Жаңылыктар

20-мартта Талас облусунун Бакай-Ата районунун Шадыкан айылдык аймагынын жана Нарын облусунун Нарын районунун Чет-Нура айылдык аймагынын жергиликтүү өз алдынча башкаруунун аткаруу органдарынын башчыларын шайлоо болот. Тиешелүү аймактык шайлоо комиссияларга шайлоону мыйзамдардын талаптарына ылайык уюштуруу жана өткөрүү милдети тапшырылган. Кыргыз Республикасынын Борбордук шайлоо комиссиясынын басма сөз кызматы

Бүгүн, 19-мартта  Кыргызстандын бир катар жергиликтүү өз алдынча башкаруунун аткаруу органдарынын башчыларын шайлоо өтүп жатат. Тактап айтканда, бүгүн төмөнкү жергиликтүү өз алдынча башкаруунун аткаруу органдарынын башчыларын шайлоо болуп жатат: - Ысык-Көл районунун Өрүктү айылдык аймагынын; - Ысык-Көл облусунун Жети-Өгүз районунун Орточор, светлая Поляна айылдык аймактарынын; - Талас облусунун Талас районунун Көк–Ойрок айылдык аймагынын, Бакай-Ата районунун Бакай-Ата айылдык аймагынын; - Нарын облусунун Ак-Талаа районунун Коңорчок айылдык аймагынын, Нарын районунун Ак-Кудук айылдык аймагынын; - Чүй облусунун Аламүдүн районунун Лебединовка айылдык аймагынын, Сокулук районунун Сокулук айылдык аймагынын; - Ош облусунун Кара-Суу районунун Кызыл-Суу айылдык аймагынын. Кыргыз Республикасынын Борбордук шайлоо комиссиясынын басма сөз кызматы

Ысык-Көл облусунун Ысык-Көл районунун Бостери айыл өкмөтүнүн башчысын кайра шайлоо 2013-жылдын 18-мартында болот. 2013-жылдын 16-февралына дайындалган Бостери айыл өкмөтүнүн башчысын шайлоо айыл тургундарынын агрессивдүү маанайдагы бөлүгү тарабынан Бостери айылдык кеңешинин депутаттарына кысым көрсөтүүдөн, мазактоо коркунучунан жана коркутуп-үркүтүүдөн, ошондой эле аларга коопсуз иш шарттарын камсыз кылбагандыктан улам өтпөй калган. Ысык-Көл районунун Ысык-Көл аймактык шайлоо комиссиясына шайлоону мыйзамдардын талаптарына ылайык уюштуруу жана өткөрүү милдети тапшырылды. Кыргыз Республикасынын Борбордук шайлоо комиссиясынын басма сөз кызматы

Кара-Көл шаарынын мэрин шайлоонун натыйжалары жана добуш берүүнүн жыйынтыктары жөнүндө протоколдун негизинде Кыргызстандын Шайлоо жана референдум өткөрүү боюнча борбордук комиссиясы талапкер Койчуев Мамбет Дуйшалиевич Кара-Көл шаарынын шайланган мэри деп эсептелсин деген токтом чыгарды. Ошондой эле Борбордук шайлоо комиссиясынын токтомдоруна ылайык төмөнкүлөр шайланды: Мурзаев Насирдин – Баткен облусунун Кадамжай районундагы А.Масалиев айыл округунун башчылыгына; Сыдыков Замирбек Бейшенович – Талас облусунун Талас районундагы Айдаралиев айыл округунун башчылыгына; Бектуров Бакыт Мелисбекович – Чүй облусунун Ысык-Ата районундагы Ысык-Ата айыл округунун башчылыгына; Исираилов Женишбек Жаркынбаевич – Ош облусунун Алай районундагы Ленин айыл округунун башчылыгына.    Кыргыз Республикасынын Борбордук шайлоо комиссиясынын басма сөз кызматы 

