Жаңылыктар

Кыргыз Республикасынын Шайлоо жана референдум өткөрүү боюнча борбордук комиссиясына (мындан ары-БШК) 2017-жылдын 1 жана 4-августунда Кыргыз Республикасынын Президентинин кызмат ордуна талапкер Ө.Ч. Текебаевдин ыйгарым укуктуу өкүлү А.Ж. Жолдошбековдон арыздар келип түшкөн, анда А.Ж. Жолдошбеков “Кыргыз Республикасынын Шайлоо жана референдум өткөрүү боюнча борбордук комиссиясынын отурумунда Ө.Ч. Текебаевге Кыргыз Республикасынын Президентинин кызмат ордуна талапкерлердин мамлекеттик тилди билүү деңгээлин аныктоо боюнча тестирлөөгө катышуу мүмкүнчүлүгүн камсыз кылуу маселесин карап чыгууну” суранган. Бул маселе боюнча КР БШКнын Жумушчу тобунун кароосуна КР БШКнын мүчөсү Г.Джурабаеванын жана А.  Абдрахматованын КР БШКнын чечиминин долбоору тиркелген 2017-жылдын 8-августундагы кайрылуусу өткөрүлүп берилген. КР БШКнын Жумушчу тобу бардык материалдарды, түшкөн арыздарды жана сунуштарды карап чыгып, Кыргыз Республикасынын мыйзамдарынын жоболорунун негизинде, төмөнкүлрөдү белгилейт: 2017-жылдын 18-июнунда Текебаев Өмүрбек Чиркешевич Кыргыз Республикасынын жараны Канатбек Азиз аркылуу 21.10.2016-ж. №Д-1160 жарандык ишеним каты боюнча Кыргыз Республикасынын Шайлоо жана референдум өткөрүү боюнча борбордук комиссиясына Кыргыз Республикасынын Президентинин кызмат ордуна талапкерликке коюу ниети жөнүндө арызын берген. Кыргыз Республикасынын Ички иштер министрлигинин Маалыматтык технологияларынын башкы башкармалыгынын 13.07.2017-ж. маалыматы боюнча Ө. Текебаевге карата Кыргыз Республикасынын Башкы прокурору тарабынан 2017-жылдын 25-февралында Кыргыз Республикасынын Кылмыш-Жаза кодексинин 303-беренесинин 1-бөлүгү жана 166-беренесинин 4-бөлүгүнүн 2,4-пункттарында каралган  кылмыш белгилери боюнча т.а. кызмат абалынан пайдалануу менен коррупция жана алдамчылык фактысы боюнча өзгөчө ири өлчөмдө жасалган кылмыш иши козголгон, ал мындан ары иликтөө үчүн КР УКМКсына өткөрүлүп берилген.   КР УКМКнын 7.08.2017-ж. маалыматы боюнча Бишкек шаарынын Биринчи май райондук сотунун 2017-жылдын 27-февралындагы токтому менен Ө. Текебаевге бөгөт коюу чарасы катары КР УКМКнын СИЗОсунда кармоо менен камакка алуу тандап алынган. Тергөө амалдары аяктоо менен кылмыш иши Бишкек ш. Биринчи май райондук сотуна өткөрүлүп берилип, ал жерде бул иш маңызы боюнча каралып жатат. Ө. Текебаев соттолуучу катары КР УКМКсынын СИЗОсунда кармалып, соттун юрисдикциясында турат. Кыргыз Республикасынын Конституциясынын 52-беренесинин 1-бөлүгүнө ылайык, жарандар ушул Конституцияда жана мыйзамдарда каралган тартипте мамлекеттик бийлик органдарын жана жергиликтүү өз алдынча башкаруу органдарын шайлоого жана аларга шайланууга укуктуу. “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын (мындан ары – КР КМ) 3-беренесинин 5-бөлүгүнө ылайык, жарандар ушул конституциялык Мыйзамда белгиленген талаптарды сактоодо шайлоого жана шайланууга өз укуктарын ишке ашырышат. КР КМдын 50-беренеси менен Президенттин кызматына коюлган талаптар белгиленген. Президент болуп 35 жаштан төмөн эмес жана 70 жаштан жогору эмес, чет мамлекеттин жарандыгы жок, мамлекеттик тилди билген жана республикада жалпысынан 15 жылдан кем эмес жашаган Кыргыз Республикасынын жараны шайлана алат. КР КМдын 53-беренесине ылайык, каттоо үчүн Президенттин кызматына талапкер же анын ыйгарым укуктуу өкүлү шайлоо күнүнө 45 календардык күн калгандан кечиктирбестен Борбордук шайлоо комиссиясына төмөнкү документтерди берет: 1) Президенттин кызматына талапкер болууга макулдугу жөнүндө арызды (арыздарды) тиркөө менен, өзүн-өзү көрсөтүү жөнүндө арызды же саясий партиянын талапкерди көрсөтүү жөнүндө чечиминин