Жаңылыктар

Кыргыз Республикасынын шайлоо жана референдум өткөрүү боюнча борбордук комиссиясыбиринчи жолу көчмө басма сөз борборун уюштурду. «Ала-Тоо»басма сөз борбору добуш берүүнүн жүрүшүн өз убагында чагылдыруу үчүн бардык зарыл жабдыктар менен жабдылган, жогорку ылдамдыктагы интернет иштеп, маалымат жыйындары түз эфирде борбордун аймагында көрсөтүлүүдө. Мындан тышкары, региондор боюнча шайлоочулардын келишине жана добуш берүүнүн жүрүшүнө журналисттер менен эл аралык байкоочулар интерактивдүү карта аркылуу көз сала алышат. Эл аралык байкоочулардын миссиялары үчүн интервью берүү жана маалымат жыйындарын өткөрүү максатында аянтча түзүлдү. Добуш берүү процессин 200гө жакын журналист чагылдырууда, алардын 70тен ашыгы – чет өлкөлүктөр.   КР БШКнын басма сөз кызматы

Бүгүн Кыргыз Республикасынын шайлоо жана референдум өткөрүү боюнча борбордук шайлоо комиссиясынын төрагасы Нуржан Шайлдабековареферендумду жана жергиликтүү кеңештерге шайлоону уюштурууга байланыштуу колу бошобогонуна карабай, Люксембург айылындагы 7139 шайлоо участогунда добуш берди. Бул шайлоо округунда сегиз депутаттык мандатка 19 талапкер ат салышууда. Тизмеге ылайык ал участокто1524 шайлоочу жанареферендумдун 1563 катышуучусу добуш бериши керек. КР БШК төрагасы өзүнүн жарандык милдетин аткаруу менен бирге он сегиз жаштагы Жалилбек Даниярды биринчи жолу шайлоого катышып жатканы менен куттуктап, ыраазычылык кат тапшырды.   КР БШКнын басма сөз кызматы

Бүгүн 11-декабрдаэл аралык байкоочулар БШКнын басма сөз борборунда журналисттер менен жолугушуп, Кыргызстанда добуш берүү процессине комментарий беришти. МолдоваРеспубликасынын Борбордук шайлоо комиссиясынын өкүлү Максим Лебединскийдин айтуусу боюнча бир нече шайлоо участокторунда болгон учурда дагы,референдумга жана жергиликтүү кеңештердин депутаттарын шайлоого шайлоочулардын келиши тууралуу маалыматкакарагандадагы эл мамлекеттин ишине кызыгаары, ага катышууну каалары ачык эле көрүнүп турат. “Шайлоочуларды иденттештирүү учурундагы үзгүлтүктөр тууралуу маалыматка байланыштуу мындай деп айтса болот: техника деген - техника, анын качан иштебей каларын алдын ала билүүгө болбойт. Эгерде шайлоо кышында өткөрүлбөй, жайында өткөрүлсө, анча кыйынчылык болбойт эле. Техника белгилүү бир температураны кармап турат, аны жылуу жерден кыйла муздак жерге алып чыкканда, кандайдыр-бир үзгүлтүккө учурашы мүмкүн. Бирок бул негизги нерсе эмес, башкысы – элдин шайлоо тутумуна ишенгени”, деп М.Лебединскийавтоматтык эсептөөчү урналарды пайдалануу – көп жыл алдыга – келечекке эсептелген жакшы тажрыйба экенин белгиледи.   КР БШКнын басма сөз кызматы

