Урматтуу жалпыга маалымдоо каражаттарынын жана интернет басылмалардын өкүлдөрү!

КР БШК 2024-жылдын 22-сентябрына дайындалган №13 Сузак шайлоо округунда Кыргыз Республикасынын Жогорку Кеңешинин депутатын мөөнөтүнөн мурда шайлоо боюнча үгүт иштерин жүргүзүү үчүн жалпыга маалымдоо каражаттарын жана интернет-басылмаларды аккредитациялоо үчүн арыздарды кабыл алуу 5-августа 2024-жылы аяктайт.

Мыйзамга ылайык, шайлоону маалыматтык камсыздоо жарандарды маалымдоону, шайлоо алдындагы үгүт иштерин ѳзүнѳ камтыйт жана жарандардын ой-мүдѳѳсүн аң-сезимдүү жана эркин билдирүүсүнө жана шайлоонун ачык-айкындуулугуна көмөк көрсөтүүгө багытталган. Үгүт процессине катышуу үчүн жалпыга маалымдоо каражаттары жана интернет басылмалар Борбордук шайлоо комиссиясында аккредитациядан өтүшү керек.

Телекөрсөтүү же басма аянты үчүн төлөмдүн өлчөмү бардык партиялар жана талапкерлер үчүн бирдей болууга жана шайлоо дайындалган күнгѳ 6 ай калганга чеийн алынган баадан ашпоого тийиш.

Шайлоо алдындагы үгүт жүргүзүүгѳ катышууга каалоосун билдирген жалпыга маалымдоо каражаттары жана интернет-басылмалар 2024-жылдын 5-августун кошуп алганга  чейин (кошкондо) белгиленген мөөнөттө БШКга төмөнкү документтерди тапшырышы керек:

- шайлоо алдындагы үгүт жүргүзүүгѳ катышууга даярдыгы жөнүндө билдирме, анда жетекчинин аты-жөнүн, жалпыга маалымдоо каражаттарынын же интернет-басылманын координаттарын жана байланыш маалыматтарын көрсөтүү зарыл;

- жалпыга маалымдоо каражатынын Кыргыз Республикасынын Юстиция министрлигинде каттоодон өткөндүгү жөнүндө күбөлүктүн көчүрмөсү;

- юридикалык жакты мамлекеттик каттоо (кайра каттоо) жөнүндө күбөлүктүн же жеке ишкердин салык органдарында каттоодон өткөндүгү жөнүндө күбөлүктүн (патенттин) көчүрмөсү (интернет басылмалар үчүн);

- маалымат жана массалык коммуникациялар чөйрөсүндөгү ыйгарым укуктуу мамлекеттик орган тарабынан иш жүргүзүүгө уруксат берүүчү документтердин көчүрмөсү;

- уставдын көчүрмөсү (бар болсо);

- эфир убактысын, басма аянтын же интернет-басылмага жарыялоо укугун бергендиги үчүн төлөмдүн өлчөмү жана башка шарттары жөнүндө күбөлөндүрүлгөн маалымат.

Жалпыга маалымдоо каражаттары жана интернет басылмалар ошондой эле арызда камтылган жогоруда көрсөтүлгөн документтердин электрондук вариантын КР БШКнын маалымат бөлүмүнүн pr.shailoo@gmail.com электрондук дарегине жөнөтүшөт.

КР БШК маалымат бөлүмү