протоколун; 2) өмүр баян маалыматтарын көрсөтүү менен, талапкер жөнүндө маалыматтардын таризин; 3) паспорттун көчүрмөсүн; 4) иштеген же окуган жеринен маалымдаманы; 5) ушул конституциялык Мыйзамда каралган шайлоо күрөөсүн төккөнүн ырастоочу документти; 6) ушул конституциялык Мыйзамдын 51-беренесинде көрсөтүлгөн мамлекеттик тилди билүү деңгээли тууралуу сертификат. Ошондой эле Кыргыз Республикасынын Конституциясы жана КР КМдин 49-беренеси менен шайлоочулардын 30 миңден кем эмесинин колун топтогон адам Президенттикке талапкер болуп каттала алат деп каралган. Жогоруда көрсөтүлгөн талаптар жана шарттар, аны Кыргыз Республикасынын Президентинин кызматына талапкер катары каттоо жана катталган талапкер катары  анын укуктарын мындан ары жүзөгө ашыруу үчүн  Президентикке көрсөтүлгөн талапкердин өзү тарабынан сакталышы жана аткарылышы кажет. КР БШКга бериле турган  мамлекеттик тилди билүү деңгээли тууралуу сертификат тууралуу КР КМдын 51-беренеси менен сертификат ыйгарым укуктуу мамлекеттик орган же мамлекеттик тилди билүү деңгээлине баа берүү чөйрөсүндөгү мекеме тарабынан тестирлөөнүн жыйынтыктары боюнча берилет деп белгиленген. Сертификат башка документтер менен катар КР БШКга каттоо үчүн бериле турган талап кылынган документтердин бири гана болуп саналат. Ошондуктан, аны алуу жана БШКга берүү талапкерлерге коюлган конституциялык Мыйзамдын талаптарын сактоо үчүн Президентикке көрсөтүлгөн адам тарабынан  аткарылуучу аракеттердин эсебине кирет. Мында сертификатты алуу үчүн талапкерлерге тең укуктук шарттарды камсыз кылуу үчүн БШК укуктук ченемдик акттын долбоорун – аныктоо үчүн тестирлөөнү өткөрүү тартиби жөнүндө жобону макулдашуу процессине катышкан, ал БШКда өткөрүлгөн практикалык көрсөтмө презентациясында тестирлөөнүн объективдүүлүгүнө жана күмөн санай турган нерселерден алыс болушуна ынанган. Мындан тышкары, ыйгарым укуктуу органга - Мамлекеттик тил боюнча комиссиясына тестирлөөнүн графигин белгилөө маселесин чечүү үчүн көрсөтүлгөн талапкерлердин тизмеси берилген (талапкерлердин чыгып кетүүсү жана жаңы арыздардын түшүүсүн эске алуу менен улам жаңыртылып), анын негизинде тестирлөөнү өткөрүү графиги түзүлгөн. Жогоруда белгиленгендей, Ө.Ч. Текебаевге карата бөгөт коюу чарасы катары камакка алуусу эчак эле шайлоо дайындалганга чейин колдонгон. Шайлоого катышуу эркин  жана ыктыярдуу болуп саналат. Талапкерликке ниеттенген жөнүндө арызын бергенде, алгач шектүү, андан кийин айыпкер болуп, азыркы учурда – соттолуучу болгон  Ө.Ч. Текебаев анын процессуалдык статусу процессуалдык укуктун юрисдикциясы болгондуктан, талапкерлерге карата мыйзамдарда белгиленген талаптарды жана укукту ишке ашыруу шарттарын ал тараптан аткарууга тоскоол болушу мүмкүн экендигин аңдап сезиши керек. Шайлоо мыйзамдарда камакта турган, талапкерликке арызын берген талапкер тарабынан конституциялык Мыйзам менен белгиленген талапатарды сактоонун жана аткаруунун өзгөчө жол-жоболору каралган эмес. КР БШКны чечим кабыл алуу жана Ө. Текебаевге мамлекеттик тилди билүү деңгээлин аныктоо боюнча тестирлөөгө катышуу мүмкүнчүлүгүн (2017-жылдагы 4-августундагы арыз) “аны аткарууга көмөктөшкөн мамлекеттик органдарды милдеттендирген токтомду кабыл алуу жолу аркылуу” (2017-жылдагы 1-августундагы арыз) талабы укуксуз, себеби Ө. Текебаевдин соттолуучу сапатындагы учурдагы процессуалдык статусундагы бардык орун алмашуулары кылмыш жазык процессуалдык мыйзамдардын жана иш анын өндүрүшүндө болгон орган катары соттун юрисдикциясынын алкагында турат.    