Бүгүн 11-декабрда Көз карандысыз мамлекеттердин шериктештигинин байкоочуларынын миссиясы журналисттер менен жолугуп, миссиянын жүргүзгөн иштери тууралуу айтып беришти. РФ Мамлекеттик Думасынын эл аралык иштер боюнча комитетинин мүчөсү Татьяна Алексееванын айтуусу боюнча алар Бишкектеги жана шаардын айланасында жайгашкан бир нече шайлоо участокторунда болушту. “Участоктордо жарандардын активдүүлүгү көрүнүп турат. Биз шайлоочуларды иденттештирүү учурунда түшүнбөстүктөрдү жана мыйзам бузууларды байкаган жокпуз. Шайлоо жогорку деңгээлде уюштурулуптур. Мында БШКнын жакшы иштегенин белгилей кетүү керек”, деп, ал Кыргызстан улам өзгөрүлүп, мыкты боло баштаганын белгиледи. Өз кезегинде РФ Мамлекеттик Думасынын депутаты Вера Ганзяучастоктордо жакшы аура түзүлгөнүн билдирди. “Шайлоо өткөрүү тутуму жана анын уюштурулушу субъективдүү фактордун таасирин жокко чыгарат. Ошону менен бирге бул жыйынтык аппаратураларды туура тандап алуунун натыйжасында болгонун белгилей кетүү керек. Жакшы иштегени үчүн Борборшайкомго ыраазычылык билдиргибиз келет”, деди россиялык  депутат.   КР БШКнын басма сөз кызматы

Шаардык кенештер   Шайлоочу Добуш % Кыргыз Республикасы 587619 85650 14.58% Бишкек 310530 43013 13.85% Жалал-Абад областы 85825 11974 13.95% Ысык-Көл областы 6393 970 15.17% Нарын областы 25682 4244 16.53% Ош областы 25704 2441 9.50% Талас областы 16137 2763 17.12% Чүй областы 46894 8967 19.12% Баткен областы 70454 11278 16.01%   Айылдык кенештер   Шайлоочу Добуш % Кыргыз Республикасы 1701032 232292 13.66% Жалал-Абад областы 385099 47575 12.35% Ысык-Көл областы 168684 28321 16.79% Нарын областы 124516 21846 17.54% Ош областы 437460 52070 11.90% Талас областы 106009 16545 15.61% Чүй областы 334757 50512 15.09% Баткен областы 144507 15423 10.67%  Моонотунон мурда (шаардык кенештер)   Шайлоочу Добуш % Кыргыз Республикасы 5777 442 7.65% Чүй областы 5777 442 7.65% Моонотунон мурда (айылдык кенештер)   Шайлоочу Добуш % Кыргыз Республикасы 19106 3510 18.37% Жалал-Абад областы 3106 317 10.21% Нарын областы 7366 1378 18.71% Талас областы 3412 696 20.40% Чүй областы 5222 1119 21.43% Референдум    Шайлоочу Добуш % Кыргыз Республикасы 2851952 393356 13.79% Бишкек 343034 51158 14.91% Ош 132691 18903 14.25% Жалал-Абад областы 526418 67085 12.74% Ысык-Көл областы 254353 39497 15.53% Нарын областы 170265 30097 17.68% Ош областы 578632 65688 11.35% Талас областы 130025 20806 16.00% Чүй областы 464544 68987 14.85% Баткен областы 237990 30989 13.02%  КР ТИМ 14000 146 1.04%

