Башкы Жаңылыктар

Жаңылыктар

Борбордук шайлоо комиссиясы МКК менен биргеликте маалыматтык шайлоо системасынын колдонулушу тууралуу бет ачар өткөрдү
14.10.2017

Борбордук шайлоо комиссиясы МКК менен биргеликте маалыматтык шайлоо системасынын колдонулушу тууралуу бет ачар өткөрдү

Бүгүн, 2017-жылдын 14-октябрында КР Борбордук шайлоо  комиссиясы КРӨгө караштуу Мамлекеттик каттоо кызматы менен биргеликте маалыматтык шайлоо системасынын колдонулушу тууралуу бет ачар өткөрдү. Жолугушууга КР БШКнын төрагасы Н.Шайлдабекова, МККнын төрагасы Д.Догоев, Кыргыз Республикасындагы Элчиликтердин башчылары, БШКнын мүчөлөрү, жарандык коомдун жана илимий-эксперттик кеңештин өкүлдөрү, аккредитациядан өткөн эл аралык жана коомдук байкоочулар, ошондой эле ММК өкүлдөрү катышты. Иш чаранын жүрүшүндө Кыргыз Республикасынын Президентин шайлоого даярдык көрүү жана өткөрүү боюнча маанилүү маселелер талкууланды. Борбордук шайлоо комиссиясынын төрагасы 15-октябрда өтүүчү Кыргыз Республикасынын Президентин шайлоого даярдык көрүү жана өткөрүүнүн жүрүшүндө шайлоо процессинин негизги этаптары жөнүндө жыйындын катышуучуларына кенен маалымат берди. Участкалык шайлоо комиссияларынын мүчөлөрүн автоматтык саноо урнасынын (АСУ) технологиясын окутуу, жергиликтүү өзалдынча башкаруу органдары менен мамлекеттик органдардын өз ара аракеттери жөнүндө маселелер талкууланды. 2015-жылы иштелип чыккан маалыматтык шайлоо системасы (МШС) 2016-жылкы референдумда жана 2017-жылы май айындагы жергиликтүү кеңештерди шайлоодо сыноодон өткөн, эл аралык компаниянын сертификатына ээ, ушуга байланыштуу ал эч кандай күмөндүүлүк туудурбаш керек. Жаңы шайлоо технологиясы КР БШК менен Түштүк Кореянын кызматташуусу боюнча эл аралык агенттиги менен биргелешип иштелип чыккан. Бүгүнкү күндө программанын бардык тейлөө коду кыргыз тарапка берилген жана БШКнын адистери тарабынан тейленет. МШС-маалыматтык шайлоо системасы Кыргыз Республикасында референдум жана шайлоону даярдоо жана өткөрүү ошондой эле анын жыйынтыгы жана анын жүрүшү жөнүндө маалымат жарыялоого ылайыкташкан. Маалыматтык шайлоо системасынын тутумуна төмөнкүлөр кирет: -УШКларда шайлоо бюллетендерин кабыл алуучу автоматтык саноочу урна (АСУ); -МШС программалык камсыздоо (ПК), чогултуу функциясын аткарган, сактоо жана шайлоо жөнүндө маалымат сунуш кылуу; -АСУ маалыматтары корголгон байланыш каналы аркылуу БШКнын борбордук серверине берүү; -сервер жабдуусу, маалыматтык шайлоо системасынын программалык камсыздоосу жана маалыматтык коопсуздукту камсыздоочу жабдуулардын комплекси. Жолугушуунун катышуучуларына автоматтык саноо урнасынын (АСУ) иши көрсөтүлдү. БШКнын кызматкерлери жолугушуунун катышуучулары үчүн “Сенин добушуң-сенин келечегиң” аттуу добуш берүү кампанияны тестирлөө өткөрүшүп, добуш берүүнүн процессин көрсөтүштү. АСУ  шайлоо бюллетендерин кабыл алып санагандан кийин, шайлоо күнү 20:00дөн соң, модем  маалыматтарды добуш берүү аяктагандан кийин БШКнын серверине жөнөтөт. Борборшайлоокомдун серверинде АСУнун маалыматтарын чогултуу жана сактоо жүрөт, андан кийин маалыматтар расмий порталга жайгаштырылат http://ess.shailoo.gov.kg. Коомдук институттардын жана уюмдардын Кыргызстандагы шайлоону өткөрүүгө даярдык көрүү процессине кызыгуу менен байкоо жүргүзүүсү- КР БШК шайлоонун жыйынтыгын акыйкат, таза жана ишенимдүү чыгарууда биометрикалык технологияны колдонуу, шайлоочуларды идентификациялоо жана добуштарды автоматтык саноо урнасын пайдалануу менен жаңы шайлоо технологиясын ийгиликтүү турмушка ашышына байланыштуу болду. КР БШК аппаратынын маалыматтык бөлүмү
Кененирээк билүү >>
КР БШК: ар бир шайлоочу өзү добуш бериш керек!
14.10.2017

КР БШК: ар бир шайлоочу өзү добуш бериш керек!