Кыргыз Республикасынын Конституциясынын 16-беренесине ылайык, “Кыргыз Республикасында мыйзам жана сот алдында бардыгы бирдей”. БШКнын ыйгарым укуктарына, сот органдардын компетенциясына кирген, тактап айтканда, камакта кармалуучу жайда турган соттолуучунун орун алмашуусун же жеткиликтүүлүгү маселелерин чечүү кирбейт, себеби кылмыш-процессуалдык аракеттер кылмыш-процессуалдык ченемдер менен жөнгө салынат жана ишти өндүрүшкө алган органдардын юрисдикциясына кирет. “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 7-беренесинин 1-бөлүгүнүн 2-пунктуна ылайык, КР БШК өз ыйгарым укуктарынын чектеринде токтомдорду, нускамаларды, жоболорду, башка актыларды чыгарат жана алардын аткарылышын контролдойт. КР БШК мыйзамдарда каралган ыйгарым укуктарынын алкагында гана чечимдерди кабыл алууга укуктуу. А.Ж.Жолдошбековдун кайрылуусун жумушчу жыйналышта карап чыгып, аны камакта турган адамдын шайлоо укуктарынын бардык шарттарын ишке ашыруу механизминин жоктугу жөнүндө маалымдаган жана арыз ээсин сот органдарына кайрылууну сунуштаган.  2017-жылдын 25-июлунда Биринчи май райондук соту Ө.Текебаевдин адвокаты К.Хасановдун мамлекеттик тилди билүү деңгээлин аныктоо үчүн тестрилөөгө катышууну камсыз кылуу жана ушул максаттарга соттолуучунун паспортун берүү өтүнүчүн канааттандыруудан баш тарткан. 2017-жылдын 28-июлунда А.Ж.Жолдошбеков Бишкек ш. Район аралык  сотко төмөнкүдөй доо талаптары менен кайрылган: 1. Кыргыз Республикасынын Шайлоо жана референдум өткөрүү боюнча борбордук комиссиясынын Кыргыз Республикасынын Президенттигине талапкер Ө.Ч. Текебаевге мамлекеттик тилди билүүнү аныктоо үчүн тестирлөөгө катышуу, өтүү үчүн шарттарды түзбөгөндүгүндө көрсөтүлгөн аракетин (аракетсиздигин) мыйзамсыз деп табуу; 2. Кыргыз Республикасынын Шайлоо жана референдум өткөрүү боюнча борбордук комиссиясын талапкердин мамлекеттик тилди билүү деңгээлин аныктоо боюнча тесттен өтүү үчүн анын катышуусуна шарттарды түзүү жолу менен кетирген бузууларды жокко чыгарууну милдеттендирүү. Бишкек ш. Район аралык  соттун 2017-жылдын 3-августундагы чечими менен шайлоо маселелери боюнча ыйгарым укуктуу өкүлү Жолдошбековдун арызы жарым-жартылай канааттандырылды: -сот БШКнын аракетсиздигин Ө.Текебаевге мамлекеттик тилди билүү деңгээлин аныктоо боюнча тесттен өтүү үчүн анын катышуусуна мүмкүнчүлүктү камсыз кылуу тууралуу А.Жолдошбековдун арызын кароонун жыйынтыктары боюнча кандайдыр бир чечим (оң же терс) кабыл алынбагандыгы жагынан гана туура деп тапты -сот жогоруда көрсөтүлгөн доо талаптардын башка бөлүктөрүн канааттандыруудан баш тартты Мында, КР БШК Район аралык соттун чечимине макул болбогондуктан, ага даттанган, себеби арыз ээси тарабынан сот канааттандырган талап көрсөтүлгөн эмес жана сот өз чечиминде арыздын чегинен чыгып кеткен.  Кыргыз Республикасынын Жогорку сотунун  2017-жылдын 8-августундагы чечими менен Бишкек ш. район аралык  соттун 2017-жылдын 3-августундагы чечими күчүндө калтырылган. Жогоруда баяндалгандардын негизинде, Кыргыз Республикасынын Президентинин кызмат ордуна талапкерлердин документтерин кабыл алуу боюнча жумушчу топтун 2017-жылдын 10-августундагы чечимин эске алып, Кыргыз Республикасынын Конституциясынын 16-беренесин, 52-беренесинин 1-бөлүгүн, “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 3-беренесин, “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 7-беренесинин 1-бөлүгүнүн 2-пунктун жетекчиликке алып, Кыргыз Республикасынын Шайлоо жана референдум өткөрүү боюнча борбордук комиссиясы Кыргыз Республикасынын Президентинин кызмат ордуна талапкер Ө.Ч. Текебаевдин ыйгарым укуктуу өкүлү А.Ж. Жолдошбековдун арыздарын канааттандыруудан баш тартуу тууралуу токтом кабыл алынды. (9 “макул”, 3 “каршы”). КР  БШКнын  аппаратынын  маалыматтык  бөлүмү

