Башкы
Жаңылыктар
Жаңылыктар
БШК Ысык-Ата районундагы Логвиненко айыл өкмөтүнүн башчысын шайлоонун жыйынтыгын бекитти
КР шайлоо жана референдумду өткөрүү боюнча борбордук комиссиясы 2020-жылдын 21-июлундагы жыйынында “Чүй облусунун Ысык-Ата районундагы Логвиненко айыл өкмөтүнүн башчысын 2020-жылдын 15-июлунда болуп өткөн шайлоонун натыйжасы жана добуш берүүнүн жыйынтыгы тууралуу протоколду бекитүү жөнүндө” токтомду кабыл алды.
2020-жылдын 15-июлунда КР шайлоо жана референдумду өткөрүү боюнча борбордук комиссиясынын 2020-жылдын 26-июнундагы № 108 токтому менен дайындалган Чүй облусунун Ысык-Ата районундагы Логвиненко айыл өкмөтүнүн башчысын шайлоо болуп өттү.
Логвиненко айыл өкмөтүнүн башчылыгына жергиликтүү кеңештин депутаттары тарабынан көрсөтүлгөн Бекжан Калмурзаевич Бообеков жана Ногайбек Джапанбекович Самтыров талапкер катары катталышкан. Добуш берүүгө Логвиненко айылдык кеңешиндеги 21 депутаттын 19у катышты. Добуш берүү учурунда Б. К. Бообеков 4 добуш алса, Н. Д. Самтыров 12 добушка ээ болгон, ал эми “бардыгына каршы” добушту 3 депутат берген. Шайлоонун жыйынтыгында Н. Д. Самтыров Логвиненко айыл өкмөтүнүн башчысы болуп шайланды.
Ысык-Ата территориялык шайлоо комиссиясына тапшырылган документтер боюнча Логвиненко айыл өкмөтүнүн башчысы болуп шайланган Ногайбек Джапанбекович Самтыров 1979-жылы 31-мартта туулган, Кыргыз Республикасынын жараны, улуту кыргыз, жашаган жери Чоң-Далы айылы, үй-бүлөлүү.
Шайланган айыл өкмөт башчысынын жалпы эмгек стажы 11 жыл 8 ай, анын ичинен 11 жылдан бери жетекчилик кызматта. 2006-жылдан 2017-жылга чейин ОАО “Кыргызалтындын” ГУДСДМ кызматынын жетекчиси болгон. Жогорку билимдүү, Жусуп Баласагын атындагы кыргыз улуттук университетинен юриспруденция адистиги боюнча окуп билим алган.
Кыргыз Республикасынын ИИМ ГУИТ тарабынан 2020-жылдын 7-июлунда берилген маалымдама боюнча Н. Д. Самтыров Кыргыз Республикасынын территориясында сот жоопкерчилигине тартылган эмес. Ал Кыргыз Республикасынын “Жергиликтүү өзүн-өзү башкаруу жөнүндөгү” мыйзамынын 48-беренесинин талаптарына туура келет.
Кененирээк билүү >>
КРнын БШК отурумунун күн тартиби, 21-июль 2020-ж.
Өткөрүү датасы: 21-июль 2020-ж.
Убактысы: 16.00
Өткөрүлүүчү жери: отурумдар залы
1. 2020-жылы 15-июлда өткөрүлгөн Чүй облусунун Ысык-Ата районунун Логвиненко айыл өкмөтүнүн башчысын шайлоодогу добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө
(баяндамачы – Исаков Б.С., шайлоолорду уюштуруу бөлүмүнүн эксперти)
2. 2020-жылы 17-июлда өткөрүлгөн Чүй облусунун Сокулук районунун Кызыл-Туу айыл өкмөтүнүн башчысын шайлоодогу добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө
(баяндамачы – Исаков Б.С., шайлоолорду уюштуруу бөлүмүнүн эксперти)
3. 2020-жылы 17-июлунда өткөрүлгөн Нарын облусунун Ат-Башы районунун Ак-Жар айыл өкмөтүнүн башчысын шайлоодогу добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө
(баяндамачы – Исаков Б.С., шайлоолорду уюштуруу бөлүмүнүн эксперти)
4. Чүй облусунун Кемин районунун Жаңы-Алыш айыл өкмөтүнүн башчысын шайлоону дайындоо жөнүндө
(баяндамачы – Исаков Б.С., шайлоолорду уюштуруу бөлүмүнүн эксперти)
5. Ар түрдүү маселелер
Кененирээк билүү >>
-
Кененирээк билүү >>
БШК ЖК шайлоосуна чыгымдардын сметасын бекитти: Чыгымдар абдан сарамжалдуу
Бүгүн, 17-июлда Кыргыз Республикасынын шайлоо жана референдум өткөрүү боюнча борбордук комиссиясы 2020-жылдын 4-октябрына дайындалган КР Жогорку Кеңешине депутаттарды шайлоону уюштуруу жана даярдоо боюнча чыгымдардын сметасын бекитти.
Шайлоо комиссияларынын шайлоолорду, референдумдарды өткөрүүгө жана аларды уюштурууга байланышкан, шайлоо процесстерин башкаруу, окута турган жана маалыматтык иш-чараларды өткөрүүсү, кабыл алынган мыйзамдык процедураларга ылайык чыгымдардын бекитилген сметасынын чегинде, республикалык бюджеттин эсебинен аткарылат.
Эпидемиологиялык кырдаалга байланыштуу БШК иш-чаралар процессин уюштуруу үчүн өтө зарыл болгон чыгымдардын сметасын майда-чүйдөсүнө чейин түздү. Сметаны иштеп чыгууда бир шайлоодон экинчи шайлоого чейин көлөмү кайталанган жана системалуу мүнөзгө ээ болгон, шайлоолорду (референдумдарды) өткөрүү жана даярдоо боюнча уюштуруучулук иштерге/кызмат көрсөтүүлөргө, жабдуулардын топтомуна, материалдарга жана кызмат көрсөтүүлөргө, Кыргыз Республикасынын укуктук-ченемдик актылары койгон ченемдер, коэффициенттер, лимиттер, ставкалар колдонулду.
