Жаңылыктар

Тиркелет 

Бүгүн 2017-жылдын 26-апрелинде БШКнын жыйынында–шайлоо  процессин өркүндөтүү, КР БШКсы  жана МККнын жергиликтүү кеңештердин депутаттарын шайлоодо өз ара аракеттенүүсүнүн натыйжасын жогорулатуу максатында, Кыргыз Республикасынын Шайлоо жана референдум өткөрүү боюнча Борбордук комиссиясынын 2016-жылдын 16-февралындагы №35- токтому менен бекитилген, “Кыргыз Республикасынын Шайлоо жана референдум өткөрүү боюнча Борбордук комиссиясынын жана Кыргыз Республикасынын Өкмөтүнө караштуу Мамлекеттик каттоо кызматынын жергиликтүү кеңештердин депутаттарын шайлоодо өз ара кызматташуусунун тартиби жөнүндө”  Жобосуна өзгөртүүлөр жана толуктоолор киргизилди.  Киргизилген толуктоолорго ылайык, “шайлоочунун №3-формадагы арызын кабыл алууда УШК мүчөсү туура толтурулганын жана паспортундагы маалыматтарга дал келерин текшергенден кийин, шайлоочуга №3-формадагы арыздын төмөн жагында жайгашкан,  арыздын иштелип чыгуу статусун  тактап алуу боюнча маалыматтар камтылган,  УШКнын номери көрсөтүлүп, өзүнүн фамилиясы, койгон колу жана УШК мөөрү басылган, айырма талонду тапшырат”.  Ошондой эле көрсөтүлгөн Жобонун 4-пунктундагы “Шайлоочуларды идентификацияга даярдоо жана өткөрүү тартибине” өзгөртүүлөр жана толуктоолор киргизилип, ага ылайык “эгерде манжаларынын тактары боюнча идентификациядан өтпөй калган учурларда, шайлоочу бетинин биометриялык параметри боюнча идентификациядан өтөт. Мында шайлоочунун бети тийиштүү шайлоо участогунун базасындагы  биометриялык маалыматтардагы сүрөтү менен салыштырылат. Бетинен идентификациялоонун саны -1. Бети боюнча идентификациядан ийгиликтүү өткөн учурларда – шайлоочунун идентификациядан өткөндүгү жөнүндө автоматтык түрдө чек басылып чыгат”.   Мындан тышкары жаңы тейлөө киргизилүүдө, ага ылайык шайлоочу өзү тизмеге кирген шайлоо участогунун дареги жана номери көрсөтүлгөн маалыматтарды ала алат. Ошондой эле 119-номерине бекер чалып билсе болот. Добуш берүү күнүндө шайлоочу жөнүндө маалыматтарды тактоо үчүн, киргизилген өзгөртүүлөргө ылайык “шайлоо участоктору “УШК сурап-билүүсү” автоматтык маалыматтык системасы коюлган компьютерлер менен жабдылат (мындан ары-АМС  “УШК сурап-билүүсү”). АМС  “УШК сурап-билүүсү” бул УШКнын тизмесине кирбеген шайлоочуларга көмөк көрсөтүү үчүн белгиленген. АМС  “УШК сурап-билүүсүнө” шайлоочу жөнүндө суроо-талап жөнөтүү, шайлоочунун ID–картындагы ПИНинин негизинде жүргүзүлөт.  Жооп шайлоочу тизмеге кирген шайлоо участогунун дарегин, номерин көрсөтүү түрүндө түзүлөт.   АМС  “УШК сурап-билүүсүнүн” иштешине атайын даярдалган, тийиштүү жетүү формасы бар  оператор жооп берет. АМС  “УШК сурап-билүүсүнө” өзүнчө логин жана парол менен кирет.  Ошондой эле КР БШКнын жыйынында, шайлоочулардын, референдумга катышуучулардын эсебин алуу жана түзүү, КР БШКсы бекиткен шайлоо участкаларынын схемалары жана чектеринин негизинде шайлоочулардын тизмесин түзүүнү автоматташтыруу максатында “ Кыргыз Республикасынын  шайлоочуларынын тизмесин  башкаруунун Маалыматтык системасын түзүү жана пайдалануу тартиби жөнүндө” Жобо бекитилди. Кыргыз Республикасында шайлоо системасынын айкындыгын камсыз кылуу  жана жарандардын мамлекеттик органдардын карамагында турган маалыматтарга жетүү укуктарын жүзөгө ашыруу, жарандардын шайлоочулардын тизмеси жана шайлоо системасы жөнүндө маалыматтарды эркин жана тоскоолдуктарсыз алуу укуктарын жүзөгө ашыруу, ошондой эле  шайлоочуларга, референдумдун катышуучуларына анын тизмеде бардыгын текшерип алуу мүмкүнчүлүгүн берүү максатында,”Мамлекеттик “Шайлоо” Порталы” жөнүндө” Жобо каралды жана бекитилди.  Көрсөтүлгөн Жобо, ошондой эле “КР БШКсы жана МККнын жергиликтүү кеңештердин депутаттарын шайлоодо өз ара аракеттенүүнүн тартиби жөнүндө”  Жобосун өзгөртүү КР БШКсынын 2017-жылдын 29-мартындагы №77 токтому менен бекитилген “Шайлоо процесстерин өркүндөтүү боюнча иш чаралар Планын” аткаруунун алкагында кабыл алынды. КР БШКсынын басма сөз кызматы