Шаардык кенеш   Шайлоочу Добуш % Кыргыз Республикасы 587619 23960 4.08% Бишкек 310530 12336 3.97% Жалал-Абад областы 85825 4588 5.35% Ысык-Көл областы 6393 248 3.88% Нарын областы 25682 1014 3.95% Ош областы 25704 705 2.74% Талас областы 16137 679 4.21% Чүй областы 46894 1988 4.24% Баткен областы 70454 2402 3.41%   Айылдык кенеш   Шайлоочу Добуш % Кыргыз Республикасы 1701032 54368 3.20% Жалал-Абад областы 385099 8967 2.33% Ысык-Көл областы 168684 6514 3.86% Нарын областы 124516 5237 4.21% Ош областы 437460 15420 3.52% Талас областы 106009 4062 3.83% Чүй областы 334757 10903 3.26% Баткен областы 144507 3265 2.26%         Досрочные выборы    Шайлоочу Добуш % Кыргыз Республикасы 5777 260 4,50% Чүй областы 5777 260 4,50 % Референдум   Шайлоочу Добуш % Кыргыз Республикасы 2851952 95630 3.35% Бишкек 343034 14868 4.33% Ош 132691 4594 3.46% Жалал-Абад областы 526418 14737 2.80% Ысык-Көл областы 254353 8504 3.34% Нарын областы 170265 5453 3.20% Ош областы 578632 19936 3.45% Талас областы 130025 5070 3.90% Чүй областы 464544 15453 3.33% Баткен областы 237990 6869 2.89% МИД КР 14000 146 1.04% http://ess.shailoo.gov.kg/ServiceJSP.do http://cec.on.kg/map.html

Бүгүн 11-декабрда Кыргызстандын бүт аймагында референдум жана жергиликтүү кеңештердин депутаттарын шайлоо өтүп жатат.Бул иш-чаранын алкагында БШК добуш берүүнүн жүрүшү жөнүндө маалымат жыйынын уюштурду. Маалымат жыйынынын жүрүшүндө Кыргыз Республикасынын шайлоо жана референдум өткөрүү боюнча борбордук комиссиясынын башчысы Нуржан Шайлдабековажурналисттердин суроолоруна жооп берип,Кыргызстанда өтүп жаткан референдум менен шайлоо эл аралык байкоочулар үчүн абдан кызыгуу жаратканын билдирди. “Биз кечээ эле байкоочулар үчүн презентация өткөрдүк. Алар шайлоо тутуму чөйрөсүндөгү биздин алга жылыштарды абдан жогору баалашты. Шайлоонун жүрүшүнө дүйнөнүн 25 өлкөсүнөн 200гө жакын байкоочу көз салышууда. Тилекке каршы, ЕККУнун байкоочулары келе албай калышты. Алар бир нече өлкөдө шайлоо өтүп жаткандыктан, кызматкерлердин жетишсиздигинен жана финансылык каражаттардын четелгенинен улам биздин шайлоого катыша албай турганын түшүндүрүштү”, деп айтты Н. Шайлдабекова.   КР БШКнын басма сөз кызматы

Бүгүн 11-декабрда Кыргыз Республикасынын аймагында  Конституцияга өзгөртүүлөрдү киргизүү боюнча референдумжана жергиликтүү кеңештердин депутаттарын шайлоо өтүп жатат. Кыргыз Республикасынын шайлоо жана референдум өткөрүү боюнча борбордук комиссиясынын төрагасы Нуржан Шайлдабекованын айтуусу боюнча саат 11.00гө карата референдумда Кыргызстандын аймагында 95 миң 630 адам же шайлоочулардын 3,35%ы добуш берди. Ал Баткен облусунда шайлоочулардын 2,89%ы, Жалал-Абад облусунда - 2,8%ы,Ош облусундагыӨзгөн шаарында - 3,45%ы, Нарында - 3,20%ы, Таласта - 3,90%ы, Ысык-Көлдө - 3,34%ы, Чүйдө- 3,33%ыжана Бишкек шаарында - 4,33%ы добуш бергенин айтты. БШК башчысынын берген маалыматы боюнча шайлоочулардын кыйла активдүүлүгү Ош облусунда байкалууда.   КР БШКнын басма сөз кызматы

