Башкы
Жаңылыктар
Жаңылыктар
КР БШК жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган мандаттарды өткөрүп берүү тууралуу токтом кабыл алды
2018-жылдын 27-февралында, КР БШК Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды шайланган депутаттардан кийин турган депутаттыкка талапкерлерге өткөрүп берүү жөнүндөгү Араван, Кара-Кулжа, Бакай-Ата, Талас шаардык, Түп, Лейлек, Нарын шаардык жана Майлуу-Суу аймактык шайлоо комиссияларынын чечимдерин бекитүү тууралуу токтом кабыл алды.
Тактап айтканда:
-Ош облусунун Араван районунун Мангыт айылдык кеңешиндеги У. Бегматов өз каалоосу менен депутаттык ыйгарым укуктарын токтотту, мандат шайланган депутаттан кийинки талапкерге –ветеринар К. Жороевге өткөрүп берилди;
-Ош облусунун Кара-Кулжа районунун Кеӊеш айылдык кеңешиндеги каза болгодугуна байланыштуу К. Рысбековдун депутаттык ыйгарым укуктары токтотулду, мандат кийинки талапкер – жайыт комитетинин төрагасы Э. Чымыновго өткөрүп берилди;
-Талас облусунун Бакай-Ата районунун Ленинполь айылдык кеңешинде депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу Н. Коошбаевдин ыйгарым укуктары токтотулуп, мандат кийинки талапкер – РЭСтин диспетчери А. Муратбековго өткөрүп берилди;
-Талас облусунун Талас шаардык кеңешиндеги “Мекеним Кыргызстан” саясий партиясынан А. Жайнаковдун каза болгодугуна байланыштуу депутаттык ыйгарым укуктары токтотулду, мандат шайланган депутаттан кийинки талапкерге – убактылуу иштебеген К. Токторбаевге өткөрүп берилди;
-Ысык-Көл облусунун Түп районунун Тогуз-Булак айылдык кеңешиндеги Т. Ниязов өз каалоосу менен депутаттык ыйгарым укуктарын токтотту, мандат шайланган депутаттан кийинки талапкерге – дыйкан чарбанын мүчөсү Н. Алиевге өткөрүп берилди;
-Ысык-Көл облусунун Түп районунун Ысык-Көл айылдык кеңешинде депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу Т. Рыскуловдун ыйгарым укуктары токтотулуп, мандат кийинки талапкер – дыйкан чарбанын мүчөсү Б. Байсеркеевге өткөрүп берилди;
-Ысык-Көл облусунун Түп районунун Ысык-Көл айылдык кеңешинде депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу Азамат уулу Адилеттин ыйгарым укуктары токтотулуп, мандат кийинки талапкер – дыйкан чарбанын мүчөсү Б. Бейшекеевге өткөрүп берилди;
-Баткен облусунун Лейлек районунун Ак-Суу айылдык кеңешиндеги А. Шамшидинов өз каалоосу менен депутаттык ыйгарым укуктарын токтотту, мандат шайланган депутаттан кийинки талапкерге – РЭСтин контролеру Дж. Ахматовго өткөрүп берилди;
-Нарын облусунун Нарын шаардык кеңешиндеги “Ала-Тоо Ынтымагы” саясий партиясынан М. Жусаев өз каалоосу менен депутаттык ыйгарым укуктарын токтотту, мандат шайланган депутаттан кийинки талапкерге – НГУнун декандын орун басары Чоробек к. А. өткөрүп берилди;
-Жалал-Абад облусунун Майлуу-Суу шаардык кеңешиндеги “КСДП” саясий партиясынан И. Айдаралиев өз каалоосу менен депутаттык ыйгарым укуктарын токтотту, мандат шайланган депутаттан кийинки талапкерге – “МС ЭЛ” ЖЧК, газ-энергетика кызматынын жетекчиси А. Тугеловго өткөрүп берилди.
КР БШК аппаратынын маалыматтык бөлүмү
Кененирээк билүү >>
Үч айыл өкмөт башчысынын шайлоосу дайындалды
Үч айыл өкмөт башчысынын шайлоосу дайындалды:
-Чүй облусунун Панфилов районунун Вознесеновка айыл өкмөтү;
-Нарын облусунун Кочкор районунун Кочкор айыл өкмөтү;
-Чүй облусунун Кемин районунун Жаңы-Алыш айыл өкмөтү.
2018-жылдын 27- февралында КР БШК айрым жергиликтүү өз алдынча башкаруу органдарынын аткаруу бийлигинин башчыларын шайлоосун дайындоо тууралуу токтомду кабыл алды.
Чүй облусунун Панфилов райондук мамлекеттик администрациясынын башчысы – акиминин 2018-жылдын 7-февралындагы № 19-буйругу менен Вознесеновка айыл өкмөтүнүн башчысы Эралиев Толонаалы Кадышович, Вознесеновка айылдык кеңешинин 2018-жылдын 10-январындагы № 48/XIII-1-VII токтомунун негизинде, ээлеген кызматынан бошотулган.
Нарын облусунун Кочкор райондук мамлекеттик администрациясынын башчысы – акиминин 2018-жылдын 21-февралындагы № 01-б буйругу менен Кочкор айыл өкмөтүнүн башчысы Исраилов Мирлан Мажитович, өзү берген арызынын негизинде, ээлеген кызматынан бошотулган.
2018-жылдын 24-февралына дайындалган Чүй облусунун Кемин районунун Жаңы-Алыш айыл өкмөтүнүн башчысын шайлоо катталган талапкерлердин бири да депутаттардын добуштарынын зарыл болгон санын албай калгандыгына байланыштуу өткөн жок.
Чүй облусунун Панфилов районунун Вознесеновка, Нарын облусунун Кочкор районунун Кочкор айыл өкмөттөрүнүн башчыларын шайлоо 2018-жылдын 16-мартына дайындалсын жана саат 9-00дөн 12-00гө чейин өткөрүлөт.
Ошондой эле, Чүй облусунун Кемин районунун Жаңы-Алыш айыл өкмөтүнүн башчысын жаңы талапкерлерди көрсөтүү менен, кайра шайлоо 2018-жылдын 13-мартына дайындалсын жана саат 9-00дөн 12-00гө чейин өткөрүлөт.
"Жергиликтүү өз алдынча башкаруу жөнүндө" Кыргыз Республикасынын Мыйзамынын 48-беренесине ылайык жогорку билими жана мамлекеттик же болбосо муниципалдык кызматта 2 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбакер субъекттердин жетекчилик кызматтарында 3 жылдан кем эмес иш стажы бар аракетке жөндөмдүү Кыргыз Республикасынын жараны айыл өкмөтүнүн башчысы боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны айыл өкмөтүнө башчы болушу мүмкүн эмес.
Шайлоону Кыргыз Республикасынын мыйзамына ылайык уюштуруп, өткөрүү милдети Панфилов, Кочкор жана Кемин аймактык шайлоо комиссиясына тапшырылды.
КР БШК аппаратынын маалыматтык бөлүмү
Кененирээк билүү >>
Кыргыз Республикасынын шайлоо жана референдум өткөрүү боюнча борбордук комиссиясы мамлекеттик ишмер Омуралиев Эсенгул Касымовичтин мезгилсиз дүйнөдөн кайткандыгына байланыштуу терең кайгыруу менен көӊүл айтат
Кыргыз Республикасынын шайлоо жана референдум өткөрүү боюнча борбордук комиссиясы мамлекеттик ишмер Омуралиев Эсенгул Касымовичтин мезгилсиз дүйнөдөн кайткандыгына байланыштуу терең кайгыруу менен көӊүл айтат.
