2021-жылдын 7-июнунда Баткен облусунун Кадамжай районунун Кадамжай, Айдаркен, Лейлек районунун Исфана шаарларынын жана облустун Баткен, Кызыл-Кыя, Сүлүктү шаарларынын мэрлерин шайлоо болуп өттү.
Кадамжай шаарынын мэринин кызмат ордуна 2 талапкер – «Өнүгүү-Прогресс», “Ынтымак”, “Ыйман Нуру” коалициясынан көрсөтүлгөн Бегалиев Бакытбек Турдалиевич, «Бүтүн Кыргызстан» фракциясынан көрсөтүлгөн Исаков Толкунбек Талипович катталган. Добуш берүүнүн жыйынтыгы боюнча Бегалиев Бакытбек Турдалиевич Кадамжай шаарынын мэри болуп шайланды. Ал үчүн Кадамжай шаардык кеңешинин 21 депутатынын 11и добуш беришти.
Айдаркен шаарынын мэринин кызмат ордуна 3 талапкер – «Өнүгүү-Прогресс», «Замандаш», «Жаңы-Доор» коалициясынан көрсөтүлгөн Айтемиров Муратбек Камчыбекович, «Ата Журт» фракциясынан көрсөтүлгөн Алиев Мурадил Жолдубаевич, «Ынтымак» фракциясынан көрсөтүлгөн Мурзажанов Алтынбек Саматович катталган. Добуш берүүнүн жыйынтыгы боюнча Мурзажанов Алтынбек Саматович Айдаркен шаарынын мэри болуп шайланды. Ал үчүн Айдаркен шаардык кеңешинин 21 депутатынын 11и добуш беришти. Добуш берүү 2 турда өттү.
Исфана шаарынын мэринин кызмат ордуна 3 талапкер – «Мурас», «Республика» жана «КЭДП» фракцияларынан көрсөтүлгөн Рысов Чынгыз Абжалилович, «Өнүгүү-Прогресс» фракциясынан көрсөтүлгөн Козубаев Ташполот Раимович, «Ынтымак» фракциясынан көрсөтүлгөн Тагаев Бактыбек Исманалиевич катталган. Добуш берүүнүн жыйынтыгы боюнча Рысов Чынгыз Абжалилович Исфана шаарынын мэри болуп шайланды. Ал үчүн Исфана шаардык кеңешинин 31 депутатынын 17си добуш беришти.
Баткен шаарынын мэринин кызмат ордуна 1 талапкер – «Ала-Тоо-Кыргыз Жери-Эмгек» коалициясынан көрсөтүлгөн Бурканов Имамназар Апызович катталган. Добуш берүүнүн жыйынтыгы боюнча Рысов Чынгыз Абжалилович Баткен шаарынын мэри болуп шайланды. Ал үчүн Баткен шаардык кеңешинин баардык 31 депутаты добуш беришти.
Кызыл-Кыя шаарынын мэринин кызмат ордуна 2 талапкер – «Ыйман нуру» фракциясынан көрсөтүлгөн Маткалыков Асилбек Жорбаевич, «КЭДП» фракциясынан көрсөтүлгөн Эрматов Абдимиталип Маматисаевич катталган. Добуш берүүнүн жыйынтыгы боюнча Маткалыков Асилбек Жорбаевич Кызыл-Кыя шаарынын мэри болуп шайланды. Ал үчүн Кызыл-Кыя шаардык кеңешинин 31 депутатынын 17си добуш беришти.
Сүлүктү шаарынын мэринин кызмат ордуна 3 талапкер – «Ынтымак» фракциясынан көрсөтүлгөн Исмаилов Каныбек Жоробаевич, «Ата-Журт Кыргызстан» фракциясынан көрсөтүлгөн Тагаев Мирлан Конурович, «Өнүгүү-Прогресс» коалициясынан көрсөтүлгөн Халбеков Абдысамат Диканбаевич катталган. Добуш берүүнүн жыйынтыгы боюнча Халбеков Абдысамат Диканбаевич Сүлүктү шаарынын мэри болуп шайланды. Ал үчүн Сүлүктү шаардык кеңешинин 31 депутатынын 16сы добуш беришти.
КР БШК аппаратынын маалымат бөлүмү