Кыргыз Республикасынын Шайлоо жана референдум өткөрүү боюнча борбордук шайлоо комиссиясы  2017-жылдын 15-октябрында Кыргыз Республикасынын Президентин шайлоодо башка адам үчүн добуш берүүгө жол берилбейт жана ар бир шайлоочу өзү добуш берерин эске салат.  Шайлоо участкасына келип, идентификация үчүн документтерин көрсөтөт: 2004-жылкы үлгүдөгү ID-карты, 2017-жылкы үлгүдөгү Eid-карты, жалпы жарандык  паспорт. Биометрикалык маалыматтарды идентификациялоо манжалардын  издери же бет түзүлүшү  боюнча жүргүзүлөт. Шайлоочу идентификациядан өтүп, оператордон чек алат, аны шайлоо комиссиясынын мүчөсүнө көрсөтөт. Комиссиясынын мүчөсү чектин ордуна бюллетень берет. Бюллетенди алган учурда шайлоочу кагаздагы шайлоочулардын тизмесинде өзүн күбөлөндүргөн документтин сериясын жана номерин көрсөтөт. Шайлоочу жазуунун тууралыгын текшерип, шайлоочулардын кагаз тизмесине кол коет. Шайлоочу бюллетенди алып добуш берүү үчүн кабинага кирет. Атайын маркер менен белги коюп, шайлоочу автоматтык саноо (АСУ) урнасына бюллетендин бет жагын ылдый каратып салат. Добуш берүүнүн купуялуулугун бузган шайлоо процессинин катышуучулары   КР КК 139-беренси менен жоопко тартылышы мүмкүн:  Жарандардын өзүнүн шайлоо укугун же референдумга катышуу укугун ээн-эркин ишке ашырууга тоскоолдук болгон учурда, добуш берүүнүн купуялуулугу бузулган учурда, ошондой эле шайлоо комиссиясынын ишине тоскоол болгон учурда, референдум өткөрүү боюнча комиссиясы же шайлоо комиссиясынын мүчөсүнүн ишмердүүлүгү, өздөрүнүн  милдеттерин аткарууга байланышкан ишке тоскоолдук болгон учурларда:  - Эки жүздөн үч жүз эсептик көрсөткүчкө чейин айып менен жазаланат же үч жылга чейин эркинен ажыратуу каралган.  Шайлоо комиссиянын, рефрендум өткорүү боюнча комиссиянын анын мыйзам менен бекитилген рефрендум жана шайлоо жөнүндө ыйгарым укуктарына,  анын чечимине кийлигишүү  максатында  ишине кызматтык  же жетекчилик  абалдан пайдаланып кийлигишүү,  башкача айтканда жетекчинин көрсөтмөсү боюнча талапкерлерди каттоо маселеси, талапкерлердин тизмеси, шайлоочулардын добуштарын саноодо, референдумдун катышуучулары жана башка маселе боюнча шайлоо комиссиясынын милдетине байланышкан, рефрендум өткөрүү комиссиясынын ишине кийлигишүү  болгон кезде, - Үч жүздөн беш  жүз эсептик көрсөткүчкө чейин айып менен жазаланат же эки жылга чейин эркинен ажыратуу каралган.  Ошондой эле: 1) алдоо менен бириктирилген, мажбурлоо, күч колдонуу же күч колдоном деп коркутуу; 2) кызматтык абалынан кыянат пайдаланган адам; 3) алдын ала сүйлөшүү жолу менен топтошкон адамдар; 4) уюшулган топтун аракеттери, - беш жүздөн сегиз  жүз эсептик көрсөткүчкө чейин айып менен жазаланат же тийиштүү кызмат ордун ээлөөгө же үч жылдан беш жылга чейин тийиштүү ишмердикти аткарууга тыюу салынат,  же үч жылга чейин эркинен ажыратуу каралган. КР БШК аппаратынын маалыматтык бөлүмү
Кененирээк билүү >>
КР Шайлоо жана референдум өткөрүү боюнча борбордук комиссиясынын КР Президентинин кызмат ордуна талапкерлерге, жалпыга маалымдоо каражаттарынын өкүлдөрүнө, интернет-басылмаларга жана шайлоо процессинин катышуучуларына Кайрылуусу
14.10.2017