Бул сметада 2462 шайлоо участокторунун ачылышын, анын ичинен чет өлкөлөрдө жашаган же жүргөн кыргызстандыктар үчүн 42 шайлоо участогун чет өлкөлөрдө ачуу эске алынат.
Адатта бир шайлоо комиссиясында 10-12 адам иштесе, анда жалпы шайлоо участокторунун комиссияларындагы мүчөлөрдүн саны 30 833 адам – территориялык шайлоо комиссияларынын мүчөлөрү болсо (финансылык кызматкерлер) – 650 адамды түзөт. 2017-жылдан тарта территориялык шайлоо комиссияларынын жана участоктордогу шайлоо комиссияларынын мүчөлөрү шайлоону өткөрүү жана даярдык көрүү мезгилинде айына 2,0-3,0 миң сомдон сый акы алышат.
Ошондой эле шайлоочулардын саны да эсепке алынып аларга да бир катар эсептөөлөр жасалды. 2020-жылдын 16-июлуна карата алдын-ала тизме боюнча өлкөдө 3 429 043 шайлоочу катталган, бул 2015-жылы болгон парламенттик шайлоодогу шайлоочуларга караганда 667 746 адамга көп.
Ал эми ишке тартыла турган кызматкерлердин саны шайлоочулардын санына жараша эсептелет. Айтсак, идентификациялоочу операторлордун саны 600 шайлоочуга бир оператор деген ченем менен эсептелет.
Мындан тышкары добуш бере турган күнү жана анын алдыңкы күнү БШКнын күнү-түнү иштей тургандыгына байланыштуу, ТШК жана УШК мүчөлөрүнө, ишке тартылган идентификация операторлоруна (1846 адам), коопсуздукту жана тартипти камсыздоочу ИИМ кызматкерлеринин (4680 адам) тамак-ашына бир күндө 500 сомдон бөлүнөт.
Ошол эле учурда финансылык ачыктыкты камсыздоо максатында, бюджеттен бөлүнүп жаткан каражаттардын эсебине жана отчеттуулугуна карата жаңыча ыкмалар иштелип чыкты.
Шайлоо комиссияларынын жана андан төмөнкү комиссиялардын андан ары каржылануучу чыгымдарынын сметасын түзүүдөгү жаңы ыкма, ТШК менен УШКнын чыгымдарынын корголгон статьялары боюнча акча каражаттарын ТШКга берүү болуп эсептелет: 2111 “Айлык акы”; 2121 “Соцфонд төлөмү”; 2211 “Кызматтык барып-келүүлөрдүн чыгымы”; 2215 “Башка товарлар менен кызмат көрсөтүүлөрдү сатып алуу”; (окутууга кеткен чыгым, күнүмдүк каражат).
Төмөнкү шайлоо комиссияларынын – ТШК жана УШКнын чыгымдарынын башка статьялары (2212 “Байланыш кызматы үчүн төлөмдөр”, 2214 “Транспорттук чыгымдар”, 2215 “Башка товарларды жана тейлөөлөрдү сатып алуу”, 2222 “Учурдагы чарбалык иштер үчүн предметтер менен материалдарды сатып алуу”) Борбордук шайлоо комиссиясы тарабынан мамлекеттик сатып алуулар жөнүндөгү мыйзамга ылайык, борборлоштурулган тартип менен төлөнөт.
Акча каражаттарынын отчеттуулугу жана эсеби боюнча финансылоонун тартиби жөнүндөгү Жобого ылайык, шайлоолорду, референдумдарды өткөрүү жана даярдоо боюнча планды өз убагында материалдык-техникалык камсыздоо максатында, республикалык бюджеттен каржыланып жана ишке ашырууну узак убакыт талап кылган (товарларды, иштерди/кызмат көрсөтүүлөрдү жана башкаларды) иш-чараларды алдын ала аткара берүүгө болот. Бул үчүн өткөрүлгөн конкурстун/же аларды каржылоо боюнча шайлоо, референдум өткөрүү боюнча жогорудагыдай чечимди кабыл алуу аркылуу поставщиктер менен тиешелүү келишимдерди түзүп иштерди баштоого болот.
2020-жылдын республикалык бюджети жөнүндөгү мыйзамы менен 2020-жылдагы жалпы шайлоолорду өткөрүүгө пландуу чыгымдар 732 млн. сом суммасында бөлүнгөн.
Борбордук шайлоо комиссиясы сарамжалдоонун аркасы менен, суммасы 446 млн. 900 миң сом болгон сметаны бекитти.
Боршайком шайлоону өткөрүү жана ага даярдык көрүүнүн жүрүшүндө шайлоочулар менен шайлоо комиссияларынын мүчөлөрүнүн санитардык-эпидемиологиялык коопсуздугун камсыздоолордун алдын алат, буга корой турган сумма 60 млн. сомду түзөт. Бул маселе боюнча дайындалган шайлоонун өтө зарыл болгон муктаждыктарына көмөк көрсөтүүгө даярдыгын билдиришкен БУУнун Өнүктүрүү программасы (ПРООН), KOICA, ОБСЕ, Япониянын, Түштүк Кореянын, Германиянын, Швейцариянын элчиликтери, ЮСАИД жана башка эл аралык өнөктөштөр менен иш жүрүп жатат.
Маалыматтык бөлүм
Кененирээк
Кененирээк билүү >>
Кыргызстан менен Түштүк Кореянын Борбордук шайлоо комиссияларынын вебинары болуп өттү
16-июлда Кыргыз Республикасынын шайлоо жана референдумду өткөрүү боюнча борбордук комиссиясы менен Түштүк Кореянын Улуттук шайлоо комиссиясынын (УШК) ортосунда, 2020-жылдын 4-октябрында өтө турган КР Жогорку Кеңешине депутаттарды шайлоодо COVID-19 дартынын таралуусунун алдын алуу маселелери боюнча вебинар болуп өттү.
Эл аралык кызматташтык боюнча Корея агенттигинин (KOICA) колдоосу менен уюштурулган вебинарга КР БШК төрагасынын орунбасары А. Бегматов, Кореянын Улуттук шайлоо комиссиясынын башкаруучу директору Пак Чанджин, KOICAнын вице-президенти Пэк Су-Хе жана эки комиссиянын өкүлдөрү катышты.
