Шайлоонун расмий жыйынтыктарын аныктоо мөөнөттөрү боюнча Борбордук шайлоо комиссиясынын дарегине келип жаткан кайрылууларга байланыштуу, БШК тийиштүү токтом Боршайкомдун дерегине келип түшкөн  арыздарда жана даттанууларда коюлган  бардык маселелер чечилгенден кийин кабыл алынаарын жана  жарыяланаарын билдирет.

Азыркы учурда Борбордук шайлоо комиссиясына бардык облустук шайлоо комиссияларынан (Бишкек, Ош шаарлары) протоколдор келип түштү.  Шайлоо участкалары уюштурулган кээ бир алыскы чет өлкөлөрдөн протоколдор али алынып келине элек.  

 Шайлоо жөнүндө  кодекске ылайык, Борбордук шайлоо комиссиясы өлкөнүн чектеринен сырткары уюштурулган шайлоо участкаларынан акыркы протоколу келип түшөөрү менен жана БШКга келип түшкөн бардык даттануулар жана арыздар боюнча чечимдер кабыл алынгандан кийин  добуш берүүнүн жыйынтыктарын аныктоого өтөт .   

Азыркы учурда, Борбордук шайлоо комиссиясы келип түшкөн даттанууларды жана арыздарды кароодо, алар боюнча кээ бир материалдар укук коргоо жана сот органдарына өткөрүлүп берилди. Шайлоо жөнүндө кодекске ылайык, Жогорку Кенештин депутаттарын шайлоонун натыйжаларын жалпыга маалымдоо каражаттарында расмий жарыялоону Борбордук шайлоо комиссиясы шайлоонун натыйжалары аныкталган кундон тартып эки жумалык мооното жузого ашырылат.