Белгиленип жаткандай, айылдык аймактардын башчыларын шайлоо төмөнкүлөрдө өтөт: - Ысык-Көл облусунун Ысык-Көл районундагы Өрүктү айылдык аймагында, Жети-Өгүз районундагы Оргочор, Светлая Поляна айылдык аймактарында; - Талас облусунун Бакай-Ата районундагы Шадыкан, Бакай-Ата айылдык аймактарында Талас районундагы Көк-Ой айылдык аймагында; - Нарын облусунун Нарын районундагы Ак-Кудук, Чет-Нура айылдык аймактарында, Ак-Талаа районундагы Коңорчок айылдык аймагында; - Чүй облусунун Аламүдүн районундагы Лебединовка айылдык аймагында, Сокулук районундагы Сокулук айылдык аймагында; - Ош облусунун Кара-Суу районундагы Кызыл-Суу айылдык аймагында. Тиешелүү аймактык шайлоо комиссияларына шайлоону мыйзамдардын талаптарына ылайык уюштуруу жана өткөрүү милдети тапшырылган.   Кыргыз Республикасынын Борбордук шайлоо комиссиясынын басма сөз кызматы  

14-мартта Ош облусунун Кара-Суу районундагы Кара-Суу шаарында жана Кашкар-Кыштак айылдык аймагында жергиликтүү өз алдынча башкаруунун аткаруу органдарынын башчыларын кайра шайлоо өтөт. Тиешелүү аймактык шайлоо комиссияларына шайлоону мыйзамдардын бардык талаптарына ылайык өткөрүүнү уюштуруу тапшырылды. Кыргыз Республикасынын Борбордук шайлоо комиссиясынын басма сөз кызматы

Бостери айыл өкмөтүнүн башчысын шайлоо 18-мартка которулду 2013-жылдын 16-февралына дайындалган Ысык-Көл облусунун Ысык-Көл районундагы Бостери айыл өкмөтүнүн башчысын шайлоо 18-мартка которулду. Ысык-Көл районунун Ысык-Көл аймактык шайлоо комиссиясына шайлоону мыйзамдардын талаптарына ылайык уюштуруу жана өткөрүү милдети тапшырылды. Кыргыз Республикасынын Борбордук шайлоо комиссиясынын басма сөз кызматы

2013-жылдын 11-мартында Кыргыз Республикасынын Президенти Алмазбек Атамбаев буйрукка кол койду, анда төмөнкүдөй тапшырмалар берилди: «Кыргыз Республикасынын Президентинин Аппаратына мамлекеттик органдарды, жергиликтүү өз алдынча башкаруу органдарынын жана жарандык коомдун өкүлдөрүн тартуу менен шайлоо процессинин көйгөйлөрүн, Кыргыз Республикасынын шайлоо мыйзамдарынын кемчиликтерин талдоону жана аларды өркүндөтүү боюнча алдын ала сунуштарды даярдоо. 2013-жылдын апрелинде Кыргыз Республикасынын Туруктуу өнүктүрүү боюнча улуттук кеңешинин кезектеги жыйналышынын күн тартибине Кыргыз Республикасынын шайлоо системасын андан ары өркүндөтүү жана Кыргыз Республикасынын ченемдик актыларына зарыл өзгөртүүлөрдү жана толуктоолорду киргизүү жөнүндө сунуштарды даярдоо боюнча жумушчу топторду түзүү маселелерин киргизүү.»

Кыргыз Республикасынын Шайлоо жана референдум өткөрүү боюнча борбордук комиссиясы кызматтык автотранспортту мыйзамсыз сатып алуу жөнүндө маалыматты төгүндөйт жана автотранспорт Борбордук шайлоо комиссиясына автотранспортту сатып алууга каралган каражаттардын эсебинен алынганын билдирет. Кызматтык зарылчылыкка, чет мамлекеттердин борбордук шайлоо комиссияларынын жана эл аралык уюмдардын жетекчилери менен жолугушууларды уюштурууга, Борбордук шайлоо комиссиясынын мүчөлөрүнүн республиканын региондоруна кызматтык иш сапарларына байланыштуу, Борбордук шайлоо комиссиясы бюджеттин каражаттарына «Тойота Ленд Крузер» маркасындагы кызматтык автомашинаны жана кызматтык микроавтобусту сатып алган, булар пландаштырылган чыгымдардын сметасында каралган. Автотранспортту сатып алуу белгиленген тартипте Кыргыз Республикасынын Финансы министрлиги жана Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд менен макулдашылган. Борбордук шайлоо комиссиясынын автопаркы 12 жылдан бери жаңыланбаганын жана азыркы учурда белгиленген лимиттин чектеринде дагы бир нече кызматтык автомашина сатып алууга кошумча муктаждык бар экенин белгилей кетүү керек. Кызматтык автотранспортту сатып алуунун жергиликтүү кеңештердин депутаттарына төш белгилерди жана күбөлүктөрдү берүү менен эч бир байланышы жоктугун көрсөтө кетүү зарыл. Депутаттык төш белгилер менен күбөлүктөрдү жасоодон жана өткөрүүдөн алынган каражаттар республиканын бюджетине багытталган жана мыйзамга жат болуп саналбайт, анткени «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамында жергиликтүү кеңештердин депутаттары төш белгилерди жана күбөлүктөрдү акысыз алууга тийиш деп айтылган эмес. Буга байланыштуу Борбордук шайлоо комиссиясы кызматтык автотранспортту сатып алышы жана жергиликтүү кеңештердин депутаттарына төш белгилер менен күбөлүктөрдү бериши Кыргыз Республикасынын мыйзамдарына ылайык гана жүргүзүлүп жатканын билдиребиз. Кыргыз Республикасынын Борбордук шайлоо комиссиясынын басма сөз кызматы 

