Жаңылыктар

Бүгүн 18-июлда Чүй областынын Жайыл районундагы Полтавка айыл өкмөтүнүн башчысын шайлоо өткөрүлдү. Айыл өкмөт башчылыгына жергиликтүү кеңештин депутаттары тарабынан Висид Керимовдун жана Азатбек  Рыскуловдун талапкерлиги көрсөтүлгөн. Шайлоонун жыйынтыгында депутаттардын көпчүлүк добушун алып, Висид Керимов Полтавка айыл өкмөтүнүн башчысы болуп шайланды. Шайлоо Кыргыз Республикасынын мыйзамдарына ылайык ачык жана таза өттү.       Кыргыз Республикасынын Борбордук шайлоо комиссиясынын басма сөз кызматы  

Бүгүн 18-июлда Ысык-Көл областынын Ысык-Көл районундагы Кара-Ой айыл өкмөтүнүн башчысын шайлоо өткөрүлдү. Бүгүнкү шайлоодо айыл өкмөт башчылыгына жергиликтүү кеңештин депутаттары тарабынан көрсөтүлгөн талапкер Данир Иманалиев  депутаттардын көпчүлүк добушун алып, Кара-Ой айылдык аймагынын аткаруу бийлигинин жетекчиси болуп шайланды. Шайлоо Кыргыз Республикасынын мыйзамдарына ылайык ачык жана таза өттү.        Кыргыз Республикасынын Борбордук шайлоо комиссиясынын басма сөз кызматы  

17-июлда, республиканын Чүй, Нарын, Ош, Ысык-Көл, Талас жана Жалал-Абад областтарынын 15 айылдык аймактарында айыл өкмөт башчыларын шайлоо өттү. Шайлоо Кыргыз Республикасынын Шайлоо жана  референдум өткөрүү боюнча борбордук  комиссиясынын  2013-жылдын 28-июнундагы токтому менен бекитилген. Шайлоонун жыйынтыгында айылдык кеңештин депутаттарынын көпчүлүк добушуна ээ болушкан: Мирлан Ракишев Аламүдүн районундагы Таш-Мойнок айыл өкмөтүнүн башчысы, Бактыбек Абласов Кемин районундагы  Көк-Ойрок айыл өкмөтүнүн башчысы Шамиль Сушанло, Москва районундагы Александровка айыл өкмөтүнүн башчысы,  Эрмек Мамырканов Сокулук районундагы  Новопавловка айыл өкмөтүнүн башчысы   Аида Бейшенова Сокулук районундагы  Орок айыл өкмөтүнүн башчысы  Кадыр Жанчыкулов Бакай-Ата районундагы  Ак-Дөбө айыл өкмөтүнүн башчысы, Абаскан Муртабеков, Кара-Буура районундагы  Бейшеке айыл өкмөтүнүн башчысы Азизбек Сыдыканов Кочкор  районундагы  Ак-Кыян айыл өкмөтүнүн башчысы Алтынбек Мамасадыков Кара-Суу районундагы  Ак-Таш айыл өкмөтүнүн башчысы, Абдыраман Пазылов  Кара-Кулжа районундагы Кара-Кулжа айыл өкмөтүнүн башчысы Тимур Айылчиев Ысык-Көл районундагы  Бостери айыл өкмөтүнүн башчысы, Марат Өмүрбеков Ак-Суу районунудагы Бөрү –Баш айыл өкмөтүнүн башчысы, Талант Бектурганов Жети-Өгүз районундагы Кызыл-Суу айыл өкмөтүнүн башчысы, Канатбек Урманбетов Тоң районундагы  Улахол айыл өкмөтүнүн башчысы Батыркул Шабданов Аксы районундагы  Кара-Жыгач айыл өкмөтүнүн башчысы болуп шайланышты.  Кыргыз Республикасынын Борбордук шайлоо комиссиясынын басма сөз кызматы

