Урматтуу энелер!

Камкордуктун жан дүйнөнү жылыткан жылуулуктун ушундай укмуштуудай майрамында, биздин чын жүрөктөн чыккан куттуктообузду кабыл алып коюңуздар!  Энелер күнү – бизге ар бирибиз үчүн сүйүктүү майрам болуп калды. Бизди алгачкы кадам таштоого, өз алдынча ой жүгүртүүгө, чечим кабыл алууга үйрөткөн боорукер жана даанышман энелерибизге өзүбүздүн ыраазычылыгыбызды дагы бир ирет билдирүүгө бул күн себеп болуп калды.

Биз энелерибиз менен дайыма сыймыктанабыз.  Сиздер бул дүйнөнү сулуулук, жакшылык, боорукердик менен толтурасыздар, кыйынчылык учурда эбегейсиз туруктуулук, сабырдуулук, чыдамкайлык жана даанышмандык көрсөтүп, балдарыңыздарды турмуштук көйгөйлөрдөн жана баш аламандыктан коргойсуздар.

Эненин табышмактуулугу жана күчү – турмуштук көйгөйлөргө жана каатчылыктарга каршы турууга, үй-бүлө коломтосун сактоого, ошол эле учурда таң калаарлык сезгич, назик жана сулуу болуп кала берүү жөндөмдүүлүгүндө.

Сиздердин жакындарыңыздардын сүйүүсүнө, алкышына жана камкордугуна толгон табышмактуу майрамдык чөйрө башка күндөрү да сиздерди курчап турсун.  Урматтуу апалар, Сиздерге ден соолук, амандык, жан дүйнөңүздөргө шайкештик жана жазгы маанай каалайбыз!  Турмушуңуздарда жаркыраган күн, ачык түстөр жана жылмаюу көп болсун!

Кыргыз Республикасынын Шайлоо жана референдум өткөрүү боюнча борбордук комиссиясы