Башкы
Жаңылыктар
Жаңылыктар
КР БШК төрагасы иш сапар менен Нарын облусуна келди
Бүгүн, 2017-жылдын 29-сентябрында, КР БШКнын төрагасы Н.Шайлдабекова Нарын облусунун аймактык жана участкалык шайлоо комиссияларынын активи менен жолугушту.
Борбордук шайлоо комиссиясынын төрагасы жыйындын катышуучуларына шайлоочуларды маалымдоо максатында жүрүп жаткан иш-чаралар жана шайлоо процессинин негизги этаптарынын жыйынтыгы тууралуу маалымат берди.
Ошондой эле шайлоону камсыздоо боюнча уюштуруу-техникалык, шайлоочулардын тизмесин тактоо, участкалык шайлоо комиссияларынын мүчөлөрүнө автоматтык саноо түзмөктөрүн (АСУ) үйрөтүү, мамлекеттик органдар жана жергиликтүү өз алдынча башкаруу органдарынын биргелешкен аракеттери жөнүндө маселелер талкууланды.
Ат-Башы районундагы жолугушуу учурунда, Н.Шайлдабекова келе жаткан шайлоодо АШК жана УШКнын бардык кызматкерлери менен адистери аракеттеги мыйзамдын бардык нормалары менен талаптарын аткарууну камсыз кылып, ошондой эле шайлоо процессинин бардык катышуучуларына бирдей мүмкүнчүлүк түзүү керек экендигин билдирди.
Ошондой эле Борборшайлоокомдун төрагасы ден соолугу жагынан мүмкүнчүлүгү чектелген шайлоочуларга камкор мамиле жасоо менен бирге шайлоо укуктарын сактоону камыз кылуу керек экендигин баса белгилеп, ар бир жаран социалдык акцияга катышып кошунасынын активдүү шайлоо укуктарын ишке ашырууга көмөк көрсөтүүгө катыша ала турган “Кошунаңды ээрчите кел” аттуу акция тууралуу баяндап берди.
Мындан ары КР БШКнын төрагасы Ысык-Көл облусунун АШК жана УШКларына сапар алмакчы.
КР БШКнын аппаратынын маалыматтык бөлүмү
Кененирээк билүү >>
БШК талапкерлерди шайлоо алдындагы үгүт учурунда чет элдик лидерлер менен жолугушууну пайдаланбоону эскертет
2017-жылдын 28-сентябрында КР БШК жыйынында Кыргыз Республикасынын Президенти кызматына талапкер Ө.Бабановдун чет элдик лидер менен жолуккан фактысы боюнча жаран Турсунбек Акундун арызы каралды.
Арыз берүүчүнүн ою боюнча аталган жолугушуу, анын жүрүшүндө көтөрүлгөн маселелер Кыргыз Республикасынын “Кыргыз Республикасынын Президентин жана Жогорку Кеңештин депутаттарын шайлоо жөнүндө” КР конституциялык Мыйзамынын нормаларын бузгандык болуп саналат.
Конституциялык Мыйзамдын 22-беренесинин 15-бөлүмүнө ылайык “чет өлкөлүк жарандар жана уюмдар үгүт жүргүзүүгө укугу жок”, ошондой эле 28-берененин 2-бөлүмүндө “үгүт иштерин жүргүзүүдө башка мамлекеттердин мамлекеттик жана саясий ишмерлеринин фото- жана көрмө материалдарын пайдаланууга тыюу салынат” деп айтылат.
Арыз берүүчү жолугушуу Ө.Бабановдун демилгеси менен өткөнүн, талапкер шайлоо алдындагы үгүт иштери учурунда чет элдик лидер менен жолугушуусун өзүнүн талапкерлигин колдоо максатында болгонун билдирет.
Ошондой эле ал Ө.Бабанов аталган жолугушууну үгүт ишине активдүү колдонуп жатканын көрсөттү.
Сокулук селосундагы шайлоочулар менен жолугушуу учурунда ал коңшу мамлекеттин Президенти менен жолугушканын жана ал аны колдой турганын билдиргендигин айтат.
Талкуунун жүрүшүндө талапкер Ө.Бабанов чет элдик лидер менен жолугушуусунан тартылганды өзүнүн үгүт материалында түзмө түз колдонгон эмес, ошондуктан мыйзам бузуу болгон эмес деген пикирлер айтылды.
