Жаңылыктар

Кыргызстанда жергиликтүү кеңештердин депутаттарын шайлоодо добуш берүү башталды. Эртең мененки саат 8:00дө 214 шайлоо участкасы ачылды, шайлоочулардын тизмесине 272 114 шайлоочу киргизилген.   Бүгүн шайлоо 41 жергиликтүү кеңеште, 8 шаардык жана 33 айылдык кеңеште болуп өтөт. 21 кеңеште кезектеги жана 20 кеңеште мөөнөтүнөн мурда шайлоо өтүүдө. Мөөнөтүнөн мурда шайлоолор Айдаркан, Кадамжай, Жалал-Абад, Таш-Көмүр, Кара-Балта, Кемин шаарларында, кезектеги шайлоолор Ноокат жана Көк-Жаңгак шаарында өтөт.    Бардыгы 811 депутат шайланышы керек, анын ичинен- 651и айылдык кеңештин депутаты жана 198и шаардык кеңештин депутаты. Бул үчүн 117 шайлоо округдары түзүлдү. Шайлоого катышуу үчүн өлкө боюнча 4 423 талапкер (1 872 талапкер айылдык кеңештерге жана 2551 талапкер шаардык кеңештерге) катталган.     27-майда бардык жерде ден соолук  мүмкүнчүлүгүнө же башка себептерге байланыштуу добуш берүү участкаларына келе албаган  шайлоочулар үчүн добуш берүүчү жайдан тышкары добуш берүү болуп өттү. Добуш берүүчү жайдан тышкары добуш берүү үчүн 1751 шайлоочунун арызы катталган,  алардын ичинен 1364ү добуш беришти. 104-шайлоочу ордунда жок болуп чыкты, 53 шайлоочунун паспорту жок, 5 жарандын паспорту  эски үлгүдөгү паспорт экен, 106 шайлоочу башка себептер менен (идентификациядан өтпөгөндүк ж.б.) добуш беришкен жок.      Мамлекеттик каттоо кызматы тарабынан “Өзүңдүн шайлоо участогуңду акысыз SMS-билдирүү аркылуу билип ал” жаңы интерактивдүү тейлөө кызматы киргизилген. Бул үчүн “119” кыска номерине өзүңүздүн ПИНди ( 14 сандагы жеке идентификациялык номер)  жибересиз жана система шайлоочунун кайсы участокко кире тургандыгына автоматтык түрдө жооп берет.     Өткөн шайлоолордо айрым шайлоочулар манжаларынын изи боюнча биометриялык идентфикациялоодон өтпөгөндүктөн добуш бере албай калышкан.  Муну эске алып, шайлоочуну бетинин биометриялык параметри боюнча идентификациялоо  (камераны колдонуу аркылуу) кошумча мүмкүнчүлүгү киргизилген.     2017-жылдын 28-майында, Кыргыз Республикасынын жергиликтүү кеңештеринин депутаттарын шайлоо күндө, КР БШКда төмөнкү номерлер боюнча : 1255, 62-62 55, 62-02-40  “түз линия” иштеп жатат.    Борбордук шайлоо комиссиясынын адистери жарандардын суроолоруна жооп беришет, ошондой шайлоо участкаларындагы укук бузуулар жөнүндө маалыматтарды кабыл ала алышат.   Борбордук шайлоо комиссиясына добуш берүү күнүнө чейин 7 даттануу (арыз) келип түшкөн. Алардын ичинен – 3 даттануу аймактык шайлоо комиссиясынын аракетине, 1 даттануу добушту сатып алуу боюнча,  3өө мыйзамдын айрым ченемдерин түшүндүрүү боюнча. Бардык даттануулар жана арыздар өз убагында каралды жана жооп берилди.    БШК эске салат, добуш берүү дайындалгандан бери: шайлоочуларды сатып алууга, акча каражаттарын төлөөгө, белектерди жана башка материалдык баалуулуктарды тапшырууга тыюу салынат. БШК жарандардан сатып алуу фактылары жөнүндө, укук коргоо органдарына чара көрүү үчүн кайрылууну өтүнөт. Сатып алуу кылмыш-жазасына кирет.    БШК, шайлоочулардын, талапкерлердин, саясий партиялардын, шайлоо процессинин башка катышуучуларынын добуш берүү күнүндө келип түшкөн  арыздары (даттануулары) прокуратура жана ички иштер органдары тарабынан дароо кароого жатарын эске салат.    Мамлекеттик же башка органдардын, алардын кызмат адамдарынын, шайлоо процессинин башка катышуучуларынын, жарандын шайлоо укугун жана мыйзам талаптарын  бузган   чечими жана (же) аракети (аракетсиздиги)  прокуратурада, ички иштер органдарында же сотто Кыргыз Республикасынын мыйзамдарына ылайык даттанылышы мүмкүн. Шайлоочулар, талапкерлер, саясий партиянын коммерциялык эмес уюмдардын, алардын өкүлдөрү, байкоочулар мамлекеттик жана башка органдарга, алардын жетекчилерине, жана башка шайлоо процессинин катышуучулардын аракеттерине  (аракетсиздигине) жана чечимдерине  арыз даттануулар  менен кайрыла алат. Арыз даттануулар кайсы негизге таянып жазылып жатканы далилдүү көрсөтүлүшү керек. Прокуратура жана ички иштер органдары даттануулар (арыздар) боюнча кабыл алынган чечимдердин көчүрмөсүн токтоосуз түрдө тийиштүү шайлоо комиссиясына жөнөтөт. Прокуратура жана ички иштер органдары арыз-даттанууларды кароодон баш тарткан учурда,  баш тартуунун  негизин түшүндүргөн чечимдин көчүрмөсүн  берүүгө милдеттүү. БШК  ар кандай укук бузууларга каршы натыйжалуу жана тез чара көрүү максатында шаар жана райондордогу аймактык комиссияларда укук коргоо органдары менен биргелешип тез чара көрүүчү координациялык топ уюштурду. 2017-жылдын 28-майында Шайлоо комиссиясынын имаратынын 3-кабатында пресс-борбор  иштеп, саат  Маалыматтык брифингде 11.00, 14.00, 18.00 жана 21де добуш берүү тууралуу маалыматтар берилип турат .  БШКнын Аппаратынын маалыматтык бөлүмү