Бүгүн 18-июлда  Жайыл районундагы Полтавка, Сокулук районундагы Жаңы-Пахта жана Ысык-Көл районундагы Кара-Ой айылдарында айыл өкмөт башчыларын шайлоо өткөрүлөт.  Шайлоо Кыргыз Республикасынын Шайлоо жана  референдум өткөрүү боюнча борбордук  комиссиясынын  2013-жылдын 28-июнундагы токтому менен бекитилген. Айыл өкмөтүнүн башчысы айыл кеңешинин депутаттары жана райондук мамлекеттик администрациясынын башчысы тарабынан сунушталуучу талапкерлердин ичинен, жашыруун добуш берүү жолу менен шайланат. Тиешелүү аймактык шайлоо комиссияларына шайлоону Кыргыз Республикасынын мыйзамдарына ылайык өткөрүү тапшырылды. Кыргыз Республикасынын Борбордук шайлоо комиссиясынын басма сөз кызматы 

Бүгүн Жалал-Абад областынын Майлуу-Суу шаарынын мэрин шайлоо өткөрүлдү. Шаар жетекчисинин кызмат ордуна «Ата-Мекен», «Ата-Журт», КСДП, «Замандаш-современник» фракцияларынан төрт адам Алмазбек Курманкулов, Кыянбек Сатыбалдиев,  Абдиллажан Оморов жана Максат Оконбаев расмий каттодон өткөн.  Талапкердин ичинен Кыянбек Сатыбалдиев шаардык Кеңештин депутаттарынын көпчүлүк добушун алып, шаардын аткаруу бийлигинин башчысы болуп шайланды.  Анын талапкерлигине 31 депутаттан 22 депутат ишеним көрсөтүштү. Шайлоо Кыргыз Республикасынын мыйзамдарына ылайык ачык жана таза өттү. Кыргыз Республикасынын Борбордук шайлоо комиссиясынын басма сөз кызматы 

Бүгүнкү күнгө белгиленген Жалал-Абад областынын Көк-Жаңгак шаарынын мэрин шайлоо кворум болбогондугуна байланыштуу өткөн жок деп табылды.  Көк-Жаңгак шаардык кеңешинин шаар башчысын шайлоо боюнча өткөрүлгөн жыйынына 21 депутаттан 12 депутат катышты. Жергиликтүү өз алдынча башкаруунун аткаруу органынын жетекчилик кызматына Кыргызстан социал-демократтар партиясынан Алмамат Саражиевдин, «Өнүгүү-прогресс» фракциясынан Жалалидин Юсуповдун талапкерлиги көрсөтүлгөн. Шаардын мэрин шайлоо, эгерде ага шаардык кеңештин депутаттарынын жалпы санынын кеминде үчтөн экиси катышса өткөрүлдү деп эсептелет.          Кыргыз Республикасынын Борбордук шайлоо комиссиясынын басма сөз кызматы   

Бүгүн Ноокат шаарынын аткаруу бийлигинин жетекчисин шайлоо өткөрүлдү. Шайлоонун жыйынтыгында «Биримдик»  коалициясынан (КСДП-Замандаш Современник) талапкерлиги көрсөтүлгөн Өмүрбек Тургунбаев шаардын мэри болуп шайланды. Шаардык кеңештин 21 депутатынан 15 депутат Өмүрбек Тургунбаевди колдоп добуш беришти. Ал эми «Ата-Мекен» фракциясынан талапкер болуп көрсөтүлгөн Абдилвохоп Кодиралиев 6 добуш алды. Шайлоо кыргыз Республикасынын мыйзамдарынын негизинде таза, ачык өттү.           Кыргыз Республикасынын Борбордук шайлоо комиссиясынын басма сөз кызматы       

