Жаңылыктар

Кыргыз Республикасынын аймактык шайлоо комиссиялары саясий партиялар берген шаардык кеңештердин депутаттыгына талапкерлердин тизмеси “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын тартибинин талаптарына ылайыктуулугун текшеришүүдө. Талапкерлердин тизмесин каттоо 2012-жылдын 25-октябрында аяктайт. “Жергиликтүү кеңештердин депутаттарын шайлоо жөнүндө” Мыйзамга ылайык саясий партиялар ар бир бирдиктүү шайлоо округунан аталган жергиликтүү кеңеш үчүн депутаттык орун белгиленген сандан бир жарым эсе ашпаган талапкерлерди көрсөтүүгө укуктуу. Шаардык кеңештерге депутаттыкка талапкерлерди көрсөтүүдө саясий партиялар бир жыныстын өкүлдөрү 70 пайыздан ашпаш керектигин эске алуулары зарыл, мында саясий партиядан көрсөтүлгөн тизмедеги аялдардын жана эркектердин кезегинин айырмасы эки позициядан ашпашы керек. Саясий партиялар башка саясий партиялардын мүчөлөрү болуп эсептелген адамдарды талапкерликке көрсөтүүгө укуксуз. Эскерте кетели, шаардык кеңештердин депутаттыгына талапкерлерди көрсөтүү 2012-жылдын 15-октябрында аяктаган. Жалпысынан 25 шаардык кеңешке 32 саясий партия талапкерлердин тизмесин көрсөткөн. Кыргыз Республикасынын Борбордук шайлоо комиссиясынын басма-сөз кызматы