КР Шайлоо жана референдум өткөрүү боюнча борбордук комиссиясынын КР Президентинин кызмат ордуна талапкерлерге, жалпыга маалымдоо каражаттарынын өкүлдөрүнө, интернет-басылмаларга жана шайлоо процессинин катышуучуларына Кайрылуусу

Урматтуу Кыргыз Республикасынын Президентинин кызмат ордуна талапкерлер, жалпыга маалымдоо каражаттарынын, интернет-басылмалардын өкүлдөрү жана шайлоо процессинин катышуучулары!             «Кыргыз Республикасынын Президентин, Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 23-беренесинин 1-пунктуна ылайык, шайлоо алдындагы үгүттөө добуш берүүгө 24 саат калганда аяктайт, ага ылайык 2017-жылдын 14-октябры саат 08:00 тартып Кыргызстан боюнча «үгүтсүз күн» болуп жарыяланарын эсиңиздерге салабыз.             Бул күнү Кыргыз Республикасынын Президентинин кызмат ордуна талапкерлер үгүт өнөктүгүн жүргүзүүгө укугу жок. Ошондой эле БШК тарабынан үгүттөөгө катышуу үчүн аккредитацияланган жалпыга маалымдоо каражаттары жана интернет-басылмалар да үгүт жүргүзүүгө укусуз.             Аталган конституциялык Мыйзамдын 22-беренесинин 6-бөлүгүнө ылайык, добуш берүү күнүнө чейинки акыркы 5 календардык күндө, ошондой эле добуш берүү күнү коомдук пикирди сурамжылоонун натыйжаларын, шайлоонун натыйжаларынын божомолдорун, шайлоого байланышкан башка изилдөөлөрдү жалпыга маалымдоо каражаттарында жарыялоого (чагылдырууга) жол берилбейт.             Бурмаланган жана такталбаган маалыматтарды берүү Кыргызстандын шайлоочуларын жаңылыштыкка алып келерин эсиниздерге салабыз.             Добуш берүү күнү, б.а. 2017-жылдын 15-октябрында «Кыргыз Республикасынын Президентин, Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 8-беренесинин 3-бөлүгүнө ылайык,добуш берүүнүн жүрүшүнө жана жыйынтыктарына байкоо жүргүзүү үчүн төмөн турган шайлоо комиссияларынан жогору турган шайлоо комиссияларына протоколдордун маалыматтарын берүү жолу менен Кыргыз Республикасынын Шайлоо жана референдум өткөрүү боюнча борбордук комиссиясыныншайлоо маалыматтык тутуму пайдаланылат.             Шайлоо маалыматтык тутум аркылуу алынган добуш берүүнүн жүрүшү жана жыйынтыктары жөнүндө маалыматтар юридикалык мааниге ээ эмес, алдын ала маалыматтар болуп саналат. Шайлоо маалыматтык тутумун пайдалануунун тартиби Кыргыз Республикасынын Шайлоо жана референдумдарды өткөрүү боюнча борбордук шайлоо комиссиясы тарабынан аныкталат. «Кыргыз Республикасынын Президентин, Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын22-беренесинин коомдук пикирди сурамжылоонун натыйжаларын жарыялоо (чагылдыруу) учурунда 5 жана 6-бөлүктөрүнүн талаптарынын сактабоо мындай маалыматтарды камтыган материалдарды үгүттөө деп таанууга жана колдонуудагы мыйзамдарда каралган жоопкерчиликке алып келет. Кыргыз Республикасынын Шайлоо жана референдум өткөрүү боюнча борбордук комиссиясы 2017-жылдын 15-октябрында Кыргыз Республикасынын Президентин шайлоо күнүндө басма сөз борборунун ишин уюштурат жана анда шайлоочулардын келиши жөнүндө маалымат өз убагында берилип турат жана автоматтык эсептөөчү урналардан (АЭУ) алынган маалыматтардын негизинде добуш берүүнүн алдын ала жыйынтыгы берилет.  Добуш берүү аяктагандан кийин АЭУ Борбордук шайлоо комиссиясынын: ess.shailoo.gov.kg. дареги боюнча жайгашкан сайтына  маалыматтарды участоктордон түз берүүнү камсыз кылат, бул добуш берүүнүн алдын ала жыйынтыгы жөнүндө маалыматты ыкчам алууга, шайлоочулардыжана шайлоо процессинин катышуучуларын кабарландырууга мүмкүнчүлүк берет. Шайлоо системасын реформалоо адилет, эркин жана демократиялык шайлоо өткөрүүгө жана ар бир шайлоочунун добушун так аныктоого бардык зарыл шарттарды түздү. Борбордук шайлоо комиссиясы Кыргыз Республикасынын Президентин шайлоону мыйзамдарга ылайыкөткөрүү максатында шайлоо процессинин бардык катышуучуларынан мыйзам нормаларын бекем сактоону жана шайлоонун башка катышуучулары менен өз ара аракеттенүүдө урматтоону жана сабырдуулукту көрсөтүүнү өтүнөт. Кыргыз Республикасынын Шайлоо жана референдум өткөрүү боюнча борбордук комиссиясы  
Кененирээк билүү >>
КР БШК  15-октябрдагы  добуш берүү  күнүндө   бузуулар боюнча  1255 кыска  номерине  билдирүүнү өтүнөт
14.10.2017

