Башкы Жаңылыктар 2-форма боюнча 496 239 жаран кайрылган

2-форма боюнча 496 239 жаран кайрылган

02-Окт, 2020

Бүгүн, 2020-жылдын 2-октябрында, Кыргыз Республикасынын Шайлоо жана референдум өткөрүү боюнча борбордук комиссиясынын төрагасы Н.К.Шайлдабекова тарабынан Кыргыз Республикасынын шайлоочулардын тизмесин түзүү жана актуалдаштыруу боюнча брифинг болуп өттү.

Шайлоо өнөктүгүнүн аяктагандыгына байланыштуу, добуш берүү күнүнө 10 күн калганда “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” конституциялык Мыйзамына ылайык түзүлгөн шайлоочулардын тизмеси боюнча түшүндүрмөлөр берилди.

Конституциялык Мыйзамга ылайык, шайлоочулардын алдын ала тизмеси добуш берүү күнүнө 80 күн калганда биометрикалык маалыматтарын тапшырган 18 жашка толгон жарандар жөнүндө Калктын бирдиктүү мамлекеттик реестринен маалыматтарды автоматтык түрдө жүктөө жолу менен түзүлөт. Тизме, Борбордук шайлоо комиссиясы бекиткен шайлоо участкаларынын чек араларын эске алуу менен түзүлөт.

Андан кийин, биометрикалык маалыматтарды тапшыргандар, жарандыгы жөнүндө маалыматтар, 18 жашка толгондор жөнүндө, камтылбай калган - жарандыктан чыккан маркум жөнүндө маалыматтар камтылган, калктын бирдиктүү мамлекеттик реестринен тизме толтурулганда, тизмелерде тактоо мезгили башталат. Шайлоочулардын тизмесине киргизилген маалыматтар Калктын бирдиктүү мамлекеттик реестринен жаңыртылып турат.

Шайлоочулардын тизмесине өзгөртүүлөр киргизилген экинчи булак - бул 1-формадагы (эгерде жаран өзүнүн маалыматын тактоону кааласа) жана 2-формадагы (эгер жарандар өзүнүн жашаган жеринде эмес, иштеген, окуган жеринде, ж.б. жерде добуш берүүнү кааласа) жана башкалар.

Кыргыз Республикасынын БШК участкалык шайлоо комиссияларынан келип түшкөн арыздардын негизинде, арыздарды карап чыккандан кийин, тиешелүү маалыматтарды шайлоочулардын бирдиктүү тизмесине киргизет. Бардык маалымат алмашуу же жаңыртуу «Түндүк» ведомстволор аралык маалымат алмашуу системасы аркылуу коопсуз форматта жүргүзүлөт. Шайлоочулардын тизмесинин көбөйүшү Калктын бирдиктүү мамлекеттик реестринен жаңыланган маалыматтарга байланыштуу.

Жаңыланууга ылайык, берилген маалыматтардын жана шайлоочулардан келип түшкөн арыздарды кароонун негизинде 2020-жылдын 24-сентябрына 3 523 554 жаранды камтыган акыркы тизме түзүлдү. Алдын ала жана акыркы тизмелердин айырмасы 94 511 жаранды түзгөн.

Шайлоочунун туруктуу жашаган жеринен башка шайлоо дареги боюнча добуш берүү ниетин билдирүү укугу, эл аралык алдыңкы тажрыйбага дал келет жана улуттук мыйзамдардагы прогрессивдүү ченем болуп саналат, анын жардамы менен, эркин жүрүү укугу ишке ашат.

2015-жылы 2-форма боюнча арыздарды кабыл алуу биринчи жолу колдонулган, кийинки 2015, 2017-жылкы шайлоолордо жарандардын 10% дан ашыгы бул укукту активдүү колдонушкан.

Учурда 2-форма боюнча 496 239 жаран кайрылган.