2017-жылдын 20-июлунда Кыргыз Республикасынын Шайлоо жана референдум өткөрүү боюнча борбордук комиссиясына (мындан ары-БШК) С.Н.Жапаровдон Кыргыз Республикасынын Президентинин кызмат ордуна талапкерликке коюу ниети жөнүндө арызы келип түшкөн. КР БШКсынын Кыргыз Республикасынын Президентинин кызмат ордуна талапкерлердин документтерин кабыл алуу боюнча жумушчу топ тарабынан жүргүзүлгөн текшерүүлөрдүн жыйынтыктары боюнча төмөнкүлөр аныкталган:  Кыргыз Республикасынын Ички иштер минситрлигинин Маалыматтык технологиялардын башкы башкармалыгынын (25.07.2017-ж. чыг. № 7/6891)  жана Кыргыз Республикасынын Жогорку сотунун (28.07.2017-ж. чыг.№ 01-9/1362 ) маалыматы боюнча С.Н. Жапаров, Жогорку соттун 2013-жылдын 6-августундагы өкүмү менен Кыргыз Республикасынын Кылмыш-Жаза кодексинин (мындан ары - КЖК) 30-беренесинин 1,4-бөлүктөрүндө (Кылмышка шериктеш болуу), 28-беренесинде (кылмыш далалаты), 295-беренесинде (Бийликти күчкө салып тартып алуу же бийликти күч менен кармап туруу) каралган кылмыштарды жасагандыгы үчүн күнөлүү деп табылган жана КЖКнын 56-беренесин колдонуу менен (Мыйзамда каралгандан жеңилирээк жаза белгилөө) 1 жыл 5 айга соттолгон. Кыргыз Республикасынын Конституциясынын 52-беренесинин 2-бөлүгүнө ылайык: “жарандар ушул Конституцияда жана мыйзамдарда каралган тартипте мамлекеттик бийлик органдарын жана жергиликтүү өз алдынча башкаруу органдарын шайлоого жана аларга шайланууга укуктуу”. Кыргыз Республикасынын Конституциясынын 20-беренесине ылайык: “Адамдын, жарандын укуктары менен эркиндиктери улуттук коопсуздукту, коомдук тартипти, калктын саламаттыгын, адеп-ахлагын сактоо, башка адамдардын укуктары менен эркиндиктерин коргоо максатында Конституция жана мыйзамдар менен чектелиши мүмкүн. Ушундай чектөөлөр аскердик же башка мамлекеттик кызматтын өзгөчөлүктөрүн эске алуу менен да киргизилиши мүмкүн. Киргизилип жаткан чектөөлөр көрсөтүлгөн максаттарга өлчөмдөш болушу керек”. “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамы менен (мындан ары – КР КМ) жогорку кызмат орунга - Кыргыз Республикасынын Президенттигине шайланууда жарандардын пассивдүү шайлоо укугу, соттуулук менен байланышкан чектөөлөргө ээ, тактап айтканда, КР КМнын 3-беренесинин 4-бөлүгүнө ылайык, соттолгондугу алып салынбаган же мыйзамда белгиленген тартипте жоюлбаган адамдар Президенттин кызматына жана Жогорку Кеңештин депутаттыгына шайланууга укуксуз. Кыргыз Республикасынын Жогорку сотунун (02.08.2017-ж. чыг.№ 01-11/1382 ) маалыматы боюнча соттулукту жоюу мөөнөтү КР КЖКсынын 76-беренесинде каралган, ал эми соттуулукту алып салуу б.а. соттулуктун мөөнөтү аяктаганга чейин мөөнөтүнөн мурда жоюу маселеси Кыргыз Республикасынын Жазык-процессуалдык кодексинин   373-беренесине ылайык соттолгон адамдын өтүнүчү боюнча сот тарабынан чечилет. Соттуулукту алып салуу же жоюу КР КЖКсынын 76-беренесинде аныкталган тартипте жүргүзүлөт. КР КЖКсынын 76-беренесинин 3-бөлүгүнүн 6-пунктуна ылайык (кылмыш жасаган учурга карата 2013-жылдын 25-февралындагы № 35 Мыйзамынын редакциясында) өзгөчө оор кылмыштар үчүн соттолгон адамдарга карата - жазаны өтөгөндөн кийин он жыл өткөндө соттуулук жоюлат. С.Н. Жапаров КР КЖКнын 295-беренеси боюнча соттолгон, анда төмөнкү каралган: Бийлик Кыргыз Республикасынын Конституциясын бузуу менен күчкө салып тартып алынганда же бийлик күч менен кармалып турганда, ошого тете ушундай эле аракеттер Кыргыз Республикасынын конституциялык түзүлүшүн күчкө салып өзгөртүүгө багытталганда, он эки жылдан жыйырма жылга чейинки мөөнөткө эркиндигинен ажыратууга жазаланат. КР КЖКнын 13-беренесине ылайык, Өзгөчө оор кылмыштарга - мыйзам тарабынан он жылдан ашуун мөөнөткө эркиндигинен ажыратуу же өмүр бою эркиндигинен ажыратуу каралган атайылап жасалган кылмыштар таандык. Жогорку соттун 2013-жылдын 6-августундагы өкүмү менен Кыргыз Республикасынын Кылмыш-Жаза кодексинин (мындан ары - КЖК) 30-беренесинин 1,4-бөлүктөрүндө (Кылмышка шериктеш болуу), 28-беренесинде (кылмыш далалаты), 295-беренесинде (Бийликти күчкө салып тартып алуу же бийликти күч менен кармап туруу) каралган кылмыштарды жасагандыгы үчүн күнөлүү деп табылган жана КЖКнын 56-беренесин колдонуу менен 1 жыл 5 айга соттолгон. Жазасын өтөгөндүгү үчүн С.Н. Жапаров соттун залынан бошотулган. КР КЖКнын жогоруда көрсөтүлгөн ченемдерине ылайык, С.Н. Жапаровдун соттуулугу жоюла элек. КР КЖКнын 76-беренесинин 5-бөлүгүнө ылайык, эгерде соттолгон адам жазасын өтөгөндөн кийин өзүн кынтыксыз алып жүрсө, сот соттуулугунун жоюлуш мөөнөтү аяктаганга чейин эле анын соттуулугун өтүнүч боюнча алып сала алат. Кыргыз Республикасынын Жогорку сотунун маалыматы боюнча (02.08.2017-ж. чыг.№ 01-11/1382) С.Н. Жапаровдун соттуулугу алып салынгандыгы тууралуу маалыматка ээ эмес. Жогоруда баяндалгандардын негизинде, С.Н. Жапаровдун бүгүнкү күнгө карата белгиленген тартипте алып салынбаган же жоюлбаган  соттуулугу бар. Кыргыз Республикасынын Жогорку Кеңешинин 2017жылдын 14-июнундагы № 1681-VI токтому менен Кыргыз Республикасынын Президентин кезектеги шайлоо 2017-жылдын 15-октябрына дайындалган. КР КМнын 3-беренесинин 4-бөлүгүнө ылайык, соттолгондугу алып салынбаган же мыйзамда белгиленген тартипте жоюлбаган адамдар Президенттин кызматына жана Жогорку Кеңештин депутаттыгына шайланууга укуксуз. Ушундан улам, С.Н. Жапаров алып салынбаган же жоюлбаган соттуулугу менен Кыргыз Республикасынын Президентинин кызматына шайланууга укугу жок б.а. пассивдүү шайлоо укугуна ээ эмес. “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 53-беренесине ылайык, талапкердин пассивдүү шайлоо укугунун жоктугу талапкерди каттоодон баш тартууга негиз болуп саналат. Жогоруда баяндалгандардын негизинде, Кыргыз Республикасынын Конституциясынын 52-беренесинин 1-бөлүгүн, “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 3-беренесинин 4,5-бөлүктөрүн, 53-беренесинин 7-бөлүгүн, “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 7-беренесинин 1-бөлүгүнүн 2-пунктун жетекчиликке алып, Кыргыз Республикасынын Шайлоо жана референдум өткөрүү боюнча борбордук комиссиясы С.Н.Жапаровго Кыргыз Республикасынын Президентинин кызмат ордуна талапкер катары каттоодон баш тартты. КР БШКнын аппаратынын маалыматтык кызматы