24-апрелде БШКнын төрагасынын  Кореянын эл аралык кызматташтык агенттигинин (KOICA) вице-президенти  Чой Сун Го  менен жумушчу жолугушуусу болду. БШКнын төрагасы Нуржан Шайлдабекова шайлоо тутумун реформалоодо көрсөткөн  жардамы жана техникалык колдоосу үчүн Корея эл аралык кызматташтык агенттигине ыраазычылык билдирди. Төрага  эркин, демократиялык, таза жана акыйкат шайлоолорду өткөрүүдө автоматтык саноо урнасынын иши калктын ишенимин арттырганын, ошондой эле, эл аралык байкоочулар Кыргызстанда акыйкат жана ачык-айкын шайлоолорду өткөрүү мүмкүнчүлүгү  жогору экенин айтып жатышканын баса белгиледи. Өз кезегинде вице-президент, өткөн парламенттик шайлоо жана референдум 2017-жылы Кыргыз Республикасында Президенттик  шайлоону ийгиликтүү өткөрүүгө өбөлгө боло тургандыгына жана   жаңы шайлоо модели  ийгиликтүү ишке ашаарына үмүттөнгөндүгүн  билдирди. Чой Сун Го мырза Кыргызстандгы шайлоо реформасын жүргүзүүнүн алкагында  KOICA БШКнын техникалык адистери үчүн тренинг семинарларды өткөрүүдө тийиштүү колдоосун уланта  тургандыгын кошумчалады.  БШК басма сөз кызматы

  25-апрелде БШКнын төрагасы Нуржан Шайлдабекова Европа Союзунун Борбордук Азия боюнча атайын өкүлү, элчи Петер Буриан менен  жолугушту. Жолугушуунун жүрүшүндө, БШКнын  төрагасы  элчиге  Кыргыз Республикасындагы шайлоо тутумундагы реформалар тууралуу айтып берди. Ошондой эле   шайлоо тутумун өркүндөтүү багытында  жүргүзүлгөн  иштер менен тааныштырды. Алдыда боло турган КРнын Президентин шайлоого карата даярдык,  шайлоо процессине арналган коомдук эксперттик аянтчанын түзүлүшү тууралуу баяндады. Петер Буриан мындай деди: "ЕБ Кыргызстанга зор   үмүт менен карап турат. Шайлоо тутумуна реформалар жүргүзүлүп,  коомчулуктун ага болгон  ишеними жогорулап жатканына күбө болдук.  Алдыда боло турган президенттик шайлоодо азыркы шайлоо тутуму өтө ишенимдүү иштейт деп ишенгибиз келет. Бул өлкөгө туруктуулук жана калкка зор ишеним алып келет”. БШКнын төрагасы Н. Шайлдабекова шайлоо реформасынын  биринчи этабы өткөрүлдү жана ал шайлоо моделинин процедуралык модели бардык деңгээлде–жергиликтүү, парламенттик шайлоого референдумга киргизилгенин айтты. -Биз биринчи жолу аны президенттик шайлоодо байкайбыз. Азыркы учурда шайлоонуну бардык түрлөрүнө моделди унификациялоо жүрүүдө. Биз шайлоо процессине болгон комплекстүү мамилени өркүндөтүү ишин улантмакчыбыз-деп кошумчалады төрага.   Борбор Азия боюнча Атайын өкүл шайлоо системасын колдоо боюнча өз максаттарына жетүү үчүн, максималдуу түрдө акыйкат жана бардык тараптардын ачык-айкын ишинин зарылдыгын белгиледи. БШКнын төрагасы  эркин демократиялык шайлоолорду камсыз кылууга багытталган Кыргызстандын шайлоо тутумун  колдоосу үчүн элчи Петер Бурианга ыраазычылык билдирди. Жолугушууга БШКнын төрагасынын орун басары  А. Aбдрахматова, БШКнын мүчөлөрү Г. Журабаева жана Б. Кадыров катышты. БШКнын басма сөз кызматы   