Бүгүн17-июлда Ноокат, Көк- Жаңгак, Майлуу- Суу шаарларынын мэрлерин шайлоо өткөрүлөт. Бул  шаарлардын жергиликтүү кеңештери быйылкы жылдын февраль, март айларына  белгиленген шаар жетекчисин шайлоону үзгүттүккө учураткандыгына байланыштуу мамлекет башчысынын 2013- жылдын апрель айындагы Жарлыгы менен таркатылып, 26-майда аталган шаардык кеңештерге мөөнөтүнөн мурда шайлоолор өткөрүлгөн. Бүгүнкү күнгө карата Ноокат шаарынын мэрлигине «Ата-Мекен» фракциясынан Абдилвохоп Кодиралиевдин, «Биримдик» коалициясынан Өмүрбек Тургунбаевдин талапкерлиги көрсөтүлгөн. Майлуу-Суу шаарынын мэри кызматына «Ата-Мекен», «Ата-Журт», КСДП, «Замандаш-современник» фракцияларынан төрт адам расмий каттодон өткөн. Алар Алмазбек Курманкулов, Кыянбек Сатыбалдиев, Абдиллажан Оморов жана Максат Оконбаев. Ал эми Көк- Жаңгак шаарынын мэрлигине Кыргызстан социал-демократтар партиясы Алмамат Саражиевдин, «Өнүгүү-прогресс» фракциясы Жалалидин Юсуповдун талапкерлигин көрсөткөн. Депутаттардын жалпы санынын көпчүлүк добушун алган талапкер шайланды деп эсептелет. Тиешелүү аймактык шайлоо комиссияларына шайлоону Кыргыз республикасынын мыйзамдарына ылайык өткөрүү тапшырылды. Кыргыз Республикасынын Борбордук шайлоо комиссиясынын басма сөз кызматы

Бүгүн 17-июлда, республиканын Чүй, Нарын, Ош, Ысык-Көл, Талас жана Жалал-Абад областтарынын 15 айылдык аймактарында айыл өкмөт башчыларын шайлоо өтөт. Шайлоо Кыргыз Республикасынын Шайлоо жана  референдум өткөрүү боюнча борбордук  комиссиясынын  2013-жылдын 28-июнундагы токтому менен бекитилген.  Жергиликтүү өз алдынча башкаруусунун аткаруу органдарынын башчыларын шайлоо Аламүдүн районундагы Таш-Мойнок, Кемин районундагы  Көк-Ойрок,  Сокулук районундагы  Новопавловка,  Орок, Москва районунудагы Александровка, Кочкор  районундагы  Ак-Кыян, Кара-Суу районундагы  Ак-Таш, Кара-Кулжа районундагы Кара-Кулжа, Ысык-Көл районундагы  Бостери, Жети-Өгүз районундагы Кызыл-Суу, Ак-Суу районунудагы Бөрү –Баш, Тоң районундагы  Улахол, Бакай-Ата районундагы  Ак-Дөбө, Кара-Буура районундагы  Бейшеке, жана Аксы районундагы  Кара-Жыгач айылдык аймактарында өткөрүлөт. Айыл өкмөтүнүн башчысы айыл кеңешинин депутаттары жана райондук мамлекеттик администрациясынын башчысы тарабынан сунушталуучу талапкерлердин ичинен, жашыруун добуш берүү жолу менен шайланат. Тиешелүү аймактык шайлоо комиссияларына шайлоону Кыргыз Республикасынын мыйзамдарына ылайык өткөрүү тапшырылды.            Кыргыз Республикасынын Борбордук шайлоо комиссиясынын басма сөз кызматы

2013-жылдын 17-июлунда Кыргыз Республикасынын Шайлоо жана референдум өткөрүү боюнча борбордук комиссиясында аймактык шайлоо комиссияларынын резервинин курамын Кыргызстандын 25 саясий партиясынын өкүлдөрүнөн түзүү боюнча чүчүкулак өткөрүлөт «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 19-беренесиндеги 1-бөлүгүнө ылайык, эки жылдык мөөнөткө түзүлгөн аймактык шайлоо комиссияларынын ыйгарым укуктарынын мөөнөттөрү (Бишкек аймактык шайлоо комиссиясынан тышкары)  2013-жылдын 25-июлунда аяктайт. Мыйзамга ылайык, Аймактык шайлоо комиссиясы тийиштүү аймактык шайлоо комиссиясынын резервинде турган адамдардан он бир мүчөдөн кем эмес,  саясий партиялардын өкүлдөрүнүн экиден биринин жана жергиликтүү өз алдынча башкаруунун өкүлчүлүктүү органдарынын өкүлдөрүнүн экиден биринин курамында түзүлөт. Эгерде саясий партиядан аймактык шайлоо комиссиясынын каралган мүчөлөрүнүн санынан ашыкча сунушталган учурда, анда тийиштүү жогору турган шайлоо комиссиясы чүчүкулак өткөрөт. Тийиштүү шайлоо комиссиясынын курамына кирбеген саясий партиялардын өкүлдөрү, саясий партиялардан шайлоо комиссиясынын мүчөлүгүнөн мөөнөтүнөн мурда чыккан учурда, бош орунду ээлөө үчүн саясий партиялардын резервин түзөт. Чүчүкулак 17.07.2013-ж. саат 10.00дө Борбордук шайлоо комиссиясынын басма сөз борборунда өткөрүлөт. Аймактык шайлоо комиссияларынын резервдеринин курамын түзүү боюнча чүчкулак процессин чагылдырууну каалаган массалык маалымат каражаттары катышса болот.  Чүчүкулакка катышууга ММКдын аккредитациясы 2013-жылдын 16-июлунда саат 18.00гө чейин: 62-62-86, 62-01-50 телефондору аркылуу жүргүзүлөт. Кыргыз Республикасынын Борбордук шайлоо комиссиясынын басма сөз кызматы

