Ыйгарым укуктарынын мөөнөттөрү аяктагандыгына байланыштуу жергиликтүү кенештердин депутаттарын кезектеги шайлоону өткөрүү максатында, Кыргыз Республикасынын Конституциясынын 70-беренесинин 2-бөлүгүнүн 3-пунктун, "Жергиликтүү кенешетердин депутаттарын шайлоо жөнүндө" Кыргыз Республикасынын Мыйзамынын 4-беренесинин 5-бөлүгүн 48-беренесинин 1-бөлүгүн жетекчиликке алып, токтом кылат:
1. Жалал-Абад облусунун Тогуз-Торо районунун Тогуз-Торо айылдык кенешине, Чаткал районунун Терек-Сай айылдык кенешине, Токтогул районунун Кызыл-Өзгөрүш айылдык кенешине, Ош облусунун Кара-Суу районунун Кара-Суу шаардык кенешине депутаттарды шайлоо 2021-жылдын 28-ноябрына, жекшембиге дайындалсын.
2. Кыргыз Республикасынын Шайлоо жана референдум өткөтүү боюнча борбордук комиссиясы жергиликтүү өз алдынча башкаруунун жогоруда аталган өкүлчүлүктүү органдарына шайлоону Кыргыз Республикасынын майзамдарына ылайык өткөрүүнү уюштурсун.
3. Кыргыз Республикасынын Министрлер кабинети:
-шайлоо өткөрүү үчүн Кыргыз Республикасынын Шайлоо жана референдум өткөрүү боюнча борбордук комиссиясынын чыгымдарынын системасына ылайык зарыл финансылык каражаттарды бөлсүн;
-шайлоону даярдоо жана өткөрүү мезгилинде мыйзамдуулукту, жарандардын укуктары менен эркиндиктерин, укуктук тартипти жана коомдук коопсуздукту, санитардык-эпидемиологиялык коопсуздукту камсыз кылуу жана жарандардын ден-соолугун сактоо боюнча чараларды көрсүн;
-маалыматтык системалардын киберкоопсуздугун камсыз кылууда Кыргыз Республикасынын Шайлоо жана референдум өткөрүү боюнча борбордук комиссиясына көмөк көрсөтсүн;
-добуш берүү жана шайлоочуларды идентификациялоо үчүн жабдуулардын коопсуз сакталышын камсыз кылуу боюнча чараларды көрсүн.
4.Кыргыз Республикасынын жергиликтүү мамлекеттик администрацияларынын жана жергиликтүү өз алдынча башкаруу органдарынын башчылары шайлоого даярдык көрүүдө жана өткөрүүдө шайлоочулардын тизмесин калыптандыруу, тактоо жана түзүү, уюштуруучулук жана материалдык-техникалык маселелерди чечүү боюнча калкты каттоо чөйрөсүндөгү ыйгарым укуктуу органдын жана тийиштүү шайлоо комиссияларынын ишине көмөк көрсөтсүн.
5. Бул Жарлыктын аткарылышын контролдоо Кыргыз Республикасынын Президентинин Администрациясынын инспектордук-контролдоо иштери бөлүмүнө жүктөлсүн.
6. Бул Жарлык расмий жарыяланган күндөн баштап күчүнө кирет.
Кыргыз Республикасынын Президенти С.Н. Жапаров
Бишкек ш.
2021-жылдын 25-сентября
ИЖ № 408