Бүгүн, 2012-жылдын 22-октябрында "Park Hotel" отелинде Кыргыз Республикасынын Шайлоо жана референдум өткөрүү боюнча борбордук комиссиясы менен интернет-сайттардын ортосундагы кызматташтык жөнүндө Меморандумга кол коюуга карата тегерек стол өттү. Тегерек столдун ишине КР БШК төрагасы Т.Абдраимов, КР БШК төрагасынын орун басарлары Г.Джурабаева жана А.Шайымкулова, КР БШК мүчөлөрү, маалыматтык агенттиктердин жетекчилери жана өкүлдөрү, өкмөттүк эмес уюмдардын жана жалпыга маалымдоо каражаттарынын өкүлдөрү катышышты. Таза жана адилет шайлоону даярдоо жана өткөрүү маселесинде маалыматтык камсыздоо процессинин маанилүүлүгүн, ошондой эле интернет-сайттардын жана алардын өкүлдөрүнүн шайлоо процессине, мунун ичинде үгүт иштерине да жалпыга маалымдоо каражаттары жана алардын өкүлдөрү менен бирдей шартта катышуусун камсыз кылуу максатында Борбордук шайлоо комиссиясы маалыматтык агенттиктер менен кызматташтык жөнүндө Меморандумду иштеп чыккан. Куттуктоо сөзүндө КР БШК төрагасы Туйгуналы Дүйшөналиевич Абдраимов шайлоону даярдоо жана өткөрүүдө шайлоо комиссияларынын алдында турган актуалдуу проблемалардын бири биздин республиканын жарандарын маалыматтык камсыз кылуу экендигин белгиледи. Бул өтө маанилүү иш чарада өзгөчө орун маалыматтык агенттиктерге таандык. Т.Абдраимов шайлоо процессинин бардык баскычтарында маалыматтык камсыз кылуу анын маанилүү жана ажыратылгыс бөлүгү болоорун баса белгиледи. Ушундан улам, өлкөнүн ичиндеги кана эмес анын тышкары жагындагы да жарандарды зарыл маалымат менен камсыз кылууда алардын бардыгын камтуунун, маалыматты тез арада жеткирүүнүн зор каражаты болуп эсептелген интернет-сайттарга өзгөчө орун берилет. Сөзүн улантуу менен БШК төрагасы Меморандумду даярдоо жана келишим түзүү маселесин демилгелеп жатып, Борбордук шайлоо комиссиясы биздин жарандарды таза жана адилет шайлоо маселелери боюнча маалымдоонун, шайлоо жөнүндө маалыматка жетишүүдөгү шайлоочулардын укугун толук камсыз кылуунун, ошондой эле шайлоочуларды жергиликтүү кеңештерге талапкерлердин жана саясий партиялардын платформалары менен кеңири тааныштыруунун маанисине көңүл бургандыгын белгиледи. Мында аталган маселе Кыргыз Республикасынын чегинен тышкары турган биздин жарандар үчүн өтө актуалдуу экендигин айта кетүү зарыл. Анткени алар үчүн маалыматтын негизги булагы болуп интернет-сайттар эсептелет. Боршайлоокомдун төрагасы маалыматтык агенттиктеринин катышкан өкүлдөрүнө өткөндөгү президенттик шайлоонун алдында КР Борбордук шайлоо комиссиясы КР Жогорку Кеңешине “Массалык маалымат каражаттары жөнүндө” Мыйзамдын 1-беренесин расмий чечмелеп берүү өтүнүчү менен кайрылгандыгын айтты. Жогорку Кеңештин конституциялык мыйзамдар, мамлекеттик түзүлүш, мыйзамдуулук жана жергиликтүү өз алдынча башкаруу боюнча Комитети Борбордук шайлоо комиссиясынын кайрылуусун карап чыгып, Кыргыз Республикасынын юстиция Министрлигинде жалпыга маалымдоо каражаттары (ЖМК) сапатында катталган интернет-сайттар Борбордук шайлоо комиссиясында акредиттелүү укугуна ээ деген расмий жообун берген. Тилекке каршы, калк арасында кадыр-баркка ээ болгон бир дагы интернет-сайт Кыргыз Республикасынын юстиция Министрлигинде жалпыга маалымдоо каражаттары сапатында белгиленген тартипте каттоодон өтпөптүр. Жогоруда баяндалгандарды эске алуу менен жалпыга маалымдоо каражаттары жана маалыматтык агенттиктер үчүн бирдей шарттарды түзүү максатында Борбордук шайлоо комиссиясы жергиликтүү кеңештердин депутаттарын шайлоо алдында интернет-сайттар менен макулдашуу жөнүндө Меморандумга кол койду-деп белгиледи КР БШК төрагасы. Аталган Меморандумга кол коюуну каалаган айрым интернет-сайттар бүгүнкү тегерек столго катыша албай калгандыгына байланыштуу жогоруда көрсөтүлгөн интернет-сайттар менен кол коюлгандан кийин кызматташтык жөнүндө Меморандум КР БШКнын расмий сайтына жайгаштырылат. Кыргыз Республикасынын Борбордук шайлоо комиссиясынын басма сөз кызматы

Кыргыз Республикасынын Шайлоо жана референдум өткөрүү боюнча борбордук комиссиясы бекиткен “Кыргыз Республикасынын жергиликтүү кеңештеринин депутаттыгына талапкерлердин депутаттыгына талапкерлердин шайлоо фондусунун акча каражаттарынын келип түшүшүн жана чыгымдалышын эсепке алуу тартиби жөнүндө” Нускаманын 5-беренесинин 21-бөлүгүнө ылайык, 2012-жылдын 22-октябрынан тартып жума сайын “РСК Банк» ААК тарабынан саясий партиялардын, талапкерлердин шайлоо фондусуна акча каражаттардын келип түшүшү жана чыгымдалышы тууралуу маалыматты № 5 форма боюнча маалымат берип турат. Талапкерлер, саясий партиялар өз шайлоо фондусунун эсебиндеги акча каражаттарынын келип түшүшүнүн жана чыгымдалашынын эсебин № 4 форма боюнча жүргүзүүгө милдеттүү Жыйынды финансылык отчет № 7 форма боюнча түзүлөт. Эскерте кетсек, №№ 1,2,3,4.,7 формалар Кыргыз Республикасынын Борбордук шайлоо комиссиясынын расмий сайтында жайгаштырылган.    Кыргыз Республикасынын Борбордук шайлоо комиссиясынын басма сөз кызматы