Түштүк Кореянын УШК өкүлдөрү пандемия учурунда шайлоону уюштуруу тууралуу өз тажрыйбаларын айтып беришти. Алардын айтканына караганда, 2020-жылдын 15-апрелинде бүткүл өлкөдө атайын эс алуу күнү жарыяланган. Добуш берүүлөрдү уюштуруу үчүн бийлик 550 миң адамды ишке тарткан.
Улуттук жыйындын 21-чакырылышына шайлоолордун жүрүшүндө өлкө боюнча 14 330 шайлоо участоктору уюштурулган, бир шайлоо участогуна орточо 2000 миң шайлоочу туура келген. Бардык участоктор дезинфекцияланып, полдорго шайлоочулардын социалдык аралыкты сактоосуна жардам берүүчү белгилер тартылган. Ошондой эле өлкө боюнча 3 508 шайлоо участоктору мөөнөтүнөн мурда добуш берүү үчүн ачылган, алардын ар биринде орточо 3 300 шайлоочу добуш бере алган.
Кореянын Улуттук жыйынынын 21-чакырылышына шайлоо өткөрүү үчүн, чет өлкөлөрдөгү 85 дипломатиялык өкүлчүлүктөрдө 91 шайлоо участогу ачылган. Добуш берүү үчүн каттоодон өтүү онлайн жүргөн.
Даярдык көрүү алгоритми:
· Персоналдар менен камсыздоо: жардам берүүчү кызматкерлерди ишке алуу, жөнөкөйлөтүлүп, байланыш кылбай иштөөгө окутуу;
· Бюджет менен камсыздоо: бюджеттен жана резервдик фонддон бөлүү;
· Эпидемияга каршы каражаттар менен камсыздоо: акыркы шайлоодогу шайлоочулардын санына жараша массалык сатып алуулар;
· Бирге аракеттене турган мекемелердин кызматташтыгы боюнча система түзүү;
· Жарандарга маалымат жеткирүү: “Улуттук жыйындын 21-чакырылышына шайлоолордун жүрүшүндөгү жарандардын жүрүм-турум эрежелери”.
Добуш берүү алгоритми:
· Биринчи кезекте шайлоо участогуна кире бериш жерде бардык шайлоочулардын температурасы текшерилет. Температурасы 37,5℃ болгон жана башка симпомдору бар шайлоочулар добуш берүү үчүн убактылуу кабиналарга барышкан.
· Шайлоо участогуна кирүү алдында шайлоочу колун дезинфекциялап жана колуна бир жолку перчаткаларды кийген.
· Шайлоочулар маскаларын убактылуу алып, ким экендиги текшерилгенден кийин шайлоо бюллетендерин алышкан.
· Шайлоо кабинетинде бюллетенин толтургандан кийин шайлоочу бюллетенди шайлоо урнасына таштаган.
· Бир жолку перчаткасын атайын коюлган таштанды челекке ыргыткандан кийин шайлоо участогунан чыгып кеткен.
· Шайлоо участокторунун кызматкерлери добуш берүүнүн жүрүшүндө колдонулуучу бардык нерселерди регулярдуу түрдө дезинфекция жасап, имаратты желдетип турушкан.
Белгилүү болгондой, Түштүк Кореяда шайлоого катышуу акыркы 28 жылдагыга салыштырганда абдан жогору болгон. Эки жумадан кийин берилген бааларга караганда, алдын ала жасалган чаралардын натыйжалуу болгондугунан улам, шайлоо коопсуз болгон. Ушул убакыт ичинде өлкө боюнча оорунун болгону 14 учуру ачыкка чыккан.
КР БШК төрагасынын орунбасары А. Бегматов кесиптештерине 2020-жылдын 4-октябрында Кыргыз Республикасынын Жогорку Кеңешине депутаттарды шайлоону өткөрүүгө даярдык көрүүдө шайлоонун бардык этаптарындагы коопсуздук боюнча алгоритмдерди түзүп жатышкандыгы боюнча маалымат берди. Азыркы учурда партиялар депутаттыкка талапкерлердин тизмесин түзүп жатышат. КР Боршайкому сьезддерди өткөрүүдө дистанциялык формаларды максималдуу колдонууга, же болбосо иш-чараларды социалдык-эпидемиологиялык коопсуздук чараларын камсыз кылуу менен өткөрүү сунуштарын берип жатат.
КР БШК Маалыматтык бөлүмү
Кененирээк билүү >>
2020–ж. 17-июлда өтө турган КР БШКнын отурумунун күн тартибинин долбоору
долбоор
КЫРГЫЗ РЕСПУБЛИКАСЫНЫН
БОРБОРДУК ШАЙЛОО КОМИССИЯСЫНЫН ОТУРУМУНУН
КҮН ТАРТИБИ
Өткөрүү датасы: 17-июль 2020-ж.
Убактысы: 17.00
Өткөрүлүүчү жери: отурумдар залы
1. 2020-жылы 13-июлунда өткөрүлгөн Нарын облусунун Кочкор районунун Кош-Дөбө айыл өкмөтүнүн башчысын шайлоодогу добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө
(баяндамачы – Исаков Б.С., Шайлоолорду уюштуруу бөлүмүнүн эксперти)
2. Ысык-Көл облусунун Түп районунун Арал, Чүй облусунун Чүй районунун Ибраимов айыл өкмөттөрүнүн башчыларын кайра шайлоону дайындоо жөнүндө
(баяндамачы – Исаков Б.С., Шайлоолорду уюштуруу бөлүмүнүн эксперти)
3. 2020-жылдын 4-октябрына дайындалган Кыргыз Республикасынын Жогорку Кеңешинин депутаттарын шайлоону даярдоого жана өткөрүүгө чыгымдардын сметасын бекитүү жөнүндө
(баяндамачы – Дуйшембаева Г., эсепке алуу, отчеттулук жана пландоо бөлүмүнүн башчысы)
4. Ар түрдүү маселелер
Кененирээк билүү >>
Түп районунун Арал айыл өкмөтүнүн башчысын 2020-жылдын 17-июлунда дайындалган шайлоо талапкердин жоктугунан болбой калды
Ысык-Көл облусунун Түп районундагы Арал айыл өкмөтүнүн башчысын шайлоо, КР Боршайкомунун токтому менен 2020-жылдын 17-июлуна дайындалган. Тилекке каршы айыл өкмөтүнүн башчысы болууга бир дагы талапкер катталбагандыктан, шайлоо болбой калды.
