир жарандын добушун эске алууга, конституциялык мыйзамды жана пассивдүү укукту натыйжалуу ишке ашырууга негиз түздү-деди өз сөзүндө КР БШКнын төрагасы.  «Бүгүнкү күндө КР БШК 15-октябрда өтө турган Кыргыз Республикасынын Президентин шайлоого эл аралык мониторинг жүргүзүү  ишин камсыз кылуу боюнча иш жүрүүдө. Ошондой эле 20-сентябрдагы маалыматтар боюнча дүйнөнүн 38 мамлекетинен  эл аралык 203 байкоочу аккредитациядан өттү. КР БШК эл аралык байкоочуларга, Кыргызстандагы жооптуу Миссияларын ишке ашырууга ар тараптуу жардам берүүгө даяр,”-деп белгиледи Н.Шайлдабекова.  Кыргызстандагы шайлоону өткөрүүгө даярдык көрүү процессине кызыгуу менен байкоо жүргүзүү, КР  БШК шайлоонун жыйынтыгын акыйкат, таза   жана ишенимдүү  чыгарууда  биометрикалык технологияны колдонуу, шайлоочуларды идентификациялоо жана добуштарды автоматтык саноо урнасын пайдалануу менен  жаңы шайлоо технологиясын ийгиликтүү турмушка ашышына байланыштуу  болду. КР БШК аппаратынын маалыматтык бөлүмү  
Кененирээк билүү >>
-
23.09.2017

-

-
Кененирээк билүү >>
1 … 405 407 … 488