Бирок, БШКнын башка мүчөлөрү мындай жолугушуулар жөнүндө маалыматтар фотолору менен чогуу Кыргызстандын маалымат мейкиндигине кеңири тарап жаткандыгы, талапкер үгүт материалдарында алардын фотосун түзмө түз колдонууга мыйзамда тыюу салынгандан да кеңири таратылып жаткандыгы, талапкерге да белгилүү жана түшүнүктүү деп эсептешет.
Борбордук шайлоо комиссиясы Кыргыз Республикасынын Президенти кызматына талапкерлер шайлоо алдындагы үгүт ишинде ушундай формадагы жана мүнөздөгү чет элдик мамлекеттердин башчыларын үгүт иштерине колдонуу мыйзамсыз жана кабыл алынгыс деп эсептеп, талапкерлерди шайлоо алындагы үгүттө ушундай формадагы үгүт жүргүзүүдөн этият болууларын эскертет.
Ошол эле учурда, арыз берүүчү мыйзамда каралган арыз берүү мөөнөтү өтүп кеткендигине байланыштуу, ошондой эле арыздарды кароодо бардык формага бирдей мамиле жасоо максатында БШК төмөндөгүдөй чечим кабыл алды:
1. Кыргыз Республикасынын жараны Турсунбек Акундун арызын кантааттандыруудан баш тартылсын.
2.Кыргыз Республикасынын Президенти кызматына катталган талапкерлерге өздөрүнүн шайлоо алдындагы үгүт иштеринде чет өлкөлөрдүн мамлекеттик жана коомдук ишмерлерин пайдаланууга жол берилбестиги, эгерде андай болгон учурда жазуу жүзүндө эскертүү берилип, жана талапкерлердин каттоосу жокко чыгарылаарын эскертет.
КР БШК аппаратынын маалыматтык бөлүмү
Кененирээк билүү >>
-
-
Кененирээк билүү >>
КР БШК “Демократия үчүн жана жарандык коом Коалициясынын” арызын канааттандыруудан баш тартты
2017-жылдын 24-сентябрында “Демократия үчүн жана жарандык коом Коалиция” Коомдук Бирикмеси Борбордук шайлоо комиссиясына арыз менен кайрылган (мындан ары-Арыздануучу).
Арыздануучу өзүнүн арызында 20-сентябрда “Азаттык” радосунун интернет-басылмасындагы: “Кара-Суу: Жээнбековдун штабынын айынан талаш-тартыш” деген макалада Ош облусунун Кара-Суу районунун Кызыл-Кыштак айыл башкармалыгында №65-орто мектебинин имаратында Кыргыз Республикасынын Президенти кызматына талапкер С.Жээнбековдун шайлоо штабы, ушул эле имаратта №5237 УШК, ошондой эле милициянын таяныч пункту жайгашканын билдирет.
Арыздануучу өзүнүн талаптарында Кыргыз Республикасынын Президенти кызматына талапкер С.Жээнбековдун шайлоо штабынын №5237 УШК орун алган бир имаратта жайгашканынын мыйзамдуулугун, ошондой эле Кыргыз Республикасынын Президенти кызматына талапкер С.Жээнбековдун пайдасына шайлоо алындагы мыйзамсыз үгүт жүргүзүү маселесин кароону суранат.
КР БШК материалдарды изилдеп чыгып, төмөнкүлөрдү билдирет.
Кара-Суу аймактык шайлоо комиссиясы катта көрсөтүлгөн фактылар боюнча Кара-Суу районунун прокуратурасы жана Кара-Суу райондук аймактык шайлоо комиссиясынын мүчөлөрү менен текшерүү жүргүзгөн.
Текшерүүнүн жүрүшүндө аталган имаратта почто бөлүмү, участкалык инспектордун кабинети жана Кызыл-Кыштак айылдык кеңешинин депутаттарынын коомдук кабыл алуусу жайгашканы такталды.
Ошондой эле катта көрсөтүлгөн, Кыргыз Республикасынын Президенти кызматына талапкер С.Жээнбековдун шайлоо штабы участкалык шайлоо комиссиясы менен бир имаратта жайгашкан деген факт аныкталган жок.