“Жергиликтүү өзүн-өзү башкаруу жөнүндөгү” Кыргыз Республикасынын мыйзамынын 49-беренесине ылайык, берилген мөөнөттө бир дагы талапкер катталбаса, анда шайлоо кайрадан өткөрүлөт.
Токтом долбоору боюнча, Түп районундагы Арал айыл өкмөтүнүн башчысын кайра шайлоону 2020-жылдын 31-июлуна саат 9:00дөн 12:00гө чейин дайындоо сунушталып жатат.
Түп райондук территориялык шайлоо участогуна Кыргыз Республикасынын мыйзамдарына ылайык, ошондой эле мамлекеттик органдар жана жергиликтүү өзүн-өзү башкаруу органдары менен биргеликте санитардык-эпидемиологиялык эрежелерди сактоо менен шайлоону өткөрүүнү уюштуруу тапшырылды:
- добуш берүүчү имаратты жана анын ичиндегилердин үстүн дезинфекциялоо;
- шайлоо процессине катышуучулардын ортосу 1,5 - 2 метр аралыкты сактоосу үчүн белгилерди коюу;
- кире бериш жана бюллетень берүүчү жерлерди санитайзерлер менен камсыздоо;
- шайлоо процессине катышуучулардын температурасын байланышсыз термометр менен ченөө;
- шайлоо процессине катышуучуларга бир жолу колдонулуучу маскаларды жана колкаптарды берүү;
- колдонулуп жаткан материалдар менен предметтердин бардыгын дезинфекциялоо.
Кененирээк билүү >>
Ажыбаев Толукбек Бектурсунович Толук айыл окмөтүнүн башчысы болуп шайланды
2020-жылдын 17-июлунда Жалал-Абад облусунун Токтогул районунун Толук айыл окмөтүнүн башчысын шайлоо болуп өттү.
Толук айыл өкмөтүнүн башчысынын кызмат ордуна эки талапкер - Ажыбаев Толукбек Бектурсунович, Куракеев Абдыракман айылдык кенештин депутаттар тобу тарабынан көрсөтүлгөн жана катталган.
Толук айыл өкмөтүнүн башчысын шайлоого айылдык кенешинин 11 депутатынан 9 депутаты катышты. Токтогул аймактык шайлоо комиссиясынын добуш берүүнүн жыйынтыктары тууралуу 2020-жылдын 17-июлдагы протоколуна ылайык, жашыруун добуш берүүнүн натыйжасы боюнча талапкер Т. Ажыбаев 9 добуш, талапкер А. Куракеев 0 добуш алышкан.
2020-жылдын 17-июлундагы шайлоонун натыйжасы жөнүндөгү протоколго ылайык Ажыбаев Толукбек Бектурсунович Жалал-Абад облусунун Токтогул районунун Толук айыл окмөтүнүн башчысы болуп шайланды деп таанылды.
Кененирээк билүү >>
Сокулук районунун Кызыл-Туу айыл өкмөтүнун башчысы болуп Сталбек Джапарбекович Мусаев шайланды
2020-жылдын 17-июлунда Сокулук районундагы Кызыл-Туу айыл өкмөтүнүн башчысын шайлоо болду. Кызыл-Туу айыл өкмөтүнүн башчысы болууга эки талапкер Сталбек Мусаев жана Мирбек Сүйүналиев катталган. Экөө тең айылдык кеңештин депутаттарынын тобунан.
Кызыл-Туу айыл өкмөтүндө бардыгы 21 депутат болсо, алардын бардыгы шайлоого катышты. Сокулук территориялык шайлоо комиссиясынын 17-июлдагы добуш берүүнүн жыйынтыктарынын протоколу боюнча, С. Мусаев 11 добуш алган. М. Сүйүнбаев болсо 9 добуш алып, бардык талапкерлерге каршы добушту бир депутат берген.
Ошентип, Сталбек Мусаев Чүй облусунун Сокулук районундагы Кызыл-Туу айыл өкмөтүнүн башчысы болуп шайланды.
Кененирээк билүү >>
Чүй районунун Ибраимов айыл өкмөтүнө 2020-жылдын 17-июлунда дайындалган шайлоо кворум жоктуктан болбой калды
17-июлда Чүй облусунун Чүй районундагы Ибраимов атындагы айыл өкмөтүнүн башчысын шайлоо болбой калды. Ибраимов айыл өкмөтүнүн башчысы болууга эки талапкер: Бакыт Нажимидинович Алиев жана Жекшен уулу Максат катталган. Экөө тең айылдык кеңештин депутаттарынын тобунан.
Ибраимов айыл өкмөтүнүн айылдык кеңешинин мандатынын саны 11ди түзөт. Айылдык өкмөттүн башчысын шайлоого 11 депутаттын ичинен болгону 4 депутат катышкан. “Жергиликтүү өзүн-өзү башкаруу жөнүндөгү” Кыргыз Республикасынын мыйзамынын 49-беренесинин 5-бөлүгү боюнча, эгер шайлоо кворум жоктуктан болбой калса, анда Шайлоо жана референдумду өткөрүү боюнча борбордук комиссиясы календарлык үч күндүн ичинде кайра шайлоолорду дайындайт.
Бул учурда да шайлоо мурда катталган талапкерлер арасында өтөт.
Кененирээк билүү >>
Осмонов Уланбек Келдибекович Ак-Жар айыл өкмөтүнүн башчысы болуп шайланды
2020-жылдын 17-июлунунда Нарын облусунун Ат-Башы районундагы Ак-Жар айыл ѳкмѳтүнүн башчысын шайлоо болуп ѳттү.
Ак-Жар айыл ѳкмѳтүнүн башчысынын кызмат ордуна 2 талапакер: Аттокуров Турусбек Кудайбергенович, Осмонов Уланбек Келдибекович айылдык кеңештин депутаттар тобу тарабынан кѳрсѳтүлгѳн.