КР БШК:2017-жылдын 28-майында өтүүчү жергиликтүү кеңештерге депутаттарды шайлоонун жүрүшү жана добуш берүүнүн алдын ала жыйынтыгы тууралуу маалымдоо максатында атайын пресс-борбор уюштурулду 2017-жылдын 28-майында жергиликтүү кеңештердин депутаттарын шайлоо күнү БШК пресс-борбор уюштурду. Ал Борбордук шайлоо комиссиясынын  имаратынын (Бишкек, Раззаков көчөсү,59) 3-кабатында жайгашкан. Пресс-борбор эртең мененки саат 8ден кечки саат 21. 30 га чейин иштейт. Пресс-борбордон шайлоочулардын добуш берүүгө катышы жана айырым жергиликтүү кеңештерге депутаттарды шайлоонун  алдын ала жыйынтыгы тууралуу маалыматтар  байма бай берилип турат. БШК Аппаратынын маалыматтык бөлүмү 

2017-жылдын 27-майында Кыргызстанда жергиликтүү кеңештердин депутаттарын шайлоо алдындагы үгүт  иштери токтотулат “Кыргыз Республикасынын жергиликтүү кеңештеринин депутаттарын шайлоо тууралуу” Кыргыз Республикасынын мыйзамынын 23-беренесине ылайык үгүт иштери добуш берүү башталганга чейин 24 саат калганда токтотулат. Бул күнү саясий партиялар, өзүн өзү көрсөткөндөр, үгүт иштерин жүргүзүүчүлөрдүн тобу, ошондой эле  бардык массалык маалымат каражаттары  үгүт иштерин токтотушат. Мурда шайлоо комиссияларынын имараттарынан жана жайларынан тышкары жайгаштырылган басылма үгүт материалдары баракчалар, плакаттар, билборддор жана башка материалдар добуш берүү күнү мурдагы орундарында сакталат.   Эгерде үгүт иштеринде мыйзам бузуулар катталган болсо, БШК  мыйзам чегинде чара көрүүгө  укуктуу.  БШК Аппаратынын маалыматтык кызматы 