Кыргыз Республикасынын Шайлоо жана референдум өткөрүү боюнча борбордук комиссиясынын эмгек жамааты КР БШКнын Тоӊ АШКсындагы атайын өкүлү Омуралиев Бактыбек Касымовичтин агасы Омуралиев Эсенгул Касымовичтин мезгилсиз дүйнөдөн кайткандыгына байланыштуу терең кайгыруу менен көңүл айтып, орду толгус аза-кайгысын тең бөлүшөт.
Кененирээк билүү >>
Таш-Көмүр, Кара-Балта шаарларынын жана эки айыл өкмөтүнүн шайлоолору дайындалды
Төмөндөгү шайлоолор дайындалды:
- Жалал-Абад облусунун Таш-Көмүр шаарынын мэрин шайлоо;
- Чүй облусунун Жайыл районундагы Кара-Балта шаарынын мэрин шайлоо;
- Нарын облусунун Ак-Талаа районундагы Тоголок-Молдо айыл өкмөтүн шайлоо;
- Ысык-Көл облусунун Ысык-Көл районундагы Ананьево айыл өкмөтүн шайлоо.
2018-жылдын 20-февралында бир катар жергиликтүү өз алдынча башкаруунун аткаруучу органдарынын башчыларын шайлоолорду дайындоо боюнча КР БШКнын токтому кабыл алынды.
2018-жылдын 19-февралында Жалал-Абад облусунун 2018-жылдын 28-январында жаңы шайланган Таш-Көмүр шаардык кеңешинин биринчи сессиясы болуп өттү. Кеңештин төрагасы болуп Сансызбаев Сулайман Самакович шайланды.
2018-жылдын 19-февралында Чүй облусунун Жайыл районундагы 2018-жылдын 28-январында жаңы шайланган Кара-Балта шаардык кеңешинин биринчи сессиясы болуп өттү. Кеңештин төрагасы болуп Аалыев Алмаз Аалыевич шайланды.
2018-жылдын 19-февралында Нарын облусунун Ак-Талаа районундагы 2018-жылдын 28-январында жаңы шайланган Тоголок-Молдо айылдык кеңешинин биринчи сессиясы болуп өттү. Кеңештин төрагасы болуп Исмаилова Назгүл Карыбековна шайланды.
Ошондой эле, Ысык-Көл облусунун Ысык-Көл райондук мамлекеттик администрациясынын башчысы – акиминин 2018-жылдын 16-февралындагы №3/3 буйругу менен Ананьев айыл өкмөтүнүн башчысы Супаев Эмиль Бейшеналиевич өзүнүн берген арызынын негизинде кызматынан бошотулган.
Жалал-Абад облусундагы Таш-Көмүр шаарынын жана Чүй облусунун Жайыл районундагы Кара-Балта шаарынын мэрлерин, Нарын облусунун Ак-Талаа районундагы Тоголок-Молдо айыл өкмөтүнүн жана Ысык-Көл облусунун Ысык-Көл районундагы Ананьево айыл өкмөтүнүн башчыларын шайлоо 2018-жылдын 7-мартына саат 9-00дан 12-00гө чейин өткөрүү дайындалды.
Таш-Көмүр, Жайыл, Ак-Талаа жана Ысык-Көл аймактык шайлоо комиссияларына шайлоону Кыргыз Республикасынын мыйзамдарында бекитилген тартипте өткөрүү тапшырылды.
Маалымдама:
КР БШКнын 2017-жылдын 6-январындагы №3 токтому менен бекитилген “Шаардын мэрин шайлоо тартиби жөнүндө” Жобого ылайык, шаардын мэри тиешелүү шаардык кеңештин депутаттары тарабынан алардын чакырылыш мөөнөтүнө жашырын добуш менен шайланат.
Шаардын мэрине талапкерлерди көрсөтүүгө шаардык кеңештин депутаттык фракциялары жана Кыргыз Республикасынын Премьер-Министри укуктуу.
Аракетке жөндөмдүү, жогорку билимдүү жана мамлекеттик же муниципалдык кызматта 3 жылдан кем эмес иш-стажысы бар, же болбосо мамлекеттик билим берүү, саламаттык сактоо мекемелеринде же жеке менчик түрүндөгү уюмдарда, мекемелерде жана чарба жүргүзүүчү субъектилерде жетекчилик кызматта 5 жылдан кем эмес иш-стажысы бар Кыргыз Республикасынын жараны шаардын мэри боло алат.
Шаардын мэрине талапкерди каттоо үчүн шаардын мэрине талапкерди көрсөткөн шаардык кеңештин депутаттар фракциясы, Кыргыз Республикасынын Премьер-Министри шайлоо күнүнө чейин 5 жумушчу күндөн кечиктирбестен тиешелүү аймактык шайлоо комиссиясына төмөнкү документтерди берүүгө тийиш:
1) шаардын мэринин кызмат ордуна талапкерди көрсөтүү жөнүндө чечими;
2) талапкердин көрсөтүлүүгө макулдугу жөнүндө арызы;
3) талапкердин фамилиясы, аты-жөнү, туулган күнү, иштеген жери, ээлеген кызматы (ишинин түрү) жана жашаган жерин көрсөткөн өмүр баянынын маалыматтары;
4) шаардын мэринин кызмат ордуна талапкердин, бул жобонун I бөлүмүндөгү 4-пунктунда көрсөтүлгөн тиешелүү билими жана иш-стажысы бар экендигин тастыктаган документтер;
5) шаардын мэринин кызмат ордуна талапкердин соттолбогондугун же мыйзамда белгиленген тартипте соттуулугу соттун чечими менен алынып салынгандыгы же жоюлгандыгы тууралуу маалым кат.
Тийиштүү аймактык шайлоо комиссиясы документтер кабыл алынгандан тартып үч календарлык күндүн ичинде шаардын мэринин кызмат ордуна талапкерди көрсөтүү тартибинин “Жергиликтүү өз алдынча башкаруу жөнүндө” Кыргыз Республикасынын Мыйзамына жана ушул Жобонун талаптарына ылайык келүү тартибин текшерет жана талапкерди каттоо жөнүндө же каттоодон баш тартуу жөнүндө жүйөлүү чечим кабыл алат.
Эгерде аймактык шайлоо комиссиясы шаардын мэринин кызмат ордуна талапкерди каттоо үчүн тоскоол болуп саналган талапкердин документтериндеги ылайык келбөөчүлүктү аныктаса, документтер кабыл алынгандан тартып 24 сааттын ичинде аймактык шайлоо комиссиясы талапкерди көрсөткөн шаардык кеңештин депутаттык фракциясына, талапкерди жылдырган Кыргыз Республикасынын Премьер-министрине ылайык келбөөчүлүк туурасында маалымдоого милдеттүү.
Талапкерди шаардын мэрине көрсөткөн шаардык кеңештин депутаттык фракциясы, Кыргыз Республикасынын Премьер-министри, маалыматты алган учурдан тартып, 48 сааттын ичинде зарыл өзгөртүүлөрдү киргизүүгө жана оңдолгон документтерди тийиштүү аймактык шайлоо комиссиясына берүүгө укуктуу.