Ак-Жар айыл ѳкмѳтүнүн башчысын шайлоого Ак-Жар айылдык кеңешинин бардык 11 депутаты катышты. Ат-Башы аймактык шайлоо комиссиясынын добуш берүүнүн жыйынтыктары тууралуу 2020-жылдын 17-июлундагы протоколуна ылайык, жашыруун добуш берүүнүн натыйжасы боюнча талапкер У.К.Осмонов 10 добуш, талапкер Т.К.Аттокуров 1 добуш алышкан, «бардык талапкерге каршы» позициясына 0 добуш.
2020-жылдын 17-июлундагы шайлоонун натыйжасы жѳнүндѳ протоколго ылайык Осмонов Уланбек Келдибекович Ак-Жар айыл өкмөтүнүн башчысы болуп шайланды деп таанылды.
Кененирээк билүү >>
Ат-Башы районунун Ак-Жар айыл ѳкмѳтүнүн башчысын шайлоо өткөрүлүүдө
Бүгүн 2020-жылдын 17-июлунда Нарын облусундагы Ат-Башы районунун Ак-Жар айыл ѳкмѳтүнүн башчысын шайлоо ѳткѳрүлѳт.
Ак-Жар айыл ѳкмѳтүнүн башчысынын кызмат ордуна 3 талапакер - Аттокуров Турусбек Кудайбергенович, Касмалиев Жаныбай Алтымышович, Осмонов Уланбек Келдибекович айылдык кеңештин депутаттар тобунун тарабынан кѳрсѳтүлгѳн.
Маалымат иретинде: Ак-Жар айыл ѳкмѳтүнүн башчысы Нарын облусунун Ат-Башы райондук мамлекеттик администрациясынын башчысы–акиминин 2020-жылдын 17-мартындагы №65/1-б буйругу менен ээлеген кызматынан бошотулган.
КР БШК 2020-жылдын 26-июнундагы токтомуна ылайык айыл ѳкмѳтүнүн жаңы башчысын шайлоо 2020-жылдын 17-июлуна дайындалган.
Коронавируз пандемиясынан (COVID-19) улам ѳзгѳчѳ кырдаал режими киргизилгендигине байланыштуу шайлоолор 2020-жылдын 23-мартында токтотула турган.
КР БШК 2020-жылдын 26- июнундагы токтомуна ылайык токтотула турган айыл ѳкмѳттѳрүнүн башчыларын шайлоо 2020-жылдын 29-июнунан тартып кайра жандандырылган, ал эми добуш берүү күнү 17-июл аныкталган.
«Жергиликтүү ѳз алдынча башкаруу жѳнүндѳ» КР Мыйзамына ылайык айыл ѳкмѳтүнүн башчыларын шайлоо жашыруун добуш берүү аркылуу жергиликтүү айлдык кеңештин депутаттары тарабынан жүргүзүлѳт.
Ак-Жар айылдык кеңешинде 11 депутат бар. Айылдык кеңештин депутаттарынын жалпы санынын кѳпчүлүк добушун алган талапкер шайланды деп эсептелинет.
Шайлоо Ат-Башы аймактык шайлоо комиссиясында ѳткѳрүлѳт.
БШКнын токтомуна ылайык жергиликтүү мамлекеттик орган жана ЖӨАБ органы менен бирдикте Ат-Башы АШК тарабынан эпидемиологиялык коопсуздукту жана жарандардын ден соолугун сактоону камсыз кылуу үчүн тѳмѳндѳгү чаралар кабыл алынган:
- шайлоонун алдында добуш берүү үчүн орун-жайлар, ошондой эле үстүнкү беттер толук түрдѳ дезинфекцияланган,
- шайлоо процессинин катышуучуларынын ортосунда 1,5-2 метрлик аралыктарды сактоо үчүн белгилер коюлган. Шайлоого 11 депутат катышарын эске алуу менен, ал эми жол-жободо 3 саат аралыгында добуш берүү мүмкүнчүлүгү каралгандыгынан улам, арлыктарда жана убакыттарда катышуучуларды дистанциялоо үчүн мүмкүнчүлүктѳр бар.
- добуш берүү үчүн жайдын кире беришинде жана бюллетендерди берүүчү жерде санитайзерлер коюлган, ал эми кире бергенде контаксыз термометр менен денет абы ѳлчѳнѳт.
- алгоритмге ылайык шайлоонун бардык катышуучуларына АШК тарабынан жеке коргоо каражаттары – бир жолку бет кап жана кол кап берилген,
- шайлоо процессинен бүткүл жүрүшүндѳ материалдарды жана предметтерди дезинфекциялоо жүргүзүлѳт.
Кененирээк билүү >>
Боршайком шайлоо участокторунун схемаларын жана чек араларын тактады
15-июлда Кыргыз Республикасынын шайлоо жана референдум өткөрүү боюнча борбордук комиссиясынын жыйынында айрым шайлоо участокторунун схемаларына жана чек араларына актуалдуу өзгөртүүлөр киргизилди.
“Кыргыз Республикасынын Президентин жана Кыргыз Республикасынын Жогорку Кеңешине депутаттарды шайлоо жөнүндөгү” Кыргыз Республикасынын конституциялык мыйзамына ылайык, алдын-ала түзүлгөн шайлоочулардын тизмеси www.tizme.gov.kg порталында добуш берүүгө 80 календарлык күн калганда жана шайлоо участокторунда добуш берүүгө 70 календарлык күн калганда жайгаша тургандыгы айтылды.
Ушуга байланыштуу БШК КР Өкмөтүнө караштуу Мамлекеттик каттоо кызматынын жер ресурстары боюнча Мамлекеттик агенттиги менен, даректүү каттоодогу мамлекеттик маалымат системасындагы маалыматтарды актуалдаштыруу боюнча биргелешкен иш алып барды. Даректүү каттоону тактоо боюнча жергиликтүү башкаруу органдары чоң көмөк көрсөтүштү.
БШК менен мамлекеттик органдардын биргелешкен аракети, 2020-жылдын 4-октябрына дайындалган Жогорку Кеңештин депутаттарын шайлоого даярдык көрүү алкагында, бардык жарандарды камтып жана алардын шайлоочу укуктарынын ишке ашырылышына максималдуу шарттарды түзүп жатат.
Өткөн мезгил аралыгында даректүү каттоодо кыймылсыз мүлктөрдү каттоодогу болуп өткөн бардык өзгөрүүлөр эске алынды. Бул шайлоочулардын тизмесинин сапатын жакшыртууга өбөлгө болду.