2017-жылдын 9-августунда КР БШК Кыргыз Республикасынын Президенти кызматына талапкер Ө.Т.Бабановдун ыйгарым укуктуу өкүлү Э.Б.Ирискулбековдун арызынын «chagylgan.kg» интернет-баракчасынын аккредитациясын чакыртып алуу бөлүгүн, ошондой эле  «tikenek.org», «argument.kg», «gezitter.org» интернет-баракчалдарындагы материалдар боюнча укуктук баа берүү үчүн КР Башкы Прокуратурасына, КР Мамлекеттик улуттук коопсуздук комитетине кайрылуу арызын канааттандыруу тууралуу чечим кабыл алды. КР БШК аппаратынын маалыматтык бөлүмү

2017-жылдын 9-августундагы КР БШК жыйынында Кыргыз Республикасынын Президенти кызматына талапкер Р. Ремнев менен Ө.Бабановдун ыйгарым укуктуу өкүлдөрүн чакыртып алуу тууралуу чечим  кабыл алды. Кыргыз Республикасынын Президенти кызматына талапкер Р.Ремневди каттоодон баш тартууга байланыштуу анын шайлоо боюнча ыйгарым укуктуу өкүлү Ж.Эшимбекованын жана каржы маселеси боюнча ыйгарым укуктуу өкүлү В.Фальконун ыйгарым укуктары токтотулду. КРнын Президенти кызматына талапкер Ө.Бабановдун 2017-жылдын 8-августунда ыйгарым укуктуу өкүлдөрүн чакыртып алуу тууралуу арызынын негизинде 171 өкүлдүн ыйгарым укуктары токтотулду. КР БШК аппаратынын маалыматтык бөлүмү