Бүгүн, 2013-жылдын 6-февралында, Кыргыз Республикасынын Шайлоо жана референдум өткөрүү боюнча борбордук комиссиясынын кезектеги жыйналышы болуп өттү. Жыйналышта КР БШКнын мүчөлөрү 2013-жылдын 28-январынан 3-февралына чейинки мезгилде болуп өткөн Кыргыз Республикасынын жергиликтүү өз алдынча башкаруусунун аткаруу органдарынын башчыларын шайлоонун натыйжалары жана добуш берүүнүн жыйынтыктары жөнүндө  аймактык шайлоо комиссияларынын протоколдорун бекитти. Ошондой эле КР БШКнын мүчөлөрү 2013-жылдын 20-февралында Нуржан айыл өкмөтүнүн (Талас району) башчысын кайталап шайлоону дайындады жана Кыргыз Республикасынын жергиликтүү өз алдынча башкаруусунун аткаруу органдарынын айрым башчыларын шайлоо датасын которду. Мындан тышкары, КР БШКнын мүчөлөрү Ысык-Ата жана Тогуз-Торо аймактык шайлоо комиссияларынын курамдарына жана резервдерине өзгөртүүлөрдү киргизди.   Кыргыз Республикасынын Борбордук шайлоо комиссиясынын басма сөз кызматы

Жаңы түзүмдү жана штаттык ырааттаманы бекитүүгө байланыштуу 2013-жылдын 4-февралында Кыргыз Республикасынын Шайлоо жана референдум өткөрүү боюнча борбордук комиссиясынын (мындан ары – КР БШК) аппаратынын конкурс өткөрүлгөнгө чейин өзүнүн функциялык милдеттерин убактылуу аткарган кызматкерлери, ошондой эле КР БШКнын борбордук аппаратындагы бош администрациялык мамлекеттик кызмат орундарын ээлөөгө катышуу ниетин билдирген талапкерлер Кыргыз Республикасынын Мамлекеттик кадр кызматынын Тестирлөө борборунда компьютердин тестирлөөдөн өттү. «Түзүмдү жана штаттык ырааттаманы бекитүү жөнүндө» КР БШКнын төрагасынын буйругуна жана «Мамлекеттик кызмат жөнүндө» Кыргыз Республикасынын Мыйзамынын 24-беренесине ылайык, КР БШКнын аппаратынын кызматкерлери мамлекеттик кызматтарга дайындоо үчүн конкурстук тандоодон өтүүгө тийиш. «Кыргыз Республикасынын мамлекеттик кызматындагы мамлекеттик административдик кызматтын бош орунун ээлөө үчүн конкурс өткөрүү жөнүндө убактылуу жобого» ылайык бош мамлекеттик кызмат ордун ээлөөгө конкурс төмөнкүдөй үч этап менен жүргүзүлөт: конкурстун катышуучуларынын администрациялык мамлекеттик кызмат орундарына белгиленген квалификациялык талаптарга шайкештигин карап чыгуу, компьютердик тестирлөө жана маектешүү. Конкурстук тандоонун биринчи этабынан кийин бош мамлекеттик кызмат орундарын ээлөөгө компьютердик тестирлөөгө катышуу үчүн 46 арыз берилген. Алардын ичинен 24 талапкер тестирлөөдөн ийгиликтүү өттү, 6 талапкер зарыл баллды топтой алган жок жана 16 талапкер келген жок. Азыркы учурда талапкерлер конкурстук тандоонун үчүнчү этабына даярданып жатат.   Кыргыз Республикасынын Борбордук шайлоо комиссиясынын басма сөз кызматы