2017-жылдын 25-майында “Адилет” Укук Клиникасы” коомдук фонду “Шайлоо өткөрүү мезгилинде жарандардын шайлоо укугун  коргоо” темасында  Кыргыз Республикасынын Акыйкатчысынын (Омбудсмен) аппараты үчүн семинар өткөрдү. Баяндамачы катары КР БШКнын төрагасынын орун басары А.Абдрахматова чыгып сүйлөдү. Кыргызстанда 2014-жылдан бери шайлоочулардын добушун автоматтык эсептөө системасы жана шайлоочуларды биометриялык маалыматтары боюнча идентификациялоону пайдалануу менен шайлоо процессинин жаңы модели киргизилген. Өлкөнүн Президентин шайлоону жөнгө салуучу, шайлоо мыйзамындагы жаңы киргизилгендерди, ошондой эле парламент тарабынан шайлоо мыйзамына толуктоолорду эске алганда,  шайлоо процессине катышуучуларды дайыма окутуу өз алдынча актуалдуу болуп саналат. Акыйкатчы(Омбудсмен) шайлоо укугу эң негизги ролду ойногон Кыргызстанда,  адамдын эркиндиги жана жарандын Конституциялык укугунун сакталышын парламенттик контролдоону жүзөгө ашыруу боюнча өзгөчө мандатка ээ. Семинардын алкагында шайлоо процессинин ар бир стадиясында жарандардын шайлоо укугунун сакталышын контролдоо жана көзөмөлдөө боюнча Акыйкатчынын  шайлоо процессиндеги  статусу маселелери да каралып, стационардык-алдын-ала дарылоо мекемелериндеги, камак жайларындагы, чет өлкөлөрдөгү, ошондой эле ден-соолук мүмкүнчүлүгү чектелген адамдардын, балдар үйлөрүнүн бүтүрүүчүлөрүнүн шайлоо укугуна өзгөчө көңүл бурулду. А.Абдрахматова шайлоодогу талаштуу маселелерди кароонун  өзгөчөлүгү жана шайлоо процессинин катышуучулары тарабынан өздөрүнүн шайлоо укугун коргоодо көп кездешкен каталыктары (даттануу мөөнөтүн жана тартибин сактабагандык) тууралу практикалык негизде  айтып берди. Семинар “Адилет” УК коомдук фондусунда Кыргыз Республикасы менен Европа Биримдигинин өлкөнүн шайлоо системасын реформалоо  кызматташтыгынын алкагында Европа Биримдиктин колдоосунда өткөрүлгөнүн белгилей кетишибиз керек.   КР БШКнын Аппаратынын маалыматтык бөлүмү

25-майда КР БШКнын төрагасынын орун басары  А. Бекматов 2017-жылы 28-майда өтүүчү Кыргыз Республикасынын Жергиликтүү кеңештерге депутаттарды шайлоого карата даярдык туурасында журналисттерге маалымат берди. Анын айткандарына караганда республикадагы 214 шайлоо участкасында добуш берүү өткөрүлөт. Айылдык кеңештерге (613 мандат) 1872,  шаардык кеңештерге (198 мандат)   2551 талапкер катталган. Шайлоо 41 жергиликтүү кеңештерде өтөт, алардын ичинен 21инде кезектеги жана 20сында мөөнөтүнөн мурда шайлоо өтөт. Шайлоочулардын тизмелери КРнын Өкмөтү алдындагы Мамлекеттик каттоо кызматы менен биргеликте такталган. А. Бекматов  ошондой эле  БШКнын мүчөлөрү, тийиштүү бөлүмдөрдүн жетекчилери 2017-жылы 28-майда өтө турган Жергиликтүү кеңештерге шайлоолор өтө турган региондордогу аймактык жана участкалык шайлоо комиссияларда болгон жумушчу жолугушуулар тууралуу айтып, шайлоо участокторунда добуш берүүгө даярдык канааттандыралык экенин кошумчалады. Журналисттердин суроолоруна жооп берип жатып, А. Бекматов  Жалал-Абад аймактык шайлоо комиссиясынын чечими менен экинчи каржылык отчетун-добуш берүү күнүнө 10 күн калганга чейин бербей, кечиктирип берген «Кыргызстан» , «Өнүгүү-Прогресс», Республика, «Бүтүн Кыргызстан»  жана «Ата-Журт» мекенчил» саясий партияларына   эскертүү берилгенин маалымдады. Брифингдин акырында КР БШКнын төрагасынын орун басары  А. Бекматов үгүт иштери майда тартип бузуулар менен коштолуп жаткандыгын, шайлоо комиссиясы жана жумушчу тобу шайлоочулардын арыз даттанууларын оперативдүү түрдө кабыл алып, иштей тургандыгына токтолуп, шайлоо алдындагы үгүт иштери 2017-жылдын 27-майында добуш берүүгө 24 саат калганда токтоорун билдирди.   Ошондой эле А.Бекматов добуш берүү учурунда автоматтык саноо урнасынын маалыматы менен бирге  кол менен саноо жүргүзүлөөрүн, шайлоочуларды идентификациялоо боюнча биометрикалык маалымат бет түзүлүшүнүн жардамы менен да алынаарын  кошумчалады. “Жергиликтүү кенештерге депутаттарды шайлоодо саясий партиялардын, талапкерлердин байкоочулары менен бирге Казакстан, Корея Республикасы, Украина, Монголия жана Индиядан келген эл аралык байкоочулар катышат”-деди А. Бекматов.     КР БШКнын Аппаратынын маалыматтык бөлүмү  

