Башкы Жаңылыктар 2023 - жылдын 9 - апрели - Баткен, …

2023 - жылдын 9 - апрели - Баткен, Талас, Нарын, Ош жана Чүй облустарынын 14 айылдык кеңешинде жергиликтүү кеңештерди шайлоо күнү

09-Апр, 2023

Шайлоо жана референдум ѳткѳрүү боюнча борбордук комиссиясы Кыргыз Республикасынын Президенти С. Жапаровдун Жарлыгына ылайык, бүгүн - 2023-жылдын 9-апрели Баткен, Талас, Нарын, Ош жана Чүй облустарынын 14 айылдык кеңешинде жергиликтүү кеңештерди шайлоо күнү экендигин билдирет.

1. Жергиликтүү кеңештердин депутаттарын шайлоону ѳткѳрүү үчүн ѳлкѳнүн 5 облусунда 53 шайлоо участкасы ачылган. 14 айылдык кеңештин депутаттарын шайлоодо добуш берүү саат 8:00дѳн 20:00гѳ чейин жүргүзүлѳт.

2. Мыйзамдарга ылайык жергиликтүү кеңештердин депутаттарын шайлоодо талапкер жана шайлоочу катары паспортундагы белги менен тастыкталган, тийиштүү айыл аймагында туруктуу каттоодо турган жергиликтүү жамааттын мүчѳсү гана катыша алат.

3. Бул шайлооллордо шайлоочулардын тизмесине киргизилген шайлоочулардын саны жалпысынан 72 009 адамды түзөт, алардын ичинен 36233ү – эркектер, 35776сы - аялдар.

Шайлоолордо шайлоочулардын саны Кыргыз Республикасынын Санариптик ѳнүктүрүү министрлигинин (мындан ары – СӨМ) маалыматтарынын негизинде түзүлүп, шайлоочулардын «Тизме» сайтына жайгаштырылган, ошондой эле бардык шайлоо участкаларында илинген.

Шайлоочулар «Тизме» - https://tizme.gov.kg/ порталында же болбосо паспортундагы ѳзүнүн ПИН – жеке идентификациялык номерин жана ѳзүнүн шайлоо участкасынын номерин кѳрсѳтүү менен 1255 номерине чалуу (чалуу акысыз), же болбосо 119 кыска номерине СМС жиберүү аркылуу ѳзүнүн шайлоо участкасынын номерин жана дарегин тактап алса болот.

4. Бардык 14 айылдык кеңешинде жана аларда түзүлгѳн 42 округударда 254 депутатты шайлоо болот, шайлоолого катышуу үчүн 470 талапкер катталган.

5. Кыргызстанда 2019-жылдан тартып ар бир округда аялдар үчүн мандаттардын 30% кем эмесин резервге алуу жѳнүндѳ норма колдонулуп келгендигин белгилѳѳ зарыл. 14 кеңештердеги азыркы шайлоолордо бул норма биринчи жолу колдонулат. Калган бардык айылдык кеңештерде мындай норма мурда эле 2021-2022-жылдары колдонулуп келген, мандаттарды квоталоону колдонуунун натыйжасында бүткүл ѳлкѳ боюнча айылдык кеңештерде аялдардын саны 9 %дан 38%га кѳбѳйгѳн.

Азыркы шайлоолордо жалпы 254 мандаттардын ичинен аялдар үчүн 97 мандат резервделген, ага 164 талапкер аял аттанууда.

6. Ар бир талапкер жѳнүндѳ маалыматтар менен шайлоочу БШКнын сайтынан – Талапкер порталынан тааныша алат. Ал жерде талапкерлер жѳнүндѳ маалыматтар, адардын программалары жана шайлоо фонддорунун каржылоо жѳнүндѳ маалыматтар бар, ошондой эле шайлоо участкаларында илинген.

7. Шайлоолорго жарандардын катышуусуна уруксат берүү үчүн шарттарды түзүү максатында Баткен районундагы Самаркандек, Ак-Сай жана Ак-Татыр аймактарында депутаттарды шайлоодо биринчи жолу пилоттук режимде электрондук добуш берүү режими апробацияланууда.

Элекрондук добуш берүүнү жергиликтүү жамаатын мүчѳсү болуп саналган, кѳрсѳтүлгѳн айыл аймактарында туруктуу катталууда турган, бирок шайлоо күнү шайлоо участкасында добуш берүү мүмкүнчүлүгү жок Кыргыз Республикасынын жараны пайлана алат.

Пилоттук добуш берүүнү уюштуруу үчүн электрондук форматта добуш берүү прогаммасын иштеп чыккан ведомстволор аралык жумушчу топ түзүлгѳн. Санариптик ѳнүктүрүү министрлиги менен ѳз ара аракеттенүү аркылуу участкаларда шайлоочуларды идентификациялоо программалары ѳркѳндѳтүлдү, Лайфнесс ѳң-түздүн биометриясы боюнча онлайн идентификациялоо формасы добуш берүүнүн элекрондук системасына иштелип чыкты жана интеграцияланды.