Бүгүн, 2013-жылдын 1-февралында Кыргыз Республикасынын Шайлоо жана референдум өткөрүү боюнча борбордук комиссиясынын жыйналышы өтүп, анда КР БШКнын мүчөлөрү жергиликтүү өз алдынча башкаруунун аткаруу органдарынын башчыларын кайра шайлоону дайындашты. Төмөндө 2013-жылдын 16-февралын дайындалган жергиликтүү өз алдынча башкаруунун аткаруу органдарынын башчыларын кайра шайлоону өткөрүү графиги берилет.   Кыргыз Республикасынын жергиликтүү өз алдынча башкаруунун аткаруу органдарынын башчыларын кайра шайлоону өткөрүү графиги   № к/н Жергиликтүү өз алдынча башкаруунун аткаруу органынын аталышы Шайлоо өткөрүү датасы Кайра шайлоону өткөрүүнүн себеби     Чүй облусу   Жайыл  району   Сосновка   16.02.2013ж. Добуштардын  көпчүлүгү “бардык талапкерлерге каршы”   берилген Кемин  району   Көк-Ойрок 16.02.2013ж. Депутаттардын кворуму жок Нарын  облусу     Жумгал   району    Учкун 16.02.2013ж. Добуштардын  көпчүлүгү “бардык талапкерлерге каршы”   берилген Баткен  облусу   Лейлек  району   Катран 16.02.2013ж. Талапкерлер добуштардын зарыл санын алган жок Ош облусу  Кара-Суу району   Кашкар-Кыштак 16.02.2013ж. 2-турдун натыйжасы боюнча талапкерлер добуштардын зарыл санын алган жок   Ак-Таш 16.02.2013ж. Депутаттардын кворуму жок Алай  району   Корул 16.02.2013ж. Добуштардын  көпчүлүгү “бардык талапкерлерге каршы”   берилген Ноокат  району   г.Ноокат 16.02.2013ж. Депутаттардын кворуму жок Өзгөн району   Ийри-Суу 16.02.2013ж. 2-турдун натыйжасы боюнча талапкерлер добуштардын керектүү санын алган жок   Ысык-Көл  облусу   Ак-Суу району 10 . Отрадное 16.02.2013ж. Эки талапкер добуштардын тең санын алышты   Ысык-Көл  району 11. Бостери 16.02.2013ж. 2-турдун натыйжасы боюнча талапкерлер добуштардын керектүү санын алган жок   12. Темир 16.02.2013ж. 2-турдун натыйжасы боюнча талапкерлер добуштардын керектүү санын алган жок   Тоң району 13. Улахол 16.02.2013ж. Депутаттардын кворуму жок Жалал-Абад облусу Базар-Коргон району 14. Арстанбап 16.02.2013ж. Добуштардын  көпчүлүгү “бардык талапкерлерге каршы”   берилген