КР БШК 15-октябрдагы добуш берүү күнүндө бузуулар боюнча 1255 кыска номерине билдирүүнү өтүнөт

Борбордук шайлоо комиссиясында  Кыргыз Республикасынын Президентин шайлоо күнү добуш берүүнүн жүрүшү  жөнүндө  шайлоочуларды маалымат менен камсыз кылуу жана  бузуулардан ыкчам  жыйынтык  чыгаруу  боюнча  Координациялык  топ  түзүлдү. Ар бир шайлоочу  же шайлоо процессинин  катышуучулары  шайлоо процессиндеги  шайлоо участкаларындагы  добуш берүү учурунда бузуулар тууралуу  төмөнкү  даректерге билдирсе  болот: Тез байланыш : 1255 (чалуу бекер) Коомдук кабылдама Бишкек ш. – 0(312) 66 02 40, 0(312)620141 факс: 0312 62 08 23 Коомдук кабылдама Ош ш. - 0(3222) 55550 Мобилдик тел.: 0552 604179, 0772 604179 Электрондук дарек: KGOR.TSIK@gmail.com WhatsApp: 0550 119 852 КР БШК аппаратынын маалыматтык бөлүмү
Кененирээк билүү >>
КР БШК: 14-октябрда 22 836 шайлоочу добуш берүү үчүн  жайдан тышкары добуш беришет
14.10.2017

КР БШК: 14-октябрда 22 836 шайлоочу добуш берүү үчүн жайдан тышкары добуш беришет

14-октябрда, Кыргыз Республикасынын “Кыргыз Республикасынын Президентин жана КР Жогорку Кеңешинин депутаттарын шайлоо жөнүндө” конституциялык Мыйзамынын 33-беренесине ылайык, 22 836 шайлоочу добуш берүү үчүн жайдан тышкары добуш берүүгө катышат. Добуш берүү үчүн жайдан тышкары добуш берүүгө төмөндөгүлөр катышууга укуктуу: - шайлоо участкасына келе албаган, ден соолугу боюнча мүмкүнчүлүгү чектелген шайлоочулар; - добуш берүү күнү ооруканаларда, шектүүлөрдү жана айыптууларды кайтаруу алдында кармоочу жайлардагы шайлоочулар; - алыскы жана жетүү кыйын болгон райондордо, алыскы мал жайыт участокторунда убактылуу жашаган шайлоочулар; ошондой эле өзгөчө учурларда тиешелүү шайлоо комиссиясынын чечими боюнча аскер бөлүктөрүндө, эгерде алар убактылуу жүргөн жер өзүнүн жайгашкан орду боюнча кирген шайлоо участогунун аймагында туруктуу жашаса, добуш берүү күнү обочолонгон, калктуу, конуштардын алыс жерлерде кызмат өтөп жатышкан аскер кызматкерлери, өзү жүргөн жери боюнча добуш беришет. Мыйзам боюнча добуш берүүчү жайдан тышкары добуш берүү, добуш берүү күнүнө чейин бир календардык күн калганда жана шайлоочунун ага добуш берүү жайынан тышкары добуш берүү мүмкүнчүлүгүн түзүү жөнүндө жазуу жүзүндөгү кайрылуусунун негизинде гана жүргүзүлөт. Добуш берүүчү жайдан тышкары добуш берүү талапкерлердин, саясий партиялардын, жалпыга маалымдоо каражаттарынын өкүлдөрү жана байкоочулардын катышуусунда өткөрүлөт. Шайлоочуга келгенден кийин участкалык шайлоо комиссиясынын мүчөлөрү анын биометрикалык жана персоналдык маалыматтары боюнча идентификациялоону ММК оператору менен бирдикте жүргүзөт. Андан кийин участкалык шайлоо комиссиясынын мүчөсү ага чектин ордуна шайлоо бюллетенин берет. Шайлоо бюллетендерин бергенде участкалык шайлоо комиссиясынын мүчөсү шайлоочуну шайлоочулардын кагаздагы тизмесинде каттайт, шайлоочунун инсандыгын ырастоочу документтин сериясын жана номурун коет жана ага шайлоо бюллетенин бергени жөнүндө кол коет. Шайлоочу жүргүзүлгөн жазманын тууралыгын текшерет жана добуш берүүчү жайдан тышкары  добуш бере турган шайлоочулардын кагаздагы тизмесине кол коет. Шайлоо бюллетени шайлоочу тарабынан башка адамдардын болушуна жол берилбеген атайын жерде толтурулат. Жайдан тышкары добуш берүүнүн аякташы боюнча добуш берүү үчүн көчмө үкөктөр участкалык шайлоо комиссиясынын мөөрү басылган барак менен бекитилет (пломбаланат) жана шайлоо документтерин сактоочу сейфте (шкафта) сакталат, кошумча пломбаланат. Добуш берүүчү жайдан тышкары добуш берген шайлоочулардын добуштарын саноо добуш берүү үчүн жайда добуш берүү аяктагандан кийин башкача айтканда 15-октябрда саат 20.00дөн кийин жүргүзүлөт. КР БШК аппаратынын маалыматтык бөлүмү  
Кененирээк билүү >>
Борбордук шайлоо комиссиясы эл аралык 2 байкоочуну аккредитациядан өткөрдү
13.10.2017