Кыргыз Республикасынын “Кыргыз Республикасынын Президентин жана Жогорку Кеңештин депутаттарын шайлоо жөнүндө” конституциялык Мыйзамынын 43-беренесинин 4-бөлүгүнүн 5-абзацына ылайык Мамлекеттик жана башка органдардын, алардын кызмат адамдарынын, шайлоо процессинин башка катышуучуларынын чечимдерине жана (же) аракеттерине (аракетсиздигине) арыздар (даттануулар) менен шайлоочулар, талапкерлер, саясий партиялар коммерциялык эмес уюмдар, алардын өкулдөрү жана байкоочуларкайрылда алышат. Арыздар (даттануулдар) жүйөөлүү болуп, алрга негиздеоген далилдер менен бирге берилүүгө тийиш.
Ушуларды эске алып, арызда көрсөтүлгөн фактылардын далилдеринин жоктугуна байланыштуу Борбордук шайлоо комиссиясы арызды канааттандыруудан баш тартуу чечимин кабыл алды.
КР БШК аппаратынын маалыматтык бөлүмү
Кененирээк билүү >>
КР БШК “Жогору турган шайлоо комиссиясына шайлоо документтерин жеткирип берүү учурунда кабыл алуу жана өткөрүп берүү учурунда, уруксат берилбеген аракеттен коргоону камсыз кылуунун тартиби жөнүндө” Жобону бекитти
2017-жылдын 28-сентябрындагы КР БШКнын жыйынында “Жогору турган шайлоо комиссиясына шайлоо документтерин жеткирип берүү учурунда кабыл алуу жана өткөрүп берүү, уруксат берилбеген аракеттен коргоону камсыз кылуунун тартиби жөнүндө” Жобо бекитилди.
Жобо “Жогору турган шайлоо комиссиясына шайлоо документтерин жеткирип берүү учурунда кабыл алуу жана өткөрүп берүү, уруксат берилбеген аракеттен коргоону камсыз кылууда баштыктарды, мүшөктөрдү, кагаз кутучаларды жана атайын сейф-баштыктарды пайдаланууда коргоону камсыз кылуу белгиленет.
Ошондой эле ушул Жобо менен шайлоо документтеринин коопсуздугун жана сакталышын камсыз кылуу, анын ичинде шайлоо бюллетендерин сактоо шайлоо комиссиясына жүктөлөт.
Коопсуздук аракеттерди камсыз кылуу укук коргоо органдарына жүктөлөт (ички иштер органы).
“Жогору турган шайлоо комиссиясына шайлоо документтерин жеткирип берүү учурунда кабыл алуу жана өткөрүп берүү, уруксат берилбеген аракеттен коргоону камсыз кылуунун тартиби жөнүндө” “Жобону бекитүү жөнүндө Кыргыз Республикасынын шайлоо жана референдум өткөрүү боюнча борбордук шайлоо комиссиясынын 2011-жылдын 17-августундагы №151 токтому күчүн жоготту деп табылды.
КР БШК аппаратынын маалыматтык бөлүмү
Кененирээк билүү >>
Сузак аймактык шайлоо комиссиясынын тутуму менен резервине өзгөртүүлөр киригизилди
КР БШКнын 2017-жылдын 28-сентябрындагы жыйынында Сузак аймактык шайлоо комиссиясынын тутуму менен резервине өзгөртүүлөрдү киргизүү жөнүндө токтом кабыл алынды.
Аймактык шайлоо комиссиясынын мүчөлөрүнүн арыздарынын негизинде “Республика” саясий партиясынан, Республикалык коомдук-саясий Кыргызстан куруучулар партиясынан жана “Республика-Ата-Журт” саясий партиясынан А. Дыйканова, О. Абдуллаева жана Н. Зияев комиссиянын тутумунан чыгарылды.
Жергиликтүү өз алдынча башкаруунун өкүлчүлүктүү органынан Т. Бекмурзаев, Б. Нышанбаев, А. Дүйшөбаев резервден комиссиянын тутумуна киргизилди.
КР БШК аппаратынын маалыматтык бөлүмү
Кененирээк билүү >>
Борбордук шайлоо комиссиясы эл аралык дагы 25 байкоочуну аккредитациядан өткөрдү
Кыргыз Республикасынын Шайлоо жана референдум өткөрүү боюнча борбордук комиссиясы 25 эл аралык байкоочуну аккредитациядан өткөрдү.
КМШ Миссиясынан (КМШ ПААА), Индия Шайлоо комиссиясынан, Түркия Республикасынын Жогорку Шайлоо кеңешинен, КРдагы ЕСтин Өкүлчүлүгүнөн, Кытайдын чет мамлекеттердеги достук коомунан, Бельгия Королчулугунун Өкүлдөр Палатасынан эл аралык байкоочулар аккредитациядан өтүштү.