2017-жылдын 25-майында КР БШКнын жыйынынын чечими   менен Индия жана Корея Республикасынын Борбордук шайлоо комиссияларынын өкүлдөрүнөн турган   эл аралык 12 байкоочу аккредациядан өткөрүлдү.   Жергиликтүү кеңештерге депутаттарды шайлоодо  Украина, Казакстан, Индия жана Корея Республикасынын Борбордук шайлоо комиссияларынан  16 эл аралык  байкоочу  катышмакчы. Эл аралык байкоочулардын тизмеси  менен бул шилтемеден таанышсаңыздар болот.   БШК Аппаратынын маалыматтык бөлүмү 

Саясий партиялардын УШКлардын курамына талапкерлерди көрсөтүү жөнүндө документтерди кабыл алуу мөөнөтүн узартуу тууралу кайрылуусуна байланыштуу,  Бишкек аймактык шайлоо комиссиясы саясий партиялардын УШКлардын курамына талапкерлерди көрсөтүү жөнүндө  протоколдорун кабыл алуунун мөөнөтүн  Бишкек АШКсында 2017-жылдын 5-июнунда, саат 18:00гө  чейин узартканы тууралу  жарыялайт.  Бул тууралуу кененирээк “Шайлоо комиссияларын түзүү жана таркатуу тартиби жөнүндө” Жобосунан, ошондой эле участкалык шайлоо комиссияларынын курамына талапкерди көрсөтүү үчүн керек болгон документтерди үлгүсү менен   Кыргыз Республикасынын Шайлоо жана референдум боюнча борбордук комиссиясынын расмий сайтынан тааныша аласыздар: http://www.shailoo.gov.kg.  Телефон боюнча маалымдамалар: 62 08 24  Бишкек аймактык шайлоо комиссиясы

КР БШК: 2017-жылдын 28-майында шайлоочуларга  шайлоонун жүрүшү жана жергиликтүү кеңештердин депутаттарын шайлоонун алдын ала жыйынтыктары жөнүндө маалымдоо максатында, басма –сөз борборунда иши уюштурулат. 2017-жылдын 28-майында айрым жергиликтүү кеңештердин депутаттарын  шайлоо күнүндө БШК басма-сөз кызматынын ишин төмөнкү дарек боюнча уюштурат:  Бишкек ш, Раззакова 59, КР БШК 3-кабат  Басма-сөз борбору эртең мененки саат 8:00дөн кечки 21:30га чейин иштейт.  Басма-сөз борборунун ишинин жүрүшүндө, шайлоочулардын катышуусу жана айрым жергиликтүү кеңештердин депутаттарын шайлоодо добуш берүүнүн  жыйынтыктары жөнүндө маалыматтар берилет.  2017-жлдын 28-майындагы иш чаранынын программасы тиркемеде.  Программаны кийинки шилтеме боюнча ала аласыздар.   КР БШКнын аппаратынын маалыматтык бөлүмү

Кыргыз Республикасынын Шайлоо жана референдум боюнча борбордук комиссиясы КР Президентинин Аппаратынын жетекчиси Сапар Исаковго атасы Жумакадыр Исаковдун каза болгонуна байланыштуу көңүл айтат.  Биз, Жумакадыр Исаковдун бир туугандарына жана жакындарына орду толгус оор жоготууга байланыштуу, терең кайгыруу менен көңүл айтабыз жана аза  кайгысын тең бөлүшөбүз. Кыргыз Республикасынын Шайлоо жана референдум боюнча борбордук комиссиясынын мүчөлөрү жана Аппаратынын кызматкерлери.