Кыргыз Республикасынын Борбордук шайлоо комиссиясы шайлоо процессин  жакшыртуу жана өркүндөтүү иши илимий жактан бекемделген  экспертизанын негизинде жүргүзүлүшү керек"-деп билдирет БШК. Ушул максатта БШК өлкөнүн жогорку окуу жайлары менен тыгыз иштешүүгө ниеттенүүдө. Бул этапта, БШК Кыргыз мамлекеттик юридикалык академиясы, Жусуп Баласагын атындагы Кыргыз Улуттук  университети менен кызматташтык келишимине кол койду. Ошондой эле, өлкөнүн бардык аймактарындагы  жогорку окуу жайлары менен биргеликте иш  алып барууну пландаштырып жатат. Келишимдин алкагында шайлоо мыйзамы тууралуу окутуу боюнча  өз ара аракеттенүү жана шайлоо процессинде каралган, шайлоо мыйзамы боюнча окуу куралдарын биргелешип даярдап жарыялоо, шайлоо процессинин катышуучулары үчүн семинарлар, шайлоо мыйзамдарын өркүндөтүү боюнча биргелешкен илимий-практикалык жыйын жана демократиялык коомдун институттарын өнүктүрүү боюнча илимий макалаларды жарыялоо иштери  жүрмөкчү. БШК ошондой эле адеп-ахлак, билим берүү жана маданият жылынын алкагында, конкреттүү, биргелешкен бир катар иш пландарын, ошондой эле шайлоонун жол-жоболорунун укуктук маданиятын жогорулатуу боюнча БШКнын планын сунуштамакчы. Ошону менен катар эле  БШК жаштардын шайлоо жана референдумдарга катышуу боюнча активдүүлүгүн  жогорулатуу үчүн активдүү иш жүргүзүүгө ниеттенет. Бул үчүн жакын арада  жаштар арасында атайын жолугушууларды  жана лекцияларды өткөрүп, алардын жарандык активдүүлүгүн жогорулатуу максатын көздөөдө. Лекцияларга БШКнын жетекчилиги жана мүчөлөрү, эксперттер катышмакчы. Алар студенттер арасында Кыргызстандын саясий системасынын  негиздери, шайлоо моделин жана шайлоочулардын добуштарын автоматтык негизде  эсептөөнүн тартиби тууралуу айтып беришет. Сабактын жүрүшүндө шайлоонун ар кандай аспектилери боюнча  автоматтык саноо урнасынын  жардамы менен добуш берүү өткөрүлөт. БШКнын басма сөз кызматы 

Кыргыз Республикасынын шайлоо жана референдумдарды өткөрүү боюнча комиссиясынын алдындагы көзөмөл-текшерүү тобу талапкерлердин саясий партиялардын шайлоо фондусундагы каражаттарды сарптоо тууралуу 2017-жылдын 24-апрелине карата маалыматы.      Ноокат   № Саясий  партия түштү сарпталды калдык 1 Республика 21 000 20 020 980 2 Замандаш 20 400 20 150 250 3 КСДП 30 000 20 000 10 000 4 Народная партия 25 000 20 000 5 000 5 Өүгүү-Прогресс 20 500 20 300 200 Көк-Жангак   1 КСДП 20 050 20 025 25 2 Кыргызстан Коммунисттер партиясы 20 050 20 025 25 3 Өнүгүү-Прогресс 22 000 20 025 1 975 Жалал-Абад ш   1 Кыргызстан 0 0 0  Кара-Балта ш   1 Өнугуу-Прогресс 100 0 100 2 Акшумкар 20 250 20 150 100 3 Элдик-Народная 100 0 100 4 Кыргызстан 100 0 100 5 Жакшылык-Добро 22 000 20 150 1 850 6 КСДП 24 000 23 120 880  Кемин ш   1 КСДП 22 000 20 020 1 980 2 Республика 20 150 20 150 0 3 Өнугуу-Прогресс 20 020 20 020 0   № Талапкерлер Айылдык кенеш Түштү Сарпталды калдык 1 Калдыкеев М.Ж. Новопавловка 5 000 0 5 000 2 Усупов И.К. Кызыл-Суу 1 000 0 1 000 3 Турдуев А.Р. Кызыл-Суу 1 000 0 1 000 4 Давлетбаков К.У. Кызыл-Суу 3 000 0 3 000 5 Акматов К.Т. Кызыл-Суу 1 000 0 1 000 6 Шамырканов М.Т. Кызыл-Суу 1 000 0 1 000 7 Байтоков А.К. Кызыл-Суу 10 000 0 10 000                         КР БШКнын мүчөсү, КР БШКнын көзөмөл-текшерүү тобунун жетекчиси                                                                                Баатырова Г.М.

Кыргыз Республикасынын Шайлоо жана референдум өткөрүү боюнча борбордук комиссиясынын эмгек жамааты жана коллегалары, Кыргыз Республикасынын көрүнүктүү мамлекеттик жана коомдук ишмери Сулайман Иманбаевич Иманбаевдин дүйнөдөн мезгилсиз кайткандыгына байланыштуу үй-бүлөсүнө жана  жакын тууган-туушкандарына терең кайгыруу менен көңүл айтып,  азасын тең бөлүшөт.           С.Иманбаев 1996-жылы Кыргыз Республикасынын Президентинин Жарлыгы менен Кыргыз Республикасынын шайлоо жана референдум өткөрүү боюнча борбордук комиссиясынын төрагасы болуп дайындалган.             Бул мамлекеттик жооптуу кызмат ордунда 2005-жылга чейин иштөө менен Сулайман Иманбаев өлкөбүздүн шайлоо системасынын түптөлүшүнө жана калыптанышына, жарандардын шайлоо укугун жүзөгө ашырууну камсыз кылууда салым кошкон.            Сулайман Иманбаевич таланттуу, жогорку жоопкерчиликти сезе билген, кесипкөй, ак пейил, адамдарга жардам бере билген жетекчи эле.            Сулайман Иманбаевичтин жаркын элеси дайыма биздин жүрөктөрдө сакталат.    Кыргыз Республикасынын Шайлоо жана референдум өткөрүү боюнча Борбордук комиссиясынын эмгек жамааты жана коллегалары