Бүгүнкү күнгө чейин КР Борбордук шайлоо комиссиясы дүйнөнүн 43 мамлекетиндеги 35 эл аралык уюмдардан 340 эл аралык байкоочуну аккредитациядан өткөрдү.
КР БШК аппаратынын маалыматтык бөлүмү
Кененирээк билүү >>
Жалал-Абад шаарындагы №2104 шайлоо участкасынын дареги өзгөртүлдү
2017-жылдын 28-сентябрындагы КР БШК жыйынында Жалал-Абад облусундагы Жалал-Абад шаарындагы №2104 шайлоо участкасынын дарегин өзгөртүү боюнча токтом кабыл алынды.
Ошентип, №2104 шайлоо участкасы Кыргыз Республикасынын Өкмөтүнүн алдындагы мамлекеттик каттоо департаментинин имаратынан шаардык автовокзалдын имаратына көчүрүлдү.
КР БШК аппаратынын маалыматтык бөлүмү
Кененирээк билүү >>
КР БШК Кыргыз Республикасынын Президенти кызматына талапкер Т.Сариевдин ыйгарым укуктуу өкүлүнүн ыйгарым укуктарын токтотту
2017-жылдын 28-сентябрындагы КР БШК жыйынында Кыргыз Республикасынын Президенти кызматына талапкер Т.Сариевдин ыйгарым укуктуу өкүлү Кылжыев Самат Аскербековичтин ыйгарым укугун токтотуу жөнүндө токтом кабыл алынды.
КР БШК аппаратынын маалыматтык бөлүмү
Кененирээк билүү >>
БШК Кыргыз Республикасынын Президенти кызматына талапкер Т.Сариевдин ишенимдүү адамын чакыртып алды
2017-жылдын 28-сентябрындагы КР БШКнын жыйынында Кыргыз Республикасынын Президенти кызматына талапкер Т.Сариевдин ишенимдүү адамы - Эшеналиев Нурбек Таалайбековичти чакыртып алуу тууралу токтом кабыл алынды.
КР БШК аппаратынын маалыматтык бөлүмү
Кененирээк билүү >>
КР БШК Кыргыз Республикасынын Президенти кызматына талапкердин ишенимдүү адамдарын каттады
2017-жылдын 28-сентябрында КР БШК жыйынында Кыргыз Республикасынын Президенти кызматына талапкер С.Жээнбековдун ишенимдүү адамдарын каттоо тууралуу чечим кабыл алды.
Кыргыз Республикасынын Президенти кызматына талапкер С.Жээнбековдун ишенимдүү адамдары болуп:
1.Дубанаев Садырбек Мамбеталиевич
2. Жураев Бөрүбай Жураевич
3. Камытов Талант Жуманазарович
4. Кожошев Арзыбек Орозбекович
5. Молдоева Гулшан Абыкаевна
6. Тагаев Абдужапар Абдыкаарович
7. Ниязов Фарид Аблезимович
8. Хакимов Абдимитал Мирзарахманович
КР БШК аппаратынын маалыматтык бөлүмү
Кененирээк билүү >>
Бишкек шаарынын шайлоочуларына, жергиликтүү өз алдынча башкаруунун өкүлчүлүктүү органдарына, коомдук жана коммерциялык эмес уюмдарга, саясий партияларга Бишкек аймактык шайлоо комиссиясынын КАЙРЫЛУУСУ
Кыргыз Республикасынын Президентин шайлоонун босогосунда Бишкек шаарындагы кошумча шайлоо участкаларга көп сандаган шайлоочулардын келишине байланыштуу кошумча шайлоо комиссияларынын санын көбөйтүү зарылчылыгы келип чыкты (мындан ары- КОШ УШК).
Ушуга байланыштуу Бишкек аймактык шайлоо комиссиясы (мындан ары-Бишкек АШК) жергиликтүү өз алдынча башкаруунун өкүлчүлүктүү органдарынан жана саясий партиялардан өкүлдөрдү көрсөтүүнү жарыялайт.
КОШ УИКтин резервине талапкерлерди көрсөтүү учурунда жарандардын макулдугун алуу керек, ошондой эле шайлоо кампанияларына, коомдук турмушка катышуу тажрыйбалары жана өздүк сапаты эске алынат.