Контрольно-ревизионная группа при Центральной комиссии по выборам и проведению референдумов Кыргызской Республики размещает нижеследующую информацию о движении денежных средств из избирательных фондов кандидатов, политических партий по состоянию на 10 мая 2017 года.    Ноокат   Политическая партия Поступило Израсходовано Остаток 1 Республика 31 000  30 020  980  2 Замандаш 50 400  20 150  30 250  3 СДПК 75 300  20 000  55 300  4 Народная партия 51 200  20 000  31 200  5 Онугуу-Прогресс 26 500  24 920  1 580    Кок Жангак    Политическая партия Поступило Израсходовано Остаток 1 СДПК 20 050  20 025  25  2 Партия коммунистов Кыргызстана 20 050  20 025  25  3 Онугуу-Прогресс 22 000  20 025  1 975    Жалал-Абад ш.   Политическая партия Поступило Израсходовано Остаток 1 Кыргызстан 870 150  870 020  130  2 Онугуу-Прогресс 645 500  262 400  383 100  3 Республика 435 000  343 380  91 620  4 Ата-Журт 312 215  306 613  5 602  5 Мекеним Кыргызстан 258 150  258 085  65  6 СДПК 2 405 000  2 187 358  217 642  7 Бутун Кыргызстан 48 700  48 320  380    Кара-Балта ш.   Политическая партия Поступило Израсходовано Остаток 1 Онугуу-Прогресс 21 100  20 150  950  2 Акшумкар 67 750  66 637  1 113  3 Элдик-Народная 139 400  138 915  485  4 Кыргызстан 69 150  68 994  156  5 Содружество народов Кыргызстана 98 250  95 310  2 940  6 Мекеним Кыргызстан 183 000  155 029  27 971  7 Партия труда 100 000  98 550  1 450  8 Жакшылык-Добро 132 700  104 270  28 430  9 СДПК 120 000  118 950  1 050  10 Эламан 83 500  69 405  14 095  11 Республика 150 236  119 686  30 550    Кемин ш.   Политическая партия Поступило Израсходовано Остаток 1 СДПК 52 000  30 070  21 930  2 Республика 75 710  75 710  0  3 Онугуу-Прогресс 20 020  20 020  0  4 Патриот ынтымагы 25 150  25 150  0  5 Кыргызстан 20 530  20 530  0  6 Баба Дыйкан 36 060  36 060  0    Кадамжай ш.    Политическая партия Поступило Израсходовано Остаток 1 СДПК 46 060  46 010  50  2 Бутун Кыргызстан 20 100  20 020  80  3 Ата-Журт-Мекенчил 40 400  34 880  5 520  4 Кыргызстан 31 650  31 640  10  5 Республика 59 020  56 853  2 167  6 Мекеним Кыргызстан 52 390  49 350  3 040  7 Онугуу-Прогресс 51 770  51 770  0    Айдаркен ш.    Политическая партия Поступило Израсходовано Остаток 1 Бир Бол 28 100  27 940  160  2 Бутун Кыргызстан 21 000  20 150  850  3 СДПК 34 650  34 470  180  4 Ата-Журт-Мекенчил 45 150  38 416  6 734  5 Мекеним Кыргызстан 34 650  34 480  170  6 Республика 34 840  34 770  70  7 Жаны-Доор 26 450  26 250  200  8 Онугуу-Прогресс 20 100  20 020  80    Таш-Кумыр ш.   Политическая партия Поступило Израсходовано Остаток 1 Молодежь Таш-Кумыра 20 250  20 150  100  2 СДПК 50 000  45 180  4 820  3 Кыргызстан 20 250  20 150  100  4 Ата-Журт 61 055  60 930  125  5 Мекеним Кыргызстан 20 150  20 020  130  6 Республика 67 250  66 618  632  7 Онугуу-Прогресс 70 000  20 150  49 850    Айылдык кеңеш   Кандидат Айылный кенеш Поступило Израсходовано Остаток 1 Калдыкеев. М.Ж. Новопавловский 5 720  5 720  0  2 Батаев Ж.Т. Новопавловский 1 500  0  1 500  3 Эсенаманов Б.А. Новопавловский 5 720  5 720  0  4 Шапаков О.М. Новопавловский 5 720  5 720  0  5 Табалдиев С.Б. Новопавловский 3 020  3 020  0  6 Автандил у. Ж. Новопавловский 3 020  0  3 020  7 Глинкин С.А. Новопавловский 518  518  0  8 Гусеинов И.С. Новопавловский 518  518  0  9 Сурабалдиева А.К. Новопавловский 518  518  0  10 Сайпидинов К.Ж. Новопавловский 1 000  0  1 000  11 Кокумов Б.Ж. Новопавловский 5 000  3 106  1 894  12 П/П Республика Новопавловский 5 000  4 010  990  13 Усупов И.К. Кызыл-Суйский 3 000  1 000  2 000  14 Турдуев А.Р. Кызыл-Суйский 1 000  1 000  0  15 Давлетбаков К.У. Кызыл-Суйский 3 000  0  3 000  16 Акматов К.Т. Кызыл-Суйский 1 000  1 000  0  17 Шамырканов М.Т. Кызыл-Суйский 1 000  1 000  0  18 Байтоков А.К. Кызыл-Суйский 10 000  10 000  0  19 Токтомушев М.Б. Кызыл-Суйский 1 000  1 000  0  20 Ниязов П. Кызыл-Суйский 1 000  800  200  21 Орозон у. С. Кызыл-Суйский 3 020  3 020  0  22 Жаманов Б.З. Кызыл-Суйский 3 000  1 620  1 380  23 Бакчиев Н.Ж. Кызыл-Суйский 1 500  1 500  0  24 Бекбоев Н.С. Кызыл-Суйский 2 000  2 000  0  25 Абдраев А.Н. Кызыл-Суйский 2 000  0  2 000  26 Алыбаев Ж.Ж. Кызыл-Суйский 1 000  0  1 000  27 Мукамбетов К.С. Кызыл-Суйский 1 550  1 520  30  28 Токбаев Кызыл-Суйский 3 500  3 265  235  29 Сулаймбеков Т.Ш. Кызыл-Суйский 1 000  800  200  30 Акымбаев Кызыл-Суйский 1 500  1 020  480  31 Карабаев А.Б. Кызыл-Суйский 1 500  1 500  0  32 П/П Республика-Ата-Журт Кызыл-Суйский 20 020  20 020  0  33 П/П СДПК Кызыл-Суйский 82 040  65 756  16 284  34 Оторбаев М.К. Кок-Ойрокский 5 000  0  5 000  35 Алимов Н.С. С. Юсуповский 2 000  0  2 000  36 Нурматов Ф.К. С. Юсуповский 2 000  0  2 000  37 Байсадаев Н.А. Кызыл-Туйский а/к Сокулукского р-на 500  500  0    38 Абдыкадыров А.А. Кызыл-Туйский а/к Сокулукского р-на 510  510  0    39 Энназаров Т.К. Кызыл-Туйский а/к Сузакского р-на 1 200  1 200  0    40 Орозбекова А.Д. Кара-Ойский 8 500  8 120  380    41 Казыбаев Э.К. Александровский 1 500  1 210  290  42 П/П Республика Александровский 0  0  0  43 Молдобаев Т.Т. Таш-Мойнокский 6 000  5 900  100 

