Башкы Жаңылыктар Бир мандаттуу 4 шайлоо округу боюнча Кыргыз Республикасынын …

Бир мандаттуу 4 шайлоо округу боюнча Кыргыз Республикасынын Жогорку Кеңешинин депутаттарын шайлоонун жыйынтыктары аныкталды

12-Дек, 2021

 

2021-жылдын 11-декабрындагы жыйынында Кыргыз Республикасынын Шайлоо жана референдум өткөрүү боюнча борбордук комиссиясы 4 бир мандаттуу шайлоо округу боюнча Кыргыз Республикасынын Жогорку Кеңешинин депутаттарын шайлоону өттү деп таап, анын жыйынтыктарын аныктады.

Тиешелүү округдардын аймактары боюнча добуш берүүнүн жыйынтыктары жөнүндө округдук шайлоо комиссияларынын протоколдорунун негизинде төмөнкү талапкерлер Кыргыз Республикасынын Жогорку Кеңешинин депутаттыгына шайланды деп табылды:

- № 12 Өзгөн бир мандаттуу шайлоо округу боюнча - Элмурза Ракиевич Сатыбалдиев;

- №10 Куршаб бир мандаттуу шайлоо округу боюнча Төлөнов Данияр Эрмекович;

- № 18 Ала-Бука бир мандаттуу шайлоо округу боюнча - Турсунбаев Азизбек Атакозуевич;

- № 35 Ак-Суу бир мандаттуу шайлоо округу боюнча - Түмөнбаев Акылбек Тогузбаевич.

ОШК шайлоо округдары боюнча добуш берүүнүн жыйынтыктарын чыгарууда жана шайлоонун жыйынтыгын аныктоодо БШК келип түшкөн бардык арыздарды жана даттанууларды карайт, алар боюнча Кыргыз Республикасынын мыйзамдарына ылайык чечим кабыл алынган.

Жыйында ошондой эле укук коргоо органдарынын компетенциясына кирген укук бузуулар тууралуу сигналдарды текшерүү жана иликтөөнүн жыйынтыгы боюнча ЫАККТ маалыматы берилди:

1. Ала-Бука шайлоо округунун шайлоочуларынын арызы боюнча талапкер А. Турсунбаевдин шайлоо өнөктүгүнүн үгүт эрежелерин бузуу, административдик ресурсту пайдалануу жана шайлоочулардын добушун сатып алуусу боюнча текшерүүнүн жыйынтыгы боюнча укук коргоо органдарынын маалыматы угулду.

Ала-Бука районунун ички иштер башкармалыгынын башчысы массалык иш-чарада талапкер тарабынан сыйлыктарды тапшыруу боюнча Ала-Бука районунун ички иштер башкармалыгы тарабынан кылмыш курамынын жоктугунан кылмыш ишин козгоодон баш тартуу чечими кабыл алынганын билдирди. Талапкердин үгүт иш-чараларына баш ийген кызматкерлердин катышуусун уюштуруу максатында райондук билим берүү бөлүмүнүн башчысы тарабынан мектептердин биринин директоруна карата административдик ресурс колдонулгандыгы боюнча мыйзам бузуу белгилери жоктуктан улам, муну номенклатуралык иштин эсебине которуу чечими кабыл алынган. Ошол эле учурда бул фактыларды текшерүүнүн жыйынтыгы менен Ала-Бука районунун прокуратурасынын берилген сунушу менен райондук билим берүү башкармалыгынын жетекчилиги ээлеген кызматынан бошотулган.

Ала-Бука районунун прокурорунун орун басарынын берген маалыматына караганда, райондук ички иштер бөлүмү тарабынан кылмыш ишин козгоодон баш тартуу жана номенклатуралык ишке чыгаруу боюнча кабыл алынган чечимдерине көзөмөлдүк кылуу үчүн иликтөөнүн жыйынтыгында алар негиздүү деп табылды.

2. Куршаб шайлоо округу боюнча Кыргыз Республикасынын Жогорку Кеңешинин депутаттыгына талапкерлердин талапкер Д.Төлөновго карата арызы каралды. Арыз ээлери талапкердин шайлоо мыйзамдарынын нормаларын бузгандыгына байланыштуу аны каттоону жокко чыгарууну жана шайлоо округу боюнча шайлоочулардын добуштарын кайра санап берүүнү өтүнүштү.

Добуштарды сатып алуу фактылары тууралуу маалымат КР ИИМдин компетенциясына караштуу болгондуктан, ЫАККТ аркылуу жөнөтүлгөн. Кыргыз Республикасынын Ички иштер министрлигинин өкүлү 2021-жылдын 28-ноябрында талапкердин жакындары тарабынан добуш сатып алуу фактылары тастыкталбагандыгына жана шайлоо мыйзамдарын бузуу фактыларына байланыштуу тиешелүү текшерүү иш-чараларынын жыйынтыгында, маалымат номенклатуралык иштин эсебине чыгарылган.

Ушунун негизинде БШК талапкер Д.Төлөновду каттоону жокко чыгаруу үчүн негиздердин жоктугуна жана добуштарды кайра саноо негизсиздигине байланыштуу арыздагы талаптарды канааттандыруудан баш тартты.