Кыргыз Республикасынын Шайлоо жана референдум өткөрүү боюнча борбордук комиссиясы чектелбеген тооруктар ыкмасы менен төмөнкүлөрдү сатып алууга тендер өткөрүү жөнүндө жарыялайт: ЛОТ № 1 –Canon РIХMA МХ340 МФУнун Canon PG-510 Black жана Саnon FINE CL-511 Color картридждерине; ЛОТ № 2 – шайлоочуларды белгилөө үчүн атайын көрүнө турган курамы менен маркелерге. Тендердик документтерди төмөнкү дарек боюнча алсаңыздар болот: Бишкек шаары, Раззаков көчөсү 59, 2-кабат, 205- каб.   Тел.: (0312) 66-52-69,  66-01-09.  Факс: 66-51-86 Тендердик табыштамаларды тапшыруу мөөнөтү 2012-жылдын 30-октябрында саат 11.00дө аяктайт. Кыргыз Республикасынын Борбордук шайлоо комиссиясынын басма сөз кызматы

Кыргыз Республикасынын Шайлоо жана референдум өткөрүү боюнча борбордук комиссиясы чектелбеген тооруктар ыкмасы менен төмөнкү автоунааларды сатып алууга тендер өткөрүү жөнүндө жарыялайт   Лот №1 микроавтобус; Лот №2 жол тандабас автоунаа. Тендердик документтерди төмөнкү дарек боюнча алсаңыздар болот: Бишкек шаары, Раззаков көчөсү 59, 2-кабат, 205-каб.     Тел.: (0312) 66-52-69,  66-01-09.  Факс: 66-51-86 Тендердик табыштамаларды тапшыруу мөөнөтү 2012-жылдын 25-октябрында саат 11.00дө аяктайт   Кыргыз Республикасынын Борбордук шайлоо комиссиясынын басма сөз кызматы

КР БШК транспорттук кызмат көрсөтүүлөргө чектелбеген тооруктар ыкмасы менен тендер өткөрүү жөнүндө жарыялайт Кыргыз Республикасынын Шайлоо жана референдум өткөрүү боюнча борбордук комиссиясы Кыргыз Республикасынын аймактык шайлоо комиссияларына шайлоо документтерди жана коштоочу материалдарды жеткирүү боюнча транспорттук кызмат көрсөтүүлөргө чектелбеген тооруктар ыкмасы менен тендер өткөрүү жөнүндө жарыялайт. Тендердик документтерди төмөнкү дарек боюнча алсаңыздар болот: Бишкек шаары, Раззаков көчөсү 59, 2-кабат, 205-каб.     Тел.: (0312) 66-52-69,  66-01-09.  Факс: 66-51-86 Тендердик табыштамаларды тапшыруу мөөнөтү 2012-жылдын 26-октябрында саат 11.00дө аяктайт   Кыргыз Республикасынын Борбордук шайлоо комиссиясынын басма сөз кызматы

  Кыргыз Республикасынын Шайлоо жана референдум өткөрүү боюнча борбордук комиссиясында Коомдук кабылдама иштеп жатат. Коомдук кабылдамада 2012-жылдын 25-ноябрына дайындалган КР жергиликтүү кеңештердин депутаттарын шайлоо маселелери боюнча жарандарды кабыл алуу күн сайын саат 9.00дөн 18.00гө чейин, тыныгуу саат 13.00дөн 14.00гө чейин, дем алыш күнсүз жүргүзүлөт.   Коомдук кабылдама Борбордук шайлоо комиссиясынын имаратында жайгаштырылган (Бишкек шаары, Раззаков көчөсү 59, № 101 каб., тел: 0312-66-58-60).   Кыргыз Республикасынын Борбордук шайлоо комиссиясынын басма сөз кызматы  