КР БШК Маалыматтык бөлүмү
Кененирээк билүү >>
Чет өлкөлөрдөгү кыргызстандыктардын диаспоралары БШК менен 2020-жылдын 4-октябрындагы парламенттик шайлоолорго катышууну талкуулап жатышат
Кыргыз Республикасынын шайлоо жана референдум өткөрүү боюнча борбордук комиссиясы чет өлкөлөрдөгү кыргызстандыктардын диаспораларынын өкүлдөрү менен, 2020-жылдын 4-октябрындагы КР Жогорку Кеңешине шайлоолорго катышууну даярдоо алкагында онлайн-жолугушууларды өткөрөт.
Жолугушуулар парламенттик шайлоолорго даярдык көрүү, шайлоонун учурдагы этаптары, ошондой эле чет өлкөлөрдө жашаган шайлоочулардын добуш берүүлөргө катышуусунун укуктук жана техникалык аспектилери тууралуу маселелерди талкуулоо, пикир алмашуу максатында өткөрүлөт.
15-июлда болуп өткөн кезектеги жолугушууга Россия Федерациясындагы, Казакстандагы, жана Түркиядагы кыргызстандыктардын диаспораларынын өкүлдөрү, КР БШК төрайымы Н. К. Шайлдабекова, Бишкек территориялык шайлоо комиссиясынын (ТШК) төрагасы К. А. Маматов, КР Тышкы иштер министрлигинин өкүлдөрү, Миграция боюнча эл аралык уюмдан Бермет Молдобаева жана БУУнун Өнүктүрүү программасынан Юлия Шипилова жана башкалар катышты.
БШК төрайымы Н. К. Шайлдабекова чет өлкөлөрдө добуш берүүлөрдү уюштуруу үчүн Бишкек территориялык шайлоо комиссиясы тарабынан 42 шайлоо участогу түзүлүп, алардын ичинен Россиянын Иркутск, Якутск, Южный-Сахалин жана Сургут шаарларында 4 жаңы участок уюшулганы боюнча маалымат берди.
Шайлоого катышууну каалаган жарандар 26-июлдан 19-сентябрга чейин шайлоо комиссиясынын участогуна шайлоочулардын тизмесине кошуу боюнча арыз менен кайрыла алышат, же болбосо “Тизме” порталындагы шайлоочунун кабинети аркылуу электрондук форматта да кайрылышса болот. Шайлоочулардын тизмеси боюнча бардык маалымат tizme.gov.kg. шайлоочулардын порталында жеткиликтүү.
Мекендештерге кайрылган Бишкек ТШКнын төрагасы К. А. Маматов “Эми шайлоо комиссияларын түзүү зарыл” – деп билдирди. Ал мекендештерге өз өкүлдөрүн шайлоо комиссияларынын курамына активдүү кошуу жана Бишкек ТШКга дипломатиялык өкүлчүлүктөр аркылуу же түз эле өз сунуштарын 24-июлга чейин жиберүүлөрү боюнча кайрылды. Комиссиялар түзүлгөн соң окутуучу иш-чаралар онлайн режимде өткөрүлөт.
Жыйынга катышуучулар тарабынан шайлоо комиссияларынын курамдарына чет өлкөлөрдөгү жарандардын коомдук бирикмелеринин өкүлдөрүн кошуу сунуштары айтылды, мындай сунуштарды БШК жана Бишкек ТШК жетекчилери колдой тургандыгын билдиришти.
Чет өлкөлөрдөгү жарандарга маалымат берүү жана алардын суроолоруна жооп берүү үчүн кампаниянын жүрүшүндө акысыз түз байланыш уюштурулат, ошондой эле партиялар тууралуу маалыматтык ресурстар talapker.kg. баракчасында, чет өлкөлөрдө добуш берүүнүн шарттары тууралуу жакында ишке киргизиле турган mekendesh.shailoo.kg сайтында маалыматтар берилет.
Ушундай мүмкүнчүлүк КР Боршайкомунун БУУнун Өнүктүрүү программасы жана Миграция боюнча эл аралык уюм менен кызматташып ишке ашырып жаткан Кыргыз Республикасындагы шайлоого жардам берүү программасына ылайык пайда болду.
Чет өлкөлөрдө жашаган же ошол жактарда жүргөн жарандарга маалымат берүү үчүн түзүлгөн аянтча, шайлоо процесстери боюнча маанилүү маалыматтарды Кыргызстандан сыртта жүргөн шайлоочуларга түз жана ыкчам жеткирүүгө мүмкүндүк берет.
Кыргыз Республикасындагы 2020-2021-жылдардагы шайлоолорду колдоо боюнча программа Кыргызстандагы БУУнун Өнүктүрүү программасы тарабынан КР БШКсы менен кызматташтыкта Япониянын, Германиянын жана Швейцариянын финансылык колдоосу менен ишке ашырылып жатат. Программанын ишке ашуусуна жоопкер тарап болуп, көпчүлүгү Россия Федерациясында жана Казакстанда жашаган мигранттардын шайлоо укуктарын камсыздоо боюнча программанын компонентин ишке ашырып жаткан Миграция боюнча эл аралык уюм (МОМ) да эсептелет.
КР БШК Маалыматтык бөлүмү
Кененирээк билүү >>
Чет өлкөлөрдө шайлоо комиссияларынын курамын түзүү башталды
Бишкек территориялык шайлоо комиссиясы Кыргыз Республикасынын территориясынан тышкары убактылуу жашап жатышкан Кыргызстандын шайлоочуларына, жарандардын коомдук уюмдарына, ошондой эле өлкөнүн саясый партияларына кайрылды.
Кайрылууда Кыргыз Республикасынын территориясынан тышкары 42 шайлоо участоктору түзүлгөндүгү айтылат.
Азыркы учурда ушул шайлоо участокторунун курамы жана резервдери түзүлүп жатат. Шайлоо комиссияларынын курамдары чет өлкөлөрдө жашап жатышкан Кыргыз Республикасынын жарандарынан, ошондой эле Кыргыз Республикасынын дипломатиялык өкүлчүлүктөрүнүн, консулдук мекемелеринин кызматкерлеринен түзүлүшү каралган.