Көрсөтүлүп жаткан адам, шайлоо комиссиясынын мүчөлөрү ошол аймакка ылайык келген элдүү пунктта жашаш керек.
Жарандардын жыйынынан, коомдук бирикмелерден шайлоо комиссияларынын тутумуна талапкерлерди көрсөтүү тууралуу Протоколдо жыйындын төрагасынын жана катчынын колу коюлушу зарыл. Протоколго жашаган жерлери көрсөтүлүп, колдору коюлган жыйындын катышуучуларынын тизмеси тиркелиши керек.
Саясий партиялардан талапкерлерди көрсөтүү алардын уставына ыйлайык жүргүзүлөт. Бишкек АШКсына саясий партиянын (жыйындын төрагасы) жетекчисинин колу коюлуп печаты басылган тиешелүү документ берилет.
Жогоруда көрсөтүлгөн документтерге төмөнкүлөр тиркелет:
-Кыргыз Республикасынын шайлоо мыйзамдарынын нормаларын сактаган милдеттенме жана шайлоо комиссиясынын тутумунда иштөөгө макулдугу боюнча арыз;
-паспорттун көчүрмөсү;
-иштеген жери, окуусу, билими, көрсөтүлгөн биографиялык маалыматтар (кадрларды каттоо боюнча өздүк баракача же резюме);
-байланыш маалыматтар: жашаган жеринин дареги, телефон номерлери, электрондук почтасы.
Жарандардын жыйынынан, коомдук уюмдардан участкалык шайлоо комиссиясынын резервине талапкерлерди көрсөтүү боюнча протоколдор 2017-жылдын 2-октябрында саат 18:00гө чейин Бишкек шаардык кеңешинде кабыл алынат.
Сурап-билүү телефондору: Бишкек шаардык кеңеши 62-58-14,
Бишкек АШК: 62-08-24.
КР БШК аппаратынын маалыматтык бөлүмү
Кененирээк билүү >>
Кыргыз Республикасынын Шайлоо жана референдум өткөрүү боюнча борбордук комиссиясынын жарандарга, саясий партияларга, жергиликтүү өз алдынча башкаруусунун өкүлчүлүктүү органдарына (жергиликтүү кеңештерге) КАЙРЫЛУУСУ
Кыргыз Республикасынын Шайлоо жана референдум өткөрүү боюнча борбордук комиссиясы Аламүдүн аймактык шайлоо комиссиясынын резервин толуктоо максатында, саясий партиялардан, жергиликтүү өз алдынча башкаруусунун өкүлчүлүктүү органдарынан өкүлдөрдү көрсөтүү тууралуу жарыялайт.
Аламүдүн аймактык шайлоо комиссиясынын резервине талапкерлерди көрсөтүүдө жарандардын өз макулдугун, шайлоо өнөктүктөрүнө, коомдук жашоодо катышуу тажрыйбасын, кесиптик жана жеке сапаттарын эске алуу зарыл.
“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 22 –беренесинин 1-бөлүгүнө ылайык, аймактык, участкалык шайлоо комиссиясынын мүчөсү боло албайт:
1)Жогорку Кеңештин депутаты, жергиликтүү кеңештин депутаты;
2)мамлекеттик органдардын жана жергиликтүү өз алдынча башкаруу органдарынын кызмат адамдары;
3)судья, укук коргоо жана фискалдык органдын кызматкери, аскер кызматчысы;
4)талапкер, талапкердин жана саясый партиянын өкүлү;
5)башка мамлекеттин жарандыгы бар адам;
6)мыйзамда белгиленген тартипте, соттуулугу алып салынбаган же жоюлбаган адам;
7)башка шайлоо комиссиясынын мүчөсү.
Көрсөтүп жаткан субъекттер шайлоо комиссиясынын мүчөлүгүнө талапкер, эреже катары, тиешелүү калктуу конуштун аймагында жашоого тийиш.
Аламүдүн аймактык шайлоо комиссиясынын резервине найлоочулардын жыйналыштарынан талапкерлерди көрсөтүү жөнүндө протоколдорду, жыйналыштын төрагасы жана катчысы өз колдору менен күбөлөндүрүшү керек. Протоколго, алардын колу коюлган, жашаган жерин көрсөтүлгөн жыйналыштын катышууларынын тизмеси тиркелүүгө тийиш. Жогоруда көрсөтүлгөн документтерге төмөнкүлөр тиркелет:
- талапкердин аймактык шайлоо комиссиясынын курамында иштөөгө макулдугу жөнүндө арызы жана Кыргыз Республикасынын шайлоо мыйзамдарынын ченемдерин сактоо жөнүндө милдеттенмеси;
- паспортунун көчүрмөсү;
- иштеген, окуган жерин, билимин көрсөтүү менен өмүр баянынын маалыматтары (кадрларды эсепке алуу боюнча жеке баракчасы, өмүр баянынын таржымалы);
- байланыш маалыматтары: жашаган жеринин дареги, телефондору (үй, уюлдук, электрондук дарек).