Бүгүн  Ж.Баласагын атындагы Кыргыз Улуттук Университетинин Юридикалык факультетинин Конституциялык жана административдик укук кафедрасынын башчысы юридика илимдеринин кандидаты, доцент Т. А. Саякбаевдин төрагалыгынын астында “Шайлоо: өлкөнүн саясий турмушундагы гендердик теңчилик” аттуу тегерек стол болуп өттү. Тегерек столго академиялык коомчулуктун, укук коргоочулардын өкүлдөрү жана  саясий ишмерлер катышты. Тегерек столдо БШКнын төрагасынын орун басары А.Б.Абдрахматова,  Кыргыз Республикасынын Жогорку Кеңешине жана шаардык кеңештерге депутаттыкка талапкерлердин тизмесин түзүүдө, бир жыныстуу талапкерлердин саны 70 пайыздан көп эмес болушу,  аялдар менен эрекектердин кезегинин айырмасы 3 позициядан кем эместиги, саясий партияларга мыйзам ченемдери менен  милдеттенме катары бекитилгендигин билдирди.   Бирок, А. Б. Абдрахматова гендер боюнча мыйзам нормаларынын квотасы,  саясий партиялар тарабынан талапкерлердин тизмесин түзүүдө, алардын тизмеси шайлоо комиссиялары тарабынан катталган маалында гана сакталып, шайлоодон кийин ар кандай себептер менен  көптөгөн аялдар тизмеден чыгып кеткендерин баса белгиледи. Ушуга байланыштуу шаардык кеңештерге жана Жогорку Кеңешке шайланып иштеген депутат айымдардын  саны мыйзам чыгаруучулардын мурунку аялзатын мамлекеттик ишке көбүрөөк аралаштыруу чечимине  төп келбей  калууда. Ал эми айылдык кеңештерге аял депутаттардын саны  статистика көрсөткөндөй  жыл сайын азайууда. Ал эми Кыргыз  Мамлекеттик Юридикалык Академиясынын  «Философия жана социалдык-гуманитардык илим» кафедрасынын башчысы С.М. Абдрасулов тегерек столдун катышуучуларына  кайрылып: “Өлкөдө ирээти жок үй-бүлөдө орчундуу маселелер көп болот. Мисалы гендер же балдар маселеси. Ар бир үй-бүлө, мамлекет, өз өзөгүнөн өсүп өнүгүшү керек. Кыргыз маданиятынын башаты теңдикте жатат. Эр–эпчи тең, бири-бирине жөлөк таяк болушу керек, бири бирин толукташ керек”-деп айтты. БШК Аппаратынын маалымат бөлүмү