Талас райондук сотунун өкүмү менен Талас облусунун Талас районундагы Кара-Суу айылдык кеңешинин №6090 участкалык шайлоо комиссиясынын төрайымы Омуралиева Барчын Турдубековна Кыргыз Республикасынын Кылмыш-жаза кодексинин 141-1-статьясында каралган кылмышты жасагандыгы (добуш берүүнүн жыйынтыктарын бурмалоо) үчүн күнөөлүү деп табылды жана Кылмыш-жаза кодексинин 63-статьясын колдонуу менен беш жылга эркиндигинен ажыратуу жазасы белгиленди, жаза соттолгон адамга шарттуу деп эсептелди жана эки жылга сынак мөөнөтү белгиленди. Добуш берүү күнү – 2012-жылдын 25-ноябрында Кара-Суу айылдык кеңешинин депутаттарын шайлоодо № 6090 шайлоо участкасынын төрайымы шайлоо комиссиясынын башка мүчөлөрүнө жана талапкерлердин байкоочуларына байкатпастан шайлоочулардын добуштарын туура эмес эсептеп, 65 добушту кошуп койгон жана добуш берүүнүн жыйынтыктарын депутаттыкка талапкер Р.Т. Бектуровдун пайдасына окуп, добуш берүүнүн жыйынтыктарын атайылап туура эмес чыгарган жана билип туруп протоколго жалган маалыматтарды киргизген. Бул айылдык кеңештин депутаттыгына талапкерлердин арыздарынын негизинде Кыргыз Республикасынын Борбордук шайлоо комиссиясы 2012-жылдын 7-декабрында байкоочулардын катышуусу менен шайлоо бюллетендерин кайра эсептеп чыккан жана шайлоочулардын добуштарын билип туруп туура эмес эсептөөнүн бетин ачкан, укук бузуулар жөнүндө маалыматтар Башкы прокуратурага берилген. Талас райондук соту ишти өзгөчө тартипте карап чыкты жана Б.Т.Омуралиева мурда жазык жоопкерчилигине тартылбаганын, күнөөсүн толугу менен мойнуна алганын, эки баланы жалгыз тарбиялап жатканын эске алып, Кылмыш-жаза кодексинин 63-статьясын колдонуу менен беш жылга эркиндигинен ажыратуу жазасын белгиледи – жаза соттолгон адамга шарттуу деп эсептелди жана эки жылга сынак мөөнөтү белгиленди.       Кыргыз Республикасынын Борбордук шайлоо комиссиясынын басма сөз кызматы, 62-62-86  