Бүгүн 2016-жылдын 11-декабрында саат 8.00дө бардык 2365шайлоо участогунда Кыргыз Республикасынынреферендумунун катышуучулары жана жергиликтүү кеңештердин депутаттарын шайлоочулар добуш бере башташты. Добуш берүү, ошондой эле, Кыргызстандын чегинен тышкары түзүлгөн 35 шайлоо участогундаөтүүдө. Добуш берүүучастоктору ачылган учурга карата жергиликтүү кеңештердин депутаттарын шайлоого катталган (биометрикалык каттоонун негизинде) шайлоочулардын жалпы саны - 2 313 525; референдумга катталган (биометрикалык каттоонун негизинде) катышуучулардын жалпы саны – 2 851 952;референдумдун шайлоо участокторунун (чет өлкөлөрдөгү 35 участокту кошкондо) жалпы саны - 2 365; жергиликтүү кеңештердин шайлоо участокторунун (чет өлкөлөрдөгү участокторду кошкондо) жалпы саны – 1902; пайдалануудагы АЭУлардын жалпы саны – 5712; шайлоо участокторундагы АЭУлардын (анын ичинде чет өлкөлөрдөгү 26сы) жалпы саны – 5637. Кыргыз Республикасындагыреферендумдун жана жергиликтүү кеңештердин депутаттарын шайлоонун жүрүшүнө дүйнөнүн 35 өлкөсүнөн 46 уюмдан 181 эл аралык байкоочу аккредиттелген. Андан сырткары, добуш берүүнүн жүрүшүнө коммерциялык эмес уюмдардан, саясий партиялардан жана талапкерлерден бир нече миң байкоочу байкоо жүргүзүшөт.   КР БШКнын басма сөз кызматы

10-декабрдаКыргыз Республикасынын шайлоо жана референдум өткөрүү боюнча борбордук комиссиясынын төрагасыНуржан Шайлдабекова, БШКнын мүчөлөрү Түркиянын Жогорку шайлоо кеңешининтөрагасы Сади Гювен жетекчилик кылган делегация менен жолугушту. Н.Шайлдабековаөлкөнүн жетекчилигинин толук колдоосу менен Борборшайком шайлоо тутумун реформалоонүн үстүндө иштеп жатканын, технологияларды улам өркүндөтүү менен добуштарды саноонун автоматташтырылган түзүлүшүн киргизгенин билдирди. Маектешүүнүн жүрүшүндө КР БШКнын башчысы шайлоонун жүрүшү жөнүндө Түркия тараптын пикирин угуу Кыргызстанга маанилүү экенин айтты. Түркиянын Жогорку шайлоо кеңешинин төрагасы Сади Гювен өз кезегинде төмөнкүлөрдү билдирди: “Түркиянын 54 регионунда акыркы мезгилде шайлоо процесси чуулгансыз өтүүдө. Ошону менен бирге биз Кыргызстандан үйрөнө турган учурлар бар, ошондуктан биз эки өлкөнүн борбордук шайлоо органдарынын ортосунда тыкыс мамиле түзгүбүз келет, кызматташуу жөнүндө келишимге кол коюуга даярбыз”. Эки тарап тең мындан ары кызматташууга даярдыгын билдиришти.   КР БШКнын басма сөз кызматы