  24-апрелде өткөн БШКнын жыйынында Ысык-Көл облусунун Ысык-Көл районунун Бостери айылдык кеңешинин төрагасынын жана тургундарынын кайрылууларын эске алынып жана “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 7-беренесинин 1-бөлүгүнүн 2,4,5-пункттарына, “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 10-беренесине ылайык, БШК “2017-жылдын 28-майына дайындалган Баткен, Жалал-Абад, Ысык-Көл, Ош, Чүй облустарынын жергиликттүү кеңештеринин депутаттарын шайлоо боюнча шайлоо округдарынын схемаларын жана чек араларын бекитүү тууралуу” БШКнын 2017-жылдын 6-апрелиндеги №80 токтомунун Ысык-Көл облусунун Ысык-Көл районунун Бостери айылдык кеңешинин №1 Бактуу-Долоноту шайлоо округун (УШК №3030) 6 мандат кылып бөлүштүрүү жана №3 шайлоо округунун (№3052, №3032 УШК) чек араларын шайлоо округдарга бөлүү боюнча өзгөртүүлөр киргизилди:   № 3-шайлоо округуна Чек арасы – батыш тарабы С.Абыкеев жана О.Кыдырмаев көчөлөрүнүн чыгыш тарабы, Алжанбай, Далбай, Манас, Кенебаев, Талканбаев, Шопоков көчөлөрү, чыгыш тарабы – Кара-Суу арык суусунун батыш тарабы, Асандын ойу жана Мамажан массиви жана   №4-шайлоо округуна – Чек арасы – батыш тарабы Кара-Суу арык суусунун чыгыш тарабы, Алжанбай, Далбай, Манас, Кенебаев, Талканбаев, Шопоков көчөлөрү, Городок массиви, чыгыш тарабы Бостери айылынын чыгыш тарабы киргизилди.   Ошондой эле КРнын Премьер-министринин 2017-жылдын 12-апрелиндеги № 260-буйругу менен Жети-Өгүз айыл өкмөтүнүн башчысы Далиев Уланбек Эшенович Ысык-Көл облусунун Жети-Өгүз районунун мамлекеттик администрациясынын башчысынын – акиминин биринчи орун басары болуп дайындалгандыгына байланыштуу КРнын Шайлоо жана референдум өткөрүү боюнча борбордук комиссиясы Ысык-Көл облусунун Жети-Өгүз районунун Жети-Өгүз айыл өкмөтүнүн башчысын шайлоону 2017-жылдын 12-майында саат 9:00дөн 12:00гө чейин өткөрүү токтомун кабыл алды.  БШКнын басма сөз кызматы 