Бүгүн Кыргыз Республикасынын Шайлоо жана референдум өткөрүү боюнча борбордук комиссиясынын жыйынында  2013-жылдын 18-августуна дайындалган Кыргыз Республикасынын жергиликтүү кеңештеринин депутаттарын мөөнөтүнөн мурда шайлоо боюнча шайлоо участкаларынын схемалары жана чек араларын бекитүү жөнүндө токтом кабыл алынды. Ошондой эле  шайлоону даярдоонун жана өткөрүүнүн  сметасы  3 млн 189 миң 200 сом суммасында бекитилди. Шайлоо Кыргыз Республикасынын Президентинин 2013-жылдын 4-июлундагы  “Кыргыз Республикасынын кээ бир жергиликтүү кеңештерин таркатуу жана мөөнөтүнөн мурда шайлоо  күнүн дайындоо жөнүндөгү” Жарлыгынын негизинде Кара-Суу районундагы Кара-Суу шаарынын, Тогуз-Торо районундагы Тогуз-Торо , Чаткал районундагы Терек-Сай жергиликтүү кеңештерине өткөрүлөт. Кыргыз Республикасынын Шайлоо жана референдум өткөрүү боюнча борбордук комиссиясына жергиликтүү өз алдынча башкаруунун жогоруда аталган өкүлчүлүктүү органдарына мөөнөтүнөн мурда шайлоону Кыргыз Республикасынын мыйзамдарына ылайык өткөрүү тапшырылган. Кыргыз Республикасынын Борбордук шайлоо комиссиясынын басма сөз кызматы, 62-62-86

Бүгүн Кыргыз Республикасынын Шайлоо жана референдум өткөрүү боюнча борбордук комиссиясынын жыйынында  Москва аймактык шайлоо комиссиясынын 2013-жылдын 29-июнундагы чечими бекитилди. Анын негизинде жергиликтүү кеңештердин депутаттарын шайлоо жөнүндө Кыргыз Республикасынын Мыйзамынын 51-беренесинин 1-бөлүгүндө каралган талаптарды аткарбагандыгына байланыштуу Ясыров Джумаза Лилизовичтин ордуна Арбуду Сульмане Сализович Чүй облусунун Москва районундагы Александровка айылдык кеңешинин № 1 шайлоо округу боюнча депутаты болуп катталды. Москва аймактык шайлоо комиссиясына Александровка айылдык кеңешинин шайланган депутатын каттоо жана ага белгиленген үлгүдөгү күбөлүктү жана төш белгини берүү тапшырылды.  Кыргыз Республикасынын Борбордук шайлоо комиссиясынын басма сөз кызматы, 62-62-86

Бүгүн Кыргыз Республикасынын Шайлоо жана референдум өткөрүү боюнча борбордук комиссиясынын жыйынында Ысык-Көл облусунун           Ак-Суу районунун Кереге-Таш айыл өкмөтүнүн башчысын шайлоодогу добуш берүүнүн жыйынтыктары жана шайлоонун натыйжалары тууралуу протоколдору каралды. Анын жыйынтыгында  2013-жылдын 28-июнундагы айыл өкмөтүнүн башчысын шайлоо өттү деп табылды. Кыргыз Республикасынын Шайлоо жана референдум өткөрүү боюнча борбордук комиссиясынын токтомунун негизинде Жыргалбек Жумашов Ысык-Көл облусунун Ак-Суу районунун Кереге-Таш айыл өкмөтүнүн башчысы болуп шайланды. Кереге-Таш айыл өкмөтүнүн шайланган башчысына белгиленген үлгүдөгү күбөлүк берилет.  Кыргыз Республикасынын Борбордук шайлоо комиссиясынын басма сөз кызматы  62-62-86