Борбордук шайлоо комиссиясы эл аралык 2 байкоочуну аккредитациядан өткөрдү

Бүгүн, 2017-жылдын 13-октябрында КР Шайлоо жана референдум өткөрүү боюнча борбордук шайлоо комиссиясы эл аралык 2 байкоочуну аккредитациядан өткөрдү. Индонезия Республикасынын жана Афганистан  Ислам Республикасынын Кыргыз  Республикасындагы  элчиликтеринин  өкүлдөрү  эл аралык байкоочу катарында аккредитациядан өтүштү. Бардыгы болуп чет өлкөлүк 2 байкоочу аккредитацияланды. 2017-жылдын 13-октябрына карата Борбордук шайлоо комиссиясы дүйнөнүн 59 өлкөсүнөн 773 эл аралык байкоочуну аккредитациядан өткөрдү. Аккредитациядан өткөрүлгөн эл аралык байкоочулардын тизмеси менен бул шилтемеден таанышсаңыздар болот. КР БШК аппаратынын маалыматтык бөлүмү
Кененирээк билүү >>
Баткен районундагы жергиликтүү өз алдынча башкаруу органынын башчысын шайлоонун жыйынтыгы чыгарылды
13.10.2017

Баткен районундагы жергиликтүү өз алдынча башкаруу органынын башчысын шайлоонун жыйынтыгы чыгарылды

2017-жылдын 13-октябрында КР Шайлоо жана референдум өткөрүү боюнча борбордук шайлоо комиссиясынын жыйынында 2017-жылдын 3-октябрындагы Баткен облусунун Баткен районундагы  Ак-Татыр  айыл өкмөтүнүн  башчысын шайлоонун натыйжасы жана добуш берүүнүн жыйынтыгы жөнүндө Протоколу бекитилди. Ошентип, - Баткен облусунун Баткен районунун Ак-Татыр айыл өкмөтүнүн башчысы болуп К.Нурмаматов шайланды. Шайланган айыл өкмөт башчысына белгиленген  үлгүдөгү күбөлүк берүү Баткен аймактык шайлоо комиссиясына тапшырылды.  КР БШК аппаратынын маалыматтык бөлүмү
Кененирээк билүү >>
Борбордук шайлоо комиссиясы чет элдик ЖМК жана интернет-басылмаларды аккредитациядан өткөрдү
13.10.2017

Борбордук шайлоо комиссиясы чет элдик ЖМК жана интернет-басылмаларды аккредитациядан өткөрдү

Бүгүн, 2017-жылдын 13-октябрында КР БШК Кыргыз Республикасынын  Президентин  Шайлоосун чагылдырууга карата чет элдик ЖМК жана интернет-басылмаларды аккредитациядан өткөрүү тууралуу маселени карады. Борбордук шайлоо комиссиясы чет элдик ЖМКлардын кабарчыларын КР Тышкы иштер министрлигинен аккредитациядан өткөндөн кийин гана аккредитациядан өткөрдү. Бардыгы болуп Борбордук шайлоо комиссиясына 10 билдирүү келип түшкөн. Алардын ичинен 3 телекомпания,  5 гезит, 2 интернет-басылма. КР Президентин шайлоону чагылдырууга катышууга чет элдик ЖМК, интернет-басылмаларды аккредитациядан өткөрүү маселесин талкуунун жыйынтыгында Борбордук шайлоо комиссиясы 2017-жылдын 13-октябрындагы №517 токтому менен чет элдик ЖМК жана интернет-басылмаларды аккредитациядан өткөрүү боюнча тизмесин бекитти. Кыргыз Республикасынын Президентин шайлоону чагылдырууга катыша турган чет элдик жалпыга маалымат каражаттарынын жана интернет-басылмаларынын тизмеси-бул жерде. КР БШК аппаратынын маалыматтык бөлүмү
Кененирээк билүү >>
БШКда Шайлоо системасынын Эл аралык фонду (IFES) өкүлдөрү  менен жолугушуу болду
13.10.2017