Шайлоочулар таанышуу үчүн шайлоочулардын тизмеси илинди  2012-жылдын 25-ноябрына дайындалган Кыргыз Республикасынын жергиликтүү кеңештеринин депутаттарын шайлоону даярдоо жана өткөрүү боюнча негизги уюштуруу-практикалык иш-чаралардын Календарлык планына ылайык бардык 2028 участкалык шайлоо комиссияларында тийиштүү шайлоо участогунун аймагында жашаган шайлоочулар таанышуу үчүн шайлоочулардын тизмеси илинди. “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамына ылайык ар бир шайлоочу 30 календарлык күндүн ичинде, бирок добуш берүү күнүнөн 10 календарлык күндөн кечиктирбестен, тиешелүү шайлоо комиссиясына анын шайлоочулардын тизмесинде жоктугу, же андагы катачылык же таксыздык жөнүндө билдирүүгө укуктуу. Добуш берүү күнүнө 10 календарлык күн калганда участкалык шайлоо комиссиясы шайлоочулардан арыз алганды токтотот. Эскертели, добуш берүү күнү, 2012-жылдын 25-ноябрында шайлоочулардын тизмесине киргизилген шайлоочулар кана добуш бере алышат.     Кыргыз Республикасынын Борбордук шайлоо комиссиясынын  басма-сөз кызматы

Борбордук шайлоо комиссиясынын мүчөлөрү региондордо АШКларга жана УШКларга усулдук жана практикалык жардам берет 2012-жылдын 15-октябрында Кыргыз Республикасынын Шайлоо жана референдум өткөрүү боюнча борбордук комиссиясынын мүчөлөрү республиканын бекитип берилген региондору боюнча иш сапарга чыгышты. КР БШКнын мүчөлөрү 2012-жылдын 16-октябрынан 20-октябрына чейин региондордо аймактык, участкалык шайлоо комиссияларына жана КР БШКнын атайын өкүлдөрүнө 2012-жылдын 25-ноябрына дайындалган Кыргыз Республикасынын жергиликтүү кеңештеринин депутаттарын шайлоону даярдоо жана өткөрүү маселелери боюнча усулдук жана практикалык жардам берет. Эске сала кетели, 2012-жылдын 25-ноябрында Кыргыз Республикасынын жергиликтүү кеңештеринин депутаттарын шайлоону даярдоого жана өткөрүүгө байланыштуу БШКнын мүчөлөрүнө төмөнкүдөй облустар кураторлук кылууга бекитилген: - Акматов Ж.А.– Баткен облусу, - Асаналиев А.Т., Баатырова Г.М.– Жалал-Абад облусу; - Ашимов Н.А. –Талас облусу; - Бапанова Ж.Б.– Нарын облусу; - Баялинов А.Дж, Азиз Канатбек – Ош облусу; - Бекбасаров Р.Б. – Чүй облусу; - Кадырбеков И.Д – Ысык-Көл облусу; Бишкек шаарына КР БШКнын бардык мүчөлөрү бекитилген. Кыргыз Республикасынын Борбордук шайлоо комиссиясынын басма сөз кызматы

2012-жылдын 25-ноябрына дайындалган Кыргыз Республикасынын жергиликтүү кеңештердин депутаттарын шайлоо боюнча шайлоо округдардын чек аралары бекитилди 2012-жылдын 25-ноябрына дайындалган Кыргыз Республикасынын жергиликтүү кеңештердин депутаттарын шайлоо боюнча шайлоо участкалардын чек аралары 

