Алты жергиликтүү кеңештин депутаттарын шайлоодо добуш берүү аяктады

13 мая 2018

Саат 20.00гө, шайлоо участкаларынын жабылуу убактысына карата 21 653 шайлоочу добуш берди, бул тизмеге кирген жалпы шайлоочулардын 54,84 пайызын түзөт. Алты жергиликтүү кеңешке шайлоолордо шайлоочулардын тизмесине жалпысынан 45 447 шайлоочу киргизилген.

- Кара-Суу районундагы Төлөйкөн айылдык кеңешинде 13 659дан 7 319 добуш берип, 53,61% түздү;

- Сузак районундагы Көк-Арт айылдык кеңешинде 5 844түн 2 890у добуш берди – бул шайлоочулардын 49,45 пайызын түзөт;

- Ат-Башы районундагы Казыбек айылдык кеңешинде 2 973түн 1 485и добуш берип, 49,95% түздү;

- Жалал-Абад облусунун Токтогул айылдык кеңешинде 10 819дун 5 475и добуш берип, 50,61% түздү;

- Аксы районундагы Кара-Жыгач айылдык кеңешинде 3 735тин 1 677си добуш берип, 44,90 пайызды түздү;

- Сокулук районундагы Сокулук айылдык кеңешинде 8 423төн 2 810 добуш берип, 33,36 пайызды түздү.

Добуш берүү бүтүшү менен бардык байкоочулар добуш берүүнүн алдын ала жыйынтыгы боюнча автоматтык үкөктөрдүн отчетун колдоруна ала алышат, ушул эле отчеттор автоматтык режимде “http://ess.shailoo.gov.kg/ServiceJSP.do” сайтына жөнөтүлөт, жана участкалар, шаарлар, айылдык аймактар боюнча бөлүнүп ачык жеткиликтүү көрүүгө болот. Ошондой эле, байкоочуларга участкадагы шайлоочуларды идентификациялоо боюнча отчет да берилет.

Бардык участкаларда добуштарды кол менен эсептөө башталды. Шайлоочулардын добуштарын эсептөө добуш берүүсү өткөрүлгөн жайда добуш берүү аяктаары менен башталат жана добуш берүүнүн жыйынтыктары белгиленгенге чейин үзгүлтүксүз жүргүзүлөт (“Жергиликтүү кеңештердин депутаттарын шайлоо жөнүндө” КР Мыйзамынын 36-беренеси).

Добуштарды кол менен эсептөө бүткөндөн кийин, кол менен эсептөөнүн протоколунун көчүрмөсү бардык байкоочуларга берилет, протоколдун өзү сканерленип, графикалык көчүрмө катары (идентификация боюнча отчет менен бирге) шайлоо сайтына жөнөтүлөт, кол менен эсептөөнүн маалыматтары шаарлардагы жана райондордогоу аймактык шайлоо комиссияларына жеткирилгенден кийин сайтка жайгаштырылат.

Ыкчам жооп кайтаруу боюнча координациялык топтун маалыматы боюнча, добуш берүүнүн жүрүшүндө арыздар жана даттануулар келип түшкөн жок.

Ар бир участка боюнча добуш берүүнүн натыйжаларын төмөнкү шилтеме боюнча карап көрүүгө болот: http://ess.shailoo.gov.kg/ServiceJSP.do?ifxService=ESS_V_PG001&ifxResultPage=ESS_V_PU001

Эске сала кетсек, бүгүн, 2018-жылдын 13-майында алты жергиликтүү кеңештин: 1 шаардык жана 5 айылдык кеңештин депутаттарын шайлоо жүрүп жатат. Баары болуп 126 депутатты шайлоо алдыда турат, анын 21 шаардык кеңешке жана 105 айылдык кеңештин депутаттары. Добуш берүү 27 участкада өттү.

КР БШКнын аппаратынын маалымат бөлүмү