БШКда Шайлоо системасынын Эл аралык фонду (IFES) өкүлдөрү менен жолугушуу болду

Бүгүн, 2017-жылдын 13-октябрында КР Шайлоо жана референдум өткөрүү боюнча борбордук комиссиясында Шайлоо системасынын Эл аралык фондунун   (IFES) өкүлдөрү  менен жолугушуу болду. Жолугушууда Борбордук шайлоо комиссиясынын төрагасынын орун басары, БШК мүчөсү Абдыжапар Бекматов меймандарды алдыдагы  КР Президентин шайлоого даярдык көрүү жана өткөрүүгө арналган комплекстүү иш-чаралар менен тааныштырды.   Кыргызстандагы Шайлоо системасынын Эл аралык фонду   (IFES) өкүлчүлүгүнүн директору  Рената Ливовски жигердүү кызматташтык  үчүн Борбордук шайлоо комиссиясына ыраазычылык билдирип, мындан ары да биргелешкен жаңы долбоорлор менен иштөөгө даяр экенин билдирди.  “Мен Кыргызстанда бир жылдан бери иштеп жатам, биздин кызматташуубуз өз ара пайдалуу нукта баратканына кубанычтамын. Биздин стратегиялык планыбызда биргелешкен көптөгөн иштерибиз бар. Борбордук шайлоо комиссиясындагы иш билги адамдар менен иштөө кандай жакшы,” -деп айтты ал.  Эл аралык уюмдун улук  менеджери  Энтони Бойер Кыргызстанда 1994-жылдан бери иштеп келатканын белгиледи. “Биздин өнөктөшүбүз Борбордук шайлоо комиссиясы болуп калгандыгына  сүйүнүп турам. Шайлоо бүткөндөн кийин биз шайлоого байланыштуу өзүбүздүк комментарийибизди билдиребиз. Ошондой эле шайлоодон кийин мындан аркы пландарыбызды талкуулайбыз. Биз шайлоо комиссиялары менен кызматташуубузду жогору баалайбыз,” -деди  Э.Бойер. Жолугушуунун акырында Шайлоо системасынын Эл аралык фонду   (IFES)   жана КР БШК ортосунда  кызматташуу мындан ары да жемиштүү болоорун билдиришти. КР БШК аппаратынын маалыматтык бөлүмү
Кененирээк билүү >>
2017-жылдын 14-октябрында Кыргызстан боюнча шайлоо алдындагы үгүт иштери токтотулат (жымжырт күн)
12.10.2017

2017-жылдын 14-октябрында Кыргызстан боюнча шайлоо алдындагы үгүт иштери токтотулат (жымжырт күн)

КР Борбордук шайлоо комиссиясы «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 23-беренесинин 1-бөлүгүнө ылайык 2017-жылдын 14-октябрында Кыргызстан боюнча үгүт иштери токтотулуп, “жымжырт күнү” деп жарыялана турганын маалымдайт. Бул күнү Кыргыз Республикасынын Президенттигине талапкерлер үгүт кампаниясын жүргүзүүгө укуктары жок. Ошондой эле, үгүт жүргүзүү үчүн БШК тарабынан аккредитациядан өткөн жалпыга маалымдоо каражаттары жана интернет-басылмалары үгүт жүргүзүүгө укуктары жок. Шайлоо процессинин катышуучулары тарабынан “жымжырт күнү” бузулган учурда БШК аларга карата чара көрүүгө укуктуу.  КР БШК аппаратынын маалымат бөлүмү  
Кененирээк билүү >>
Борбордук шайлоо комиссиясы чет элдик ЖМК жана интернет-басылмаларды аккредитациядан өткөрдү
12.10.2017

Борбордук шайлоо комиссиясы чет элдик ЖМК жана интернет-басылмаларды аккредитациядан өткөрдү