Аламүдүн аймактык шайлоо комиссиясынын резервине шайлоочулардын жыйналыштарынан талапкерлерди көрсөтүү жөнүндө протоколдор 2017-жылдын 5-октябры саат 18.00гө чейин тиешелүү жергиликтүү өз алдынча башкаруусунун өкүлчүлүктүү органдарында (айылдык кеңештерде) кабыл алынат.
Аламүдүн аймактык шайлоо комиссиясынын резервине саясий партиялардан талапкерлерди көрсөтүү жөнүндө протоколдор 2017-жылдын 5-октябры саат 18.00гө чейин Кыргыз Республикасынын Шайлоо жана референдум өткөрүү боюнча борбордук комиссиясында кабыл алынат.
Кошумча маалыматтарды төмөнкү телефондор аркылуу алсаңыздар болот:
(0312) 66 01 16, www.shailoo.gov.kg.
Кененирээк билүү >>
ЕСтин атайын өкүлү П.Буриан:”Евросоюз Кыргызстандагы шайлоо системасын реформалоо ишине мындан ары да колдоо көрсөтүүгө жана жардам берүүгө даяр”
27-сентябрда Борбордук шайлоо комиссиясында КР БШК төрагасы Н.Шайлдабекованын Европа Союзунун Борбордук Азия боюнча атайын өкүлү Петер Буриан менен жолугушуусу болду.
Талаптар алдыдагы 15-октябрда өтүүчү Президенттик шайлоого даярдыкты жана ошондой эле Кыргызстан менен Европа Союзунун ортосунда шайлоо реформасы боюнча кызматташуунун келечектеги пландарын талкуулашты.
КР БШКнын төрагасы Евросоздун өкүлдөрүн өлкөдөгү бүгүнкү коомдук-саясий кырдаал, Кыргыз Республикасынын Президентин шайлоону эркин, ачык айкын өткөрүү максатында ишке ашырылып жаткан комплекстүү чаралар жөнүндө жана ушул иште БШКнын башкы милдети болуп, жарандардын шайлоо укуктарын: активдүү укук-шайлоо жана пассивдүү-шайлануу укугун толук деңгээлде ишке ашырууну камсыз кылуу болуп саналаарын билдирди.
Н.Шайлдабекова Кыргызстандагы саясий системанын туруктуу өнүгүшүнүн негизи болгон, шайлоо системасын реформалоодо ар тараптуу колдоо көрсөткөн Европа Союзунун институттары менен өнөктөш болуп кызматташуунун маанилүү ролун белгиледи.
Европа Союзунун Атайын өкүлү П.Буриан Кыргыз Республикасынын Президенти кызматына талапкерлерге бирдей шарт түзүү, шайлоонун ишенимдүүлүгүн жана ачык айкындыгын камсыз кылуу боюнча шайлоону уюштурууну өркүндөтүү ишинде кыргыз тараптын аракетине оң баа берди: «Биз демократиялык институттарды жана процесстерди курууда Кыргызстан башка мамлекеттерге үлгү болуп калышын чын дилимден каалайм,”- деди.
Ошондой эле П.Буриан Кыргызстандагы шайлоо системасындагы реформалардын алга жылышына мындан ары да көмөк көрсөтүп, колдоону уланта берээрине ишендирди.
Жолугушууга КРдагы Европа Союзу өкүлчүлүгүнүн саясат, басма сөз жана маалымат бөлүмүнүн башчысы Яап Ора, Европа Союзунун атайын өкүлүнүн саясий кеңешчиси Кристин Хельтге катышты.
КР БШК аппаратынын маалыматтык бөлүмү
Кененирээк билүү >>
Борбордук шайлоо комиссиясы эл аралык 75 байкоочуну аккредитациядан өткөрдү
Кыргыз Республикасынын Шайлоо жана референдум өткөрүү боюнча борбордук шайлоо комиссиясы эл аралык 75 байкоочуну аккредитациядан өткөрдү.