Элекрондук добуш берүү участкаларда добуш берүү менен тең-катар ишке ашырылат. Шайлоо күнүнѳ чейин 15 күн мурда электрондук формада добуш берүү жѳнүндѳ арыз берген шайлоочу гана добуш бере алат.

Электрондук добуш берүүгѳ катышуу үчүн 14 ѳлкѳдѳн баткендиктер арыз беришкен, Баткен районунундагы 3 айылдык кеңештер боюнча шайлоочулардын тизмесине 841 шайлоочу киргизилген, анын ичинде Бишкекте жана Ошто убактылуу жүрүшкѳн 400 баткендиктер бар.

“Менин шайлоом” мобилдик тиркемесин Аppstore, же болбосо «dobush.shailoo.gov.kg БШКнын атайын сайтына түшүрүү аркылуу мобилдик жабдуу менен добуш берсе болот.

Мыйзамдын талаптарына ылайык, шайлоочу биометиркалык идентификациядан ѳтүп, элекрондук бюллетень алат.

Шайлоочунун тандоосу шифрленген түрдѳ эсепке алуу үчүн серверге жѳнѳтүлѳт. Добуш берүүнүн купуялуулугу кепилдендирилет жана криптография (шифрленүү) менен камсыздалат. Ар бир шайлоочу ѳзүнүн коду аркылуу добуш берүүдѳгү маалыматтар шифрленип ѳзгѳртүлбѳстѳн БШКнын серверине берилгендигин текшере алат.

Добуш берүү аяктагандан кийин ошол эле сайтта мыйзамдарга ылайык добуш берүүгѳ катышкандардын саны жана ар бир округ боюнча талапкерлер үчүн добуштардын жыйынтыгы жарыяланат.

«dobush.shailoo.gov.kg сайтынан ошол күндѳгү добуш берүүнүн жүрүшүнѳ мониторинг жүргүзсѳ болот. Ошондой эле БШК коомдук байкоочуларды БШКнын имаратында элекрондук добуш берүүгѳ мониторинг борборунан байкоо жүргүзүүгѳ чакырат.

Элекрондук добуш берүүгѳ катышуу боюнча бардык суроолор боюнча Бишкекте – БШК имаратында, Ошто, Баткенде 1255 телефону боюнча, Россиядан телефон чалуу акысыз линия боюнча (БШКнын сайтында) кайрылса болот.

Пилоттук добуш берүү апробациялангандан кийин ар тараптуу талдоо ѳткѳрүлүп, бул маселени андан ары сунуш кылуу үчүн электрондук формада талкуу ѳткѳрүлѳт.

8. Мындан тышкары, Баткен районунда Самаркандек кеңешинин 5 участкасында бюллтендерди басып чыгаруу функциясы менен программалык-техникалык форматы ѳркүндѳтүлгѳн шайлоочуларды идентификациялоонун модернизацияланган жабдуусу колдонулат.

9. Шайлоолорго шайлоо комиссияларынын 760 мүчѳсү, 9 АШКдан – 110 адам, 52 УШКдан – 651 адам тартылган.

10. Шайлоолорду даярдоо жана ѳткѳрүү үчүн чыгымдар 18 874,9 миң сом суммасында пландаштырылган.

11. Шайлоолордун мыйзамдуулугун жана коопсуздугун камсыз кылуу үчүн БШК жана АШК деңгээлдеринде укук коргоо органдарынын, улуттук коопсуздук жана кѳзѳмѳл жүргүзүү органдарынын катышуусунда ыкчам таасир этүүчү координациялык топтор иштейт. БШК бузуулар байкалган учурда 1255 телефону аркылуу билдирүүнү ѳтүнѳт.

12. БШК шайлоочуларды шайлоого активдүү катышууга жана жергиликтүү кеңештердин татыктуу ѳкүлдѳрүнѳ добуш берүүгѳ чакырат!

КР БШК аппаратынын маалымат бөлүмү

Башка жаңылыктар

Бардык жаңылыктар
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20-Ноя, 2026

КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты

2026-жылдын 19-ноябрында Кыргыз Республикасынын Президентинин Чүй облусундагы ыйгарым укуктуу өкүлүнүн аппаратында 2027-жылдын 27-январына дайындалган Кыргыз Республикасынын Президентин шайлоого даярдык көрүү маселелери боюнча жумушчу жолугушуу болуп өттү.Жолугушууга КР БШК төрагаларынын орун басарлары Л. Лурова жана Р. Жакышов, БШКнын мүчөсү М. Темирбаева, ошондой эле Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Г. Кыштобаева катышып, иш-чараны биргеликте өткөрүштү.Жолугушууга жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана облустагы шайлоо комиссияларынын мүчөлөрү да катышты.Л. Лурова катышуучуларга облуста шайлоого даярдык көрүүнүн жүрүшү тууралуу маалымат берди. Ал календардык планда белгиленген иш-чараларды өз мөөнөтүндө аткарууга, шайлоо мыйзамдарынын талаптарын так сактоого, ошондой эле шайлоо комиссияларынын мамлекеттик органдар жана жергиликтүү өз алдынча башкаруу органдары менен натыйжалуу кызматташуусуна өзгөчө көңүл бурду.Р. Жакышов шайлоо мыйзамдарындагы өзгөртүүлөр, жарандардын Кыргыз Республикасынын Президентин шайлоого катышуусунун жаңы мүмкүнчүлүктөрү жана жаңыланган шайлоо технологиялары тууралуу маалымат берди.Ал эми майыптыгы бар шайлоочулардын жана жарандардын айрым категорияларынын шайлоо укуктарын өркүндөтүү жана ишке ашыруу боюнча жумушчу топтун жетекчиси М. Темирбаева шайлоо участкаларынын жеткиликтүүлүгүн камсыз кылуу боюнча көрүлүп жаткан чараларды тааныштырды.
Кененирээк билүү >>
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20-Ноя, 2026

КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү

Кыргыз Республикасынын Шайлоо жана референдум өткөрүү боюнча борбордук комиссиясы чет мамлекеттердин аймагында 74 шайлоо участогун түзүү жөнүндө чечим кабыл алды. Учурда шайлоо участокторун ачуу боюнча иштер улантылууда.Мындай чечим 2027-жылдын 27-январына белгиленген Кыргыз Республикасынын Президентин кезектеги шайлоодо чет өлкөлөрдө жашап же жүргөн Кыргыз Республикасынын жарандарынын шайлоо укуктарын камсыз кылуу максатында кабыл алынды.Азыркы учурда алардын эң көбү - 20 шайлоо участогу Россия Федерациясында түзүлдү. Түркия жана Казакстанда 6дан, АКШда 5 шайлоо участогу ачылды.Корея Республикасында жана Италияда 3төн шайлоо участогу иштейт. Өзбекстанда, Германияда, Кытайда жана Бириккен Араб Эмираттарында 2ден шайлоо участогу түзүлдү.Калган 23 шайлоо участогу башка өлкөлөрдө, анын ичинде Австрияда, Чехияда, Словакияда, Польшада, Улуу Британияда, Беларуссияда, Литвада, Венгрияда, Бельгияда, Францияда, Швейцарияда, Сауд Арабиясында, Кувейтте, Катарда, Египетте, Азербайжанда, Тажикстанда, Түркмөнстанда, Малайзияда, Пакистанда, Индияда, Японияда жана Монголияда уюштурулду.Ошентип, бүгүнкү күнгө карата 33 мамлекетте шайлоо участоктору түзүлдү.Добуш берүү күнүнө чейин чет өлкөлөрдө кошумча шайлоо участокторун ачуу пландаштырылууда. Алардын саны жана даректери тууралуу маалымат кошумча жарыяланат.Түзүлгөн шайлоо участокторунун актуалдуу тизмеси жана алардын даректери менен бул жерден таанышууга болот:
Кененирээк билүү >>
КР БШКсы Президенттин кызмат ордуна талапкердин ыйгарым укуктуу өкүлүн каттады
20-Ноя, 2026

КР БШКсы Президенттин кызмат ордуна талапкердин ыйгарым укуктуу өкүлүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүнкү жыйынында Кыргыз Республикасынын Президентинин кызмат ордуна талапкер Масалиев Исхак Абсаматовичтин ыйгарым укуктуу өкүлүн каттады.Айдакеева Бегимай Кувандыковна Масалиев Исхак Абсаматовичтин финансылык маселелер боюнча ыйгарым укуктуу өкүлү болуп катталды.Белгилей кетсек, талапкердин ыйгарым укуктуу өкүлүнө белгиленген үлгүдөгү каттоо күбөлүгү берилет.
Кененирээк билүү >>
КР БШКсы "Сезим" фондунан коомдук байкоочуну каттады
20-Ноя, 2026

КР БШКсы "Сезим" фондунан коомдук байкоочуну каттады

Кыргыз Республикасынын Борбордук шайлоо комиссиясы бүгүн, 20-ноябрда «Сезим» майыптыгы бар адамдардын коомдук фондунан коомдук байкоочуну каттоо жөнүндө чечим кабыл алды.Борбордук шайлоо комиссиясына «Сезим» майыптыгы бар адамдардын коомдук фондунан 2026-жылдын 16-ноябрында келип түшкөн билдирүүнүн негизинде Майнаев Камилжан Кыргыз Республикасынын Президентин шайлоого даярдык көрүү жана өткөрүү мезгилинде Ош облусунун аймагындагы бардык шайлоо комиссияларында коомдук байкоочу болуп катталды.Катталган коомдук байкоочуга белгиленген үлгүдөгү күбөлүк берилет.
Кененирээк билүү >>