Башкы Жаңылыктар Шайлоо жабдуулары алдыда турган шайлоодо жаңыртылат

Шайлоо жабдуулары алдыда турган шайлоодо жаңыртылат

11-Окт, 2024

Президент Садыр Жапаров 2024-жылдын 12-июлундагы №144 тескемеси менен Министрлер Кабинетине Кыргыз Республикасында Шайлоо жана референдум өткөрүү боюнча борбордук комиссия үчүн кийинки техникалык коштоо менен, шайлоо жана сервердик жабдууларды жаңылоо жана модернизациялоо менен шайлоону электрондук башкаруунун бирдиктүү программалык-техникалык комплексин түзүү боюнча товарларды жана кызмат көрсөтүүлөрдү берүүчүнү аныктоону тапшырды.

2024-2027-жылдардагы шайлоонун жаңы циклине жана үзгүлтүксүз функцияланышына карата БШК шайлоону электрондук башкаруунун бирдиктүү программалык-техникалык комплексин түзүү максатында 2024-2028-жылдарга Кыргыз Республикасын санариптик трансформациялоонун концепциясынын алкагында тиешелүү чечим кабыл алынды.

2015-жылда киргизилген Кыргыз Республикасынын шайлоо процессинин шайлоо технологиясы жабдуулардын төмөндөгү 3 тобун өзүнө камтыйт:

1. шайлоочуларды эсепке алуу үчүн - биометрикалык идентификациялоо үчүн жабдуу;

2. добуштарды эсепке алуу үчүн - автоматтык эсептөөчү урналар – АЭУ;

3. добуш берүүнүн жыйынтыктарын жыйынтыктоо үчүн – БШК борбордук сервери.

Алсак, алдыда болуучу жергиликтүү шайлоодо төмөнкү жаңыртылган жабдуулар колдонулат:

Идентификациялоонун айкалыштырылган түзүлүшү (5 компоненттүү жабдуунун ордуна 1 түзүлүш). Түзүлүш беттин геометриясы, манжалардын папилярдык издери боюнча идентификацияны камсыз кылат, кандай гана типте болбосун улуттук паспорттордун (анын ичинде электрондук документтин) маалыматтарын эсептейт жана идентификацияланган шайлоочуларга гана шайлоо бюллетенин басып чыгаруу функциясына ээ. Бул сарамжалдуу мамиле жасоо максаттарында аз эмес каражаттарды жана бюллетендерди басып чыгарууга, аларды жеткирүүгө ресурстарды натыйжалуу пайдаланууга мүмкүнчүлүк түзөт. (сүрөт)

Мурдагыдай эле жаңыланган функциясы бар, бирок натыйжалуулугу жакшыртылган АЭУ колдонулат,

Бардык участкалар видиобайкоо камералары менен жабдылат, бул алдыда болуучу кампаниянын жаңычылдыгы болуп саналат. УШК шайлоонун жүрүшүн фидиотартуу бардык шайлоо участкаларында жүргүзүлөт, бул айкындуулукту жакшыртат, шайлоочуларга добуш берүүнүн жүрүшүн байкоо мүмкүнчүлүгүн берет. Шайлоодо укук бузуулар болгондо болуп өткөндүн объективдүү картинасына ээ болуу, ошондой эле шайлоо талаш-тартыштары келип чыккан учурда пайдалануу мүмкүнчүлүгүн арттырат.

Бардык видиокамералар гранттык негизде алынат.

Шайлоону технологиялык камсыз кылуу бөлүгүндөгү бул чаралар шайлоо процессинин инклюзивдүүлүгүн, шексиздигин жана айкындуулугун жогорулатуу, шайлоону электрондук башкарууну жакшыртуу жана жарандардын шайлоо укуктарын ишке ашыруусун кеңейтүү үчүн жагымдуу чөйрөнү түзүү үчүн иштелип чыккан.

 

Башка жаңылыктар

Бардык жаңылыктар
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20-Ноя, 2026

КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты

2026-жылдын 19-ноябрында Кыргыз Республикасынын Президентинин Чүй облусундагы ыйгарым укуктуу өкүлүнүн аппаратында 2027-жылдын 27-январына дайындалган Кыргыз Республикасынын Президентин шайлоого даярдык көрүү маселелери боюнча жумушчу жолугушуу болуп өттү.Жолугушууга КР БШК төрагаларынын орун басарлары Л. Лурова жана Р. Жакышов, БШКнын мүчөсү М. Темирбаева, ошондой эле Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Г. Кыштобаева катышып, иш-чараны биргеликте өткөрүштү.Жолугушууга жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана облустагы шайлоо комиссияларынын мүчөлөрү да катышты.Л. Лурова катышуучуларга облуста шайлоого даярдык көрүүнүн жүрүшү тууралуу маалымат берди. Ал календардык планда белгиленген иш-чараларды өз мөөнөтүндө аткарууга, шайлоо мыйзамдарынын талаптарын так сактоого, ошондой эле шайлоо комиссияларынын мамлекеттик органдар жана жергиликтүү өз алдынча башкаруу органдары менен натыйжалуу кызматташуусуна өзгөчө көңүл бурду.Р. Жакышов шайлоо мыйзамдарындагы өзгөртүүлөр, жарандардын Кыргыз Республикасынын Президентин шайлоого катышуусунун жаңы мүмкүнчүлүктөрү жана жаңыланган шайлоо технологиялары тууралуу маалымат берди.Ал эми майыптыгы бар шайлоочулардын жана жарандардын айрым категорияларынын шайлоо укуктарын өркүндөтүү жана ишке ашыруу боюнча жумушчу топтун жетекчиси М. Темирбаева шайлоо участкаларынын жеткиликтүүлүгүн камсыз кылуу боюнча көрүлүп жаткан чараларды тааныштырды.
Кененирээк билүү >>
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20-Ноя, 2026

КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү

Кыргыз Республикасынын Шайлоо жана референдум өткөрүү боюнча борбордук комиссиясы чет мамлекеттердин аймагында 74 шайлоо участогун түзүү жөнүндө чечим кабыл алды. Учурда шайлоо участокторун ачуу боюнча иштер улантылууда.Мындай чечим 2027-жылдын 27-январына белгиленген Кыргыз Республикасынын Президентин кезектеги шайлоодо чет өлкөлөрдө жашап же жүргөн Кыргыз Республикасынын жарандарынын шайлоо укуктарын камсыз кылуу максатында кабыл алынды.Азыркы учурда алардын эң көбү - 20 шайлоо участогу Россия Федерациясында түзүлдү. Түркия жана Казакстанда 6дан, АКШда 5 шайлоо участогу ачылды.Корея Республикасында жана Италияда 3төн шайлоо участогу иштейт. Өзбекстанда, Германияда, Кытайда жана Бириккен Араб Эмираттарында 2ден шайлоо участогу түзүлдү.Калган 23 шайлоо участогу башка өлкөлөрдө, анын ичинде Австрияда, Чехияда, Словакияда, Польшада, Улуу Британияда, Беларуссияда, Литвада, Венгрияда, Бельгияда, Францияда, Швейцарияда, Сауд Арабиясында, Кувейтте, Катарда, Египетте, Азербайжанда, Тажикстанда, Түркмөнстанда, Малайзияда, Пакистанда, Индияда, Японияда жана Монголияда уюштурулду.Ошентип, бүгүнкү күнгө карата 33 мамлекетте шайлоо участоктору түзүлдү.Добуш берүү күнүнө чейин чет өлкөлөрдө кошумча шайлоо участокторун ачуу пландаштырылууда. Алардын саны жана даректери тууралуу маалымат кошумча жарыяланат.Түзүлгөн шайлоо участокторунун актуалдуу тизмеси жана алардын даректери менен бул жерден таанышууга болот:
Кененирээк билүү >>
КР БШКсы Президенттин кызмат ордуна талапкердин ыйгарым укуктуу өкүлүн каттады
20-Ноя, 2026

КР БШКсы Президенттин кызмат ордуна талапкердин ыйгарым укуктуу өкүлүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүнкү жыйынында Кыргыз Республикасынын Президентинин кызмат ордуна талапкер Масалиев Исхак Абсаматовичтин ыйгарым укуктуу өкүлүн каттады.Айдакеева Бегимай Кувандыковна Масалиев Исхак Абсаматовичтин финансылык маселелер боюнча ыйгарым укуктуу өкүлү болуп катталды.Белгилей кетсек, талапкердин ыйгарым укуктуу өкүлүнө белгиленген үлгүдөгү каттоо күбөлүгү берилет.
Кененирээк билүү >>
КР БШКсы "Сезим" фондунан коомдук байкоочуну каттады
20-Ноя, 2026

КР БШКсы "Сезим" фондунан коомдук байкоочуну каттады

Кыргыз Республикасынын Борбордук шайлоо комиссиясы бүгүн, 20-ноябрда «Сезим» майыптыгы бар адамдардын коомдук фондунан коомдук байкоочуну каттоо жөнүндө чечим кабыл алды.Борбордук шайлоо комиссиясына «Сезим» майыптыгы бар адамдардын коомдук фондунан 2026-жылдын 16-ноябрында келип түшкөн билдирүүнүн негизинде Майнаев Камилжан Кыргыз Республикасынын Президентин шайлоого даярдык көрүү жана өткөрүү мезгилинде Ош облусунун аймагындагы бардык шайлоо комиссияларында коомдук байкоочу болуп катталды.Катталган коомдук байкоочуга белгиленген үлгүдөгү күбөлүк берилет.
Кененирээк билүү >>