Бишкек шаардык кеңешинин депутаттыгына талапкерлердин тизмелерин көрсөткөн саясий партиялардын тизмеси   «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамына ылайык Бишкек шаардык кеңешинин депутаттыгына талапкерлердин тизмелерин 23 саясий партия көрсөттү. Төмөндө Бишкек шаардык кеңешинин депутаттыгына талапкерлердин тизмелерин көрсөткөн саясий партиялардын тизмесин келтиребиз: 1. «Ата Мекен»; 2. «Республика»; 3. «Мекен Ынтымагы»; 4. «Кыргызстан Элдик-демократиялык партиясы»; 5. «Столица» демократиялык партиясы; 6. «Ата-Журт» мекенчил партиясы; 7. «Акшумкар»; 8. «Партия зеленых Кыргызстана»; 9. «За жизнь без барьеров»; 10. «Замандаш-Современник»; 11. «Партия транспортников Кыргызской Республики»; 12. «Эгемен Кыргызстан»; 13. «Единство и развитие»; 14. «Союз. Свобода. Справедливость. Родина»; 15. «Ар-Намыс»; 16. «Адилетүү Кыргызстан»; 17. «Бүтүн Кыргызстан»; 18. Партия возрождения «Эркин Эл»; 19. «Кыргызстан социал-демократиялык партиясы»; 20. «Кыргызстан патриоттору»; 21. «Кайран Эл»; 22. «Асман Ала-Тоо» элдик саясий партиясы; 23 “Ак-Санат» элдик өзүн-өзү башкаруу партиясы. Өздөрүнүн ыйгарым укуктуу өкүлдөрүн каттаган 2 саясий партия («Ыйман Нуру» акыйкат жана өнүгүү саясий партиясы,  «Кыргызстан республикалык элдик партиясы») талапкерлердин тизмесин каттоо үчүн зарыл болгон документтерди Бишкек аймактык шайлоо комиссиясына бере элек.   Кыргыз Республикасынын Борбордук шайлоо комиссиясынын басма сөз кызматы

Шаардык кеңештердин депутаттыгына талапкерлерди көрсөтүү аяктады   2012-жылдын 15-октябрында шаардык кеңештердин депутаттыгына талапкерлерди көрсөтүү аяктады. «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамына ылайык шаардык кеңештердин депутаттыгына талапкерлерди көрсөтүү шайлоо дайындалган күндөн тартып башталат жана шайлоо күнүнө чейин 40 календарлык күн мурда аяктайт. Документтер кабыл алынган күндөн тартып 10 календарлык күндүн ичинде аймактык шайлоо комиссиялары талапкерлердин тизмесин көрсөтүү тартиби «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын талаптарына ылайык келе тургандыгын текшерет. Шаардык кеңештердин депутаттыгына талапкерлердин тизмесин каттоо шайлоо күнүнө чейин 30 календарлык күн мурда аяктайт. Эске сала кетебиз: айылдык кеңештердин депутаттыгына талапкерлерди көрсөтүү мөөнөттөрү да шайлоо дайындалган күндөн тартып баштала,. бирок шайлоо күнүнө чейин 30 календарлык күн мурда, башкача айтканда, 2012-жылдын 25-октябрында саат 24-00гө чейин аяктайт. Айылдык кеңештердин депутаттыгына талапкерлерди каттоо, тиешелүү түрдө, 10 календарлык күндөн кийин аяктайт.   Кыргыз Республикасынын Борбордук шайлоо комиссиясынын басма сөз кызматы