  БШК шайлоо тутумун реформалоого байланышкан суроолорду талкуулоо боюнча такай иштей турган коомдук эксперттик-консультативдик платформа уюштуруп жатат. Мунун негизги максаты-илимий негиздеги эксперттик негиздөөлөргө таянган шайлоо реформасындагы эң маанилүү маселелерди талкуулоого шарт тузуу болуп саналат.   Бүгүн 2017-жылы 21-апрелде аталган платформанын алкагында «Кыргыз Республикасында шайлоо процессинин реформалоонун жүрүшү жана алдыдагы келечектери» темасында, Эл аралык шайлоо тутуму фондунун IFES колдоосу менен биринчи коомдук диалог өткөрүүдө.  Платформанын ишине мамлекеттик органдардын, коомдук уюмдардын, саясий партиялардын өкүлдөрү, ошондой эле шайлоо мыйзамдуулугу тармагындагы эксперттер менен окумуштуулар жана массалык маалымат каражаттарынын өкүлдөрү катышып отурат. Иш чарада шайлоону өткөрүү органы катары, ошондой эле шайлоо процессин уюштурууну жакшыртуу, анын ичинде 2016-жылкы шайлоо учурунда кетирилген катачылыктарды жөнгө салуу боюнча БШКнын Стратегиялык планынын бет ачары өтөт. Диалогдун катышуучуларына автоматтык эсептөө урнасынын (АЭУ, МШС) жана маалыматтык шайлоо системасынын иштөө тартиби, ошондой эле шайлоо участокторунан эсептерди чогултуп борбордук серверге жөнөтүү, аларды шайлоо сайтына жайгаштыруу дыкат көрсөтүлөт. Биринчи дискуссиялык теманын өзөгү болуп- шайлоо мыйзамдуулугунун өзгөртүү өткөн шайлоо компанияларынын жыйынтыгында иштелип чыккан маселелер эсептелет. Ачык жана таза атаандаштыктын жана чындыктын негизинде өткөн шайлоо процесси-кандай гана демократия болбосун анын бекем пайдубалы болуп саналат. Ошондуктан шайлоо системасын реформалоо демократиянын туруктуу кадамы гана болбостон, элдин ишениминин тиреги жана өлкөдөгү туруктуулуктун өбөлгөсү да болмокчу Бул иштин башталышы гана. Боршайком шайлоо процесин жакшыртуу боюнча жарандык коомдун өкүлдөрү катышкан ушуга окшогон диалогдорду, жыйындарды тактай өткөрүүнү пландап жатат. БШКнын басма сөз кызматыБШК шайлоо тутумун реформалоого байланышкан суроолорду талкуулоо боюнча такай иштей турган коомдук эксперттик-консультативдик платформа уюштуруп жатат. Мунун негизги максаты-илимий негиздеги эксперттик негиздөөлөргө таянган шайлоо реформасындагы эң маанилүү маселелерди талкуулоого шарт тузуу болуп саналат. БШК шайлоо тутумун реформалоого байланышкан суроолорду талкуулоо боюнча такай иштей турган коомдук эксперттик-консультативдик платформа уюштуруп жатат. Мунун негизги максаты-илимий негиздеги эксперттик негиздөөлөргө таянган шайлоо реформасындагы эң маанилуу маселелерди талкуулоого шарт түзүү болуп саналат. Бүгүн 2017-жылы 21-апрелде аталган платформанын алкагында «Кыргыз Республикасында шайлоо процессинин реформалоонун жүрүшү жана алдыдагы келечектери» темасында, Эл аралык шайлоо тутуму фондунун IFES колдоосу менен биринчи коомдук диалог өткөрүүдө. Платформанын ишине мамлекеттик органдардын, коомдук уюмдардын, саясий партиялардын өкүлдөрү, ошондой эле шайлоо мыйзамдуулугу тармагындагы эксперттер менен окумуштуулар жана массалык маалымат каражаттарынын өкүлдөрү катышып отурат. Иш чарада шайлоону өткөрүү органы катары, ошондой эле шайлоо процессин уюштурууну жакшыртуу, анын ичинде 2016-жылкы шайлоо учурунда кетирилген катачылыктарды жөнгө салуу боюнча БШКнын Стратегиялык планынын бет ачары өтөт. Диалогдун катышуучуларына автоматтык эсептөө урнасынын (АЭУ, МШС) жана маалыматтык шайлоо системасынын иштөө тартиби, ошондой эле шайлоо участокторунан эсептерди чогултуп борбордук серверге жөнөтүү, аларды шайлоо сайтына жайгаштыруу дыкат көрсөтүлөт. Биринчи дискуссиялык теманын өзөгү болуп- шайлоо мыйзамдуулугунун өзгөртүү өткөн шайлоо компанияларынын жыйынтыгында иштелип чыккан маселелер эсептелет. Ачык жана таза атаандаштыктын жана чындыктын негизинде өткөн шайлоо процесси-кандай гана демократия болбосун анын бекем пайдубалы болуп саналат. Ошондуктан шайлоо системасын реформалоо демократиянын туруктуу кадамы гана болбостон, элдин ишениминин тиреги жана өлкөдөгү туруктуулуктун өбөлгөсү да болмокчу Бул иштин башталышы гана. Боршайком шайлоо процесин жакшыртуу боюнча жарандык коомдун өкүлдөрү катышкан ушуга окшогон диалогдорду, жыйындарды тактай өткөрүүнү пландап жатат. БШКнын басма сөз кызматы  