Шаардын мэринин кызмат ордуна талапкерди каттоодон баш тартуу жөнүндө чечим кабыл алынган учурда тийиштүү аймактык шайлоо комиссиясы ал кабыл алынган учурдан тартып бир сутканын ичинде талапкерди шаардын мэринин кызмат ордуна көрсөткөн шаардык кеңештин депутаттык фракциясына, Кыргыз Республикасынын Премьер-министрине, аймактык шайлоо комиссиясынын баш тартуусунун негизи баяндалган чечиминин көчүрмөсүн берүүгө милдеттүү.
Шаардын мэринин кызмат ордуна талапкерди каттоодон баш тартууга төмөнкүлөр негиз болот:
1) “Жергиликтүү өз алдынча башкаруу жөнүндө” Кыргыз Республикасынын Мыйзамында каралган көрсөтүү тартибин сактабагандык;
2) талапкердин пассивдүү шайлоо укугунун жоктугу;
3) талапкердин башка мамлекеттин жарандыгына тиешелүү экендиги;
4) талапкерди шаардын мэринин кызмат ордуна көрсөткөн субьектилер тарабынан (шаардык кеңештин депутаттык фракциясы, Кыргыз Республикасынын Премьер-министри) “Жергиликтүү өз алдынча башкаруу жөнүндө” Кыргыз Республикасынын Мыйзамынын 53-беренесинин 1-бөлүгүндө жана ушул Жобонун II бөлүмүнүн 9-пунктунда көрсөтүлгөн каттоо үчүн бардык зарыл документтерди бербөө;
Талапкерди шаардын мэринин кызмат ордуна каттоодон баш тартуу жөнүндө чечим Борбордук шайлоо комиссиясына же сотко даттанылышы мүмкүн.
Шаардын мэринин кызмат ордуна талапкер каалаган учурда, бирок добуш берүү күнүнө чейин 2 күндөн кечиктирбестен тиешелүү аймактык шайлоо комиссиясына жазуу жүзүндө арыз берүү менен шайлоого андан ары катышуудан баш тартууга укуктуу. Бул учурда талапкерди шаардын мэринин кызмат ордуна каттаган тиешелүү аймактык шайлоо комиссиясы талапкердин каттоосун жокко чыгаруу жөнүндө чечим кабыл алууга милдеттүү.
Талапкерди шаардын мэринин кызмат ордуна көрсөткөн шаардык кеңештин депутатттык фракциясы, Кыргыз Республикасынын Премьер-министри бардык учурда, бирок добуш берүү күнүнө чейин 2 календарлык күндөн кечиктирбестен, тиешелүү аймактык шайлоо комиссиясына жазуу жүзүндө арыз берүү менен талапкерди кайра чакыртып алууга укуктуу. Мындай учурда тийиштүү талапкерди шаардын мэринин кызмат ордуна каттаган аймактык шайлоо комиссиясы талапкердин каттоосун жокко чыгаруу жөнүндө чечим кабыл алууга милдеттүү.
Ошондой эле, КР БШКнын 2017-жылдын 6-январындагы №3 токтому менен бекитилген “Айыл өкмөтүнүн башчыларын шайлоо тартиби жөнүндө” Жобого ылайык, айыл өкмөтүнүн башчысы тиешелүү айылдык кеңештин депутаттары тарабынан алардын чакырылыш мөөнөтүнө жашырын добуш менен шайланат.
Айыл өкмөтүнүн башчылыгына талапкерлерди көрсөтүүгө айылдык кеңештин депутаттары (депутаты), ошондой эле райондук мамлекеттик администрациянын башчысы-аким (мындан ары райондун акими) укуктуу.
Аракетке жөндөмдүү, жогорку билимдүү жана мамлекеттик же муниципалдык кызматта 2 жылдан кем эмес иш-стажысы бар, же болбосо мамлекеттик билим берүү, саламаттык сактоо мекемелеринде же жеке менчик түрүндөгү уюмдарда, мекемелерде жана чарба жүргүзүүчү субъектилерде жетекчилик кызматта үч жылдан кем эмес иш-стажысы бар Кыргыз Республикасынын жараны айыл өкмөтүнүн башчысы боло алат.
Жасалган кылмышы боюнча соттуулугу бар, же мыйзамда көрсөтүлгөн тартипте соттуулугу алынбаган же жоюлбаган Кыргыз Республикасынын жараны айыл өкмөтүнүн башчысы боло албайт.
Айыл өкмөтүнүн башчысын шайлоо Борбордук шайлоо комиссиясы тарабынан жаңы шайланган айылдык кеңештин биринчи отурумунан 10 күндөн кеч эмес мөөнөттө дайындалат.
Айыл өкмөтүнүн башчысын шайлоо аймактык шайлоо комиссиясы тарабынан шайлоо дайындалган күндөн баштап 20 күндүн ичинде өткөрүлөт.
Борбордук шайло комиссиясынын төрагасы тиешелүү аймактык шайлоо комиссиясына айыл өкмөтүнүн башчысын шайлоону координациялоо жана байкоо жүргүзүү үчүн Борбордук шайлоо комиссиясынын мүчөсүн жөнөтүүгө укуктуу.
Айыл өкмөтүнүн башчылыгына талапкерди каттоо үчүн талапкерди көрсөткөн айылдык кеңештин депутаттары (депутаты), ошондой эле айыл өкмөтүнүн башчылыгына талапкерди сунуш кылган райондун акими, шайлоо күнүнөн 5 күндөн кечиктирбестен тиешелүү аймактык шайлоо комиссиясына төмөнкү документтерди берүүгө тийиш:
1) айыл өкмөтүнүнүн башчылыгына талапкерди көрсөтүү же сунуштоо жөнүндө жазылган чечим;
2) талапкердин көрсөтүлүүгө макулдугу жөнүндө арызы;
3) талапкердин фамилиясы, аты-жөнү, туулган күнү, иштеген жери, ээлеген кызматы (ишинин түрү) жана жашаган жерин көрсөткөн өмүр баянынын маалыматтары;
4) шаардын мэринин кызмат ордуна талапкердин, бул жобонун I бөлүмүндөгү 4-пунктунда көрсөтүлгөн тиешелүү билими жана иш-стажысы бар экендигин тастыктаган документтер;
5) айыл өкмөтүнүн башчылыгына талапкердин соттолбогондугу жөнүндө маалым кат, же соттуулугу алынып салынгандыгы же мыйзамда белгиленген тартипте жоюлгандыгы тууралуу соттун чечими.
Тийиштүү аймактык шайлоо комиссиясы документтер кабыл алынгандан тартып үч календарлык күндүн ичинде айыл өкмөтүнүн башчысы кызмат ордуна талапкерди көрсөтүү тартибинин “Жергиликтүү өз алдынча башкаруу жөнүндө” Кыргыз Республикасынын Мыйзамына жана ушул Жобонун талаптарына ылайык келүү тартибин текшерет жана талапкерди каттоо жөнүндө же каттоодон баш тартуу жөнүндө жүйөлүү чечим кабыл алат.
Эгерде аймактык шайлоо комиссиясы шаардын мэринин кызмат ордуна талапкерди каттоо үчүн тоскоол болуп саналган талапкердин документтериндеги ылайык келбөөчүлүктү аныктаса, документтер кабыл алынгандан тартып 24 сааттын ичинде аймактык шайлоо комиссиясы талапкерди көрсөткөн айылдык кеңештин депутаттарына (депутатына), ошондой эле айыл өкмөтүнүн башчылыгына талапкерди сунуш кылган райондун акимине ылайык келбөөчүлүк туурасында маалымдоого милдеттүү.