Шаардык кеңештерге депутаттыкка талапкерлердин тизмелерин көрсөткөн саясий партиялардын тизмеси «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамына ылайык, шаардык кеңештердин депутаттыгына талапкерлерди көрсөтүү шайлоо дайындалган күндөн, башкача айтканда, 2012-жылдын 25-сентябрынан тартып башталды жана 15-октябрында аяктады. Төмөндө шаардык кеңештерге депутаттыкка талапкерлердин тизмелерин көрсөткөн саясий партиялардын тизмесин келтиребиз:  № Шаардын аталышы Мандаттардын саны Талапкерлердин тизмелерин көрсөткөн саясий партиялар Бардыгы Партиянын аталышы   Бишкек шаары 1 Бишкек ш. 45 23 1. «Ата-Мекен» 2. «Республика»  3. «Мекен Ынтымагы» 4. «Кыргызстан Элдик-демократиялык партиясы» 5. «Столица» демократиялык партиясы 6. «Ата-Журт» 7. «Ак-Шумкар» 8. «Партия Зеленых Кыргызстана» 9. «За жизнь без барьеров» 10.   «Замандаш-Современник» 11.   «Партия транспортников Кыргызской Республики» 12.   «Эгемен Кыргызстан» 13.   «Единство и развитие» 14.  «Союз. Свобода. Справедливость. Родина» (СССР) 15.  «Ар-Намыс» 16.   «Адилеттүү Кыргызстан» 17.   «Бүтүн Кыргызстан» 18.  «Партия возрождения «Эркин Эл»» 19.  «КСДП» 20.  «Кыргызстан патриоттору» 21.  «Кайран эл» 22.   «Кыргызстан республикалык элдик партиясы  » 23.  «Ак Санат» элдик өзүн өзү башкаруу партиясы» Чүй облусу 1 Орловка ш. 21 6 1. «Республика» 2.  «КСДП» 3. «Ак-Шумкар» 4. «Замандаш-Современник » 5. «Ар-Намыс» 6. «Ата-Мекен» 2 г.Кант 31 8 1. «Ата-Мекен» 2. «Республика» 3. «Калк Ынтымагы» 4. «КСДП» 5. «Ак-Шумкар» 6. «СССР» 7. «Замандаш-Современник » 8. «Ар-Намыс» 3 Шопоков ш. 21 4 «КСДП» «Республика» «Ата-Мекен» «Ак-Шумкар» 4 Кара-Балта ш. 31 7 «КСДП» «Ар-Намыс» «Ата-Мекен» «Ак-Шумкар» «Замандаш-Современник» «Республика» 7.  «Эл-Аман» 5 Кайынды ш. 21 5 1. «КСДП» 2. «Республика» 3. «Замандаш-Современник» 4.  «Ата-Мекен» 5. «Столица» Ысык-Көл облусу 1 Чолпон-Ата ш. 21 7 “Республика” “Улуу Кыргызстан” “Ата-Мекен” “Ар-Намыс” “ Кыргызстан социал-демократиялык партиясы” “Мекен Ынтымагы” “Заманадаш-Современник” Талас  облусу 1 Талас ш. 31 7 «Ата-Мекен» «Республика»  «Ак-Шумкар» “Замандаш-Современник” “Авангард” “ Кыргызстан социал-демократиялык партиясы” “Мекен Ынтымагы” Нарын облусу 1 Нарын ш. 31 8 «Республика» «Мекен ынтымагы» «Ата-Мекен» «Кыргызстан социал-демократиялык партиясы» «Улуу Кыргызстан» «Ак-Шумкар» «Замандаш-Современник» «Адилеттүү Кыргызстан» Баткен облусу 1 Баткен ш. 31 7 «Ата-Мекен» «Республика»  «Ата-Журт» «Жаңы Кыргызстан» «Замандаш-Современник» «Бүтүн Кыргызстан» «КСДП» 2 Сүлүктү ш. 31     5 1.   «Ата-Мекен» 2.   «Бүтүн Кыргызстан» 3.   «Республика»  4.   «КСДП» 5.   «Замандаш-Современник» 3 Кызыл-Кыя ш. 31             6 1   «Конгресс народов Кыргызстана» 2.  «Ата-Журт» 3.  «Замандаш-Современник» 4.   «Ата-Мекен» 5.   «КСДП» 6.   «Республика» 4 Айдаркен ш.   21 6 1.   «КСДП» 2.   «Замандаш-Современник» 3.   «Ата-Мекен» 4.   «Бүтүн Кыргызстан» 5.   «Ата-Журт» 6.   «Республика» 5         Кадамжай ш. 21 6 1.   «КСДП» 2.   «Замандаш-Современник» 3.   «Ата-Мекен» 4.   «Бүтүн Кыргызстан» 5.    «Ата-Журт» 6.    «Республика» 6 Исфана ш. 31 6 1.    «Замандаш-Современник» 2.    «Бүтүн Кыргызстан» 3.    «Республика» 4.   «Ата-Мекен» 5.   «Ата-Журт» 6.   «КСДП» Ош облусу 1 Ноокат ш. 21 4 1. «Республика» 2.  «КСДП» 3.  «Замандаш» 4. «Ата-Мекен» 2 Кара-Суу ш. 31 5 1. «Ата-Мекен» 2. «Республика» 3. «КСДП» 4. «Замандаш» 5. «Өнүгүү партиясы» 3 Өзгөн ш. 31 8 1. «КСДП» 2. «Республика» 3. «Ата-Мекен» 4. «Ак-Шумкар» 5. «Замандаш-Современник» 6. «Өнүгүү партиясы-Партия Возрождения” 7. «Ар-Намыс» 8. «Ата-Журт» Жалал – Абад   облусу 1 Жалал- Абад ш. 31 10 «Ата –Журт» «КСДП» «Өнүгүү» «Республика» «Бүтүн  Кыргызскан» «Ата – Мекен» «Замандаш – Современник» «Эгемен  Кыргызстан» «Ак – Шумкар» «ККП» 2 Майлуу –Суу ш. 31 5 «Ата – Мекен» «Ата –Журт» «Республика» «Замандаш – Современник» «КСДП» 3 Кара –Көл ш. 31 8 «КСДП» «Ата – Мекен» «Ата –Журт» «Республика» «Замандаш – Современник» «Мекен  Ынтымагы» «ККП» «Партия  Прогресс» 4 Таш –Көмүр ш. 31 9 «Партия  Прогресс» «КСДП» «Ата – Мекен» «Ата –Журт» «Республика» «Замандаш – Современник» «Мекен  Ынтымагы» «ККП» «Бүтүн  Кыргызстан» 5 Кербен ш. 31 8 «Замандаш – Современник» «Өнүгүү» «Ата – Мекен» «Ата –Журт» «Эгемен  Кыргызстан» «Республика» «Бүтүн  Кыргызстан» «КСДП» 6 Кочкор –Ата ш. 21 9 «КСДП» «Ата – Мекен» «Ата –Журт» «Республика» «Замандаш – Современник» «Эгемен  Кыргызстан» «Бүтүн  Кыргызстан» «Жаңы  Кыргызстан» «Өнүгүү» 7 Көк –Жангак ш. 21 4 «КСДП» «Партия  Прогресс» «Кыргызстан коммунисттер партиясы» «Ата –Журт» Кыргыз Республикасынын Борбордук шайлоо комиссиясынын басма сөз кызматы