КР БШКнын мүчөлөрү 2017-жылы 28-майда өтүүчү Кыргыз Республикасынын жергиликтүү кеңештеринин депутаттарын шайлоо өтө турган региондордо шайлоо комиссиялары менен жолугушууларды өткөрүүдө. Ош облусунда БШКнын төрагасынын орун басары А. Г. Бекматов, БШКнын мүчөсү Б. С. Кадыров аймактык жана участкалык шайлоо комиссияларына методикалык жардам берүүдө. БШКнын мүчөлөрү К.М.Осмоналиев жана А.Ж.Эшимов Ысык-Көл облусунда коллегалары жумушчу  жолугушууларды өткөрүүдө. Талас облусуна БШКнын мүчөлөрү Н. Т. Арипов, А.С. Сатыгулов жөнөп кетти.  2017-жылы 22-майда БШКнын төрагасы Н. К. Шайлдабекова  Кара-Балта шаарында участкалык шайлоо комиссияларынын мүчөлөрү менен жолукту. Кара-Балта шаардык кеңеши  бир нече жолу шаардын мэрин шайлай албагандан кийин    таркатылгандыктан  мөөнөтүнөн мурда шайлоо болмокчу. Азыркы шайлоого 2016-жылдагыдан көп саясий партиялар катышууда. БШКнын төрагасы жолугушуунун катышуучуларына кайрылып, АШК жана УШК жергиликтүү кеңештин депутаттарын шайлоодо мыйзамдуулукту камсыз кылып, акыйкат жана таза шайлоону өткөрүүгө чакырды. Бул процессте эң башкы талап, шайлоо процессиинин бардык катышуучуларына бирдей шартты камсыз кылуу жана тең салмактуулукту сактоо болуп саналат.  Жумушчу жолугушуунун аягында КР БШКнын төрагасы УШКнын айрым мүчөлөрүн КР БШКнын Ардак грамотасы менен сыйлады.     БШК Аппаратынын маалымат бөлүмү       

2017-жылдын 23-майында Кыргыз Республикасынын Шайлоо жана референдум өткөрүү боюнча Борбордук комиссиясынын төрагасынын орун басары А.Б.Абдрахматова  жана КР БШК мүчөсү Г.К.Джурабаева Чүй облусунун Кемин аймактык шайлоо комиссиясынын мүчөлөрү жана Кемин району жана Кемин шаары боюнча участкалык комиссиялардын төрагалары жана катчылары менен жумушчу кеңешме өткөрүштү. Жумушчу кеңешменин жүрүшүндө өткөн жергиликтүү кеңештердин депутаттарын шайлоодо жаңы шайлоо моделин киргизүү боюнча тажырыйба, өткөн шайлоолор жана референдумдун анализин эсепке алуу менен 28-майына дайындалган жергиликтүү кеңештердин депутаттарын шайлоодо киргизилген жаңылыктар жана жакшыртуулар боюнча көптөгөн суроолор талкууланды. Жумушчу кеңешменин жүрүшүндө белгиленгендер: -шайлоочунун жүзү боюнча биометрикалык маалымдарды идентификациялоонун жаңы системасы; -партиялардын, депутаттыкка талапкерлердин жана көз карандысыз байкоочулардын катышуусу менен бюллетендерди кол менен саноону жүргүзүүнүн милдеттүү керектиги; -катышып жаткан адамдардын бардыгына ар бир шайлоо участкасында добуш берүүнүн жыйынтыгынын протоколдорун тапшыруунун милдеттүү керектиги; -даттануу жана арыздар атайын реестринде шайлоо процессиндеги бардык кемчиликтерди милдеттүү чагылдыруу менен шайлоо процессинин катышуучуларынын арыздарына жана даттанууларына өз убактысында жооп берүүнүн милдеттүүлүгү. Жумушчу кеңешменин акырында АШК жана УШК айрым мүчөлөрү КР БШКнын Ардак грамотасы менен сыйланды.    БШК Аппаратынын маалымат бөлүмү

  20-майдагы КР БШКнын заседаниесинде  Бишкек шаарындагы  айрым шайлоо участкаларынын схемаларына жана чек араларына өзгөртүүлөр боюнча токтом кабыл алынды.  2017-жылы 13-майдагы Бишкек аймактык шайлоо комиссиясынын чечиминин негизинде  шаардагы айрым шайлоо участкаларынын чек араларына жана схемаларына   өзгөртүүлөрдү киргизилди. №1001,  №1212--шайлоо участкалары убактылуу жоюлду. Ошондой эле, №1218-участоктун теңи  (Чуй пр, № 207, Кыргызстандын профсоюз Федерацясы)   № 1217-шайлоо участкасына берилди. Бишкектин Чолпоната 3, көчөсүндө (Бишкек музыкалуу педагогикалык колледж)  № 1155-жаңы шайлоо участкасы ачыллы. № 1201 жана № 1202-шайлоо участоктору бириктирилди, кийин № 1201-шайлоо участкасы убактылуу жоюлмакчы (Бишкек, ул. Ахунбаев көч № 121, Бишкек музыкалуу-педагогикалык  колледжи). Бишкек аймактык шайлоо комиссиясына  кайрадан түзүлгөн 1155-шайлоо участогунун участкалык шайлоо комиссиясынын составын жана резервдерин мыйзамга ылайык түзүү тапшырылды. Заседаниеде Чүй облусунун Жайыл районуна караштуу Кара-Балта шаарынын жашоочусу Д.Э.Умуралиеванын шайлоо мыйзамдуулугун бузгандыгы тууралуу арызы каралды. БШКнын чечими менен арыздагы Кара-Балта шаардык кеңешинин депутаттыгына талапкерлердин тизмесин жарыялоодогу катачылыктар тууралуу бөлүгүн канааттандырылып, калган бөлүгүнөн баш тартылды.   Талапкерлердин тизмесин жарыялоодо кеткен кемчиликтерден жыйынтык чыгарылып, мындары ары мыйзам бузууга жол берилбей тургандыгы Жайыл аймактык шайлоо комиссиясына көрсөтүлдү. Заседаниеде Чүй облусундагы Сокулук районуна караштуу Ак-Ордо айылынын Ново-Павловка айыл өкмөтүнүн жашоочулары А.Кокумова, Г.Сейдакматовалардын  Чүй облусундагы Сокулук районуна караштуу Ак-Ордо айылынын Ново-Павловка айыл өкмөтүнүн депутаттыгына талапкер С.Б. Таабалдиевди каттоодон баш тартуу боюнча арызы каралды.   КР БШК жергиликтүү кеңешке депутаттыкка талапкерлерди каттоодон баш тартууга шайлоо мыйзамдуулгунда каралган жетиштүү  далилдердин жоктугуна негиздеп , Чүй облусундагы Сокулук районуна караштуу Ак-Ордо айылынын Ново-Павловка айыл өкмөтүнүн А. Кокумова А, Г. Сейдакматовалардын  арызынан баш тартуу чечимин кабыл алды.   КР БШКнын Аппаратынын маалымат бөлүмү