КР БШК Маалымат бөлүмү

 

Башка жаңылыктар

Бардык жаңылыктар
Кыргыз Республикасынын Президенти кызматына талапкерлерди көрсөтүү мөөнөтү аяктады
13-Ноя, 2026

Кыргыз Республикасынын Президенти кызматына талапкерлерди көрсөтүү мөөнөтү аяктады

Бүгүн, 13-ноябрда, Кыргыз Республикасынын Президенти кызматына талапкерлерди көрсөтүү үчүн белгиленген мөөнөт аяктады. Алдын ала жыйынтыктар боюнча, президенттик шайлоого катышууга 11 адам талапкерлигин койду.Учурда талапкерлерди колдоо максатында шайлоочулардын электрондук кол тамгаларын чогултуу уланууда. Бул этап 2026-жылдын 8-декабрына чейин созулат. Мыйзамдарга ылайык, каттоодон өтүү үчүн ар бир талапкер кеминде 30 миң шайлоочунун кол тамгасын чогултууга тийиш.Каттоодон өтүү үчүн зарыл болгон документтерди кабыл алуу 2026-жылдын 13-декабрына чейин уланат. Талапкерлер жана алардын ыйгарым укуктуу өкүлдөрү жетишпеген документтерди белгиленген тартипте тапшыра алышат.Кыргыз Республикасынын Президенттигине талапкерлерди каттоо 2026-жылдын 23-декабрына чейин жүргүзүлөт.Эскерте кетсек, Кыргыз Республикасынын Президентин шайлоо 2027-жылдын 27-январына белгиленген. 
Кененирээк билүү >>
КР БШКсы Президенттин кызмат ордуна талапкерлердин ыйгарым укуктуу өкүлдөрүн каттады
12-Ноя, 2026

КР БШКсы Президенттин кызмат ордуна талапкерлердин ыйгарым укуктуу өкүлдөрүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүн, 12-ноябрдагы жыйынында Кыргыз Республикасынын Президентинин кызмат ордуна талапкерлер Адылов Бакытбек Адыловичтин жана Сооронкулова Клара Сыргакбековнанын ыйгарым укуктуу өкүлдөрүн каттады.Адылов Бакытбек Адыловичтин шайлоо маселелери боюнча ыйгарым укуктуу өкүлү - Исматуллаев Эркин Эргашходжаевич.Сооронкулова Клара Сыргакбековнанын шайлоо маселелери боюнча ыйгарым укуктуу өкүлү - Джурабаева Гульнар Курашбековна, каржы маселелери боюнча ыйгарым укуктуу өкүлү - Суранова Перизаткан Юлдашалиевна.Талапкерлердин ыйгарым укуктуу өкүлдөрүнө белгиленген үлгүдөгү каттоо күбөлүктөрү берилет.
Кененирээк билүү >>
КР БШКсы жергиликтүү кеңештердин бир катар депутаттарынын ыйгарым укуктарын мөөнөтүнөн мурда токтотту
12-Ноя, 2026

КР БШКсы жергиликтүү кеңештердин бир катар депутаттарынын ыйгарым укуктарын мөөнөтүнөн мурда токтотту

Бүгүн, 12-ноябрда Кыргыз Республикасынын Шайлоо жана референдум өткөрүү боюнча борбордук комиссиясы өз жыйынында Чүй, Базар-Коргон, Ала-Бука жана Нарын аймактык шайлоо комиссияларынын жергиликтүү кеңештеринин депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды кийинки талапкерлерге өткөрүп берүү жөнүндө чечимдерин бекитти.• Чүй районунун Бурана айылдык кеңешинин депутаты Сейдекматова Айнура Орозобековнанын ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Отунчиева Нурбюбю Абдрахмановнага өткөрүлүп берилди;   • Базар-Коргон шаардык кеңешинин депутаттары Мамануров Хасанбай Мамажанович, Юсупов Зайнобидин Абдумухтарович жана Масиров Тилек Алибаевичтин (“Жаңы Кыргызстан” депутаттык фракциясынан) ыйгарым укуктары берген арыздарынын негизинде мөөнөтүнөн мурда токтотулуп, бош калган мандаттар шайлоочулардын добуштарынын көбүн алып шайланган кийинки талапкерлер Абдуллаев Ахмаджан Закиржанович, Собиржонов Бунёдбек Сотболдиевич жана  Шеркулов Исламбек Батырбековичке (“Жаңы Кыргызстан” саясий партиясынан) өткөрүлүп берилди;• Ала-Бука районунун Ала-Бука айылдык кеңешинин депутаты Кулбаева Зулайка Эшматовнанын ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Ботобекова Гулина Рысбековнага өткөрүлүп берилди;   •Нарын районунун Миң-Булак айылдык кеңешинин депутаттары Мукамбетов Ишенбек Кадыракунович жана Муратбек уулу Жээнбектин ыйгарым укуктары берген арыздарынын негизинде мөөнөтүнөн мурда токтотулуп, бош калган мандаттар шайлоочулардын добуштарынын көбүн алып шайланган кийинки талапкерлер Ыманакунов Атабек Турдакуновичке жана Талантбек уулу Арсенге өткөрүлүп берилди.
Кененирээк билүү >>
Бишкек аймактык шайлоо комиссиясынын курамына өзгөртүүлөр киргизилди
12-Ноя, 2026

Бишкек аймактык шайлоо комиссиясынын курамына өзгөртүүлөр киргизилди

Кыргыз Республикасынын Шайлоо жана референдум өткөрүү боюнча борбордук комиссиясы бүгүн, 12-ноябрда “Бишкек аймактык шайлоо комиссиясынын курамына өзгөртүүлөрдү киргизүү” жөнүндө токтом кабыл алды.Бишкек аймактык шайлоо комиссиясынын курамынан берген арызына ылайык Орозалиев Кылыч Жанарбекович (жергиликтүү өз алдынча башкаруунун өкүлчүлүктүү органынан) чыгарылып, комиссиянын курамына резервден Джумагулов Каныбек Калыбекович, Зарнаева Назгуль Жакшылыковна (жергиликтүү өз алдынча башкаруунун өкүлчүлүктүү органынан) киргизилди.
Кененирээк билүү >>