Талапкерди көрсөткөн айылдык кеңештин депутаттары (депутаты), ошондой эле айыл өкмөтүнүн башчылыгына талапкерди сунуш кылган райондун акими, маалыматты алган учурдан тартып 48 сааттын ичинде зарыл өзгөртүүлөрдү киргизүүгө жана оңдолгон документтерди тийиштүү аймактык шайлоо комиссиясына берүүгө укуктуу.
Айыл өкмөтүнүн башчысынын кызмат ордуна талапкерди каттоодон баш тартуу жөнүндө чечим кабыл алынган учурда тийиштүү аймактык шайлоо комиссиясы ал кабыл алынган учурдан тартып бир сутканын ичинде талапкерди айыл өкмөтүнүн башчысынын кызмат ордуна талапкерди көрсөткөн айылдык кеңештин депутаттарына (депутатына), ошондой эле айыл өкмөтүнүн башчысынын кызмат ордуна талапкерди сунуштаган райондун акимине, аймактык шайлоо комиссиясынын баш тартуусунун негизи баяндалган чечиминин көчүрмөсүн берүүгө милдеттүү.
Айыл өкмөтүнүн башчысынын кызмат ордуна талапкерди каттоодон баш тартууга төмөнкүлөр негиз болот:
1) “Жергиликтүү өз алдынча башкаруу жөнүндө” Кыргыз Республикасынын Мыйзамында каралган көрсөтүү тартибин сактабагандык;
2) талапкердин пассивдүү шайлоо укугунун жоктугу;
3) талапкердин башка мамлекеттин жарандыгына тиешелүү экендиги;
4) талапкерди айыл өкмөтүнүн башчысынын кызмат ордуна көрсөткөн субьектилер тарабынан (айылдык кеңештин депутаттары, депутаты, райондун акими) “Жергиликтүү өз алдынча башкаруу жөнүндө” Кыргыз Республикасынын Мыйзамынын 53-беренесинин 1-бөлүгүндө жана ушул Жобонун II бөлүмүнүн 9-пунктунда көрсөтүлгөн каттоо үчүн бардык зарыл документтерди бербөө;
Талапкерди айыл өкмөтүнүн башчысынын кызмат ордуна каттоодон баш тартуу жөнүндө чечим Борбордук шайлоо комиссиясына же сотко даттанылышы мүмкүн.
Тиешелүү аймактык шайлоо комиссиясы бардык талапкерлерди каттагандан кийин 2 календардык күн ичинде айыл өкмөтүнүн башчысын шайлоону уюштурат.
Айыл өкмөтүнүн башчысынын кызмат ордуна талапкер каалаган учурда, бирок добуш берүү күнүнө чейин 2 күндөн кечиктирбестен тиешелүү аймактык шайлоо комиссиясына жазуу жүзүндө арыз берүү менен шайлоого андан ары катышуудан баш тартууга укуктуу. Бул учурда талапкерди айыл өкмөтүнүн башчысынын кызмат ордуна каттаган тиешелүү аймактык шайлоо комиссиясы талапкердин каттоосун жокко чыгаруу жөнүндө чечим кабыл алууга милдеттүү.
Талапкерди айыл өкмөтүнүн башчысынын кызмат ордуна көрсөткөн айылдык кеңештин депутаттары (депутаты), айыл өкмөтүнүн башчысынын кызмат ордуна талапкерди сунуш кылган райондун акими бардык учурда, бирок добуш берүү күнүнө 2 календардык күндөн кечиктирбестен, тиешелүү аймактык шайлоо комиссиясына жазуу жүзүндө арыз берүү менен талапкерди кайра чакыртып алууга укуктуу. Мындай учурда тийиштүү талапкерди айыл өкмөтүнүн башчысынын кызмат ордуна каттаган аймактык шайлоо комиссиясы талапкердин каттоосун жокко чыгаруу жөнүндө чечим кабыл алууга милдеттүү.
КР БШКнын аппаратынын маалымат бөлүмү
Кененирээк билүү >>
“Ата-Мекен” саясий партиясынан Кыргыз Республикасынын Жогорку Кеңешинин депутаттыгына катталган талапкерлеринин тизмесинен Н. Бакированы чыгаруу жөнүндө чечим кабыл алынды
2018-жылдын 20 февралында, КР БШК «Ата-Мекен» саясий партиясынан Кыргыз Республикасынын Жогорку Кеңешинин депутаттыгына катталган талапкерлеринин тизмесинен жеке арызынын негизинде Н. Ж. Бакированы чыгаруу жөнүндө чечим кабыл алынды
КР БШК аппаратынын маалыматтык бөлүмү
Кененирээк билүү >>
Айыл өкмөтүнүн башчыларын жана шаарлардын мэрлерин шайлоо үчүн тиешелүү жергиликтүү кеңештердин депутаттарынын көпчүлүгү катышуусу жетиштүү
Айыл өкмөтүнүн башчыларын жана шаарлардын мэрлерин шайлоо үчүн жергиликтүү кеңештин депутаттарынын көпчүлүгү катышуусу жетиштүү. Кыргыз Республикасынын тиешелүү Мыйзамы КР Жогорку Кеңеши тарабынан 15-февралда кабыл алынып, 16-февралда КР Президенти тарабынан колдоого алынды (жарыяланды жана күчүнө кирди). Кабыл алынган КРнын “Жергиликтүү өз алдынча башкаруу” жөнүндө Мыйзамына өзгөртүүлөргө ылайык, жергиликтүү өз алдынча башкаруунун аткаруучу органдарынын башчыларын шайлоолор, эгерде жергиликтүү кеңештин депутаттарынын мурдагы редакциядагыдай үчтөн экиси эмес, көпчүлүк бөлүгү катышса шайлоо өттү деп табылат.
Бул өзгөртүүлөр жергиликтүү өз алдынча башкаруунун аткаруучу органдарынын башчыларын (айыл өкмөтүнүн башчыларын жана шаарлардын мэрлерин) жергиликтүү кеңештин депутаттары тарабынан шайлоодо пайда болуп жаткан терс натыйжалардын алдын алууга багытталган. Акыркы эки жылда 50 жергиликтүү кеңештердин депутаттарын мөөнөтүнөн мурда шайлоо болуп өттү, алардын көпчүлүгү жергиликтүү өз алдынча башкаруунун аткаруучу органдарынын башчыларын шайлоодо кворумдун жок болуп калгандыгынан жергиликтүү кеңешти таркатуунун натыйжасында болду. 2018-жылдын 28-январында болуп өткөн жергиликтүү кеңештердин депутаттарын акыркы шайлоодо жергиликтүү өз алдынча башкаруунун аткаруучу органдарынын башчыларын шайлоодо бир нече ирет кворуму жок болуп калгандыктан КР Президентинин Жарлыгы менен таркатылган 9 жергиликтүү кеңеште мөөнөтүнөн мурда шайлоо болуп өттү. Жогоруда көрсөтүлгөн себептер боюнча өткөрүлгөн мөөнөтүнөн мурда шайлоолор орчундуу мамлекеттик финансылык каражаттардын жана адам ресурстарынын жумшалуусуна алып келди, а бул болсо жергиликтүү өз алдынча башкаруу органдарынын ишмердүүлүгүнө терс таасир этет. Жергиликтүү өз алдынча башкаруунун аткаруучу органдарынын башчыларынын шайланбай калуусунун натыйжасында жергиликтүү коомчулуктун көйгөйлөрү узак мезгил бою чечилбей калып жатты.