10-декабрда Кыргыз Республикасынын шайлоо жана референдум өткөрүү боюнча борбордук комиссиясынын төрагасы Нуржан Шайлдабекова түрк тилдүү мамлекеттердин парламенттик ассамблеясынын байкоочуларынын миссиясынын өкүлдөрү менен жолугушту. Жолугушуунун жүрүшүндө Н. Шайлдабекова референдумда жана жергиликтүү кеңештердин депутаттарын шайлоодо шайлоонун жаңы технологиялары – жарандарды биометрикалык маалыматтары боюнча иденттештирүү жана башка шайлоочу үчүн добуш берүү мүмкүнчүлүгүн жок кылуучу, шайлоочулардын добуштарын так эсептөөнү камсыздоочу автоматтык эсептөөчү урналар пайдаланыларын билдирди. Бул жаңы технологиялар 2015-жылы КР Жогорку Кеңешкежана үстүбүздөгү жылы жергиликтүү кеңештерге шайлоододагы колдонулган. 11-декабрда 22 шаарда жана 389 айылда жергиликтүү кеңештерге шайлоо өтөт. “Референдум биринчи жолу жаңы ыкмаларды колдонулуп, жергиликтүү кеңештерге шайлоо менен айкалыштырылып өтүүдө. Бул БШК үчүн – сыноо, бирок автоматташтырылган тутум саат 20.00дө участоктор жабылгандан кийин бир сааттын ичинде добуш берүүнүн алгачкы жыйынтыктарын алууга мүмкүндүк берет”, деп белгиледи БШК башчысы. Кыргызстандыктар көп долбоорлорду алгачкылардан болуп баштайт, деп белгилештитүрк тилдүү мамлекеттердин парламенттик ассамблеясынын байкоочуларынын миссиясынын өкүлдөрү. Эл аралык байкоочуларкыргыз тажрыйбасын өздөрүндө колдонуу үчүн маалымат топтоп жатканын айтышты. Алардын айткандары боюнча көпчүлүк өлкөлөрдө шайлоодобиометрика менен компьютерлерди пайдаланышпайт, бул жагынан Кыргызстан алдыда келатат. Түрк тилдүү мамлекеттердин парламенттик ассамблеясынынөкүлдөрү КР Борборшайкомго шайлоо менен референдумду ийгиликтүү өткөрүүнү каалашты. 11-декабрда республика боюнча 2 365референдумучастогу, анын ичиндечет өлкөлөрдө 35 участок ачылат. 1902шайлооучастогунда жергиликтүү кеңештерге шайлоо өтөт.   КР БШКнын басма сөз кызматы

10-декабрда “Кыргыз Республикасындагы шайлоо реформасы: жетишкендиктер жана мындан ары өнүгүү” деген темадагы “тегерек столдун” жүрүшүндө референдумга жана жергиликтүү кеңештерге шайлоого байкоо жүргүзүү үчүн Кыргызстанга келишкен эл аралык байкоочулардын суроолоруна жооп берип, Кыргыз Республикасынын шайлоо жана референдум өткөрүү боюнча борбордук комиссиясынын төрагасы Нуржан Шайлдабековашайлоолордун ортосундагы мезгилде техникалык түзүлүштөрдүн сакталышы тууралуу айтып берди. Анын айтуусу боюнча бардык урналар Өзгөчө кырдаалдар министрлигинин Бишкек менен Ош шаарларындагы атайын кампаларында сакталат. “Техникалык түзүлүштөрдү сактоо убагында тийиштүү режим камсыздалат. Техника ишеничтүү экенин далилдеди жана өзгөчө күтүүнү талап кылбайт”, деди Н.Шайлдабекова. Ошондой эле БШК башчысы шайлоо учурунда иштей турган операторлор окутуудан өтүшкөнүн белгиледи. “Өткөн жылы шайлоодо операторлордун техникалык жана тейлөөчү топтору өз-өзүнчө иштеген. Бирок кайсы бир жерде техника үзгүлтүккө учурап калса, техниктерди чакырууга туура келерин тажрыйба көрсөттү. Бул убакытты алып, ыңгайсыздыктарды түздү. Ошол себептүү бул жылы биз операторлорду универсал болууга үйрөтүүгө аракеттендик. Аларды эки жума бою окуттук. Абдан айырмалангандарга Шайлоочулардын эл аралык ассоциациясынын сертификаты тапшырылды, ал биздин операторлорго башка өлкөлөрдөгү шайлоолорго катышууга мүмкүндүк берет”, деп билдирди Н. Шайлдабекова.   КР БШКнын басма сөз кызматы