Чет өлкөлөрдөгү шайлоо участокторунун резервдерине талапкерлерди тандоодо жарандардын өздөрүнүн макулдугун, ошондой эле шайлоо кампанияларына, коомдук турмушка катышкан тажрыйбасын, кесиптик жана жеке сапаттарын эске алуу зарыл.
Чет өлкөлөрдөгү шайлоо комиссияларынын резервине жарандардын жыйналышынан талапкерлерди сунуш кылуу жөнүндөгү протоколдор, жыйындын төрагасынын жана катчысынын кол коюулары менен тастыкталат. Протоколго жыйындын катышуучуларынын тизмеси, алардын жашаган дареги жана кол коюлган тизмеси да тиркелиши керек.
Чет өлкөлөрдөгү шайлоо комиссияларынын резервине саясый партиялардан талапкерлерди сунуш кылуу саясый партиялардын уставдарына ылайык жүргүзүлөт. Бишкек территориялык шайлоо комиссиясына саясый партиянын жетекчисинин (жыйындын төрагасынын) колу коюлуп, мөөрү басылган тиешелүү документ көрсөтүлөт.
Жогоруда көрсөтүлгөндөргө:
талапкердин чет өлкөдөгү шайлоо комиссиясынын курамында иштөөгө макулдугу боюнча арызы жана Кыргыз Республикасынын шайлоо мыйзамдарын сактоо боюнча милдеттенмеси;
паспорттун көчүрмөсү;
иштеген, окуган жерин, билимин көрсөтүүсү камтылган биографиялык маалыматтар (кадрлар бөлүмүнөн жеке баракчасы же резюме);
байланыш маалыматы: жашаган жеринин дареги, телефондору (үйдөгү, мобилдик телефону, электрондук почтасы) тиркелет.
Чет өлкөлөрдөгү шайлоо комиссияларынын резервине жарандардын жыйындарынан, саясый партиялардан талапкерлерди тандоолор жөнүндөгү протоколдор, Бишкек территориялык шайлоо комиссиясында 2020-жылдын 24-июль, саат 18.00гө чейин, анын ичинде электрондук түрдө да кабыл алынат
Маалымат үчүн телефондор: +996-312-382-426, +996-701-858-580 (WhatsApp)
Эл. почта: tikbishkek@gmail.com
КР Боршайкомунун маалыматтык бөлүмү
Кененирээк билүү >>
Боршайком чет өлкөлөрдө 42 шайлоо участокторунун түзүлүшүн бекитти, дагы экөө макулдашууда
Бүгүн, 15-июлда Кыргыз Республикасынын Шайлоо жана референдум өткөрүү боюнча борбордук комиссиясынын жыйынында, 2020-жылдын 4-октябрында өтө турган КР Жогорку Кеңешине депутаттарды шайлоого өлкөдөн тышкары аймактарда добуш берүүлөрдү уюштуруу үчүн шайлоо участокторун түзүү жөнүндөгү Бишкек территориялык шайлоо комиссиясынын чечими бекитилди.
Ушул этапта Кыргыз Республикасынын өлкөдөн тышкары жашап же иштеп жүрүшкөн жарандарынын шайлоо укуктарын ишке ашыруу боюнча, бардыгы 42 шайлоо участоктору бекитилди (тизме тиркелет).
“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндөгү” конституциялык мыйзамдын талаптары боюнча, шайлоо участоктору Тышкы иштер министрлигинин сунушу боюнча жана аккредитация болгон мамлекеттердин макулдугу менен, чет мамлекеттердеги дипломатиялык өкүлчүлүктөрдүн, консулдук мекемелердин жана чет өлкөлөрдөгү мамлекеттик мекемелердин аймактарында уюштурулат.
Боршайкомдун жыйынында КР Тышкы иштер министрлигинин Консулдук кызмат боюнча департаментинин директору А. Имангазиев билдиргендей, Кыргыз Республикасынын РФдагы элчилигинин төрт канцеляриясы биринчи жолу Иркутск, Сургут, Южно-Сахалинск, Якутск шаарларында ачылып, аларда КР Жогорку Кеңешине депутаттарды шайлоо боюнча шайлоо участоктору ачылат.
Мындан тышкары Кыргыз Республикасынын көп сандаган жарандары жашап иштеп жүрүшкөндүгүнө байланыштуу дагы эки шайлоо участокторун Рим жана Париж шаарларында ачуу, аккредитация болгон мамлекеттердин макулдашуусунда турат.
Конституциялык мыйзамда бир имаратта эки же андан көп шайлоо учактоктору түзүлсө боло тургандыгы каралган. Ушул негиз менен Кыргыз Республикасынын Россиядагы элчилигинде, Москва шаарында эки шайлоо участогу ачылат.
Бишкек территориялык шайлоо комиссиясынын төрагасы К. А. Маматов эми чет өлкөлөрдөгү шайлоо комиссияларынын курамын түзүү керектигин белгиледи.
Бишкек территориялык шайлоо комиссиясы чет өлкөлөрдөгү кыргызстандыктарга, коомдук бирикмелерге, саясый партияларга участоктордогу шайлоо комиссияларынын курамына талапкерлерди көрсөтүү боюнча кайрылат. Чет өлкөлөрдөгү шайлоо комиссияларынын курамы Кыргыз Республикасынан тышкары жашап жүргөн жарандардын, коомдук уюмдардын, саясый партиялардын өкүлдөрүнүн, дипломатиялык жана консулдук мекемелердин кызматкерлеринин эсебинен түзүлөт.
КР Боршайкомунун маалыматтык бөлүмү
Кыргыз Республикасынын Жогорку Кеңешине депутаттарды шайлоого добуш берүүнү уюштуруу боюнча Кыргыз Республикасынан тышкары шайлоо участокторунун тизмеси
№ п/п
№ ШКУ
Чет өлкөдөгү мекеме
Дареги
9001,
9005
Россия Федерациясындагы КР элчилиги
Москва ш, Большая Ордынка к 64.
9009
Екатеринбург шаарындагы КР Башкы консулдугу
Екатеринбург ш, Щорс к 54а, офис 5.
9010
Новосибирск шаарындагы КР Башкы консулдугу
Новосибирск ш, Крылов к 64/1.