Европа Коопсуздук боюнча Кызматташуу Уюмунун Парламенттик Ассамблеясынын (ЕККУ) жана Европа Кеңешинин Парламенттик Ассамблеясынын өкүлдөрү эл аралык байкоочу катары аккредитациядан өттү. Бардыгы болуп 75 эл аралык байкоочу аккредитацияланды.
2017-жылдын 26-сентябрына карата Борбордук шайлоо комиссиясынан дүйнөнүн 50 мамлекетинен 315 эл аралык байкоочу жана 37 эл аралык уюм аккредитациядан өттү.
Эл аралык байкоочулардын толук тизмеси менен бул шилтеме боюнча таанышсаңыздар болот.
КР БШК аппаратынын маалыматтык бөлүмү
Кененирээк билүү >>
Ош облусунун Араван районундагы С.Юсупов атындагы айыл өкмөтүнүн башчысын шайлоо дайындалды
Бүгүн, 2017-жылдын 26-сентябрында Ош облусунун Араван районундагы С.Юсупов атындагы айыл өкмөтүнүн башчысын мөөнөтүнөн мурда шайлоо дайындоо боюнча токтом кабыл алынды.
Мурун, КР БШКнын 2017-жылдын 14-июндагы №149-токтому менен С.Юсупов айыл өкмөтүнүн башчысын шайлоо 2017-жылдын 3-июлуна дайындалган.
2017-жылдын 3-июлунда С.Юсупов атындагы айылдык кеңешинин депутаттарынын кворуму болбогондуктан Араван районундагы С.Юсупов атындагы айыл өкмөтүнүн башчысын шайлоо өтпөй калган.
2017-жылдын 6-июлунда КР БШКнын №206-токтому менен Ош облусунун Араван районунун С.Юсупов атындагы айыл өкмөтүнүн башчысын мөөнөтүнөн мурда шайлоо 2017-жылдын 20-июлуна дайындалган.
Ошол эле учурда Кыргыз Республикасынын шайлоо жана референдум өткөрүү боюнча борбордук комиссиясына Ош облусунун Араван районунун С.Юсупов атындагы айылдык кеңешинин депутаттарынан атынан 2017-жылдын 20-июлунда дайындалган Ош облусунун Араван районундагы С.Юсупов атындагы айыл өкмөт башчысын шайлоону кийинкиге жылдыруу боюнча С.Юсупов айылдык кеңешинин депутаттарынан атынан кайрылуу түшкөн.
Кайрылууга ылайык, мурун 2017-жылдын 3-июлуна дайындалган Ош облусунун Араван районундагы С.Юсупов атындагы айыл өкмөт башчысын шайлоо кворумдун жоктугунан өтпөй калган.
Кворумдун жоктугунун башкы себептеринин бири, Ош облусунун Араван районундагы С.Юсупов атындагы айылдык кеңешинин депутаты Н.С.Алимовдун ыйгарым укуктарын мөөнөтүнөн мурда токтотуу жана депутаттык мандатты алмаштыруу маселеси боюнча талаш-тартыш болду.
Талаш-тартыш жөнгө салынгандан кийин Ош облусунун Араван районунун С.Юсупов атындагы айыл өкмөт башчысын шайлоо 2017-жылдын 10-октябрында саат 9:00дөн 12:00гө чейин мурунку каттоодон өткөн талапкерлер менен өткөрүү дайындалды.
КР БШК аппаратынын маалыматтык бөлүмү
Кененирээк билүү >>
Акыркы жаңылыктар
18.11.2026
Кыргызстанда шайлоо системасы жалпы республикалык тестирлөөдөн өтүүдө
17.11.2026
КР БШКсы Rise Up Kyrgyzstan жаштар демилгелүү тобу менен кызматташуу жөнүндө меморандумга кол койду
13.11.2026
Кыргыз Республикасынын Президентинин кызмат ордуна талапкерлерди көрсөтүү мөөнөтү аяктады
12.11.2026
КР БШКсы Президенттин кызмат ордуна талапкерлердин ыйгарым укуктуу өкүлдөрүн каттады
12.11.2026
КР БШКсы жергиликтүү кеңештердин бир катар депутаттарынын ыйгарым укуктарын мөөнөтүнөн мурда токтотту
12.11.2026
Бишкек аймактык шайлоо комиссиясынын курамына өзгөртүүлөр киргизилди