КР БШКнын 2017-жылдын 9-августундагы жыйынында Кыргыз  Республикасынын Президенти кызматына талапкерлер А.Бекназаров, У.Кочкоров жана А. Келдибековдун ыйгарым укуктуу өкүлдөрүн  каттоо тууралуу токтом кабыл алынды. Ошентип, Кыргыз Республикасынын Президенти кызматына талапкер А.Бекназаровдун  шайлоо боюнча  ыйгарым укуктуу өкүлдөрү болуп: -Матазов Эркин Абдылдаевич; -Моминов Бегижон Мамадзакирович; -Момоканов Азамат Орусбаевич  катталды. Кыргыз Республикасынын Президенти кызматына талапкер У.Кочкоровдун  шайлоо боюнча ыйгарым укуктуу өкүлдөрү болуп: -Райымкул уулу Касымбек; -Асанов Самаган Алитороевич; -Эгембердиев Талантбек Мураталиевич; -Мамыр уулу Алмазбек; -Убрагимов Абдирасул Токтоназарович; -Турумбеков Курманбек Абдыкасымович; -Джантаев Калмамат Арапбаевич катталды. Кыргыз Республикасынын Президенти кызматына талапкер А.Келдибековдун  шайлоо боюнча ыйгарым укуктуу өкүлдөрү болуп: -Талиева Камила Абдыразаковна; -Нарматова  Надира Азимовна катталды. КР БШК аппаратынын маалыматтык бөлүмү

Кыргыз Республикасынын  шайлоо жана референдум өткөрүү боюнча Борбордук комиссиясынын  Көзөмөлдөө-текшерүү тобунун  Кыргыз Республикасынын  Президентин  шайлоого  катышкан  талапкерлердин  жана  жарандардын шайлоо фондусундагы акча каражаттарынын  2017-жылдын 8-августуна карата  чыгымдалышы тууралуу маалыматы.

-

Кыргыз Республикасынын Шайлоо жана референдум өткөрүү боюнча борбордук комиссиясы аймактык шайлоо комиссиялардын (мындан ары-АШК) резервдерин толуктоо максатында, саясий партиялардан, жергиликтүү өз алдынча башкаруусунун өкүлчүлүктүү органдарынан өкүлдөрдү көрсөтүү тууралуу жарыялайт. АШКлардын резервдерине талапкерлерди көрсөтүүдө жарандардын өз макулдугун, шайлоо өнөктүктөрүнө, коомдук жашоодо катышуу тажрыйбасын, кесиптик жана жеке сапаттарын эске алуу зарыл. Көрсөтүп жаткан субъекттер шайлоо комиссиясынын мүчөлүгүнө талапкер, эреже катары, тиешелүү калктуу конуштун аймагында жашоого тийиш. АШКлардын резервдерине найлоочулардын жыйналыштарынан талапкерлерди көрсөтүү жөнүндө протоколдорду, жыйналыштын  төрагасы жана катчысы өз колдору менен күбөлөндүрүшү керек. Протоколго, алардын колу коюлган, жашаган жерин көрсөтүлгөн жыйналыштын катышууларынын тизмеси тиркелүүгө тийиш. Жогоруда көрсөтүлгөн документтерге төмөнкүлөр тиркелет: -талапкердин АШКнын курамында иштөөгө макулдугу жөнүндө арызы жана Кыргыз Республикасынын шайлоо мыйзамдарынын ченемдерин сактоо жөнүндө милдеттенмеси; -паспортунун көчүрмөсү; -иштеген, окуган жерин, билимин көрсөтүү менен өмүр баянынын маалыматтары (кадрларды эсепке алуу боюнча жеке баракчасы, өмүр баянынын таржымалы); -байланыш маалыматтары: жашаган жеринин дареги, телефондору    (үй, уюлдук, электрондук дарек). АШКлардын резервдерине шайлоочулардын жыйналыштарынан талапкерлерди көрсөтүү жөнүндө протоколдор 2017-жылдын 30-августу  саат 18.00гө чейин тиешелүү жергиликтүү өз алдынча башкаруусунун өкүлчүлүктүү органдарында (шаардык, айылдык кеңештерде) кабыл алынат. АШКлардын резервдерине саясий партиялардан талапкерлерди көрсөтүү жөнүндө протоколдор 2017-жылдын 30-августу саат 18.00гө чейин Кыргыз Республикасынын Шайлоо жана референдум өткөрүү боюнча борбордук комиссиясында кабыл алынат. Кошумча маалыматтарды төмөнкү телефондор аркылуу алсаңыздар болот: (0312) 66 01 16 www.shailoo.gov.kg.