“Жергиликтүү өз алдынча башкаруу жөнүндөгү” Кыргыз Республикасынын Мыйзамына өзгөртүүлөрдү киргизүү жөнүндө 2018-жылдын 15-февралында кабыл алынган Мыйзамдын ченемдерин ишке ашыруу максатында, бир топ жогорку юридикалык күчкө ээ болгон укуктук ченемдик актылардын негизинде жана аларды аткаруу үчүн, “Шаардын мэрин шайлоо тартиби жөнүндө”, “Айыл өкмөтүнүн башчыларын шайлоо тартиби жөнүндө” КР БШКнын Жоболоруна тиешелүү өзгөртүүлөр киргизилди.
КР БШКнын аппаратынын маалымат бөлүмү
Кененирээк билүү >>
Жети айыл өкмөт башчысынын шайлоосу дайындалды
Жети айыл өкмөт башчысынын шайлоосу дайындалды:
- Жалал-Абад облусунун Аксы районунун Кара-Жыгач айыл өкмөтү;
- Чүй облусунун Кемин районунун Кара-Булак айыл өкмөтү;
- Чүй облусунун Кемин районунун Көк-Ойрок айыл өкмөтү;
- Чүй облусунун Москва районунун Александровка айыл өкмөтү;
- Ысык-Көл облусунун Тоӊ районунун Кажы-Сай айыл өкмөтү;
- Ош облусунун Кара-Суу районунун Ак-Таш айыл өкмөтү;
- Жалал-Абад облусунун Ала-Бука районунун Т.Балтагулов атындагы айыл өкмөтү.
2018-жылдын 17- февралында КР БШК айрым жергиликтүү өз алдынча башкаруу органдарынын аткаруу бийлигинин башчыларын шайлоосун дайындоо тууралуу токтомду кабыл алды.
2018-жылдын 13-февралына дайындалган Жалал-Абад облусунун Ала-Бука районунун Т.Балтагулов атындагы айыл өкмөтүнүн башчысын шайлоо биринчи турда бардык талапкерлер добуштардын тең санын алып калгандыгына байланыштуу өтпөй калды.
2018-жылдын 12-февралында жаңы шайланган (2018-жылдын, 28-январы) Жалал-Абад облусунун Аксы районунун Кара-Жыгач айылдык кеңешинин биринчи сессиясы өттү. Кеңештин төрагасы болуп Каратаев Эмилбек Балтабаевич шайланды.
2018-жылдын 12-февралында жаңы шайланган (2018-жылдын, 28-январы) Чүй облусунун Кемин районунун Кара-Булак айылдык кеңешинин биринчи сессиясы өттү. Кеңештин төрагасы болуп Кубалдиев Алмаз Медетович шайланды.
2018-жылдын 12-февралында жаңы шайланган (2018-жылдын, 28-январы) Ысык-Көл облусунун Тоӊ районунун Кажы-Сай айылдык кеңешинин биринчи сессиясы өттү. Кеңештин төрагасы болуп Омуров Рустам Курмангазиевич шайланды.
2018-жылдын 15-февралында жаңы шайланган (2018-жылдын, 28-январы) Чүй облусунун Москва районунун Александровка айылдык кеңешинин биринчи сессиясы өттү. Кеңештин төрагасы болуп Койчуманов Сталбек Урушбекович шайланды.
2018-жылдын 15-февралында жаңы шайланган (2018-жылдын, 28-январы) Чүй облусунун Кемин районунун Көк-Ойрок айылдык кеңешинин биринчи сессиясы өттү. Кеңештин төрагасы болуп Токомбаев Эржан Кемелович шайланды.
2018-жылдын 16-февралында жаңы шайланган (2018-жылдын, 28-январы) Ош облусунун Кара-Суу районунун Ак-Таш айылдык кеңешинин биринчи сессиясы өттү. Кеңештин төрагасы болуп Акимов Бекназар Таалайбекович шайланды.
"Жергиликтүү өз алдынча башкаруу жөнүндө" Кыргыз Республикасынын Мыйзамынын 49-беренесине ылайык айыл өкмөтүнүн башчыларын шайлоо Борбордук шайлоо комиссиясы тарабынан жаңы шайланган айылдык кеңештин биринчи сессиясынын күнүнөн тартып 10 календардык күндөн кечиктирбестен дайындалат жана аймактык шайлоо комиссиясы тарабынан шайлоо дайындалган күндөн тартып 20 календардык күндүн ичинде өткөрүлөт.
Жалал-Абад облусунун Аксы районунун Кара-Жыгач, Чүй облусунун Кемин районунун Кара-Булак, Көк-Ойрок, Москва районунун Александровка, Ысык-Көл облусунун Тоң районунун Кажы-Сай, Ош облусунун Кара-Суу районунун Ак-Таш айыл өкмөттөрүнүн башчыларын шайлоо 2018-жылдын 7-мартына дайындалды: Кара-Жыгач, Көк-Ойрок, Александровка, Кажы-Сай, Ак-Таш айыл өкмөттөрүнүн башчыларын шайлоо саат 9-00дөн 12-00гө чейин; Кара-Булак айыл өкмөтүнүн башчысын шайлоо саат 15-00дөн 18-00гө чейин өткөрүлөт.
Ошондой эле, Жалал-Абад облусунун Ала-Бука районунун Т.Балтагулов атындагы айыл өкмөтүнүн башчысын жаңы талапкерлерди көрсөтүү менен, кайра шайлоо 2018-жылдын 2- мартына дайындалды жана саат 9-00дөн 12-00гө чейин өткөрүлөт.
"Жергиликтүү өз алдынча башкаруу жөнүндө" Кыргыз Республикасынын Мыйзамынын 49-беренесине ылайык, айыл өкмөтүнүн башчысын шайлоо жергиликтүү кеңештин депутаттары тарабынан жашыруун добуш берүү жолу менен жүзөгө ашырылат.
"Жергиликтүү өз алдынча башкаруу жөнүндө" Кыргыз Республикасынын Мыйзамынын 48-беренесине ылайык жогорку билими жана мамлекеттик же болбосо муниципалдык кызматта 2 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбакер субъекттердин жетекчилик кызматтарында 3 жылдан кем эмес иш стажы бар аракетке жөндөмдүү Кыргыз Республикасынын жараны айыл өкмөтүнүн башчысы боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны айыл өкмөтүнө башчы болушу мүмкүн эмес.
Шайлоону Кыргыз Республикасынын мыйзамына ылайык уюштуруп, өткөрүү милдети Аксы, Кемин, Москва, Тоӊ, Кара-Суу жана Ала-Бука аймактык шайлоо комиссиясына тапшырылды.
КР БШК аппаратынын маалыматтык бөлүмү
Кененирээк билүү >>
КР БШК жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган мандаттарды өткөрүп берүү тууралуу токтом кабыл алды
2018-жылдын 17-февралында КР БШКнын отурумунда Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды шайланган депутаттардан кийин турган депутаттыкка талапкерлерге өткөрүп берүү жөнүндөгү Ош, Кара-Суу жана Ноокат аймактык шайлоо комиссияларынын чечимдерин бекитүү тууралуу токтом кабыл алды.