 2017-жылдын 18-апрелиндеги БШК жыйынында Ош облусунун Араван районунун С.Юсупов айылдык кеңешинин №5 Бирлик-Сейдахматов округунун чектерин: “Бирлик” шайлоо округуна (УШК №5353) жана “Сейдахматов” шайлоо округуна (УШК№5521)  бөлүү жөнүндө С.Юсупов атындагы айылдык кеңешинин депутаттарынын жана жашоочуларынын КР БШКнын дарегине кайрылуусу каралды жана колдоого алынды.  Ошондой эле АШКнын чечиминин негизинде, КР БШКсы 2017-жылдын 28-майына дайындалган, Кыргыз Республикасынын Баткен, Жалал-Абад, Ысык-Көл, Нарын, Ош, Талас жана Чүй облустарынын  бир катар жергиликтүү кеңештериндеги мөөнөтүнөн мурда шайлоолор боюнча шайлоо округдарынын жана участокторунун схемасын жана чектерин бекитти. Бардыгы 48 шайлоо округунун жана 107 шайлоо участогу бекитилди.  Жыйындын жүрүшүндө БШКнын токтому менен резервден Жалал-Абад АШКсынын жаңы курамы түзүлүп, чүчү кулактын жыйынтыгы боюнча Жалал-Абад аймактык шайлоо комиссиясынын курамына документ берген жети саясий партиянын ичинен, алты саясий партиянын өкүлдөрү кирди: “Мекеним Кыргызстан”, “Өнүгүү –Кыргызстан”, “Туран”, “КСДП”, “Замандаш”, “Бир бол”. Ал эми  “Кыргызстан” саясий партиясынын өкүлү резервге кирди. “Замандаш” саясий партиясынын Жалал-Абад АШКнын ишине катышуудан баш тарткандыгын эске алып, АШКнын курамына чүчү кулак боюнча кийинки орундагы “Кыргызстан” саясий партиясынын өкүлү кирди.  Октябрь айыл өкмөтүнүн башчысы У.И. Дөкөнбаевдин -Ысык-Көл облусунун Ак-Суу районунун акими болуп дайындалганына байланыштуу БШК 2017-жылдын 4-майына Ысык-Көл облусунун Ак-Суу районунун Октябрь айыл өкмөтүнүн башчысын шайлоо дайындады.  Мындан тышкары, Чүй облусунун Чүй районунун Чүй айылдык кеңешинде көптөн күтүлгөн  депутаттардын биринчи сессиясы өтүп депутаттардын көпчүлүк добушу менен кеңештин төрагасына З.Д.Амангелдиев шайланды. Ак-Суу жана Чүй аймактык шайлоо комиссияларына шайлоолорду өткөрүүнү Кыргыз Республикасынын мыйзамдарына ылайык уюштуруу тапшырылды. Ысык-Көл облусунун Ак-Суу районунун Октябрь айыл өкмөтүнүн жана Чүй облусунун Чүй районунун Чүй айыл өкмөтүнүн башчыларын шайлоо 2017-жылдын 4-майына дайындалды.  Ошондой эле БШКнын жыйынында, Бакай-Ата, Сокулук, Ноокен, Аламүдүн аймактык шайлоо комиссияларынын 4 айылдык кеңешинин  4  депутатынын ыйгарым укуктарын мөөнөтүнөн мурда токтотуу жана 4 депутаттын бошогон мандатын депутаттыкка шайланган кийинки талапкерлерге өткөрүп берүү чечимдери бекитилди.   БШКнын басма сөз кызматы 

Аймактык шайлоо комиссияларынын резервин толуктоо максатында (мындан ары-АШК) Кыргыз Республикасынын Шайлоо жана референдум өткөрүү боюнча борбордук комиссиясы жергиликтүү өз алдынча башкаруунун өкүлчүлүктүү органдарынан жана саясий партиялардан өкүлдөрүн көрсөтүү жөнүндө жарыялайт. Талапкерлерди АШКлардын резервине көрсөтүүдө жарандардын өздөрүнүн макулдугун, ошондой эле шайлоо компанияларына, коомдук иштерге катышуу тажрыйбасын, кесиптик жана жеке сапаттарын эске алуу зарыл. Көрсөтүү субьектилери, шайлоо комиссияларынын мүчөлүгүнө талапкерлер эреже катары, тийиштүү калктуу пунктун аймагында жашоосу керектигин эске алуулары зарыл. Шайлоочулардын жыйындарынын АШКнын резервине талапкерди көрсөткөндүгү жөнүндө протоколдору жыйындын төрагасынын жана катчысынын колу менен күбөлөндүрүлүшү зарыл.. Протоколго жыйынга катышкандардын жашаган жерин көрсөтүү менен тизмеси, алардын колдору коюлуп, тиркелиши керек. Жогорку көрсөтүлгөн документтерге тиркелет: - талапкердин АШКнын курамында иштөөгө макулдугу жөнүндө арызы жана Кыргыз Республикасынын шайлоо мыйзамдарын сактоо жөнүндө милдеттенмеси; - паспортунун көчүрмөсү: - иштеген, окуган жерин, билимин көрсөтүү менен биографиялык маалыматтары (кадрларды эсепке алуу баракчасы, резюме); - байланыш маалыматтары: жашаган жеринин дареги, телефондору (үйдүкү, уюлдук, электрондук почтасы). АШКлардын резервине талапкерлерди көрсөтүү жөнүндө жыйындардын протоколдору, 2017-жылдын 12-майы, саат 18.00гө чейин тийиштүү жергиликтүү өз алдынча башкаруунун өкүлчүлүктүү органдарында  (шаардык, райондук кеңештер) кабыл алынат. АШКлардын резервине саясий партиялардын талапкерлерин көрсөтүү жөнүндө протоколдору, 2017-жылдын 12-майы, саат 18.00гө чейин  Кыргыз Республикасынын Шайлоо жана референдум өткөрүү боюнча борбордук комиссиясында кабыл алынат. Сурап-билүү телефондору : 66-51-86, 66-01-18,  www.shailoo.gov.kg. Саясий партиялардан:   Чүй облусу 1.Аламүдүн АШКсы 2.Жайыл АШКсы 3.Кемин АШКсы 4.Москва АШКсы 5.Панфилов АШКсы 6.Сокулук АШКсы 7.Чуй АШКсы 8.Ысык-Ата АШКсы   Ыссык-Көл облусу 9.Ак-Суу АШКсы 10.Балыкчы АШКсы 11.Жети-Өгүз АШКсы 12.Ыссык-Көл АШКсы 13.Тоң АШКсы 14.Тюп АШКсы 15.Каракол АШКсы   Нарын облусу 16.Нарын ш. 17.Ак-Тала АШКсы 18.Ат-Башы АШКсы 19.Нарын АШКсы 20.Жумгал АШКсы 21.Кочкор АШКсы   Талас облусу 22. Талас ш. 23.Бакай-Ата АШКсы 24.Кара-Буура АШКсы 25.Манас АШКсы 26.Талас АШКсы   Ош облусу 27.Алай АШКсы 28.Араван АШКсы 29.Кара-Кулжа АШКсы 30.Кара-Суу АШКсы 31.Ноокат АШКсы 32.Өзгөн АШКсы 33.Чоң-Алай АШКсы   Жалал-Абад облусу 34.Аксы АШКсы 35.Ала-Бука АШКсы 36.Базар-Коргон АШКсы 37.Кара-Көл АШКсы 38.Майлуу-Суу АШКсы 39.Ноокен АШКсы 40.Сузак АШКсы 41.Таш-Көмүр АШКсы 42.Тогуз-Торо АШКсы 43.Токтогул АШКсы 44.Чаткал АШКсы   Баткен облусу 45. Баткен ш. 46.Баткен АШКсы 47.Кадамжай АШКсы 48.Лейлек АШКсы 49.Сүлүктү АШКсы 50.Кызыл-Кыя АШКсы   Өз алдынча башкаруунун өкүлчүлүктүү органдарынан:   Чүй облусу 1.Аламүдүн АШКсы 2.Кемин АШКсы 3.Москва АШКсы   Ыссык-Көл облусу 4.Ак- Суу АШКсы 5.Балыкчы АШКсы   Нарын облусу 6.Нарын АШКсы   Жалал-Абад облусу 7.Ала- Бука АШКсы 8.Базар-Коргон АШКсы 9.Майлуу-Суу АШКсы 10.Таш-Көмүр АШКсы 11.Тогуз-Торо АШКсы 12.Чаткал АШКсы  