Урматтуу ЖМК өкүлдөрү! 10-декабрда саат 14.00дө «Орион» отелинде “Кыргыз Республикасындагы шайлоо реформасы: жетишкендиктер жана мындан ары өнүгүү” деген темада “тегерек стол” өтөт. Иш-чаранын программасынаылайык КР БШКнын төрагасыН.Шайлдабекова жана Мамлекеттик каттоо кызматынын (МКК)төрагасы Т. Сарпашев сөз сүйлөшөт. “Тегерек столдун” жүрүшүндө Борборшайком 2015-жылы парламенттик шайлоодо пайдаланылган жаңы шайлоо моделинин бет ачарын өткөрөт. МКК шайлоочуларды биометрикалык маалыматтар боюнча иденттештирүү темасында презентация жүргүзөт. Дүйнөнүн 25 өлкөсүнөн 200гө жакын эл аралык байкоочу катышары күтүлүүдө. Алардын ичинде ШКУ, КМШ өлкөлөрүнөн байкоочулардын миссиялары, бир нече мамлекеттин Борбордук шайлоо комиссияларынын төрагалары, элчиликтердин, түрк тилдүү өлкөлөрдүн парламенттик ассамблеяларынын жана Ислам кызматташтык уюмунун өкүлдөрү бар. Чет өлкөлүк журналисттерди аккредиттөө жана бейджиктерди тапшыруу саат 12.00дөн 13.00гө чейин жүргүзүлөт. «Орион» отелинин дареги: Эркиндик бульвары, 21 (Чокморов кочосу менен кесилишет).    КР БШК басма сөз кызматы

11-декабрда добуш берүүнүн жүрүшү жөнүндө шайлоочуларды маалымдоо максатында төмөнкү даректер боюнча эки басма сөз борборунун иши уюшулду: 1.КР БШКнын имаратындагы басма сөз борбору, Раззаков көчөсү, 59, 3-кабат; 2.«Ала-Тоо» басма сөз борбору, «Орион» отели, Эркиндик бульвары, 21. Басма сөз борборлору өз ишин эртең менен саат 08.00дө баштайт. Мында референдумда жана жергиликтүү кеңештердин депутаттарын шайлоодо добуш берүүнүн жүрүшү жөнүндө маалымат берилет. Добуш берүү күнү басма сөз борборунда КР БШКнын төрагасы Н. Шайлдабекованын, Борборшайкомдун мүчөлөрүнүн, ошондой эле эл аралык байкоочулардын катышуусу менен маалымат жыйындары уюштурулат. 11-декабрдагыиш-чаралардын программасы тиркемеде. Программаны төмөнкү шилтеме боюнча алса болот.   КР БШК басма сөз кызматы

Кайрылууларга, даттанууларга, ошондой эле референдумда жана жергиликтүү кеңештердин депутаттарын шайлоодо добуш берүүнүн жүрүшү жөнүндө жарандарда келип чыккан суроолорго ыкчам жооп берүү максатында Кыргыз Республикасынын Шайлоо жана референдум өткөрүү боюнча борбордук комиссиясында 11-декабрда 1255 номуру боюнча “Түз байланыш” иштейт. Жарандарушул номурга чалып, референдумдун жана жергиликтүү кеңештердин депутаттарын шайлоонун жүрүшү жөнүндө бүт зарыл маалыматтарды алса болот.   КР БШК басма сөз кызматы

“Кыргыз Республикасынын референдуму жөнүндө” конституциялык Мыйзамдын 24-беренесине жана“Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 23-беренесинин 1-бөлүгүнө ылайык 2016-жылдын 10-декабрындаКыргызстан боюнча “тынч күн” жарыяланат. Бул күнү саясий партиялар, өзүн өзү көрсөткөндөр, “макул” жана “каршы” үгүт топторунун өкүлдөрү үгүт кампаниясын жүргүзүүгө укуктары жок. Ошондой эле, үгүт жүргүзүү үчүн БШК тарабынан аккредиттелген жалпыга маалымдоо каражаттары үгүт жүргүзүүгө укуктары жок. Шайлоо процессинин катышуучулары тарабынан “тынч күн”бузулганучурда БШК аларга карата чара көрүүгө укуктуу.   КР БШК басма сөз кызматы