2017-жылдын 7-августунда  Кара-Балта шаардык кеңешинин биринчи сессиясы болуп өттү.  Биринчи сессиянын ишине 30 депутат катышты, бул көпчүлүктү түзөт.  Күн тартибинде кеңештин төрагасын шайлоо маселеси каралды. Төрагалык кызматка “Эл Аман” саясий партиясынан Таалайбек Сүйүмбаев жана “Мекеним  Кыргызстан” саясий партиясынан Азимкул Боронбаевдин талапкерлиги көрсөтүлгөн.  Жашыруун добуш берүүнүн жыйынтыгында Азимкул Боронбаев 18 добуш алып, Кара-Балта шаардык кеңешинин төрагасы болуп шайланды.  Кыргыз Республикасынын “Жергиликтүү өз алдынча башкаруу жөнүндө” мыйзамдын 37-беренесининин 3-пунктуна ылайык, кеңештин сессиясына депутаттардын  жалпы санынын үчтөн экисинен кем эмеси катышса, кеңештин төрагасын шайлоо өттү деп эсептелет.  Ошондой эле, Борбордук шайлоо комиссиясы  мурун Кара-Балта шаарынын мэрин шайлоо кворумдун жоктугунан  эки жолу үзгүлтүккө учураган, ошого байланыштуу 2017-жылдын 13-апрелинде Кыргыз Республикасынын Президентинин Жарлыгы менен (ПЖ №74) 2017-жылдын 28-майында мөөнөтүнөн мурда шайлоо өткөндүгүн эске салат.  Эми Кыргыз Республикасынын шайлоо жана референдум өткөрүү боюнча Борбордук комиссиясынын  2017-жылдын 7-августундагы  №336 токтомунун негизинде Кара-Балта шаарынын мэрин шайлоо 2017-жылдын 25-августуна дайындалды.  2017-жылдын 7-августунда  Кара-Балта шаардык кеңешинин биринчи сессиясы болуп өттү.  Биринчи сессиянын ишине 30 депутат катышты, бул көпчүлүктү түзөт.  Күн тартибинде кеңештин төрагасын шайлоо маселеси каралды. Төрагалык кызматка “Эл аман” саясий партиясынан Таалайбек Сүйүмбаев жана “Мекеним  Кыргызстан” саясий партиясынан Азимкул Боронбаевдин талапкерлиги көрсөтүлгөн.  Жашыруун добуш берүүнүн жыйынтыгында Азимкул Боронбаев 18 добуш алып, Кара-Балта шаардык кеңешинин төрагасы болуп шайланды.  Кыргыз Республикасынын “Жергиликтүү өз алдынча башкаруу жөнүндө” мыйзамдын 37-беренесининин 3-пунктуна ылайык, кеңештин сессиясына депутаттардын  жалпы санынын үчтөн экисинен кем эмеси катышса, кеңештин төрагасын шайлоо өттү деп эсептелет.  Ошондой эле, Борбордук шайлоо комиссиясы  мурун Кара-Балта шаарынын мэрин шайлоо кворумдун жоктугунан  эки жолу үзгүлтүккө учураган, ошого байланыштуу 2017-жылдын 13-апрелинде Кыргыз Республикасынын Президентинин Жарлыгы менен (ПЖ №74) 2017-жылдын 28-майында мөөнөтүнөн мурда шайлоо өткөндүгүн эске салат.  Эми Кыргыз Республикасынын шайлоо жана референдум өткөрүү боюнча Борбордук комиссиясынын  2017-жылдын 7-августундагы  №336 токтомунун негизинде Кара-Балта шаарынын мэрин шайлоо 2017-жылдын 25-августуна дайындалды.  КР БШК аппаратынын маалыматтык бөлүмү 