КР БШКнын 19-майдагы заседаниесинде Ысык-Көл облусундагы Ак-Суу районуна караштуу Октябрь айыл өкмөтүнүн башчысын кайра шайлоону 2017-жылдын 2-июнунда саат 9дан 12ге чейин өткөрүү жөнүндө токтом кабыл алынды. Андан тышкары Жалал-Абад облусундагы Токтогул аймактык шайлоо комиссиясынын жана Ош Облусунун Кара-Суу аймактык шайлоо комиссиясынын тутумуна өзгөртүүлөрдү  боюнча да токтом кабыл алынды. Берген арызына байланыштуу Эмилбек уулу Тойчубек Токтогул (Бүтүн Кыргызстан саясий партиясынан) АШКсынан, Кара-Суу АШКсынан (Ак Шумкар саясий партиясынан)  Шананова А, Арстанбек уулу Жыргалбек (“Өнугуу-Прогресс саясий партиясынан”) чыгарылды. Кайрылуунун негизинде  Турдиева Замиракан резервден Токтогул АШКсынын составына, Каштанова Юлия жана  Бердибекова Сырга (өзүн үзү башкаруу органынан)  Кара-Суу АШКсына  киргизилди. Ошондой эле 2017-жылы 15-майда өткөн Жалал-Абад областынын Ала-Бука районундагы  Ала-Бука айыл өкмөтүнүн башчысын шайлоонун жыйынтыгы тууралуу протоколду бекитүү жөнүндө токтом кабыл алынды.  Ала-Бука айыл өкмөтүнүн башчысы болуп Дооранбек уулу Мунарбек шайланган.   БШК Аппаратынын маалымат бөлүмү   

Бүгүн 19-майда Бишкектеги Парк-Отель мейманканасында Венециан комиссиясынын эксперттери Кыргыз Республикасынын шайлоо жана референдум өткөрүү боюнча Борбордук комиссиясынын мүчөлөрү жана аппарат кызматкерлерине шайлоо учурунда  “Массалык маалымат каражаттарынын кызматкерлери менен иштөө жана алардын ролу” тууралуу семинар өткөрүштү. Семинардын катышуучуларын Борборшайлоокомдун төрагасынын орун басары Абдыжапар Бекматов жана Европа Советинин Венециан комиссиясынын Борбордук Азиядагы долбоорунун менеджери  Светлана Анисимова куттукташты. “Интерньюс-Украинанын” өнүктүрүү боюнча директору, шайлоо укугу боюнча эксперти, Европа Кеңешинин Венециан комиссиясынын эксперти Евгений Радченко  “Шайлоо учурунда ЖМКлардын жооптуулугу“ темасындагы  докладынын бет ачарын өткөрдү. Ошондой эле семинардын катышуучуларын Европа Советинин Венециан комиссиясынын эксперти,  “Платформа прав человека” уюмунун аткаруучу директору, Украинанын көз каранды эмес медиосоветинин мүчөсү  Александр  Бурмагин  “Шайлоо процессинин субьектилери менен ЖМКлардын ортосундагы талаш-тартыштарды  кароо” тууралу доклады менен тааныштырды. Семинардын акырында Венециан комиссиясынын эксперттери жыйын катышуучуларынын  суроолоруна жооп беришти.   БШК Аппаратынын маалымат бөлүмү