Ошол эле учурда, 2-форма менен

42 386 жаран - 2 же андан көп жолу,

32 504 жаран - 2 жолу,

5810 жаран - 3 жолу,

1967 жаран - 4 жолу,

872 жаран - 5 жолу,

3 жаран - 22 жолу кайрылган.

Берилген арыздардын жалпы статистикасынан 2-форма боюнча бир нече арыздарды алып салуунун натыйжасында, жер которгон шайлоочулардын саны 441 010 жаранды түздү.

6629 арыз бири-бирин кайталагандыгына байланыштуу же шайлоо участкаларында шайлоочулардын белгиленген санынан ашыкча болгондугу үчүн четке кагылды.

Ошол эле учурда, шайлоо дарегин өзгөртүү боюнча канча арыз берилгендигине карабастан, ар бир жаран шайлоочулардын акыркы тизмесине киргизилет. Бир нече арыз берген жарандар шайлоочулардын тизмесине акыркы берген дареги боюнча дагы киргизилет. Бул жарандар милдеттүү түрдө мурунку шайлоо дарегинен бошотулуп, бир гана жолу добуш бере алышат, б.а. шайлоо тизмесинде кайталанган жазуулар жок.

Мындан тышкары, быйылкы жылы КР БШК жаңы эрежени колдонду - шайлоо участкасында 1 жана 2-формаларын колдонуу менен арыз берген ар бир шайлоочунун биометрикалык идентификациялоосу болушу керек, бул шайлоочулардын тизмеси боюнча шайлоонун ачыктыгын жана ишенимдүүлүгүн жогорулатууга мүмкүндүк берет. Натыйжада, 519 миң жаран биометрикалык идентификациялоодон өттү.

Ошондой эле, быйыл шайлоочулардын электрондук кабинети аркылуу арыз берүү мүмкүнчүлүгү ишке ашырылып, жалпы электрондук кайрылуулардын саны 16152ди түздү. Анын ичинде, өзүнүн маалыматын тактоо үчүн - 20 адам, калгандары 2-форма боюнча. Ошол эле учурда шайлоочунун кабинети аркылуу 131 жаран 2 жолу, 1 жаран 3 жолу кайрылган.

КР БШК маалымат бөлүмү

Башка жаңылыктар

Бардык жаңылыктар
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20-Ноя, 2026

КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты

2026-жылдын 19-ноябрында Кыргыз Республикасынын Президентинин Чүй облусундагы ыйгарым укуктуу өкүлүнүн аппаратында 2027-жылдын 27-январына дайындалган Кыргыз Республикасынын Президентин шайлоого даярдык көрүү маселелери боюнча жумушчу жолугушуу болуп өттү.Жолугушууга КР БШК төрагаларынын орун басарлары Л. Лурова жана Р. Жакышов, БШКнын мүчөсү М. Темирбаева, ошондой эле Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Г. Кыштобаева катышып, иш-чараны биргеликте өткөрүштү.Жолугушууга жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана облустагы шайлоо комиссияларынын мүчөлөрү да катышты.Л. Лурова катышуучуларга облуста шайлоого даярдык көрүүнүн жүрүшү тууралуу маалымат берди. Ал календардык планда белгиленген иш-чараларды өз мөөнөтүндө аткарууга, шайлоо мыйзамдарынын талаптарын так сактоого, ошондой эле шайлоо комиссияларынын мамлекеттик органдар жана жергиликтүү өз алдынча башкаруу органдары менен натыйжалуу кызматташуусуна өзгөчө көңүл бурду.Р. Жакышов шайлоо мыйзамдарындагы өзгөртүүлөр, жарандардын Кыргыз Республикасынын Президентин шайлоого катышуусунун жаңы мүмкүнчүлүктөрү жана жаңыланган шайлоо технологиялары тууралуу маалымат берди.Ал эми майыптыгы бар шайлоочулардын жана жарандардын айрым категорияларынын шайлоо укуктарын өркүндөтүү жана ишке ашыруу боюнча жумушчу топтун жетекчиси М. Темирбаева шайлоо участкаларынын жеткиликтүүлүгүн камсыз кылуу боюнча көрүлүп жаткан чараларды тааныштырды.
Кененирээк билүү >>
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20-Ноя, 2026

КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү

Кыргыз Республикасынын Шайлоо жана референдум өткөрүү боюнча борбордук комиссиясы чет мамлекеттердин аймагында 74 шайлоо участогун түзүү жөнүндө чечим кабыл алды. Учурда шайлоо участокторун ачуу боюнча иштер улантылууда.Мындай чечим 2027-жылдын 27-январына белгиленген Кыргыз Республикасынын Президентин кезектеги шайлоодо чет өлкөлөрдө жашап же жүргөн Кыргыз Республикасынын жарандарынын шайлоо укуктарын камсыз кылуу максатында кабыл алынды.Азыркы учурда алардын эң көбү - 20 шайлоо участогу Россия Федерациясында түзүлдү. Түркия жана Казакстанда 6дан, АКШда 5 шайлоо участогу ачылды.Корея Республикасында жана Италияда 3төн шайлоо участогу иштейт. Өзбекстанда, Германияда, Кытайда жана Бириккен Араб Эмираттарында 2ден шайлоо участогу түзүлдү.Калган 23 шайлоо участогу башка өлкөлөрдө, анын ичинде Австрияда, Чехияда, Словакияда, Польшада, Улуу Британияда, Беларуссияда, Литвада, Венгрияда, Бельгияда, Францияда, Швейцарияда, Сауд Арабиясында, Кувейтте, Катарда, Египетте, Азербайжанда, Тажикстанда, Түркмөнстанда, Малайзияда, Пакистанда, Индияда, Японияда жана Монголияда уюштурулду.Ошентип, бүгүнкү күнгө карата 33 мамлекетте шайлоо участоктору түзүлдү.Добуш берүү күнүнө чейин чет өлкөлөрдө кошумча шайлоо участокторун ачуу пландаштырылууда. Алардын саны жана даректери тууралуу маалымат кошумча жарыяланат.Түзүлгөн шайлоо участокторунун актуалдуу тизмеси жана алардын даректери менен бул жерден таанышууга болот:
Кененирээк билүү >>
КР БШКсы Президенттин кызмат ордуна талапкердин ыйгарым укуктуу өкүлүн каттады
20-Ноя, 2026

КР БШКсы Президенттин кызмат ордуна талапкердин ыйгарым укуктуу өкүлүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүнкү жыйынында Кыргыз Республикасынын Президентинин кызмат ордуна талапкер Масалиев Исхак Абсаматовичтин ыйгарым укуктуу өкүлүн каттады.Айдакеева Бегимай Кувандыковна Масалиев Исхак Абсаматовичтин финансылык маселелер боюнча ыйгарым укуктуу өкүлү болуп катталды.Белгилей кетсек, талапкердин ыйгарым укуктуу өкүлүнө белгиленген үлгүдөгү каттоо күбөлүгү берилет.
Кененирээк билүү >>
КР БШКсы "Сезим" фондунан коомдук байкоочуну каттады
20-Ноя, 2026

КР БШКсы "Сезим" фондунан коомдук байкоочуну каттады

Кыргыз Республикасынын Борбордук шайлоо комиссиясы бүгүн, 20-ноябрда «Сезим» майыптыгы бар адамдардын коомдук фондунан коомдук байкоочуну каттоо жөнүндө чечим кабыл алды.Борбордук шайлоо комиссиясына «Сезим» майыптыгы бар адамдардын коомдук фондунан 2026-жылдын 16-ноябрында келип түшкөн билдирүүнүн негизинде Майнаев Камилжан Кыргыз Республикасынын Президентин шайлоого даярдык көрүү жана өткөрүү мезгилинде Ош облусунун аймагындагы бардык шайлоо комиссияларында коомдук байкоочу болуп катталды.Катталган коомдук байкоочуга белгиленген үлгүдөгү күбөлүк берилет.
Кененирээк билүү >>