Кыргыз Республикасынын Президенти кызматына талапкер М.К. Кадыралиева Президенттин кызмат ордуна талапкер катары көрсөтүлгөндөн кийин 5 календардык күндүн ичинде шайлоо алдындагы өнөктүктү каржылоо үчүн конституциялык Мыйзамда белгиленген тартипте өзүнүн шайлоо фондун түзө алган эмес.  Ушуга байланыштуу 2017-жылдын 7-августунда Борбордук шайлоо комиссиясы М.К. Кадыралиеваны Кыргыз Республикасынын Президенти кызматына талапкер катары каттоодон баш тартты. КР БШК аппаратынын маалыматтык бөлүмү

КР БШКнын  жыйынында  Кыргыз Республикасынын Президенти кызматына талапкер А.Сартаевдин   талапкерлигин  алып  салуу  арызы  боюнча  маселе каралды. КР БШК “Кыргыз Республикасынын Президентин жана Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамын жетекчиликке алып, А. Сартаевдин арызын канааттандырып, документтерин кайтарып берүү тууралуу чечим кабыл алды.  КР БШК аппаратынын маалыматтык бөлүмү

КР БШКнын  жыйынында  Кыргыз Республикасынын Президенти кызматына талапкер Н.Мамедовдун   талапкерлигин алып салуу   арызы боюнча маселе каралды. КР БШК “Кыргыз Республикасынын Президентин жана Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамын жетекчиликке алып, Н.Мамедовдун арызын канааттандырып, документтерин кайтарып берүү тууралуу чечим кабыл алды.  КР БШК аппаратынын маалыматтык бөлүмү

Кыргыз Республикасынын Президенти кызматына талапкер К.А. Токтобаев Президенттин кызмат ордуна талапкер катары көрсөтүлгөндөн кийин 5 календардык күндүн ичинде шайлоо алдындагы өнөктүктү каржылоо үчүн конституциялык Мыйзамда белгиленген тартипте өзүнүн шайлоо фондун түзө алган эмес. Ушуга байланыштуу 2017-жылдын 7-августунда Борбордук шайлоо комиссиясы Кыргыз Республикасынын Президенти кызматына талапкер К.А. Токтобаевди  талапкер катары каттоодон баш тартты. КР БШК аппаратынын маалыматтык бөлүмү

Кыргыз Республикасынын Президенти кызматына талапкер М.Т.Айманбаев Президенттин кызмат ордуна талапкер катары көрсөтүлгөндөн кийин 5 календардык күндүн ичинде шайлоо алдындагы өнөктүктү каржылоо үчүн конституциялык Мыйзамда белгиленген тартипте өзүнүн шайлоо фондун түзө алган эмес.  Ушуга байланыштуу 2017-жылдын 7-августунда Борбордук шайлоо комиссиясы Кыргыз Республикасынын Президенти кызматына талапкер М.Т. Айманбаевди талапкер катары каттоодон баш тартты. КР БШК аппаратынын маалыматтык бөлүмү

2017-жылдын 7-августунда  КР БШКнын жыйынында  Кыргыз Республикасынын Президенти кызматына талапкерлерди каттоодон баш тартуу жөнүндө маселелерди карап,  токтом кабыл алды.  Кыргыз Республикасынын Президенти кызматына талапкер Н.Мамедов жана А.Сартаевдан  2017-жылдын 1-августунда  өздөрүнүн  талапкерлигин  алып салуу боюнча  Кыргыз Республикасынын  Борбордук шайлоо  комиссиясына  берген арыздарын  канааттандыруу  тууралуу чечим кабыл алынды. Жыйында Кыргыз Республикасынын Президенти кызматына талапкер катары арыздарын берген М.К.Кыдыралиева, М.Т.Айманбаев жана К.А. Токтобаева өздөрү көрсөтүлгөн күндөн баштап  5 календардык күндүн ичинде   шайлоо фондусун түзө албай  калгандыгына байланыштуу аларды каттоодон баш тартылды. Ошондой эле жыйында Кыргыз Республикасынын Конституциясында каралган  Кыргыз Республикасынын Президенти кызматына  жаш курагы  жетпегендигине байланыштуу   Кыргыз Республикасынын Президенти кызматына Р.П.Ремневди талапкер катары каттоодон  баш тартылды. 2017-жылдын 8-августундагы маалыматка караганда  Кыргыз Республикасынын Президенти кызматына талапкерлердин саны 52 болду.