Бүгүн 2013-жылдын 30-январында Кыргыз Республикасынын Шайлоо жана референдум өткөрүү боюнча борбордук комиссиясынын жыйналышы өттү. Жыйналышта, КР БШК мүчөлөрү “Ар-Намыс” саясий партиясынын талапкерлеринин тизмеси боюнча шайланган Жогорку Кеңештин депутаты Мамытов Токтокүчүк Болотбековичтен Кыргыз Республикасынын Шайлоо жана референдум өткөрүү боюнча борбордук комиссиясына келип түшкөн арызынын жана Кыргыз Республикасынын Президентинин 2013-жылдын 18-январындагы ПЖ № 9 Жарлыгы менен Кыргыз Республикасынын Чек ара кызматынын төрагасы кызматына дайындалгандыгынын негизинде, анын ыйгарым укуктарын мөөнөтүнөн мурда токтотуу жөнүндө токтом кабыл алышты. Анын ордуна Кыргыз Республикасынын Жогорку Кеңешинин депутаты болуп Мадалиев Нуркамил Алишевич катталган. КР БШКнын мүчөлөрү Баткен облусунун Кадамжай аймактык шайлоо комиссиясынын, Ош облусунун Кара-Суу аймактык шайлоо комиссиясынын курамдарына жана резервдерине өзгөртүүлөрдү киргизишти. Ошондой эле КР БШК мүчөлөрү Чүй облусунун Аламүдүн районунун Лебединовка айылдык кеңешинин депутаттарын шайлоонун натыйжаларын аныктоо жана добуш берүүнүн жыйынтыктары жөнүндө протоколдорду бекитишти. Мындан тышкары, КР БШК мүчөлөрү Кыргыз Республикасынын жергиликтүү өз алдынча башкаруунун аткаруу органдарынын башчыларын  - шаарлардын мэрлерин жана айыл өкмөт башчыларын кайра шайлоону 2013-жылдын 12-февралына дайындашты Төмөндө Кыргыз Республикасынын жергиликтүү өз алдынча башкаруусунун аткаруу органдарынын башчыларын  - шаарлардын мэрлерин жана айыл өкмөт башчыларын кайра шайлоонун графиги берилет.  Кыргыз Республикасынын жергиликтүү өз алдынча башкаруунун аткаруу органдарынын башчыларын – шаарлардын мэрлерин, айыл өкмөттөрүнүн башчыларын кайталап шайлоону өткөрүүнүн графиги Чүй облусу  Катар №   Айыл өкмөтүнүн аталышы Шайлоону өткөрүү датасы Кайталап шайлоону өткөрүүнүн себеби Жайыл району   Полтавка  12.02.2013-ж. Депутаттардын кворумунун жоктугу Москва району   Предтеченка 12.02.2013-ж. Добуштардын көпчүлүгү «бардык талапкерлерге каршы» берилген   Петровка  12.02.2013-ж. Добуштардын көпчүлүгү «бардык талапкерлерге каршы» берилген Панфилов району   Кайыңды шаары  12.02.2013-ж. Катталган талапкерлердин жоктугу Сокулук району   Жаңы-Жер            12.02.2013-ж. Добуштардын көпчүлүгү «бардык талапкерлерге каршы» берилген Ысык-Ата району   Кочкорбаев  12.02.2013-ж. Талапкерлер зарыл сандагы добуштарды алган эмес   Нарын облусу   Жумгал району   Түгөл -Сай 12.02.2013-ж. Жалгыз талапкер зарыл сандагы добуштарды алган эмес   Баткен облусу   Баткен шаары  12.02.2013-ж. 2-турдун натыйжалары боюнча талапкерлер зарыл сандагы добуштарды алган эмес Кадамжай району   Масалиев 12.02.2013-ж. 2-турдун натыйжалары боюнча талапкерлер зарыл сандагы добуштарды алган эмес   Ош облусу   Араван району 10.    Нурабад 12.02.2013-ж. Жалгыз талапкер зарыл сандагы добуштарды алган эмес Алай району 11.    Ленин 12.02.2013-ж. 2-турдун натыйжалары боюнча талапкерлер зарыл сандагы добуштарды алган эмес             Ысык-Көл облусу   Ак-Суу району 12.    Теплоключенка 12.02.2013-ж. Добуштардын көпчүлүгү «бардык талапкерлерге каршы» берилген Жети-Өгүз району 13.    Тамга  12.02.2013-ж. Эки талапкер бирдей сандагы добуштарды алган   Талас облусу   Бакай-Ата району 14.    Миң-Булак  12.02.2013-ж. Добуштардын көпчүлүгү «бардык талапкерлерге каршы» берилген   Жалал-Абад облусу   15.    Майлуу-Суу шаары  12.02.2013-ж. Депутаттардын кворумунун жоктугу 16.    Жалал-Абад шаары  12.02.2013-ж. Депутаттардын кворумунун жоктугу Аксы району 17.    Кара-Жыгач 12.02.2013-ж. Депутаттардын кворумунун жоктугу Сузак району 18.    Көк-Жаңгак  шаары  12.02.2013-ж. Депутаттардын кворумунун жоктугу Тогуз-Торо району 19.    Тогуз-Торо 12.02.2013-ж. Жалгыз талапкер зарыл сандагы добуштарды алган эмес   Кыргыз Республикасынын Борбордук шайлоо комиссиясынын басма сөз кызматы 