Тактап айтканда:
-Ош шаардык кеңешиндеги “Мекеним Кыргызстан” саясий партиясынан Ч. Аматов өз каалоосу менен депутаттык ыйгарым укуктарын токтотту, мандат шайланган депутаттан кийинки талапкерге – ОшМУнун улук окутуучусу О. Абдрахмановго өткөрүп берилди;
-Ош облусунун Кара-Суу районунун Шарк айылдык кеңешинде депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу И. Мамажановдун ыйгарым укуктары токтотулуп, мандат кийинки талапкер – “Тажибай” дыйкан чарбасынын башчысы М. Маматкуловго өткөрүп берилди;
- Ош облусунун Ноокен районунун Ноокен шаардык кеңешиндеги “Республика” саясий партиясынан Х. Абдуллаева өз каалоосу менен депутаттык ыйгарым укуктарын токтотту, мандат шайланган депутаттан кийинки талапкерге –“Фаят” дыйкан чарбасынын башчысы Р. Тешебаевге өткөрүп берилди;
-Ош облусунун Ноокен районунун Кок-Жар айылдык кеңешиндеги И. Калбаев өз каалоосу менен депутаттык ыйгарым укуктардын токтоттуу, мандат шайланган депутаттан кийинки талапкерге – Жайыт комитетинин төрагасы А. Карабаевге өткөрүп берилди.
КР БШК аппаратынын маалыматтык бөлүмү
Кененирээк билүү >>
Нарын облусунун Жумгал районунун Чаек айыл өкмөтүнүн башчысын шайлоодогу добуш берүүнүн жыйынтыктары жана шайлоонун натыйжалары тууралуу протоколдор бекитилди
2018-жылдын 17-февралындагы отурумунда 2018-жылдын 12-февралында өткөн Нарын облусунун Жумгал районунун Чаек айыл өкмөтүнүн башчысын шайлоо тууралуу протоколдору бекитилди.
Нарын облусунун Жумгал районунун Чаек айыл өкмөтүнүн шайланган башчысы болуп Чилпаков Темирбек Осмоналиевич таанылды.
Жумгал аймактык шайлоо комиссиясы шайланган башчысына белгиленген үлгүдөгү күбөлүктү тапшыруу жүктөлдү.
КР БШК аппаратынын маалыматтык бөлүмү
Кененирээк билүү >>
Кыргыз Республикасынын Шайлоо жана референдум өткөрүү боюнча Борбордук комиссиясынын эмгек жамааты Нусубалиев Абылгазы Бешкемпировичге көңүл айтат
Кыргыз Республикасынын Шайлоо жана референдум өткөрүү боюнча борбордук комиссиясынын эмгек жамааты КР БШКнын Талас аймактык шайлоо комиссиясындагы атайын өкүлү Нусубалиев Абылгазы Бешкемпировичтин атасы Нусубалиев Бешкемпир мезгилсиз дүйнөдөн кайткандыгына байланыштуу терең кайгыруу менен көңүл айтып, орду толгус аза-кайгысын тең бөлүшөт.
Кененирээк билүү >>
Кыргыз Республикасында шайлоо процесстерине жарандардын инклюзивдүүлүгүн жогорулатуу боюнча кабыл алынган чаралар жөнүндө үчүнчү айкын аналитикалык отчет
Кыргыз Республикасында шайлоо процесстерине жарандардын инклюзивдүүлүгүн жогорулатуу боюнча кабыл алынган чаралар жөнүндө үчүнчү айкын аналитикалык отчет Кыргыз Республикасы менен Европа биримдигинин ортосундагы Финансылык келишимди ишке ашыруунун алкагында “Шайлоо системасын реформалоо аркылуу демократияны бекемдөө (DCI-ASIE/2015/038-149) – секторун реформалоо гранты” Программасы боюнча (мындан ары – Программа) даярдалды. Программа Европа Комиссиясынын чечими менен 2015-жылдын декабрында кабыл алынып, кыргыз тарап 2016-жылдын 19-апрелинде Бишкек шаарында кол койгон. Кыргыз Республикасында демократиялуу шайлоо системасын куруу жана шайлоо процесстерине жана референдумдарга катышууга жарандардын максималдуу тартылуусу – Программанын алкагында жүргүзүлүп жаткан этаптык иштердин жыйынтыгы болуп калуусу керек.
Үчүнчү отчетто Кыргыз Республикасынын шайлоо системасына ишенимди мындан ары жогорулатууга жана Кыргыз Республикасындагы шайлоо процесстерине жарандардын жалпы инклюзивдүүлүгүн камсыз кылууга багытталган Кыргыз Республикасынын Шайлоо жана референдум өткөрүү боюнча борбордук комиссиясы менен Кыргыз Республикасынын Өкмөтүнүн алдындагы Мамлекеттик каттоо кызматынын биргелешкен ишмердүүлүгүнө жүргүзүлгөн талдоо берилген. Талдоо 2017-жылдын 15-октябрында болуп өткөн Кыргыз Республикасынын Президентин шайлоонун жыйынтыгы боюнча Бишкек жана Ош шаарлары, республиканын облустары боюнча бөлүнгөн, курак-жаш тайпаларын жана жынысын эске алуу менен даярдалган сандык көрсөткүчтөр боюнча даярдалган.
Үчүнчү отчет болуп өткөн Кыргыз Республикасынын Жогорку Кеңешинин депутаттарын шайлоонун (2015-жылдын 4-октябры), Кыргыз Республикасынын Конституциясына өзгөртүүлөрдү киргизүү боюнча Референдумдун (2016-жылдын 11-декабры) натыйжалары боюнча Мамлекеттик каттоо кызматы тарабынан жарыяланган Аналитикалык отчеттордун негизинде даярдалды. Үчүнчү отчет 2017-жылдын 15-октябрына карата түзүлгөн маалыматтарга негизделди.
Үчүнчү отчет БШКнын http://shailoo.gov.kg жана МККнын http://grs.gov.kg расмий сайттарына жарыяланды. Отчеттун кагаз түрү Кыргыз Республикасынын Өкмөтүнүн Аппаратына, Кыргыз Республикасынын Тышкы иштер министрлигине, Кыргыз Республикасынын Юстиция министрлигине, Кыргыз Республикасынын Финансы министрлигине жана башка кызыкдар тараптарга берилди.
Тиркеме
Кененирээк билүү >>
2018-жылдын 14-февралында аймактык шайлоо комиссияларынын резервин жана курамын түзүү боюнча чүчүкулак болуп өттү
2018-жылдын 14-февралында Кыргыз Республикасынын Шайлоо жана референдум өткөрүү боюнча борбордук комиссиясында саясий партиялар көрсөткөн аймактык шайлоо комиссияларынын мүчөлөрүнүн санынан каралгандан ашыкча сунушталган саны боюнча чүчүкулак болуп өттү.
Аймактык шайлоо комиссияларынын резервине саясий партиялардан көрсөтүлгөн талапкерлерден түшкөн документтерди объективдүү жана кылдат карап чыгуу максатында жумушчу топ түзүлүп, ага төмөнкүлөр кирди: А.Г.Бекматов – жумушчу топтун жетекчиси, КР БШКнын төрагасынын орун басары; М.А.Коңурбаев – КР БШКнын аппаратынын шайлоо процессин уюштуруу башкармалыгынын башчысы; А.Н.Өмүралиев – КР БШКнын аппаратынын шайлоо процессин уюштуруу башкармалыгынын шайлоолорду уюштурүү бөлүмүнүн башчысы; Э.Т.Мырзакматова - КР БШКнын аппаратынын шайлоо процессин уюштуруу башкармалыгынын шайлоолорду уюштурүү бөлүмүнүн эксперти; М.А.Камчибекова – КР БШКнын укуктук камсыздоо бөлүмүнүн башчысынын милдетин аткаруучу; Дамир к.А. – КР БШКнын мамлекеттик кызмат жана кадр иштери бөлүмүнүн эксперти.
