Башкы Жаңылыктар КР БШКда ведомстволор аралык жумушчу топтун жыйыны болуп …

КР БШКда ведомстволор аралык жумушчу топтун жыйыны болуп өттү

26-Сен, 2024

2024-жылдын 26-сентябрында Борбордук шайлоо комиссиясы Кыргыз Республикасынын жергиликтүү кеңештеринин депутаттарын шайлоону өткөрүү боюнча шайлоо округдарынын схемаларын жана чек араларын түзүү боюнча жергиликтүү өз алдынча башкаруу органдарынын сунуштарын кароо боюнча ведомстволор аралык жумушчу топтун жыйынын өткөрдү.

​Ведомстволор аралык жумушчу топтун жыйынына Борбордук шайлоо комиссиясынын мүчөлөрү, Кыргыз Республикасынын Президентинин облустардагы ыйгарым укуктуу өкүлдөрүнүн орун басарлары, Бишкек жана Ош шаарларынын мэрияларынын, райондук мамлекеттик администрациялардын өкүлдөрү,жергиликтүү өз алдынча башкаруу органдарынын жетекчилиери, калкты каттоо, жер ресурстарын башкаруу, статистика чөйрөсүндөгү ыйгарым укуктуу мамлекеттик органдардын өкүлдөрү катышты.

​Жергиликтүү өз алдынча башкаруу органдарынын сунуштарынын негизинде аймактык шайлоо комиссиялары жергиликтүү кеңештердин депутаттарын шайлоо боюнча шайлоо округдарынын схемаларынын жана чек араларынын долбоорлорун айылдык кеңештердин депутаттарынын мандатынын 30% кем эмесинаялдар үчүн калтырууну эске алуу менен иштеп чыгышты. .

​Шайлоо округдарынын жаңы схемаларын жана чек араларын түзүүнүн зарылчылыгы ААРга жана жергиликтүү өз алдынча башкаруу системасын оптималдаштырууга байланыштуу келип чыгууда.

​ААРнын алкагында 264 жергиликтүү кеңешке, анын ичинен 33 шаардык кеңешке жана 231 айылдык кеңешке шайлоо дайындалган (ААРга чейин бардыгы болуп 484 жергиликтүү кеңеш, анын ичинен 32 шаардык кеңеш жана 452 а/к болгон).

​Жалпысынан республика боюнча мандаттардын саны - 6374, анын ичинен шаардык кеңештерде – 983, айылдык кеңештерде – 5391 (ААРге чейин – 9062 мандат).

​Жыйында ЖѲБОнун сунушталган схемалары жана шайлоо округдарынын чек аралары ар бир облус боюнча өзүнчө каралды. Жыйынга катышкан Кыргыз Республикасынын Президентинин облустардагы ыйгарым укуктуу өкүлдөрүнүн орун басарлары, райондук мамлекеттик администрациялардын өкүлдөрү жана жергиликтүү өз алдынча башкаруу органдарынын жетекчилери округдардын схемаларынын долбоорун талкуулап, сунушталган схемаларга жана чек араларга макул экендиктерин билдиришти.

​Ошондой эле, ведомстволор аралык жумушчу топтун мүчөлөрү ЖѲБОнун сунушталган схемаларын жана шайлоочулардын өкүлчүлүгүнүн орточо нормаларынан четтөө менен бийик тоолуу, алыскы, барууга кыйын аймактарда жайгашкан айрым шайлоо участкаларынын чек араларын карап чыгып макулдашты. Сѳз төмөнкү шайлоо округдары жөнүндө болуп жатат:

​Ысык-Көл облусу:

​- Ак-Суу району боюнча - №4 «Жыргалаң» шайлоо округу,

Хан-Теңир айылдык кеңеши, Жыргалаң айылындажайгашкан;

​- Ак-Суу району боюнча - № 8 «Эңилчек» шайлоо округу,

Кыдыр-Акен айылдык кеңеши, Эңилчек айылында жайгашкан;

​- Түп району боюнча - № 9 «Каркыра - Сан-Таш-Сары-Сары-Тологой» шайлоо округу, Каркыра айылдык кеңешинин Каркыра айылдык кеңеши, Каркыра айылында жайгашкан Сан-Таш айылы, Сары-Тологой айылы;

​Ош облусу:

​- Өзгөн району боюнча - № 2 “Корс-Этти” шайлоо округу, Ийри-Сүй айылдык кеңеши, Корс-Этти айылында жайгашкан.

