Кыргыз Республикасынын Борбордук шайлоо комиссиясы сиздердин сунуш-пикирлерди, арыздарды жана даттанууларды угууга дайым даяр.
Эми сиздер БШКнын ишмердүүлүгүнө, шайлоолордун жана референдумдардын уюштурулушуна, ошондой эле жалпы шайлоо системасына байланыштуу ар кандай сунуш же көйгөйлөрүңүздөрдү QR-код аркылуу жөнөкөй жана ыңгайлуу жол менен билдире аласыздар.
Эгерде сизде:
- шайлоолордун жүрүшү боюнча суроолор,
- референдумдардагы уюштуруу маселелери,
- добуш берүү тартиби тууралуу сунуштар,
- шайлоо процессинде байкалган кемчиликтер же мыйзам бузуулар боюнча даттануулар же жөн гана шайлоо тутумун жакшыртуу боюнча ойлор бар болсо, анда төмөндө көрсөтүлгөн QR-кодду сканерлөө менен өз пикириңизди түз БШКга жөнөтө аласыз.
Сиздин ар бир пикириңиз биз үчүн маанилүү жана өлкөбүздөгү шайлоо процессин ачык, калыс жана натыйжалуу кылууга чоң салым кошот!
Кыргыз Республикасынын Шайлоо жана референдум өткөрүү боюнча борбордук комиссиясы