Кыргыз Республикасынын шайлоо жана референдум өткөрүү боюнча Борбордук шайлоо комиссиясынын 2017-жылдын 8-июнундагы 7-токтому менен кабыл алынган документке ылайык Жалал-Абад аймактык шайлоо комиссиясынын тутуму 12 мүчөдөн турат. Комиссиянын тутумуна жергиликтүү өзүн өзү башкаруу органдарынын өкүлдөрүнөн алты жана саясий партиялардын өкүлдөрүнөн алты мүчө киргизилмекчи. 2017-жылдын 17-апрелинде Борбордук шайлоо комиссиясында аймактык шайлоо комиссиясынын резервдерин жана тутумун толуктоо боюнча жумушчу топтун Жалал-Абад аймактык шайлоо комиссиясына саясий партиялардын талапкерлерин киргизүү боюнча чучу кулак өткөрүлдү. Чучу кулактын жыйынтыгы менен документтерин тапшырган жети партиянын ичинен алты партиянын өкүлдөрү Жалал-Абад аймактык шайлоо комиссиянын тутумуна киргизилди. Алар «Мекеним Кыргызстан», «ӨнүгүүКыргызстан», « Туран», «КСДП», «Замандаш», «Бир Бол» партиялары. Ал эми «Кыргызстан» саясий партиясынын өкүлү резервке калтырылды. Аталган иш чарага БШКнын төрагасынын орун басары А. Г. Бекматов, БШКнын мүчөсү А. Эшимов, комиссиянын шайлоолорду уюштуруу бөлүмүнүн башчысыА. Н. Омуралиев катышты.   БШКнын басма сөз кызматы 

