Алдын ала маалыматтар боюнча Токтогул шаардык кеңешине 5 саясий партия өткөнү жатат

13 мая 2018

Алдын ала маалыматтар боюнча Токтогул шаардык кеңешине 5 саясий партия өткөнү жатат.

2018-жылдын 13-майында Токтогул шаардык кеңешинин депутаттарын шайлоолор болуп өттү. Токтогул шаарында добуш берүү 5 шайлоо участкасында өттү.

Шаар боюнча баары болуп шайлоочулардын тизмесине кирген 10 819 шайлоочунун 5 475 шайлоочу добуш берди, бул 50,61 пайызды түзөт.

Алдын ала маалыматтар боюнча, шайлоолорго катышкан алты саясий партиянын бешөө 7 пайыздык босогону басып өтүштү: КСДП – 1 711 добуш - 31,25 % (7 мандат), “Мекеним Кыргызстан”- 1 534 добуш - 28,02% (6 мандат), “Өнүгүү-Прогресс”- 844 голоса - 15,42% (3 мандат), “Ата-Журт” - 626 добуш - 11,43% (3 мандат), “Энергетиктер Партиясы” – 395 добуш -7,21% (2 мандат).

Шайлоого алгачкы ирет катышып жаткан “Бирик” партиясы 300 добуш менен 5,48 пайыз алып, мандаттарды бөлүштүрүүдөн сыртта калды.

КР БШКнын аппаратынын маалымат бөлүмү