Бүгүн, 2017-жылдын 12-октябрында КР  БШК Кыргыз Республикасынын Президентин шайлоосун чагылдырууга карата   чет элдик ЖМК жана интернет-басылмаларды аккредитациядан өткөрүү тууралуу маселени  карады.  Борбордук шайлоо комиссиясы чет элдик  ЖМКлардын кабарчыларын КР Тышкы иштер министрлигинен аккредитациядан өткөндөн кийин гана аккредитациядан өткөрдү.  Бардыгы болуп Борбордук шайлоо комиссиясына 65 билдирүү келип түшкөн. Алардын ичинен 7 телекомпания, 7 радио, 5 гезит,15 интернет-басылма. КР Президентин шайлоону чагылдырууга катышууга чет элдик ЖМК, интернет-басылмаларды аккредитациядан өткөрүү маселесин талкуунун жыйынтыгында Борбордук шайлоо комиссиясы 2017-жылдын 12-октябрындагы №514 токтому менен  чет элдик ЖМК жана интернет-басылмаларды аккредитациядан өткөрүү боюнча тизмесин бекитти. Кыргыз Республикасынын Президентин шайлоону чагылдырууга катыша турган чет элдик жалпыга маалымат каражаттарынын жана интерне-басылмаларынын тизмеси-бул жерде. КР БШК аппаратынын маалыматтык бөлүмү
Кененирээк билүү >>
КР БШК  "Эгль" коомдук бирикмесинен  коомдук  байкоочуну аккредитациядан өткөрдү
12.10.2017

КР БШК  "Эгль" коомдук бирикмесинен  коомдук  байкоочуну аккредитациядан өткөрдү

Бүгүн, 2017-жылдын  12-октябрында  Борбордук шайлоо комиссиясы ишенимдүү өкүл Тажыбай Алмазды 2017-жылдын 15-октябрында өтүүчү Кыргыз Республикасынын Президентин шайлоонун даярдыгы, добуш берүүнүн  жүрүшү,  добуш берүүнүн жыйынтыгын бекитүү жана шайлоонун жыйынтыгын  аныктоого коомдук байкоочу катары аккредитациядан өткөрдү.    Коомдук  байкоочуну аккредитациядан өткөрүү жөнүндө жолдомо  "Эгль" коомдук бирикмесинен  келип түшкөн. КР БШК аппаратынын маалыматтык бөлүмү
Кененирээк билүү >>
Борбордук шайлоо комиссиясы эл аралык 8 байкоочуну аккредитациядан өткөрдү
12.10.2017

Борбордук шайлоо комиссиясы эл аралык 8 байкоочуну аккредитациядан өткөрдү

2017-жылдын 12-октябрында Борбордук шайлоо комиссиясы  эл аралык 8 байкоочуну аккредитациядан өткөрдү. Кыргыз Республикасындагы Иран Ислам Республикасынын Элчилигинин, JICA жана KOICA эл аралык уюмдарынын  өкүлдөрүнөн  эл аралык байкоочулар  аккредитациядан өтүштү. Бардыгы болуп  8 эл аралык байкоочу. КР Борбордук шайлоо комиссиясы 2017-жылдын 12-октябрына карата дүйнөнүн  58 мамлекетинен 771 эл аралык байкоочуну аккредитациядан өткөрдү. Эл аралык байкоочулардын толук тизмеси менен бул шилтеме боюнча  таанышсаңыздар болот. КР БШК аппаратынын маалыматтык бөлүмү
Кененирээк билүү >>
КР БШК Кыргыз Республикасынын Президенти кызматына талапкердин ишенимдүү адамдарын каттады
12.10.2017

КР БШК Кыргыз Республикасынын Президенти кызматына талапкердин ишенимдүү адамдарын каттады

2017-жылдын 12-октябрындагы КР БШК жыйынында Кыргыз Республикасынын Президенти кызматына талапкер А.Мадумаровдун ишенимдүү адамдарын каттоо жөнүндө токтом кабыл алынды. Кыргыз Республикасынын Президенти кызматына талапкер А.Мадумаровдун ишенимдүү адамдары болуп: 1.     Апсаматов Озгонбай Эргешбайевич; 2.     Можиев Кубанычбек Жоробекович; 3.     Джуматаев Таалайбек Алимбаевич;  4.     Мадумаров Абдусатар Кимсанбаевич; 5.     Жээнбаев Талайбек Азимбайович катталды.   КР БШК аппаратынын маалыматтык бөлүмү
Кененирээк билүү >>
КР БШК Чүй облусунун Сокулук районунун Орок айыл өкмөтүнүн башчысын кайра шайлоону дайындады
12.10.2017

КР БШК Чүй облусунун Сокулук районунун Орок айыл өкмөтүнүн башчысын кайра шайлоону дайындады