Кыргыз Республикасынын Президентинин«Кыргыз Республикасынын кээ бир жергиликтүү кеңештерин таркатуу жана мөөнөтүнөн мурда шайлоо күнүн дайындоо жөнүндө» 2013-жылдын 4-июлундагы № 156 Жарлыгы “Эркин Тоо” газетасынын 2013-жылдын 5-июлундагы санына жарыяланды. КР айрым жергиликтүү кеңештеринин депутаттарын мөөнөтүнөн мурда шайлоону дайындоо алкагында Кыргыз Республикасынын Шайлоо жана референдум өткөрүү боюнча борбордук комиссиясы республиканын  массалык маалымат каражаттарын аккредитациялоо иши башталгандыгы тууралуу маалымдайт. “Жергиликтүү кеңештердин депутаттарын шайлоо жөнүндө” Кыргыз Республикасынын  Мыйзамынын 22-беренесинин 20-бөлүгүнө ылайык, шайлоо алдындагы үгүткө катышууну каалаган массалык маалымат каражаттары обо убактысына жана басма сөз аянтына акы төлөөнүн өлчөмү жана башка шарттары жөнүндө маалыматтарды шайлоону дайындоо жөнүндө чечим расмий жарыялангандан кийин 10 календардык күндөн кечиктирбестен (2013-жылдын 15-июлуна чейин) жарыялоого жана Борбордук шайлоо комиссиясына берүүгө тийиш. Кыргыз Республикасынын ММКлары аккредитациялоо үчүн 2013-жылдын 16-июлуна чейин, Борбордук шайлоо комиссиясына: - шайлоо алдындагы үгүткө катышууга даярдыгы жөнүндө билдирүү-кат, анда ММК жетекчисинин фамилиясы, аты, атасынын аты, даректери жана байланышуу үчүн зарыл маалыматтары; - ММКнын нотариалдык күбөлөндүрүлгөн Уставынын көчүрмөсү; - төлөөнүн шарттары жана өлчөмдөрү жөнүндө маалыматтар жарыяланган газетанын номеринин көчүрмөсү тапшырылышы керек. Кең-кесири маалымат алуу үчүн 0 312–62 62 86 телефон аркылуу кайрылсаңыз болот. Кыргыз Республикасынын Борбордук шайлоо комиссиясынын басма сөз кызматы  т. 62-62-86; 62-01-50  

Бүгүн, 2013-жылдын 4-июлунда, Кыргыз Республикасынын Президенти Алмазбек Атамбаев“Кыргыз Республикасынын кээ бир жергиликтүү кеңештерин таркатуу жана мөөнөтүнөн мурда шайлоо  күнүн дайындоо жөнүндө” Жарлыкка кол койду. Жарлыкта мындай деп белгиленет: Жергиликтүү кеңештер тарабынан жергиликтүү өз алдынча башкаруунун аткаруу органдарынын башчылары шайланбагандыгына байланыштуу, Кыргыз Республикасынын Конституциясынын 64-беренесинин 1-бөлүгүнүн 2-пунктун, “Жергиликтүү өз алдынча башкаруу жөнүндө” Кыргыз Республикасынын Мыйзамынын 43-беренесинин 5-бөлүгүн, 49-беренесинин 6-бөлүгүн жана “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 48-беренесинин 2-бөлүгүн жетекчиликке алуу менен токтом кылынат: Кыргыз Республикасынын Шайлоо жана референдум өткөрүү боюнча борбордук комиссиясынын сунушу кабыл алынсын жана Кыргыз Республикасынын Ош облусунун Кара-Суу районундагы Кара-Суу шаарынын жергиликтүү кеңеши, Жалал-Абад облусунун Тогуз-Торо районундагы Тогуз-Торо айылдык кеңеши, Чаткал районундагы Терек-Сай айылдык кеңеши таркатылсын. Жогоруда аталган жергиликтүү кеңештерге мөөнөтүнөн мурда шайлоо жекшембиге, 2013-жылдын 18-августуна дайындалсын. Кыргыз Республикасынын Шайлоо жана референдум өткөрүү боюнча борбордук комиссиясы жергиликтүү өз алдынча башкаруунун жогоруда аталган өкүлчүлүктүү органдарына мөөнөтүнөн мурда шайлоону Кыргыз Республикасынын мыйзамдарына ылайык өткөрүүнү уюштурсун.  Кыргыз Республикасынын Өкмөтү: - мөөнөтүнөн мурда шайлоо өткөрүү үчүн Кыргыз Республикасынын Шайлоо жана референдум өткөрүү боюнча борбордук комиссиясынын чыгымдарынын сметасына ылайык зарыл финансылык каражаттарды бөлсүн; - мөөнөтүнөн мурда шайлоону даярдоо жана өткөрүү мезгилинде мыйзамдуулукту, жарандардын укуктары менен эркиндиктерин, коомдук тартипти сактоону камсыз кылуу боюнча чараларды көрсүн.  Жергиликтүү өз алдынча башкаруунун аткаруу органдарынын башчылары жогоруда аталган кеңештердин карамагына таандык документтердин, материалдардын, ошондой эле материалдык-техникалык баалуулуктардын сакталышын камсыз кылуу боюнча чараларды көрсүн. Жарлык расмий жарыяланган күндөн баштап күчүнө кирет.