​Жалал-Абад облусу:

​- Токтогул району боюнча - №3 «Мазар-Суу» шайлоо округу, Кетмен-Дөбө айылдык кеңеши, Мазар-Суу айылында жайгашкан.

​Чүй облусу:

​- Кемин району боюнча - Кичи-Кемин айылдык кеңешинин № 8 шайлоо округу, Ак-Түз айылында жайгашкан;

​- Москва району боюнча - №5 Миң-Була айылдык кеңешинин Беш-Корук айылында жайгашкан шайлоо округу.

​ - Панфилов району боюнча - № 6 шайлоо округу, Курманин айыл аймагы, Жайылма айылында жайгашкан.

​Жыйындын жыйынтыгында ведомстволор аралык жумушчу топ жергиликтүү кеңештерди шайлоо боюнча шайлоо округдарынын схемаларын жана чек араларын бекитип, Кыргыз Республикасынын Борбордук шайлоо комиссиясынын кароосуна жөнөттү.

​БШК Ведомстволор аралык жумушчу топтун жер-жерлердеги мүчөлөрүнө – КР Президентинин облустардагы ыйгарым укуктуу өкүлдөрүнө, райондук мамлекеттик администрациялардын, жергиликтүү өз алдынча башкаруу органдарынын өкүлдөрүнө иштелип чыккан схемаларды эске алуу менен жергиликтүү калктын арасында ушул шайлоолор үчүн түзүлө турган округдардын схемалары жана чек аралары жөнүндөмаалымдоо-түшүндүрүү иштерин жүргүзүүнү сунуштады.

Башка жаңылыктар

Бардык жаңылыктар
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20-Ноя, 2026

КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты

2026-жылдын 19-ноябрында Кыргыз Республикасынын Президентинин Чүй облусундагы ыйгарым укуктуу өкүлүнүн аппаратында 2027-жылдын 27-январына дайындалган Кыргыз Республикасынын Президентин шайлоого даярдык көрүү маселелери боюнча жумушчу жолугушуу болуп өттү.Жолугушууга КР БШК төрагаларынын орун басарлары Л. Лурова жана Р. Жакышов, БШКнын мүчөсү М. Темирбаева, ошондой эле Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Г. Кыштобаева катышып, иш-чараны биргеликте өткөрүштү.Жолугушууга жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана облустагы шайлоо комиссияларынын мүчөлөрү да катышты.Л. Лурова катышуучуларга облуста шайлоого даярдык көрүүнүн жүрүшү тууралуу маалымат берди. Ал календардык планда белгиленген иш-чараларды өз мөөнөтүндө аткарууга, шайлоо мыйзамдарынын талаптарын так сактоого, ошондой эле шайлоо комиссияларынын мамлекеттик органдар жана жергиликтүү өз алдынча башкаруу органдары менен натыйжалуу кызматташуусуна өзгөчө көңүл бурду.Р. Жакышов шайлоо мыйзамдарындагы өзгөртүүлөр, жарандардын Кыргыз Республикасынын Президентин шайлоого катышуусунун жаңы мүмкүнчүлүктөрү жана жаңыланган шайлоо технологиялары тууралуу маалымат берди.Ал эми майыптыгы бар шайлоочулардын жана жарандардын айрым категорияларынын шайлоо укуктарын өркүндөтүү жана ишке ашыруу боюнча жумушчу топтун жетекчиси М. Темирбаева шайлоо участкаларынын жеткиликтүүлүгүн камсыз кылуу боюнча көрүлүп жаткан чараларды тааныштырды.
Кененирээк билүү >>
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20-Ноя, 2026

КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү

Кыргыз Республикасынын Шайлоо жана референдум өткөрүү боюнча борбордук комиссиясы чет мамлекеттердин аймагында 74 шайлоо участогун түзүү жөнүндө чечим кабыл алды. Учурда шайлоо участокторун ачуу боюнча иштер улантылууда.Мындай чечим 2027-жылдын 27-январына белгиленген Кыргыз Республикасынын Президентин кезектеги шайлоодо чет өлкөлөрдө жашап же жүргөн Кыргыз Республикасынын жарандарынын шайлоо укуктарын камсыз кылуу максатында кабыл алынды.Азыркы учурда алардын эң көбү - 20 шайлоо участогу Россия Федерациясында түзүлдү. Түркия жана Казакстанда 6дан, АКШда 5 шайлоо участогу ачылды.Корея Республикасында жана Италияда 3төн шайлоо участогу иштейт. Өзбекстанда, Германияда, Кытайда жана Бириккен Араб Эмираттарында 2ден шайлоо участогу түзүлдү.Калган 23 шайлоо участогу башка өлкөлөрдө, анын ичинде Австрияда, Чехияда, Словакияда, Польшада, Улуу Британияда, Беларуссияда, Литвада, Венгрияда, Бельгияда, Францияда, Швейцарияда, Сауд Арабиясында, Кувейтте, Катарда, Египетте, Азербайжанда, Тажикстанда, Түркмөнстанда, Малайзияда, Пакистанда, Индияда, Японияда жана Монголияда уюштурулду.Ошентип, бүгүнкү күнгө карата 33 мамлекетте шайлоо участоктору түзүлдү.Добуш берүү күнүнө чейин чет өлкөлөрдө кошумча шайлоо участокторун ачуу пландаштырылууда. Алардын саны жана даректери тууралуу маалымат кошумча жарыяланат.Түзүлгөн шайлоо участокторунун актуалдуу тизмеси жана алардын даректери менен бул жерден таанышууга болот:
Кененирээк билүү >>
КР БШКсы Президенттин кызмат ордуна талапкердин ыйгарым укуктуу өкүлүн каттады
20-Ноя, 2026

КР БШКсы Президенттин кызмат ордуна талапкердин ыйгарым укуктуу өкүлүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүнкү жыйынында Кыргыз Республикасынын Президентинин кызмат ордуна талапкер Масалиев Исхак Абсаматовичтин ыйгарым укуктуу өкүлүн каттады.Айдакеева Бегимай Кувандыковна Масалиев Исхак Абсаматовичтин финансылык маселелер боюнча ыйгарым укуктуу өкүлү болуп катталды.Белгилей кетсек, талапкердин ыйгарым укуктуу өкүлүнө белгиленген үлгүдөгү каттоо күбөлүгү берилет.
Кененирээк билүү >>
КР БШКсы "Сезим" фондунан коомдук байкоочуну каттады
20-Ноя, 2026

КР БШКсы "Сезим" фондунан коомдук байкоочуну каттады

Кыргыз Республикасынын Борбордук шайлоо комиссиясы бүгүн, 20-ноябрда «Сезим» майыптыгы бар адамдардын коомдук фондунан коомдук байкоочуну каттоо жөнүндө чечим кабыл алды.Борбордук шайлоо комиссиясына «Сезим» майыптыгы бар адамдардын коомдук фондунан 2026-жылдын 16-ноябрында келип түшкөн билдирүүнүн негизинде Майнаев Камилжан Кыргыз Республикасынын Президентин шайлоого даярдык көрүү жана өткөрүү мезгилинде Ош облусунун аймагындагы бардык шайлоо комиссияларында коомдук байкоочу болуп катталды.Катталган коомдук байкоочуга белгиленген үлгүдөгү күбөлүк берилет.
Кененирээк билүү >>