Чүчүкулакта аймактык шайлоо комиссияларынын курамына жана резервине өз талапкерлерин көрсөткөн 24 саясий партиянын өкүлдөрү катышты.
«Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 19-беренесиндеги 1-бөлүгүнө ылайык, аймактык шайлоо комиссиялары эки жылдык мөөнөткө саясий партиялардын өкүлдөрүнүн экиден биринин жана жергиликтүү өз алдынча башкаруунун өкүлчүлүктүү органдарынын өкүлдөрүнүн экиден биринин курамында түзүлөт.
Чүчүкулак 5 аймактык шайлоо комиссияларында болуп өттү, аларга төмөнкү сандагы саясий партиялар документтерди тапшырышты:
1. Бишкек аймактык шайлоо комиссиясына – 16 саясий партия;
2. Ак-Талаа аймактык шайлоо комиссиясына – 9 саясий партия;
3. Жети-Өгүз шайлоо комиссиясына – 7 саясий партия;
4. Кадамжай аймактык шайлоо комиссиясына – 7 саясий партия;
5. Нарын аймактык шайлоо комиссиясына – 7 саясий партия.
Ошондой эле 46 аймактык шайлоо комиссияларына саясий партиялар 6дан ашпаган өкүл көрсөтүлдү, алар аймактык шайлоо комиссияларынын курамына автоматтык түрдө кирет.
КР БШКнын аппаратынын маалыматтык бөлүмү
Кененирээк билүү >>
2018-жылдын 28-январындагы кээ бир жергиликтүү кеңештерге шайлоолорду даярдоо жана өткөрүү мезгилинде келип түшкөн даттануулар жана арыздар боюнча отчет
2018-жылдын 28-январындагы жергиликтүү кеңештердин депутаттарын шайлоону даярдоо жана өткөрүүгө 9 аймактык жана 56 участкалык шайлоо комиссиялары тартылган.
Борбордук шайлоо комиссиясында, Таш-Көмүр, Аксы, Жайыл, Кемин, Москва, Ак-Талаа, Кара-Суу, Араван жана Тоң аймактык шайлоо комиссияларында шайлоо эркиндигин, шайлоочулардын жана шайлоо процессинин башка субъектилеринин конституциялык укуктарын сактоо жана ишке ашырууну камсыз кылууга кепилдик берүү, мамлекеттик органдардын, жергиликтүү өз алдынча башкаруу органдарынын, алардын кызмат адамдарынын, шайлоо комиссияларынын, саясий партиялардын, башка органдардын жана уюмдардын иш-аракетине (аракетсиздигине) же чечимине каршы даттануу мүмкүнчүлүгүн түзүү максатында, шайлоочулардан жана шайлоо процессинин башка катышуучуларынан түшкөн арыздарды, даттанууларды карап чыгуу үчүн Жумушчу топтор түзүлдү. Үгүт жүргүзүү процессинде жарандардын жана шайлоо процессинин башка катышуучуларынын шайлоо укуктарын сактоо, Кыргыз Республикасынын шайлоо мыйзамдарынын талаптарын сактоо, шайлоочулардын аң-сезимдүү эркин билдирүүсүн жана шайлоолордун ачык-айкындуулугун камсыз кылуу максатында аталган шайлоо комиссияларында шайлоо алдындагы үгүт жүргүзүүнүн эрежелерин сактоону контролдоо боюнча Жумушчу топтор түзүлгөн. Пайда болгон маселелерди ыкчам жөнгө салуу, табылган шайлоо мыйзамдарын бузууларды өз убагында четтетүү максатында арыз берүүчүлөр, тиешелүү жергиликтүү кеңештерге депутаттыкка талапкерлердин өкүлдөрү, байкоочулар жана жалпыга маалымдоо каражаттары менен өз ара аракеттешүүгө жооптуу болгон шайлоо комиссияларынын мүчөлөрү жана борбордук аппараттын кызматкерлери аныкталды.
2018-жылдын 28-январында болуп өткөн жергиликтүү кеңештердин депутаттарын шайлоону даярдоо жана өткөрүү мезгилинде, аймактык шайлоо комиссияларына баары болуп 5 даттануу жана арыздар келип түштү. Шайлоолорду даярдоо мезгилинде Жайыл аймактык шайлоо комиссиясына “Элдик-Народная” саясий партиясынан 2 арыз келип түшкөн. Биринчиси, “odnoklassniki.ru” социалдык тармагына жарыяланган маалымат боюнча болгон. Социалдык тармактар жалпыга маалымдоо каражаттарына кирбегендигине байланыштуу, ошондой эле бул нерсе шайлоо мыйзамдары менен жөнгө салынбай тургандыктан, арыз ээсине “жарыяланган маалыматты мыйзамда белгиленген тартипте ырастоо мүмкүнчүлүгү жок” деген жооп жөнөтүлдү. Экинчи арыз, Кара-Балта шаарында №7 “Ак-Шумкар” саясий партиясынын үгүт баннерлери алынбагандыгы жөнүндө болгон. Бул катар номер “Ак-Шумкар” саясий партиясына 2017-жылдын май айында болуп өткөн Кара-Балта шаардык кеңешине шайлоо учурунда берилген болчу. Ал эми учурдагы шайлоодо чүчүкулактын жыйынтыгы боюнча №7 катар номери “Элдик-Народная” саясий партиясына ыйгарылган. Жайыл аймактык шайлоо комиссиясы Кара-Балта шаарынын мэриясына айтылган баннерлерди алып салуу боюнча кат жолдоду. 2018-жылдын 29, 31-январында Тоң аймактык шайлоо комиссиясына 3 арыз келип түштү. Эки арыз “Демократия жана жарандык коом үчүн коалиция” КУ байкоочусу З.Оторбаевадан Мамкаттоонун кызматкеринин жана Кажы-Сай айыл өкмөтүнүн катчысынын иш-аракети боюнча. Биринчи арызды кароонун натыйжасында МККнын Тоң райондук башкармалыгы тарабынан МКК кызматкери-№3207 УШКнын операторуна эскертүү берилди. Ошондой эле Тоң райондук мамлекеттик администрациясы тарабынан Кажы-Сай айыл өкмөтүнүн катчысына эскертүү берилди. Үчүнчү арыз Кажы-Сай айылдык аймагынын жашоочусу Н.Байгазиевадан айылдык кеңештин депутаттыгына талапкердин иш-аракети боюнча келип түштү. Арыздануучу билдиргендей, талапкер шайлоо күнү үгүт иштерин жүргүзгөн. Арызда көрсөтүлгөн далилдердин негизсиздигинен, Тоң аймактык шайлоо комиссиясы арызды канааттандыруудан баш тартуу жөнүндө чечим чыгарды.
Белгилей кетчү нерсе, бир да арыз айылдык кеңештердин депутаттарын шайлоонун жыйынтыгына таасир эте алган жок. Борбордук шайлоо комиссиясына арыз жана даттануулар келип түшкөн жок, кээ бир жергиликтүү кеңештердин депутаттарын шайлоолордун протоколдорун бекитүү боюнча аймактык шайлоо комиссияларынын чечимдери белгиленген тартипте даттанылган жок.
Арыз жана даттануулардын реестри менен төмөнкү шилтеме боюнча тааныша аласыз: https://www.shailoo.gov.kg/ru/registry/claim/6/4/
Кененирээк билүү >>
Үч айыл өкмөттүн шайлоосу дайындалды
Үч айыл өкмөттүн шайлоосу дайындалды:
-Ысык-Көл облусунун Ысык-Көл районунун Темир айыл өкмөтү
-Чүй облусунун Кемин районунун Жаны-Алыш айыл өкмөтү
-Ош облусунун Араван районунун С.Юсупова айыл өкмөтү.