Бүгүн Кыргыз Республикасынын Жогорку Кеңешинин депутаттарынын Кыргыз Республикасынын Президентин кезектеги шайлоо күнүн белгилөө боюнча билдирүүлөрү интернет сайттарга жана массалык маалымат каражаттарына жарыяланып, калк арасында ар кандай пикирлер жаралууда. Бул тууралуу эч кандай кайчы пикирлер болбосу үчүн Кыргыз Республикасынын шайлоо жана референдум өткөрүү боюнча Борбордук комиссиясы төмөндөгүлөрдү билдирет: Кыргыз Республикасынын Борбордук шайлоо комиссиясы Кыргыз Республикасынын Президентин шайлоо күнүн аныктоо маселеси боюнча Кыргыз Республикасынын Конституциясын жана «Кыргыз Республикасынын Президентин жана Кыргыз Республикасынын Жогорку Кеңешининин депутаттарын шайлоо жөнүндө» Кыргыз Республикасынын Конституциялык мыйзамын жетекчиликке алып иш жүргүзөт. Кыргыз Республикасынын Конституциясынын 61-беренесине ылайык «Президент Кыргыз Республикасынын жарандары тарабынан 6 жылга шайланат».  Кыргыз Республикасынын Конституциялык мыйзамынын 48-беренесинин 1-бөлүмүнө ылайык «Президентти кезектеги шайлоо иштеп жаткан Президенттин ал шайланган мөөнөттөгү ыйгарым укуктары аяктоочу жылдын ноябрь айынын үчүнчү жекшембисинде өткөрүлөт жана шайлоо күнүнө чейин 4 ай калгандан кечиктирбестен Жогорку Кеңеш тарабынан дайындалат». Кыргыз Республикасынын Президентин шайлоо  2011-жылы 30-октябрда болуп өткөн.  Кыргыз Республикасынын Президентинин алты жылдык шайлоо мөөнөтү 2017-жылы аяктайт. Жогоруда айтылган Конституциялык мыйзамдын нормаларына ылайык 2017-жылдын ноябрынын үчүнчү жекшембиси башкача айтканда 19-ноябрда Кыргыз Республикасынын Президентин кезектеги шайлоо өткөрүлмөкчү. БШКнын басма сөз кызматы   

БШКнын басма сөз кызматынын маалыматына караганда 10-апрелде КРнын Борбордук шайлоо комиссиясынын төрагасы Н.К. Шайлдабекова «Кыргызстан» саясий партиясынын жетекчилиги менен жолугушту. Жолугушууга А. Баатырбеков, Н. Алимбеков жана Т. Байтикеев ошондой эле өкмөттүн алдындагы Мамлекеттик каттоо кызматынын өкүлү катышты. Жолугушуунун жүрүшүндө тараптар өз ара кызматташуу маселесин жана саясий партиялар менен БШКнын ортосундагы шайлоо учурундагы аткарылчу иш пландар талкууланды. Андан тышкары шайлоо тууралуу мыйзамды өркүндөтүү боюнча БШКнын демилгеси талкууланып, аталган партиянын фракция мүчөлөрү шайлоо учурунда комиссияга колдоо көрсөтө тургандыктарын билдиришти. Жолугушуунун аягында алар эсептөө Борборунун ишмердиги жана бюллетендерди саноочу үкөктүн иштөө тартиби менен таанышты. Бул жолку жолугушуу саясий маданиятты жогорулатуу жана шайлоо процессине катышкан бардык тараптардын өз ара аракеттериинин деңгээлин жогорулатууга болгон БШКнын саясий партиялардын лидерлери менен биринчи жолугушуусу болду.  

Ушул жылдын 5-апрелинде Кыргыз Республикасынын шайлоолор жана референдумдарды өткөрүү боюнча Борбордук шайлоо комиссиясынын мүчөсү А.Т. Асаналиев жетектеген жумушчу  комиссия Нарын областынын Ат-Башы районунун Баш-Кайыңды айыл кеңешинин активине  түшүндүрүү иштерин жүргүздү. Бул иш-чарага  райондук мамлекеттик администрациянын башчысы, Баш-Кайыңды айыл кеңешинин депутаттары, Ат-Башы жана Баш- Кайыңды айыл өкмөттөрүнүн башчылары катышты. Жыйындын жүрүшүндө түшүнбөстүктөр жокко чыгарылып, кырдаал жөнгө салынды.  

Кыргызстандын Борбордук шайлоо комиссиясынын басма сөз кызматынын маалыматына караганда БШКнын  мүчөлөрү Н.Т. Арипов,   К.М. Осмоналиев  жана БШКнын  Аппаратынын кызматкери Э. Үтүров эки тараптуу кызматташуунун алкагында жана КМШ өлкөлөрдүн миссиясынын тутумунда  Арменияда өткөн парламенттик шайлоого эл аралык байкоочу катары катышып келишти. Маалыматка ылайык  Армениядагы шайлоого беш партия жана төрт бирикме  ат салышты. Болуп өткөн шайлоо Армениядагы Конституцияга түзөтүү киргизилгенден кийинки биринчи парламенттик шайлоо болуп саналат. Шайлоо республиканын мыйзамына ылайык өттү. Азыр Армения парламенттик башкаруу формасына өткөн республикалардын катарына кирди. Ереванда Кыргызстандык делегация шайлоо учурундагы добуш берүү участокторунун ачылышы менен жабылышына, шайлоолордун өтүшүнө жана бюллетендерди саноо процессине көз салышты. Мындан тышкары Армениянын Борбордук шайлоо комиссиясынын төрагасы Т. Мукучян кыргыз делегациясын кабыл алып, республикадагы парламенттик шайлоо тууралуу кенен маалымат берди.    БШКнын басма сөз кызматы