КР БШК Чүй облусунун Сокулук районунун Орок айыл өкмөтүнүн башчысын кайра шайлоону дайындады 2017-жылдын 12-октябрындагы КР  БШКнын  жыйынында   Чүй облусунун  Сокулук районунун  Орок айыл өкмөтүнүн башчысын кайра шайлоону дайындоо жөнүндө  чечим  кабыл алынды.  Кыргыз Республикасынын Шайлоо жана референдум өткөрүү боюнча борбордук комиссиясынын 2017-жылдын 24-сентябрындагы № 466 токтому менен 2017-жылдын 11-октябрына дайындалган Чүй облусунун Сокулук районунун Орок айыл өкмөтүнүн башчысы, айылдык кеңештин депутаттарынын добуштарынын көпчүлүгү “бардык талапкерлерге каршы” позициясына берилгендигине байланыштуу, шайланган жок. Ушуга  байланыштуу 2017-жылдын 26-октябрында  саат 9:00дөн 12:00гө чейин Орок айыл өкмөтүнүн башчысын кайра шайлоо дайындалды. Шайлоону Кыргыз Республикасынын мыйзамына ылайык  уюштуруп өткөрүү  милдети  Сокулук аймактык шайлоо комиссиясына  тапшырылды.   КР БШК аппаратынын маалыматтык бөлүмү
Кененирээк билүү >>
Борбордук шайлоо комиссиясынын төрагасы Шайлоо органдарынын бүткүл дүйнөлүк ассоциациясынын өкүлдөрү менен жолугушту
11.10.2017

Борбордук шайлоо комиссиясынын төрагасы Шайлоо органдарынын бүткүл дүйнөлүк ассоциациясынын өкүлдөрү менен жолугушту

11-октябрда  КР БШК төрагасы Н.Шайлдабекова Шайлоо органдарынын бүткүл дүйнөлүк ассоциациясынын пландоо боюнча директору Кюсеонг Кваг менен эки тараптуу  жолугушуу өткөрдү. Тараптар 2017-жылдын 15-октябрындагы КР Президентин шайлоого даярдык көрүү жана өткөрүү тууралуу маселелерди  талкуулашты. КР БШК төрагасы  ШОБА (Шайлоо органдарынын бүткүл дүйнөлүк ассоциациясы)  өкүлдөрүнө КР Президентин шайлоого даярдык көрүү жана өткөрүү боюнча  аткарылып жаткан комплекстүү иш-чаралар жөнүндө маалымат берди.  Кызматташууну улантуу жана башталган биргелешкен долбоорлорду  ийгиликтүү аягына чыгарууну айрыкча белгиледи.  Өз кезегинде Шайлоо органдарынын бүткүл дүйнөлүк ассоциациясынын өкүлдөрү алдыдагы КР Президентин шайлоого чакыргандыгы үчүн кыргыз тарапка ыраазычылык билдиришти. Ошондой эле алар жылуу маанайда кабыл алынгандыгын жана биздин республикага өзгөчө мамилелерин белгилешти.    Жолугушуунун жүрүшүндө тараптар Шайлоо органдарынын бүткүл дүйнөлүк ассоциациясынын эл аралык өкмөттүк эмес уюмдан   эл аралык уюм катары кайра түзүлүшү боюнча пикир алышты.  К.Кваг мырзанын түшүндүргөнүнө караганда, эл аралык уюм статусуна ээ болуу ШОБАга жаңы өзгөрүүлөрдү алып келет.   Мындан тышкары бул өзгөрүүлөр, шайлоо процессинде  шайлоонун тазалыгын (ачыктыгын) жогорулатуу  үчүн  маалыматтык-коммуникациялык технологияны (МКТ) ишке кийирүү  долбоорунун активдүү ишке ашуусун ылдамдатат.    Жолугушуунун жүрүшүндо ШОБАнын пландоо директору  “ШОБАны эл аралык өкмөттөр аралык уюмга айландыруу” резолюциясына кол коюуну сунуштады.  КР БШК төрагасы резолюцияга кол коюуда тийиштүү жол-жоболорду аткарууга убакыт керек экенин белгилеп, бул демилгени колдоого даяр экенин билдирди.  Ошондой эле аңгемелешүүнүн жүрүшүндө тараптар кызматташуу процессинде башталган биргелешкен ишти жана анын натыйжаларын талкуулашты. Н.Шайлдабекова КР БШК кызматкерлерин окутууну улантуу сунушу менен кайрылды. КР БШК аппаратынын маалыматтык бөлүмү
Кененирээк билүү >>
1 … 400 402 … 488