2013-жылдын 28-январынан 3-февралына чейин 20 шаарда жана 250 айылдык аймакта жергиликтүү өз алдынча башкаруунун аткаруу органдарынын башчыларын – шаарлардын мэрлерин жана айыл өкмөттөрүнүн башчыларын шайлоо өтөт. «Жергиликтүү өз алдынча башкаруу жөнүндө» Кыргыз Республикасынын мыйзамдарына ылайык Кыргыз Республикасынын Борбордук шайлоо комиссиясы жергиликтүү өз алдынча башкаруунун аткаруу органдарынын башчыларын – шаарлардын мэрлерин жана айыл өкмөттөрүнүн башчыларын шайлоону дайындаган. Жогоруда көрсөтүлгөн Мыйзамга ылайык жогорку билими жана мамлекеттик же болбосо муниципалдык кызматта 3 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбачыл субъекттердин жетекчилик кызматтарында 5 жылдан кем эмес иш стажы бар, аракетке жөндөмдүү Кыргыз Республикасынын жараны шаардын мэри боло алат. Жогорку билими жана мамлекеттик же болбосо муниципалдык кызматта 2 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбакер субъекттердин жетекчилик кызматтарында 3 жылдан кем эмес иш стажы бар аракетке жөндөмдүү Кыргыз Республикасынын жараны айыл өкмөтүнүн башчысы боло алат. Шаардын мэрин жана айыл өкмөтүнүн башчысын шайлоону аймактык шайлоо комиссиясы шайлоо дайындалган күндөн тартып 20 календарлык күндөн кечиктирбестен өткөрөт. Шаардын мэрин жана айыл өкмөтүнүн башчысын шайлоону жергиликтүү кеңештин депутаттары жашыруун добуш берүү жолу менен жүзөгө ашырат. Шаардын мэрин жана айыл өкмөтүнүн башчысын шайлоо, эгерде ага тиешелүү кеңештин депутаттарынын жалпы санынын кеминде үчтөн экиси катышса, өттү деп эсептелет. Кыргыз Республикасынын жергиликтүү өз алдынча башкаруусунун аткаруу органдарынын башчыларын – шаарлардын мэрлерин жана айыл өкмөттөрүнүн башчыларын шайлоонун графигин көрүүгө болот - здесь.   Кыргыз Республикасынын Борбордук шайлоо комиссиясынын басма сөз кызматы

Бүгүн, 2013-жылдын 19-январында, Кыргыз Республикасынын Шайлоо жана референдум өткөрүү боюнча борбордук комиссиясынын кезектеги жыйналышы болуп өттү, анда КР БШКнын мүчөлөрү 4 маселени карады. КР БШКнын мүчөлөрү 2013-жылдын 28-январынан 3-февралына чейин өтө турган Кыргыз Республикасынын жергиликтүү өз алдынча башкаруусунун аткаруу органдарынын башчыларын – шаарлардын мэрлерин, айыл өкмөттөрүнүн башчыларын шайлоону даярдоого жана өткөрүүгө чыгымдардын сметасын бекитти. Жыйналышта КР БШКнын мүчөлөрү ошондой эле Москва, Ысык-Ата,  Кара-Кулжа, Талас жана Жети-Өгүз аймактык шайлоо комиссияларынын курамдарына жана резервдерине өзгөртүүлөрдү киргизди. Ошондой эле КР БШКнын мүчөлөрү Кыргыз Республикасынын Шайлоо жана референдум өткөрүү боюнча борбордук комиссиясынын «Ысык-Көл облусунун жергиликтүү кеңештеринин депутаттарын шайлоонун натыйжаларын жана добуш берүүнүн жыйынтыктарын аныктоо тууралуу протоколдорду бекитүү жөнүндө» 2012-жылдын 15-декабрындагы №153 жана «Ош облусунун жергиликтүү кеңештеринин депутаттарын шайлоонун натыйжаларын жана добуш берүүнүн жыйынтыктарын аныктоо тууралуу протоколдорду бекитүү жөнүндө» Кыргыз Республикасынын Шайлоо жана референдум өткөрүү боюнча борбордук комиссиясынын 2012-жылдын 15-декабрындагы №155  токтомдоруна өзгөртүүлөрдү киргизди.   Кыргыз Республикасынын Борбордук шайлоо комиссиясынын басма сөз кызматы

Кыргыз Республикасынын жергиликтүү өз алдынча башкаруусунун аткаруу органдарынын башчыларын – шаарлардын мэрлерин жана айыл өкмөттөрүнүн башчыларын шайлоонун графигин көрүүгө болот – бул жерде.