Добуш берүү күнү, 2012-жылдын 25-ноябрында, шайлоочулардын тизмесине кирген шайлоочулар гана добуш бере алат  Кыргыз Республикасынын жергиликтүү кеңештеринин депутаттарын шайлоону даярдоо жана өткөрүү боюнча негизги уюштуруу-практикалык иш-чаралардын Календарлык планына ылайык, катталган шайлоочулар жөнүндө маалыматтарды тактоо 2012-жылдын 25-сентябрында, башкача айтканда, 2012-жылдын 25-ноябрына Кыргыз Республикасынын жергиликтүү кеңештеринин депутаттарын шайлоо дайындалгандан кийин башталган. «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамына ылайык, 2012-жылдын 16-октябрынан тартып бардык 2028 участкалык шайлоо комиссиясында тиешелүү шайлоо участкасынын аймагында жашаган шайлоочулар таанышуусу үчүн шайлоочулардын тизмелери илинет. Жогоруда көрсөтүлгөн Мыйзамга ылайык ар бир шайлоочу 30 календардык күндүн ичинде, бирок добуш берүү күнүнө чейин 10 календардык күндөн кечиктирбестен өзү шайлоочулардын тизмесинде болбогондугу жөнүндө, андагы ката же так эместик жөнүндө тиешелүү участкалык шайлоо комиссиясына жазуу жүзүндө билдирүүгө укуктуу. Добуш берүү күнүнө чейин 10 календардык күн калганда участкалык шайлоо комиссиясы шайлоочулардын арыздарын кабыл алууну токтотот. Добуш берүү күнү, 2012-жылдын 25-ноябрында, шайлоочулардын тизмесине киргизилген шайлоочулар гана добуш бере ала тургандыгын эске салабыз.   Кыргыз Республикасынын Борбордук шайлоо комиссиясынын басма сөз кызматы