9002
КРнын РФдагы элчилигинин Санкт-Петербург шаарындагы канцеляриясы
Санкт-Петербург ш, Чехов к, ү. 14 б лит А, пом.2Н.
9004
КРнын РФдагы элчилигинин Владивосток шаарындагы канцеляриясы
Владивосток ш, Алеутская к, 15 “В”, офис 402.
9003
КРнын РФдагы элчилигинин Красноярск шаарындагы канцеляриясы
Красноярск ш, проспект Мира 132.
9022
КРнынУкраинадагы элчилиги
Киев ш, Печерский р-н, пер. Редутный 19/34.
9023
КРнын Беларусь Республикасындагы элчилиги
Минск ш, Старовиленская к,57.
9028
КРнын Казахстан Республикасындагы элчилиги
Нур-Султан ш, Дипломатиялык шаарча В-5, Кунаев к 1.
9027
КРнын Алматы шаарындагы Башкы консулдугу
Алматы ш, Луганск к, 30 "А".
9025
КРнын Өзбекистан Республикасындагы элчилиги
Ташкент ш, Мирзо-Улугбек району, Ниёзбекйули к, 6 проезд, үй 30.
9024
КРнын Тажикистан Республикасындагы элчилиги
Душанбе ш, Саид Носиров к, 56 а.
9011
КРнын Түркмөнстандагы элчилиги
Ашхабат ш, Гарашсызлыкшаелы, ү. 17.
9012
КРнын Азербайджан Республикасындагы элчилиги
Баку ш, Башир Сафарли к,133 (Бизнес центр «SatPlaza», 16-кабат)
9034
КРнын АКШдагы жана Канададагы элчилиги
2360 Massachusetts Avenue, NW, Washington D.C. 20008.
9038
КРнын Улуу Британиядагы жана Түндүк Ирландиядагы элчилиги
Ascot House, 119 Crawford str., London, W1U 6BJ
9039
КРнын Швейцариядагы элчилиги
AvenueBlanc 51, 1202 Geneve
9037
КРнын Бельгиядагы элчилиги
Rue de l`Abbaye 47, 1050 Bruxelles
9032
КРнын Австрия Республикасындагы элчилиги
Invalidenstrasse 3/8, 1030 Wien
9029
КРнын ФРГдагы элчилиги
Берлин ш.)
Otto-Suhr-Allee 146, 10585 Berlin.
9030
Франкфурттагы-Майне шаарындагы консулдук агенттик
Broennerstrasse 20, 60313 Frankfurt am Main .
9031
КРнын ФРГдагы элчилигинин Бонндогу бөлүмү
Aennchenstrasse 61, 53177 Bonn.
9036
КРнын Түркия Республикасындагы элчилиги
Turan Gunes Bulvari, Galip Erdemcaddesi 25, Yildiz/Oran, Ankara 06450.
9035
КРнын Стамбул шаарындагы Башкы консулдугу
Lamartin Caddesi No:7, Taksim, 34437 Beyoğlu, İstanbul.
9040
КРнын КЭРдеги элчилиги
г.Пекин, 10/11 King's Villas 18, Xiaun Road, 100016 г.
9041
КРнын Гуанчжоу шаарындагы Башкы консулдугу
г.Гуанчжоу, район Тяньхэ, Тяньхэлу 228, Гуаншэн имараты, к. 707.
9019
КРнын Япониядагы
элчилиги
108-0073, г. Токио, Минато-ку, 1-5-7 Мита.
9042
КРнын Корея Республикасындагы элчилиги
г. Сеул, Йонгсан-гу, Собингго-ро 91 лагиль 16-10 (Донгбингго-донг 28-17).
9008
КРнын Индия Республикасындагы элчилиги
Д 2/2, ВасантВихар, г.Нью-Дели-110057.
9048
КРнын Малайзиядагы элчилиги
10-кабат, WismaSinHeapLee, 346 JalanTunRazak, 50400 Куала-Лумпур ш.
9045
КРнын Сауд Арабиясы королдугундагы элчилиги
6575 Amr Al Damri Street - Assafarat Dist. RIYADH 12511 - 3562 Kingdom of Saudi Arabia
9046
КРнын Кувейт Мамлекетиндеги элчилиги
Кувейт ш, район Сурра, Блок 6, 13-көчө, Вилла -34.
9050
КРнын Катар Мамлекетиндеги элчилиги
Доха ш, Лежбайлат-64, Вилла №7, №963 көчө.
9051
КРнын БАЭдагы элчилиги
Bayn Al Jesrain, Villa 5, Qaryat Al BeriАбу-Даби.
9044
КРнын Дубай шаарындагы Башкы консулдугу
Дубай ш, Дейра, район Ригга Аль Бутеен, Грин Тауэр имараты, офис № 302.
9043
КРнын Иран Ислам Республикасындагы элчилиги
Тегеран ш, Пасдаран /Наренджестан к, 5, № 24 үй, почта индекси 19579-35611.
9049
КРнын Пакистан Ислам Республикасындагы элчилиги
Исламабад г, №12, 33-көчө. сектор F-8/1.
Биринчи жолу добуш берүү уюштурулуп жаткан Кыргыз Республикасынын дипломатиялык өкүлчүлүктөрүнүн, консулдук мекемелеринин тизмеси
№
№ ШКУ
Чет өлкөдөгү мекеме
Шаар
9007
КРнын РФдагы элчилигинин Иркутск шаарындагы канцеляриясы
Иркутск
9006
КРнын РФдагы элчилигинин Якутск шаарындагы канцеляриясы
Якутск
9013
КРнын РФдагы элчилигинин Южно-Сахалинск шаарындагы канцеляриясы
Южно-Сахалинск
9014
КРнын РФдагы элчилигинин Сургут шаарындагы канцеляриясы
Сургут
Кененирээк билүү >>
Акыркы жаңылыктар
20.11.2026
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20.11.2026
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20.11.2026
КР БШКсы Президенттин кызмат ордуна талапкердин ыйгарым укуктуу өкүлүн каттады
20.11.2026
КР БШКсы "Сезим" фондунан коомдук байкоочуну каттады
20.11.2026
Айрым аймактык шайлоо комиссияларынын курамдарына өзгөртүүлөр киргизилди
20.11.2026
КР БШКсы Токмок аймактык шайлоо комиссиясынын резервин толуктады