2018-жылдын 12-февралында КР БШК айрым жергиликтүү өз алдынча башкаруу органдарынын аткаруу бийлигинин башчыларын шайлоосун дайындоо тууралуу токтомду кабыл алды.
Ысык-Көл облусунун Ысык-Көл районунун Темир айыл өкмөтүнүн башчысы ээлеген кызматынан бошотулгандыгына байланыштуу, 2018-жылдын 2-мартында саат 9:00дөн 12:00гө чейин Ысык-Көл облусунун Ысык-Көл районунун Темир айыл өкмөтүнүн башчысысын шайлоо дайындалды.
2018-жылдын 9-февралында жаңы шайланган (2018-жылдын, 28-январы) Чүй облусунун Кемин районунун Жаны-Алыш айылдык кеңешинин биринчи сессиясы өттү. Кеңештин төрагасы болуп Мамбеткулов Кайрат Жакшылыкович шайланды.
2018-жылдын 10-февралында жаңы шайланган (2018-жылдын, 28-январы) Ош облусунун Араван районунун С.Юсупова айылдык кеңешинин биринчи сессиясы өттү. Кеңештин төрагасы болуп Нарматов Канаатбек Атабаевич шайланды.
"Жергиликтүү өз алдынча башкаруу жөнүндө" Кыргыз Республикасынын Мыйзамынын 49-беренесине ылайык айыл өкмөтүнүн башчыларын шайлоо Борбордук шайлоо комиссиясы тарабынан жаңы шайланган айылдык кеңештин биринчи сессиясынын күнүнөн тартып 10 календардык күндөн кечиктирбестен дайындалат жана аймактык шайлоо комиссиясы тарабынан шайлоо дайындалган күндөн тартып 20 календардык күндүн ичинде өткөрүлөт.
Чүй облусунун Кемин районунун Жаны-Алыш айыл өкмөтү жана Ош облусунун Араван районунун С.Юсупова айыл өкмөтүнүн башчыларын шайлоо 2018-жылдын 24-фералында саат 9:00дөн 12:00гө чейин өткөрүү дайындалды.
"Жергиликтүү өз алдынча башкаруу жөнүндө" Кыргыз Республикасынын Мыйзамынын 49-беренесине ылайык, айыл өкмөтүнүн башчысын шайлоо жергиликтүү кеңештин депутаттары тарабынан жашыруун добуш берүү жолу менен жүзөгө ашырылат.
"Жергиликтүү өз алдынча башкаруу жөнүндө" Кыргыз Республикасынын Мыйзамынын 48-беренесине ылайык жогорку билими жана мамлекеттик же болбосо муниципалдык кызматта 2 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбакер субъекттердин жетекчилик кызматтарында 3 жылдан кем эмес иш стажы бар аракетке жөндөмдүү Кыргыз Республикасынын жараны айыл өкмөтүнүн башчысы боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны айыл өкмөтүнө башчы болушу мүмкүн эмес.
Шайлоону Кыргыз Республикасынын мыйзамына ылайык уюштуруп, өткөрүү милдети Ысык-Көл, Кемин жана Араван аймактык шайлоо комиссиясына тапшырылды.
КР БШК аппаратынын маалыматтык бөлүмү
Кененирээк билүү >>
Айрым жергиликтүү өз алдынча башкаруунун аткаруу органдарынын шайлоодогу добуш берүүнүн жыйынтыктары жана шайлоонун натыйжалары тууралуу протоколдор бекитилди
2018-жылдын 12-февралындагы отурумунда 2018-жылдын 2-февралында өткөн Кыргыз Республикасынын айрым жергиликтүү өз алдынча башкаруу органдарынын аткаруу бийлигинин башчыларын шайлоо тууралуу протоколдору бекитилди:
-Жалал-Абад облусунун Аксы районунун Кош-Дөбө айыл өкмөтүнүн башчысы болуп Мавлянов Райымжан Абишович;
-Жалал-Абад облусунун Ала-Бука районунун Өрүктү айыл өкмөтүнүн шайланган башчысы болуп Кийикбаев Рустам Нарпайович;
-Баткен облусунун Кадамжай районунун Алга айыл өкмөтүнүн шайланган башчысы болуп Дыканов Жыргалбек Рахманович таанылды.
КР БШК аппаратынын маалыматтык бөлүмү
Кененирээк билүү >>
КР БШК жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган мандаттарды өткөрүп берүү тууралуу токтом кабыл алды
2018-жылдын 12-февралында КР БШКнын отурумунда Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды шайланган депутаттардан кийин турган депутаттыкка талапкерлерге өткөрүп берүү жөнүндөгү Араван, Баткен шаардык, Кадамжай жана Токмок аймактык шайлоо комиссияларынын чечимдерин бекитүү тууралуу токтом кабыл алды.
Тактап айтканда:
-Ош облусунун Араван районунун Нурабад айылдык кеңешиндеги И. Шамшидинов өз каалоосу менен депутаттык ыйгарым укуктардын токтоттуу, аталган округда кийинки талапкерлер жок болгондугуна байланыштуу, мыйзамга ылайык жергиликтүү кеңештин мөөнөтү бүткөнгө чейин мандат бош турат;
-Баткен облусунун Баткен шаардык кеңешиндеги “Өнүгүү Прогресс” саясий партиясынан Давлятбек у. Ч. өз каалоосу менен депутаттык ыйгарым укуктарын токтотту, мандат шайланган депутаттан кийинки талапкерге – А.Жайнаков атындагы музыкалык драмтеатрынын артисти Б. Жамантаевага өткөрүп берилди;
-Баткен облусунун Кадамжай районунун Кыргыз-Кыштак айылдык кеңешинде депутаттык ыйгарым укуктарды аткарууга ылайык келбеген кызмат ордуна дайындалгандыгына байланыштуу Ш. Жороевдин ыйгарым укуктары токтотулуп, мандат кийинки талапкер – “Карасаадак” дыйкан чарбасынын мүчөсү М. Абылгазыевге өткөрүп берилди;
- Чүй облусунун Токмок шаардык кеңешиндеги “КСДП” саясий партиясынан М. Жусупов өз каалоосу менен депутаттык ыйгарым укуктарын токтотту, мандат шайланган депутаттан кийинки талапкерге – ЖЧК “Дентал-Сервистин” директору Ж. Киртеновго өткөрүп берилди.
КР БШК аппаратынын маалыматтык бөлүмү
Кененирээк билүү >>
Акыркы жаңылыктар
18.11.2026
Кыргызстанда шайлоо системасы жалпы республикалык тестирлөөдөн өтүүдө
17.11.2026
КР БШКсы Rise Up Kyrgyzstan жаштар демилгелүү тобу менен кызматташуу жөнүндө меморандумга кол койду
13.11.2026
Кыргыз Республикасынын Президентинин кызмат ордуна талапкерлерди көрсөтүү мөөнөтү аяктады
12.11.2026
КР БШКсы Президенттин кызмат ордуна талапкерлердин ыйгарым укуктуу өкүлдөрүн каттады
12.11.2026
КР БШКсы жергиликтүү кеңештердин бир катар депутаттарынын ыйгарым укуктарын мөөнөтүнөн мурда токтотту
12.11.2026
Бишкек аймактык шайлоо комиссиясынын курамына өзгөртүүлөр киргизилди