Депутаттыкка талапкерлердин шайлоо алдындагы үгүтүнө катышууга уруксаат алган жалпыга маалымдоо каражаттарынын тизмеси  2012-жылдын 25-ноябрына дайындалган Кыргыз Республикасынын жергиликтүү кеңештердин депутаттарын шайлоодо депутаттыкка талапкерлердин шайлоо алдындагы үгүтүнө катышууга уруксаат алган жалпыга маалымдоо каражаттардын тизмеси –бул жерде

Бүгүн 2012-жылдын 10-октябрында Кыргыз Республикасынын Шайлоо жана референдум өткөрүү боюнча борбордук комиссиясынын кезектеги жыйналышы өттү. Анда КР БШКнын мүчөлөрү Жети-Өгүз, Ак-Талаа. Ала-Бука, Тогуз-Торо, Кара-Көл, Токтогул, Москва, Панфилов, Жайыл, Талас, Лейлек жана Араван аймактык шайлоо комиссиялардын курамдарына жана резервдерине өзгөртүүлөрдү киргизишти. Ошондой эле КР БШКнын мүчөлөрү 2012-жылдын 25-ноябрына дайындалган Кыргыз Республикасы жергиликтүү кеңештердин депутаттарын шайлоо боюнча шайлоо участкалардын схемаларын, чек араларын жана шайлоочунун шайлоочулардын тизмесинде бар экендиги тууралуу кабарлоо формасын бекитишти. Жарандардын, талапкерлердин, шайлоочулардын топторунун, саясий партиялардын шайлоо алдындагы үгүттү жүргүзүү жана шайлоочуларды маалымдоо боюнча шайлоо укуктарын жүзөгө ашыруу максатында жана жарандардын эрк-ниетин, шайлоонун ачык-айкындыгын  камсыздоо үчүн  КР БШК мүчөлөрү жалпыга маалымдоо каражаттардын шайлоо алдындагы үгүткө катышуусу тууралуу токтом кабыл алышты. Токтомго ылайык, “Кыргыз Республикасынын жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын талаптарын аткарган жалпыга маалымдоо каражаттар 2012-жылдын 25-ноябрына дайындалган Кыргыз Республикасы жергиликтүү кеңештердин депутаттарын шайлоодо депутаттыкка талапкерлердин шайлоо алдындагы үгүтүнө катыша алышат. Жыйналышта КР БШК мүчөлөрү Кыргыз Республикасы жергиликтүү кеңештердин депутаттарын шайлоо менен байланыштуу “Кыргыз Республикасынын жергиликтүү кеңештеринин депутаттарын шайлоону даярдоонун жана өткөрүүнүн жүрүшүн шайлоочуларга маалымдоо маселелери боюнча Жумушчу топ жөнүндө” жана “Арыздарды жана даттанууларды кароо боюнча жумушчу топ жөнүндө”  Жоболорду бекитүү тууралуу токтомдорду кабыл алды. Ушул жумушчу топтордун жетекчилери болуп КР БШК мүчөлөрү Н.Ашимов жана Р.Бекбасаров дайындалды. Мындан тышкары жергиликтүү кеңештеринин депутаттарын шайлоо мезгилинде аймактык шайлоо комиссияларынын алдында шайлоо алдындагы үгүттү жүргүзүүнүн эрежесин сактоону контролдоо боюнча Жумушчу топтун жетекчиси болуп КР БШК мүчөсү Н. Асаналиев дайындалды. Кыргыз Республикасынын Шайлоо жана референдум өткөрүү боюнча борбордук комиссиясына караштуу контролдук-текшерүү топту КР БШКнын мүчөсү Ж. Акматов жетектеди. Кыргыз Республикасынын Борбордук шайлоо комиссиясынын басма сөз кызматы